MuhurtaNow

Narayaniyam Dashaka 80

Vishnu · Traditional devotional text

സത്രാജിതസ്ത്വമഥ ലുബ്ധവദര്കലബ്ധം ദിവ്യം സ്യമംതകമണിം ഭഗവന്നയാചീഃ । തത്കാരണം ബഹുവിധം മമ ഭാതി നൂനം തസ്യാത്മജാം ത്വയി രതാം ഛലതോ വിവോഢുമ് ॥1॥

അദത്തം തം തുഭ്യം മണിവരമനേനാല്പമനസാ പ്രസേനസ്തദ്ഭ്രാതാ ഗലഭുവി വഹന് പ്രാപ മൃഗയാമ് । അഹന്നേനം സിംഹോ മണിമഹസി മാംസഭ്രമവശാത് കപീംദ്രസ്തം ഹത്വാ മണിമപി ച ബാലായ ദദിവാന് ॥2॥

ശശംസുഃ സത്രാജിദ്ഗിരമനു ജനാസ്ത്വാം മണിഹരം ജനാനാം പീയൂഷം ഭവതി ഗുണിനാം ദോഷകണികാ । തതഃ സർവജ്ഞോഽപി സ്വജനസഹിതോ മാര്ഗണപരഃ പ്രസേനം തം ദൃഷ്ട്വാ ഹരിമപി ഗതോഽഭൂഃ കപിഗുഹാമ് ॥3॥

ഭവംതമവിതര്കയന്നതിവയാഃ സ്വയം ജാംബവാന് മുകുംദശരണം ഹി മാം ക ഇഹ രോദ്ധുമിത്യാലപന് । വിഭോ രഘുപതേ ഹരേ ജയ ജയേത്യലം മുഷ്ടിഭി- ശ്ചിരം തവ സമര്ചനം വ്യധിത ഭക്തചൂഡാമണിഃ ॥4॥

ബുധ്വാഽഥ തേന ദത്താം നവരമണീം വരമണിം ച പരിഗൃഹ്ണന് । അനുഗൃഹ്ണന്നമുമാഗാഃ സപദി ച സത്രാജിതേ മണിം പ്രാദാഃ ॥5॥

തദനു സ ഖലു ബ്രീലാലോലോ വിലോലവിലോചനാം ദുഹിതരമഹോ ധീമാന് ഭാമാം ഗിരൈവ പരാര്പിതാമ് । അദിത മണിനാ തുഭ്യം ലഭ്യം സമേത്യ ഭവാനപി പ്രമുദിതമനാസ്തസ്യൈവാദാന്മണിം ഗഹനാശയഃ ॥6॥

വ്രീലാകുലാം രമയതി ത്വയി സത്യഭാമാം കൌംതേയദാഹകഥയാഥ കുരൂന് പ്രയാതേ । ഹീ ഗാംദിനേയകൃതവര്മഗിരാ നിപാത്യ സത്രാജിതം ശതധനുര്മണിമാജഹാര ॥7॥

ശോകാത് കുരൂനുപഗതാമവലോക്യ കാംതാം ഹത്വാ ദ്രുതം ശതധനും സമഹര്ഷയസ്താമ് । രത്നേ സശംക ഇവ മൈഥിലഗേഹമേത്യ രാമോ ഗദാം സമശിശിക്ഷത ധാര്തരാഷ്ട്രമ് ॥8॥

അക്രൂര ഏഷ ഭഗവന് ഭവദിച്ഛയൈവ സത്രാജിതഃ കുചരിതസ്യ യുയോജ ഹിംസാമ് । അക്രൂരതോ മണിമനാഹൃതവാന് പുനസ്ത്വം തസ്യൈവ ഭൂതിമുപധാതുമിതി ബ്രുവംതി ॥9॥

ഭക്തസ്ത്വയി സ്ഥിരതരഃ സ ഹി ഗാംദിനേയ- സ്തസ്യൈവ കാപഥമതിഃ കഥമീശ ജാതാ । വിജ്ഞാനവാന് പ്രശമവാനഹമിത്യുദീര്ണം ഗർവം ധ്രുവം ശമയിതും ഭവതാ കൃതൈവ ॥10॥

യാതം ഭയേന കൃതവര്മയുതം പുനസ്ത- മാഹൂയ തദ്വിനിഹിതം ച മണിം പ്രകാശ്യ । തത്രൈവ സുവ്രതധരേ വിനിധായ തുഷ്യന് ഭാമാകുചാംതശയനഃ പവനേശ പായാഃ ॥11॥

About Narayaniyam Dashaka 80

The eightieth dashaka of the Narayaneeyam tells the story of the Syamantaka gem. Krishna asks Satrajit for the divine gem given to him by the Sun, but Satrajit refuses; his brother Prasena wears it on a hunt and is killed by a lion, which is in turn killed by Jambavan. Suspected of taking the gem, Krishna follows the trail into Jambavan's cave and fights him for twenty-eight days, until Jambavan recognises his Lord Rama and gives him the gem and his daughter Jambavati. Satrajit, ashamed, gives Krishna the gem and his daughter Satyabhama; later the gem passes to Akrura, and Krishna leaves it with him.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana and at Guruvayur.

Did you know?

  • The Syamantaka story is traditionally recited on Ganesh Chaturthi, as it is said to remove the blame of seeing the moon that night.
  • Jambavan, the bear king, had served Rama in the Ramayana and recognised Krishna as the same Lord.

Frequently asked questions

Who gave Satrajit the Syamantaka gem?

The Sun god.

Whom did Krishna marry in this story?

Jambavati and Satyabhama.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.