MuhurtaNow

Sri Maha Kali Stotram

Devi · Traditional devotional text

ధ్యానం శవారూఢాం మహాభీమాం ఘోరదంష్ట్రాం వరప్రదాం హాస్యయుక్తాం త్రిణేత్రాంచ కపాల కర్త్రికా కరామ్ । ముక్తకేశీం లలజ్జిహ్వాం పిబంతీం రుధిరం ముహుః చతుర్బాహుయుతాం దేవీం వరాభయకరాం స్మరేత్ ॥

శవారూఢాం మహాభీమాం ఘోరదంష్ట్రాం హసన్ముఖీం చతుర్భుజాం ఖడ్గముండవరాభయకరాం శివామ్ । ముండమాలాధరాం దేవీం లలజ్జిహ్వాం దిగంబరాం ఏవం సంచింతయేత్కాళీం శ్మశనాలయవాసినీమ్ ॥

స్తోత్రం విశ్వేశ్వరీం జగద్ధాత్రీం స్థితిసంహారకారిణీమ్ । నిద్రాం భగవతీం విష్ణోరతులాం తేజసః ప్రభామ్ ॥ 1 ॥

త్వం స్వాహా త్వం స్వధా త్వం హి వషట్కారః స్వరాత్మికా । సుధా త్వమక్షరే నిత్యే త్రిధా మాత్రాత్మికా స్థితా ॥ 2 ॥

అర్థమాత్రాస్థితా నిత్యా యానుచ్చార్యా విశేషతః । త్వమేవ సంధ్యా సావిత్రీ త్వం దేవీ జననీ పరా ॥ 3 ॥

త్వయైతద్ధార్యతే విశ్వం త్వయైతద్సృజ్యతే జగత్ । త్వయైతత్పాల్యతే దేవి త్వమత్స్యంతే చ సర్వదా ॥ 4 ॥

విసృష్టౌ సృష్టిరూపా త్వం స్థితిరూపా చ పాలనే । తథా సంహృతిరూపాంతే జగతోఽస్య జగన్మయే ॥ 5 ॥

మహావిద్యా మహామాయా మహామేధా మహాస్మృతిః । మహామోహా చ భవతీ మహాదేవీ మహేశ్వరీ ॥ 6 ॥

ప్రకృతిస్త్వం చ సర్వస్య గుణత్రయవిభావినీ । కాలరాత్రిర్మహారాత్రిర్మోహరాత్రిశ్చ దారుణా ॥ 7 ॥

త్వం శ్రీస్త్వమీశ్వరీ త్వం హ్రీస్త్వం బుద్ధిర్బోధలక్షణా । లజ్జా పుష్టిస్తథా తుష్టిస్త్వం శాంతిః క్షాంతిరేవ చ ॥ 8 ॥

ఖడ్గినీ శూలినీ ఘోరా గదినీ చక్రిణీ తథా । శంఖినీ చాపినీ బాణభుశుండీపరిఘాయుధా ॥ 9 ॥

సౌమ్యా సౌమ్యతరాశేషా సౌమ్యేభ్యస్త్వతిసుందరీ । పరాపరాణాం పరమా త్వమేవ పరమేశ్వరీ ॥ 10 ॥

యచ్చ కించిత్ క్వచిద్వస్తు సదసద్వాఖిలాత్మికే । తస్య సర్వస్య యా శక్తిః సా త్వం కిం స్తూయసే తదా ॥ 11 ॥

యయా త్వయా జగత్స్రష్టా జగత్పాత్యత్తి యో జగత్ । సోఽపి నిద్రావశం నీతః కస్త్వాం స్తోతుమిహేశ్వరః ॥ 12 ॥

విష్ణుః శరీరగ్రహణమహమీశాన ఏవ చ । కారితాస్తే యతోఽతస్త్వాం కః స్తోతుం శక్తిమాన్ భవేత్ ॥ 13 ॥

సా త్వమిత్థం ప్రభావైః స్వైరుదారైర్దేవి సంస్తుతా । మోహయైతౌ దురాధర్షావసురౌ మధుకైటభౌ ॥ 14 ॥

ప్రబోధం చ జగత్స్వామీ నీయతామచ్యుతో లఘు । బోధశ్చ క్రియతామస్య హంతుమేతౌ మహాసురౌ ॥ 15 ॥

ఇతి శ్రీ మహాకాళీ స్తోత్రమ్ ।

About Sri Maha Kali Stotram

The Maha Kali Stotram is a hymn to Goddess Kali in her fierce form. Its meditation pictures her standing on Shiva, fearsome with sharp teeth yet smiling and granting boons, three-eyed, with flowing hair and a garland of heads, holding a sword and a severed head while showing the gestures of boon-giving and fearlessness; the verses praise her as the auspicious one who destroys ignorance and fear.

When to chant: On Kali Puja (Diwali Amavasya), on Amavasya and Tuesdays, and during Navaratri.

Did you know?

  • Kali standing on Shiva shows that consciousness (Shiva) and power (Shakti) together make all action possible.
  • Even in her fierce form she shows the abhaya (fearlessness) and varada (boon) gestures to her devotees.

Frequently asked questions

Why is Kali shown standing on Shiva?

To show that Shakti acts upon Shiva, pure consciousness, and that the two are one.

Is Kali to be feared?

Her fierce form destroys evil and ignorance; to her devotees she gives fearlessness and boons.

When is it recited?

On Kali Puja, Amavasya, Tuesdays and during Navaratri.

Offered for worship and study, not as prediction. Non-commercial.