MuhurtaNow

KYTS 1.1 Ishe Tvorje Tva - Krishna Yajurveda Taittiriya Samhita Patha

Kanda 1 - Krishna Yajurveda Taittiriya Samhita · Traditional devotional text

ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ಪ್ರಥಮಃ ಪ್ರಶ್ನಃ - ದರ್ಶಪೂರ್ಣಮಾಸೌ

ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ, ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥

ಇ॒ಷೇ ತ್ವೋ॒ರ್ಜೇ ತ್ವಾ॑ ವಾ॒ಯವ॑-ಸ್ಸ್ಥೋಪಾ॒ಯವ॑-ಸ್ಸ್ಥ ದೇ॒ವೋ ವ॑-ಸ್ಸವಿ॒ತಾ ಪ್ರಾರ್ಪ॑ಯತು॒ ಶ್ರೇಷ್ಠ॑ತಮಾಯ॒ ಕರ್ಮ॑ಣ॒ ಆ ಪ್ಯಾ॑ಯದ್ಧ್ವಮಘ್ನಿಯಾ ದೇವಭಾ॒ಗ-ಮೂರ್ಜ॑ಸ್ವತೀಃ॒ ಪಯ॑ಸ್ವತೀಃ ಪ್ರ॒ಜಾವ॑ತೀ-ರನಮೀ॒ವಾ ಅ॑ಯ॒ಖ್ಷ್ಮಾ ಮಾ ವ॑-ಸ್ಸ್ತೇ॒ನ ಈ॑ಶತ॒ ಮಾ-ಽಘಶಗ್ಂ॑ಸೋ ರು॒ದ್ರಸ್ಯ॑ ಹೇ॒ತಿಃ ಪರಿ॑ ವೋ ವೃಣಕ್ತು ಧ್ರು॒ವಾ ಅ॒ಸ್ಮಿ-ನ್ಗೋಪ॑ತೌ ಸ್ಯಾತ ಬ॒ಹ್ವೀ-ರ್ಯಜ॑ಮಾನಸ್ಯ ಪ॒ಶೂ-ನ್ಪಾ॑ಹಿ ॥ 1 ॥ (ಇ॒ಷೇ - ತ್ರಿಚ॑ತ್ವಾರಿಗ್ಂಶತ್ ) (ಅ. 1)

ಯ॒ಜ್ಞಸ್ಯ॑ ಘೋ॒ಷದ॑ಸಿ॒ ಪ್ರತ್ಯು॑ಷ್ಟ॒ಗ್ಂ॒ ರಖ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯಃ॒ ಪ್ರೇಯ-ಮ॑ಗಾದ್ಧಿ॒ಷಣಾ॑ ಬ॒ರ್॒ಹಿರಚ್ಛ॒ ಮನು॑ನಾ ಕೃ॒ತಾ ಸ್ವ॒ಧಯಾ॒ ವಿತ॑ಷ್ಟಾ॒ ತ ಆ ವ॑ಹನ್ತಿ ಕ॒ವಯಃ॑ ಪು॒ರಸ್ತಾ᳚-ದ್ದೇ॒ವೇಭ್ಯೋ॒ ಜುಷ್ಟ॑ಮಿ॒ಹ ಬ॒ರ್॒ಹಿ-ರಾ॒ಸದೇ॑ ದೇ॒ವಾನಾ᳚-ಮ್ಪರಿಷೂ॒ತಮ॑ಸಿ ವ॒ರ್॒ಷವೃ॑ದ್ಧಮಸಿ॒ ದೇವ॑ಬರ್ಹಿ॒ರ್ಮಾ ತ್ವಾ-ಽ॒ನ್ವ-ಮ್ಮಾ ತಿ॒ರ್ಯ-ಕ್ಪರ್ವ॑ ತೇ ರಾದ್ಧ್ಯಾಸಮಾಚ್ಛೇ॒ತ್ತಾ ತೇ॒ ಮಾ ರಿ॑ಷ॒-ನ್ದೇವ॑ಬರ್ಹಿ-ಶ್ಶ॒ತವ॑ಲ್ಶಂ॒-ವಿಁ ರೋ॑ಹ ಸ॒ಹಸ್ರ॑ವಲ್ಶಾ॒ [ಸ॒ಹಸ್ರ॑ವಲ್ಶಾಃ, ವಿ ವ॒ಯಗ್ಂ ರು॑ಹೇಮ] 2

ವಿ ವ॒ಯಗ್ಂ ರು॑ಹೇಮ ಪೃಥಿ॒ವ್ಯಾ-ಸ್ಸ॒ಮ್ಪೃಚಃ॑ ಪಾಹಿ ಸುಸ॒ಮ್ಭೃತಾ᳚ ತ್ವಾ॒ ಸಮ್ಭ॑ರಾ॒ಮ್ಯದಿ॑ತ್ಯೈ॒ ರಾಸ್ನಾ॑-ಽಸೀನ್ದ್ರಾ॒ಣ್ಯೈ ಸ॒ನ್ನಹ॑ನ-ಮ್ಪೂ॒ಷಾ ತೇ᳚ ಗ್ರ॒ನ್ಥಿ-ಙ್ಗ್ರ॑ಥ್ನಾತು॒ ಸ ತೇ॒ ಮಾ-ಽಽ ಸ್ಥಾ॒ದಿನ್ದ್ರ॑ಸ್ಯ ತ್ವಾ ಬಾ॒ಹುಭ್ಯಾ॒ಮುದ್ಯ॑ಚ್ಛೇ॒ ಬೃಹ॒ಸ್ಪತೇ᳚-ರ್ಮೂ॒ರ್ಧ್ನಾ ಹ॑ರಾಮ್ಯು॒ರ್ವ॑ನ್ತರಿ॑ಖ್ಷ॒ಮನ್ವಿ॑ಹಿ ದೇವಙ್ಗ॒ಮಮ॑ಸಿ ॥ 3 ॥ (ಸ॒ಹಸ್ರ॑ವಲ್ಶಾ - ಅ॒ಷ್ಟಾತ್ರಿಗ್ಂ॑ಶಚ್ಚ) (ಅ. 2)

ಶುನ್ಧ॑ದ್ಧ್ವ॒-ನ್ದೈವ್ಯಾ॑ಯ॒ ಕರ್ಮ॑ಣೇ ದೇವಯ॒ಜ್ಯಾಯೈ॑ ಮಾತ॒ರಿಶ್ವ॑ನೋ ಘ॒ರ್ಮೋ॑-ಽಸಿ॒ ದ್ಯೌರ॑ಸಿ ಪೃಥಿ॒ವ್ಯ॑ಸಿ ವಿ॒ಶ್ವಧಾ॑ಯಾ ಅಸಿ ಪರ॒ಮೇಣ॒ ಧಾಮ್ನಾ॒ ದೃಗ್ಂಹ॑ಸ್ವ॒ ಮಾ ಹ್ವಾ॒-ರ್ವಸೂ॑ನಾ-ಮ್ಪ॒ವಿತ್ರ॑ಮಸಿ ಶ॒ತಧಾ॑ರಂ॒-ವಁಸೂ॑ನಾ-ಮ್ಪ॒ವಿತ್ರ॑ಮಸಿ ಸ॒ಹಸ್ರ॑ಧಾರಗ್ಂ ಹು॒ತ-ಸ್ಸ್ತೋ॒ಕೋಹು॒ತೋ ದ್ರ॒ಫ್ಸೋ᳚ ಽಗ್ನಯೇ॑ ಬೃಹ॒ತೇ ನಾಕಾ॑ಯ॒ ಸ್ವಾಹಾ॒ ದ್ಯಾವಾ॑ಪೃಥಿ॒ವೀಭ್ಯಾ॒ಗ್ಂ॒ ಸಾ ವಿ॒ಶ್ವಾಯು॒-ಸ್ಸಾ ವಿ॒ಶ್ವವ್ಯ॑ಚಾ॒-ಸ್ಸಾ ವಿ॒ಶ್ವಕ॑ರ್ಮಾ॒ ಸ-ಮ್ಪೃ॑ಚ್ಯದ್ಧ್ವ-ಮೃತಾವರೀ-ರೂ॒ರ್ಮಿಣೀ॒ರ್ಮಧು॑ಮತ್ತಮಾ ಮ॒ನ್ದ್ರಾ ಧನ॑ಸ್ಯ ಸಾ॒ತಯೇ॒ ಸೋಮೇ॑ನ॒ ತ್ವಾ-ಽಽತ॑ನ॒ಚ್ಮೀನ್ದ್ರಾ॑ಯ॒ ದಧಿ॒ ವಿಷ್ಣೋ॑ ಹ॒ವ್ಯಗ್ಂ ರ॑ಖ್ಷಸ್ವ ॥ 4 ॥ (ಸೋಮೇ॑ - ನಾ॒ಷ್ಟೌ ಚ॑) (ಅ. 3)

ಕರ್ಮ॑ಣೇ ವಾ-ನ್ದೇ॒ವೇಭ್ಯ॑-ಶ್ಶಕೇಯಂ॒-ವೇಁಷಾ॑ಯ ತ್ವಾ॒ ಪ್ರತ್ಯು॑ಷ್ಟ॒ಗ್ಂ॒ ರಖ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯೋ॒ ಧೂರ॑ಸಿ॒ ಧೂರ್ವ॒ ಧೂರ್ವ॑ನ್ತ॒-ನ್ಧೂರ್ವ॒ ತಂ-ಯೋಁ᳚-ಽಸ್ಮಾ-ನ್ಧೂರ್ವ॑ತಿ॒ ತ-ನ್ಧೂ᳚ರ್ವ॒ಯಂ-ವಁ॒ಯ-ನ್ಧೂರ್ವಾ॑ಮ॒ಸ್ತ್ವ-ನ್ದೇ॒ವಾನಾ॑ಮಸಿ॒ ಸಸ್ನಿ॑ತಮ॒-ಮ್ಪಪ್ರಿ॑ತಮ॒-ಞ್ಜುಷ್ಟ॑ತಮಂ॒-ವಁಹ್ನಿ॑ತಮ-ನ್ದೇವ॒ಹೂತ॑ಮ॒-ಮಹ್ರು॑ತಮಸಿ ಹವಿ॒ರ್ಧಾನ॒-ನ್ದೃಗ್ಂಹ॑ಸ್ವ॒ ಮಾ ಹ್ವಾ᳚-ರ್ಮಿ॒ತ್ರಸ್ಯ॑ ತ್ವಾ॒ ಚಖ್ಷು॑ಷಾ॒ ಪ್ರೇಖ್ಷೇ॒ ಮಾ ಭೇರ್ಮಾ ಸಂ-ವಿಁ॑ಕ್ಥಾ॒ ಮಾ ತ್ವಾ॑ - [ಮಾ ತ್ವಾ᳚, ಹಿ॒ಗ್ಂ॒ಸಿ॒ಷ॒ಮು॒ರು] 5

ಹಿಗ್ಂಸಿಷಮು॒ರು ವಾತಾ॑ಯ ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚-ಽಶ್ವಿನೋ᳚-ರ್ಬಾ॒ಹುಭ್ಯಾ᳚-ಮ್ಪೂ॒ಷ್ಣೋ ಹಸ್ತಾ᳚ಭ್ಯಾ-ಮ॒ಗ್ನಯೇ॒ ಜುಷ್ಟ॒-ನ್ನಿರ್ವ॑ಪಾಮ್ಯ॒ಗ್ನೀಷೋಮಾ᳚ಭ್ಯಾ-ಮಿ॒ದ-ನ್ದೇ॒ವಾನಾ॑ಮಿ॒ದಮು॑ ನ-ಸ್ಸ॒ಹ ಸ್ಫಾ॒ತ್ಯೈ ತ್ವಾ॒ ನಾರಾ᳚ತ್ಯೈ॒ ಸುವ॑ರ॒ಭಿ ವಿ ಖ್ಯೇ॑ಷಂ-ವೈಁಶ್ವಾನ॒ರ-ಞ್ಜ್ಯೋತಿ॒-ರ್ದೃಗ್ಂಹ॑ನ್ತಾ॒-ನ್ದುರ್ಯಾ॒ ದ್ಯಾವಾ॑ಪೃಥಿ॒ವ್ಯೋ- ರು॒ರ್ವ॑ನ್ತರಿ॑ಖ್ಷ॒ ಮನ್ವಿ॒-ಹ್ಯದಿ॑ತ್ಯಾ ಸ್ತ್ವೋ॒ಪಸ್ಥೇ॑ ಸಾದಯಾ॒ಮ್ಯಗ್ನೇ॑ ಹ॒ವ್ಯಗ್ಂ ರ॑ಖ್ಷಸ್ವ ॥ 6 ॥ ( ಮಾ ತ್ವಾ॒ - ಷಟ್ಚ॑ತ್ವಾರಿಗ್ಂಶಚ್ಚ ) (ಅ. 4)

ದೇ॒ವೋ ವ॑-ಸ್ಸವಿ॒ತೋ-ತ್ಪು॑ನಾ॒ತ್ವಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒-ಸ್ಸೂರ್ಯ॑ಸ್ಯ ರ॒ಶ್ಮಿಭಿ॒ರಾಪೋ॑ ದೇವೀರಗ್ರೇಪುವೋ ಅಗ್ರೇಗು॒ವೋ-ಽಗ್ರ॑ ಇ॒ಮಂ-ಯಁ॒ಜ್ಞ-ನ್ನ॑ಯ॒ತಾಗ್ರೇ॑ ಯ॒ಜ್ಞಪ॑ತಿ-ನ್ಧತ್ತ ಯು॒ಷ್ಮಾನಿನ್ದ್ರೋ॑ ಽವೃಣೀತ ವೃತ್ರ॒ತೂರ್ಯೇ॑ ಯೂ॒ಯಮಿನ್ದ್ರ॑-ಮವೃಣೀದ್ಧ್ವಂ-ವೃಁತ್ರ॒ತೂರ್ಯೇ॒ ಪ್ರೋಖ್ಷಿ॑ತಾ-ಸ್ಸ್ಥಾ॒ಗ್ನಯೇ॑ ವೋ॒ ಜುಷ್ಟ॒-ಮ್ಪ್ರೋಖ್ಷಾ᳚ಮ್ಯ॒ಗ್ನೀಷೋಮಾ᳚ಭ್ಯಾ॒ಗ್ಂ॒ ಶುನ್ಧ॑ದ್ಧ್ವ॒-ನ್ದೈವ್ಯಾ॑ಯ॒ ಕರ್ಮ॑ಣೇ ದೇವಯ॒ಜ್ಯಾಯಾ॒ ಅವ॑ಧೂತ॒ಗ್ಂ॒ ರಖ್ಷೋ-ಽವ॑ಧೂತಾ॒ ಅರಾ॑ತ॒ಯೋ-ಽದಿ॑ತ್ಯಾ॒ಸ್ತ್ವಗ॑ಸಿ॒ ಪ್ರತಿ॑ ತ್ವಾ - [ಪ್ರತಿ॑ ತ್ವಾ, ಪೃ॒ಥಿ॒ವೀ ವೇ᳚ತ್ತ್ವಧಿ॒ಷವ॑ಣಮಸಿ] 7

ಪೃಥಿ॒ವೀ ವೇ᳚ತ್ತ್ವಧಿ॒ಷವ॑ಣಮಸಿ ವಾನಸ್ಪ॒ತ್ಯ-ಮ್ಪ್ರತಿ॒ ತ್ವಾ-ಽದಿ॑ತ್ಯಾ॒ಸ್ತ್ವಗ್ವೇ᳚ತ್ತ್ವ॒ಗ್ನೇಸ್ತ॒ನೂರ॑ಸಿ ವಾ॒ಚೋ ವಿ॒ಸರ್ಜ॑ನ-ನ್ದೇ॒ವವೀ॑ತಯೇ ತ್ವಾ ಗೃಹ್ಣಾ॒ಮ್ಯದ್ರಿ॑ರಸಿ ವಾನಸ್ಪ॒ತ್ಯ-ಸ್ಸ ಇ॒ದ-ನ್ದೇ॒ವೇಭ್ಯೋ॑ ಹ॒ವ್ಯಗ್ಂ ಸು॒ಶಮಿ॑ ಶಮಿ॒ಷ್ವೇಷ॒ಮಾ ವ॒ದೋರ್ಜ॒ಮಾ ವ॑ದ ದ್ಯು॒ಮದ್ವ॑ದತ ವ॒ಯಗ್ಂ ಸ॑ಙ್ಘಾ॒ತ-ಞ್ಜೇ᳚ಷ್ಮ ವ॒ರ್॒ಷವೃ॑ದ್ಧಮಸಿ॒ ಪ್ರತಿ॑ ತ್ವಾ ವ॒ರ್॒ಷವೃ॑ದ್ಧಂ-ವೇಁತ್ತು॒ ಪರಾ॑ಪೂತ॒ಗ್ಂ॒ ರಖ್ಷಃ॒ ಪರಾ॑ಪೂತಾ॒ ಅರಾ॑ತಯೋ॒ ರಖ್ಷ॑ಸಾ-ಮ್ಭಾ॒ಗೋ॑ ಽಸಿ ವಾ॒ಯುರ್ವೋ॒ ವಿ ವಿ॑ನಕ್ತು ದೇ॒ವೋ ವ॑-ಸ್ಸವಿ॒ತಾ ಹಿರ॑ಣ್ಯಪಾಣಿಃ॒ ಪ್ರತಿ॑ ಗೃಹ್ಣಾತು ॥ 8 ॥ ( ತ್ವಾ॒ - ಭಾ॒ಗ - ಏಕಾ॑ದಶ ಚ ) (ಅ. 5)

ಅವ॑ಧೂತ॒ಗ್ಂ॒ ರಖ್ಷೋ-ಽವ॑ಧೂತಾ॒ ಅರಾ॑ತ॒ಯೋ-ಽದಿ॑ತ್ಯಾ॒ಸ್ತ್ವಗ॑ಸಿ॒ ಪ್ರತಿ॑ ತ್ವಾ ಪೃಥಿ॒ವೀವೇ᳚ತ್ತು ದಿ॒ವ-ಸ್ಸ್ಕ॑ಮ್ಭ॒ನಿರ॑ಸಿ॒ ಪ್ರತಿ॒ ತ್ವಾ-ಽದಿ॑ತ್ಯಾ॒ಸ್ತ್ವಗ್ವೇ᳚ತ್ತು ಧಿ॒ಷಣಾ॑-ಽಸಿ ಪರ್ವ॒ತ್ಯಾ ಪ್ರತಿ॑ ತ್ವಾ ದಿ॒ವ-ಸ್ಸ್ಕ॑ಮ್ಭ॒ನಿರ್ವೇ᳚ತ್ತು ಧಿ॒ಷಣಾ॑-ಽಸಿ ಪಾರ್ವತೇ॒ಯೀ ಪ್ರತಿ॑ ತ್ವಾ ಪರ್ವ॒ತಿರ್ವೇ᳚ತ್ತು ದೇ॒ವಸ್ಯ॑ ತ್ವಾ ಸವಿ॒ತುಃ ಪ್ರ॑ಸ॒ವೇ᳚-ಽಶ್ವಿನೋ᳚-ರ್ಬಾ॒ಹುಭ್ಯಾ᳚-ಮ್ಪೂ॒ಷ್ಣೋಹಸ್ತಾ᳚ಭ್ಯಾ॒ಮಧಿ॑ ವಪಾಮಿಧಾ॒ನ್ಯ॑ಮಸಿ ಧಿನು॒ಹಿ ದೇ॒ವಾ-ನ್ಪ್ರಾ॒ಣಾಯ॑ ತ್ವಾ ಽಪಾ॒ನಾಯ॑ ತ್ವಾ ವ್ಯಾ॒ನಾಯ॑ ತ್ವಾ ದೀ॒ರ್ಘಾಮನು॒ ಪ್ರಸಿ॑ತಿ॒ಮಾಯು॑ಷೇಧಾ-ನ್ದೇ॒ವೋ ವ॑-ಸ್ಸವಿ॒ತಾ ಹಿರ॑ಣ್ಯಪಾಣಿಃ॒ ಪ್ರತಿ॑ ಗೃಹ್ಣಾತು ॥ 9 ॥ (ಪ್ರಾ॒ಣಾಯ॑ ತ್ವಾ॒ - ಪಞ್ಚ॑ದಶ ಚ) (ಅ. 6)

ಧೃಷ್ಟಿ॑ರಸಿ॒ ಬ್ರಹ್ಮ॑ ಯ॒ಚ್ಛಾಪಾ᳚ಗ್ನೇ॒ ಽಗ್ನಿಮಾ॒ಮಾದ॑-ಞ್ಜಹಿ॒ ನಿಷ್ಕ್ರ॒ವ್ಯಾದಗ್ಂ॑ ಸೇ॒ಧಾ-ಽಽದೇ॑ವ॒ಯಜಂ॑-ವಁಹ॒ ನಿರ್ದ॑ಗ್ಧ॒ಗ್ಂ॒ ರಖ್ಷೋ॒ ನಿರ್ದ॑ಗ್ಧಾ॒ ಅರಾ॑ತಯೋ ಧ್ರು॒ವಮ॑ಸಿ ಪೃಥಿ॒ವೀ-ನ್ದೃ॒ಗ್ಂ॒ಹಾ-ಽಽಯು॑-ರ್ದೃಗ್ಂಹ ಪ್ರ॒ಜಾ-ನ್ದೃಗ್ಂ॑ಹ ಸಜಾ॒ತಾನ॒ಸ್ಮೈ ಯಜ॑ಮಾನಾಯ॒ ಪರ್ಯೂ॑ಹ ಧ॒ರ್ತ್ರಮ॑ಸ್ಯ॒ನ್ತರಿ॑ಖ್ಷ-ನ್ದೃಗ್ಂಹ ಪ್ರಾ॒ಣ-ನ್ದೃಗ್ಂ॑ಹಾಪಾ॒ನ-ನ್ದೃಗ್ಂ॑ಹ ಸಜಾ॒ತಾನ॒ಸ್ಮೈ ಯಜ॑ಮಾನಾಯ॒ ಪರ್ಯೂ॑ಹ ಧ॒ರುಣ॑ಮಸಿ॒ ದಿವ॑-ನ್ದೃಗ್ಂಹ॒ ಚಖ್ಷು॑- [ಚಖ್ಷುಃ॑, ದೃ॒ಗ್ಂ॒ಹ॒ ಶ್ರೋತ್ರ॑-ನ್ದೃಗ್ಂಹ] 10

ರ್ದೃಗ್ಂಹ॒ ಶ್ರೋತ್ರ॑-ನ್ದೃಗ್ಂಹ ಸಜಾ॒ತಾನ॒ಸ್ಮೈ ಯಜ॑ಮಾನಾಯ॒ ಪರ್ಯೂ॑ಹ॒ ಧರ್ಮಾ॑ಸಿ॒ ದಿಶೋ॑ ದೃಗ್ಂಹ॒ ಯೋನಿ॑-ನ್ದೃಗ್ಂಹ ಪ್ರ॒ಜಾ-ನ್ದೃಗ್ಂ॑ಹ ಸಜಾ॒ತಾನ॒ಸ್ಮೈ ಯಜ॑ಮಾನಾಯ॒ ಪರ್ಯೂ॑ಹ॒ ಚಿತ॑-ಸ್ಸ್ಥ ಪ್ರ॒ಜಾಮ॒ಸ್ಮೈ ರ॒ಯಿಮ॒ಸ್ಮೈ ಸ॑ಜಾ॒ತಾನ॒ಸ್ಮೈ ಯಜ॑ಮಾನಾಯ॒ ಪರ್ಯೂ॑ಹ॒ ಭೃಗೂ॑ಣಾ॒ಮಙ್ಗಿ॑ರಸಾ॒-ನ್ತಪ॑ಸಾ ತಪ್ಯದ್ಧ್ವಂ॒-ಯಾಁನಿ॑ ಘ॒ರ್ಮೇ ಕ॒ಪಾಲಾ᳚ನ್ಯುಪಚಿ॒ನ್ವನ್ತಿ॑ ವೇ॒ಧಸಃ॑ । ಪೂ॒ಷ್ಣಸ್ತಾನ್ಯಪಿ॑ ವ್ರ॒ತ ಇ॑ನ್ದ್ರವಾ॒ಯೂ ವಿ ಮು॑ಞ್ಚತಾಮ್ ॥ 11 ॥ (ಚಖ್ಷು॑ - ರ॒ಷ್ಟಾಚ॑ತ್ವಾರಿಗ್ಂಶಚ್ಚ) (ಅ. 7)

ಸಂ-ವಁ॑ಪಾಮಿ॒ ಸಮಾಪೋ॑ ಅ॒ದ್ಭಿರ॑ಗ್ಮತ॒ ಸಮೋಷ॑ಧಯೋ॒ ರಸೇ॑ನ॒ ಸಗ್ಂ ರೇ॒ವತೀ॒-ರ್ಜಗ॑ತೀಭಿ॒-ರ್ಮಧು॑ಮತೀ॒-ರ್ಮಧು॑ಮತೀಭಿ-ಸ್ಸೃಜ್ಯದ್ಧ್ವಮ॒ದ್ಭ್ಯಃ ಪರಿ॒ ಪ್ರಜಾ॑ತಾ-ಸ್ಸ್ಥ॒ ಸಮ॒ದ್ಭಿಃ ಪೃ॑ಚ್ಯದ್ಧ್ವ॒-ಞ್ಜನ॑ಯತ್ಯೈ ತ್ವಾ॒ ಸಂ-ಯೌಁ᳚ಮ್ಯ॒ಗ್ನಯೇ᳚ ತ್ವಾ॒-ಽಗ್ನೀಷೋಮಾ᳚ಭ್ಯಾ-ಮ್ಮ॒ಖಸ್ಯ॒ ಶಿರೋ॑-ಽಸಿ ಘ॒ರ್ಮೋ॑-ಽಸಿ ವಿ॒ಶ್ವಾಯು॑ರು॒ರು ಪ್ರ॑ಥಸ್ವೋ॒ರು ತೇ॑ ಯ॒ಜ್ಞಪ॑ತಿಃ ಪ್ರಥತಾ॒-ನ್ತ್ವಚ॑-ಙ್ಗೃಹ್ಣೀಷ್ವಾ॒ನ್ತರಿ॑ತ॒ಗ್ಂ॒ ರಖ್ಷೋ॒-ಽನ್ತರಿ॑ತಾ॒ ಅರಾ॑ತಯೋದೇ॒ವಸ್ತ್ವಾ॑ ಸವಿ॒ತಾ ಶ್ರ॑ಪಯತು॒ ವರ್ಷಿ॑ಷ್ಠೇ॒ ಅಧಿ॒ ನಾಕೇ॒-ಽಗ್ನಿಸ್ತೇ॑ ತ॒ನುವ॒-ಮ್ಮಾ-ಽತಿ॑ ಧಾ॒ಗಗ್ನೇ॑ ಹ॒ವ್ಯಗ್ಂ ರ॑ಖ್ಷಸ್ವ॒ ಸ-ಮ್ಬ್ರಹ್ಮ॑ಣಾ ಪೃಚ್ಯಸ್ವೈಕ॒ತಾಯ॒ ಸ್ವಾಹಾ᳚ ದ್ವಿ॒ತಾಯ॒ ಸ್ವಾಹಾ᳚ ತ್ರಿ॒ತಾಯ॒ ಸ್ವಾಹಾ᳚ ॥ 12 ॥ (ಸ॒ವಿ॒ತಾ - ದ್ವಾವಿಗ್ಂ॑ಶತಿಶ್ಚ) (ಅ. 8)

ಆ ದ॑ದ॒ ಇನ್ದ್ರ॑ಸ್ಯ ಬಾ॒ಹುರ॑ಸಿ॒ ದಖ್ಷಿ॑ಣ-ಸ್ಸ॒ಹಸ್ರ॑ಭೃಷ್ಟಿ-ಶ್ಶ॒ತತೇ॑ಜಾ ವಾ॒ಯುರ॑ಸಿ ತಿ॒ಗ್ಮತೇ॑ಜಾಃ॒ ಪೃಥಿ॑ವಿ ದೇವಯಜ॒ - ನ್ಯೋಷ॑ದ್ಧ್ಯಾಸ್ತೇ॒ ಮೂಲ॒-ಮ್ಮಾ ಹಿಗ್ಂ॑ಸಿಷ॒-ಮಪ॑ಹತೋ॒-ಽರರುಃ॑ ಪೃಥಿ॒ವ್ಯೈ ವ್ರ॒ಜ-ಙ್ಗ॑ಚ್ಛ ಗೋ॒ಸ್ಥಾನಂ॒-ವಁರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾ᳚-ಮ್ಪರಾ॒ವತಿ॑ ಶ॒ತೇನ॒ ಪಾಶೈ॒ರ್ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮಸ್ತಮತೋ॒ ಮಾ ಮೌ॒ಗಪ॑ಹತೋ॒-ಽರರುಃ॑ ಪೃಥಿ॒ವ್ಯೈ ದೇ॑ವ॒ಯಜ॑ನ್ಯೈ ವ್ರ॒ಜಂ- [ವ್ರ॒ಜಮ್, ಗ॒ಚ್ಛ॒ ಗೋ॒ಸ್ಥಾನಂ॒-ವಁರ್ಷ॑ತು] 13

ಗ॑ಚ್ಛ ಗೋ॒ಸ್ಥಾನಂ॒-ವಁರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾ᳚-ಮ್ಪರಾ॒ವತಿ॑ ಶ॒ತೇನ॒ ಪಾಶೈ॒ರ್ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮಸ್ತಮತೋ॒ ಮಾ ಮೌ॒ಗಪ॑ಹತೋ॒-ಽರರುಃ॑ ಪೃಥಿ॒ವ್ಯಾ ಅದೇ॑ವಯಜನೋ ವ್ರ॒ಜ-ಙ್ಗ॑ಚ್ಛ ಗೋ॒ಸ್ಥಾನಂ॒-ವಁರ್ಷ॑ತು ತೇ॒ ದ್ಯೌರ್ಬ॑ಧಾ॒ನ ದೇ॑ವ ಸವಿತಃ ಪರ॒ಮಸ್ಯಾ᳚-ಮ್ಪರಾ॒ವತಿ॑ ಶ॒ತೇನ॒ ಪಾಶೈ॒ರ್ಯೋ᳚-ಽಸ್ಮಾ-ನ್ದ್ವೇಷ್ಟಿ॒ ಯ-ಞ್ಚ॑ ವ॒ಯ-ನ್ದ್ವಿ॒ಷ್ಮಸ್ತಮತೋ॒ ಮಾ- [ಮಾ, ಮೌ॒ಗ॒ರರು॑ಸ್ತೇ॒ ದಿವ॒-ಮ್ಮಾ] 14

ಮೌ॑ಗ॒ರರು॑ಸ್ತೇ॒ ದಿವ॒-ಮ್ಮಾ ಸ್ಕಾ॒ನ್॒. ವಸ॑ವಸ್ತ್ವಾ॒ ಪರಿ॑ ಗೃಹ್ಣನ್ತು ಗಾಯ॒ತ್ರೇಣ॒ ಛನ್ದ॑ಸಾರು॒ದ್ರಾಸ್ತ್ವಾ॒ ಪರಿ॑ ಗೃಹ್ಣನ್ತು॒ ತ್ರೈಷ್ಟು॑ಭೇನ॒ ಛನ್ದ॑ಸಾ-ಽಽದಿ॒ತ್ಯಾಸ್ತ್ವಾ॒ ಪರಿ॑ ಗೃಹ್ಣನ್ತು॒ ಜಾಗ॑ತೇನ॒ ಛನ್ದ॑ಸಾ ದೇ॒ವಸ್ಯ॑ ಸವಿ॒ತು-ಸ್ಸ॒ವೇ ಕರ್ಮ॑ ಕೃಣ್ವನ್ತಿ ವೇ॒ಧಸ॑ ಋ॒ತಮ॑ಸ್ಯೃತ॒ಸದ॑ನ-ಮಸ್ಯೃತ॒ಶ್ರೀರ॑ಸಿ॒ ಧಾ ಅ॑ಸಿ ಸ್ವ॒ಧಾ ಅ॑ಸ್ಯು॒ರ್ವೀ ಚಾಸಿ॒ ವಸ್ವೀ॑ ಚಾಸಿ ಪು॒ರಾ ಕ್ರೂ॒ರಸ್ಯ॑ ವಿ॒ಸೃಪೋ॑ ವಿರಫ್ಶಿ-ನ್ನುದಾ॒ದಾಯ॑ ಪೃಥಿ॒ವೀ-ಞ್ಜೀ॒ರದಾ॑ನು॒ರ್ಯಾಮೈರ॑ಯನ್ ಚ॒ನ್ದ್ರಮ॑ಸಿ ಸ್ವ॒ಧಾಭಿ॒ಸ್ತಾ-ನ್ಧೀರಾ॑ಸೋ ಅನು॒ದೃಶ್ಯ॑ ಯಜನ್ತೇ ॥ 15 ॥ (ದೇ॒ವ॒ಯಜ॑ನ್ಯೈ ವ್ರ॒ಜಂ - ತಮತೋ॒ ಮಾ - ವಿ॑ರಫ್ಶಿ॒ನ್ - ನೇಕಾ॑ದಶ ಚ) (ಅ. 9)

ಪ್ರತ್ಯು॑ಷ್ಟ॒ಗ್ಂ॒ ರಖ್ಷಃ॒ ಪ್ರತ್ಯು॑ಷ್ಟಾ॒ ಅರಾ॑ತಯೋ॒ ಽಗ್ನೇ-ರ್ವ॒-ಸ್ತೇಜಿ॑ಷ್ಠೇನ॒ ತೇಜ॑ಸಾ॒ ನಿ-ಷ್ಟ॑ಪಾಮಿ ಗೋ॒ಷ್ಠ-ಮ್ಮಾ ನಿರ್ಮೃ॑ಖ್ಷಂ-ವಾಁ॒ಜಿನ॑-ನ್ತ್ವಾ ಸಪತ್ನಸಾ॒ಹಗ್ಂ ಸ-ಮ್ಮಾ᳚ರ್ಜ್ಮಿ॒ ವಾಚ॑-ಮ್ಪ್ರಾ॒ಣ-ಞ್ಚಖ್ಷು॒-ಶ್ಶ್ರೋತ್ರ॑-ಮ್ಪ್ರ॒ಜಾಂ-ಯೋಁನಿ॒-ಮ್ಮಾ ನಿರ್ಮೃ॑ಖ್ಷಂ-ವಾಁ॒ಜಿನೀ᳚-ನ್ತ್ವಾ ಸಪತ್ನಸಾ॒ಹೀಗ್ಂ ಸ-ಮ್ಮಾ᳚ರ್ಜ್ಮ್ಯಾ॒ಶಾಸಾ॑ನಾ ಸೌಮನ॒ಸ-ಮ್ಪ್ರ॒ಜಾಗ್ಂ ಸೌಭಾ᳚ಗ್ಯ-ನ್ತ॒ನೂಮ್ । ಅ॒ಗ್ನೇರನು॑ವ್ರತಾ ಭೂ॒ತ್ವಾ ಸ-ನ್ನ॑ಹ್ಯೇ ಸುಕೃ॒ತಾಯ॒ ಕಮ್ ॥ ಸು॒ಪ್ರ॒ಜಸ॑ಸ್ತ್ವಾ ವ॒ಯಗ್ಂ ಸು॒ಪತ್ನೀ॒ರುಪ॑- [ಸು॒ಪಥ್ನೀ॒ರುಪ॑, ಸೇ॒ದಿ॒ಮಿ॒ ।] 16

ಸೇದಿಮ । ಅಗ್ನೇ॑ ಸಪತ್ನ॒ದಮ್ಭ॑ನ॒-ಮದ॑ಬ್ಧಾಸೋ॒ ಅದಾ᳚ಭ್ಯಮ್ ॥ ಇ॒ಮಂ-ವಿಁಷ್ಯಾ॑ಮಿ॒ ವರು॑ಣಸ್ಯ॒ ಪಾಶಂ॒ ಁಯ-ಮಬ॑ದ್ಧ್ನೀತ ಸವಿ॒ತಾ ಸು॒ಕೇತಃ॑ । ಧಾ॒ತು-ಶ್ಚ॒ ಯೋನೌ॑ ಸುಕೃ॒ತಸ್ಯ॑ ಲೋ॒ಕೇ ಸ್ಯೋ॒ನ-ಮ್ಮೇ॑ ಸ॒ಹ ಪತ್ಯಾ॑ ಕರೋಮಿ ॥ ಸಮಾಯು॑ಷಾ॒ ಸಮ್ಪ್ರ॒ಜಯಾ॒ ಸಮ॑ಗ್ನೇ॒ ವರ್ಚ॑ಸಾ॒ ಪುನಃ॑ । ಸ-ಮ್ಪತ್ನೀ॒ ಪತ್ಯಾ॒-ಽಹ-ಙ್ಗ॑ಚ್ಛೇ॒ ಸಮಾ॒ತ್ಮಾ ತ॒ನುವಾ॒ ಮಮ॑ ॥ ಮ॒ಹೀ॒ನಾ-ಮ್ಪಯೋ॒-ಽಸ್ಯೋಷ॑ಧೀನಾ॒ಗ್ಂ॒ ರಸ॒ಸ್ತಸ್ಯ॒ ತೇ-ಽಖ್ಷೀ॑ಯಮಾಣಸ್ಯ॒ ನಿ- [ನಿಃ, ವ॒ಪಾ॒ಮಿ॒ ಮ॒ಹೀ॒ನಾಂ] 17

ರ್ವ॑ಪಾಮಿ ಮಹೀ॒ನಾ-ಮ್ಪಯೋ॒-ಽಸ್ಯೋಷ॑ಧೀನಾ॒ಗ್ಂ॒ ರಸೋ-ಽದ॑ಬ್ಧೇನ ತ್ವಾ॒ ಚಖ್ಷು॒ಷಾ-ಽವೇ᳚ಖ್ಷೇ ಸುಪ್ರಜಾ॒ಸ್ತ್ವಾಯ॒ ತೇಜೋ॑-ಽಸಿ॒ ತೇಜೋ-ಽನು॒ ಪ್ರೇಹ್ಯ॒ಗ್ನಿಸ್ತೇ॒ ತೇಜೋ॒ ಮಾ ವಿ ನೈ॑ದ॒ಗ್ನೇ-ರ್ಜಿ॒ಹ್ವಾ-ಽಸಿ॑ ಸು॒ಭೂರ್ದೇ॒ವಾನಾ॒-ನ್ಧಾಮ್ನೇ॑ಧಾಮ್ನೇ ದೇ॒ವೇಭ್ಯೋ॒ ಯಜು॑ಷೇಯಜುಷೇ ಭವ ಶು॒ಕ್ರಮ॑ಸಿ॒ ಜ್ಯೋತಿ॑ರಸಿ॒ ತೇಜೋ॑-ಽಸಿ ದೇ॒ವೋ ವ॑-ಸ್ಸವಿ॒ತೋ-ತ್ಪು॑ನಾ॒ತ್ವಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒-ಸ್ಸೂರ್ಯ॑ಸ್ಯ ರ॒ಶ್ಮಿಭಿ॑-ಶ್ಶು॒ಕ್ರ-ನ್ತ್ವಾ॑ ಶು॒ಕ್ರಾಯಾ॒-ನ್ಧಾಮ್ನೇ॑ಧಾಮ್ನೇ ದೇ॒ವೇಭ್ಯೋ॒ ಯಜು॑ಷೇಯಜುಷೇ ಗೃಹ್ಣಾಮಿ॒ ಜ್ಯೋತಿ॑ಸ್ತ್ವಾ॒ ಜ್ಯೋತಿ॑ಷ್ಯ॒ರ್ಚಿಸ್ತ್ವಾ॒-ಽರ್ಚಿಷಿ॒ ಧಾಮ್ನೇ॑ಧಾಮ್ನೇ ದೇ॒ವೇಭ್ಯೋ॒ ಯಜು॑ಷೇಯಜುಷೇ ಗೃಹ್ಣಾಮಿ ॥ 18 ॥ (ಉಪ॒ - ನೀ - ರ॒ಶ್ಮಿಭಿ॑-ಶ್ಶು॒ಕ್ರಗ್ಂ - ಷೋಡ॑ಶ ಚ) (ಅ. 10)

ಕೃಷ್ಣೋ᳚-ಽಸ್ಯಾಖರೇ॒ಷ್ಠೋ᳚-ಽಗ್ನಯೇ᳚ ತ್ವಾ॒ ಸ್ವಾಹಾ॒ ವೇದಿ॑ರಸಿ ಬ॒ರ್॒ಹಿಷೇ᳚ ತ್ವಾ॒ ಸ್ವಾಹಾ ॑ಬ॒ರ್॒ಹಿರ॑ಸಿ ಸ್ರು॒ಗ್ಭ್ಯಸ್ತ್ವಾ॒ ಸ್ವಾಹಾ॑ ದಿ॒ವೇ ತ್ವಾ॒-ಽನ್ತರಿ॑ಖ್ಷಾಯ ತ್ವಾ ಪೃಥಿ॒ವ್ಯೈ ತ್ವಾ᳚ ಸ್ವ॒ಧಾ ಪಿ॒ತೃಭ್ಯ॒ ಊರ್ಗ್ಭ॑ವ ಬರ್ಹಿ॒ಷದ್ಭ್ಯ॑ ಊ॒ರ್ಜಾ ಪೃ॑ಥಿ॒ವೀ-ಙ್ಗ॑ಚ್ಛತ॒ ವಿಷ್ಣೋ॒-ಸ್ಸ್ತೂಪೋ॒-ಽಸ್ಯೂರ್ಣಾ᳚ಮ್ರದಸ-ನ್ತ್ವಾ ಸ್ತೃಣಾಮಿ ಸ್ವಾಸ॒ಸ್ಥ-ನ್ದೇ॒ವೇಭ್ಯೋ॑ ಗನ್ಧ॒ರ್ವೋ॑-ಽಸಿ ವಿ॒ಶ್ವಾವ॑ಸು॒-ರ್ವಿಶ್ವ॑ಸ್ಮಾ॒ದೀಷ॑ತೋ॒ ಯಜ॑ಮಾನಸ್ಯ ಪರಿ॒ಧಿರಿ॒ಡ ಈ॑ಡಿ॒ತ ಇನ್ದ್ರ॑ಸ್ಯ ಬಾ॒ಹುರ॑ಸಿ॒- [ಬಾ॒ಹುರ॑ಸಿ, ದಖ್ಷಿ॑ಣೋ॒] 19 ದಖ್ಷಿ॑ಣೋ॒ ಯಜ॑ಮಾನಸ್ಯ ಪರಿ॒ಧಿರಿ॒ಡ ಈ॑ಡಿ॒ತೋ ಮಿ॒ತ್ರಾವರು॑ಣೌ ತ್ವೋತ್ತರ॒ತಃ ಪರಿ॑ ಧತ್ತಾ-ನ್ಧ್ರು॒ವೇಣ॒ ಧರ್ಮ॑ಣಾ॒ ಯಜ॑ಮಾನಸ್ಯ ಪರಿ॒ಧಿರಿ॒ಡ ಈ॑ಡಿ॒ತ-ಸ್ಸೂರ್ಯ॑ಸ್ತ್ವಾ ಪು॒ರಸ್ತಾ᳚-ತ್ಪಾತು॒ ಕಸ್ಯಾ᳚ಶ್ಚಿದ॒ಭಿಶ॑ಸ್ತ್ಯಾ ವೀ॒ತಿಹೋ᳚ತ್ರ-ನ್ತ್ವಾ ಕವೇ ದ್ಯು॒ಮನ್ತ॒ಗ್ಂ॒ ಸಮಿ॑ಧೀಮ॒ಹ್ಯಗ್ನೇ॑ ಬೃ॒ಹನ್ತ॑ಮದ್ಧ್ವ॒ರೇ ವಿ॒ಶೋ ಯ॒ನ್ತ್ರೇ ಸ್ಥೋ॒ ವಸೂ॑ನಾಗ್ಂ ರು॒ದ್ರಾಣಾ॑-ಮಾದಿ॒ತ್ಯಾನಾ॒ಗ್ಂ॒ ಸದ॑ಸಿ ಸೀದ ಜು॒ಹೂರು॑ಪ॒ಭೃ-ದ್ಧ್ರು॒ವಾ-ಽಸಿ॑ ಘೃ॒ತಾಚೀ॒ ನಾಮ್ನಾ᳚ ಪ್ರಿ॒ಯೇಣ॒ ನಾಮ್ನಾ᳚ ಪ್ರಿ॒ಯೇ ಸದ॑ಸಿ ಸೀದೈ॒ತಾ ಅ॑ಸದನ್-ಥ್ಸುಕೃ॒ತಸ್ಯ॑ ಲೋ॒ಕೇ ತಾ ವಿ॑ಷ್ಣೋ ಪಾಹಿ ಪಾ॒ಹಿ ಯ॒ಜ್ಞ-ಮ್ಪಾ॒ಹಿ ಯ॒ಜ್ಞಪ॑ತಿ-ಮ್ಪಾ॒ಹಿ ಮಾಂ-ಯಁ॑ಜ್ಞ॒ನಿಯ᳚ಮ್ ॥ 20 ॥ (ಬಾ॒ಹುರ॑ಸಿ - ಪ್ರಿ॒ಯೇ ಸದ॑ಸಿ॒ - ಪಞ್ಚ॑ದಶ ಚ) (ಅ. 11)

ಭುವ॑ನಮಸಿ॒ ವಿ ಪ್ರ॑ಥ॒ಸ್ವಾಗ್ನೇ॒ ಯಷ್ಟ॑ರಿ॒ದ-ನ್ನಮಃ॑ । ಜುಹ್ವೇಹ್ಯ॒ಗ್ನಿಸ್ತ್ವಾ᳚ ಹ್ವಯತಿ ದೇವಯ॒ಜ್ಯಾಯಾ॒ ಉಪ॑ಭೃ॒ದೇಹಿ॑ ದೇ॒ವಸ್ತ್ವಾ॑ ಸವಿ॒ತಾ ಹ್ವ॑ಯತಿ ದೇವಯ॒ಜ್ಯಾಯಾ॒ ಅಗ್ನಾ॑ವಿಷ್ಣೂ॒ ಮಾ ವಾ॒ಮವ॑ ಕ್ರಮಿಷಂ॒-ವಿಁ ಜಿ॑ಹಾಥಾ॒-ಮ್ಮಾ ಮಾ॒ ಸ-ನ್ತಾ᳚ಪ್ತಂ-ಲೋಁ॒ಕ-ಮ್ಮೇ॑ ಲೋಕಕೃತೌ ಕೃಣುತಂ॒-ವಿಁಷ್ಣೋ॒-ಸ್ಸ್ಥಾನ॑ಮಸೀ॒ತ ಇನ್ದ್ರೋ॑ ಅಕೃಣೋ-ದ್ವೀ॒ರ್ಯಾ॑ಣಿ ಸಮಾ॒ರಭ್ಯೋ॒ರ್ಧ್ವೋ ಅ॑ದ್ಧ್ವ॒ರೋ ದಿ॑ವಿ॒ಸ್ಪೃಶ॒ಮಹ್ರು॑ತೋ ಯ॒ಜ್ಞೋ ಯ॒ಜ್ಞಪ॑ತೇ॒-ರಿನ್ದ್ರಾ॑ವಾ॒ನ್-ಥ್ಸ್ವಾಹಾ॑ ಬೃ॒ಹದ್ಭಾಃ ಪಾ॒ಹಿ ಮಾ᳚-ಽಗ್ನೇ॒ ದುಶ್ಚ॑ರಿತಾ॒ದಾ ಮಾ॒ ಸುಚ॑ರಿತೇ ಭಜ ಮ॒ಖಸ್ಯ॒ ಶಿರೋ॑-ಽಸಿ॒ ಸಞ್ಜ್ಯೋತಿ॑ಷಾ॒ ಜ್ಯೋತಿ॑ರಙ್ಕ್ತಾಮ್ ॥ 21 ॥ (ಅಹ್ರು॑ತ॒ - ಏಕ॑ವಿಗ್ಂಶತಿಶ್ಚ) (ಅ. 12)

ವಾಜ॑ಸ್ಯ ಮಾ ಪ್ರಸ॒ವೇನೋ᳚ದ್ಗ್ರಾ॒ಭೇಣೋದ॑ಗ್ರಭೀತ್ । ಅಥಾ॑ ಸ॒ಪತ್ನಾ॒ಗ್ಂ॒ ಇನ್ದ್ರೋ॑ ಮೇ ನಿಗ್ರಾ॒ಭೇಣಾಧ॑ರಾಗ್ಂ ಅಕಃ ॥ ಉ॒ದ್ಗ್ರಾ॒ಭ-ಞ್ಚ॑ ನಿಗ್ರಾ॒ಭ-ಞ್ಚ॒ ಬ್ರಹ್ಮ॑ ದೇ॒ವಾ ಅ॑ವೀವೃಧನ್ನ್ । ಅಥಾ॑ ಸ॒ಪತ್ನಾ॑ನಿನ್ದ್ರಾ॒ಗ್ನೀ ಮೇ॑ ವಿಷೂ॒ಚೀನಾ॒ನ್ ವ್ಯ॑ಸ್ಯತಾಮ್ ॥ ವಸು॑ಭ್ಯಸ್ತ್ವಾ ರು॒ದ್ರೇಭ್ಯ॑ಸ್ತ್ವಾ-ಽಽದಿ॒ತ್ಯೇಭ್ಯ॑ಸ್ತ್ವಾ॒-ಽಕ್ತಗ್ಂ ರಿಹಾ॑ಣಾ ವಿ॒ಯನ್ತು॒ ವಯಃ॑ ॥ ಪ್ರ॒ಜಾಂ-ಯೋಁನಿ॒-ಮ್ಮಾ ನಿರ್ಮೃ॑ಖ್ಷ॒ಮಾ ಪ್ಯಾ॑ಯನ್ತಾ॒ಮಾಪ॒ ಓಷ॑ಧಯೋ ಮ॒ರುತಾ॒-ಮ್ಪೃಷ॑ತಯ-ಸ್ಸ್ಥ॒ ದಿವಂ॑- [ದಿವ᳚ಮ್, ಗ॒ಚ್ಛ॒ ತತೋ॑ ನೋ॒] 22 ಗಚ್ಛ॒ ತತೋ॑ ನೋ॒ ವೃಷ್ಟಿ॒ಮೇರ॑ಯ । ಆ॒ಯು॒ಷ್ಪಾ ಅ॑ಗ್ನೇ॒-ಽಸ್ಯಾಯು॑ರ್ಮೇ ಪಾಹಿ ಚಖ್ಷು॒ಷ್ಪಾ ಅ॑ಗ್ನೇ-ಽಸಿ॒ ಚಖ್ಷು॑ರ್ಮೇ ಪಾಹಿ ಧ್ರು॒ವಾ-ಽಸಿ॒ ಯ-ಮ್ಪ॑ರಿ॒ಧಿ-ಮ್ಪ॒ರ್ಯಧ॑ತ್ಥಾ॒ ಅಗ್ನೇ॑ ದೇವ ಪ॒ಣಿಭಿ॑-ರ್ವೀ॒ಯಮಾ॑ಣಃ । ತ-ನ್ತ॑ ಏ॒ತಮನು॒ ಜೋಷ॑-ಮ್ಭರಾಮಿ॒ ನೇದೇ॒ಷ ತ್ವದ॑ಪಚೇ॒ತಯಾ॑ತೈ ಯ॒ಜ್ಞಸ್ಯ॒ ಪಾಥ॒ ಉಪ॒ ಸಮಿ॑ತಗ್ಂ ಸಗ್ಗ್ಸ್ರಾ॒ವಭಾ॑ಗಾ-ಸ್ಸ್ಥೇ॒ಷಾ ಬೃ॒ಹನ್ತಃ॑ ಪ್ರಸ್ತರೇ॒ಷ್ಠಾ ಬ॑ರ್ಹಿ॒ಷದ॑ಶ್ಚ [ ] 23

ದೇ॒ವಾ ಇ॒ಮಾಂ-ವಾಁಚ॑ಮ॒ಭಿ ವಿಶ್ವೇ॑ ಗೃ॒ಣನ್ತ॑ ಆ॒ಸದ್ಯಾ॒ಸ್ಮಿ-ನ್ಬ॒ರ್॒ಹಿಷಿ॑ ಮಾದಯದ್ಧ್ವಮ॒ಗ್ನೇ-ರ್ವಾ॒ಮಪ॑ನ್ನಗೃಹಸ್ಯ॒ ಸದ॑ಸಿ ಸಾದಯಾಮಿ ಸು॒ಮ್ನಾಯ॑ ಸುಮ್ನಿನೀ ಸು॒ಮ್ನೇ ಮಾ॑ ಧತ್ತ-ನ್ಧು॒ರಿ ಧ॒ರ್ಯೌ॑ ಪಾತ॒ಮಗ್ನೇ॑ ಽದಬ್ಧಾಯೋ ಽಶೀತತನೋ ಪಾ॒ಹಿ ಮಾ॒-ಽದ್ಯ ದಿ॒ವಃ ಪಾ॒ಹಿ ಪ್ರಸಿ॑ತ್ಯೈ ಪಾ॒ಹಿ ದುರಿ॑ಷ್ಟ್ಯೈ ಪಾ॒ಹಿ ದು॑ರದ್ಮ॒ನ್ಯೈ ಪಾ॒ಹಿ ದುಶ್ಚ॑ರಿತಾ॒ದವಿ॑ಷ-ನ್ನಃ ಪಿ॒ತು-ಙ್ಕೃ॑ಣು ಸು॒ಷದಾ॒ ಯೋನಿ॒ಗ್ಗ್॒ ಸ್ವಾಹಾ॒ ದೇವಾ॑ ಗಾತುವಿದೋ ಗಾ॒ತುಂವಿಁ॒ತ್ತ್ವಾ ಗಾ॒ತು ಮಿ॑ತ॒ ಮನ॑ಸಸ್ಪತ ಇ॒ಮ-ನ್ನೋ॑ ದೇವ ದೇ॒ವೇಷು॑ ಯ॒ಜ್ಞಗ್ಗ್ ಸ್ವಾಹಾ॑ ವಾ॒ಚಿ ಸ್ವಾಹಾ॒ ವಾತೇ॑ ಧಾಃ ॥ 24 ॥ (ದಿವಂ॑ - ಚ - ವಿ॒ತ್ತ್ವಾ ಗಾ॒ತುಂ - ತ್ರಯೋ॑ದಶ ಚ) (ಅ. 13)

ಉ॒ಭಾ ವಾ॑ಮಿನ್ದ್ರಾಗ್ನೀ ಆಹು॒ವದ್ಧ್ಯಾ॑ ಉ॒ಭಾ ರಾಧ॑ಸ-ಸ್ಸ॒ಹ ಮಾ॑ದ॒ಯದ್ಧ್ಯೈ᳚ । ಉ॒ಭಾ ದಾ॒ತಾರಾ॑ವಿ॒ಷಾಗ್ಂ ರ॑ಯೀ॒ಣಾಮು॒ಭಾ ವಾಜ॑ಸ್ಯ ಸಾ॒ತಯೇ॑ ಹುವೇ ವಾಮ್ ॥ ಅಶ್ರ॑ವ॒ಗ್ಂ॒ ಹಿ ಭೂ॑ರಿ॒ದಾವ॑ತ್ತರಾ ವಾಂ॒-ವಿಁಜಾ॑ಮಾತುರು॒ತ ವಾ॑ ಘಾ ಸ್ಯಾ॒ಲಾತ್ । ಅಥಾ॒ ಸೋಮ॑ಸ್ಯ॒ ಪ್ರಯ॑ತೀ ಯು॒ವಭ್ಯಾ॒ಮಿನ್ದ್ರಾ᳚ಗ್ನೀ॒ ಸ್ತೋಮ॑-ಞ್ಜನಯಾಮಿ॒ ನವ್ಯ᳚ಮ್ ॥ ಇನ್ದ್ರಾ᳚ಗ್ನೀ ನವ॒ತಿ-ಮ್ಪುರೋ॑ ದಾ॒ಸಪ॑ತ್ನೀರಧೂನುತಮ್ । ಸಾ॒ಕಮೇಕೇ॑ನ॒ ಕರ್ಮ॑ಣಾ ॥ ಶುಚಿ॒-ನ್ನು ಸ್ತೋಮ॒-ನ್ನವ॑ಜಾತ-ಮ॒ದ್ಯೇನ್ದ್ರಾ᳚ಗ್ನೀ ವೃತ್ರಹಣಾ ಜು॒ಷೇಥಾ᳚ಮ್ ॥ 25 ॥

ಉ॒ಭಾ ಹಿ ವಾಗ್ಂ॑ ಸು॒ಹವಾ॒ ಜೋಹ॑ವೀಮಿ॒ ತಾ ವಾಜಗ್ಂ॑ ಸ॒ದ್ಯ ಉ॑ಶ॒ತೇ ಧೇಷ್ಠಾ᳚ ॥ ವ॒ಯಮು॑ ತ್ವಾ ಪಥಸ್ಪತೇ॒ ರಥ॒-ನ್ನ ವಾಜ॑ಸಾತಯೇ । ಧಿ॒ಯೇ ಪೂ॑ಷನ್ನಯುಜ್ಮಹಿ ॥ ಪ॒ಥಸ್ಪ॑ಥಃ॒ ಪರಿ॑ಪತಿಂ-ವಁಚ॒ಸ್ಯಾ ಕಾಮೇ॑ನ ಕೃ॒ತೋ ಅ॒ಭ್ಯಾ॑ನಡ॒ರ್ಕಮ್ । ಸನೋ॑ ರಾಸಚ್ಛು॒ರುಧ॑ಶ್ಚ॒ನ್ದ್ರಾಗ್ರಾ॒ ಧಿಯ॑ನ್ಧಿಯಗ್ಂ ಸೀಷಧಾತಿ॒ ಪ್ರ ಪೂ॒ಷಾ ॥ ಖ್ಷೇತ್ರ॑ಸ್ಯ॒ ಪತಿ॑ನಾ ವ॒ಯಗ್ಂ ಹಿ॒ತೇನೇ॑ವ ಜಯಾಮಸಿ । ಗಾಮಶ್ವ॑-ಮ್ಪೋಷಯಿ॒ತ್ನ್ವಾ ಸ ನೋ॑ [ಸ ನಃ॑, ಮೃ॒ಡಾ॒ತೀ॒ದೃಶೇ᳚ ।] 26

ಮೃಡಾತೀ॒ದೃಶೇ᳚ ॥ ಖ್ಷೇತ್ರ॑ಸ್ಯ ಪತೇ॒ ಮಧು॑ಮನ್ತ-ಮೂ॒ರ್ಮಿ-ನ್ಧೇ॒ನುರಿ॑ವ॒ ಪಯೋ॑ ಅ॒ಸ್ಮಾಸು॑ ಧುಖ್ಷ್ವ । ಮ॒ಧು॒ಶ್ಚುತ॑-ಙ್ಘೃ॒ತಮಿ॑ವ॒ ಸುಪೂ॑ತ-ಮೃ॒ತಸ್ಯ॑ ನಃ॒ ಪತ॑ಯೋ ಮೃಡಯನ್ತು ॥ ಅಗ್ನೇ॒ ನಯ॑ ಸು॒ಪಥಾ॑ ರಾ॒ಯೇ ಅ॒ಸ್ಮಾನ್. ವಿಶ್ವಾ॑ನಿ ದೇವ ವ॒ಯುನಾ॑ನಿ ವಿ॒ದ್ವಾನ್ । ಯು॒ಯೋ॒ದ್ಧ್ಯ॑ಸ್ಮ-ಜ್ಜು॑ಹುರಾ॒ಣಮೇನೋ॒ ಭೂಯಿ॑ಷ್ಠಾ-ನ್ತೇ॒ ನಮ॑ಉಕ್ತಿಂ-ವಿಁಧೇಮ ॥ ಆ ದೇ॒ವಾನಾ॒ಮಪಿ॒ ಪನ್ಥಾ॑-ಮಗನ್ಮ॒ ಯಚ್ಛ॒ಕ್ನವಾ॑ಮ॒ ತದನು॒ ಪ್ರವೋ॑ಢುಮ್ । ಅ॒ಗ್ನಿ-ರ್ವಿ॒ದ್ವಾನ್-ಥ್ಸ ಯ॑ಜಾ॒- [ಸ ಯ॑ಜಾತ್, ಸೇದು॒ ಹೋತಾ॒ ಸೋ] 27

ಥ್ಸೇದು॒ ಹೋತಾ॒ ಸೋ ಅ॑ದ್ಧ್ವ॒ರಾನ್-ಥ್ಸ ಋ॒ತೂನ್ ಕ॑ಲ್ಪಯಾತಿ ॥ ಯದ್ವಾಹಿ॑ಷ್ಠ॒-ನ್ತದ॒ಗ್ನಯೇ॑ ಬೃ॒ಹದ॑ರ್ಚ ವಿಭಾವಸೋ । ಮಹಿ॑ಷೀವ॒ ತ್ವದ್ರ॒ಯಿಸ್ತ್ವದ್ವಾಜಾ॒ ಉದೀ॑ರತೇ ॥ ಅಗ್ನೇ॒ ತ್ವ-ಮ್ಪಾ॑ರಯಾ॒ ನವ್ಯೋ॑ ಅ॒ಸ್ಮಾನ್-ಥ್ಸ್ವ॒ಸ್ತಿಭಿ॒ರತಿ॑ ದು॒ರ್ಗಾಣಿ॒ ವಿಶ್ವಾ᳚ । ಪೂಶ್ಚ॑ ಪೃ॒ಥ್ವೀ ಬ॑ಹು॒ಲಾ ನ॑ ಉ॒ರ್ವೀ ಭವಾ॑ ತೋ॒ಕಾಯ॒ ತನ॑ಯಾಯ॒ ಶಂ-ಯೋಃ ಁ॥ ತ್ವಮ॑ಗ್ನೇ ವ್ರತ॒ಪಾ ಅ॑ಸಿ ದೇ॒ವ ಆ ಮರ್ತ್ಯೇ॒ಷ್ವಾ । ತ್ವಂ-ಯಁ॒ಜ್ಞೇಷ್ವೀಡ್ಯಃ॑ ॥ ಯದ್ವೋ॑ ವ॒ಯ-ಮ್ಪ್ರ॑ಮಿ॒ನಾಮ॑ ವ್ರ॒ತಾನಿ॑ ವಿ॒ದುಷಾ᳚-ನ್ದೇವಾ॒ ಅವಿ॑ದುಷ್ಟರಾಸಃ । ಅ॒ಗ್ನಿಷ್ಟ-ದ್ವಿಶ್ವ॒ಮಾ ಪೃ॑ಣಾತಿ ವಿ॒ದ್ವಾನ್. ಯೇಭಿ॑-ರ್ದೇ॒ವಾಗ್ಂ ಋ॒ತುಭಿಃ॑ ಕ॒ಲ್ಪಯಾ॑ತಿ ॥ 28 ॥ (ಜು॒ಷೇಥಾ॒ಮಾ - ಸ ನೋ॑ - ಯಜಾ॒ - ದಾ - ತ್ರಯೋ॑ವಿಗ್ಂಶತಿಶ್ಚ) (ಅ. 14)

(ಇ॒ಷೇ ತ್ವಾ॑ - ಯ॒ಜ್ಞಸ್ಯ॒ - ಶುನ್ಧ॑ಧ್ವಂ॒ - ಕರ್ಮ॑ಣೇ ವಾಂ - ದೇ॒ವೋ-ಽವ॑ಧೂತಂ॒ - ಧುಷ್ಟಿಃ॒ - ಸಂ-ವಁ॑ಪಾ॒- ಮ್ಯಾ ದ॑ದೇ॒ - ಪ್ರತ್ಯು॑ಷ್ಟಂ॒ - ಕೃಷ್ಣೋ॑-ಽಸಿ॒ - ಭುವ॑ನಮಸಿ॒ - ವಾಜ॑ಸ್ಯೋ॒ಭಾ ವಾಂ॒ - ಚತು॑ರ್ದಶ )

(ಇ॒ಷೇ - ದೃಗ್ಂ॑ಹ॒ - ಭುವ॑ನ - ಮ॒ಷ್ಟಾವಿಗ್ಂ॑ಶತಿಃ )

(ಇ॒ಷೇ ತ್ವಾ॑, ಕ॒ಲ್ಪಯಾ॑ತಿ)

॥ ಹರಿಃ॑ ಓಮ್ ॥

॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಮ್ಪ್ರಥಮಕಾಣ್ಡೇ ಪ್ರಥಮಃ ಪ್ರಶ್ನ-ಸ್ಸಮಾಪ್ತಃ ॥

About KYTS 1.1 Ishe Tvorje Tva - Krishna Yajurveda Taittiriya Samhita Patha

This is the first prashna of the first kanda of the Taittiriya Samhita, in plain recitation: the very opening of the Krishna Yajur Veda. It begins "Ishe tva, urje tva": for nourishment I take you, for strength I take you, words spoken while cutting a branch for the rite. The text describes this prashna as "darsha purnamasau", the mantras for the new-moon and full-moon sacrifices, the model for many other Vedic rites.

Source: Krishna Yajur Veda, Taittiriya Samhita 1.1

When to chant: At the start of Yajur Veda study, in daily Vedic recitation, and in Veda patashalas.

Did you know?

  • "Ishe tva urje tva" are the first words of the Krishna Yajur Veda, chanted at the start of its recitation.
  • The darsha (new moon) and purnamasa (full moon) sacrifices are the basic model (prakriti) on which many other Vedic rites are built.

Frequently asked questions

What are the first words of the Krishna Yajur Veda?

"Ishe tva, urje tva": for nourishment, for strength.

What is this prashna about?

The new-moon and full-moon sacrifices (darsha purnamasa).

Which part of the Taittiriya Samhita is this?

Kanda 1, prashna 1.

Offered for worship and study, not as prediction. Non-commercial.