MuhurtaNow

Maha Sarasvati Stavam

Devi · Traditional devotional text

অশ্বতর উবাচ

জগদ্ধাত্রীমহং দেবীমারিরাধয়িষুঃ শুভাম্ । স্তোষ্য়ে প্রণম্য় শিরসা ব্রহ্ময়োনিং সরস্বতীম্ ॥ 1

সদসদ্দেবি যত্কিংচিন্মোক্ষবচ্চার্থবত্পদম্ । তত্সর্বং ত্বয়্যসংয়োগং যোগবদ্দেবি সংস্থিতম্ ॥ 2 ॥

ত্বমক্ষরং পরং দেবি যত্র সর্বং প্রতিষ্ঠিতম্ । অক্ষরং পরমং দেবি সংস্থিতং পরমাণুবত্ ॥ 3 ॥

অক্ষরং পরমং ব্রহ্ম বিশ্বংচৈতত্ক্ষরাত্মকম্ । দারুণ্যবস্থিতো বহ্নির্ভৌমাশ্চ পরমাণবঃ ॥ 4 ॥

তথা ত্বয়ি স্থিতং ব্রহ্ম জগচ্চেদমশেষতঃ । ওংকারাক্ষরসংস্থানং যত্তু দেবি স্থিরাস্থিরম্ ॥ 5 ॥

তত্র মাত্রাত্রয়ং সর্বমস্তি যদ্দেবি নাস্তি চ । ত্রয়ো লোকাস্ত্রয়ো বেদাস্ত্রৈবিদ্য়ং পাবকত্রযম্ ॥ 6 ॥

ত্রীণি জ্য়োতীংষি বর্ণাশ্চ ত্রয়ো ধর্মাগমাস্তথা । ত্রয়ো গুণাস্ত্রয়ঃ শব্দস্ত্রয়ো বেদাস্তথাশ্রমাঃ ॥ 7 ॥

ত্রয়ঃ কালাস্তথাবস্থাঃ পিতরোঽহর্নিশাদয়ঃ । এতন্মাত্রাত্রয়ং দেবি তব রূপং সরস্বতি ॥ 8 ॥

বিভিন্নদর্শিনামাদ্য়া ব্রহ্মণো হি সনাতনাঃ । সোমসংস্থা হবিঃ সংস্থাঃ পাকসংস্থাশ্চ সপ্ত যাঃ ॥ 9 ॥

তাস্ত্বদুচ্চারণাদ্দেবি ক্রিয়ংতে ব্রহ্মবাদিভিঃ । অনির্দেশ্য়ং তথা চান্যদর্ধমাত্রান্বিতং পরম্ ॥ 10 ॥

অবিকার্যক্ষয়ং দিব্য়ং পরিণামবিবর্জিতম্ । তবৈতত্পরমং রূপং যন্ন শক্য়ং ময়োদিতুম্ ॥ 11 ॥

ন চাস্য়েন চ তজ্জিহ্বা তাম্রোষ্ঠাদিভিরুচ্যতে । ইংদ্রোঽপি বসবো ব্রহ্মা চংদ্রার্কৌ জ্য়োতিরেব চ ॥ 12 ॥

বিশ্বাবাসং বিশ্বরূপং বিশ্বেশং পরমেশ্বরম্ । সাংখ্যবেদাংতবাদোক্তং বহুশাখাস্থিরীকৃতম্ ॥ 13 ॥

অনাদিমধ্যনিধনং সদসন্ন সদেব যত্ । একংত্বনেকং নাপ্য়েকং ভবভেদসমাশ্রিতম্ ॥ 14 ॥

অনাখ্য়ং ষড্গুণাখ্য়ংচ বর্গাখ্য়ং ত্রিগুণাশ্রযম্ । নানাশক্তিমতামেকং শক্তিবৈভবিকং পরম্ ॥ 15 ॥

সুখাসুখং মহাসৌখ্যরূপং ত্বয়ি বিভাব্যতে । এবং দেবি ত্বয়া ব্য়াপ্তং সকলং নিষ্কলংচ যত্ । অদ্বৈতাবস্থিতং ব্রহ্ম যচ্চ দ্বৈতে ব্যবস্থিতম্ ॥ 16 ॥

যেঽর্থা নিত্য়া যে বিনশ্য়ংতি চান্য়ে যে বা স্থূলা যে চ সূক্ষ্মাতিসূক্ষ্মাঃ । যে বা ভূমৌ যেঽংতরীক্ষেঽন্যতো বা তেষাং তেষাং ত্বত্ত এবোপলব্ধিঃ ॥ 17 ॥

যচ্চামূর্তং যচ্চ মূর্তং সমস্তং যদ্বা ভূতেষ্বেকমেকংচ কিংচিত্ । যদ্দিব্যস্তি ক্ষ্মাতলে খেঽন্যতো বা ত্বত্সংবংধং ত্বত্স্বরৈর্ব্য়ংজনৈশ্চ ॥ 18 ॥

ইতি শ্রীমার্কংডেযপুরাণে ত্রয়োবিংশোঽধ্য়ায়ে অশ্বতর প্রোক্ত মহাসরস্বতী স্তবম্ ।

About Maha Sarasvati Stavam

The Maha Saraswati Stava is the hymn of the naga king Ashvatara to Goddess Saraswati, from the Markandeya Purana. It begins: wishing to worship the auspicious goddess who upholds the world, I bow my head and praise Saraswati, the womb of Brahman. Ashvatara praises her as the one in whom all that is and is not, every word that leads to liberation and every word with meaning, rests united, and asks her blessing.

Source: Markandeya Purana, chapter 23, as its colophon states

When to chant: On Vasant Panchami and Saraswati Puja, before study and the learning of music, and on Thursdays.

Did you know?

  • Its colophon places it in the twenty-third chapter of the Markandeya Purana, spoken by Ashvatara.
  • In the purana, Saraswati, pleased with Ashvatara's penance, grants him and his brother mastery of music and the seven notes.

Frequently asked questions

Who sang this hymn?

Ashvatara, a king of the nagas.

Where is it from?

The Markandeya Purana, chapter 23.

What boon did Saraswati grant him?

Mastery of music, by the story in the purana.

Offered for worship and study, not as prediction. Non-commercial.