Narayaniyam Dashaka 72
Vishnu · Traditional devotional text
കംസോഽഥ നാരദഗിരാ വ്രജവാസിനം ത്വാ- മാകര്ണ്യ ദീര്ണഹൃദയഃ സ ഹി ഗാംദിനേയമ് । ആഹൂയ കാര്മുകമഖച്ഛലതോ ഭവംത- മാനേതുമേനമഹിനോദഹിനാഥശായിന് ॥1॥
അക്രൂര ഏഷ ഭവദംഘ്രിപരശ്ചിരായ ത്വദ്ദര്ശനാക്ഷമമനാഃ ക്ഷിതിപാലഭീത്യാ । തസ്യാജ്ഞയൈവ പുനരീക്ഷിതുമുദ്യതസ്ത്വാ- മാനംദഭാരമതിഭൂരിതരം ബഭാര ॥2॥
സോഽയം രഥേന സുകൃതീ ഭവതോ നിവാസം ഗച്ഛന് മനോരഥഗണാംസ്ത്വയി ധാര്യമാണാന് । ആസ്വാദയന് മുഹുരപായഭയേന ദൈവം സംപ്രാര്ഥയന് പഥി ന കിംചിദപി വ്യജാനാത് ॥3॥
ദ്രക്ഷ്യാമി വേദശതഗീതഗതിം പുമാംസം സ്പ്രക്ഷ്യാമി കിംസ്വിദപി നാമ പരിഷ്വജേയമ് । കിം വക്ഷ്യതേ സ ഖലു മാം ക്വനു വീക്ഷിതഃ സ്യാ- ദിത്ഥം നിനായ സ ഭവന്മയമേവ മാര്ഗമ് ॥4॥
ഭൂയഃ ക്രമാദഭിവിശന് ഭവദംഘ്രിപൂതം വൃംദാവനം ഹരവിരിംചസുരാഭിവംദ്യമ് । ആനംദമഗ്ന ഇവ ലഗ്ന ഇവ പ്രമോഹേ കിം കിം ദശാംതരമവാപ ന പംകജാക്ഷ ॥5॥
പശ്യന്നവംദത ഭവദ്വിഹൃതിസ്ഥലാനി പാംസുഷ്വവേഷ്ടത ഭവച്ചരണാംകിതേഷു । കിം ബ്രൂമഹേ ബഹുജനാ ഹി തദാപി ജാതാ ഏവം തു ഭക്തിതരലാ വിരലാഃ പരാത്മന് ॥6॥
സായം സ ഗോപഭവനാനി ഭവച്ചരിത്ര- ഗീതാമൃതപ്രസൃതകര്ണരസായനാനി । പശ്യന് പ്രമോദസരിതേവ കിലോഹ്യമാനോ ഗച്ഛന് ഭവദ്ഭവനസന്നിധിമന്വയാസീത് ॥7॥
താവദ്ദദര്ശ പശുദോഹവിലോകലോലം ഭക്തോത്തമാഗതിമിവ പ്രതിപാലയംതമ് । ഭൂമന് ഭവംതമയമഗ്രജവംതമംത- ര്ബ്രഹ്മാനുഭൂതിരസസിംധുമിവോദ്വമംതമ് ॥8॥
സായംതനാപ്ലവവിശേഷവിവിക്തഗാത്രൌ ദ്വൌ പീതനീലരുചിരാംബരലോഭനീയൌ । നാതിപ്രപംചധൃതഭൂഷണചാരുവേഷൌ മംദസ്മിതാര്ദ്രവദനൌ സ യുവാം ദദര്ശ ॥9॥
ദൂരാദ്രഥാത്സമവരുഹ്യ നമംതമേന- മുത്ഥാപ്യ ഭക്തകുലമൌലിമഥോപഗൂഹന് । ഹര്ഷാന്മിതാക്ഷരഗിരാ കുശലാനുയോഗീ പാണിം പ്രഗൃഹ്യ സബലോഽഥ ഗൃഹം നിനേഥ ॥10॥
നംദേന സാകമമിതാദരമര്ചയിത്വാ തം യാദവം തദുദിതാം നിശമയ്യ വാര്താമ് । ഗോപേഷു ഭൂപതിനിദേശകഥാം നിവേദ്യ നാനാകഥാഭിരിഹ തേന നിശാമനൈഷീഃ ॥11॥
ചംദ്രാഗൃഹേ കിമുത ചംദ്രഭഗാഗൃഹേ നു രാധാഗൃഹേ നു ഭവനേ കിമു മൈത്രവിംദേ । ധൂര്തോ വിലംബത ഇതി പ്രമദാഭിരുച്ചൈ- രാശംകിതോ നിശി മരുത്പുരനാഥ പായാഃ ॥12॥
About Narayaniyam Dashaka 72
The seventy-second dashaka of the Narayaneeyam tells of Akrura's journey to Vraja. Hearing from Narada that Krishna lives in Vraja, Kamsa, his heart shattered with fear, calls Akrura, son of Gandini, and on the pretext of a festival of the bow sends him to bring Krishna to Mathura. Akrura, long a devotee of the Lord's feet, sets out with joy, his mind full of longing to see him, thinking: shall I see those feet worshipped by Brahma and the gods? Reaching Vraja at dusk, he sees the Lord's footprints in the dust, falls and rolls in them with tears of joy, and then meets Krishna and Balarama, who welcome him with love.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Akrura, though sent by Kamsa, was in heart one of Krishna's greatest devotees.
- Akrura rolling in the dust of the Lord's footprints is a famous image of humble devotion.
Frequently asked questions
Who sent Akrura to Vraja?
Kamsa, on the pretext of a bow festival.
What did Akrura do on seeing the footprints?
He rolled in the dust with tears of joy.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts