Mooka Pancha Sathi 5 - Mandasmitha Satakam
Sri Mooka Pancha Shati · Traditional devotional text
badhneemo vayamanjalim pratidinam bandhachchide dehinaam kandarpaagamatantramoolagurave kalyaanakeleebhuve । kaamaakshyaa ghanasaarapunjarajase kaamadruhashchakshushaam mandaarastabakaprabhaamadamushe mandasmitajyotishe ॥1॥
sadhreeche navamallikaasumanasaam naasaagramuktaamane- raachaaryaaya mrinaalakaandamahasaam naisargikaaya dvishe । svardhunyaa saha yudhvena himarucherardhaasanaadhyaasine kaamaakshyaah smitamanjareedhavalimaadvaitaaya tasmai namah ॥2॥
karpooradyutichaatureematitaraamalpeeyaseem kurvatee daurbhaagyodayameva samvidadhatee daushaakareenaam tvishaam । kshullaaneva manojnamallinikaraanphullaanapi vyanjatee kaamaakshyaa mridulasmitaamshulaharee kaamaprasoorastu me ॥3॥
yaa peenastanamandalopari lasatkarpooralepaayate yaa neelekshanaraatrikaantitatishu jyotsnaaprarohaayate । yaa saundaryadhuneetarangatatishu vyaalolahamsaayate kaamaakshyaah shishireekarotu hridayam saa me smitapraachuree ॥4॥
yeshaam gachchhati poorvapakshasaranim kaumudvatah shvetimaa yeshaam santatamaarurukshati tulaakakshyaam sharachchandramaah । yeshaamichchati kamburapyasulabhaamantevasatprakriyaam kaamaakshyaa mamataam harantu mama te haasatvishaamankuraah ॥5॥
aashaaseemasu santatam vidadhatee naishaakareem vyaakriyaam kaashaanaamabhimaanabhangakalanaakaushalyamaabibhratee । eeshaanena vilokitaa sakutukam kaamaakshi te kalmasha- kleshaapaayakaree chakaasti laharee mandasmitajyotishaam ॥6॥
aaroodhasya samunnatastanatateesaamraajyasimhaasanam kandarpasya vibhorjagattrayapraakatyamudraanidheh । yasyaashchaamarachaatureem kalayate rashmichchataa chanchalaa saa mandasmitamanjaree bhavatu nah kaamaaya kaamaakshi te ॥7॥
shambhoryaa parirambhasambhramavidhau nairmalyaseemaanidhih gairvaaneeva taranginee kritamridusyandaam kalindaatmajaam । kalmaasheekurute kalankasushamaam kanthasthaleechumbineem kaamaakshyaah smitakandalee bhavatu nah kalyaanasandohinee ॥8॥
jetum haaralataamiva stanatateem sanjagmushee santatam gantum nirmalataamiva dvigunitaam magnaa kripaastrotasi । labdhum vismayaneeyataamiva haram raagaakulam kurvatee manjuste smitamanjaree bhavabhayam mathnaatu kaamaakshi me ॥9॥
shvetaapi prakatam nishaakararuchaam maalinyamaatanvatee sheetaapi smarapaavakam pashupateh sandhukshayantee sadaa । svaabhaavyaadadharaashritaapi namataamuchchairdishantee gatim kaamaakshi sphutamantaraa sphuratu nastvanmandahaasaprabhaa ॥10॥
vaktrashreesaraseejale taralitabhroovallikallolite kaalimnaa dadhatee kataakshajanushaa maadhuvrateem vyaapritim । nirnidraamalapundareekakuhanaapaandityamaabibhratee kaamaakshyaah smitachaaturee mama manah kaataryamunmoolayet ॥11॥
nityam baadhitabandhujeevamadharam maitreejusham pallavaih shuddhasya dvijamandalasya cha tiraskartaaramapyaashritaa । yaa vaimalyavatee sadaiva namataam chetah puneetetaraam kaamaakshyaa hridayam prasaadayatu me saa mandahaasaprabhaa ॥12॥
druhyantee tamase muhuh kumudineesaahaayyamaabibhratee yaantee chandrakishorashekharavapuhsaudhaangane prenkhanam । jnaanaambhonidhiveechikaam sumanasaam koolankashaam kurvatee kaamaakshyaah smitakaumudee haratu me samsaarataapodayam ॥13॥
kaashmeeradravadhaatukardamaruchaa kalmaashataam bibhratee hamsaudhairiva kurvatee parichitim haareekritairmauktikaih । vakshojanmatushaarashailakatake sanchaaramaatanvatee kaamaakshyaa mridulasmitadyutimayee bhaageerathee bhaasate ॥14॥
kamborvamshaparamparaa iva kripaasantaanavalleebhuvah samphullastabakaa iva prasrimaraa moortaah prasaadaa iva । vaakpeeyooshakanaa iva tripathagaaparyaayabhedaa iva bhraajante tava mandahaasakiranaah kaancheepureenaayike ॥15॥
vakshoje ghanasaarapatrarachanaabhangeesapatnaayitaa kanthe mauktikahaarayashtikiranavyaapaaramudraayitaa । oshthashreenikurumbapallavapute prenkhatprasoonaayitaa kaamaakshi sphurataam madeeyahridaye tvanmandahaasaprabhaa ॥16॥
yeshaam bindurivopari prachalito naasaagramuktaamanih yeshaam deena ivaadhikanthamayate haarah karaalambanam । yeshaam bandhurivoshthayorarunimaa dhatte svayam ranjanam kaamaakshyaah prabhavantu te mama shivollaasaaya haasaankuraah ॥17॥
yaa jaadyaambunidhim kshinoti bhajataam vairaayate kairavaih nityam yaam niyamena yaa cha yatate kartum trinetrotsavam । bimbam chaandramasam cha vanchayati yaa garvena saa taadrishee kaamaakshi smitamanjaree tava katham jyotsnetyasau keertyate ॥18॥
aarudhaa rabhasaatpurah purariporaashleshanopakrame yaa te maatarupaiti divyatatineeshankaakaree tatkshanam । oshthau vepayati bhruvau kutilayatyaanamrayatyaananam taam vande mriduhaasapoorasushamaamekaamranaathapriye ॥19॥
vaktrendostava chandrikaa smitatatirvalgu sphurantee sataam syaachchedyuktimidam chakoramanasaam kaamaakshi kautoohalam । etachchitramaharnisham yadadhikaameshaa ruchim gaahate bimboshthadyumaniprabhaasvapi cha yadbibbokamaalambate ॥20॥
saadrishyam kalashaambudhervahati yatkaamaakshi mandasmitam shobhaamoshtharuchaamba vidrumabhavaametaadbhidaam broomahe । ekasmaaduditam puraa kila papau sharvah puraanah pumaan etanmadhyasamudbhavam rasayate maadhuryaroopam rasam ॥21॥
uttungastanakumbhashailakatake vistaarikastoorikaa- patrashreejushi chanchalaah smitaruchah kaamaakshi te komalaah । sandhyaadeedhitiranjitaa iva muhuh saandraadharajyotishaa vyaalolaamalashaaradaabhrashakalavyaapaaramaatanvate ॥22॥
ksheeram doorata eva tishthatu katham vaimalyamaatraadidam maataste sahapaathaveethimayataam mandasmitairmanjulaih । kim cheyam tu bhidaasti dohanavashaadekam tu sanjaayate kaamaakshi svayamarthitam pranamataamanyattu doduhyate ॥23॥
karpoorairamritairjagajjanani te kaamaakshi chandraatapaih muktaahaaragunairmrinaalavalayairmugdhasmitashreeriyam । shreekaancheepuranaayike samatayaa samstooyate sajjanaih tattaadrinmama taapashaantividhaye kim devi mandaayate ॥24॥
madhyegarbhitamanjuvaakyalahareemaadhveejhareesheetalaa mandaarastabakaayate janani te mandasmitaamshuchchataa । yasyaa vardhayitum muhurvikasanam kaamaakshi kaamadruho valgurveekshanavibhramavyatikaro vaasantamaasaayate ॥25॥
bimboshthadyutipunjaranjitaruchistvanmandahaasachchataa । kalyaanam girisaarvabhaumatanaye kallolayatvaashu me । phullanmallipinaddhahallakamayee maaleva yaa peshalaa shreekaancheeshvari maaramarditururomadhye muhurlambate ॥26॥
bibhraanaa sharadabhravibhramadashaam vidyotamaanaapyaso kaamaakshi smitamanjaree kirati te kaarunyadhaaraarasam । aashcharyam shishireekaroti jagateeshchaalokya chainaamaho kaamam khelati neelakanthahridayam kautoohalaandolitam ॥27॥
prenkhatpraudhakataakshakunjakuhareshvatyachchaguchchaayitam vaktrenduchchavisindhuveechinichaye phenaprataanaayitam । nairantaryavijrimbhitastanatate naicholapattaayitam kaalushyam kabaleekarotu mama te kaamaakshi mandasmitam ॥28॥
peeyoosham tava mantharasmitamiti vyarthaiva saapaprathaa kaamaakshi dhruvameedrisham yadi bhavedetatkatham vaa shive । mandaarasya kathaalavam na sahate mathnaati mandaakinee- mindum nindati keertite'pi kalasheepaathodhimeershyaayate ॥29॥
vishveshaam nayanotsavam vitanutaam vidyotataam chandramaa vikhyaato madanaantakena mukuteemadhye cha sammaanyataam । aah kim jaatamanena haasasushamaamaalokya kaamaakshi te kaalankeemavalambate khalu dashaam kalmaashaheeno'pyasau ॥30॥
chetah sheetalayantu nah pashupateraanandajeevaatavo namraanaam nayanaadhvaseemasu sharachchandraatapopakramaah । samsaaraakhyasaroruhaakarakhaleekaare tushaarotkaraah kaamaakshi smarakeertibeejanikaraastvanmandahaasaankuraah ॥31॥
karmaughaakhyatamahkachaakachikaraankaamaakshi sanchintaye tvanmandasmitarochishaam tribhuvanakshemankaraanankuraan । ye vaktram shishirashriyo vikasitam chandraatapaambhoruha- dveshoddheshonachaatureemiva tiraskartum parishkurvate ॥32॥
kuryurnah kulashailaraajatanaye koolankasham mangalam kundaspardhanachunchavastava shive mandasmitaprakramaah । ye kaamaakshi samastasaakshinayanam santoshayanteeshvaram karpooraprakaraa iva prasrimaraah pumsaamasaadhaaranaah ॥33॥
kamrena snapayasva karmakuhanaachorena maaraagama- vyaakhyaashikshanadeekshitena vidushaamaksheenalakshmeepushaa । kaamaakshi smitakandalena kalushasphotakriyaachunchunaa kaarunyaamritaveechikaaviharanapraachuryadhuryena maam ॥34॥
tvanmandasmitakandalasya niyatam kaamaakshi shankaamahe bimbah kashchana nootanah prachalito naishaakarah sheekarah । kincha ksheerapayonidhih pratinidhih svarvaahineeveechikaa- bibvoko'pi vidamba eva kuhanaa malleematalleeruchah ॥35॥
dushkarmaarkanisargakarkashamahassamparkatapatam mila- tpankam shankaravallabhe mama manah kaancheepuraalankriye । amba tvanmridulasmitaamritarase manktvaa vidhooya vyathaa- maanandodayasaudhashringapadaveemaarodhumaakaankshati ॥36॥
namraanaam nagaraajashekharasute naakaalayaanaam purah kaamaakshi tvarayaa vipatprashamena kaarunyadhaaraah kiran । aagachchantamanugraham prakatayannaanandabeejaani te naaseere mriduhaasa eva tanute naathe sudhaasheetalah ॥37॥
kaamaakshi prathamaanavibhramanidhih kandarpadarpaprasooh mugdhaste mriduhaasa eva girije mushnaatu me kilbisham । yam drashtum vihite karagraha ume shambhustrapaameelitam svairam kaarayati sma taandavavinodaanandinaa tandunaa ॥38॥
kshunnam kenachideva dheeramanasaa kutraapi naanaajanaih karmagranthiniyantritairasugamam kaamaakshi saamaanyatah । mugdhairdrushtumashakyameva manasaa moodhasaya me mauktikam maargam darshayatu pradeepa iva te mandasmitashreeriyam ॥39॥
jyotsnaakaantibhireva nirmalataram naishaakaram mandalam hamsaireva sharadvilaasasamaye vyaakochamambhoruham । svachchaireva vikasvarairudugunaih kaamaakshi bimbam divah punyaireva mridusmitaistava mukham pushnaati shobhaabharam ॥40॥
maanagranthividhuntudena rabhasaadaasvaadyamaane nava- premaadambarapoornimaahimakare kaamaakshi te tatkshanam । aalokya smitachandrikaam punarimaamunmeelanam jagmusheem chetah sheelayate chakoracharitam chandraardhachoodaamaneh ॥41॥
kaamaakshi smitamanjareem tava bhaje yasyaastvishaamankuraa- naapeenastanapaanalaalasatayaa nishshankamankeshayah । oordhvam veekshya vikarshati prasrimaraanuddaamayaa shundayaa soonusute bisashankayaashu kuhanaadantaavalagraamaneeh ॥42॥
gaadhaashleshavimardasambhramavashaaduddaamamuktaaguna- praalambe kuchakumbhayorvigalite dakshadvisho vakshasi । yaa sakhyena pinahyati prachurayaa bhaasaa tadeeyaam dashaam saa me khelatu kaamakoti hridaye saandrasmitaamshuchchataa ॥43॥
mandaare tava mantharasmitaruchaam maatsaryamaalokyate kaamaakshi smarashaasane cha niyato raagodayo lakshyate । chaandreeshu dyutimanjareeshu cha mahaandveshaankuro drishyate shuddhaanaam kathameedrishee girisute'tishuddhaa dashaa kathyataam ॥44॥
peeyoosham khalu peeyate surajanairdugdhaambudhirmathyate maaheshaishcha jataakalaapanigadairmandaakinee nahyate । sheetaamshuh paribhooyate cha tamasaa tasmaadanetaadrishee kaamaakshi smitamanjaree tava vachovaidagdhyamullanghate ॥45॥
aashanke tava mandahaasalahareemanyaadrisheem chandrikaa- mekaamreshakutumbini pratipadam yasyaah prabhaasangame । vakshojaamburuhe na te rachayatah kaanchiddashaam kaunmalee- maasyaambhoruhamamba kincha shanakairaalambate phullataam ॥46॥
aasteernaadharakaantipallavachaye paatam muhurjagmushee maaradrohini kandalatsmarasharajvaalaavaleervyanjatee । nindantee ghanasaarahaaravalayajyotsnaamrinaalaani te kaamaakshi smitachaaturee virahineereetim jagaahetaraam ॥47॥
sooryaalokavidhau vikaasamadhikam yaantee harantee tama- ssandoham namataam nijasmaranato doshaakaradveshinee । niryaantee vadanaaravindakuharaannirdhootajaadyaa nrinaam shreekaamaakshi tava smitadyutimayee chitreeyate chandrikaa ॥48॥
kuntheekuryuramee kubodhaghatanaamasmanmanomaathineem shreekaamaakshi shivankaraastava shive shreemandahaasaankuraah । ye tanvanti nirantaram tarunimastamberamagraamanee- kumbhadvandvavidambini stanatate muktaakuthaadambaram ॥49॥
prenkhantah sharadambudaa iva shanaih premaanilaih preritaa majjanto mandanaarikanthasushamaasindhau muhurmantharam । shreekaamaakshi tava smitaamshunikaraah shyaamaayamaanashriyo neelaambhodharanaipuneem tata ito nirnidrayantyanjasaa ॥50॥
vyaapaaram chaturaananaikavihritau vyaakurvatee kurvatee rudraakshagrahanam maheshi satatam vaagoormikallolitaa । utphullam dhavalaaravindamadhareekritya sphurantee sadaa shreekaamaakshi sarasvatee vijayate tvanmandahaasaprabhaa ॥51॥
karpooradyutitaskarena mahasaa kalmaashayatyaananam shreekaancheepuranaayike patiriva shreemandahaaso'pi te । aalingatyatipeevaraam stanatateem bimbaadharam chumbati praudham raagabharam vyanakti manaso dhairyam dhuneetetaraam ॥52॥
vaishadyena cha vishvataapaharanakreedaapateeyastayaa paandityena pachelimena jagataam netrotsavotpaadena । kaamaakshi smitakandalaistava tulaamaarodhumudyoginee jyotsnaasau jalaraashiposhanatayaa dooshyaam prapannaa dashaam ॥53॥
laavanyaambujineemrinaalavalayaih shringaaragandhadvipa- graamanyah shrutichaamaraistarunimasvaaraajyatejonkuraih । aanandaamritasindhuveechiprishatairaasyaabjahamsaistava shreekaamaakshi mathaana mandahasitairmatkam manahkalmasham ॥54॥
uttungastanamandaleeparichalanmaanikyahaarachchataa- chanchachchonimapunjamadhyasaranim maatah parishkurvatee । yaa vaidagdhyamupaiti shankarajataakaantaaravaateepata- tsvarvaapeepayasah smitadyutirasau kaamaakshi te manjulaa ॥55॥
sannaamaikajushaa janena sulabham samsoochayantee shanai- ruttungasya chiraadanugrahatarorutpatsyamaanam phalam । praathamyena vikasvaraa kusumavatpraagalbhyamabhyeyushee kaamaakshi smitachaaturee tava mama kshemankaree kalpataam ॥56॥
dhaanushkaagrasarasya lolakutilabhroolekhayaa bibhrato leelaalokashileemukham navavayassaamraajyalakshmeepushah । jetum manmathamardinam janani te kaamaakshi haasah svayam valgurvibhramabhoobhrito vitanute senaapatiprakriyaam ॥57॥
yannaakampata kaalakootakabaleekaare chuchumbe na yad- glaanyaa chakshushi rooshitaanalashikhe rudrasya tattaadrisham । cheto yatprasabham smarajvarashikhijvaalena lelihyate tatkaamaakshi tava smitaamshukalikaahelaabhavam praabhavam ॥58॥
sambhinneva suparvalokatatinee veecheechayairyaamunaih sammishreva shashaankadeeptilaharee neelairmahaaneeradaih । kaamaakshi sphuritaa tava smitaruchih kaalaanjanaspardhinaa kaalimnaa kacharochishaam vyatikare kaanchiddashaamashnute ॥59॥
jaaneemo jagadeeshvarapranayini tvanmandahaasaprabhaam shreekaamaakshi sarojineemabhinavaameshaa yatah sarvadaa । aasyendoravalokena pashupaterabhyeti samphullataam tandraalustadabhaava eva tanute tadvaipareetyakramam ॥60॥
yaantee lohitimaanamabhratatinee dhaatuchchataakardamaih bhaantee baalagabhastimaalikiranairmeghaavalee shaaradee । bimboshthadyutipunjachumbanakalaashonaayamaanena te kaamaakshi smitarochishaa samadashaamaarodhumaakaankshate ॥61॥
shreekaamaakshi mukhendubhooshanamidam mandasmitam taavakam netraanandakaram tathaa himakaro gachchedyathaa tigmataam । sheetam devi tathaa yathaa himajalam santaapamudraaspadam shvetam kincha tathaa yathaa malinataam dhatte cha muktaamanih ॥62॥
tvanmandasmitamanjareem prasrimaraam kaamaakshi chandraatapam santah santatamaamanantyamalataa tallakshanam lakshyate । asmaakam na dhunoti taapakamadhikam dhoonoti naabhyantaram dhvaantam tatkhalu duhkhino vayamidam kenoti no vidmahe ॥63॥
namrasya pranayapraroodhakalahachchedaaya paadaabjayoh mandam chandrakishorashekharamaneh kaamaakshi raagena te । bandhookaprasavashriyam jitavato bamheeyaseem taadrisheem bimboshthasya ruchim nirasya hasitajyotsnaa vayasyaayate ॥64॥
muktaanaam parimochanam vidadhatastatpreetinishpaadinee bhooyo doorata eva dhootamarutastatpaalanam tanvatee । udbhootasya jalaantaraadaviratam taddoorataam jagmushee kaamaakshi smitamanjaree tava katham kambostulaamashnute ॥65॥
shreekaamaakshi tava smitadyutijhareevaidagdhyaleelaayitam pashyanto'pi nirantaram suvimalammanyaa jaganmandale । lokam haasayitum kimarthamanisham praakaashyamaatanvate mandaaksham virahayya mangalataram mandaarachandraadayah ॥66॥
ksheeraabdherapi shailaraajatanaye tvanmandahaasasya cha shreekaamaakshi valakshimodayanidheh kinchidbhidaam broomahe । ekasmai purushaaya devi sa dadau lakshmeem kadaachitpuraa sarvebhyo'pi dadaatyasau tu satatam lakshmeem cha vaageeshvareem ॥67॥
shreekaancheepuraratnadeepakalike taanyeva menaatmaje chaakoraani kulaani devi sutaraam dhanyaani manyaamahe । kampaateerakutumbachankramakalaachunchooni chanchooputaih nityam yaani tava smitendumahasaamaasvaadamaatanvate ॥68॥
shaityaprakramamaashrito'pi namataam jaadyaprathaam dhoonayan nairmalyam paramam gato'pi girisham raagaakulam chaarayan । leelaalaapapurassaro'pi satatam vaachamyamaanpreenayan kaamaakshi smitarochishaam tava samullaasah katham varnyate ॥69॥
shroneechanchalamekhalaamukharitam leelaagatam mantharam bhroovalleechalanam kataakshavalanam mandaakshaveekshaachanam । yadvaidagdhyamukhena manmatharipum sammohayantyanjasaa shreekaamaakshi tava smitaaya satatam tasmai namsakurmahe ॥70॥
shreekaamaakshi manojnamandahasitajyotishprarohe tava spheetashvetimasaarvabhaumasaranipraagalbhyamabhyeyushi । chandro'yam yuvaraajataam kalayate cheteedhuram chandrikaa shuddhaa saa cha sudhaajharee sahachareesaadharmyamaalambate ॥71॥
jyotsnaa kim tanute phalam tanumataamaushnyaprashaantim vinaa tvanmandasmitarochishaa tanumataam kaamaakshi rochishnunaa । santaapo vinivaaryate navavayahpraachuryamankooryate saundaryam paripooryate jagati saa keertishcha sanchaaryate ॥72॥
vaimalyam kumudashriyaam himaruchah kaantyaiva sandhukshyate jyotsnaarochirapi pradoshasamayam praapyaiva sampadyate । svachchhatvam navamauktikasya paramam samskaarato drishyate kaamaakshyaah smitadeedhitervishadimaa naisargiko bhaasate ॥73॥
praakaashyam parameshvarapranayini tvanmandahaasashriyah shreekaamaakshi mama kshinotu mamataavaichakshaneemakshayaam । yadbheetyeva nileeyate himakaro meghodare shuktikaa- garbhe mauktikamandalee cha saraseemadhye mrinaalee cha saa ॥74॥
herambe cha guhe harshabharitam vaatsalyamankoorayat maaradrohini poorushe sahabhuvam premaankuram vyanjayat । aanamreshu janeshu poornakarunaavaidagdhyamuttaalayat kaamaakshi smitamanjasaa tava kathankaaram mayaa kathyate ॥75॥
sankruddhadvijaraajako'pyaviratam kurvandvijaih sangamam vaaneepaddhatidoorago'pi satatam tatsaahacharyam vahan । ashraantam pashudurlabho'pi kalayanpatyau pashoonaam ratim shreekaamaakshi tava smitaamritarasasyando mayi spandataam ॥76॥
shreekaamaakshi maheshvare nirupamapremaankuraprakramamm nityam yah prakateekaroti sahajaamunnidrayanmaadhureem । tattaadriktava mandahaasamahimaa maatah katham maanitaam tanmoordhnaa suranimnagaam cha kalikaamindoshcha taam nindati ॥77॥
ye maadhuryavihaaramantapabhuvo ye shaityamudraakaraa ye vaishadyadashaavisheshasubhagaaste mandahaasaankuraah । kaamaakshyaah sahajam gunatrayamidam paryaayatah kurvataam vaaneegumphanadambare cha hridaye keertiprarohe cha me ॥78॥
kaamaakshyaa mridulasmitaamshunikaraa dakshaantake veekshane mandaakshagrahilaa himadyutimayookhaakshepadeekshaankuraah । daakshyam pakshmalayantu maakshikagudadraakshaabhavam vaakshu me sookshmam mokshapatham nireekshitumapi prakshaalayeyurmanah ॥79॥
jaatyaa sheetasheetalaani madhuraanyetaani pootaani te gaangaaneeva payaamsi devi patalaanyalpasmitajyotishaam । enahpankaparamparaamalinitaamekaamranaathapriye prajnaanaatsutaraam madeeyadhishanaam prakshaalayantu kshanaat ॥80॥
ashraantam paratantritah pashupatistvanmandahaasaankuraih shreekaamaakshi tadeeyavarnasamataasangena shankaamahe । indum naakadhuneem cha shekharayate maalaam cha dhatte navaih vaikunthairavakunthanam cha kurute dhooleechayairbhaasmanaih ॥81॥
shreekaancheepuradevate mriduvachassaurabhyamudraaspadam praudhapremalataanaveenakusumam mandasmitam taavakam । mandam kandalati priyasya vadanaaloke samaabhaashane shlakshne kunmalati praroodhapulake chaashloshane phullati ॥82॥
kim traisrotasamambike parinatam srotashchaturtham navam peeyooshasya samastataapaharanam kimvaa dviteeyam vapuh । kimsvittvannikatam gatam madhurimaabhyaasaaya gavyam payah shreekaancheepuranaayakapriyatame mandasmitam taavakam ॥83॥
bhooshaa vaktrasaroruhasya sahajaa vaachaam sakhee shaashvatee neevee vibhramasantateh pashupateh saudhee drishaam paaranaa । jeevaaturmadanashriyah shashirucheruchchaatanee devataa shreekaamaakshi giraamabhoomimayate haasaprabhaamanjaree ॥84॥
sootih shvetimakandalasya vasatih shringaarasaarashriyah poortih sooktijhareerasasya laharee kaarunyapaathonidheh । vaatee kaachana kausumee madhurimasvaaraajyalakshmyaastava shreekaamaakshi mamaastu mangalakaree haasaprabhaachaaturee ॥85॥
jantoonaam janiduhkhamrityulahareesantaapanam krintatah praudhaanugrahapoornasheetalarucho nityodayam bibhratah । shreekaamaakshi visritvaraa iva karaa haasaankuraaste hathaa- daalokena nihanyurandhatamasastomasya me santatim ॥86॥
uttungastanamandalasya vilasallaavanyaleelaanatee- rangasya sphutamoordhvaseemani muhuh praakaashyamabhyeyushee । shreekaamaakshi tava smitadyutitatirbimboshthakaantyankuraih chitraam vidrumamudritaam vitanute maukteem vitaanashriyam ॥87॥
svaabhaavyaattava vaktrameva lalitam santoshasampaadanam shambhoh kim punaranchitasmitaruchah paandityapaatreekritam । ambhojam svata eva sarvajagataam chakshuhpriyambhaavukam kaamaakshi sphurite sharadvikasite keedrigvidham bhraajate ॥88॥
pumbhirnirmalamaanasaurvidadhate maitreem dridham nirmalaam labdhvaa karmalayam cha nirmalataraam keertim labhantetaraam । sooktim pakshmalayanti nirmalatamaam yattaavakaah sevakaah tatkaamaakshi tava smitasya kalayaa nairmalyaseemaanidheh ॥89॥
aakarshannayanaani naakisadasaam shaityena samstambhaya- nnindum kincha vimohayanpashupatim vishvaartimuchchaatayan । himsatsamsritidambaram tava shive haasaahvayo maantrikah shreekaamaakshi madeeyamaanasatamovidveshane cheshtataam ॥90॥
kshepeeyah kshapayantu kalmashabhayaanyasmaakamalpasmita- jyotirmandalachankramaastava shive kaamaakshi rochishnavah । peedaakarmathakarmagharmasamayavyaapaarataapaanala- shreepaataa navaharshavarshanasudhaasrotasvineesheekaraah ॥91॥
shreekaamaakshi tava smitaindavamahahpoore parimphoorjati praudhaam vaaridhichaatureem kalayate bhaktaatmanaam praatibham । daurgatyaprasaraastamahpatalikaasaadharmyamaabibhrate sarvam kairavasaahacharyapadaveereetim vidhatte param ॥92॥
mandaaraadishu manmathaarimahishi praakaashyareetim nijaam kaadaachitkatayaa vishankya bahusho vaishadyamudraagunah । saatatyena tava smite vitanute svairaasanaavaasanaam ॥93॥
indhaane bhavaveetihotranivahe karmaughachandaanila- praudhimnaa bahuleekrite nipatitam santaapachintaakulam । maatarmaam parishincha kinchidamalaih peeyooshavarshairiva shreekaamaakshi tava smitadyutikanaih shaishiryaleelaakaraih ॥94॥
bhaashaayaa rasanaagrakhelanajushah shringaaramudraasakhee- leelaajaatarateh sukhena niyamasnaanaaya menaatmaje । shreekaamaakshi sudhaamayeeva shishiraa srotasvinee taavakee gaadhaanandatarangitaa vijayate haasaprabhaachaaturee ॥95॥
santaapam viraleekarotu sakalam kaamaakshi machchetanaa majjantee madhurasmitaamaradhuneekallolajaaleshu te । nairantaryamupetya manmathamarulloleshu yeshu sphutam premenduh pratibimbito vitanute kautoohalam dhoorjateh ॥96॥
chetahksheerapayodhimantharachaladraagaakhyamanthaachala- kshobhavyaapritisambhavaam janani te mandasmitashreesudhaam । svaadamsvaadamudeetakautukarasaa netratrayee shaankaree shreekaamaakshi nirantaram parinamatyaanandaveecheemayee ॥97॥
aaloke tava panchasaayakariporuddaamakautoohala- prenkhanmaarutaghattanaprachalitaadaanandadugdhaambudheh । kaachidveechirudanchati pratinavaa samvitprarohaatmikaa taam kaamaakshi kaveeshvaraah smitamiti vyaakurvate sarvadaa ॥98॥
sooktih sheelayate kimadritanaye mandasmitaatte muhuh maadhuryaagamasampradaayamathavaa sookternu mandasmitam । ittham kaamapi gaahate mama manah sandehamaargabhramim shreekaamaakshi na paaramaarthyasaranisphoortau nidhatte padam ॥99॥
kreedaalolakripaasaroruhamukheesaudhaanganebhyah kavi- shreneevaakparipaatikaamritajhareesooteegrihebhyah shive । nirvaanaankurasaarvabhaumapadaveesimhaasanebhyastava shreekaamaakshi manojnamandahasitajyotishkanebhyo namah ॥100॥
aaryaameva vibhaavayanmanasi yah paadaaravindam purah pashyannaarabhate stutim sa niyatam labdhvaa kataakshachchhavim । kaamaakshyaa mridulasmitaamshulahareejyotsnaavayasyaanvitaam aarohatyapavargasaudhavalabheemaanandaveecheemayeem ॥101॥
॥ iti mandasmitashatakam sampoornam ॥
॥ iti shree mookapanchashatee sampoornaa ॥
॥aum tat sat ॥
About Mooka Pancha Sathi 5 - Mandasmitha Satakam
The Mandasmita Shatakam, "a hundred verses on the gentle smile", is the fifth and last shataka of the Mooka Panchashati, in praise of Goddess Kamakshi of Kanchipuram. Each verse turns to her soft smile: white as camphor, it is the teacher of Kama's arts, the playground of auspiciousness, brighter than the jasmine and the pearl at her nose, and it cuts the bonds of embodied beings.
Written by: Mooka Kavi, by tradition
When to chant: On Fridays and Purnima, during Navaratri, and at Kanchipuram.
Did you know?
- Tradition says the poet Mooka was born mute and gained speech by the grace of Kamakshi, then sang all 500 verses of the Panchashati.
- The five shatakas are Arya, Padaravinda, Stuti, Kataksha and Mandasmita; this is the last.
Frequently asked questions
What does "Mandasmita" mean?
"Gentle smile", here the smile of Goddess Kamakshi.
Which part of the Mooka Panchashati is this?
The fifth and last of its five shatakas.
Whom does it praise?
Goddess Kamakshi of Kanchipuram.
Offered for worship and study, not as prediction. Non-commercial.