Kathopanishad - Chapter 2, Valli 3
Vedic · Traditional devotional text
অধ্য়ায় 2 বল্লী 3
ঊর্ধ্বমূলোঽবাক্শাখ এষোঽশ্বত্থঃ সনাতনঃ। তদেব শুক্রং তদ্ ব্রহ্ম তদেবামৃতমুচ্যতে। তস্মিংল্লোঁকাঃ শ্রিতাঃ সর্বে তদু নাত্য়েতি কশ্চন। এতদ্বৈ তত্ ॥1॥
যদিদং কিং চ জগত্সর্বং প্রাণ এজতি নিঃসৃতম্। মহদ্ ভয়ং-বঁজ্রমুদ্যতং-য়ঁ এতদ্বিদুরমৃতাস্তে ভবংতি ॥2॥
ভয়াদস্য়াগ্নিস্তপতি ভয়াত্তপতি সূর্য়ঃ। ভয়াদিংদ্রশ্চ বায়ুশ্চ মৃত্য়ুর্ধাবতি পংচমঃ ॥3॥
ইহ চেদশকদ্বোদ্ধুং প্রাক্ শরীরস্য় বিস্রসঃ। ততঃ সর্গেষু লোকেষু শরীরত্বায় কল্পতে ॥4॥
যথাঽঽদর্শে তথাঽঽত্মনি যথা স্বপ্নে তথা পিতৃলোকে। যথাঽপ্সু পরীব দদৃশে তথা গংধর্বলোকে ছায়াতপয়োরিব ব্রহ্মলোকে ॥5॥
ইংদ্রিয়াণাং পৃথগ্ভাবমুদয়াস্তময়ৌ চ যত্। পৃথগুত্পদ্যমানানাং মত্বা ধীরো ন শোচতি ॥6॥
ইংদ্রিয়েভ্য়ঃ পরং মনো মনসঃ সত্ত্বমুত্তমম্। সত্ত্বাদধি মহানাত্মা মহতোঽব্যক্তমুত্তমম্ ॥7॥
অব্যক্তাত্তু পরঃ পুরুষো ব্য়াপকোঽলিংগ এব চ। যং জ্ঞাত্বা মুচ্যতে জংতুরমৃতত্বং চ গচ্ছতি ॥8॥
ন সংদৃশে তিষ্ঠতি রূপমস্য় ন চক্ষুষা পশ্যতি কশ্চনৈনম্। হৃদা মনীষা মনসাঽভিক্লৃপ্তো য এতদ্বিদুরমৃতাস্তে ভবংতি ॥9॥
যদা পংচাবতিষ্ঠংতে জ্ঞানানি মনসা সহ। বুদ্ধিশ্চ ন বিচেষ্টতে তামাহুঃ পরমাং গতিম্ ॥10॥
তাং-য়োঁগমিতি মন্য়ংতে স্থিরামিংদ্রিযধারণাম্। অপ্রমত্তস্তদা ভবতি যোগো হি প্রভবাপ্যয়ৌ ॥11॥
নৈব বাচা ন মনসা প্রাপ্তুং শক্য়ো ন চক্ষুষা। অস্তীতি ব্রুবতোঽন্যত্র কথং তদুপলভ্যতে ॥12॥
অস্তীত্য়েবোপলব্ধব্যস্তত্ত্বভাবেন চোভয়োঃ। অস্তীত্য়েবোপলব্ধস্য় তত্ত্বভাবঃ প্রসীদতি ॥13॥
যদা সর্বে প্রমুচ্য়ংতে কামা যেঽস্য় হৃদি শ্রিতাঃ। অথ মর্ত্য়োঽমৃতো ভবত্যত্র ব্রহ্ম সমশ্নুতে ॥14॥
যথা সর্বে প্রভিদ্য়ংতে হৃদযস্য়েহ গ্রংথয়ঃ। অথ মর্ত্য়োঽমৃতো ভবত্য়েতাবদ্ধ্যনুশাসনম্ ॥15॥
শতং চৈকা চ হৃদযস্য় নাড্যস্তাসাং মূর্ধানমভিনিঃসৃতৈকা। তয়োর্ধ্বমাযন্নমৃতত্বমেতি বিশ্বঙ্ঙন্য়া উত্ক্রমণে ভবংতি ॥16॥
অংগুষ্ঠমাত্রঃ পুরুষোঽংতরাত্মা সদা জনানাং হৃদয়ে সংনিবিষ্টঃ। তং স্বাচ্ছরীরাত্প্রবৃহেন্মুংজাদিবেষীকাং ধৈর্য়েণ। তং-বিঁদ্য়াচ্ছুক্রমমৃতং তং-বিঁদ্য়াচ্ছুক্রমমৃতমিতি ॥17॥
মৃত্য়ুপ্রোক্তাং নচিকেতোঽথ লব্ধ্বা বিদ্য়ামেতাং-য়োঁগবিধিং চ কৃত্স্নম্। ব্রহ্মপ্রাপ্তো বিরজোঽভূদ্বিমৃত্য়ু রন্য়োঽপ্য়েবং-য়োঁ বিদধ্য়াত্মমেব ॥18॥
About Kathopanishad - Chapter 2, Valli 3
This is the last section of the Katha Upanishad (chapter 2, valli 3), where Yama completes his teaching to Nachiketa. It opens with the eternal ashvattha tree, roots above and branches below, which is Brahman, the immortal; from fear of it fire burns, the sun shines and wind blows. It defines yoga as the firm holding of the senses, when the five senses and the mind are still and the intellect does not waver, and says that when all the desires of the heart fall away, the mortal becomes immortal. It ends: Nachiketa, having received this knowledge, attained Brahman.
Source: Krishna Yajurveda, Katha Upanishad 2.3
When to chant: In Upanishad study and Vedic chanting.
Did you know?
- Its image of the inverted ashvattha tree is taken up again in chapter 15 of the Bhagavad Gita.
- Verse 11 gives one of the earliest definitions of yoga: "the firm control of the senses".
Frequently asked questions
Who teaches Nachiketa?
Yama, the god of death.
What is the ashvattha tree?
The eternal tree of the world, roots above, branches below.
How does the Upanishad end?
With Nachiketa attaining Brahman.
Offered for worship and study, not as prediction. Non-commercial.