Narayaniyam Dashaka 12
Vishnu · Traditional devotional text
ಸ್ವಾಯಂಭುವೋ ಮನುರಥೋ ಜನಸರ್ಗಶೀಲೋ ದೃಷ್ಟ್ವಾ ಮಹೀಮಸಮಯೇ ಸಲಿಲೇ ನಿಮಗ್ನಾಮ್ । ಸ್ರಷ್ಟಾರಮಾಪ ಶರಣಂ ಭವದಂಘ್ರಿಸೇವಾ- ತುಷ್ಟಾಶಯಂ ಮುನಿಜನೈಃ ಸಹ ಸತ್ಯಲೋಕೇ ॥1॥
ಕಷ್ಟಂ ಪ್ರಜಾಃ ಸೃಜತಿ ಮಯ್ಯವನಿರ್ನಿಮಗ್ನಾ ಸ್ಥಾನಂ ಸರೋಜಭವ ಕಲ್ಪಯ ತತ್ ಪ್ರಜಾನಾಮ್ । ಇತ್ಯೇವಮೇಷ ಕಥಿತೋ ಮನುನಾ ಸ್ವಯಂಭೂಃ - ರಂಭೋರುಹಾಕ್ಷ ತವ ಪಾದಯುಗಂ ವ್ಯಚಿಂತೀತ್ ॥ 2 ॥
ಹಾ ಹಾ ವಿಭೋ ಜಲಮಹಂ ನ್ಯಪಿಬಂ ಪುರಸ್ತಾ- ದದ್ಯಾಪಿ ಮಜ್ಜತಿ ಮಹೀ ಕಿಮಹಂ ಕರೋಮಿ । ಇತ್ಥಂ ತ್ವದಂಘ್ರಿಯುಗಲಂ ಶರಣಂ ಯತೋಽಸ್ಯ ನಾಸಾಪುಟಾತ್ ಸಮಭವಃ ಶಿಶುಕೋಲರೂಪೀ ।3॥
ಅಂಗುಷ್ಠಮಾತ್ರವಪುರುತ್ಪತಿತಃ ಪುರಸ್ತಾತ್ ಭೋಯೋಽಥ ಕುಂಭಿಸದೃಶಃ ಸಮಜೃಂಭಥಾಸ್ತ್ವಮ್ । ಅಭ್ರೇ ತಥಾವಿಧಮುದೀಕ್ಷ್ಯ ಭವಂತಮುಚ್ಚೈ - ರ್ವಿಸ್ಮೇರತಾಂ ವಿಧಿರಗಾತ್ ಸಹ ಸೂನುಭಿಃ ಸ್ವೈಃ ॥4॥
ಕೋಽಸಾವಚಿಂತ್ಯಮಹಿಮಾ ಕಿಟಿರುತ್ಥಿತೋ ಮೇ ನಾಸಾಪುಟಾತ್ ಕಿಮು ಭವೇದಜಿತಸ್ಯ ಮಾಯಾ । ಇತ್ಥಂ ವಿಚಿಂತಯತಿ ಧಾತರಿ ಶೈಲಮಾತ್ರಃ ಸದ್ಯೋ ಭವನ್ ಕಿಲ ಜಗರ್ಜಿಥ ಘೋರಘೋರಮ್ ॥5॥
ತಂ ತೇ ನಿನಾದಮುಪಕರ್ಣ್ಯ ಜನಸ್ತಪಃಸ್ಥಾಃ ಸತ್ಯಸ್ಥಿತಾಶ್ಚ ಮುನಯೋ ನುನುವುರ್ಭವಂತಮ್ । ತತ್ಸ್ತೋತ್ರಹರ್ಷುಲಮನಾಃ ಪರಿಣದ್ಯ ಭೂಯ- ಸ್ತೋಯಾಶಯಂ ವಿಪುಲಮೂರ್ತಿರವಾತರಸ್ತ್ವಮ್ ॥6॥
ಊರ್ಧ್ವಪ್ರಸಾರಿಪರಿಧೂಮ್ರವಿಧೂತರೋಮಾ ಪ್ರೋತ್ಕ್ಷಿಪ್ತವಾಲಧಿರವಾಙ್ಮುಖಘೋರಘೋಣಃ । ತೂರ್ಣಪ್ರದೀರ್ಣಜಲದಃ ಪರಿಘೂರ್ಣದಕ್ಷ್ಣಾ ಸ್ತೋತೃನ್ ಮುನೀನ್ ಶಿಶಿರಯನ್ನವತೇರಿಥ ತ್ವಮ್ ॥7॥
ಅಂತರ್ಜಲಂ ತದನುಸಂಕುಲನಕ್ರಚಕ್ರಂ ಭ್ರಾಮ್ಯತ್ತಿಮಿಂಗಿಲಕುಲಂ ಕಲುಷೋರ್ಮಿಮಾಲಮ್ । ಆವಿಶ್ಯ ಭೀಷಣರವೇಣ ರಸಾತಲಸ್ಥಾ - ನಾಕಂಪಯನ್ ವಸುಮತೀಮಗವೇಷಯಸ್ತ್ವಮ್ ॥8॥
ದೃಷ್ಟ್ವಾಽಥ ದೈತ್ಯಹತಕೇನ ರಸಾತಲಾಂತೇ ಸಂವೇಶಿತಾಂ ಝಟಿತಿ ಕೂಟಕಿಟಿರ್ವಿಭೋ ತ್ವಮ್ । ಆಪಾತುಕಾನವಿಗಣಯ್ಯ ಸುರಾರಿಖೇಟಾನ್ ದಂಷ್ಟ್ರಾಂಕುರೇಣ ವಸುಧಾಮದಧಾಃ ಸಲೀಲಮ್ ॥9॥
ಅಭ್ಯುದ್ಧರನ್ನಥ ಧರಾಂ ದಶನಾಗ್ರಲಗ್ನ ಮುಸ್ತಾಂಕುರಾಂಕಿತ ಇವಾಧಿಕಪೀವರಾತ್ಮಾ । ಉದ್ಧೂತಘೋರಸಲಿಲಾಜ್ಜಲಧೇರುದಂಚನ್ ಕ್ರೀಡಾವರಾಹವಪುರೀಶ್ವರ ಪಾಹಿ ರೋಗಾತ್ ॥10॥
About Narayaniyam Dashaka 12
The twelfth dashaka of the Narayaneeyam tells of the Varaha (boar) avatara. Svayambhuva Manu, ready to create, sees the earth sunk in the waters of dissolution and goes to Brahma for refuge: "Where shall my offspring live, O lotus-born, when the earth is drowned?" As Brahma thinks, a tiny boar appears from his nostril and swiftly grows to the size of a mountain, roaring so that the sages praise him. He plunges into the ocean, finds the earth and lifts her on the tip of his tusk, looking as if adorned with a sprout of musta grass, and rises from the dark waters.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- In the Bhagavatam, Varaha appears from Brahma's nostril as a creature no bigger than a thumb.
- Varaha Jayanti, the day of this avatara, is celebrated in the month of Bhadrapada.
Frequently asked questions
Why does Manu go to Brahma?
Because the earth is sunk in the waters.
How does Varaha lift the earth?
On the tip of his tusk.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts