Narayaniyam Dashaka 76
Vishnu · Traditional devotional text
గత్వా సాందీపనిమథ చతుష్షష్టిమాత్రైరహోభిః సర్వజ్ఞస్త్వం సహ ముసలినా సర్వవిద్యా గృహీత్వా । పుత్రం నష్టం యమనిలయనాదాహృతం దక్షిణార్థం దత్వా తస్మై నిజపురమగా నాదయన్ పాంచజన్యమ్ ॥1॥
స్మృత్వా స్మృత్వా పశుపసుదృశః ప్రేమభారప్రణున్నాః కారుణ్యేన త్వమపి వివశః ప్రాహిణోరుద్ధవం తమ్ । కించాముష్మై పరమసుహృదే భక్తవర్యాయ తాసాం భక్త్యుద్రేకం సకలభువనే దుర్లభం దర్శయిష్యన్ ॥2॥
త్వన్మాహాత్మ్యప్రథిమపిశునం గోకులం ప్రాప్య సాయం త్వద్వార్తాభిర్బహు స రమయామాస నందం యశోదామ్ । ప్రాతర్ద్దృష్ట్వా మణిమయరథం శంకితాః పంకజాక్ష్యః శ్రుత్వా ప్రాప్తం భవదనుచరం త్యక్తకార్యాః సమీయుః ॥3॥
దృష్ట్వా చైనం త్వదుపమలసద్వేషభూషాభిరామం స్మృత్వా స్మృత్వా తవ విలసితాన్యుచ్చకైస్తాని తాని । రుద్ధాలాపాః కథమపి పునర్గద్గదాం వాచమూచుః సౌజన్యాదీన్ నిజపరభిదామప్యలం విస్మరంత్యః ॥4॥
శ్రీమాన్ కిం త్వం పితృజనకృతే ప్రేషితో నిర్దయేన క్వాసౌ కాంతో నగరసుదృశాం హా హరే నాథ పాయాః । ఆశ్లేషాణామమృతవపుషో హంత తే చుంబనానా- మున్మాదానాం కుహకవచసాం విస్మరేత్ కాంత కా వా ॥5॥
రాసక్రీడాలులితలలితం విశ్లథత్కేశపాశం మందోద్భిన్నశ్రమజలకణం లోభనీయం త్వదంగమ్ । కారుణ్యాబ్ధే సకృదపి సమాలింగితుం దర్శయేతి ప్రేమోన్మాదాద్భువనమదన త్వత్ప్రియాస్త్వాం విలేపుః ॥6॥
ఏవంప్రాయైర్వివశవచనైరాకులా గోపికాస్తా- స్త్వత్సందేశైః ప్రకృతిమనయత్ సోఽథ విజ్ఞానగర్భైః । భూయస్తాభిర్ముదితమతిభిస్త్వన్మయీభిర్వధూభి- స్తత్తద్వార్తాసరసమనయత్ కానిచిద్వాసరాణి ॥7॥
త్వత్ప్రోద్గానైః సహితమనిశం సర్వతో గేహకృత్యం త్వద్వార్తైవ ప్రసరతి మిథః సైవ చోత్స్వాపలాపాః । చేష్టాః ప్రాయస్త్వదనుకృతయస్త్వన్మయం సర్వమేవం దృష్ట్వా తత్ర వ్యముహదధికం విస్మయాదుద్ధవోఽయమ్ ॥8॥
రాధాయా మే ప్రియతమమిదం మత్ప్రియైవం బ్రవీతి త్వం కిం మౌనం కలయసి సఖే మానినీమత్ప్రియేవ। ఇత్యాద్యేవ ప్రవదతి సఖి త్వత్ప్రియో నిర్జనే మా- మిత్థంవాదైరరమదయం త్వత్ప్రియాముత్పలాక్షీమ్ ॥9॥
ఏష్యామి ద్రాగనుపగమనం కేవలం కార్యభారా- ద్విశ్లేషేఽపి స్మరణదృఢతాసంభవాన్మాస్తు ఖేదః । బ్రహ్మానందే మిలతి నచిరాత్ సంగమో వా వియోగ- స్తుల్యో వః స్యాదితి తవ గిరా సోఽకరోన్నిర్వ్యథాస్తాః ॥10॥
ఏవం భక్తి సకలభువనే నేక్షితా న శ్రుతా వా కిం శాస్త్రౌఘైః కిమిహ తపసా గోపికాభ్యో నమోఽస్తు । ఇత్యానందాకులముపగతం గోకులాదుద్ధవం తం దృష్ట్వా హృష్టో గురుపురపతే పాహి మామామయౌఘాత్ ॥11॥
About Narayaniyam Dashaka 76
The seventy-sixth dashaka of the Narayaneeyam tells of Krishna's studies and Uddhava's visit to Vraja. With Balarama, Krishna goes to the sage Sandipani and, all-knowing as he is, masters every branch of learning in sixty-four days; as his fee he brings back his teacher's dead son from the abode of Yama. Remembering again and again the love of the gopis, he sends his friend Uddhava to Vraja with a message. Seeing the gopis' boundless devotion, Uddhava is overwhelmed and says: such devotion has never been seen or heard anywhere in the world; what use are heaps of scriptures or austerities? Salutations to the gopis!
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Uddhava's praise of the gopis' love is told in the Bhagavatam, book 10, chapter 47, which includes the Bhramara Gita.
- The sixty-four days of study are linked with the traditional "sixty-four arts" (chatushshashti kala).
Frequently asked questions
What fee did Krishna give his teacher?
He brought back his teacher's dead son.
What does Uddhava say about the gopis?
"Salutations to the gopis", for their matchless devotion.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts