Mundaka Upanishad - Mundaka 1, Section 1
Vedic · Traditional devotional text
ওং ভ॒দ্রং কর্ণে॑ভিঃ শৃণু॒য়াম॑ দেবাঃ । ভ॒দ্রং প॑শ্য়েমা॒ক্ষভি॒-র্যজ॑ত্রাঃ । স্থি॒রৈরংগৈ᳚স্তুষ্টু॒বাগ্ম্ স॑স্ত॒নূভিঃ॑ । ব্যশে॑ম দে॒বহি॑তং॒-য়ঁদায়ুঃ॑ । স্ব॒স্তি ন॒ ইংদ্রো॑ বৃ॒দ্ধশ্র॑বাঃ । স্ব॒স্তি নঃ॑ পূ॒ষা বি॒শ্ববে॑দাঃ । স্ব॒স্তি ন॒স্তার্ক্ষ্য়ো॒ অরি॑ষ্টনেমিঃ । স্ব॒স্তি নো॒ বৃহ॒স্পতি॑-র্দধাতু ॥ ওং শাংতিঃ॒ শাংতিঃ॒ শাংতিঃ॑ ॥
॥ ওং ব্রহ্মণে নমঃ ॥
॥ প্রথমমুংডকে প্রথমঃ খংডঃ ॥
ওং ব্রহ্মা দেবানাং প্রথমঃ সংবভূব বিশ্বস্য় কর্তা ভুবনস্য় গোপ্তা । স ব্রহ্মবিদ্য়াং সর্ববিদ্য়াপ্রতিষ্ঠামথর্বায় জ্য়েষ্ঠপুত্রায় প্রাহ ॥ 1॥
অথর্বণে যাং প্রবদেত ব্রহ্মাঽথর্বা তং পুরোবাচাংগিরে ব্রহ্মবিদ্য়াম্ । স ভারদ্বাজায় সত্যবাহায় প্রাহ ভারদ্বাজোঽংগিরসে পরাবরাম্ ॥ 2॥
শৌনকো হ বৈ মহাশালোঽংগিরসং-বিঁধিবদুপসন্নঃ পপ্রচ্ছ । কস্মিন্নু ভগবো বিজ্ঞাতে সর্বমিদং-বিঁজ্ঞাতং ভবতীতি ॥ 3॥
তস্মৈ স হোবাচ । দ্বে বিদ্য়ে বেদিতব্য়ে ইতি হ স্ম যদ্ব্রহ্মবিদো বদংতি পরা চৈবাপরা চ ॥ 4॥
তত্রাপরা ঋগ্বেদো যজুর্বেদঃ সামবেদোঽথর্ববেদঃ শিক্ষা কল্পো ব্য়াকরণং নিরুক্তং ছংদো জ্য়োতিষমিতি । অথ পরা যয়া তদক্ষরমধিগম্যতে ॥ 5॥
যত্তদদ্রেশ্যমগ্রাহ্যমগোত্রমবর্ণ- মচক্ষুঃশ্রোত্রং তদপাণিপাদম্ । নিত্য়ং-বিঁভুং সর্বগতং সুসূক্ষ্মং তদব্যয়ং-য়ঁদ্ভূতয়োনিং পরিপশ্য়ংতি ধীরাঃ ॥ 6॥
যথোর্ণনাভিঃ সৃজতে গৃহ্ণতে চ যথা পৃথিব্য়ামোষধয়ঃ সংভবংতি । যথা সতঃ পুরুষাত্ কেশলোমানি তথাঽক্ষরাত্ সংভবতীহ বিশ্বম্ ॥ 7॥
তপসা চীযতে ব্রহ্ম ততোঽন্নমভিজাযতে । অন্নাত্ প্রাণো মনঃ সত্য়ং-লোঁকাঃ কর্মসু চামৃতম্ ॥ 8॥
যঃ সর্বজ্ঞঃ সর্ববিদ্যস্য় জ্ঞানময়ং তপঃ । তস্মাদেতদ্ব্রহ্ম নাম রূপমন্নং চ জাযতে ॥ 9॥
॥ ইতি মুংডকোপনিষদি প্রথমমুংডকে প্রথমঃ খংডঃ ॥
About Mundaka Upanishad - Mundaka 1, Section 1
This is the first section of the Mundaka Upanishad, of the Atharva Veda. After the peace chant "Bhadram karnebhih", it gives the lineage of the knowledge of Brahman, from Brahma to his son Atharvan, and down to Angiras. The householder Shaunaka approaches Angiras and asks: "Revered sir, what is that by knowing which all this becomes known?" Angiras answers that there are two kinds of knowledge, the lower (the Vedas and their sciences) and the higher, by which the imperishable is known; and that from the imperishable the universe arises, as a spider sends out and draws in its thread, as plants grow from the earth, and as hair grows on a living person.
Source: Atharva Veda, Mundaka Upanishad 1.1
When to chant: In Upanishad study and Vedic chanting.
Did you know?
- Shaunaka's question, "kasmin nu bhagavo vijnate sarvam idam vijnatam bhavati", is one of the great questions of the Upanishads.
- India's national motto, "Satyameva Jayate", comes from a later part of this Upanishad (3.1.6).
Frequently asked questions
What does Shaunaka ask?
What is that by knowing which all is known?
What are the two kinds of knowledge?
The lower (apara) and the higher (para).
Which Veda does it belong to?
The Atharva Veda.
Offered for worship and study, not as prediction. Non-commercial.