MuhurtaNow

Sri Aadya Kali Stotram

Devi · Traditional devotional text

బ్రహ్మోవాచ శృణు వత్స ప్రవక్ష్యామి ఆద్యాస్తోత్రం మహాఫలమ్ । యః పఠేత్ సతతం భక్త్యా స ఏవ విష్ణువల్లభః ॥ 1 ॥

మృత్యుర్వ్యాధిభయం తస్య నాస్తి కించిత్ కలౌ యుగే । అపుత్రా లభతే పుత్రం త్రిపక్షం శ్రవణం యది ॥ 2 ॥

ద్వౌ మాసౌ బంధనాన్ముక్తి విప్రవక్త్రాత్ శ్రుతం యది । మృతవత్సా జీవవత్సా షణ్మాసం శ్రవణం యది ॥ 3 ॥

నౌకాయాం సంకటే యుద్ధే పఠనాజ్జయమాప్నుయాత్ । లిఖిత్వా స్థాపయేద్గేహే నాగ్నిచౌరభయం క్వచిత్ ॥ 4 ॥

రాజస్థానే జయీ నిత్యం ప్రసన్నాః సర్వదేవతా । ఓం హ్రీమ్ । బ్రహ్మాణీ బ్రహ్మలోకే చ వైకుంఠే సర్వమంగళా ॥ 5 ॥

ఇంద్రాణీ అమరావత్యామంబికా వరుణాలయే । యమాలయే కాలరూపా కుబేరభవనే శుభా ॥ 6 ॥

మహానందాగ్నికోణే చ వాయవ్యాం మృగవాహినీ । నైరృత్యాం రక్తదంతా చ ఐశాన్యాం శూలధారిణీ ॥ 7 ॥

పాతాళే వైష్ణవీరూపా సింహలే దేవమోహినీ । సురసా చ మణిద్విపే లంకాయాం భద్రకాళికా ॥ 8 ॥

రామేశ్వరీ సేతుబంధే విమలా పురుషోత్తమే । విరజా ఔడ్రదేశే చ కామాక్ష్యా నీలపర్వతే ॥ 9 ॥

కాళికా వంగదేశే చ అయోధ్యాయాం మహేశ్వరీ । వారాణస్యామన్నపూర్ణా గయాక్షేత్రే గయేశ్వరీ ॥ 10 ॥

కురుక్షేత్రే భద్రకాళీ వ్రజే కాత్యాయనీ పరా । ద్వారకాయాం మహామాయా మథురాయాం మహేశ్వరీ ॥ 11 ॥

క్షుధా త్వం సర్వభూతానాం వేలా త్వం సాగరస్య చ । నవమీ శుక్లపక్షస్య కృష్ణస్యైకాదశీ పరా ॥ 12 ॥

దక్షసా దుహితా దేవీ దక్షయజ్ఞవినాశినీ । రామస్య జానకీ త్వం హి రావణధ్వంసకారిణీ ॥ 13 ॥

చండముండవధే దేవీ రక్తబీజవినాశినీ । నిశుంభశుంభమథినీ మధుకైటభఘాతినీ ॥ 14 ॥

విష్ణుభక్తిప్రదా దుర్గా సుఖదా మోక్షదా సదా । ఆద్యాస్తవమిమం పుణ్యం యః పఠేత్ సతతం నరః ॥ 15 ॥

సర్వజ్వరభయం న స్యాత్ సర్వవ్యాధివినాశనమ్ । కోటితీర్థఫలం తస్య లభతే నాత్ర సంశయః ॥ 16 ॥

జయా మే చాగ్రతః పాతు విజయా పాతు పృష్ఠతః । నారాయణీ శీర్షదేశే సర్వాంగే సింహవాహినీ ॥ 17 ॥

శివదూతీ ఉగ్రచండా ప్రత్యంగే పరమేశ్వరీ । విశాలాక్షీ మహామాయా కౌమారీ శంఖినీ శివా ॥ 18 ॥

చక్రిణీ జయదాత్రీ చ రణమత్తా రణప్రియా । దుర్గా జయంతీ కాళీ చ భద్రకాళీ మహోదరీ ॥ 19 ॥

నారసింహీ చ వారాహీ సిద్ధిదాత్రీ సుఖప్రదా । భయంకరీ మహారౌద్రీ మహాభయవినాశినీ ॥ 20 ॥

ఇతి శ్రీబ్రహ్మయామలే బ్రహ్మనారదసంవాదే శ్రీ ఆద్యా స్తోత్రమ్ ॥

About Sri Aadya Kali Stotram

The Adya Kali Stotram is a hymn to Adya Kali, the primordial Kali, taught by Brahma to Narada. Brahma calls it a hymn of great fruit, dear to Vishnu, and goes on to praise the Goddess as the one first power behind all the gods and all the worlds, worshipped in many names and forms in different sacred places.

Source: Brahma Yamala, as its colophon states

When to chant: On Amavasya and Tuesdays, on Kali Puja, and during Navaratri.

Did you know?

  • Its colophon places it in the Brahma Yamala, in a dialogue between Brahma and Narada.
  • "Adya" means the first or primordial: Adya Kali is Kali as the source of all.
  • Adya Kali is especially revered in Bengal, as at the Adyapeath temple near Dakshineswar.

Frequently asked questions

Who is Adya Kali?

Kali as the primordial power, the source of all.

Who teaches this hymn?

Brahma, to the sage Narada.

Where is it from?

The Brahma Yamala, as its colophon states.

Offered for worship and study, not as prediction. Non-commercial.