MuhurtaNow

Mantra Matruka Pushpa Mala Stava

Devi · Traditional devotional text

kallolollasitaamritaabdhilahareemadhye viraajanmani- -dveepe kalpakavaatikaaparivrite kaadambavaatyujjvale । ratnastambhasahasranirmitasabhaamadhye vimaanottame chintaaratnavinirmitam janani te simhaasanam bhaavaye ॥ 1 ॥

enaankaanalabhaanumandalalasachchreechakramadhye sthitaam baalaarkadyutibhaasuraam karatalaih paashaankushau bibhrateem । chaapam baanamapi prasannavadanaam kausumbhavastraanvitaam taam tvaam chandrakalavatamsamakutam chaarusmitaam bhaavaye ॥ 2 ॥

eeshaanaadipadam shivaikaphaladam ratnaasanam te shubham paadyam kunkumachandanaadibharitairarghyam saratnaakshataih । shuddhairaachamaneeyakam tava jalairbhaktyaa mayaa kalpitam kaarunyaamritavaaridhe tadakhilam santushtaye kalpataam ॥ 3 ॥

lakshye yogijanasya rakshitajagajjaale vishaalekshane praaleyaambupateerakunkumalasatkarpooramishrodakaih । goksheerairapi naarikelasalilaih shuddhodakairmantritaih snaanam devi dhiyaa mayaitadakhilam santushtaye kalpataam ॥ 4 ॥

hreemkaaraankitamantralakshitatano hemaachalaatsanchitaih ratnairujjvalamuttareeyasahitam kausumbhavarnaamshukam । muktaasantatiyajnasootramamalam sauvarnatantoodbhavam dattam devi dhiyaa mayaitadakhilam santushtaye kalpataam ॥ 5 ॥

hamsairapyatilobhaneeyagamane haaraavaleemujjvalaam hindoladyutiheerapooritatare hemaangade kankane । manjeerau manikundale makutamapyardhenduchoodaamanim naasaamauktikamanguleeyakatakau kaancheemapi sveekuru ॥ 6 ॥

sarvaange ghanasaarakunkumaghanashreegandhapankaankitam kastooreetilakam cha phaalaphalake gorochanaapatrakam । gandaadarshanamandale nayanayordivyaanjanam te'nchitam kanthaabje mriganaabhipankamamalam tvatpreetaye kalpataam ॥ 7 ॥

kahlaarotpalamallikaamaruvakaih sauvarnapankeruhai- -rjaateechampakamaalateevakulakairmandaarakundaadibhih । ketakyaa karaveerakairbahuvidhaih kluptaah srajo maalikaah sankalpena samarpayaami varade santushtaye grihyataam ॥ 8 ॥

hantaaram madanasya nandayasi yairangairanangojjvalai- -ryairbhringaavalineelakuntalabharairbadhnaasi tasyaashayam । taaneemaani tavaamba komalataraanyaamodaleelaagrihaa- -nyaamodaaya dashaangaguggulughritairdhoopairaham dhoopaye ॥ 9 ॥

lakshmeemujjvalayaami ratnanivahodbhaasvattare mandire maalaaroopavilambitairmanimayastambheshu sambhaavitaih । chitrairhaatakaputrikaakaradhritairgavyairghritairvardhitai- -rdivyairdeepaganairdhiyaa girisute santushtaye kalpataam ॥ 10 ॥

hreemkaareshvari taptahaatakakritaih sthaaleesahasrairbhritam divyaannam ghritasoopashaakabharitam chitraannabhedam tathaa । dugdhaannam madhusharkaraadadhiyutam maanikyapaatre sthitam maashaapoopasahasramamba saphalam naivedyamaavedaye ॥ 11 ॥

sachchaayairvaraketakeedalaruchaa taamboolavalleedalaih poogairbhoorigunaih sugandhimadhuraih karpoorakhandojjvalaih । muktaachoornaviraajitairbahuvidhairvaktraambujaamodanaih poornaa ratnakalaachikaa tava mude nyastaa purastaadume ॥ 12 ॥

kanyaabhih kamaneeyakaantibhiralankaaraamalaaraartikaa paatre mauktikachitrapanktivilasatkarpooradeepaalibhih । tattattaalamridangageetasahitam nrityatpadaambhoruham mantraaraadhanapoorvakam suvihitam neeraajanam grihyataam ॥ 13 ॥

lakshmeermauktikalakshakalpitasitachchattram tu dhatte rasaa- -dindraanee cha ratishcha chaamaravare dhatte svayam bhaaratee । veenaamenavilochanaah sumanasaam nrityanti tadraagava- -dbhaavairaangikasaattvikaih sphutarasam maatastadaakarnyataam ॥ 14 ॥

hreemkaaratrayasamputena manunopaasye trayeemaulibhi- -rvaakyairlakshyatano tava stutividhau ko vaa kshametaambike । sallaapaah stutayah pradakshinashatam sanchaara evaastu te samvesho namasah sahasramakhilam tvatpreetaye kalpataam ॥ 15 ॥

shreemantraaksharamaalayaa girisutaam yah poojayechchetasaa sandhyaasu prativaasaram suniyatastasyaamalam syaanmanah । chittaambhoruhamantape girisutaa nrittam vidhatte rasaa- -dvaanee vaktrasaroruhe jaladhijaa gehe jaganmangala ॥ 16 ॥

iti girivaraputreepaadaraajeevabhooshaa bhuvanamamalayantee sooktisaurabhyasaaraih । shivapadamakarandasyandineeyam nibaddhaa madayatu kavibhringaanmaatrikaapushpamaalaa ॥ 17 ॥

iti shreematparamahamsaparivraajakaachaaryasya shreegovindabhagavatpoojyapaadashishyasya shreemachchankarabhagavatah kritau mantramaatrikaapushpamaalaa stavah ।

About Mantra Matruka Pushpa Mala Stava

The Mantra Matrika Pushpamala Stava, "a garland of flowers made of the letters of the mantra", is a hymn of worship to Lalita Tripurasundari. It pictures her in the jewel island amid the ocean of nectar, in the kadamba grove, in a hall of a thousand jewelled pillars, and offers her every service of worship in imagination; its verses begin with the syllables of the Sri Vidya mantra, so the hymn itself becomes a recitation of the mantra.

Written by: Adi Shankaracharya, as its closing line states

When to chant: On Fridays, during Navaratri, on full moon days, and in Sri Vidya worship.

Did you know?

  • Its colophon names Adi Shankaracharya, disciple of Govinda Bhagavatpada, as its author.
  • Its first verses begin with "ka" and "e", the opening syllables of the Panchadashi mantra of Sri Vidya.

Frequently asked questions

What does the title mean?

"A flower garland of the mantra's letters": its verses follow the syllables of the Sri Vidya mantra.

Who wrote it?

Adi Shankaracharya, as its colophon states.

What does it describe?

A complete worship of Lalita, offered in the mind, in her jewel-island palace.

Offered for worship and study, not as prediction. Non-commercial.