Narayaniyam Dashaka 46
Vishnu · Traditional devotional text
ಅಯಿ ದೇವ ಪುರಾ ಕಿಲ ತ್ವಯಿ ಸ್ವಯಮುತ್ತಾನಶಯೇ ಸ್ತನಂಧಯೇ । ಪರಿಜೃಂಭಣತೋ ವ್ಯಪಾವೃತೇ ವದನೇ ವಿಶ್ವಮಚಷ್ಟ ವಲ್ಲವೀ ॥1॥
ಪುನರಪ್ಯಥ ಬಾಲಕೈಃ ಸಮಂ ತ್ವಯಿ ಲೀಲಾನಿರತೇ ಜಗತ್ಪತೇ । ಫಲಸಂಚಯವಂಚನಕ್ರುಧಾ ತವ ಮೃದ್ಭೋಜನಮೂಚುರರ್ಭಕಾಃ ॥2॥
ಅಯಿ ತೇ ಪ್ರಲಯಾವಧೌ ವಿಭೋ ಕ್ಷಿತಿತೋಯಾದಿಸಮಸ್ತಭಕ್ಷಿಣಃ । ಮೃದುಪಾಶನತೋ ರುಜಾ ಭವೇದಿತಿ ಭೀತಾ ಜನನೀ ಚುಕೋಪ ಸಾ ॥3॥
ಅಯಿ ದುರ್ವಿನಯಾತ್ಮಕ ತ್ವಯಾ ಕಿಮು ಮೃತ್ಸಾ ಬತ ವತ್ಸ ಭಕ್ಷಿತಾ । ಇತಿ ಮಾತೃಗಿರಂ ಚಿರಂ ವಿಭೋ ವಿತಥಾಂ ತ್ವಂ ಪ್ರತಿಜಜ್ಞಿಷೇ ಹಸನ್ ॥4॥
ಅಯಿ ತೇ ಸಕಲೈರ್ವಿನಿಶ್ಚಿತೇ ವಿಮತಿಶ್ಚೇದ್ವದನಂ ವಿದಾರ್ಯತಾಮ್ । ಇತಿ ಮಾತೃವಿಭರ್ತ್ಸಿತೋ ಮುಖಂ ವಿಕಸತ್ಪದ್ಮನಿಭಂ ವ್ಯದಾರಯಃ ॥5॥
ಅಪಿ ಮೃಲ್ಲವದರ್ಶನೋತ್ಸುಕಾಂ ಜನನೀಂ ತಾಂ ಬಹು ತರ್ಪಯನ್ನಿವ । ಪೃಥಿವೀಂ ನಿಖಿಲಾಂ ನ ಕೇವಲಂ ಭುವನಾನ್ಯಪ್ಯಖಿಲಾನ್ಯದೀದೃಶಃ ॥6॥
ಕುಹಚಿದ್ವನಮಂಬುಧಿಃ ಕ್ವಚಿತ್ ಕ್ವಚಿದಭ್ರಂ ಕುಹಚಿದ್ರಸಾತಲಮ್ । ಮನುಜಾ ದನುಜಾಃ ಕ್ವಚಿತ್ ಸುರಾ ದದೃಶೇ ಕಿಂ ನ ತದಾ ತ್ವದಾನನೇ ॥7॥
ಕಲಶಾಂಬುಧಿಶಾಯಿನಂ ಪುನಃ ಪರವೈಕುಂಠಪದಾಧಿವಾಸಿನಮ್ । ಸ್ವಪುರಶ್ಚ ನಿಜಾರ್ಭಕಾತ್ಮಕಂ ಕತಿಧಾ ತ್ವಾಂ ನ ದದರ್ಶ ಸಾ ಮುಖೇ ॥8॥
ವಿಕಸದ್ಭುವನೇ ಮುಖೋದರೇ ನನು ಭೂಯೋಽಪಿ ತಥಾವಿಧಾನನಃ । ಅನಯಾ ಸ್ಫುಟಮೀಕ್ಷಿತೋ ಭವಾನನವಸ್ಥಾಂ ಜಗತಾಂ ಬತಾತನೋತ್ ॥9॥
ಧೃತತತ್ತ್ವಧಿಯಂ ತದಾ ಕ್ಷಣಂ ಜನನೀಂ ತಾಂ ಪ್ರಣಯೇನ ಮೋಹಯನ್ । ಸ್ತನಮಂಬ ದಿಶೇತ್ಯುಪಾಸಜನ್ ಭಗವನ್ನದ್ಭುತಬಾಲ ಪಾಹಿ ಮಾಮ್ ॥10॥
About Narayaniyam Dashaka 46
Dashaka 46 of the Narayaneeyam tells of the universe seen in the child Krishna's mouth. As the baby yawns while feeding, Yashoda sees inside his mouth the whole world: sky, earth, mountains, oceans and stars. For a moment she grasps the truth of who he is, and then the Lord, out of love, draws her back into a mother's affection as the child asks to be fed.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Each dashaka ends with a prayer to the Lord of Guruvayur (Vatalayesha, Marutpuresha).
- The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.
Frequently asked questions
What does Yashoda see?
The whole universe inside the yawning child's mouth.
Why does she forget it?
The Lord draws her back into a mother's love.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts