MuhurtaNow

Sri Bhadrakali Ashtottara Satanama Stotram

Devi · Traditional devotional text

ಶ್ರೀನಂದಿಕೇಶ್ವರ ಉವಾಚ

ಭದ್ರಕಾಳೀಮಹಂ ವಂದೇ ವೀರಭದ್ರಸತೀಂ ಶಿವಾಮ್ । ಸುತಾಮ್ರಾರ್ಚಿತಪಾದಾಬ್ಜಂ ಸುಖಸೌಭಾಗ್ಯದಾಯಿನೀಮ್ ॥ 1

ಅಥ ಸ್ತೋತ್ರಂ ಭದ್ರಕಾಳೀ ಕಾಮರೂಪಾ ಮಹಾವಿದ್ಯಾ ಯಶಸ್ವಿನೀ । ಮಹಾಶ್ರಯಾ ಮಹಾಭಾಗಾ ದಕ್ಷಯಾಗವಿಭೇದಿನೀ ॥ 2 ॥

ರುದ್ರಕೋಪಸಮುದ್ಭೂತಾ ಭದ್ರಾ ಮುದ್ರಾ ಶಿವಂಕರೀ । ಚಂದ್ರಿಕಾ ಚಂದ್ರವದನಾ ರೋಷತಾಮ್ರಾಕ್ಷಶೋಭಿನೀ ॥ 3 ॥

ಇಂದ್ರಾದಿದಮನೀ ಶಾಂತಾ ಚಂದ್ರಲೇಖಾವಿಭೂಷಿತಾ । ಭಕ್ತಾರ್ತಿಹಾರಿಣೀ ಮುಕ್ತಾ ಚಂಡಿಕಾನಂದದಾಯಿನೀ ॥ 4 ॥

ಸೌದಾಮಿನೀ ಸುಧಾಮೂರ್ತಿಃ ದಿವ್ಯಾಲಂಕಾರಭೂಷಿತಾ । ಸುವಾಸಿನೀ ಸುನಾಸಾ ಚ ತ್ರಿಕಾಲಜ್ಞಾ ಧುರಂಧರಾ ॥ 5 ॥

ಸರ್ವಜ್ಞಾ ಸರ್ವಲೋಕೇಶೀ ದೇವಯೋನಿರಯೋನಿಜಾ । ನಿರ್ಗುಣಾ ನಿರಹಂಕಾರಾ ಲೋಕಕಳ್ಯಾಣಕಾರಿಣೀ ॥ 6 ॥

ಸರ್ವಲೋಕಪ್ರಿಯಾ ಗೌರೀ ಸರ್ವಗರ್ವವಿಮರ್ದಿನೀ । ತೇಜೋವತೀ ಮಹಾಮಾತಾ ಕೋಟಿಸೂರ್ಯಸಮಪ್ರಭಾ ॥ 7 ॥

ವೀರಭದ್ರಕೃತಾನಂದಭೋಗಿನೀ ವೀರಸೇವಿತಾ । ನಾರದಾದಿಮುನಿಸ್ತುತ್ಯಾ ನಿತ್ಯಾ ಸತ್ಯಾ ತಪಸ್ವಿನೀ ॥ 8 ॥

ಜ್ಞಾನರೂಪಾ ಕಳಾತೀತಾ ಭಕ್ತಾಭೀಷ್ಟಫಲಪ್ರದಾ । ಕೈಲಾಸನಿಲಯಾ ಶುಭ್ರಾ ಕ್ಷಮಾ ಶ್ರೀಃ ಸರ್ವಮಂಗಳಾ ॥ 9 ॥

ಸಿದ್ಧವಿದ್ಯಾ ಮಹಾಶಕ್ತಿಃ ಕಾಮಿನೀ ಪದ್ಮಲೋಚನಾ । ದೇವಪ್ರಿಯಾ ದೈತ್ಯಹಂತ್ರೀ ದಕ್ಷಗರ್ವಾಪಹಾರಿಣೀ ॥ 10 ॥

ಶಿವಶಾಸನಕರ್ತ್ರೀ ಚ ಶೈವಾನಂದವಿಧಾಯಿನೀ । ಭವಪಾಶನಿಹಂತ್ರೀ ಚ ಸವನಾಂಗಸುಕಾರಿಣೀ ॥ 11 ॥

ಲಂಬೋದರೀ ಮಹಾಕಾಳೀ ಭೀಷಣಾಸ್ಯಾ ಸುರೇಶ್ವರೀ । ಮಹಾನಿದ್ರಾ ಯೋಗನಿದ್ರಾ ಪ್ರಜ್ಞಾ ವಾರ್ತಾ ಕ್ರಿಯಾವತೀ ॥ 12 ॥

ಪುತ್ರಪೌತ್ರಪ್ರದಾ ಸಾಧ್ವೀ ಸೇನಾಯುದ್ಧಸುಕಾಂಕ್ಷಿಣೀ । ಇಚ್ಛಾ ಶಂಭೋಃ ಕೃಪಾಸಿಂಧುಃ ಚಂಡೀ ಚಂಡಪರಾಕ್ರಮಾ ॥ 13 ॥

ಶೋಭಾ ಭಗವತೀ ಮಾಯಾ ದುರ್ಗಾ ನೀಲಾ ಮನೋಗತಿಃ । ಖೇಚರೀ ಖಡ್ಗಿನೀ ಚಕ್ರಹಸ್ತಾ ಶೂಲವಿಧಾರಿಣೀ ॥ 14 ॥

ಸುಬಾಣಾ ಶಕ್ತಿಹಸ್ತಾ ಚ ಪಾದಸಂಚಾರಿಣೀ ಪರಾ । ತಪಃಸಿದ್ಧಿಪ್ರದಾ ದೇವೀ ವೀರಭದ್ರಸಹಾಯಿನೀ ॥ 15 ॥

ಧನಧಾನ್ಯಕರೀ ವಿಶ್ವಾ ಮನೋಮಾಲಿನ್ಯಹಾರಿಣೀ । ಸುನಕ್ಷತ್ರೋದ್ಭವಕರೀ ವಂಶವೃದ್ಧಿಪ್ರದಾಯಿನೀ ॥ 16 ॥

ಬ್ರಹ್ಮಾದಿಸುರಸಂಸೇವ್ಯಾ ಶಾಂಕರೀ ಪ್ರಿಯಭಾಷಿಣೀ । ಭೂತಪ್ರೇತಪಿಶಾಚಾದಿಹಾರಿಣೀ ಸುಮನಸ್ವಿನೀ ॥ 17 ॥

ಪುಣ್ಯಕ್ಷೇತ್ರಕೃತಾವಾಸಾ ಪ್ರತ್ಯಕ್ಷಪರಮೇಶ್ವರೀ । ಏವಂ ನಾಮ್ನಾಂ ಭದ್ರಕಾಳ್ಯಾಃ ಶತಮಷ್ಟೋತ್ತರಂ ವಿದುಃ ॥ 18 ॥

ಪುಣ್ಯಂ ಯಶೋ ದೀರ್ಘಮಾಯುಃ ಪುತ್ರಪೌತ್ರಂ ಧನಂ ಬಹು । ದದಾತಿ ದೇವೀ ತಸ್ಯಾಶು ಯಃ ಪಠೇತ್ ಸ್ತೋತ್ರಮುತ್ತಮಮ್ ॥ 19 ॥

ಭೌಮವಾರೇ ಭೃಗೌ ಚೈವ ಪೌರ್ಣಮಾಸ್ಯಾಂ ವಿಶೇಷತಃ । ಪ್ರಾತಃ ಸ್ನಾತ್ವಾ ನಿತ್ಯಕರ್ಮ ವಿಧಾಯ ಚ ಸುಭಕ್ತಿಮಾನ್ ॥ 20 ॥

ವೀರಭದ್ರಾಲಯೇ ಭದ್ರಾಂ ಸಂಪೂಜ್ಯ ಸುರಸೇವಿತಾಮ್ । ಪಠೇತ್ ಸ್ತೋತ್ರಮಿದಂ ದಿವ್ಯಂ ನಾನಾ ಭೋಗಪ್ರದಂ ಶುಭಮ್ ॥ 21 ॥

ಅಭೀಷ್ಟಸಿದ್ಧಿಂ ಪ್ರಾಪ್ನೋತಿ ಶೀಘ್ರಂ ವಿದ್ವಾನ್ ಪರಂತಪ । ಅಥವಾ ಸ್ವಗೃಹೇ ವೀರಭದ್ರಪತ್ನೀಂ ಸಮರ್ಚಯೇತ್ ॥ 22 ॥

ಸ್ತೋತ್ರೇಣಾನೇನ ವಿಧಿವತ್ ಸರ್ವಾನ್ ಕಾಮಾನವಾಪ್ನುಯಾತ್ । ರೋಗಾ ನಶ್ಯಂತಿ ತಸ್ಯಾಶು ಯೋಗಸಿದ್ಧಿಂ ಚ ವಿಂದತಿ ॥ 23 ॥

ಸನತ್ಕುಮಾರಭಕ್ತಾನಾಮಿದಂ ಸ್ತೋತ್ರಂ ಪ್ರಬೋಧಯ । ರಹಸ್ಯಂ ಸಾರಭೂತಂ ಚ ಸರ್ವಜ್ಞಃ ಸಂಭವಿಷ್ಯಸಿ ॥ 24 ॥

ಇತಿ ಶ್ರೀಭದ್ರಕಾಳ್ಯಷ್ಟೋತ್ತರಶತನಾಮ ಸ್ತೋತ್ರಮ್ ।

About Sri Bhadrakali Ashtottara Satanama Stotram

The Sri Bhadrakali Ashtottara Shatanama Stotram gives 108 names of Goddess Bhadrakali in verse, beginning "Bhadrakalim aham vande", I bow to Bhadrakali, the consort of Virabhadra, whose lotus feet are worshipped and who grants happiness and good fortune. Bhadrakali is the auspicious, protective form of Kali.

When to chant: On Tuesdays and Fridays, during Navaratri and at Bhadrakali temple festivals.

Did you know?

  • "Bhadra" means auspicious or gentle: Bhadrakali is Kali in her kind, protecting form.
  • She is especially worshipped in Kerala, where many Bhagavathi temples, such as Kodungallur, honour her.
  • The text says this secret, essential stotra was taught for the devotees of Sanatkumara.

Frequently asked questions

Who is Bhadrakali?

The auspicious, protecting form of Goddess Kali, described here as the consort of Virabhadra.

Where is Bhadrakali especially worshipped?

Across Kerala and South India, in Bhagavathi temples such as Kodungallur.

When is it recited?

On Tuesdays and Fridays, during Navaratri and at Bhadrakali festivals.

Offered for worship and study, not as prediction. Non-commercial.