Narayaniyam Dashaka 72
Vishnu · Traditional devotional text
కంసోఽథ నారదగిరా వ్రజవాసినం త్వా- మాకర్ణ్య దీర్ణహృదయః స హి గాందినేయమ్ । ఆహూయ కార్ముకమఖచ్ఛలతో భవంత- మానేతుమేనమహినోదహినాథశాయిన్ ॥1॥
అక్రూర ఏష భవదంఘ్రిపరశ్చిరాయ త్వద్దర్శనాక్షమమనాః క్షితిపాలభీత్యా । తస్యాజ్ఞయైవ పునరీక్షితుముద్యతస్త్వా- మానందభారమతిభూరితరం బభార ॥2॥
సోఽయం రథేన సుకృతీ భవతో నివాసం గచ్ఛన్ మనోరథగణాంస్త్వయి ధార్యమాణాన్ । ఆస్వాదయన్ ముహురపాయభయేన దైవం సంప్రార్థయన్ పథి న కించిదపి వ్యజానాత్ ॥3॥
ద్రక్ష్యామి వేదశతగీతగతిం పుమాంసం స్ప్రక్ష్యామి కింస్విదపి నామ పరిష్వజేయమ్ । కిం వక్ష్యతే స ఖలు మాం క్వను వీక్షితః స్యా- దిత్థం నినాయ స భవన్మయమేవ మార్గమ్ ॥4॥
భూయః క్రమాదభివిశన్ భవదంఘ్రిపూతం వృందావనం హరవిరించసురాభివంద్యమ్ । ఆనందమగ్న ఇవ లగ్న ఇవ ప్రమోహే కిం కిం దశాంతరమవాప న పంకజాక్ష ॥5॥
పశ్యన్నవందత భవద్విహృతిస్థలాని పాంసుష్వవేష్టత భవచ్చరణాంకితేషు । కిం బ్రూమహే బహుజనా హి తదాపి జాతా ఏవం తు భక్తితరలా విరలాః పరాత్మన్ ॥6॥
సాయం స గోపభవనాని భవచ్చరిత్ర- గీతామృతప్రసృతకర్ణరసాయనాని । పశ్యన్ ప్రమోదసరితేవ కిలోహ్యమానో గచ్ఛన్ భవద్భవనసన్నిధిమన్వయాసీత్ ॥7॥
తావద్దదర్శ పశుదోహవిలోకలోలం భక్తోత్తమాగతిమివ ప్రతిపాలయంతమ్ । భూమన్ భవంతమయమగ్రజవంతమంత- ర్బ్రహ్మానుభూతిరససింధుమివోద్వమంతమ్ ॥8॥
సాయంతనాప్లవవిశేషవివిక్తగాత్రౌ ద్వౌ పీతనీలరుచిరాంబరలోభనీయౌ । నాతిప్రపంచధృతభూషణచారువేషౌ మందస్మితార్ద్రవదనౌ స యువాం దదర్శ ॥9॥
దూరాద్రథాత్సమవరుహ్య నమంతమేన- ముత్థాప్య భక్తకులమౌలిమథోపగూహన్ । హర్షాన్మితాక్షరగిరా కుశలానుయోగీ పాణిం ప్రగృహ్య సబలోఽథ గృహం నినేథ ॥10॥
నందేన సాకమమితాదరమర్చయిత్వా తం యాదవం తదుదితాం నిశమయ్య వార్తామ్ । గోపేషు భూపతినిదేశకథాం నివేద్య నానాకథాభిరిహ తేన నిశామనైషీః ॥11॥
చంద్రాగృహే కిముత చంద్రభగాగృహే ను రాధాగృహే ను భవనే కిము మైత్రవిందే । ధూర్తో విలంబత ఇతి ప్రమదాభిరుచ్చై- రాశంకితో నిశి మరుత్పురనాథ పాయాః ॥12॥
About Narayaniyam Dashaka 72
The seventy-second dashaka of the Narayaneeyam tells of Akrura's journey to Vraja. Hearing from Narada that Krishna lives in Vraja, Kamsa, his heart shattered with fear, calls Akrura, son of Gandini, and on the pretext of a festival of the bow sends him to bring Krishna to Mathura. Akrura, long a devotee of the Lord's feet, sets out with joy, his mind full of longing to see him, thinking: shall I see those feet worshipped by Brahma and the gods? Reaching Vraja at dusk, he sees the Lord's footprints in the dust, falls and rolls in them with tears of joy, and then meets Krishna and Balarama, who welcome him with love.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Akrura, though sent by Kamsa, was in heart one of Krishna's greatest devotees.
- Akrura rolling in the dust of the Lord's footprints is a famous image of humble devotion.
Frequently asked questions
Who sent Akrura to Vraja?
Kamsa, on the pretext of a bow festival.
What did Akrura do on seeing the footprints?
He rolled in the dust with tears of joy.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts