MuhurtaNow

Narayaniyam Dashaka 33

Vishnu · Traditional devotional text

वैवस्वताख्यमनुपुत्रनभागजात- नाभागनामकनरेंद्रसुतोऽंबरीषः । सप्तार्णवावृतमहीदयितोऽपि रेमे त्वत्संगिषु त्वयि च मग्नमनास्सदैव ॥1॥

त्वत्प्रीतये सकलमेव वितन्वतोऽस्य भक्त्यैव देव नचिरादभृथाः प्रसादम् । येनास्य याचनमृतेऽप्यभिरक्षणार्थं चक्रं भवान् प्रविततार सहस्रधारम् ॥2॥

स द्वादशीव्रतमथो भवदर्चनार्थं वर्षं दधौ मधुवने यमुनोपकंठे । पत्न्या समं सुमनसा महतीं वितन्वन् पूजां द्विजेषु विसृजन् पशुषष्टिकोटिम् ॥3॥

तत्राथ पारणदिने भवदर्चनांते दुर्वाससाऽस्य मुनिना भवनं प्रपेदे । भोक्तुं वृतश्चस नृपेण परार्तिशीलो मंदं जगाम यमुनां नियमान्विधास्यन् ॥4॥

राज्ञाऽथ पारणमुहूर्तसमाप्तिखेदा- द्वारैव पारणमकारि भवत्परेण । प्राप्तो मुनिस्तदथ दिव्यदृशा विजानन् क्षिप्यन् क्रुधोद्धृतजटो विततान कृत्याम् ॥5॥

कृत्यां च तामसिधरां भुवनं दहंती- मग्रेऽभिवीक्ष्यनृपतिर्न पदाच्चकंपे । त्वद्भक्तबाधमभिवीक्ष्य सुदर्शनं ते कृत्यानलं शलभयन् मुनिमन्वधावीत् ॥6॥

धावन्नशेषभुवनेषु भिया स पश्यन् विश्वत्र चक्रमपि ते गतवान् विरिंचम् । कः कालचक्रमतिलंघयतीत्यपास्तः शर्वं ययौ स च भवंतमवंदतैव ॥7॥

भूयो भवन्निलयमेत्य मुनिं नमंतं प्रोचे भवानहमृषे ननु भक्तदासः । ज्ञानं तपश्च विनयान्वितमेव मान्यं याह्यंबरीषपदमेव भजेति भूमन् ॥8॥

तावत्समेत्य मुनिना स गृहीतपादो राजाऽपसृत्य भवदस्त्रमसावनौषीत् । चक्रे गते मुनिरदादखिलाशिषोऽस्मै त्वद्भक्तिमागसि कृतेऽपि कृपां च शंसन् ॥9॥

राजा प्रतीक्ष्य मुनिमेकसमामनाश्वान् संभोज्य साधु तमृषिं विसृजन् प्रसन्नम् । भुक्त्वा स्वयं त्वयि ततोऽपि दृढं रतोऽभू- त्सायुज्यमाप च स मां पवनेश पायाः ॥10॥

About Narayaniyam Dashaka 33

The thirty-third dashaka of the Narayaneeyam tells the story of King Ambarisha. Though ruler of the earth girt by seven seas, Ambarisha delighted only in the Lord and his devotees, offering every act to him, so that the Lord set his own discus, Sudarshana, to protect him. Once, as Ambarisha ended an Ekadashi fast, the sage Durvasa arrived and went to bathe; to keep the vow, the king sipped water at the right moment, and the angry sage created a demon to kill him. The Sudarshana burnt the demon and chased Durvasa through all the worlds, until Vishnu sent him back to beg Ambarisha's pardon. The king, who had waited a whole year without eating, fed the sage with honour and then ate himself.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana and at Guruvayur.

Did you know?

  • The story teaches that the Lord is bound to his devotees, as Vishnu tells Durvasa that he has given his heart to them.
  • Ambarisha is remembered as a model of keeping the Ekadashi vow and of humility.

Frequently asked questions

What protected Ambarisha?

The Lord's discus, Sudarshana.

Why was Durvasa angry?

Ambarisha sipped water to end his fast before the sage returned.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.