Sarvadeva Kruta Sri Lakshmi Stotram
Devi · Traditional devotional text
ಕ್ಷಮಸ್ವ ಭಗವತ್ಯಂಬ ಕ್ಷಮಾ ಶೀಲೇ ಪರಾತ್ಪರೇ। ಶುದ್ಧ ಸತ್ವ ಸ್ವರೂಪೇಚ ಕೋಪಾದಿ ಪರಿ ವರ್ಜಿತೇ॥
ಉಪಮೇ ಸರ್ವ ಸಾಧ್ವೀನಾಂ ದೇವೀನಾಂ ದೇವ ಪೂಜಿತೇ। ತ್ವಯಾ ವಿನಾ ಜಗತ್ಸರ್ವಂ ಮೃತ ತುಲ್ಯಂಚ ನಿಷ್ಫಲಂ।
ಸರ್ವ ಸಂಪತ್ಸ್ವರೂಪಾತ್ವಂ ಸರ್ವೇಷಾಂ ಸರ್ವ ರೂಪಿಣೀ। ರಾಸೇಶ್ವರ್ಯಧಿ ದೇವೀತ್ವಂ ತ್ವತ್ಕಲಾಃ ಸರ್ವಯೋಷಿತಃ॥
ಕೈಲಾಸೇ ಪಾರ್ವತೀ ತ್ವಂಚ ಕ್ಷೀರೋಧೇ ಸಿಂಧು ಕನ್ಯಕಾ। ಸ್ವರ್ಗೇಚ ಸ್ವರ್ಗ ಲಕ್ಷ್ಮೀ ಸ್ತ್ವಂ ಮರ್ತ್ಯ ಲಕ್ಷ್ಮೀಶ್ಚ ಭೂತಲೇ॥
ವೈಕುಂಠೇಚ ಮಹಾಲಕ್ಷ್ಮೀಃ ದೇವದೇವೀ ಸರಸ್ವತೀ। ಗಂಗಾಚ ತುಲಸೀತ್ವಂಚ ಸಾವಿತ್ರೀ ಬ್ರಹ್ಮ ಲೋಕತಃ॥
ಕೃಷ್ಣ ಪ್ರಾಣಾಧಿ ದೇವೀತ್ವಂ ಗೋಲೋಕೇ ರಾಧಿಕಾ ಸ್ವಯಂ। ರಾಸೇ ರಾಸೇಶ್ವರೀ ತ್ವಂಚ ಬೃಂದಾ ಬೃಂದಾವನೇ ವನೇ॥
ಕೃಷ್ಣ ಪ್ರಿಯಾ ತ್ವಂ ಭಾಂಡೀರೇ ಚಂದ್ರಾ ಚಂದನ ಕಾನನೇ। ವಿರಜಾ ಚಂಪಕ ವನೇ ಶತ ಶೃಂಗೇಚ ಸುಂದರೀ।
ಪದ್ಮಾವತೀ ಪದ್ಮ ವನೇ ಮಾಲತೀ ಮಾಲತೀ ವನೇ। ಕುಂದ ದಂತೀ ಕುಂದವನೇ ಸುಶೀಲಾ ಕೇತಕೀ ವನೇ॥
ಕದಂಬ ಮಾಲಾ ತ್ವಂ ದೇವೀ ಕದಂಬ ಕಾನನೇ2ಪಿಚ। ರಾಜಲಕ್ಷ್ಮೀಃ ರಾಜ ಗೇಹೇ ಗೃಹಲಕ್ಷ್ಮೀ ರ್ಗೃಹೇ ಗೃಹೇ॥
ಇತ್ಯುಕ್ತ್ವಾ ದೇವತಾಸ್ಸರ್ವಾಃ ಮುನಯೋ ಮನವಸ್ತಥಾ। ರೂರೂದುರ್ನ ಮ್ರವದನಾಃ ಶುಷ್ಕ ಕಂಠೋಷ್ಠ ತಾಲುಕಾಃ॥
ಇತಿ ಲಕ್ಷ್ಮೀ ಸ್ತವಂ ಪುಣ್ಯಂ ಸರ್ವದೇವೈಃ ಕೃತಂ ಶುಭಂ। ಯಃ ಪಠೇತ್ಪ್ರಾತರುತ್ಥಾಯ ಸವೈಸರ್ವಂ ಲಭೇದ್ಧ್ರುವಂ॥
ಅಭಾರ್ಯೋ ಲಭತೇ ಭಾರ್ಯಾಂ ವಿನೀತಾಂ ಸುಸುತಾಂ ಸತೀಂ। ಸುಶೀಲಾಂ ಸುಂದರೀಂ ರಮ್ಯಾಮತಿ ಸುಪ್ರಿಯವಾದಿನೀಂ॥
ಪುತ್ರ ಪೌತ್ರ ವತೀಂ ಶುದ್ಧಾಂ ಕುಲಜಾಂ ಕೋಮಲಾಂ ವರಾಂ। ಅಪುತ್ರೋ ಲಭತೇ ಪುತ್ರಂ ವೈಷ್ಣವಂ ಚಿರಜೀವಿನಂ॥
ಪರಮೈಶ್ವರ್ಯ ಯುಕ್ತಂಚ ವಿದ್ಯಾವಂತಂ ಯಶಸ್ವಿನಂ। ಭ್ರಷ್ಟರಾಜ್ಯೋ ಲಭೇದ್ರಾಜ್ಯಂ ಭ್ರಷ್ಟ ಶ್ರೀರ್ಲಭೇತೇ ಶ್ರಿಯಂ॥
ಹತ ಬಂಧುರ್ಲಭೇದ್ಬಂಧುಂ ಧನ ಭ್ರಷ್ಟೋ ಧನಂ ಲಭೇತ್॥ ಕೀರ್ತಿ ಹೀನೋ ಲಭೇತ್ಕೀರ್ತಿಂ ಪ್ರತಿಷ್ಠಾಂಚ ಲಭೇದ್ಧ್ರುವಂ॥
ಸರ್ವ ಮಂಗಳದಂ ಸ್ತೋತ್ರಂ ಶೋಕ ಸಂತಾಪ ನಾಶನಂ। ಹರ್ಷಾನಂದಕರಂ ಶಾಶ್ವದ್ಧರ್ಮ ಮೋಕ್ಷ ಸುಹೃತ್ಪದಂ॥
॥ ಇತಿ ಸರ್ವ ದೇವ ಕೃತ ಲಕ್ಷ್ಮೀ ಸ್ತೋತ್ರಂ ಸಂಪೂರ್ಣಮ್ ॥
About Sarvadeva Kruta Sri Lakshmi Stotram
This Lakshmi Stotram is the hymn sung by all the gods together to Goddess Lakshmi, beginning "Kshamasva bhagavaty amba": forgive us, blessed Mother, forbearing one, beyond the highest, pure goodness itself, free of anger. The gods confess that without her the whole world is like the dead and fruitless, and praise her as the model of all virtuous women, worshipped by the gods themselves.
When to chant: On Fridays, during Diwali and Varalakshmi Vratam, and when seeking forgiveness.
Did you know?
- It is a hymn of apology: the gods, having lost Lakshmi's presence, beg her to forgive them and return.
- Its line "tvaya vina jagat sarvam mrita tulyam" says that without Lakshmi the world is as if lifeless.
Frequently asked questions
Who sings this hymn?
All the gods together, as its title says.
What do they ask for?
Lakshmi's forgiveness and her return to them.
When is it recited?
On Fridays, Diwali and Varalakshmi Vratam.
Offered for worship and study, not as prediction. Non-commercial.
More devotional texts