Narayaniyam Dashaka 39
Vishnu · Traditional devotional text
ഭവംതമയമുദ്വഹന് യദുകുലോദ്വഹോ നിസ്സരന് ദദര്ശ ഗഗനോച്ചലജ്ജലഭരാം കലിംദാത്മജാമ് । അഹോ സലിലസംചയഃ സ പുനരൈംദ്രജാലോദിതോ ജലൌഘ ഇവ തത്ക്ഷണാത് പ്രപദമേയതാമായയൌ ॥1॥
പ്രസുപ്തപശുപാലികാം നിഭൃതമാരുദദ്ബാലികാ- മപാവൃതകവാടികാം പശുപവാടികാമാവിശന് । ഭവംതമയമര്പയന് പ്രസവതല്പകേ തത്പദാ- ദ്വഹന് കപടകന്യകാം സ്വപുരമാഗതോ വേഗതഃ ॥2॥
തതസ്ത്വദനുജാരവക്ഷപിതനിദ്രവേഗദ്രവദ്- ഭടോത്കരനിവേദിതപ്രസവവാര്തയൈവാര്തിമാന് । വിമുക്തചികുരോത്കരസ്ത്വരിതമാപതന് ഭോജരാ- ഡതുഷ്ട ഇവ ദൃഷ്ടവാന് ഭഗിനികാകരേ കന്യകാമ് ॥3॥
ധ്രുവം കപടശാലിനോ മധുഹരസ്യ മായാ ഭവേ- ദസാവിതി കിശോരികാം ഭഗിനികാകരാലിംഗിതാമ് । ദ്വിപോ നലിനികാംതരാദിവ മൃണാലികാമാക്ഷിപ- ന്നയം ത്വദനുജാമജാമുപലപട്ടകേ പിഷ്ടവാന് ॥4॥
തതഃ ഭവദുപാസകോ ഝടിതി മൃത്യുപാശാദിവ പ്രമുച്യ തരസൈവ സാ സമധിരൂഢരൂപാംതരാ । അധസ്തലമജഗ്മുഷീ വികസദഷ്ടബാഹുസ്ഫുര- ന്മഹായുധമഹോ ഗതാ കില വിഹായസാ ദിദ്യുതേ ॥5॥
നൃശംസതര കംസ തേ കിമു മയാ വിനിഷ്പിഷ്ടയാ ബഭൂവ ഭവദംതകഃ ക്വചന ചിംത്യതാം തേ ഹിതമ് । ഇതി ത്വദനുജാ വിഭോ ഖലമുദീര്യ തം ജഗ്മുഷീ മരുദ്ഗണപണായിതാ ഭുവി ച മംദിരാണ്യേയുഷീ ॥6॥
പ്രഗേ പുനരഗാത്മജാവചനമീരിതാ ഭൂഭുജാ പ്രലംബബകപൂതനാപ്രമുഖദാനവാ മാനിനഃ । ഭവന്നിധനകാമ്യയാ ജഗതി ബഭ്രമുര്നിര്ഭയാഃ കുമാരകവിമാരകാഃ കിമിവ ദുഷ്കരം നിഷ്കൃപൈഃ ॥7॥
തതഃ പശുപമംദിരേ ത്വയി മുകുംദ നംദപ്രിയാ- പ്രസൂതിശയനേശയേ രുദതി കിംചിദംചത്പദേ । വിബുധ്യ വനിതാജനൈസ്തനയസംഭവേ ഘോഷിതേ മുദാ കിമു വദാമ്യഹോ സകലമാകുലം ഗോകുലമ് ॥8॥
അഹോ ഖലു യശോദയാ നവകലായചേതോഹരം ഭവംതമലമംതികേ പ്രഥമമാപിബംത്യാ ദൃശാ । പുനഃ സ്തനഭരം നിജം സപദി പായയംത്യാ മുദാ മനോഹരതനുസ്പൃശാ ജഗതി പുണ്യവംതോ ജിതാഃ ॥9॥
ഭവത്കുശലകാമ്യയാ സ ഖലു നംദഗോപസ്തദാ പ്രമോദഭരസംകുലോ ദ്വിജകുലായ കിന്നാദദാത് । തഥൈവ പശുപാലകാഃ കിമു ന മംഗലം തേനിരേ ജഗത്ത്രിതയമംഗല ത്വമിഹ പാഹി മാമാമയാത് ॥10॥
About Narayaniyam Dashaka 39
The thirty-ninth dashaka of the Narayaneeyam tells how Vasudeva carried the newborn Krishna to Gokula. Carrying the baby, he came out of the prison and saw the Yamuna in full flood; but the waters parted like a magic show and let him pass. He entered Nanda's cowherd settlement where all lay asleep, the doors open, left Krishna beside Yashoda and took her baby girl back. The next morning Nanda, overjoyed, gave gifts to all, and the cowherds celebrated.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana, at Guruvayur, and on Krishna Janmashtami.
Did you know?
- The baby girl Vasudeva brought back was Yogamaya, who slipped from Kamsa's hands and warned him that his slayer was already born.
- Krishna's birth festival in Gokula, Nandotsava, is celebrated the day after Janmashtami.
Frequently asked questions
What happens in this dashaka?
Vasudeva carries baby Krishna across the Yamuna to Gokula.
Whom does he bring back?
Yashoda's baby daughter, Yogamaya.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts