Saraswati Suktam
Vedic · Traditional devotional text
-(ri.ve.6.61) i̠yam̍dadaadrabha̠samri̍na̠chyuta̠-ndivo̎daasam vadrya̠shvaaya̍ daa̠shushe̎ । yaa shashva̎mtamaacha̠khashadaa̎va̠sa-mpa̠ni-ntaa te̎ daa̠traani̍ tavi̠shaa sa̍rasvati ॥ 1 ॥
i̠yam shushme̎bhirbisa̠khaa i̍vaaruja̠tsaanu̍ giree̠naa-nta̍vi̠shebhi̍roo̠rmibhi̍h । paa̠raa̠va̠ta̠ghneemava̍se suvri̠ktibhi̍ssara̍svatee̠ maa vi̍vaasema dhee̠tibhi̍h ॥ 2 ॥
sara̍svati deva̠nido̠ ni ba̍rhaya pra̠jaam vishva̍sya̠ brisa̍yasya maa̠yina̍h । u̠ta kshi̠tibhyo̠-'vanee̎ravindo vi̠shame̎bhyo asravo vaajineevati ॥ 3 ॥
prano̎ de̠vee sara̍svatee̠ vaaje̎bhirvaa̠jinee̎vatee । dhee̠naama̍vi̠trya̍vatu ॥ 4 ॥
yastvaa̎ devi sarasvatyupabroo̠te dhane̎ hi̠te । indra̠-nna vri̍tra̠toorye̎ ॥ 5 ॥
tva-nde̎vi sarasva̠tyavaa̠ vaaje̎shu vaajini । radaa̎ poo̠sheva̍ na-ssa̠nim ॥ 6 ॥
u̠ta syaa na̠-ssara̍svatee gho̠raa hira̎nyavartanih । vri̠tra̠ghnee va̍shti sushtu̠tim ॥ 7 ॥
yasyaa̎ ana̠nto ahru̍tastve̠shashcha̍ri̠shnura̎rna̠vah । ama̠shchara̍ti̠ roru̍vat ॥ 8 ॥
saa no̠ vishvaa̠ ati̠ dvisha̠-ssvasree̎ra̠nyaa ri̠taava̍ree । ata̠nnahe̎va̠ soorya̍h ॥ 9 ॥
u̠ta na̍h pri̠yaa pri̠yaasu̍ sa̠ptasva̍saa̠ suju̍shtaa । sara̍svatee̠ stomyaa̎ bhoot ॥ 10 ॥
aa̠pa̠prushee̠ paarthi̍vaanyu̠ru rajo̎ a̠ntari̍ksham । sara̍svatee ni̠daspaa̎tu ॥ 11 ॥
tri̠sha̠dhasthaa̎ sa̠ptadhaa̎tu̠h pancha̍ jaa̠taa va̠rdhaya̎ntee । vaaje̎vaaje̠ havyaa̎ bhoot ॥ 12 ॥
pra yaa ma̍hi̠mnaa ma̠hinaa̎su̠ cheki̍te dyu̠mnebhi̍ra̠nyaa a̠pasaa̎ma̠pasta̍maa । ratha̍ iva briha̠tee vi̠bhvane̎ kri̠topa̠stutyaa̎ chiki̠tushaa̠ sara̍svatee ॥ 13 ॥
sara̍svatya̠bhi no̎ neshi̠ vasyo̠ maapa̍ spharee̠h paya̍saa̠ maa na̠ aa dha̍k । ju̠shasva̍ na-ssa̠khyaa ve̠shyaa̎ cha̠ maa tva-tkshetraa̠nyara̍naani ganma ॥ 14 ॥
–(ri.ve.7.95) pra kshoda̍saa̠ dhaaya̍saa sasra e̠shaa sara̍svatee dha̠runa̠maaya̍see̠ pooh । pra̠baaba̍dhaanaa ra̠thye̎va yaati̠ vishvaa̎ a̠po ma̍hi̠naa sindhu̍ra̠nyaah ॥ 15 ॥
ekaa̎cheta̠tsara̍svatee na̠deenaa̠m shuchi̎rya̠tee gi̠ribhya̠ aa sa̍mu̠draat । raa̠yashcheta̎ntee̠ bhuva̍nasya̠ bhoore̎rghri̠ta-mpayo̎ duduhe̠ naahu̍shaaya ॥ 16 ॥
sa vaa̎vridhe̠ naryo̠ yosha̍naasu̠ vrishaa̠ shishu̎rvrisha̠bho ya̠jniyaa̎su । sa vaa̠jina̎-mma̠ghava̍dbhyo dadhaati̠ vi saa̠taye̎ ta̠nva̎-mmaamrijeeta ॥ 17 ॥
u̠ta syaa na̠-ssara̍svatee jushaa̠nopa̍ shravatsu̠bhagaa̎ ya̠jne a̠sminn । mi̠tajnu̍bhirnama̠syai̎riyaa̠naa raa̠yaa yu̠jaa chi̠dutta̍raa̠ sakhi̍bhyah ॥ 18 ॥
i̠maa juhvaa̎naa yu̠shmadaa namo̎bhi̠h prati̠ stoma̎m sarasvati jushasva । tava̠ sharma̎npri̠yata̍me̠ dadhaa̎naa̠ upa̍ stheyaama shara̠na-nna vri̠ksham ॥ 19 ॥
a̠yamu̍ te sarasvati̠ vasi̍shtho̠ dvaaraa̎vri̠tasya̍ subhage̠ vyaa̎vah । vardha̍ shubhre stuva̠te raa̎si̠ vaajaa̍nyoo̠ya-mpaa̎ta sva̠stibhi̠-ssadaa̎ nah ॥ 20 ॥
(ri.ve.7.96) bri̠hadu̍ gaayishe̠ vacho̎-'su̠ryaa̎ na̠deenaa̎m । sara̍svatee̠minma̍hayaa suvri̠ktibhi̠sstomai̎rvasishtha̠ roda̍see ॥ 21 ॥
u̠bhe yatte̎ mahi̠naa shu̍bhre̠ andha̍see adhikshi̠yanti̍ poo̠rava̍h । saa no̎ bodhyavi̠tree ma̠rutsa̍khaa̠ choda̠ raadho̎ ma̠ghonaa̎m ॥ 22 ॥
bha̠dramidbha̠draa kri̍nava̠tsara̍sva̠tyaka̍vaaree chetati vaa̠jinee̎vatee । gri̠naa̠naa ja̍madagni̠vatstu̍vaa̠naa cha̍ vasishtha̠vat ॥ 23 ॥
ja̠nee̠yanto̠ nvagra̍vah putree̠yanta̍-ssu̠daana̍vah । sara̍svantam havaamahe ॥ 24 ॥
ye te̎ sarasva oo̠rmayo̠ madhu̍manto ghrita̠shchuta̍h । tebhi̎rno-'vi̠taa bha̠va ॥ 25 ॥
pee̠pi̠vaamsa̠m sara̍svata̠-sstana̠m yo vi̠shvada̍rshatah । bha̠kshee̠mahi̍ pra̠jaamisham̎ ॥ 26 ॥
(ri.ve.2.41.16) ambi̍tame̠ nadee̎tame̠ devi̍tame̠ sara̍svati । a̠pra̠sha̠staa i̍va smasi̠ prasha̍stimamba naskridhi ॥ 27 ॥
tve vishvaa̎ sarasvati shri̠taayoo̎mshi de̠vyaam । shu̠naho̎treshu matsva pra̠jaa-nde̎vi dididdhi nah ॥ 28 ॥
i̠maa brahma̍ sarasvati ju̠shasva̍ vaajineevati । yaa te̠ manma̍ gritsama̠daa ri̍taavari pri̠yaa de̠veshu̠ juhva̍ti ॥ 29 ॥
(ri.ve.1.3.10) paa̠va̠kaa na̠-ssara̍svatee̠ vaaje̎bhirvaa̠jinee̎vatee । ya̠jnam va̍shtu dhi̠yaava̍suh ॥ 30 ॥
cho̠da̠yi̠tree soo̠nritaa̎naa̠-ncheta̎ntee sumatee̠naam । ya̠jna-nda̍dhe̠ sara̍svatee ॥ 31 ॥
ma̠ho arna̠-ssara̍svatee̠ pra che̎tayati ke̠tunaa̎ । dhiyo̠ vishvaa̠ vi raa̎jati ॥ 32 ॥
(ri.ve.10.17.7) sara̍svatee-ndeva̠yanto̎ havante̠ sara̍svateemadhva̠re taa̠yamaa̎ne । sara̍svateem su̠krito̎ ahvayanta̠ sara̍svatee daa̠shushe̠ vaarya̎-ndaat ॥ 33 ॥
sara̍svati̠ yaa sa̠ratha̎m ya̠yaatha̍ sva̠dhaabhi̍rdevi pi̠tribhi̠rmada̎ntee । aa̠sadyaa̠sminba̠rhishi̍ maadayasvaanamee̠vaa isha̠ aa dhe̎hya̠sme ॥ 34 ॥
sara̍svatee̠m yaa-mpi̠taro̠ hava̎nte dakshi̠naa ya̠jnama̍bhi̠naksha̍maanaah । sa̠ha̠sraa̠rghami̠lo atra̍ bhaa̠gam raa̠yasposha̠m yaja̍maaneshu dhehi ॥ 35 ॥
(ri.ve.5.43.11) aa no̎ di̠vo bri̍ha̠tah parva̍taa̠daa sara̍svatee yaja̠taa ga̎ntu ya̠jnam । hava̎-nde̠vee ju̍jushaa̠naa ghri̠taachee̎ sha̠gmaa-nno̠ vaacha̍musha̠tee shri̍notu ॥ 36 ॥
(ri.ve.2.32.4) raa̠kaama̠ham su̠havaa̎m sushtu̠tee hu̍ve shri̠notu̍ na-ssu̠bhagaa̠ bodha̍tu̠ tmanaa̎ । seevya̠tvapa̍-ssoo̠chyaachchhi̍dyamaanayaa̠ dadaa̎tu vee̠ram sha̠tadaa̎yamu̠kthyam̎ ॥ 37 ॥
yaaste̎ raake suma̠taya̍-ssu̠pesha̍so̠ yaabhi̠rdadaa̎si daa̠shushe̠ vasoo̎ni । taabhi̎rno a̠dya su̠manaa̎ u̠paaga̍hi sahasrapo̠sham su̍bhage̠ raraa̎naa ॥ 38 ॥
sinee̎vaali̠ prithu̍shtuke̠ yaa de̠vaanaa̠masi̠ svasaa̎ । ju̠shasva̍ ha̠vyamaahu̍ta-mpra̠jaa-nde̎vi dididdhi nah ॥ 39 ॥
yaa su̍baa̠hu-ssva̎ngu̠ri-ssu̠shoomaa̎ bahu̠soova̍ree । tasyai̎ vi̠shpatnyai̎ ha̠vi-ssi̍neevaa̠lyai ju̍hotana ॥ 40 ॥
yaa gu̠ngooryaa si̍neevaa̠lee yaa raa̠kaa yaa sara̍svatee । i̠ndraa̠neema̍hva oo̠taye̎ varunaa̠neem sva̠staye̎ ॥ 41 ॥
om shaanti̠-shshaanti̠-shshaanti̍h ॥
About Saraswati Suktam
The Saraswati Suktam gathers Rig Vedic hymns to Saraswati, first praised as a mighty river that breaks the mountain ridges with her waves, and as the goddess who blesses those who worship her with wealth, strength and inspired thought. Its first hymn is Rig Veda 6.61, and the closing verse invokes her with Sinivali, Raka and the consorts of Indra and Varuna.
Source: Rig Veda, beginning with hymn 6.61
When to chant: On Vasanta Panchami and Saraswati Puja, and in Vedic recitation.
Did you know?
- In the Rig Veda Saraswati is first of all a river, "best of mothers, best of rivers, best of goddesses" (2.41.16).
- The first verse recalls how Saraswati gave the son Divodasa to the generous Vadhryashva.
- Her later form as goddess of learning and speech grows from these hymns, where she inspires thought (dhi).
Recited on these festivals
Frequently asked questions
Where do these verses come from?
The Rig Veda, starting with hymn 6.61 to Saraswati.
Is Saraswati a river or a goddess in the Rig Veda?
Both: a great river and a goddess who inspires thought.
When is it chanted?
On Vasanta Panchami, during Saraswati Puja and in Vedic recitation.
Offered for worship and study, not as prediction. Non-commercial.