Narayaniyam Dashaka 97
Vishnu · Traditional devotional text
ত্রৈগুণ্য়াদ্ভিন্নরূপং ভবতি হি ভুবনে হীনমধ্য়োত্তমং যত্ জ্ঞানং শ্রদ্ধা চ কর্তা বসতিরপি সুখং কর্ম চাহারভেদাঃ । ত্বত্ক্ষেত্রত্বন্নিষেবাদি তু যদিহ পুনস্ত্বত্পরং তত্তু সর্বং প্রাহুর্নৈগুণ্যনিষ্ঠং তদনুভজনতো মংক্ষু সিদ্ধো ভবেযম্ ॥1॥
ত্বয়্য়েব ন্যস্তচিত্তঃ সুখময়ি বিচরন্ সর্বচেষ্টাস্ত্বদর্থং ত্বদ্ভক্তৈঃ সেব্যমানানপি চরিতচরানাশ্রযন্ পুণ্যদেশান্ । দস্য়ৌ বিপ্রে মৃগাদিষ্বপি চ সমমতির্মুচ্যমানাবমান- স্পর্ধাসূয়াদিদোষঃ সততমখিলভূতেষু সংপূজয়ে ত্বাম্ ॥2॥
ত্বদ্ভাবো যাবদেষু স্ফুরতি ন বিশদং তাবদেবং হ্য়ুপাস্তিং কুর্বন্নৈকাত্ম্যবোধে ঝটিতি বিকসতি ত্বন্ময়োঽহং চরেযম্ । ত্বদ্ধর্মস্য়াস্য় তাবত্ কিমপি ন ভগবন্ প্রস্তুতস্য় প্রণাশ- স্তস্মাত্সর্বাত্মনৈব প্রদিশ মম বিভো ভক্তিমার্গং মনোজ্ঞম্ ॥3॥
তং চৈনং ভক্তিয়োগং দ্রঢয়িতুময়ি মে সাধ্যমারোগ্যমায়ু- র্দিষ্ট্য়া তত্রাপি সেব্য়ং তব চরণমহো ভেষজায়েব দুগ্ধম্ । মার্কংডেয়ো হি পূর্বং গণকনিগদিতদ্বাদশাব্দায়ুরুচ্চৈঃ সেবিত্বা বত্সরং ত্বাং তব ভটনিবহৈর্দ্রাবয়ামাস মৃত্য়ুম্ ॥4॥
মার্কংডেযশ্চিরায়ুঃ স খলু পুনরপি ত্বত্পরঃ পুষ্পভদ্রা- তীরে নিন্য়ে তপস্যন্নতুলসুখরতিঃ ষট্ তু মন্বংতরাণি । দেবেংদ্রঃ সপ্তমস্তং সুরয়ুবতিমরুন্মন্মথৈর্মোহয়িষ্যন্ যোগোষ্মপ্লুষ্যমাণৈর্ন তু পুনরশকত্ত্বজ্জনং নির্জয়েত্ কঃ ॥5॥
প্রীত্য়া নারাযণাখ্যস্ত্বমথ নরসখঃ প্রাপ্তবানস্য় পার্শ্বং তুষ্ট্য়া তোষ্টূযমানঃ স তু বিবিধবরৈর্লোভিতো নানুমেনে । দ্রষ্টুং মাযাং ত্বদীয়াং কিল পুনরবৃণোদ্ভক্তিতৃপ্তাংতরাত্মা মায়াদুঃখানভিজ্ঞস্তদপি মৃগযতে নূনমাশ্চর্যহেতোঃ ॥6॥
যাতে ত্বয়্য়াশু বাতাকুলজলদগলত্তোযপূর্ণাতিঘূর্ণত্- সপ্তার্ণোরাশিমগ্নে জগতি স তু জলে সংভ্রমন্ বর্ষকোটীঃ । দীনঃ প্রৈক্ষিষ্ট দূরে বটদলশযনং কংচিদাশ্চর্যবালং ত্বামেব শ্য়ামলাংগং বদনসরসিজন্যস্তপাদাংগুলীকম্ ॥7॥
দৃষ্ট্বা ত্বাং হৃষ্টরোমা ত্বরিতমুপগতঃ স্প্রষ্টুকামো মুনীংদ্রঃ শ্বাসেনাংতর্নিবিষ্টঃ পুনরিহ সকলং দৃষ্টবান্ বিষ্টপৌঘম্ । ভূয়োঽপি শ্বাসবাতৈর্বহিরনুপতিতো বীক্ষিতস্ত্বত্কটাক্ষৈ- র্মোদাদাশ্লেষ্টুকামস্ত্বয়ি পিহিততনৌ স্বাশ্রমে প্রাগ্বদাসীত্ ॥8॥
গৌর্য়া সার্ধং তদগ্রে পুরভিদথ গতস্ত্বত্প্রিযপ্রেক্ষণার্থী সিদ্ধানেবাস্য় দত্বা স্বযমযমজরামৃত্য়ুতাদীন্ গতোঽভূত্ । এবং ত্বত্সেবয়ৈব স্মররিপুরপি স প্রীযতে যেন তস্মা- ন্মূর্তিত্রয়্য়াত্মকস্ত্বং ননু সকলনিয়ংতেতি সুব্যক্তমাসীত্ ॥9॥
ত্র্য়ংশেস্মিন্ সত্যলোকে বিধিহরিপুরভিন্মংদিরাণ্য়ূর্ধ্বমূর্ধ্বং তেভোঽপ্য়ূর্ধ্বং তু মায়াবিকৃতিবিরহিতো ভাতি বৈকুংঠলোকঃ । তত্র ত্বং কারণাংভস্যপি পশুপকুলে শুদ্ধসত্ত্বৈকরূপী সচ্চিত্ব্রহ্মাদ্বয়াত্মা পবনপুরপতে পাহি মাং সর্বরোগাত্ ॥10॥
About Narayaniyam Dashaka 97
The ninety-seventh dashaka of the Narayaneeyam prays for devotion beyond the three gunas and tells the story of Markandeya. Knowledge, faith, action and food all take sattvic, rajasic or tamasic forms, but whatever is devoted to the Lord is beyond the gunas. The young Markandeya, destined to live only sixteen years, worships the Lord and is saved from death, and later, after long austerity, asks to see the Lord's maya. He is tossed for ages in the waters of dissolution until he sees a wondrous dark child lying on a banyan leaf, sucking his toe, and enters and leaves the whole universe through the child's breath. The dashaka ends with Vaikuntha, beyond maya, above the worlds of Brahma, Vishnu and Shiva.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- The image of the Lord as a child on a banyan leaf (Vatapatrashayi) comes from this story of Markandeya.
- The last verse asks the Lord of Guruvayur for protection from all ills; such prayers are offered alongside proper medical care.
Frequently asked questions
What did Markandeya ask to see?
The Lord's maya.
What did he see in the waters of dissolution?
A dark child lying on a banyan leaf.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts