Sri Devi Atharva Sheersham
Vedic · Traditional devotional text
ওং সর্বে বৈ দেবা দেবীমুপতস্থুঃ কাসি ত্বং মহাদেবীতি ॥ 1 ॥
সাঽব্রবীদহং ব্রহ্মস্বরূপিণী । মত্তঃ প্রকৃতিপুরুষাত্মকং জগত্ । শূন্য়ং চাশূন্য়ং চ ॥ 2 ॥
অহমানংদানানংদৌ । অহং-বিঁজ্ঞানাবিজ্ঞানে । অহং ব্রহ্মাব্রহ্মণি বেদিতব্য়ে । অহং পংচভূতান্যপংচভূতানি । অহমখিলং জগত্ ॥ 3 ॥
বেদোঽহমবেদোঽহম্ । বিদ্য়াঽহমবিদ্য়াঽহম্ । অজাঽহমনজাঽহম্ । অধশ্চোর্ধ্বং চ তির্যক্চাহম্ ॥ 4 ॥
অহং রুদ্রেভির্বসুভিশ্চরামি । অহমাদিত্য়ৈরুত বিশ্বদেবৈঃ । অহং মিত্রাবরুণাবুভৌ বিভর্মি । অহমিংদ্রাগ্নী অহমশ্বিনাবুভৌ ॥ 5 ॥
অহং সোমং ত্বষ্টারং পূষণং ভগং দধামি । অহং-বিঁষ্ণুমুরুক্রমং ব্রহ্মাণমুত প্রজাপতিং দধামি ॥ 6 ॥
অ॒হং দ॑ধামি॒ দ্রবি॑ণং হ॒বিষ্ম॑তে সুপ্রা॒ব্য়ে॒3 যজ॑মানায় সুন্ব॒তে । অ॒হং রাষ্ট্রী॑ সং॒গম॑নী॒ বসূ॑নাং চিকি॒তুষী॑ প্রথ॒মা য॒জ্ঞিয়া॑নাম্ । অ॒হং সু॑বে পি॒তর॑মস্য় মূ॒র্ধন্মম॒ যোনি॑র॒প্স্বংতঃ স॑মু॒দ্রে । য এবং-বেঁদ । স দেবীং সংপদমাপ্নোতি ॥ 7 ॥
তে দেবা অব্রুবন্ নমো দেব্য়ৈ মহাদেব্য়ৈ শিবায়ৈ সততং নমঃ । নমঃ প্রকৃত্য়ৈ ভদ্রায়ৈ নিযতাঃ প্রণতাঃ স্ম তাম্ ॥ 8 ॥
তাম॒গ্নিব॑র্ণাং॒ তপ॑সা জ্বলং॒তীং-বৈঁ॑রোচ॒নীং ক॑র্মফ॒লেষু॒ জুষ্টা᳚ম্ । দু॒র্গাং দে॒বীং শর॑ণং প্রপ॑দ্য়ামহেঽসুরান্নাশয়িত্র্য়ৈ তে নমঃ ॥ 9 ॥
(ঋ.বে.8.100.11) দে॒বীং-বাঁচ॑মজনয়ংত দে॒বাস্তাং-বিঁ॒শ্বরূ॑পাঃ প॒শবো॑ বদংতি । সা নো॑ মং॒দ্রেষ॒মূর্জং॒ দুহা॑না ধে॒নুর্বাগ॒স্মানুপ॒ সুষ্টু॒তৈতু॑ ॥ 10 ॥
কালরাত্রীং ব্রহ্মস্তুতাং-বৈঁষ্ণবীং স্কংদমাতরম্ । সরস্বতীমদিতিং দক্ষদুহিতরং নমামঃ পাবনাং শিবাম্ ॥ 11 ॥
মহালক্ষ্ম্য়ৈ চ বিদ্মহে সর্বশক্ত্য়ৈ চ ধীমহি । তন্নো দেবী প্রচোদয়াত্ ॥ 12 ॥
অদিতির্হ্যজনিষ্ট দক্ষ যা দুহিতা তব । তাং দেবা অন্বজায়ংত ভদ্রা অমৃতবংধবঃ ॥ 13 ॥
কামো যোনিঃ কমলা বজ্রপাণি- র্গুহা হসা মাতরিশ্বাভ্রমিংদ্রঃ । পুনর্গুহা সকলা মাযয়া চ পুরূচ্য়ৈষা বিশ্বমাতাদিবিদ্য়োম্ ॥ 14 ॥
এষাঽঽত্মশক্তিঃ । এষা বিশ্বমোহিনী । পাশাংকুশধনুর্বাণধরা । এষা শ্রীমহাবিদ্য়া । য এবং-বেঁদ স শোকং তরতি ॥ 15 ॥
নমস্তে অস্তু ভগবতি মাতরস্মান্পাহি সর্বতঃ ॥ 16 ॥
সৈষাষ্টৌ বসবঃ । সৈষৈকাদশ রুদ্রাঃ । সৈষা দ্বাদশাদিত্য়াঃ । সৈষা বিশ্বেদেবাঃ সোমপা অসোমপাশ্চ । সৈষা যাতুধানা অসুরা রক্ষাংসি পিশাচা যক্ষা সিদ্ধাঃ । সৈষা সত্ত্বরজস্তমাংসি । সৈষা ব্রহ্মবিষ্ণুরুদ্ররূপিণী । সৈষা প্রজাপতীংদ্রমনবঃ । সৈষা গ্রহনক্ষত্রজ্য়োতীংষি । কলাকাষ্ঠাদিকালরূপিণী । তামহং প্রণৌমি নিত্যম্ । পাপাপহারিণীং দেবীং ভুক্তিমুক্তিপ্রদায়িনীম্ । অনংতাং-বিঁজয়াং শুদ্ধাং শরণ্য়াং শিবদাং শিবাম্ ॥ 17 ॥
বিযদীকারসংয়ুঁক্তং-বীঁতিহোত্রসমন্বিতম্ । অর্ধেংদুলসিতং দেব্য়া বীজং সর্বার্থসাধকম্ ॥ 18 ॥
এবমেকাক্ষরং ব্রহ্ম যতয়ঃ শুদ্ধচেতসঃ । ধ্য়ায়ংতি পরমানংদময়া জ্ঞানাংবুরাশয়ঃ ॥ 19 ॥
বাঙ্মায়া ব্রহ্মসূস্তস্মাত্ ষষ্ঠং-বঁক্ত্রসমন্বিতম্ । সূর্য়োঽবামশ্রোত্রবিংদুসংয়ুঁক্তষ্টাত্তৃতীযকঃ । নারাযণেন সম্মিশ্রো বায়ুশ্চাধরয়ুক্ততঃ । বিচ্চে নবার্ণকোঽর্ণঃ স্য়ান্মহদানংদদাযকঃ ॥ 20 ॥
হৃত্পুংডরীকমধ্যস্থাং প্রাতঃসূর্যসমপ্রভাম্ । পাশাংকুশধরাং সৌম্য়াং-বঁরদাভযহস্তকাম্ । ত্রিনেত্রাং রক্তবসনাং ভক্তকামদুঘাং ভজে ॥ 21 ॥
নমামি ত্বাং মহাদেবীং মহাভযবিনাশিনীম্ । মহাদুর্গপ্রশমনীং মহাকারুণ্যরূপিণীম্ ॥ 22 ॥
যস্য়াঃ স্বরূপং ব্রহ্মাদয়ো ন জানংতি তস্মাদুচ্যতে অজ্ঞেয়া । যস্য়া অংতো ন লভ্যতে তস্মাদুচ্যতে অনংতা । যস্য়া লক্ষ্য়ং নোপলক্ষ্যতে তস্মাদুচ্যতে অলক্ষ্য়া । যস্য়া জননং নোপলভ্যতে তস্মাদুচ্যতে অজা । একৈব সর্বত্র বর্ততে তস্মাদুচ্যতে একা । একৈব বিশ্বরূপিণী তস্মাদুচ্যতে নৈকা । অত এবোচ্যতে অজ্ঞেয়ানংতালক্ষ্য়াজৈকা নৈকেতি ॥ 23 ॥
মংত্রাণাং মাতৃকা দেবী শব্দানাং জ্ঞানরূপিণী । জ্ঞানানাং চিন্ময়াতীতা শূন্য়ানাং শূন্যসাক্ষিণী । যস্য়াঃ পরতরং নাস্তি সৈষা দুর্গা প্রকীর্তিতা ॥ 24 ॥
তাং দুর্গাং দুর্গমাং দেবীং দুরাচারবিঘাতিনীম্ । নমামি ভবভীতোঽহং সংসারার্ণবতারিণীম্ ॥ 25 ॥
ইদমথর্বশীর্ষং-য়োঁঽধীতে স পংচাথর্বশীর্ষজপফলমাপ্নোতি । ইদমথর্বশীর্ষমজ্ঞাত্বা যোঽর্চাং স্থাপযতি । শতলক্ষং প্রজপ্ত্বাঽপি সোঽর্চাসিদ্ধিং ন বিংদতি । শতমষ্টোত্তরং চাস্য় পুরশ্চর্য়াবিধিঃ স্মৃতঃ । দশবারং পঠেদ্যস্তু সদ্য়ঃ পাপৈঃ প্রমুচ্যতে । মহাদুর্গাণি তরতি মহাদেব্য়াঃ প্রসাদতঃ । 26 ॥
সাযমধীয়ানো দিবসকৃতং পাপং নাশযতি । প্রাতরধীয়ানো রাত্রিকৃতং পাপং নাশযতি । সায়ং প্রাতঃ প্রয়ুংজানো অপাপো ভবতি । নিশীথে তুরীযসংধ্য়ায়াং জপ্ত্বা বাক্সিদ্ধির্ভবতি । নূতনায়াং প্রতিমায়াং জপ্ত্বা দেবতাসান্নিধ্য়ং ভবতি । প্রাণপ্রতিষ্ঠায়াং জপ্ত্বা প্রাণানাং প্রতিষ্ঠা ভবতি । ভৌমাশ্বিন্য়াং মহাদেবীসন্নিধৌ জপ্ত্বা মহামৃত্য়ুং তরতি । স মহামৃত্য়ুং তরতি । য এবং-বেঁদ । ইত্য়ুপনিষত্ ॥ 27 ॥
ইতি দেব্যথর্বশীর্ষম্ ।
About Sri Devi Atharva Sheersham
The Devi Atharvashirsha is an Upanishad-style hymn in which all the gods approach the Devi and ask, "Who are you, great Goddess?" She answers: "I am of the nature of Brahman. From me comes this world of Prakriti and Purusha, the void and the not-void." The gods then praise her as the power of all the gods, and the text gives her meditation and the Navarna mantra.
When to chant: Before the Devi Mahatmyam, during Navaratri, and in Devi worship.
Did you know?
- It is one of the five Atharvashirsha texts, with those of Ganapati, Narayana, Shiva and Surya.
- It is traditionally recited before the Durga Saptashati, with the Devi Kavacham, Argala and Keelakam.
Frequently asked questions
What does the Devi say she is?
Of the nature of Brahman, the source of the whole world.
When is it recited?
Before the Devi Mahatmyam and during Navaratri.
What is an Atharvashirsha?
A short Upanishad-style text on a deity, in the Atharva Veda tradition.
Offered for worship and study, not as prediction. Non-commercial.