MuhurtaNow

Narayaniyam Dashaka 81

Vishnu · Traditional devotional text

സ്നിഗ്ധാം മുഗ്ധാം സതതമപി താം ലാലയന് സത്യഭാമാം യാതോ ഭൂയഃ സഹ ഖലു തയാ യാജ്ഞസേനീവിവാഹമ് । പാര്ഥപ്രീത്യൈ പുനരപി മനാഗാസ്ഥിതോ ഹസ്തിപുര്യാം സശക്രപ്രസ്ഥം പുരമപി വിഭോ സംവിധായാഗതോഽഭൂഃ ॥1॥

ഭദ്രാം ഭദ്രാം ഭവദവരജാം കൌരവേണാര്ഥ്യമാനാം ത്വദ്വാചാ താമഹൃത കുഹനാമസ്കരീ ശക്രസൂനുഃ । തത്ര ക്രുദ്ധം ബലമനുനയന് പ്രത്യഗാസ്തേന സാര്ധം ശക്രപ്രസ്ഥം പ്രിയസഖമുദേ സത്യഭാമാസഹായഃ ॥2॥

തത്ര ക്രീഡന്നപി ച യമുനാകൂലദൃഷ്ടാം ഗൃഹീത്വാ താം കാലിംദീം നഗരമഗമഃ ഖാംഡവപ്രീണിതാഗ്നിഃ । ഭ്രാതൃത്രസ്താം പ്രണയവിവശാം ദേവ പൈതൃഷ്വസേയീം രാജ്ഞാം മധ്യേ സപദി ജഹൃഷേ മിത്രവിംദാമവംതീമ് ॥3॥

സത്യാം ഗത്വാ പുനരുദവഹോ നഗ്നജിന്നംദനാം താം ബധ്വാ സപ്താപി ച വൃഷവരാന് സപ്തമൂര്തിര്നിമേഷാത് । ഭദ്രാം നാമ പ്രദദുരഥ തേ ദേവ സംതര്ദനാദ്യാ- സ്തത്സോദര്യാ വരദ ഭവതഃ സാഽപി പൈതൃഷ്വസേയീ ॥4॥

പാര്ഥാദ്യൈരപ്യകൃതലവനം തോയമാത്രാഭിലക്ഷ്യം ലക്ഷം ഛിത്വാ ശഫരമവൃഥാ ലക്ഷ്മണാം മദ്രകന്യാമ് । അഷ്ടാവേവം തവ സമഭവന് വല്ലഭാസ്തത്ര മധ്യേ ശുശ്രോഥ ത്വം സുരപതിഗിരാ ഭൌമദുശ്ചേഷ്ടിതാനി ॥5॥

സ്മൃതായാതം പക്ഷിപ്രവരമധിരൂഢസ്ത്വമഗമോ വഹന്നംകേ ഭാമാമുപവനമിവാരാതിഭവനമ് । വിഭിംദന് ദുര്ഗാണി ത്രുടിതപൃതനാശോണിതരസൈഃ പുരം താവത് പ്രാഗ്ജ്യോതിഷമകുരുഥാഃ ശോണിതപുരമ് ॥6॥

മുരസ്ത്വാം പംചാസ്യോ ജലധിവനമധ്യാദുദപതത് സ ചക്രേ ചക്രേണ പ്രദലിതശിരാ മംക്ഷു ഭവതാ । ചതുര്ദംതൈര്ദംതാവലപതിഭിരിംധാനസമരം രഥാംഗേന ഛിത്വാ നരകമകരോസ്തീര്ണനരകമ് ॥7॥

സ്തുതോ ഭൂമ്യാ രാജ്യം സപദി ഭഗദത്തേഽസ്യ തനയേ ഗജംചൈകം ദത്വാ പ്രജിഘയിഥ നാഗാന്നിജപുരീമ് । ഖലേനാബദ്ധാനാം സ്വഗതമനസാം ഷോഡശ പുനഃ സഹസ്രാണി സ്ത്രീണാമപി ച ധനരാശിം ച വിപുലമ് ॥8॥

ഭൌമാപാഹൃതകുംഡലം തദദിതേര്ദാതും പ്രയാതോ ദിവം ശക്രാദ്യൈര്മഹിതഃ സമം ദയിതയാ ദ്യുസ്ത്രീഷു ദത്തഹ്രിയാ । ഹൃത്വാ കല്പതരും രുഷാഭിപതിതം ജിത്വേംദ്രമഭ്യാഗമ- സ്തത്തു ശ്രീമദദോഷ ഈദൃശ ഇതി വ്യാഖ്യാതുമേവാകൃഥാഃ ॥9॥

കല്പദ്രും സത്യഭാമാഭവനഭുവി സൃജന് ദ്വ്യഷ്ടസാഹസ്രയോഷാഃ സ്വീകൃത്യ പ്രത്യഗാരം വിഹിതബഹുവപുര്ലാലയന് കേലിഭേദൈഃ । ആശ്ചര്യാന്നാരദാലോകിതവിവിധഗതിസ്തത്ര തത്രാപി ഗേഹേ ഭൂയഃ സർവാസു കുർവന് ദശ ദശ തനയാന് പാഹി വാതാലയേശ ॥10॥

About Narayaniyam Dashaka 81

The eighty-first dashaka of the Narayaneeyam tells of several episodes from Krishna's life at Dvaraka. Krishna lovingly cherishes Satyabhama and attends Draupadi's wedding; at his word, Arjuna, disguised as an ascetic, carries off Krishna's sister Subhadra; Krishna slays the demon Narakasura, brings the parijata tree to Satyabhama's garden, and marries the sixteen thousand princesses Naraka had held captive, taking a separate form in each of their homes.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana, at Guruvayur, and around Naraka Chaturdashi.

Did you know?

  • Krishna's victory over Narakasura is celebrated as Naraka Chaturdashi, the day before Diwali.
  • The sage Narada visits the palaces and is amazed to find Krishna present in every one of them at once.

Frequently asked questions

Which demon does Krishna slay in this dashaka?

Narakasura.

Who carries off Subhadra?

Arjuna, disguised as an ascetic, at Krishna's word.

What does Narada see?

Krishna present in every palace of his queens at once.

Offered for worship and study, not as prediction. Non-commercial.