MuhurtaNow

Narayaniyam Dashaka 89

Vishnu · Traditional devotional text

ರಮಾಜಾನೇ ಜಾನೇ ಯದಿಹ ತವ ಭಕ್ತೇಷು ವಿಭವೋ ನ ಸದ್ಯಸ್ಸಂಪದ್ಯಸ್ತದಿಹ ಮದಕೃತ್ತ್ವಾದಶಮಿನಾಮ್ । ಪ್ರಶಾಂತಿಂ ಕೃತ್ವೈವ ಪ್ರದಿಶಸಿ ತತಃ ಕಾಮಮಖಿಲಂ ಪ್ರಶಾಂತೇಷು ಕ್ಷಿಪ್ರಂ ನ ಖಲು ಭವದೀಯೇ ಚ್ಯುತಿಕಥಾ ॥1॥

ಸದ್ಯಃ ಪ್ರಸಾದರುಷಿತಾನ್ ವಿಧಿಶಂಕರಾದೀನ್ ಕೇಚಿದ್ವಿಭೋ ನಿಜಗುಣಾನುಗುಣಂ ಭಜಂತಃ । ಭ್ರಷ್ಟಾ ಭವಂತಿ ಬತ ಕಷ್ಟಮದೀರ್ಘದೃಷ್ಟ್ಯಾ ಸ್ಪಷ್ಟಂ ವೃಕಾಸುರ ಉದಾಹರಣಂ ಕಿಲಾಸ್ಮಿನ್ ॥2॥

ಶಕುನಿಜಃ ಸ ತು ನಾರದಮೇಕದಾ ತ್ವರಿತತೋಷಮಪೃಚ್ಛದಧೀಶ್ವರಮ್ । ಸ ಚ ದಿದೇಶ ಗಿರೀಶಮುಪಾಸಿತುಂ ನ ತು ಭವಂತಮಬಂಧುಮಸಾಧುಷು ॥3॥

ತಪಸ್ತಪ್ತ್ವಾ ಘೋರಂ ಸ ಖಲು ಕುಪಿತಃ ಸಪ್ತಮದಿನೇ ಶಿರಃ ಛಿತ್ವಾ ಸದ್ಯಃ ಪುರಹರಮುಪಸ್ಥಾಪ್ಯ ಪುರತಃ । ಅತಿಕ್ಷುದ್ರಂ ರೌದ್ರಂ ಶಿರಸಿ ಕರದಾನೇನ ನಿಧನಂ ಜಗನ್ನಾಥಾದ್ವವ್ರೇ ಭವತಿ ವಿಮುಖಾನಾಂ ಕ್ವ ಶುಭಧೀಃ ॥4॥

ಮೋಕ್ತಾರಂ ಬಂಧಮುಕ್ತೋ ಹರಿಣಪತಿರಿವ ಪ್ರಾದ್ರವತ್ಸೋಽಥ ರುದ್ರಂ ದೈತ್ಯಾತ್ ಭೀತ್ಯಾ ಸ್ಮ ದೇವೋ ದಿಶಿ ದಿಶಿ ವಲತೇ ಪೃಷ್ಠತೋ ದತ್ತದೃಷ್ಟಿಃ । ತೂಷ್ಣೀಕೇ ಸರ್ವಲೋಕೇ ತವ ಪದಮಧಿರೋಕ್ಷ್ಯಂತಮುದ್ವೀಕ್ಷ್ಯ ಶರ್ವಂ ದೂರಾದೇವಾಗ್ರತಸ್ತ್ವಂ ಪಟುವಟುವಪುಷಾ ತಸ್ಥಿಷೇ ದಾನವಾಯ ॥5॥

ಭದ್ರಂ ತೇ ಶಾಕುನೇಯ ಭ್ರಮಸಿ ಕಿಮಧುನಾ ತ್ವಂ ಪಿಶಾಚಸ್ಯ ವಾಚಾ ಸಂದೇಹಶ್ಚೇನ್ಮದುಕ್ತೌ ತವ ಕಿಮು ನ ಕರೋಷ್ಯಂಗುಲೀಮಂಗಮೌಲೌ । ಇತ್ಥಂ ತ್ವದ್ವಾಕ್ಯಮೂಢಃ ಶಿರಸಿ ಕೃತಕರಃ ಸೋಽಪತಚ್ಛಿನ್ನಪಾತಂ ಭ್ರಂಶೋ ಹ್ಯೇವಂ ಪರೋಪಾಸಿತುರಪಿ ಚ ಗತಿಃ ಶೂಲಿನೋಽಪಿ ತ್ವಮೇವ ॥6॥

ಭೃಗುಂ ಕಿಲ ಸರಸ್ವತೀನಿಕಟವಾಸಿನಸ್ತಾಪಸಾ- ಸ್ತ್ರಿಮೂರ್ತಿಷು ಸಮಾದಿಶನ್ನಧಿಕಸತ್ತ್ವತಾಂ ವೇದಿತುಮ್ । ಅಯಂ ಪುನರನಾದರಾದುದಿತರುದ್ಧರೋಷೇ ವಿಧೌ ಹರೇಽಪಿ ಚ ಜಿಹಿಂಸಿಷೌ ಗಿರಿಜಯಾ ಧೃತೇ ತ್ವಾಮಗಾತ್ ॥7॥

ಸುಪ್ತಂ ರಮಾಂಕಭುವಿ ಪಂಕಜಲೋಚನಂ ತ್ವಾಂ ವಿಪ್ರೇ ವಿನಿಘ್ನತಿ ಪದೇನ ಮುದೋತ್ಥಿತಸ್ತ್ವಮ್ । ಸರ್ವಂ ಕ್ಷಮಸ್ವ ಮುನಿವರ್ಯ ಭವೇತ್ ಸದಾ ಮೇ ತ್ವತ್ಪಾದಚಿನ್ಹಮಿಹ ಭೂಷಣಮಿತ್ಯವಾದೀಃ ॥8॥

ನಿಶ್ಚಿತ್ಯ ತೇ ಚ ಸುದೃಢಂ ತ್ವಯಿ ಬದ್ಧಭಾವಾಃ ಸಾರಸ್ವತಾ ಮುನಿವರಾ ದಧಿರೇ ವಿಮೋಕ್ಷಮ್ । ತ್ವಾಮೇವಮಚ್ಯುತ ಪುನಶ್ಚ್ಯುತಿದೋಷಹೀನಂ ಸತ್ತ್ವೋಚ್ಚಯೈಕತನುಮೇವ ವಯಂ ಭಜಾಮಃ ॥9॥

ಜಗತ್ಸೃಷ್ಟ್ಯಾದೌ ತ್ವಾಂ ನಿಗಮನಿವಹೈರ್ವಂದಿಭಿರಿವ ಸ್ತುತಂ ವಿಷ್ಣೋ ಸಚ್ಚಿತ್ಪರಮರಸನಿರ್ದ್ವೈತವಪುಷಮ್ । ಪರಾತ್ಮಾನಂ ಭೂಮನ್ ಪಶುಪವನಿತಾಭಾಗ್ಯನಿವಹಂ ಪರಿತಾಪಶ್ರಾಂತ್ಯೈ ಪವನಪುರವಾಸಿನ್ ಪರಿಭಜೇ ॥10॥

About Narayaniyam Dashaka 89

The eighty-ninth dashaka of the Narayaneeyam reflects on why devotees of Vishnu are not given riches at once. Bhattathiri says that the Lord first gives peace and only then fulfils every wish, since sudden wealth would make his devotees proud; some who worship Brahma or Shiva for quick boons fall into trouble. He tells of the demon Vrika, who won from Shiva the power to burn anyone by touching their head and then chased Shiva himself, until Vishnu tricked him into touching his own head; and of the sage Bhrigu, who tested the three gods and found Vishnu the greatest, since he bore even a kick on his chest with gentleness. It ends praising the Lord as the supreme, the good fortune of the cowherd women.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana and at Guruvayur.

Did you know?

  • Vrikasura is also known as Bhasmasura in popular retellings.
  • The mark of Bhrigu's foot on Vishnu's chest, the Srivatsa, is honoured as a sign of the Lord's patience.

Frequently asked questions

Why does the Lord not give sudden wealth?

Because it would make his devotees proud.

Which god did Bhrigu find the greatest?

Vishnu, who bore his kick with gentleness.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.