MuhurtaNow

Narayaniyam Dashaka 25

Vishnu · Traditional devotional text

స్తంభే ఘట్టయతో హిరణ్యకశిపోః కర్ణౌ సమాచూర్ణయ- న్నాఘూర్ణజ్జగదండకుండకుహరో ఘోరస్తవాభూద్రవః । శ్రుత్వా యం కిల దైత్యరాజహృదయే పూర్వం కదాప్యశ్రుతం కంపః కశ్చన సంపపాత చలితోఽప్యంభోజభూర్విష్టరాత్ ॥1॥

దైత్యే దిక్షు విసృష్టచక్షుషి మహాసంరంభిణి స్తంభతః సంభూతం న మృగాత్మకం న మనుజాకారం వపుస్తే విభో । కిం కిం భీషణమేతదద్భుతమితి వ్యుద్భ్రాంతచిత్తేఽసురే విస్ఫూర్జ్జద్ధవలోగ్రరోమవికసద్వర్ష్మా సమాజృంభథాః ॥2॥

తప్తస్వర్ణసవర్ణఘూర్ణదతిరూక్షాక్షం సటాకేసర- ప్రోత్కంపప్రనికుంబితాంబరమహో జీయాత్తవేదం వపుః । వ్యాత్తవ్యాప్తమహాదరీసఖముఖం ఖడ్గోగ్రవల్గన్మహా- జిహ్వానిర్గమదృశ్యమానసుమహాదంష్ట్రాయుగోడ్డామరమ్ ॥3॥

ఉత్సర్పద్వలిభంగభీషణహను హ్రస్వస్థవీయస్తర- గ్రీవం పీవరదోశ్శతోద్గతనఖక్రూరాంశుదూరోల్బణమ్ । వ్యోమోల్లంఘి ఘనాఘనోపమఘనప్రధ్వాననిర్ధావిత- స్పర్ధాలుప్రకరం నమామి భవతస్తన్నారసింహం వపుః ॥4॥

నూనం విష్ణురయం నిహన్మ్యముమితి భ్రామ్యద్గదాభీషణం దైత్యేంద్రం సముపాద్రవంతమధృథా దోర్భ్యాం పృథుభ్యామముమ్ । వీరో నిర్గలితోఽథ ఖడ్గఫలకౌ గృహ్ణన్విచిత్రశ్రమాన్ వ్యావృణ్వన్ పునరాపపాత భువనగ్రాసోద్యతం త్వామహో ॥5॥

భ్రామ్యంతం దితిజాధమం పునరపి ప్రోద్గృహ్య దోర్భ్యాం జవాత్ ద్వారేఽథోరుయుగే నిపాత్య నఖరాన్ వ్యుత్ఖాయ వక్షోభువి । నిర్భిందన్నధిగర్భనిర్భరగలద్రక్తాంబు బద్ధోత్సవం పాయం పాయముదైరయో బహు జగత్సంహారిసింహారవాన్ ॥6॥

త్యక్త్వా తం హతమాశు రక్తలహరీసిక్తోన్నమద్వర్ష్మణి ప్రత్యుత్పత్య సమస్తదైత్యపటలీం చాఖాద్యమానే త్వయి । భ్రామ్యద్భూమి వికంపితాంబుధికులం వ్యాలోలశైలోత్కరం ప్రోత్సర్పత్ఖచరం చరాచరమహో దుఃస్థామవస్థాం దధౌ ॥7॥

తావన్మాంసవపాకరాలవపుషం ఘోరాంత్రమాలాధరం త్వాం మధ్యేసభమిద్ధకోపముషితం దుర్వారగుర్వారవమ్ । అభ్యేతుం న శశాక కోపి భువనే దూరే స్థితా భీరవః సర్వే శర్వవిరించవాసవముఖాః ప్రత్యేకమస్తోషత ॥8॥

భూయోఽప్యక్షతరోషధామ్ని భవతి బ్రహ్మాజ్ఞయా బాలకే ప్రహ్లాదే పదయోర్నమత్యపభయే కారుణ్యభారాకులః । శాంతస్త్వం కరమస్య మూర్ధ్ని సమధాః స్తోత్రైరథోద్గాయత- స్తస్యాకామధియోఽపి తేనిథ వరం లోకాయ చానుగ్రహమ్ ॥9॥

ఏవం నాటితరౌద్రచేష్టిత విభో శ్రీతాపనీయాభిధ- శ్రుత్యంతస్ఫుటగీతసర్వమహిమన్నత్యంతశుద్ధాకృతే । తత్తాదృఙ్నిఖిలోత్తరం పునరహో కస్త్వాం పరో లంఘయేత్ ప్రహ్లాదప్రియ హే మరుత్పురపతే సర్వామయాత్పాహి మామ్ ॥10॥

About Narayaniyam Dashaka 25

The twenty-fifth dashaka of the Narayaneeyam tells of the appearance of Narasimha. As Hiranyakashipu strikes the pillar, a terrible roar bursts out that shakes the whole universe and fills the demon king's heart with fear. While he looks around in all directions, a form neither wholly animal nor wholly human emerges from the pillar, with blazing eyes, flashing teeth and a mane like lightning. The Lord seizes the demon, places him on his thighs at the threshold at dusk, tears him apart with his claws, and then, his fierce mood still burning, is praised by the gods; the dashaka ends praising him as the Lord whose glory the Tapaniya Upanishad sings.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana and at Guruvayur.

Did you know?

  • Narasimha's form and the time and place of the slaying fulfilled Brahma's boon that Hiranyakashipu could not be killed by man or beast, by day or night, inside or outside.
  • Narasimha Jayanti, Vaishakha Shukla Chaturdashi, marks this appearance at dusk.

Frequently asked questions

Where does Narasimha appear from?

From the pillar struck by Hiranyakashipu.

When and where was the demon slain?

At dusk, at the threshold, on the Lord's thighs.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.