Shiva Upasana Mantra
Vedic · Traditional devotional text
ॐ निध॑नपतये॒ नमः । निधनपतांतिकाय॒ नमः । ऊर्ध्वाय॒ नमः । ऊर्ध्वलिंगाय॒ नमः । हिरण्याय॒ नमः । हिरण्यलिंगाय॒ नमः । सुवर्णाय॒ नमः । सुवर्णलिंगाय॒ नमः । दिव्याय॒ नमः । दिव्यलिंगाय॒ नमः । भवायः॒ नमः । भवलिंगाय॒ नमः । शर्वाय॒ नमः । शर्वलिंगाय॒ नमः । शिवाय॒ नमः । शिवलिंगाय॒ नमः । ज्वलाय॒ नमः । ज्वललिंगाय॒ नमः । आत्माय॒ नमः । आत्मलिंगाय॒ नमः । परमाय॒ नमः । परमलिंगाय॒ नमः । एतत्सोमस्य॑ सूर्य॒स्य सर्वलिंगग्ग्॑ स्थाप॒य॒ति॒ पाणिमंत्रं पवि॒त्रम् ॥
स॒द्यो जा॒तं प्र॑पद्या॒मि॒ स॒द्यो जा॒ताय॒ वै नमो॒ नमः॑ । भ॒वे भ॑वे॒ नाति॑भवे भवस्व॒ माम् । भ॒वो-द्भ॑वाय॒ नमः॑ ॥
वा॒म॒दे॒वाय॒ नमो᳚ ज्ये॒ष्ठाय॒ नमः॑ श्रे॒ष्ठाय॒ नमो॑ रु॒द्राय॒ नमः॒ काला॑य॒ नमः॒ कल॑विकरणाय॒ नमो॒ बल॑विकरणाय॒ नमो॒ बला॑य॒ नमो॒ बल॑प्रमथनाय॒ नम॒ स्सर्व॑भूतदमनाय॒ नमो॑ म॒नोन्म॑नाय॒ नमः॑ ।
अ॒घोरे᳚भ्यो ऽथ॒घोरे᳚भ्यो॒ घोर॒घोर॑तरेभ्यः । सर्वे᳚भ्यः सर्व॒ शर्वे᳚भ्यो॒ नम॑स्ते अस्तु रु॒द्ररू॑पेभ्यः ॥
तत्पुरु॑षाय वि॒द्महे॑ महादे॒वाय॑ धीमहि । तन्नो॑ रुद्रः प्रचो॒दया᳚त् ॥
ईशानः सर्व॑विद्या॒ना॒-मीश्वरसर्व॑ भूता॒नां॒ ब्रह्माधि॑पति॒-र्ब्रह्म॒णोऽधि॑पति॒-र्ब्रह्मा॑ शि॒वो मे॑ अस्तु सदाशि॒वोम् ॥
नमो हिरण्यबाहवे हिरण्यवर्णाय हिरण्यरूपाय हिरण्यपतयेऽंबिकापतय उमापतये पशुपतये॑ नमो॒ नमः ॥
ऋ॒तग्ं स॒त्यं प॑रं ब्र॒ह्म॒ पु॒रुषं॑ कृष्ण॒पिंग॑लम् । ऊ॒र्ध्वरे॑तं-विँ॑रूपा॒क्षं॒-विँ॒श्वरू॑पाय॒ वै नमो॒ नमः॑ ॥
सर्वो॒ ह्ये॑ष रु॒द्रस्तस्मै॑ रु॒द्राय॒ नमो॑ अस्तु॒ । पुरु॑षो॒ वै रु॒द्रस्सन्म॒हो नमो॒ नमः॑ ।
विश्वं॑ भू॒तं भुव॑नं चि॒त्रं ब॑हु॒धा जा॒तं जाय॑मानं च॒ यत् । सर्वो॒ ह्ये॑ष रु॒द्रस्तस्मै॑ रु॒द्राय॒ नमो॑ अस्तु॒ ।
क-द्रु॒द्राय॒ प्रचे॑तसे मी॒ढुष्ट॑माय॒ तव्य॑से । वो॒चेम॒ शंत॑मग्ं हृ॒दे । सर्वो॒ ह्ये॑ष रु॒द्रस्तस्मै॑ रु॒द्राय॒ नमो॑ अस्तु॒ ।
मा नो॑ म॒हांत॑मु॒त मा नो॑ अर्भ॒कं मा न॒ उक्षं॑तमु॒त मा न॑ उक्षि॒तम् । मा नो॑ वधीः पि॒तरं॒ मोत मा॒तरं॑ प्रि॒या मा न॑स्त॒नुवो॑ रुद्र रीरिषः ।
मा न॑स्तो॒के तन॑ये॒ मा न॒ आयु॑षि॒ मा नो॒ गोषु॒ मा नो॒ अश्वे॑षु रीरिषः । वी॒रान्मा नो॑ रुद्र भामि॒तोऽव॑धीर्ह॒विष्मं॑तो॒ नम॑सा विधेम ते ।
त्र्यं॑बकं-यँजामहे सुगं॒धिं पु॑ष्टि॒वर्ध॑नम् । उ॒र्वा॒रु॒कमि॑व॒ बंध॑नान्मृ॒त्योर्मु॑क्षीय॒ माऽमृता᳚त् ।
ये ते॑ स॒हस्र॑म॒युतं॒ पाशा॒ मृत्यो॒ मर्त्या॑य॒ हंत॑वे । तान् य॒ज्ञस्य॑ मा॒यया॒ सर्वा॒नव॑ यजामहे ।
मृ॒त्यवे॒ स्वाहा॑ मृ॒त्यवे॒ स्वाहा᳚ । प्राणानां ग्रंथिरसि रुद्रो मा॑ विशां॒तकः । तेनान्नेना᳚प्याय॒स्व ॥ नमो रुद्राय विष्णवे मृत्यु॑र्मे पा॒हि ॥
त्वम॑ग्ने द्युभि॒स्त्व-मा॑शुशु॒क्षणि॒स्त्व-म॒द्भ्यस्त्व-मश्म॑न॒स्परि॑ । त्वं-वँने᳚भ्य॒-स्त्वमोष॑धीभ्य॒-स्त्वन्-नृ॒णान् नृ॑पते जायसे॒ शुचिः॒ ॥
शि॒वेन॑ मे॒ संति॑ष्ठस्व-स्यो॒नेन॑ मे॒ संति॑ष्ठस्व सुभू॒तेन॑ मे॒ संति॑ष्ठस्व य॒ज्ञस्यद्भि॒र्मनु॒ संति॑ष्ठस्वोप॑ ते यज्ञ॒ नम॒ उप॑ ते॒ नम॒ उप॑ ते॒ नमः॑ ॥
ॐ शांतिः॒ शांतिः॒ शांतिः॑ ।
About Shiva Upasana Mantra
The Shiva Upasana Mantra is a set of Vedic salutations to Shiva, beginning "Nidhanapataye namah", to the lord of the final dissolution. It salutes him as the one who is above all, as the golden and the shining linga, and closes with a prayer that the sacrifice and the worshipper rest in Shiva's auspicious, peaceful presence.
Source: Krishna Yajurveda, Taittiriya Aranyaka (Mahanarayana Upanishad)
When to chant: During Shiva abhisheka and Rudra puja, on Mondays, Pradosha and Maha Shivaratri.
Did you know?
- The mantras salute Shiva as many kinds of linga: the upward, the golden, the shining, the divine, which priests chant while bathing the linga.
- "Nidhana" means the final end or dissolution; Shiva is hailed as its master, the one beyond death.
- It is commonly chanted together with Sri Rudram in temple abhisheka.
Frequently asked questions
What is the Shiva Upasana Mantra?
A Vedic set of salutations to Shiva, beginning "Nidhanapataye namah", used in Shiva worship.
Where does it come from?
From the Taittiriya Aranyaka of the Krishna Yajurveda, in the section known as the Mahanarayana Upanishad.
When is it chanted?
During abhisheka of the Shiva linga, often with Sri Rudram, and on Mondays and Shivaratri.
Offered for worship and study, not as prediction. Non-commercial.