Narayaniyam Dashaka 97
Vishnu · Traditional devotional text
ത്രൈഗുണ്യാദ്ഭിന്നരൂപം ഭവതി ഹി ഭുവനേ ഹീനമധ്യോത്തമം യത് ജ്ഞാനം ശ്രദ്ധാ ച കര്താ വസതിരപി സുഖം കര്മ ചാഹാരഭേദാഃ । ത്വത്ക്ഷേത്രത്വന്നിഷേവാദി തു യദിഹ പുനസ്ത്വത്പരം തത്തു സർവം പ്രാഹുര്നൈഗുണ്യനിഷ്ഠം തദനുഭജനതോ മംക്ഷു സിദ്ധോ ഭവേയമ് ॥1॥
ത്വയ്യേവ ന്യസ്തചിത്തഃ സുഖമയി വിചരന് സർവചേഷ്ടാസ്ത്വദര്ഥം ത്വദ്ഭക്തൈഃ സേവ്യമാനാനപി ചരിതചരാനാശ്രയന് പുണ്യദേശാന് । ദസ്യൌ വിപ്രേ മൃഗാദിഷ്വപി ച സമമതിര്മുച്യമാനാവമാന- സ്പര്ധാസൂയാദിദോഷഃ സതതമഖിലഭൂതേഷു സംപൂജയേ ത്വാമ് ॥2॥
ത്വദ്ഭാവോ യാവദേഷു സ്ഫുരതി ന വിശദം താവദേവം ഹ്യുപാസ്തിം കുർവന്നൈകാത്മ്യബോധേ ഝടിതി വികസതി ത്വന്മയോഽഹം ചരേയമ് । ത്വദ്ധര്മസ്യാസ്യ താവത് കിമപി ന ഭഗവന് പ്രസ്തുതസ്യ പ്രണാശ- സ്തസ്മാത്സർവാത്മനൈവ പ്രദിശ മമ വിഭോ ഭക്തിമാര്ഗം മനോജ്ഞമ് ॥3॥
തം ചൈനം ഭക്തിയോഗം ദ്രഢയിതുമയി മേ സാധ്യമാരോഗ്യമായു- ര്ദിഷ്ട്യാ തത്രാപി സേവ്യം തവ ചരണമഹോ ഭേഷജായേവ ദുഗ്ധമ് । മാര്കംഡേയോ ഹി പൂർവം ഗണകനിഗദിതദ്വാദശാബ്ദായുരുച്ചൈഃ സേവിത്വാ വത്സരം ത്വാം തവ ഭടനിവഹൈര്ദ്രാവയാമാസ മൃത്യുമ് ॥4॥
മാര്കംഡേയശ്ചിരായുഃ സ ഖലു പുനരപി ത്വത്പരഃ പുഷ്പഭദ്രാ- തീരേ നിന്യേ തപസ്യന്നതുലസുഖരതിഃ ഷട് തു മന്വംതരാണി । ദേവേംദ്രഃ സപ്തമസ്തം സുരയുവതിമരുന്മന്മഥൈര്മോഹയിഷ്യന് യോഗോഷ്മപ്ലുഷ്യമാണൈര്ന തു പുനരശകത്ത്വജ്ജനം നിര്ജയേത് കഃ ॥5॥
പ്രീത്യാ നാരായണാഖ്യസ്ത്വമഥ നരസഖഃ പ്രാപ്തവാനസ്യ പാര്ശ്വം തുഷ്ട്യാ തോഷ്ടൂയമാനഃ സ തു വിവിധവരൈര്ലോഭിതോ നാനുമേനേ । ദ്രഷ്ടും മായാം ത്വദീയാം കില പുനരവൃണോദ്ഭക്തിതൃപ്താംതരാത്മാ മായാദുഃഖാനഭിജ്ഞസ്തദപി മൃഗയതേ നൂനമാശ്ചര്യഹേതോഃ ॥6॥
യാതേ ത്വയ്യാശു വാതാകുലജലദഗലത്തോയപൂര്ണാതിഘൂര്ണത്- സപ്താര്ണോരാശിമഗ്നേ ജഗതി സ തു ജലേ സംഭ്രമന് വര്ഷകോടീഃ । ദീനഃ പ്രൈക്ഷിഷ്ട ദൂരേ വടദലശയനം കംചിദാശ്ചര്യബാലം ത്വാമേവ ശ്യാമലാംഗം വദനസരസിജന്യസ്തപാദാംഗുലീകമ് ॥7॥
ദൃഷ്ട്വാ ത്വാം ഹൃഷ്ടരോമാ ത്വരിതമുപഗതഃ സ്പ്രഷ്ടുകാമോ മുനീംദ്രഃ ശ്വാസേനാംതര്നിവിഷ്ടഃ പുനരിഹ സകലം ദൃഷ്ടവാന് വിഷ്ടപൌഘമ് । ഭൂയോഽപി ശ്വാസവാതൈര്ബഹിരനുപതിതോ വീക്ഷിതസ്ത്വത്കടാക്ഷൈ- ര്മോദാദാശ്ലേഷ്ടുകാമസ്ത്വയി പിഹിതതനൌ സ്വാശ്രമേ പ്രാഗ്വദാസീത് ॥8॥
ഗൌര്യാ സാര്ധം തദഗ്രേ പുരഭിദഥ ഗതസ്ത്വത്പ്രിയപ്രേക്ഷണാര്ഥീ സിദ്ധാനേവാസ്യ ദത്വാ സ്വയമയമജരാമൃത്യുതാദീന് ഗതോഽഭൂത് । ഏവം ത്വത്സേവയൈവ സ്മരരിപുരപി സ പ്രീയതേ യേന തസ്മാ- ന്മൂര്തിത്രയ്യാത്മകസ്ത്വം നനു സകലനിയംതേതി സുവ്യക്തമാസീത് ॥9॥
ത്ര്യംശേസ്മിന് സത്യലോകേ വിധിഹരിപുരഭിന്മംദിരാണ്യൂര്ധ്വമൂര്ധ്വം തേഭോഽപ്യൂര്ധ്വം തു മായാവികൃതിവിരഹിതോ ഭാതി വൈകുംഠലോകഃ । തത്ര ത്വം കാരണാംഭസ്യപി പശുപകുലേ ശുദ്ധസത്ത്വൈകരൂപീ സച്ചിത്ബ്രഹ്മാദ്വയാത്മാ പവനപുരപതേ പാഹി മാം സർവരോഗാത് ॥10॥
About Narayaniyam Dashaka 97
The ninety-seventh dashaka of the Narayaneeyam prays for devotion beyond the three gunas and tells the story of Markandeya. Knowledge, faith, action and food all take sattvic, rajasic or tamasic forms, but whatever is devoted to the Lord is beyond the gunas. The young Markandeya, destined to live only sixteen years, worships the Lord and is saved from death, and later, after long austerity, asks to see the Lord's maya. He is tossed for ages in the waters of dissolution until he sees a wondrous dark child lying on a banyan leaf, sucking his toe, and enters and leaves the whole universe through the child's breath. The dashaka ends with Vaikuntha, beyond maya, above the worlds of Brahma, Vishnu and Shiva.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- The image of the Lord as a child on a banyan leaf (Vatapatrashayi) comes from this story of Markandeya.
- The last verse asks the Lord of Guruvayur for protection from all ills; such prayers are offered alongside proper medical care.
Frequently asked questions
What did Markandeya ask to see?
The Lord's maya.
What did he see in the waters of dissolution?
A dark child lying on a banyan leaf.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts