MuhurtaNow

Mahendra Kruta Mahalakshmi Stotram

Devi · Traditional devotional text

ಮಹೇಂದ್ರ ಉವಾಚ

ನಮಃ ಕಮಲವಾಸಿನ್ಯೈ ನಾರಾಯಣ್ಯೈ ನಮೋ ನಮಃ । ಕೃಷ್ಣಪ್ರಿಯಾಯೈ ಸಾರಾಯೈ ಪದ್ಮಾಯೈ ಚ ನಮೋ ನಮಃ ॥ 1

ಪದ್ಮಪತ್ರೇಕ್ಷಣಾಯೈ ಚ ಪದ್ಮಾಸ್ಯಾಯೈ ನಮೋ ನಮಃ । ಪದ್ಮಾಸನಾಯೈ ಪದ್ಮಿನ್ಯೈ ವೈಷ್ಣವ್ಯೈ ಚ ನಮೋ ನಮಃ ॥ 2 ॥

ಸರ್ವಸಂಪತ್ಸ್ವರೂಪಾಯೈ ಸರ್ವದಾತ್ರ್ಯೈ ನಮೋ ನಮಃ । ಸುಖದಾಯೈ ಮೋಕ್ಷದಾಯೈ ಸಿದ್ಧಿದಾಯೈ ನಮೋ ನಮಃ ॥ 3 ॥

ಹರಿಭಕ್ತಿಪ್ರದಾತ್ರ್ಯೈ ಚ ಹರ್ಷದಾತ್ರ್ಯೈ ನಮೋ ನಮಃ । ಕೃಷ್ಣವಕ್ಷಃಸ್ಥಿತಾಯೈ ಚ ಕೃಷ್ಣೇಶಾಯೈ ನಮೋ ನಮಃ ॥ 4 ॥

ಕೃಷ್ಣಶೋಭಾಸ್ವರೂಪಾಯೈ ರತ್ನಾಢ್ಯಾಯೈ ನಮೋ ನಮಃ । ಸಂಪತ್ಯಧಿಷ್ಠಾತೃದೇವ್ಯೈ ಮಹಾದೇವ್ಯೈ ನಮೋ ನಮಃ ॥ 5 ॥

ಸಸ್ಯಾಧಿಷ್ಠಾತೃದೇವ್ಯೈ ಚ ಸಸ್ಯಲಕ್ಷ್ಮ್ಯೈ ನಮೋ ನಮಃ । ನಮೋ ಬುದ್ಧಿಸ್ವರೂಪಾಯೈ ಬುದ್ಧಿದಾಯೈ ನಮೋ ನಮಃ ॥ 6 ॥

ವೈಕುಂಠೇ ಚ ಮಹಾಲಕ್ಷ್ಮೀರ್ಲಕ್ಷ್ಮೀಃ ಕ್ಷೀರೋದಸಾಗರೇ । ಸ್ವರ್ಗಲಕ್ಷ್ಮೀರಿಂದ್ರಗೇಹೇ ರಾಜಲಕ್ಷ್ಮೀರ್ನೃಪಾಲಯೇ ॥ 7 ॥

ಗೃಹಲಕ್ಷ್ಮೀಶ್ಚ ಗೃಹಿಣಾಂ ಗೇಹೇ ಚ ಗೃಹದೇವತಾ । ಸುರಭಿಃ ಸಾ ಗವಾಂ ಮಾತಾ ದಕ್ಷಿಣಾ ಯಜ್ಞಕಾಮಿನೀ ॥ 8 ॥

ಅದಿತಿರ್ದೇವಮಾತಾ ತ್ವಂ ಕಮಲಾ ಕಮಲಾಲಯೇ । ಸ್ವಾಹಾ ತ್ವಂ ಚ ಹವಿರ್ದಾನೇ ಕವ್ಯದಾನೇ ಸ್ವಧಾ ಸ್ಮೃತಾ ॥ 9 ॥

ತ್ವಂ ಹಿ ವಿಷ್ಣುಸ್ವರೂಪಾ ಚ ಸರ್ವಾಧಾರಾ ವಸುಂಧರಾ । ಶುದ್ಧಸತ್ತ್ವಸ್ವರೂಪಾ ತ್ವಂ ನಾರಾಯಣಪರಾಯಾಣಾ ॥ 10 ॥

ಕ್ರೋಧಹಿಂಸಾವರ್ಜಿತಾ ಚ ವರದಾ ಚ ಶುಭಾನನಾ । ಪರಮಾರ್ಥಪ್ರದಾ ತ್ವಂ ಚ ಹರಿದಾಸ್ಯಪ್ರದಾ ಪರಾ ॥ 11 ॥

ಯಯಾ ವಿನಾ ಜಗತ್ಸರ್ವಂ ಭಸ್ಮೀಭೂತಮಸಾರಕಮ್ । ಜೀವನ್ಮೃತಂ ಚ ವಿಶ್ವಂ ಚ ಶವತುಲ್ಯಂ ಯಯಾ ವಿನಾ ॥ 12 ॥

ಸರ್ವೇಷಾಂ ಚ ಪರಾ ತ್ವಂ ಹಿ ಸರ್ವಬಾಂಧವರೂಪಿಣೀ । ಯಯಾ ವಿನಾ ನ ಸಂಭಾಷ್ಯೋ ಬಾಂಧವೈರ್ಬಾಂಧವಃ ಸದಾ ॥ 13 ॥

ತ್ವಯಾ ಹೀನೋ ಬಂಧುಹೀನಸ್ತ್ವಯಾ ಯುಕ್ತಃ ಸಬಾಂಧವಃ । ಧರ್ಮಾರ್ಥಕಾಮಮೋಕ್ಷಾಣಾಂ ತ್ವಂ ಚ ಕಾರಣರೂಪಿಣೀ ॥ 14 ॥

ಸ್ತನಂಧಯಾನಾಂ ತ್ವಂ ಮಾತಾ ಶಿಶೂನಾಂ ಶೈಶವೇ ಯಥಾ । ತಥಾ ತ್ವಂ ಸರ್ವದಾ ಮಾತಾ ಸರ್ವೇಷಾಂ ಸರ್ವವಿಶ್ವತಃ ॥ 15 ॥

ತ್ಯಕ್ತಸ್ತನೋ ಮಾತೃಹೀನಃ ಸ ಚೇಜ್ಜೀವತಿ ದೈವತಃ । ತ್ವಯಾ ಹೀನೋ ಜನಃ ಕೋಽಪಿ ನ ಜೀವತ್ಯೇವ ನಿಶ್ಚಿತಮ್ ॥ 16 ॥

ಸುಪ್ರಸನ್ನಸ್ವರೂಪಾ ತ್ವಂ ಮೇ ಪ್ರಸನ್ನಾ ಭವಾಂಬಿಕೇ । ವೈರಿಗ್ರಸ್ತಂ ಚ ವಿಷಯಂ ದೇಹಿ ಮಹ್ಯಂ ಸನಾತನಿ ॥ 17 ॥

ವಯಂ ಯಾವತ್ತ್ವಯಾ ಹೀನಾ ಬಂಧುಹೀನಾಶ್ಚ ಭಿಕ್ಷುಕಾಃ । ಸರ್ವಸಂಪದ್ವಿಹೀನಾಶ್ಚ ತಾವದೇವ ಹರಿಪ್ರಿಯೇ ॥ 18 ॥

ರಾಜ್ಯಂ ದೇಹಿ ಶ್ರಿಯಂ ದೇಹಿ ಬಲಂ ದೇಹಿ ಸುರೇಶ್ವರಿ । ಕೀರ್ತಿಂ ದೇಹಿ ಧನಂ ದೇಹಿ ಪುತ್ರಾನ್ಮಹ್ಯಂ ಚ ದೇಹಿ ವೈ ॥ 19 ॥

ಕಾಮಂ ದೇಹಿ ಮತಿಂ ದೇಹಿ ಭೋಗಾನ್ ದೇಹಿ ಹರಿಪ್ರಿಯೇ । ಜ್ಞಾನಂ ದೇಹಿ ಚ ಧರ್ಮಂ ಚ ಸರ್ವಸೌಭಾಗ್ಯಮೀಪ್ಸಿತಮ್ ॥ 20 ॥

ಸರ್ವಾಧಿಕಾರಮೇವಂ ವೈ ಪ್ರಭಾವಾಂ ಚ ಪ್ರತಾಪಕಮ್ । ಜಯಂ ಪರಾಕ್ರಮಂ ಯುದ್ಧೇ ಪರಮೈಶ್ವರ್ಯಮೈವ ಚ ॥ 21 ॥

ಇತ್ಯುಕ್ತ್ವಾ ತು ಮಹೇಂದ್ರಶ್ಚ ಸರ್ವೈಃ ಸುರಗಣೈಃ ಸಹ । ನನಾಮ ಸಾಶ್ರುನೇತ್ರೋಽಯಂ ಮೂರ್ಧ್ನಾ ಚೈವ ಪುನಃ ಪುನಃ ॥ 22 ॥

ಬ್ರಹ್ಮಾ ಚ ಶಂಕರಶ್ಚೈವ ಶೇಷೋ ಧರ್ಮಶ್ಚ ಕೇಶವಃ । ಸರ್ವೇ ಚಕ್ರುಃ ಪರೀಹಾರಂ ಸುರಾರ್ಥೇ ಚ ಪುನಃ ಪುನಃ ॥ 23 ॥

ದೇವೇಭ್ಯಶ್ಚ ವರಂ ದತ್ತ್ವಾ ಪುಷ್ಪಮಾಲಾಂ ಮನೋಹರಾಮ್ । ಕೇಶವಾಯ ದದೌ ಲಕ್ಷ್ಮೀಃ ಸಂತುಷ್ಟಾ ಸುರಸಂಸದಿ ॥ 24 ॥

ಯಯುರ್ದೈವಾಶ್ಚ ಸಂತುಷ್ಟಾಃ ಸ್ವಂ ಸ್ವಂ ಸ್ಥಾನಂ ಚ ನಾರದ । ದೇವೀ ಯಯೌ ಹರೇಃ ಕ್ರೋಡಂ ಹೃಷ್ಟಾ ಕ್ಷೀರೋದಶಾಯಿನಃ ॥ 25 ॥

ಯಯತುಸ್ತೌ ಸ್ವಸ್ವಗೃಹಂ ಬ್ರಹ್ಮೇಶಾನೌ ಚ ನಾರದ । ದತ್ತ್ವಾ ಶುಭಾಶಿಷಂ ತೌ ಚ ದೇವೇಭ್ಯಃ ಪ್ರೀತಿಪೂರ್ವಕಮ್ ॥ 26 ॥

ಇದಂ ಸ್ತೋತ್ರಂ ಮಹಾಪುಣ್ಯಂ ತ್ರಿಸಂಧ್ಯಂ ಯಃ ಪಠೇನ್ನರಃ । ಕುಬೇರತುಲ್ಯಃ ಸ ಭವೇದ್ರಾಜರಾಜೇಶ್ವರೋ ಮಹಾನ್ ॥ 27 ॥

ಸಿದ್ಧಸ್ತೋತ್ರಂ ಯದಿ ಪಠೇತ್ ಸೋಽಪಿ ಕಲ್ಪತರುರ್ನರಃ । ಪಂಚಲಕ್ಷಜಪೇನೈವ ಸ್ತೋತ್ರಸಿದ್ಧಿರ್ಭವೇನ್ನೃಣಾಮ್ ॥ 28 ॥

ಸಿದ್ಧಸ್ತೋತ್ರಂ ಯದಿ ಪಠೇನ್ಮಾಸಮೇಕಂ ಚ ಸಂಯತಃ । ಮಹಾಸುಖೀ ಚ ರಾಜೇಂದ್ರೋ ಭವಿಷ್ಯತಿ ನ ಸಂಶಯಃ ॥ 29 ॥

ಇತಿ ಶ್ರೀಬ್ರಹ್ಮವೈವರ್ತೇ ಮಹಾಪುರಾಣೇ ದ್ವಿತೀಯೇ ಪ್ರಕೃತಿಖಂಡೇ ನಾರದನಾರಾಯಣಸಂವಾದೇ ಏಕೋನಚತ್ವಾರಿಂಶತ್ತಮೋಽಧ್ಯಾಯೇ ಮಹೇಂದ್ರ ಕೃತ ಶ್ರೀ ಮಹಾಲಕ್ಷ್ಮೀ ಸ್ತೋತ್ರಮ್ ।

About Mahendra Kruta Mahalakshmi Stotram

The Mahendra Krita Mahalakshmi Stotram is the hymn Indra (Mahendra) offered to Mahalakshmi to win back the fortune of the gods. It salutes her again and again: to her who dwells in the lotus, to Narayani, dear to Krishna, the essence of all, to Padma with lotus eyes and lotus face, seated on the lotus, to Vaishnavi, namo namah.

Written by: Indra (Mahendra), as the text states

Source: Brahmavaivarta Purana, Prakriti Khanda

When to chant: On Fridays, on Diwali and Varalakshmi Vratam, and on full moon days.

Did you know?

  • Its colophon places it in chapter 39 of the Prakriti Khanda of the Brahmavaivarta Purana.
  • In the Puranic story, Indra lost his glory through the sage Durvasa's curse, and Lakshmi returned to the gods after the churning of the milk ocean.

Frequently asked questions

Who composed this stotra?

Indra (Mahendra), king of the gods, as the Purana says.

Why did Indra praise Lakshmi?

To regain the fortune the gods had lost through Durvasa's curse.

When is it recited?

On Fridays, Diwali and Varalakshmi Vratam.

Offered for worship and study, not as prediction. Non-commercial.