Shiva Panchamruta Snanam
Vedic · Traditional devotional text
(വാ॒മ॒ദേവാ॒യ ന॑മഃ – സ്നാനം) ഇത്യാദി നിര്മാല്യം-വിഁസൃജ്യേത്യംതം പ്രതിവാരം കുര്യാത് ॥
॥ പംചാമൃതസ്നാനമ് ॥ അഥ (പംചാമൃത സ്നാനം) പംചാമൃതദേവതാഭ്യോ നമഃ । ധ്യാനാവാഹനാദി ഷോഡശോപചാരപൂജാസ്സമര്പയാമി । ഭവാനീശംകരമുദ്ദിശ്യ ഭവാനീശംകര പ്രീത്യര്ഥം പംചാമൃതസ്നാനം കരിഷ്യാമഃ ।
ക്ഷീരം ആപ്യാ॑യസ്വ॒ സമേ॑തു തേ വി॒ശ്വത॑സ്സോമ॒ വൃഷ്ണി॑യമ് । ഭവാ॒ വാജ॑സ്യ സംഗ॒ഥേ ॥ ശ്രീ ഭവാനീശംകരാസ്വാമിനേ നമഃ ക്ഷീരേണ സ്നപയാമി ।
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ശ്രീ ഭവാനീശംകരാസ്വാമിനേ നമഃ । ക്ഷീരസ്നാനാനംതരം ശുദ്ധോദക സ്നാനം സമര്പയാമി ।
ദധി ദ॒ധി॒ക്രാവ്ണ്ണോ॑ അകാരിഷം ജി॒ഷ്ണോരശ്വ॑സ്യ വാ॒ജിനഃ॑ । സു॒രഭി നോ॒ മുഖാ॑ കര॒ത്പ്രണ॒ ആയൂഗ്മ്॑ഷി താരിഷത് ॥ ശ്രീ ഭവാനീശംകരാസ്വാമിനേ നമഃ । ദധ്നാ സ്നപയാമി ।
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ശ്രീ ഭവാനീശംകരാസ്വാമിനേ നമഃ । ദധിസ്നാനാനംതരം ശുദ്ധോദക സ്നാനം സമര്പയാമി ।
ആജ്യം ശു॒ക്രമ॑സി॒ ജ്യോതി॑രസി॒ തേജോ॑സി ദേ॒വോവ॑സ്സവി॒തോത്പു॑നാ॒- ത്വച്ഛി॑ദ്രേണ പ॒വിത്രേ॑ണ॒ വസോ॒സ്സൂര്യ॑സ്യ ര॒ശ്മിഭിഃ॑ । ശ്രീ ഭവാനീശംകരാസ്വാമിനേ നമഃ । ആജ്യേന സ്നപയാമി ।
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ശ്രീ ഭവാനീശംകരാസ്വാമിനേ നമഃ । ആജ്യ സ്നാനാനംതരം ശുദ്ധോദക സ്നാനം സമര്പയാമി ।
മധു മധു॒വാതാ॑ ഋതായ॒തേ മധു॑ക്ഷരംതി॒ സിംധ॑വഃ । മാധ്വീ᳚ര്നഃ സം॒ത്വോഷ॑ധീഃ । മധു॒ നക്ത॑മു॒തോഷ॑സി॒ മധു॑മ॒ത്പാര്ഥി॑വ॒ഗ്മ്॒ രജഃ॑ । മധു॒ദ്യൌര॑സ്തു നഃ പി॒താ । മധു॑മാന്നോ॒ വന॒സ്പതി॒ര്മധു॑മാഗ്ം അസ്തു॒ സൂര്യഃ॑ । മാധ്വീ॒ര്ഗാവോ॑ ഭവംതു നഃ । ശ്രീ ഭവാനീശംകരാസ്വാമിനേ നമഃ । മധുനാ സ്നപയാമി ।
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ശ്രീ ഭവാനീശംകരാസ്വാമിനേ നമഃ । മധുസ്നാനാനംതരം ശുദ്ധോദക സ്നാനം സമര്പയാമി ।
ശര്കര സ്വാ॒ദുഃ പ॑വസ്വ ദി॒വ്യായ॒ ജന്മ॑നേ । സ്വാ॒ദുരിംദ്രാ॑യ സു॒ഹവീ॑തു॒ നാമ്നേ᳚ । സ്വാ॒ദുര്മി॒ത്രായ॒ വരു॑ണായ വാ॒യവേ॒ । ബൃഹ॒സ്പത॑യേ॒ മധു॑മാ॒ഗ്മ് അദാ᳚ഭ്യഃ । ശ്രീ ഭവാനീശംകരാസ്വാമിനേ നമഃ । ശര്കരയാ സ്നപയാമി ।
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ശ്രീ ഭവാനീശംകരാസ്വാമിനേ നമഃ । ശര്കര സ്നാനാനംതരം ശുദ്ധോദക സ്നാനം സമര്പയാമി ।
ശ്രീ ഭവാനീശംകരാസ്വാമിനേ നമഃ । പംചാമൃത സ്നാനം സമര്പയാമി ।
ശംഖോദകം ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ശ്രീ ഭവാനീശംകരാസ്വാമിനേ നമഃ । ശംഖോദകേന സ്നപയാമി ॥
ഫലോദകം യാഃ ഫ॒ലിനീ॒ര്യാ അ॑ഫ॒ലാ അ॑പു॒ഷ്പായാശ്ച॑ പു॒ഷ്പിണീഃ᳚ । ബൃഹ॒സ്പതി॑ പ്രസൂതാ॒സ്താനോ॑ മുംചം॒ത്വഗ്ം ഹ॑സഃ ॥ ശ്രീ ഭവാനീശംകരാസ്വാമിനേ നമഃ । ഫലോദകേന സ്നപയാമി ।
ഗംധോദകം ഗം॒ധ॒ദ്വാ॒രാം ദു॑രാധ॒ര്ഷാം॒ നി॒ത്യപു॑ഷ്ടാം കരീ॒ഷിണീ᳚മ് । ഈ॒ശ്വരീ॑ഗ്മ് സർവ॑ഭൂതാ॒നാം॒ താമി॒ഹോപ॑ഹ്വയേ॒ ശ്രിയമ് ॥ ശ്രീ ഭവാനീശംകരാസ്വാമിനേ നമഃ । ഗംധോദകേന സ്നപയാമി ।
പുഷ്പോദകം യോ॑ഽപാം പുഷ്പം॒-വേഁദ॑ । പുഷ്പ॑വാന് പ്ര॒ജാവാ॑ന് പശു॒മാന് ഭ॑വതി । ചം॒ദ്രമാ॒ വാ അ॒പാം പുഷ്പ॑മ് । പുഷ്പ॑വാന് പ്ര॒ജാവാ॑ന് പശു॒മാന് ഭ॑വതി । ശ്രീ ഭവാനീശംകരാസ്വാമിനേ നമഃ । പുഷ്പോദകേന സ്നപയാമി ।
അക്ഷതോദകം ആയ॑നേ തേ പ॒രായ॑ണേ॒ ദൂർവാ॑ രോഹംതു പു॒ഷ്പിണീഃ॑ । ഹ്ര॒ദാശ്ച॑ പും॒ഡരീ॑കാണി സമു॒ദ്രസ്യ॑ ഗൃ॒ഹാ ഇ॒മേ । ശ്രീ ഭവാനീശംകരാസ്വാമിനേ നമഃ । അക്ഷതോദകേന സ്നപയാമി ।
സുവര്ണോദകം തഥ്സു॒വര്ണ॒ഗ്മ്॒ ഹിര॑ണ്യമഭവത് । തഥ്സു॒വര്ണ॑സ്യ॒ ഹിര॑ണ്യസ്യ॒ജന്മ॑ । യ ഏ॒വഗ്മ് സു॒വര്ണ॑സ്യ॒ ഹിര॑ണ്യസ്യ॒ ജന്മ॒വേ॑ദ । സു॒വര്ണ॑ ആ॒ത്മനാ॑ ഭവതി । ശ്രീ ഭവാനീശംകരാസ്വാമിനേ നമഃ । സുവര്ണോദകേന സ്നപയാമി ।
രുദ്രാക്ഷോദകം ത്ര്യം॑ബകം-യഁജാമഹേ സുഗം॒ധിം പു॑ഷ്ടി॒ വര്ധ॑നമ് । ഉ॒ർവാ॒രു॒കമി॑വ॒ ബംധ॑നാന്മൃ॒ത്യോര്മു॑ക്ഷീയ॒ മാഽമൃതാ᳚ത് ॥ ശ്രീ ഭവാനീശംകരാസ്വാമിനേ നമഃ । രുദ്രാക്ഷോദകേന സ്നപയാമി ।
ഭസ്മോദകം മാ നോ॑ മ॒ഹാംത॑മു॒ത മാ നോ॑ അര്ഭ॒കം മാ ന॒ ഉക്ഷം॑തമു॒ത മാ ന॑ ഉക്ഷി॒തമ് । മാ നോ॑ഽവധീഃ പി॒തരം॒ മോത മാ॒തരം॑ പ്രി॒യാ മാ ന॑സ്ത॒നുവോ॑ രുദ്ര രീരിഷഃ । ശ്രീ ഭവാനീശംകരാസ്വാമിനേ നമഃ । ഭസ്മോദകേന സ്നപയാമി ।
ബില്വോദകം മാ ന॑സ്തോ॒കേ തന॑യേ॒ മാ ന॒ ആയു॑ഷി॒ മാ നോ॒ ഗോഷു॒ മാ നോ॒ അശ്വേ॑ഷു രീരിഷഃ । വീ॒രാന്മാ നോ॑ രുദ്ര ഭാമി॒തോഽവ॑ധീര്ഹ॒വിഷ്മം॑തോ॒ നമ॑സാ വിധേമ തേ । ശ്രീ ഭവാനീശംകരാസ്വാമിനേ നമഃ । ബില്വോദകേന സ്നപയാമി ।
ദൂർവോദകം കാംഡാ॑ത്കാംഡാത്പ്ര॒രോഹം॑തി പരു॑ഷഃ പരുഷഃ॒ പരി॑ । ഏ॒വാനോ॑ ദൂർവേ॒ പ്രത॑നു സ॒ഹസ്രേ॑ണ ശ॒തേന॑ ച ॥ ശ്രീ ഭവാനീശംകരാസ്വാമിനേ നമഃ । ദൂർവോദകേന സ്നപയാമി ।
അഥ മലാപകര്ഷണ സ്നാനമ് ।
ഹിര॑ണ്യവര്ണാ॒ശ്ശുച॑യഃ പാവ॒കാ യാസു॑ ജാ॒തഃ ക॒ശ്യപോ॒ യാസ്വിംദ്രഃ॑ । അ॒ഗ്നിം-യാഁ ഗര്ഭം॑ ദധി॒രേ വിരൂ॑പാ॒സ്താ ന॒ ആപ॒ശ്ശഗ്ഗ് സ്യോ॒നാ ഭ॑വംതു ॥
യാസാ॒ഗ്മ്॒ രാജാ॒ വരു॑ണോ॒ യാതി॒ മധ്യേ॑ സത്യാനൃ॒തേ അ॑വ॒പശ്യം॒ജനാ॑നാമ് । മ॒ധു॒ശ്ചുത॒ശ്ശുച॑യോ॒ യാഃ പാ॑വ॒കാസ്താ ന॒ ആപ॒ശ്ശഗ്ഗ് സ്യോ॒നാ ഭ॑വംതു ॥
യാസാം॑ ദേ॒വാ ദി॒വി കൃ॒ണ്വംതി॑ ഭ॒ക്ഷം യാ അം॒തരി॑ക്ഷേ ബഹു॒ധാ ഭവം॑തി । യാഃ പൃ॑ഥി॒വീം പയ॑സോം॒ദംതി॑ ശു॒ക്രാസ്താ ന॒ ആപ॒ശ്ശഗ്ഗ് സ്യോ॒നാ ഭ॑വംതു ॥
ശി॒വേന॑ മാ॒ ചക്ഷു॑ഷാ പശ്യതാപശ്ശി॒വയാ॑ ത॒നുവോപ॑ സ്പൃശത॒ ത്വചം॑ മേ । സർവാഗ്മ്॑ അ॒ഗ്നീഗ്മ് ര॑ഫ്സു॒ഷദോ॑ ഹുവേ വോ॒ മയി॒ വര്ചോ॒ ബല॒മോജോ॒ നിധ॑ത്ത ॥
(അ.വേ., കാംഡ-3, സൂക്തം-13) യദ॒ദഃ സം॑പ്രയ॒തീരഹാ॒വന॑ദതാ ഹ॒തേ । തസ്മാ॒ദാ ന॒ദ്യോ॑ നാമ॑ സ്ഥ॒ താ വോ॒ നാമാ॑നി സിംധവഃ ॥ 1 യത്പ്രേഷി॑താ॒ വരു॑ണേ॒നതാശ്ശീഭ॑ഗ്മ് സ॒മവ॑ല്ഗത । തദാ॑പ്നോ॒ദിംദ്രോ॑ വോ യ॒തീസ്തസ്മാ॒ദാപോ॒ അനു॑സ്ഥന ॥ 2 ആ॒പ॒കാ॒മഗ്ഗ്മ് സ്യംദ॑മാനാ॒ അവീ॑വരത വോ॒ ഹി ക॑മ് । ഇംദ്രോ॑ വ॒ശ്ശക്തി॑ഭിര്ദേവീ॒സ്തസ്മാ॒ദ്വാര്ണാമ॑ വോ ഹി॒തമ് ॥ 3 ഏകോ॑ വോ ദേ॒വോ അപ്യ॑തിഷ്ഠ॒ഥ്സ്യംദ॑മാനാ യഥാവ॒ശമ് । ഉദാ॑നിഷുര്മ॒ഹീരിതി॒ തസ്മാ॑ദുദ॒കമു॑ച്യതേ ॥ 4 ആപോ॑ ഭ॒ദ്രാ ഘൃ॒തമിദാപ॑ ആനുര॒ഗ്നീഷോമൌ॑ ബിഭ്ര॒ത്യാപ॒ ഇത്താഃ । തീ॒വ്രോ രസോ॑ മധു॒പൃചാം॑ അ॒രം॒ഗ॒മ ആ മാ॑ പ്രാ॒ണേന॑ സ॒ഹ വര്ച॑സാഗന്ന് ॥ 5 ആദിത്പ॑ശ്യാമ്യു॒ത വാ॑ ശൃണോ॒മ്യാ മാ॒ ഘോഷോ॑ ഗച്ഛതി॒ വാങ്മ॑ ആസാമ് । മന്യേ॑ ഭേജാ॒നോ അ॒മൃത॑സ്യ॒ തര്ഹി॒ ഹിര॑ണ്യവര്ണാ॒ അതൃ॑പം-യഁ॒ദാ വഃ॑ ॥ 6
ആപോ॒ ഹിഷ്ഠാ മ॑യോ॒ഭുവ॒സ്താ ന॑ ഊ॒ര്ജേ ദ॑ധാതന । മ॒ഹേരണാ॑യ॒ ചക്ഷ॑സേ । യോ വഃ॑ ശി॒വത॑മോ രസ॒സ്തസ്യ॑ ഭാജയതേ॒ ഹ നഃ॑ । ഉ॒ശ॒തീരി॑വ മാ॒ത॑രഃ । തസ്മാ॒ അരം॑ഗമാമവോ॒ യസ്യ॒ ക്ഷയാ॑യ॒ ജിന്വ॑ഥ । ആപോ॑ ജ॒നയ॑ഥാ ച നഃ । ശ്രീ ഭവാനീശംകരാസ്വാമിനേ നമഃ । ശുദ്ധോദകേന സ്നപയാമി ।
[ ദി॒വിശ്ര॑യസ്വാം॒തരി॑ക്ഷേയതസ്വ പൃഥി॒വ്യാസംഭ॑വ ബ്രഹ്മവര്ച॒സമ॑സി ബ്രഹ്മവര്ച॒സായ॑ത്വാ । അ॒പാം ഗ്രഹാ॑ന്ഗൃഹ്ണാത്യേ॒തദ്വാപ രാ॑ജ॒സൂയം॒-യഁദേ॒തേഗ്രഹാ॑സ്സ॒വോ॑ഽഗ്നിർവ॑രുണസ॒വോ രാ॑ജ॒സൂയ॑മഗ്നിസ॒വശ്ചിത്യ॒സ്താഭ്യാ॑മേ॒വ സൂ॑യ॒തേഽഥോ॑ ഉ॒ഭാവേ॒വലോ॒കാവ॒ഭിജ॑യതി॒ യശ്ച॑ രാജ॒സൂയേ॑നേജാ॒നസ്യ॒ യശ്ചാ॑ഗ്നി॒ചിത॒ ആപോ॑ ഭവം॒ത്യാപോ॒ വാ അ॒ഗ്നേര്ഭ്രാതൃ॑വ്യാ॒ യദ॒പോ॑ഽഗ്നേര॒ധസ്താ॑ദുപ॒ദധാ॑തി॒ ഭ്രാതൃ॑വ്യാഭിഭൂത്യൈ॒ ഭവ॑ത്യാ॒ത്മനാ॒പരാ॑ഽസ്യ॒ഭ്രാതൃ॑വ്യോ ഭവത്യ॒മൃതം॒-വാഁ ആപ॒സ്തസ്മാ॑ദ॒ദ്ഭിരവ॑താംതമ॒ഭിഷിം॑ചംതി॒ നാര്തി॒മാര്ഛ॑തി॒സർവ॒മായു॑രേതി ॥ ]
പവ॑മാന॒സ്സുവ॒ര്ജനഃ॑ । പ॒വിത്രേ॑ണ॒ വിച॑ര്ഷണിഃ । യഃ പോതാ॒ സ പു॑നാതു മാ । പു॒നംതു॑ മാ ദേവജ॒നാഃ । പു॒നംതു॒ മന॑വോ ധി॒യാ । പു॒നംതു॒ വിശ്വ॑ ആ॒യവഃ॑ । ജാത॑വേദഃ പ॒വിത്ര॑വത് । പ॒വിത്രേ॑ണ പുനാഹി മാ । ശു॒ക്രേണ॑ ദേവ॒ദീദ്യ॑ത് । അഗ്നേ॒ ക്രത്വാ॒ ക്രതൂ॒ഗ്മ്॒ രനു॑ । യത്തേ॑ പ॒വിത്ര॑മ॒ര്ചിഷി॑ । അഗ്നേ॒ വിത॑തമംത॒രാ । ബ്രഹ്മ॒ തേന॑ പുനീമഹേ । ഉ॒ഭാഭ്യാം᳚ ദേവസവിതഃ । പ॒വിത്രേ॑ണ സ॒വേന॑ ച । ഇ॒ദം ബ്രഹ്മ॑ പുനീമഹേ । വൈ॒ശ്വ॒ദേ॒വീ പു॑ന॒തീ ദേ॒വ്യാഗാ᳚ത് । യസ്യൈ॑ ബ॒ഹ്വീസ്ത॒നുവോ॑ വീ॒തപൃ॑ഷ്ഠാഃ । തയാ॒ മദം॑തഃ സധ॒മാദ്യേ॑ഷു । വ॒യഗ്ഗ് സ്യാ॑മ॒ പത॑യോ രയീ॒ണാമ് । വൈ॒ശ്വാ॒ന॒രോ ര॒ശ്മിഭി॑ര്മാ പുനാതു । വാതഃ॑ പ്രാ॒ണേനേ॑ഷി॒രോ മ॑യോ॒ ഭൂഃ । ദ്യാവാ॑പൃഥി॒വീ പയ॑സാ॒ പയോ॑ഭിഃ । ഋ॒താവ॑രീ യ॒ജ്ഞിയേ॑ മാ പുനീതാമ് ॥
ബൃ॒ഹദ്ഭി॑സ്സവിത॒സ്തൃഭിഃ॑ । വര്ഷി॑ഷ്ഠൈര്ദേവ॒മന്മ॑ഭിഃ । അഗ്നേ॒ ദക്ഷൈഃ᳚ പുനാഹി മാ । യേന॑ ദേ॒വാ അപു॑നത । യേനാപോ॑ ദി॒വ്യംകശഃ॑ । തേന॑ ദി॒വ്യേന॒ ബ്രഹ്മ॑ണാ । ഇ॒ദം ബ്രഹ്മ॑ പുനീമഹേ । യഃ പാ॑വമാ॒നീര॒ദ്ധ്യേതി॑ । ഋഷി॑ഭി॒സ്സംഭൃ॑ത॒ഗ്മ്॒ രസമ്॑ । സർവ॒ഗ്മ്॒ സ പൂ॒തമ॑ശ്നാതി । സ്വ॒ദി॒തം മാ॑ത॒രിശ്വ॑നാ । പാ॒വ॒മാ॒നീര്യോ അ॒ധ്യേതി॑ । ഋഷി॑ഭി॒സ്സംഭൃ॑ത॒ഗ്മ്॒ രസമ്᳚ । തസ്മൈ॒ സര॑സ്വതീ ദുഹേ । ക്ഷീ॒രഗ്മ് സ॒ര്പിര്മധൂ॑ദ॒കമ് ॥
പാ॒വ॒മാ॒നീസ്സ്വ॒സ്ത്യയ॑നീഃ । സു॒ദുഘാ॒ഹി പയ॑സ്വതീഃ । ഋഷി॑ഭി॒സ്സംഭൃ॑തോ॒ രസഃ॑ । ബ്രാ॒ഹ്മ॒ണേഷ്വ॒മൃതഗ്മ്॑ ഹി॒തമ് । പാ॒വ॒മാ॒നീര്ദി॑ശംതു നഃ । ഇ॒മം-ലോഁ॒കമഥോ॑ അ॒മുമ് । കാമാ॒ന്ഥ്സമ॑ര്ധയംതു നഃ । ദേ॒വീര്ദേ॒വൈസ്സ॒മാഭൃ॑താഃ । പാ॒വ॒മാ॒നീസ്സ്വ॒സ്ത്യയ॑നീഃ । സു॒ദുഘാ॒ഹി ഘൃ॑ത॒ശ്ചുതഃ॑ । ഋഷി॑ഭി॒സ്സംഭൃ॑തോ॒ രസഃ॑ । ബ്രാ॒ഹ്മ॒ണേഷ്വ॒മൃതഗ്മ്॑ ഹി॒തമ് । യേന॑ ദേ॒വാഃ പ॒വിത്രേ॑ണ । ആ॒ത്മാനം॑ പു॒നതേ॒ സദാ᳚ । തേന॑ സ॒ഹസ്ര॑ധാരേണ । പാ॒വ॒മാ॒ന്യഃ പു॑നംതു മാ । പ്രാ॒ജാ॒പ॒ത്യം പ॒വിത്രമ്᳚ । ശ॒തോദ്യാ॑മഗ്മ് ഹിര॒ണ്മയമ്᳚ । തേന॑ ബ്രഹ്മ॒ വിദോ॑ വ॒യമ് । പൂ॒തം ബ്രഹ്മ॑ പുനീമഹേ । ഇംദ്ര॑സ്സുനീ॒തീ സ॒ഹമാ॑ പുനാതു । സോമ॑സ്സ്വ॒സ്ത്യാ വരു॑ണസ്സ॒മീച്യാ᳚ । യ॒മോ രാജാ᳚ പ്രമൃ॒ണാഭിഃ॑ പുനാതു മാ । ജാ॒തവേ॑ദാ മോ॒ര്ജയം॑ത്യാ പുനാതു ।
ആപോ॒ വാ ഇ॒ദഗ്മ് സർവം॒-വിഁശ്വാ॑ ഭൂ॒താന്യാപഃ॑ പ്രാ॒ണാ വാ ആപഃ॑ പ॒ശവ॒ ആപോഽന്ന॒മാപോഽമൃ॑ത॒മാപഃ॑ സ॒മ്രാഡാപോ॑ വി॒രാഡാപഃ॑ സ്വ॒രാഡാപ॒ശ്ഛംദാ॒ഗ്മ്॒സ്യാപോ॒ ജ്യോതീ॒ഗ്മ്॒ഷ്യാപോ॒ യജൂ॒ഗ്മ്॒ഷ്യാപ॑സ്സ॒ത്യമാപ॒സ്സർവാ॑ ദേ॒വതാ॒ ആപോ॒ ഭൂര്ഭുവ॒സ്സുവ॒രാപ॒ ഓമ് ॥
അ॒പഃ പ്രണ॑യതി । ശ്ര॒ദ്ധാവാ ആപഃ॑ । ശ്ര॒ദ്ധാമേ॒വാരഭ്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । യ॒ജ്ഞോ വാഅ ആപഃ॑ । യ॒ജ്ഞമേ॒വാരഭ്യ॑ പ്ര॒ണീയ॒ പ്രച॑രതി അ॒പഃ പ്രണ॑യതി । വ॒ജ്രോ വാ ആപഃ॑ । വജ്ര॑മേ॒വ ഭ്രാതൃ॑വ്യേഭ്യഃ പ്രഹൃത്യ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । ആപോ॒ വൈ ര॑ക്ഷോ॒ഘ്നീഃ । രക്ഷ॑സാ॒മപ॑ഹത്യൈ । അ॒പഃ പ്രണ॑യതി । ആപോ॒ വൈ ദേ॒വാനാം॑ പ്രി॒യംധാമ॑ । ദേ॒വാനാ॑മേ॒വ പ്രി॒യംധാമ॑ പ്ര॒ണീയ॒ പ്രച॑രതി । അ॒പഃ പ്രണ॑യതി । ആപോ॒ വൈ സർവാ॑ ദേ॒വതാഃ॑ । ദേ॒വതാ॑ ഏ॒വാരഭ്യ॑ പ്ര॒ണീയ॒ പ്രച॑രതി । (ആപോ॒വൈശാം॒താഃ । ശാം॒താഭി॑രേ॒വാസ്യ॑ ശുചഗ്മ്॑ശമയതി ॥) ശ്രീ ഭവാനീശംകരാസ്വാമിനേ നമഃ । മലാപകര്ഷണസ്നാനം സമര്പയാമി ।
About Shiva Panchamruta Snanam
The Shiva Panchamrita Snanam sets out the mantras for bathing Lord Shiva with the five nectars (panchamrita), as part of abhisheka. Each nectar is offered with its Vedic verse: milk with "Apyayasva", curd with "Dadhikravnno", ghee with "Shukram asi", honey with "Madhu vata", and sugar with "Svaduh pavasva", followed by a bath of pure water and the other services of worship, with Vedic passages on the waters and faith.
When to chant: In Shiva abhisheka on Mondays, Pradosham and Maha Shivaratri, and in Rudra abhisheka.
Did you know?
- The five nectars, milk, curd, ghee, honey and sugar, are offered in this order in most Hindu abhishekas.
- After the panchamrita, the deity is bathed with pure water (shuddhodaka) before the other offerings.
Frequently asked questions
What are the five nectars?
Milk, curd, ghee, honey and sugar.
With which verse is milk offered?
"Apyayasva".
When is it used?
In Shiva abhisheka, especially on Mondays and Shivaratri.
Offered for worship and study, not as prediction. Non-commercial.