Narayaniyam Dashaka 13
Vishnu · Traditional devotional text
హిరణ్యాక్షం తావద్వరద భవదన్వేషణపరం చరంతం సాంవర్తే పయసి నిజజంఘాపరిమితే । భవద్భక్తో గత్వా కపటపటుధీర్నారదమునిః శనైరూచే నందన్ దనుజమపి నిందంస్తవ బలమ్ ॥1॥
స మాయావీ విష్ణుర్హరతి భవదీయాం వసుమతీం ప్రభో కష్టం కష్టం కిమిదమితి తేనాభిగదితః । నదన్ క్వాసౌ క్వాసవితి స మునినా దర్శితపథో భవంతం సంప్రాపద్ధరణిధరముద్యంతముదకాత్ ॥2॥
అహో ఆరణ్యోఽయం మృగ ఇతి హసంతం బహుతరై- ర్దురుక్తైర్విధ్యంతం దితిసుతమవజ్ఞాయ భగవన్ । మహీం దృష్ట్వా దంష్ట్రాశిరసి చకితాం స్వేన మహసా పయోధావాధాయ ప్రసభముదయుంక్థా మృధవిధౌ ॥3॥
గదాపాణౌ దైత్యే త్వమపి హి గృహీతోన్నతగదో నియుద్ధేన క్రీడన్ ఘటఘటరవోద్ఘుష్టవియతా । రణాలోకౌత్సుక్యాన్మిలతి సురసంఘే ద్రుతమముం నిరుంధ్యాః సంధ్యాతః ప్రథమమితి ధాత్రా జగదిషే ॥4॥
గదోన్మర్దే తస్మింస్తవ ఖలు గదాయాం దితిభువో గదాఘాతాద్భూమౌ ఝటితి పతితాయామహహ! భోః । మృదుస్మేరాస్యస్త్వం దనుజకులనిర్మూలనచణం మహాచక్రం స్మృత్వా కరభువి దధానో రురుచిషే ॥5॥
తతః శూలం కాలప్రతిమరుషి దైత్యే విసృజతి త్వయి ఛిందత్యేనత్ కరకలితచక్రప్రహరణాత్ । సమారుష్టో ముష్ట్యా స ఖలు వితుదంస్త్వాం సమతనోత్ గలన్మాయే మాయాస్త్వయి కిల జగన్మోహనకరీః ॥6॥
భవచ్చక్రజ్యోతిష్కణలవనిపాతేన విధుతే తతో మాయాచక్రే వితతఘనరోషాంధమనసమ్ । గరిష్ఠాభిర్ముష్టిప్రహృతిభిరభిఘ్నంతమసురం స్వపాదాంగుష్ఠేన శ్రవణపదమూలే నిరవధీః ॥7॥
మహాకాయః సోఽయం తవ చరణపాతప్రమథితో గలద్రక్తో వక్త్రాదపతదృషిభిః శ్లాఘితహతిః । తదా త్వాముద్దామప్రమదభరవిద్యోతిహృదయా మునీంద్రాః సాంద్రాభిః స్తుతిభిరనువన్నధ్వరతనుమ్ ॥8॥
త్వచి ఛందో రోమస్వపి కుశగణశ్చక్షుషి ఘృతం చతుర్హోతారోఽంఘ్రౌ స్రుగపి వదనే చోదర ఇడా । గ్రహా జిహ్వాయాం తే పరపురుష కర్ణే చ చమసా విభో సోమో వీర్యం వరద గలదేశేఽప్యుపసదః ॥9॥
మునీంద్రైరిత్యాదిస్తవనముఖరైర్మోదితమనా మహీయస్యా మూర్త్యా విమలతరకీర్త్యా చ విలసన్ । స్వధిష్ణ్యం సంప్రాప్తః సుఖరసవిహారీ మధురిపో నిరుంధ్యా రోగం మే సకలమపి వాతాలయపతే ॥10॥
About Narayaniyam Dashaka 13
The thirteenth dashaka of the Narayaneeyam tells of the slaying of Hiranyaksha. While the Lord as Varaha is lifting the earth from the waters of dissolution, the demon Hiranyaksha roams the ocean, which reaches only to his knees, searching for him. The sage Narada cleverly tells him that "the deceitful Vishnu" is carrying away his earth; the demon rushes roaring to the Lord, and a fierce battle follows. Varaha strikes him down, and the sages praise the Lord with many hymns; pleased, he returns to his abode, and the poet prays to be freed from all illness.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Hiranyaksha and Hiranyakashipu were the twin demons born to Diti; Hiranyakashipu was later slain by Narasimha.
- The two were the gatekeepers Jaya and Vijaya, born as demons because of a curse of the sages Sanaka and his brothers.
Frequently asked questions
Who slays Hiranyaksha?
The Lord as Varaha, the boar.
Who sends Hiranyaksha to the Lord?
The sage Narada.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts