MuhurtaNow

Mooka Pancha Sathi 3 - Stuti Satakam

Sri Mooka Pancha Shati · Traditional devotional text

paandityam parameshvari stutividhau naivaashrayante giraam vairinchaanyapi gumphanaani vigaladgarvaani sharvaani te । stotum tvaam pariphullaneelanalinashyaamaakshi kaamaakshi maam vaachaaleekurute tathaapi nitaraam tvatpaadasevaadarah ॥1॥

taapinchastabakatvishe tanubhritaam daaridryamudraadvishe samsaaraakhyatamomushe purariporvaamaankaseemaajushe । kampaateeramupeyushe kavayataam jihvaakuteem jagmushe vishvatraanapushe namo'stu satatam tasmai paranjyotishe ॥2॥

ye sandhyaarunayanti shankarajataakaantaarachanraarbhakam sindooranti cha ye purandaravadhooseemantaseemaantare । punya.m ye paripakkayanti bhajataam kaancheepure maamamee paayaasuh parameshvarapranayineepaadodbhavaah paamsavah ॥3॥

kaamaadambarapoorayaa shashiruchaa kamrasmitaanaam tvishaa kaamaareranuraagasindhumadhikam kallolitam tanvatee । kaamaaksheeti samastasajjananutaa kalyaanadaatree nrinaam kaarunyaakulamaanasaa bhagavatee kampaatate jrimbhate ॥4॥

kaamaaksheenaparaakramaprakatanam sambhaavayantee drishaa shyaamaa ksheerasahodarasmitaruchiprakshaalitaashaantaraa । kaamaaksheejanamaulibhooshanamanirvaachaam paraa devataa kaamaaksheeti vibhaati kaapi karunaa kampaatatinyaastate ॥5॥

shyaamaa kaachana chandrikaa tribhuvane punyaatmanaamaanane seemaashoonyakavitvavarshajananee yaa kaapi kaadambinee । maaraaraatimanovimohanavidhau kaachitattamahkandalee kaamaakshyaah karunaakataakshalaharee kaamaaya me kalpataam ॥6॥

praudhadhvaantakadambake kumudineepunyaankuram darshayan jyotsnaasangamane'pi kokamithunam mishram samudbhaavayan । kaalindeelahareedashaam prakatayankamraam nabhasyadbhutaam kashchinnetramahotsavo vijayate kaancheepure shoolinah ॥7॥

tandraaheenatamaalaneelasushamaistaarunyaleelaagrihaih taaraanaathakishoralaanchitakachaistaamraaravindekshanaih । maatah samshrayataam mano manasijapraagalbhyanaadindhamaih kampaateeracharairghanastanabharaih punyaankaraih shaankaraih ॥8॥

nityam nishchalataamupetya marutaam rakshaavidhim pushnatee tejassanchayapaatavena kiranaanushnadyutermushnatee । kaancheemadhyagataapi deeptijananee vishvaantare jrimbhate kaachichchitramaho smritaapi tamasaam nirvaapikaa deepikaa ॥9॥

kaantaih kesharuchaam chayairbhramaritam mandasmitaih pushpitam kaantyaa pallavitam padaamburuhayornetratvishaa patritam । kampaateeravanaantaram vidadhatee kalyaanajanmasthalee kaancheemadhyamahaamanirvijayate kaachitkripaakandalee ॥10॥

raakaachandrasamaanakaantivadanaa naakaadhiraajastutaa mookaanaamapi kurvatee suradhaneeneekaashavaagvaibhavam । shreekaancheenagareevihaararasikaa shokaapahantree sataam ekaa punyaparamparaa pashupateraakaarinee raajate ॥11॥

jaataa sheetalashailatah sukritinaam drishyaa param dehinaam lokaanaam kshanamaatrasamsmaranatah santaapavichchedinee । aashcharyam bahu khelanam vitanute naishchalyamaabibhratee kampaayaastataseemni kaapi tatinee kaarunyapaathomayee ॥12॥

aikyam yena virachyate haratanau dambhaavapumbhaavuke rekhaa yatkachaseemni shekharadashaam naishaakaree gaahate । aunnatyam muhureti yena sa mahaanmenaasakhah saanumaan kampaateeravihaarinaa sasharanaastenaiva dhaamnaa vayam ॥13॥

akshnoshcha stanayoh shriyaa shravanayorbaahvoshcha moolam sprishan uttamsena mukhena cha pratidinam druhyanpayojanmane । maadhuryena giraam gatena mridunaa hamsaanganaam hrepayan kaancheeseemni chakaasti ko'pi kavitaasantaanabeejaankurah ॥14॥

khandam chaandramasam vatamsamanisham kaancheepure khelanam kaalaayashchhavitaskareem tanuruchim karnajape lochane । taarunyoshmanakhampacham stanabharam janghaasprisham kuntalam bhaagyam deshikasanchitam mama kadaa sampaadayedambike ॥15॥

tanvaanam nijakelisaudhasaranim naisargikeenaam giraam kedaaram kavimallasooktilahareesasyashriyaam shaashvatam । amhovanchanachunchu kinchana bhaje kaancheepureemandanam paryaayachchavi paakashaasanamaneh paushpeshavam paurusham ॥16॥

aaloke mukhapankaje cha dadhatee saudhaakareem chaatureem choodaalankriyamaanapankajavaneevairaagamaprakriyaa । mugdhasmeramukhee ghansatanatateemoorchchaalamadhyaanchitaa kaancheeseemani kaaminee vijayate kaachijjaganmohinee ॥17॥

yasminnamba bhavatkataaksharajanee mande'pi mandasmita- jyotsnaasamsnapitaa bhavatyabhimukhee tam pratyaho dehinam । drakshaamaakshikamaadhureemadabharavreedaakaree vaikharee kaamaakshi svayamaatanotyabhisritim vaamekshaneva kshanam ॥18॥

kaalindeejalakaantayah smitaruchisvarvaahineepaathasi praudhadhvaantaruchah sphutaadharamaholauhityasandhyodaye । manikyopalakundalaamshushikhini vyaamishradhoomashriyah kalyaanaikabhuvah kataakshasushamaah kaamaakshi raajanti te ॥19॥

kalakalaranatkaanchee kaancheevibhooshanamaalikaa kachabharalasachchandraa chandraavatamsasadharminee । kavikulagirah shraavamshraavam milatpulakaankuraa virachitashirahkampaa kampaatate parishobhate ॥20॥

sarasavachasaam veechee neecheebhavanmadhumaadhuree bharitabhuvanaa keertirmoortirmanobhavajitvaree । janani manaso yogyam bhogyam nrinaam tava jaayate kathamiva vinaa kaancheebhooshe kataakshatarangitam ॥21॥

bhramaritasaritkoolo neelotpalaprabhayaa''bhayaa natajanatamahkhandee tundeeraseemni vijrimbhate । achalatapasaamekah paakah prasoonasharaasana- pratibhatamanohaaree naareekulaikashikhaamanih ॥22॥

madhuravachaso mandasmeraa matangajagaaminah tarunimajushastaapichchaabhaastamahparipanthinah । kuchabharanataah kuryurbhadram kurangavilochanaah kalitakarunaah kaancheebhaajah kapaalimahotsavaah ॥23॥

kamalasushamaakshyaarohe vichakshanaveekshanaah kumudasukritakreedaachoodaalakuntalabandhuraah । ruchiraruchibhistaapichchashreeprapanchanachunchavah puravijayinah kampaateere sphuranti manorathaah ॥24॥

kalitaratayah kaancheeleelaavidhau kavimandalee- vachanalahareevaasanteenaam vasantavibhootayah । kushalavidhaye bhooyaasurme kurangavilochanaah kusumavishikhaaraaterakshnaam kutoohalavibhramaah ॥25॥

kabalitatamaskaandaastundeeramandalamandanaah sarasijavaneesantaanaanaamaruntudashekharaah । nayanasaranernedeeyamsah kadaa nu bhavanti me tarunajaladashyaamaah shambhostapahphalavibhramaah ॥26॥

acharamamishum deenam meenadhvajasya mukhashriyaa sarasijabhuvo yaanam mlaanam gatena cha manjunaa । tridashasadasaamannam khinnam giraa cha vitanvatee tilakayati saa kampaateeram trilochanasundaree ॥27॥

janani bhuvane chankramye'ham kiyantamanehasam kupurushakarabhrashtairdushtairdhanairudarambharih । tarunakarune tandraashoonye tarangaya lochane namati mayi te kinchitkaancheepureemanideepike ॥28॥

munijanamanahpeteeratnam sphuratkarunaanatee- viharanakalaageham kaancheepureemanibhooshanam । jagati mahato mohavyaadhernrinaam paramaushadham puraharadrishaam saaphalyam me purah parijrimbhataam ॥29॥

munijanamodhaamne dhaamne vachomayajaahnavee- himagiritatapraagbhaaraayaaksharaaya paraatmane । viharanajushe kaancheedeshe maheshvaralochana- tritayasarasakreedaasaudhaanganaaya namo namah ॥30॥

marakataruchaam pratyaadesham maheshvarachakshushaam amritalahareepooram paaram bhavaakhyapayonidheh । sucharitaphalam kaancheebhaajo janasya pachelimam himashikharino vamshasyaikam vatamsamupaasmahe ॥31॥

pranamanadinaarambhe kampaanadeesakhi taavake sarasakavitonmeshah pooshaa sataam samudanchitah । pratibhatamahaapraudhaprodyatkavitvakumudvateem nayati tarasaa nidraamudraam nageshvarakanyake ॥32॥

shamitajadimaarambhaa kampaatateenikatecharee nihataduritastomaa somaardhamudritakuntalaa । phalitasumanovaanchaa paanchaayudhee paradevataa saphalayatu me netre gotreshvarapriyanandinee ॥33॥

mama tu dhishanaa peedyaa jaadyaatireka katham tvayaa kumudasushamaamaitreepaatreevatamsitakuntalaam । jagati shamitastambhaam kampaanadeenilayaamasau shriyati hi galattandraa chandraavatamsasadharmineem ॥34॥

parimalapareepaakodrekam payomuchi kaanchane shikharini punardbaidheebhaavam shashinyarunaatapam । api cha janayankamborlakshmeemanambuni ko'pyasau kusumadhanushah kaancheedeshe chakaasti paraakramah ॥35॥

puradamayiturvaamotsangasthalena rasajnayaa sarasakavitaabhaajaa kaancheepurodaraseemayaa । tataparisarairneehaaraadrervachobhirakritrimaih kimiva na tulaamasmachcheto maheshvari gaahate ॥36॥

nayanayugaleemaasmaakeenaam kadaa nu phalegraheem vidadhati gatau vyaakurvaanaa gajendrachamatkriyaam । maratakarucho maaheshaanaa ghanastananamritaah sukritavibhavaah praanchah kaancheevatamsadhurandharaah ॥37॥

manasijayashahpaaramparyam marandajhareesuvaam kavikulagiraam kandam kampaanadeetatamandanam । madhuralalitam matkam chakshurmaneeshimanoharam puravijayinah sarvasvam tatpuraskurute kadaa ॥38॥

shithilitatamoleelaam neelaaravindavilochanaam dahanavilasatphaalaam shreekaamakotimupaasmahe । karadhritasachchoolaam kaalaarichittaharaam paraam manasijakripaaleelaam lolaalakaamalikekshanaam ॥39॥

kalaaleelaashaalaa kavikulavachahkairavavanee- sharajjyotsnaadhaaraa shashadharashishushlaaghyamukutee । puneete nah kampaapulinatatasauhaardataralaa kadaa chakshurmaargam kanakagiridhaanushkamahishee ॥40॥

namah staannamrebhyah stanagarimagarvena gurunaa dadhaanebhyashchoodaabharanamamritasyandi shishiram । sadaa vaastavebhyah suvidhabhuvi kampaakhyasarite yashovyaapaarebhyah sukritavibhavebhyo ratipateh ॥41॥

asooyantee kaachinmarakatarucho naakimukutee- kadambam chumbantee charananakhachandraamshupatalaih । tamomudraam vidraavayatu mama kaancheernilayanaa harotsangashreemanmanigrihamahaadeepakalikaa ॥42॥

anaadyantaa kaachitsujananayanaanandajananee nirundhaanaa kaantim nijaruchivilaasairjalamuchaam । smaraarestaaralyam manasi janayantee svayamaho galatkampaa shampaa parilasati kampaaparisare ॥43॥

sudhaadindeerashreeh smitaruchishu tundeeravishayam parishkurvaanaasau parihasitaneelotpalaruchih । stanaabhyaamaanamraa stabakayatu me kaankshitatarum drishaamaishaaneenaam sukritaphalapaandityagarimaa ॥44॥

kripaadhaaraadronee kripanadhishanaanaam pranamataam nihantree santaapam nigamamukutottamsakalikaa । paraa kaancheeleelaaparichayavatee parvatasutaa giraam neevee devee girishaparatantraa vijayate ॥45॥

kavitvashreekandah sukritaparipaatee himagireh vidhaatree vishveshaam vishamasharaveeradhvajapatee । sakhee kampaanadyaah padahasitapaathojayugalee puraano paayaannah puramathanasaamraajyapadavee ॥46॥

daridraanaa madhye daradalitataapichchasushamaah stanaabhogakkaantaastarunaharinaankaankitakachaah । haraadheenaa naanaavibudhamukuteechumbitapadaah kadaa kampaateere kathaya viharaamo girisute ॥47॥

vareevartu sthemaa tvayi mama giraam devi manaso nareenartu praudhaa vadanakamale vaakyalaharee । chareechartu prajnaajanani jadimaanah parajane sareesartu svairam janani mayi kaamaakshi karunaa ॥48॥

kshanaatte kaamaakshi bhramarasushamaashikshanaguruh kataakshavyaakshepo mama bhavatu mokshaaya vipadaam । nareenartu svairam vachanalaharee nirjarapuree- saridveecheeneecheekaranapaturaasye mama sadaa ॥49॥

purastaanme bhooyahprashamanaparah staanmama rujaam prachaaraste kampaatatavihritisampaadini drishoh । imaam yaachnaamooreekuru sapadi dooreekuru tamah- pareepaakam matkam sapadi budhalokam cha naya maam ॥50॥

udanchantee kaancheenagaranilaye tvatkarunayaa samriddhaa vaagdhaatee parihasitamaadhvee kavayataam । upaadatte maarapratibhatajataajootamukutee- kuteerollaasinyaah shatamakhatatinyaa jayapateem ॥51॥

shriyam vidyaam dadyaajjanani namataam keertimamitaam suputraan praadatte tava jhatiti kaamaakshi karunaa । trilokyaamaadhikyam tripuraparipanthipranayini pranaamastvatpaade shamitadurite kim na kurute ॥52॥

manahstambham stambham gamayadupakampam pranamataam sadaa lolam neelam chikurajitalolambanikaram । giraam dooram smeram dhritashashikishoram pashupateh drishaam yogyam bhogyam tuhinagiribhaagyam vijayate ॥53॥

ghanashyaamaankaamaantakamahishi kaamaakshi madhuraan drishaam paataanetaanamritajalasheetaananupamaan । bhavotpaate bheete mayi vitara naathe dridhabhava- nmanashshoke mooke himagiripataake karunayaa ॥54॥

nataanaam mandaanaam bhavanigalabandhaakuladhiyaam mahaandhyaam rundhaanaamabhilashitasantaanalatikaam । charanteem kampaayaastatabhuvi savitreem trijagataam smaraamastaam nityam smaramathanajeevaatukalikaam ॥55॥

paraa vidyaa hridyaashritamadanavidyaa marakata- prabhaaneelaa leelaaparavashitashoolaayudhamanaah । tamahpooram dooram charananatapaurandarapuree- mrigaakshee kaamaakshee kamalataralaakshee nayatu me ॥56॥

ahantaakhyaa matkam kabalayati haa hanta harinee hathaatsamvidroopam haramahishi sasyaankuramasau । kataakshavyaakshepaprakataharipaashaanapatalaih imaamuchchairuchchaataya jhatiti kaamaakshi kripayaa ॥57॥

budhe vaa mooke vaa tava patati yasminkshanamasau kataakshah kaamaakshi prakatajadimakshodapatimaa । kathankaaram naasmai karamukulachoodaalamukutaa namovaakam brooyurnamuchiparipanthiprabhritayah ॥58॥

prateecheem pashyaamah prakataruchineevaarakamani- prabhaasadhreecheenaam pradalitashadaadhaarakamalaam । charanteem saushumne pathi parapadendupravigala- tsudhaardraam kaamaaksheem parinataparanjyotirudayaam ॥59॥

jambhaaraatiprabhritimukuteeh paadayoh peethayantee gumphaanvaachaam kavijanakritaansvairamaaraamayantee । shampaalakshmeem maniganaruchaapaatalaih praapayantee kampaateere kaviparishadaam jrimbhate bhaagyaseemaa ॥60॥

chandraapeedaam chaturavadanaam chanchalaapaangaleelaam kundasmeraam kuchabharanataam kuntaloddhootabhringaam । maaraaraatermadanashikhinam maamsalam deepayanteem kaamaaksheem taam kavikulagiraam kalpavalleemupaase ॥61॥

kaalaambhodaprakarasushamaam kaantibhistirjayantee kalyaanaanaamudayasaranih kalpavallee kaveenaam । kandarpaareh priyasahacharee kalmashaanaam nihantree kaancheedesham tilakayati saa kaapi kaarunyaseemaa ॥62॥

ooreekurvannurasijatate chaatureem bhoodharaanaam paathojaanaam nayanayugale paripanthyam vitanvan । kampaateere viharati ruchaa moghayanmeghashaileem kokadvesham shirasi kalayanko'pi vidyaavisheshah ॥63॥

kaancheeleelaaparichayavatee kaapi taapichchhalakshmeeh jaadyaaranye hutavahashikhaa janmabhoomih kripaayaah । maakandashreermadhurakavitaachaaturee kokilaanaam maarge bhooyaanmama nayanayormaanmathee kaapi vidyaa ॥64॥

seturmaatarmaratakamayo bhaktibhaajaam bhavaabdhau leelaalolaa kuvalayamayee maanmathee vaijayantee । kaancheebhooshaa pashupatidrishaam kaapi kaalaanjanaalee matkam duhkham shithilayatu te manjulaapaangamaalaa ॥65॥

vyaavrinvaanaah kuvalayadalaprakriyaavairamudraam vyaakurvaanaa manasijamahaaraajasaamraajyalakshmeem । kaancheeleelaavihritirasike kaankshitam nah kriyaasuh bandhachchhede tava niyaminaam baddhadeekshaah kataakshaah ॥66॥

kaalaambhode shashiruchi dalam kaitakam darshayantee madhyesaudaamini madhulihaam maalikaam raajayantee । hamsaaraavam vikachakamale manjumullaasayantee kampaateere vilasati navaa kaapi kaarunyalakshmeeh ॥67॥

chitram chitram nijamridutayaa bhartsayanpallavaaleem pumsaam kaamaanbhuvi cha niyatam poorayanpunyabhaajaam । jaatah shailaanna tu jalanidheh svairasanchaarasheelah kaancheebhooshaa kalayatu shivam ko'pi chintaamanirme ॥68॥

taamraambhojam jaladanikate tatra bandhookapushpam tasminmalleekusumasushamaam tatra veenaaninaadam । vyaavrinvaanaa sukritalaharee kaapi kaanchinagaryaam aishaanee saa kalayatitaraamaindrajaalam vilaasam ॥69॥

aahaaraamsham tridashasadasaamaashraye chaatakaanaam aakaashoparyapi cha kalayannaalayam tungameshaam । kampaateere viharatitaraam kaamadhenuh kaveenaam mandasmero madananigamaprakriyaasampradaayah ॥70॥

aardreebhootairaviralakripairaattaleelaavilaasaih aasthaapoornairadhikachapalairanchitaambhojashilpaih । kaantairlakshmeelalitabhavanaih kaantikaivalyasaaraih kaashmalyam nah kabalayatu saa kaamakotee kataakshaih ॥71॥

aadhoonvantyai taralanayanairaangajeem vaijayanteem aanandinyai nijapadajushaamaattakaancheepuraayai । aasmaakeenam hridayamakhilairaagamaanaam prapanchaih aaraadhyaayai sprihayatitaraamadimaayai jananyai ॥72॥

dooram vaachaam tridashasadasaam duhkhasindhostaritram mohakshvelakshitiruhavane krooradhaaram kuthaaram । kampaateerapranayi kavibhirvarnitodyachcharitram shaantyai seve sakalavipadaam shaankaram tatkalatram ॥73॥

khandeekritya prakritikutilam kalmasham praatibhashree- shundeeratvam nijapadajushaam shoonyatandram dishantee । tundeeraakhyai mahati vishaye svarnavrishtipradaatree chandee devee kalayati ratim chandrachoodaalachoode ॥74॥

yena khyaato bhavati sa grihee poorusho merudhanvaa yaddrikkone madananigamapraabhavam bobhaveeti । yatpreetyaiva trijagadadhipo jrimbhate kimpachaanah kampaateere sa jayati mahaankashchidojovisheshah ॥75॥

dhanyaa dhanyaa gatiriha giraam devi kaamaakshi yanme nindyaam bhindyaatsapadi jadataam kalmashaadunmishanteem । saadhvee maadhveerasamadhurataabhanjinee manjureetih vaaneevenee jhatiti vrinutaatsvardhuneespardhinee maam ॥76॥

yasyaa vaatee hridayakamalam kausumee yogabhaajaam yasyaah peethee satatashishiraa sheekarairmaakarandaih । yasyaah petee shrutiparichalanmauliratnasya kaanchee saa me somaabharanamahishee saadhayetkaankshitaani ॥77॥

ekaa maataa sakalajagataameeyushee dhyaanamudraam ekaamraadheeshvaracharanayorekataanaam samindhe । taatankodyanmaniganaruchaa taamrakarnapradeshaa taarunyashreestabakitatanustaapasee kaapi baalaa ॥78॥

dantaadantiprakatanakaree dantibhirmandayaanaih mandaaraanaam madaparinatim mathnatee mandahaasaih । ankooraabhyaam manasijatarorankitoraah kuchaabhyaa- mantahkaanchi sphurati jagataamaadimaa kaapi maataa ॥79॥

triyambakakutumbineem tripurasundareemindiraam pulindapatisundareem tripurabhairaveem bhaarateem । matangakulanaayikaam mahishamardaneem maatrikaam bhananti vibudhottamaa vihritimeva kaamaakshi te ॥80॥

mahaamunimanonatee mahitaramyakampaatatee- kuteerakavihaarinee kutilabodhasamhaarinee । sadaa bhavatu kaaminee sakaladehinaam svaaminee kripaatishayakinkaree mama vibhootaye shaankaree ॥81॥

jadaah prakritinirdhanaa janavilochanaaruntudaa naraa janani veekshanam kshanamavaapya kaamaakshi te । vachassu madhumaadhureem prakatayanti paurandaree- vibhootishu vidambanaam vapushi maanmatheem prakriyaam ॥82॥

ghansatanatatasphutasphuritakanchuleechanchalee- kritatripurashaasanaa sujanasheelitopaasanaa । drishoh saranimashnute mama kadaa nu kaancheepure paraa paramayoginaam manasi chitkulaa pushkalaa ॥83॥

kaveendrahridayecharee parigriheetakaancheepuree niroodhakarunaajharee nikhilalokarakshaakaree । manahpathadaveeyasee madanashaasanapreyasee mahaagunagareeyasee mama drisho'stu nedeeyasee ॥84॥

dhanena na ramaamahe khalajanaanna sevaamahe na chaapalamayaamahe bhavabhayaanna dooyaamahe । sthiraam tanumahetaraam manasi kim cha kaancheerata- smaraantakakutumbineecharanapallavopaasanaam ॥85॥

suraah parijanaa vapurmanasijaaya vairaayate trivishtapanitambineekuchatatee cha keleegirih । girah surabhayo vayastarunimaa daridrasya vaa kataakshasaranau kshanam nipatitasya kaamaakshi te ॥86॥

pavitraya jagattrayeevibudhabodhajeevaatubhih puratrayavimardinah pulakakanchuleedaayibhih । bhavakshayavichakshanairvyasanamokshanairveekshanaih niraksharashiromanim karunayaiva kaamaakshi maam ॥87॥

kadaa kalitakhelanaah karunayaiva kaancheepure kalaayamukulatvishah shubhakadambapoornaankuraah । payodharabharaalasaah kavijaneshu te bandhuraah pachelimakripaarasaa paripatanti maarge drishoh ॥88॥

ashodhyamachalodbhavam hridayanandanam dehinaam anarghamadhikaanchi tatkimapi ratnamuddyotate । anena samalankritaa jayati shankaraankasthalee kadaasya mama maanasam vrajati petikaavibhramam ॥89॥

paraamritajhareeplutaa jayati nityamantashcharee bhuvaamapi bahishcharee paramasamvidekaatmikaa । mahadbhiraparokshitaa satatameva kaancheepure mamaanvahamahammatirmanasi bhaatu maaheshvaree ॥90॥

tamovipinadhaavinam satatameva kaancheepure vihaararasikaa paraa paramasamvidurveeruhe । kataakshanigalairdridham hridayadushtadantaavalam chiram nayatu maamakam tripuravairiseemantinee ॥91॥

tvameva sati chandikaa tvamasi devi chaamundikaa tvameva paramaatrikaa tvamapi yogineeroopinee । tvameva kila shaambhavee tvamasi kaamakotee jayaa tvameva vijayaa tvayi trijagadamba kim broomahe ॥92॥

pare janani paarvati pranatapaalini praatibha- pradaatri parameshvari trijagadaashrite shaashvate । triyambakakutumbini tripadasangini treekshane trishaktimayi veekshanam mayi nidhehi kaamaakshi te ॥93॥

manomadhukarotsavam vidadhatee maneeshaajushaam svayamprabhavavaikhareevipinaveethikaalambinee । aho shishiritaa kripaamadhurasena kampaatate charaacharavidhaayinee chalati kaapi chinmanjaree ॥94॥

kalaavati kalaabhrito mukutaseemni leelaavati sprihaavati maheshvare bhuvanamohane bhaasvati । prabhaavati rame sadaa mahitaroopashobhaavati tvaraavati pare sataam gurukripaambudhaaraavati ॥95॥

tvayaiva jagadambayaa bhuvanamandalam sooyate tvayaiva karunaardrayaa tadapi rakshanam neeyate । tvayaiva kharakopayaa nayanapaavake hooyate tvayaiva kila nityayaa jagati santatam stheeyate ॥96॥

charaacharajaganmayeem sakalahrinmayeem chinmayeem gunatrayamayeem jagattrayamayeem tridhaamaamayeem । paraaparamayeem sadaa dashadishaam nishaaharmayeem paraam satatasanmayeem manasi chinmayeem sheelaye ॥97॥

jaya jagadambike harakutumbini vaktraruchaa jitasharadambuje ghanavidambini kesharuchaa । paramavalambanam kuru sadaa pararoopadhare mama gatasamvido jadimadambarataandavinah ॥98॥

bhuvanajanani bhooshaabhootachandre namaste kalushashamani kampaateeragehe namaste । nikhilanigamavedye nityaroope namaste parashivamayi paashachchhedahaste namaste ॥99॥

kvanatkaanchee kaancheepuramanivipancheelayajharee- shirahkampaa kampaavasatiranukampaajalanidhih । ghanashyaamaa shyaamaa kathinakuchaseemaa manasi me mrigaakshee kaamaakshee haranatanasaakshee viharataat ॥100॥

samaravijayakotee saadhakaanandadhaatee mridugunaparipetee mukhyakaadambavaatee । muninutaparipaatee mohitaajaandakotee paramashivavadhootee paatu maam kaamakotee ॥101॥

imam paravarapradam prakritipeshalam paavanam paraaparachidaakritiprakatanapradeepaayitam । stavam pathati nityadaa manasi bhaavayannambikaam japairalamalam makhairadhikadehasamshoshanaih ॥102॥

॥ iti stutishatakam sampoornam ॥

About Mooka Pancha Sathi 3 - Stuti Satakam

The Stuti Shatakam is the third of the five hundred-verse poems of the Mooka Pancha Shati, all in praise of Goddess Kamakshi of Kanchipuram. It opens by confessing that even the poetry of Brahma falls silent before her, and that only her grace makes the poet speak; each verse then praises Kamakshi, the dark-lotus-eyed consort of Shiva on the banks of the Kampa river.

Written by: Mooka Kavi, traditionally

When to chant: On Fridays, during Navaratri, and in Kamakshi worship.

Did you know?

  • Mooka means "mute": tradition says the poet could not speak until Kamakshi's grace touched him, and then poured out five hundred verses.
  • The five shatakas are the Arya, Padaravinda, Stuti, Kataksha and Mandasmita Shatakas, the last two on her glance and her smile.
  • The closing verse says that reciting this hymn with the Mother in mind is better than many rituals and austerities.

Frequently asked questions

What is the Mooka Pancha Shati?

Five hundred verses in praise of Goddess Kamakshi of Kanchipuram, in five shatakas of one hundred each.

Which shataka is this?

The third, the Stuti Shatakam, a hymn of praise.

Who is Kamakshi?

The presiding goddess of Kanchipuram, a form of Parvati and Lalita Tripurasundari.

Offered for worship and study, not as prediction. Non-commercial.