MuhurtaNow

Sri Satyanarayana Puja (Satyanarayana Swami Vratam)

Vishnu · Traditional devotional text

ಪೂರ್ವಾಂಗ ಪೂಜಾ

ಶ್ರೀಮಹಾಗಣಾಧಿಪತಯೇ ನಮಃ । ಶ್ರೀ ಗುರುಭ್ಯೋ ನಮಃ । ಹರಿಃ ಓಮ್ ।

ಶುಚಿಃ ಅಪವಿತ್ರಃ ಪವಿತ್ರೋ ವಾ ಸರ್ವಾವಸ್ಥಾಂ ಗತೋಽಪಿ ವಾ । ಯಃ ಸ್ಮರೇತ್ ಪುಂಡರೀಕಾಕ್ಷಂ ಸ ಬಾಹ್ಯಾಭ್ಯಂತರಃ ಶುಚಿಃ ॥ ಪುಂಡರೀಕಾಕ್ಷ ಪುಂಡರೀಕಾಕ್ಷ ಪುಂಡರೀಕಾಕ್ಷಾಯ ನಮಃ ॥

ಪ್ರಾರ್ಥನಾ ಶುಕ್ಲಾಂಬರಧರಂ-ವಿಁಷ್ಣುಂ ಶಶಿವರ್ಣಂ ಚತುರ್ಭುಜಮ್ । ಪ್ರಸನ್ನವದನಂ ಧ್ಯಾಯೇತ್ ಸರ್ವವಿಘ್ನೋಪಶಾಂತಯೇ ॥ ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಮ್ । ಅನೇಕದಂ ತಂ ಭಕ್ತಾನಾಂ ಏಕದಂತಮುಪಾಸ್ಮಹೇ ॥

ದೇ॒ವೀಂ-ವಾಁಚ॑ಮಜನಯಂತ ದೇ॒ವಾಸ್ತಾಂ-ವಿಁ॒ಶ್ವರೂ॑ಪಾಃ ಪ॒ಶವೋ॑ ವದಂತಿ । ಸಾ ನೋ॑ ಮಂ॒ದ್ರೇಷ॒ಮೂರ್ಜಂ॒ ದುಹಾ॑ನಾ ಧೇ॒ನುರ್ವಾಗ॒ಸ್ಮಾನುಪ॒ ಸುಷ್ಟು॒ತೈತು॑ ॥

ಯಃ ಶಿವೋ ನಾಮ ರೂಪಾಭ್ಯಾಂ-ಯಾಁ ದೇವೀ ಸರ್ವಮಂಗಳಾ । ತಯೋಃ ಸಂಸ್ಮರಣಾನ್ನಿತ್ಯಂ ಸರ್ವದಾ ಜಯ ಮಂಗಳಮ್ ॥

ತದೇವ ಲಗ್ನಂ ಸುದಿನಂ ತದೇವ ತಾರಾಬಲಂ ಚಂದ್ರಬಲಂ ತದೇವ । ವಿದ್ಯಾಬಲಂ ದೈವಬಲಂ ತದೇವ ಲಕ್ಷ್ಮೀಪತೇ ತೇಽಂಘ್ರಿಯುಗಂ ಸ್ಮರಾಮಿ ॥

ಗುರುರ್ಬ್ರಹ್ಮಾ ಗುರುರ್ವಿಷ್ಣುಃ ಗುರುರ್ದೇವೋ ಮಹೇಶ್ವರಃ । ಗುರುಃ ಸಾಕ್ಷಾತ್ ಪರಬ್ರಹ್ಮ ತಸ್ಮೈ ಶ್ರೀಗುರವೇ ನಮಃ ॥

ಲಾಭಸ್ತೇಷಾಂ ಜಯಸ್ತೇಷಾಂ ಕುತಸ್ತೇಷಾಂ ಪರಾಭವಃ । ಏಷಾಮಿಂದೀವರಶ್ಯಾಮೋ ಹೃದಯಸ್ಥೋ ಜನಾರ್ದನಃ ॥

ಸರ್ವಮಂಗಳ ಮಾಂಗಳ್ಯೇ ಶಿವೇ ಸರ್ವಾರ್ಥಸಾಧಿಕೇ । ಶರಣ್ಯೇ ತ್ರ್ಯಂಬಕೇ ಗೌರೀ ನಾರಾಯಣಿ ನಮೋಽಸ್ತು ತೇ ॥

ಶ್ರೀಲಕ್ಷ್ಮೀನಾರಾಯಣಾಭ್ಯಾಂ ನಮಃ । ಉಮಾಮಹೇಶ್ವರಾಭ್ಯಾಂ ನಮಃ । ವಾಣೀಹಿರಣ್ಯಗರ್ಭಾಭ್ಯಾಂ ನಮಃ । ಶಚೀಪುರಂದರಾಭ್ಯಾಂ ನಮಃ । ಅರುಂಧತೀವಸಿಷ್ಠಾಭ್ಯಾಂ ನಮಃ । ಶ್ರೀಸೀತಾರಾಮಾಭ್ಯಾಂ ನಮಃ । ಮಾತಾಪಿತೃಭ್ಯೋ ನಮಃ । ಸರ್ವೇಭ್ಯೋ ಮಹಾಜನೇಭ್ಯೋ ನಮಃ ।

ದೀಪಾರಾಧನಂ ದೀಪಸ್ತ್ವಂ ಬ್ರಹ್ಮರೂಪೋಽಸಿ ಜ್ಯೋತಿಷಾಂ ಪ್ರಭುರವ್ಯಯಃ । ಸೌಭಾಗ್ಯಂ ದೇಹಿ ಪುತ್ರಾಂಶ್ಚ ಸರ್ವಾನ್ಕಾಮಾಂಶ್ಚ ದೇಹಿ ಮೇ ॥ ಭೋ ದೀಪ ದೇವಿ ರೂಪಸ್ತ್ವಂ ಕರ್ಮಸಾಕ್ಷೀ ಹ್ಯವಿಘ್ನಕೃತ್ । ಯಾವತ್ಪೂಜಾಂ ಕರಿಷ್ಯಾಮಿ ತಾವತ್ತ್ವಂ ಸುಸ್ಥಿರೋ ಭವ ॥ ದೀಪಾರಾಧನ ಮುಹೂರ್ತಃ ಸುಮುಹೂರ್ತೋಽಸ್ತು ॥ ಪೂಜಾರ್ಥೇ ಹರಿದ್ರಾ ಕುಂಕುಮ ವಿಲೇಪನಂ ಕರಿಷ್ಯೇ ॥

ಆಚಮ್ಯ ಓಂ ಕೇಶವಾಯ ಸ್ವಾಹಾ । ಓಂ ನಾರಾಯಣಾಯ ಸ್ವಾಹಾ । ಓಂ ಮಾಧವಾಯ ಸ್ವಾಹಾ । ಓಂ ಗೋವಿಂದಾಯ ನಮಃ । ಓಂ-ವಿಁಷ್ಣವೇ ನಮಃ । ಓಂ ಮಧುಸೂದನಾಯ ನಮಃ । ಓಂ ತ್ರಿವಿಕ್ರಮಾಯ ನಮಃ । ಓಂ-ವಾಁಮನಾಯ ನಮಃ । ಓಂ ಶ್ರೀಧರಾಯ ನಮಃ । ಓಂ ಹೃಷೀಕೇಶಾಯ ನಮಃ । ಓಂ ಪದ್ಮನಾಭಾಯ ನಮಃ । ಓಂ ದಾಮೋದರಾಯ ನಮಃ । ಓಂ ಸಂಕರ್ಷಣಾಯ ನಮಃ । ಓಂ-ವಾಁಸುದೇವಾಯ ನಮಃ । ಓಂ ಪ್ರದ್ಯುಮ್ನಾಯ ನಮಃ । ಓಂ ಅನಿರುದ್ಧಾಯ ನಮಃ । ಓಂ ಪುರುಷೋತ್ತಮಾಯ ನಮಃ । ಓಂ ಅಧೋಕ್ಷಜಾಯ ನಮಃ । ಓಂ ನಾರಸಿಂಹಾಯ ನಮಃ । ಓಂ ಅಚ್ಯುತಾಯ ನಮಃ । ಓಂ ಜನಾರ್ದನಾಯ ನಮಃ । ಓಂ ಉಪೇಂದ್ರಾಯ ನಮಃ । ಓಂ ಹರಯೇ ನಮಃ । ಓಂ ಶ್ರೀಕೃಷ್ಣಾಯ ನಮಃ ।

ಭೂತೋಚ್ಚಾಟನಂ ಉತ್ತಿಷ್ಠಂತು ಭೂತಪಿಶಾಚಾಃ ಯ ಏತೇ ಭೂಮಿ ಭಾರಕಾಃ । ಏತೇಷಾಮವಿರೋಧೇನ ಬ್ರಹ್ಮಕರ್ಮ ಸಮಾರಭೇ ॥ ಅಪಸರ್ಪಂತು ತೇ ಭೂತಾ ಯೇ ಭೂತಾ ಭೂಮಿಸಂಸ್ಥಿತಾಃ । ಯೇ ಭೂತಾ ವಿಘ್ನಕರ್ತಾರಸ್ತೇ ಗಚ್ಛಂತು ಶಿವಾಽಜ್ಞಯಾ ॥

ಪ್ರಾಣಾಯಾಮಂ ಓಂ ಭೂಃ ಓಂ ಭುವಃ॑ ಓಗ್‍ಂ ಸುವಃ॑ ಓಂ ಮಹಃ॑ ಓಂ ಜನಃ॑ ಓಂ ತಪಃ॑ ಓಗ್‍ಂ ಸತ್ಯಮ್ । ಓಂ ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿಯೋ॒ ಯೋ ನಃ॑ ಪ್ರಚೋ॒ದಯಾ᳚ತ್ ॥ ಓಮಾಪೋ॒ ಜ್ಯೋತೀ॒ ರಸೋ॒ಽಮೃತಂ॒ ಬ್ರಹ್ಮ॒ ಭೂರ್ಭುವ॒ಸ್ಸುವ॒ರೋಮ್ ॥

ಸಂಕಲ್ಪಂ ಮಮ ಉಪಾತ್ತ ಸಮಸ್ತ ದುರಿತಕ್ಷಯ ದ್ವಾರಾ ಶ್ರೀಪರಮೇಶ್ವರಮುದ್ದಿಶ್ಯ ಶ್ರೀಪರಮೇಶ್ವರ ಪ್ರೀತ್ಯರ್ಥಂ ಶುಭಾಭ್ಯಾಂ ಶುಭೇ ಶೋಭನೇ ಮುಹೂರ್ತೇ ಶ್ರೀಮಹಾವಿಷ್ಣೋರಾಜ್ಞಯಾ ಪ್ರವರ್ತಮಾನಸ್ಯ ಅದ್ಯ ಬ್ರಹ್ಮಣಃ ದ್ವಿತೀಯಪರಾರ್ಥೇ ಶ್ವೇತವರಾಹಕಲ್ಪೇ ವೈವಸ್ವತಮನ್ವಂತರೇ ಕಲಿಯುಗೇ ಪ್ರಥಮಪಾದೇ ಜಂಬೂದ್ವೀಪೇ ಭಾರತವರ್ಷೇ ಭರತಖಂಡೇ ಮೇರೋಃ ದಕ್ಷಿಣ ದಿಗ್ಭಾಗೇ ಶ್ರೀಶೈಲಸ್ಯ …… ಪ್ರದೇಶೇ ……, …… ನದ್ಯೋಃ ಮಧ್ಯಪ್ರದೇಶೇ ಲಕ್ಷ್ಮೀನಿವಾಸಗೃಹೇ ಸಮಸ್ತ ದೇವತಾ ಬ್ರಾಹ್ಮಣ ಆಚಾರ್ಯ ಹರಿ ಹರ ಗುರು ಚರಣ ಸನ್ನಿಧೌ ಅಸ್ಮಿನ್ ವರ್ತಮನೇ ವ್ಯಾವಹರಿಕ ಚಾಂದ್ರಮಾನೇನ ಶ್ರೀ …….. (1) ನಾಮ ಸಂವಁತ್ಸರೇ …… ಅಯನೇ (2) …… ಋತೌ (3) …… ಮಾಸೇ(4) …… ಪಕ್ಷೇ (5) …… ತಿಥೌ (6) …… ವಾಸರೇ (7) …… ನಕ್ಷತ್ರೇ (8) …… ಯೋಗೇ (9) …… ಕರಣ (10) ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭತಿಥೌ ಶ್ರೀಮಾನ್ …… ಗೋತ್ರೋದ್ಭವಸ್ಯ …… ನಾಮಧೇಯಸ್ಯ (ಮಮ ಧರ್ಮಪತ್ನೀ ಶ್ರೀಮತಃ …… ಗೋತ್ರಸ್ಯ …… ನಾಮಧೇಯಃ ಸಮೇತಸ್ಯ) ಮಮ/ಅಸ್ಮಾಕಂ ಸಹಕುಟುಂಬಸ್ಯ ಕ್ಷೇಮ ಸ್ಥೈರ್ಯ ಧೈರ್ಯ ವೀರ್ಯ ವಿಜಯ ಅಭಯ ಆಯುಃ ಆರೋಗ್ಯ ಐಶ್ವರ ಅಭಿವೃದ್ಧ್ಯರ್ಥಂ ಧರ್ಮ ಅರ್ಥ ಕಾಮ ಮೋಕ್ಷ ಚತುರ್ವಿಧ ಪುರುಷಾರ್ಥ ಫಲ ಸಿದ್ಧ್ಯರ್ಥಂ ಧನ ಕನಕ ವಸ್ತು ವಾಹನ ಸಮೃದ್ಧ್ಯರ್ಥಂ ಸರ್ವಾಭೀಷ್ಟ ಸಿದ್ಧ್ಯರ್ಥಂ ಶ್ರೀ ………. ಉದ್ದಿಶ್ಯ ಶ್ರೀ ………. ಪ್ರೀತ್ಯರ್ಥಂ ಸಂಭವದ್ಭಿಃ ದ್ರವ್ಯೈಃ ಸಂಭವದ್ಭಿಃ ಉಪಚಾರೈಶ್ಚ ಸಂಭವತಾ ನಿಯಮೇನ ಸಂಭವಿತಾ ಪ್ರಕಾರೇಣ ಯಾವಚ್ಛಕ್ತಿ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಾಂ ಕರಿಷ್ಯೇ ॥

(ನಿರ್ವಿಘ್ನ ಪೂಜಾ ಪರಿಸಮಾಪ್ತ್ಯರ್ಥಂ ಆದೌ ಶ್ರೀಮಹಾಗಣಪತಿ ಪೂಜಾಂ ಕರಿಷ್ಯೇ ।)

ತದಂಗ ಕಲಶಾರಾಧನಂ ಕರಿಷ್ಯೇ ।

ಕಲಶಾರಾಧನಂ ಕಲಶೇ ಗಂಧ ಪುಷ್ಪಾಕ್ಷತೈರಭ್ಯರ್ಚ್ಯ । ಕಲಶೇ ಉದಕಂ ಪೂರಯಿತ್ವಾ । ಕಲಶಸ್ಯೋಪರಿ ಹಸ್ತಂ ನಿಧಾಯ ।

ಕಲಶಸ್ಯ ಮುಖೇ ವಿಷ್ಣುಃ ಕಂಠೇ ರುದ್ರಃ ಸಮಾಶ್ರಿತಃ । ಮೂಲೇ ತ್ವಸ್ಯ ಸ್ಥಿತೋ ಬ್ರಹ್ಮಾ ಮಧ್ಯೇ ಮಾತೃಗಣಾಃ ಸ್ಮೃತಾ ॥ ಕುಕ್ಷೌ ತು ಸಾಗರಾಃ ಸರ್ವೇ ಸಪ್ತದ್ವೀಪಾ ವಸುಂಧರಾ । ಋಗ್ವೇದೋಽಥ ಯಜುರ್ವೇದೋ ಸಾಮವೇದೋ ಹ್ಯಥರ್ವಣಃ ॥ ಅಂಗೈಶ್ಚ ಸಹಿತಾಃ ಸರ್ವೇ ಕಲಶಾಂಬು ಸಮಾಶ್ರಿತಾಃ ।

ಓಂ ಆಕ॒ಲಶೇ᳚ಷು ಧಾವತಿ ಪ॒ವಿತ್ರೇ॒ ಪರಿ॑ಷಿಚ್ಯತೇ । ಉ॒ಕ್ಥೈರ್ಯ॒ಜ್ಞೇಷು॑ ವರ್ಧತೇ ।

ಆಪೋ॒ ವಾ ಇ॒ದಗ್‍ಂ ಸರ್ವಂ॒-ವಿಁಶ್ವಾ॑ ಭೂ॒ತಾನ್ಯಾಪಃ॑ ಪ್ರಾ॒ಣಾ ವಾ ಆಪಃ॑ ಪ॒ಶವ॒ ಆಪೋಽನ್ನ॒ಮಾಪೋಽಮೃ॑ತ॒ಮಾಪಃ॑ ಸ॒ಮ್ರಾಡಾಪೋ॑ ವಿ॒ರಾಡಾಪಃ॑ ಸ್ವ॒ರಾಡಾಪ॒ಶ್ಛಂದಾ॒ಗ್॒‍ಸ್ಯಾಪೋ॒ ಜ್ಯೋತೀ॒ಗ್॒‍ಷ್ಯಾಪೋ॒ ಯಜೂ॒ಗ್॒‍ಷ್ಯಾಪಃ॑ ಸ॒ತ್ಯಮಾಪಃ॒ ಸರ್ವಾ॑ ದೇ॒ವತಾ॒ ಆಪೋ॒ ಭೂರ್ಭುವಃ॒ ಸುವ॒ರಾಪ॒ ಓಮ್ ॥

ಗಂಗೇ ಚ ಯಮುನೇ ಚೈವ ಗೋದಾವರೀ ಸರಸ್ವತೀ । ನರ್ಮದೇ ಸಿಂಧು ಕಾವೇರೀ ಜಲೇಽಸ್ಮಿನ್ ಸನ್ನಿಧಿಂ ಕುರು ॥ ಕಾವೇರೀ ತುಂಗಭದ್ರಾ ಚ ಕೃಷ್ಣವೇಣೀ ಚ ಗೌತಮೀ । ಭಾಗೀರಥೀತಿ ವಿಖ್ಯಾತಾಃ ಪಂಚಗಂಗಾಃ ಪ್ರಕೀರ್ತಿತಾಃ ॥

ಆಯಾಂತು ಶ್ರೀ …….. ಪೂಜಾರ್ಥಂ ಮಮ ದುರಿತಕ್ಷಯಕಾರಕಾಃ । ಓಂ ಓಂ ಓಂ ಕಲಶೋದಕೇನ ಪೂಜಾ ದ್ರವ್ಯಾಣಿ ಸಂಪ್ರೋಕ್ಷ್ಯ, ದೇವಂ ಸಂಪ್ರೋಕ್ಷ್ಯ, ಆತ್ಮಾನಂ ಚ ಸಂಪ್ರೋಕ್ಷ್ಯ ॥

ಶಂಖಪೂಜಾ ಕಲಶೋದಕೇನ ಶಂಖಂ ಪೂರಯಿತ್ವಾ ॥ ಶಂಖೇ ಗಂಧಕುಂಕುಮಪುಷ್ಪತುಲಸೀಪತ್ರೈರಲಂಕೃತ್ಯ ॥

ಶಂಖಂ ಚಂದ್ರಾರ್ಕ ದೈವತಂ ಮಧ್ಯೇ ವರುಣ ದೇವತಾಮ್ । ಪೃಷ್ಠೇ ಪ್ರಜಾಪತಿಂ-ವಿಂಁದ್ಯಾದಗ್ರೇ ಗಂಗಾ ಸರಸ್ವತೀಮ್ ॥ ತ್ರೈಲೋಕ್ಯೇಯಾನಿ ತೀರ್ಥಾನಿ ವಾಸುದೇವಸ್ಯದದ್ರಯಾ । ಶಂಖೇ ತಿಷ್ಠಂತು ವಿಪ್ರೇಂದ್ರಾ ತಸ್ಮಾತ್ ಶಂಖಂ ಪ್ರಪೂಜಯೇತ್ ॥ ತ್ವಂ ಪುರಾ ಸಾಗರೋತ್ಪನ್ನೋ ವಿಷ್ಣುನಾ ವಿಧೃತಃ ಕರೇ । ಪೂಜಿತಃ ಸರ್ವದೇವೈಶ್ಚ ಪಾಂಚಜನ್ಯ ನಮೋಽಸ್ತು ತೇ ॥ ಗರ್ಭಾದೇವಾರಿನಾರೀಣಾಂ-ವಿಁಶೀರ್ಯಂತೇ ಸಹಸ್ರಧಾ । ನವನಾದೇನಪಾತಾಳೇ ಪಾಂಚಜನ್ಯ ನಮೋಽಸ್ತು ತೇ ॥

ಓಂ ಶಂಖಾಯ ನಮಃ । ಓಂ ಧವಳಾಯ ನಮಃ । ಓಂ ಪಾಂಚಜನ್ಯಾಯ ನಮಃ । ಓಂ ಶಂಖದೇವತಾಭ್ಯೋ ನಮಃ । ಸಕಲಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ॥

ಘಂಟಾನಾದಂ ಓಂ ಜಯಧ್ವನಿ ಮಂತ್ರಮಾತಃ ಸ್ವಾಹಾ । ಘಂಟದೇವತಾಭ್ಯೋ ನಮಃ । ಸಕಲೋಪಚಾರ ಪೂಜಾರ್ಥೇ ಅಕ್ಷತಾನ್ ಸಮರ್ಪಯಾಮಿ ।

ಆಗಮಾರ್ಥಂ ತು ದೇವಾನಾಂ ಗಮನಾರ್ಥಂ ತು ರಾಕ್ಷಸಾಮ್ । ಘಂಟಾರವಂ ಕರೋಮ್ಯಾದೌ ದೇವತಾಹ್ವಾನ ಲಾಂಛನಮ್ ॥ ಇತಿ ಘಂಟಾನಾದಂ ಕೃತ್ವಾ ॥

ಅಥ ಹರಿದ್ರಾಗಣಪತಿ ಪೂಜಾ ಅಸ್ಮಿನ್ ಹರಿದ್ರಾಬಿಂಬೇ ಶ್ರೀಮಹಾಗಣಪತಿಂ ಆವಾಹಯಾಮಿ, ಸ್ಥಾಪಯಾಮಿ, ಪೂಜಯಾಮಿ ॥

ಪ್ರಾಣಪ್ರತಿಷ್ಠ ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷುಃ॒ ಪುನಃ॑ ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ । ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರಂ᳚ತ॒ ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ॥ ಅ॒ಮೃತಂ॒-ವೈಁ ಪ್ರಾ॒ಣಾ ಅ॒ಮೃತ॒ಮಾಪಃ॑ ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥ ಶ್ರೀ ಮಹಾಗಣಪತಯೇ ನಮಃ । ಸ್ಥಿರೋ ಭವ ವರದೋ ಭವ । ಸುಮುಖೋ ಭವ ಸುಪ್ರಸನ್ನೋ ಭವ । ಸ್ಥಿರಾಸನಂ ಕುರು ।

ಧ್ಯಾನಂ ಹರಿದ್ರಾಭಂ ಚತುರ್ಬಾಹುಂ ಹರಿದ್ರಾವದನಂ ಪ್ರಭುಮ್ । ಪಾಶಾಂಕುಶಧರಂ ದೇವಂ ಮೋದಕಂ ದಂತಮೇವ ಚ । ಭಕ್ತಾಽಭಯಪ್ರದಾತಾರಂ ವಂದೇ ವಿಘ್ನವಿನಾಶನಮ್ । ಓಂ ಹರಿದ್ರಾ ಗಣಪತಯೇ ನಮಃ ।

ಅಗಜಾನನ ಪದ್ಮಾರ್ಕಂ ಗಜಾನನಮಹರ್ನಿಶಂ ಅನೇಕದಂ ತಂ ಭಕ್ತಾನಾಂ ಏಕದಂತಮುಪಾಸ್ಮಹೇ ॥

ಓಂ ಗ॒ಣಾನಾಂ᳚ ತ್ವಾ ಗ॒ಣಪ॑ತಿಗ್ಂ ಹವಾಮಹೇ ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಮ್ । ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿ॑ಸ್ಸೀದ॒ ಸಾದ॑ನಮ್ ॥

ಓಂ ಮಹಾಗಣಪತಯೇ ನಮಃ । ಧ್ಯಾಯಾಮಿ । ಧ್ಯಾನಂ ಸಮರ್ಪಯಾಮಿ । 1 ॥

ಓಂ ಮಹಾಗಣಪತಯೇ ನಮಃ । ಆವಾಹಯಾಮಿ । ಆವಾಹನಂ ಸಮರ್ಪಯಾಮಿ । 2 ॥

ಓಂ ಮಹಾಗಣಪತಯೇ ನಮಃ । ನವರತ್ನಖಚಿತ ದಿವ್ಯ ಹೇಮ ಸಿಂಹಾಸನಂ ಸಮರ್ಪಯಾಮಿ । 3 ॥

ಓಂ ಮಹಾಗಣಪತಯೇ ನಮಃ । ಪಾದಯೋಃ ಪಾದ್ಯಂ ಸಮರ್ಪಯಾಮಿ । 4 ॥

ಓಂ ಮಹಾಗಣಪತಯೇ ನಮಃ । ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ । 5 ॥

ಓಂ ಮಹಾಗಣಪತಯೇ ನಮಃ । ಮುಖೇ ಆಚಮನೀಯಂ ಸಮರ್ಪಯಾಮಿ । 6 ॥

ಸ್ನಾನಂ ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇ ರಣಾ॑ಯ॒ ಚಕ್ಷ॑ಸೇ ॥ ಯೋ ವಃ॑ ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ಹ ನಃ॑ । ಉ॒ಶ॒ತೀರಿ॑ವ ಮಾ॒ತ॑ರಃ ॥ ತಸ್ಮಾ॒ ಅರಂ॑ ಗಮಾಮ ವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ॥ ಓಂ ಮಹಾಗಣಪತಯೇ ನಮಃ । ಶುದ್ಧೋದಕ ಸ್ನಾನಂ ಸಮರ್ಪಯಾಮಿ । 7 ॥ ಸ್ನಾನಾನಂತರಂ ಆಚಮನೀಯಂ ಸಮರ್ಪಯಾಮಿ ।

ವಸ್ತ್ರಂ ಅಭಿ ವಸ್ತ್ರಾ ಸುವಸನಾನ್ಯರ್ಷಾಭಿ ಧೇನೂಃ ಸುದುಘಾಃ ಪೂಯಮಾನಃ । ಅಭಿ ಚಂದ್ರಾ ಭರ್ತವೇ ನೋ ಹಿರಣ್ಯಾಭ್ಯಶ್ವಾನ್ರಥಿನೋ ದೇವ ಸೋಮ ॥ ಓಂ ಮಹಾಗಣಪತಯೇ ನಮಃ । ವಸ್ತ್ರಂ ಸಮರ್ಪಯಾಮಿ । 8 ॥

ಯಜ್ಞೋಪವೀತಂ ಓಂ-ಯಁ॒ಜ್ಞೋ॒ಪ॒ವೀ॒ತಂ ಪ॒ರಮಂ॑ ಪವಿ॒ತ್ರಂ ಪ್ರ॒ಜಾಪ॑ತೇ॒ರ್ಯತ್ಸ॒ಹಜಂ॑ ಪು॒ರಸ್ತಾ᳚ತ್ । ಆಯು॑ಷ್ಯಮಗ್ರ್ಯಂ॒ ಪ್ರ॒ತಿ ಮುಂ॑ಚ ಶು॒ಭ್ರಂ ಯ॑ಜ್ಞೋಪವೀ॒ತಂ ಬ॒ಲಮ॑ಸ್ತು॒ ತೇಜಃ॑ ॥ ಓಂ ಮಹಾಗಣಪತಯೇ ನಮಃ । ಯಜ್ಞೋಪವೀತಾರ್ಥಂ ಅಕ್ಷತಾನ್ ಸಮರ್ಪಯಾಮಿ । ।

ಗಂಧಂ ಗಂ॒ಧ॒ದ್ವಾ॒ರಾಂ ದು॑ರಾಧ॒ರ್ಷಾಂ॒ ನಿ॒ತ್ಯಪು॑ಷ್ಟಾಂ ಕರೀ॒ಷಿಣೀ᳚ಮ್ । ಈ॒ಶ್ವರೀ॑ಗ್ಂ ಸರ್ವ॑ಭೂತಾ॒ನಾಂ॒ ತಾಮಿ॒ಹೋಪ॑ಹ್ವಯೇ॒ ಶ್ರಿಯಮ್ ॥ ಓಂ ಮಹಾಗಣಪತಯೇ ನಮಃ । ದಿವ್ಯ ಶ್ರೀ ಗಂಧಂ ಸಮರ್ಪಯಾಮಿ । 9 ॥

ಓಂ ಮಹಾಗಣಪತಯೇ ನಮಃ । ಆಭರಣಂ ಸಮರ್ಪಯಾಮಿ । 10 ॥

ಪುಷ್ಪೈಃ ಪೂಜಯಾಮಿ ಓಂ ಸುಮುಖಾಯ ನಮಃ । ಓಂ ಏಕದಂತಾಯ ನಮಃ । ಓಂ ಕಪಿಲಾಯನಮಃ । ಓಂ ಗಜಕರ್ಣಕಾಯ ನಮಃ । ಓಂ-ಲಂಁಬೋದರಾಯನಮಃ । ಓಂ-ವಿಁಕಟಾಯ ನಮಃ । ಓಂ-ವಿಁಘ್ನರಾಜಾಯ ನಮಃ । ಓಂ ಗಣಾಧಿಪಾಯನಮಃ । ಓಂ ಧೂಮಕೇತವೇ ನಮಃ । ಓಂ ಗಣಾಧ್ಯಕ್ಷಾಯ ನಮಃ । ಓಂ ಫಾಲಚಂದ್ರಾಯ ನಮಃ । ಓಂ ಗಜಾನನಾಯ ನಮಃ । ಓಂ-ವಁಕ್ರತುಂಡಾಯ ನಮಃ । ಓಂ ಶೂರ್ಪಕರ್ಣಾಯ ನಮಃ । ಓಂ ಹೇರಂಬಾಯ ನಮಃ । ಓಂ ಸ್ಕಂದಪೂರ್ವಜಾಯ ನಮಃ । ಓಂ ಸರ್ವಸಿದ್ಧಿಪ್ರದಾಯ ನಮಃ । ಓಂ ಮಹಾಗಣಪತಯೇ ನಮಃ । ನಾನಾವಿಧ ಪರಿಮಳ ಪತ್ರ ಪುಷ್ಪಾಣಿ ಸಮರ್ಪಯಾಮಿ । 11 ॥

ಧೂಪಂ ವನಸ್ಪತ್ಯುದ್ಭವಿರ್ದಿವ್ಯೈಃ ನಾನಾ ಗಂಧೈಃ ಸುಸಂಯುಁತಃ । ಆಘ್ರೇಯಃ ಸರ್ವದೇವಾನಾಂ ಧೂಪೋಽಯಂ ಪ್ರತಿಗೃಹ್ಯತಾಮ್ ॥ ಓಂ ಮಹಾಗಣಪತಯೇ ನಮಃ । ಧೂಪಂ ಆಘ್ರಾಪಯಾಮಿ । 12 ॥

ದೀಪಂ ಸಾಜ್ಯಂ ತ್ರಿವರ್ತಿ ಸಂಯುಁಕ್ತಂ-ವಁಹ್ನಿನಾ ಯೊಜಿತಂ ಪ್ರಿಯಮ್ । ಗೃಹಾಣ ಮಂಗಳಂ ದೀಪಂ ತ್ರೈಲೋಕ್ಯ ತಿಮಿರಾಪಹ ॥ ಭಕ್ತ್ಯಾ ದೀಪಂ ಪ್ರಯಚ್ಛಾಮಿ ದೇವಾಯ ಪರಮಾತ್ಮನೇ । ತ್ರಾಹಿಮಾಂ ನರಕಾದ್ಘೋರಾತ್ ದಿವ್ಯ ಜ್ಯೋತಿರ್ನಮೋಽಸ್ತು ತೇ ॥ ಓಂ ಮಹಾಗಣಪತಯೇ ನಮಃ । ಪ್ರತ್ಯಕ್ಷ ದೀಪಂ ಸಮರ್ಪಯಾಮಿ । 13 ॥

ಧೂಪ ದೀಪಾನಂತರಂ ಆಚಮನೀಯಂ ಸಮರ್ಪಯಾಮಿ ।

ನೈವೇದ್ಯಂ ಓಂ ಭೂರ್ಭುವ॒ಸ್ಸುವಃ॒ । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿ॒ಯೋ ಯೋ ನಃ॑ ಪ್ರಚೋ॒ದಯಾ᳚ತ್ । ಸತ್ಯಂ ತ್ವಾ ಋತೇನ ಪರಿಷಿಂಚಾಮಿ । (ಸಾಯಂಕಾಲೇ – ಋತಂ ತ್ವಾ ಸತ್ಯೇನ ಪರಿಷಿಂಚಾಮಿ) ಅಮೃತಮಸ್ತು । ಅ॒ಮೃ॒ತೋ॒ಪ॒ಸ್ತರ॑ಣಮಸಿ । ಶ್ರೀ ಮಹಾಗಣಪತಯೇ ನಮಃ ……………….. ಸಮರ್ಪಯಾಮಿ । ಓಂ ಪ್ರಾ॒ಣಾಯ॒ ಸ್ವಾಹಾ᳚ । ಓಂ ಅ॒ಪಾ॒ನಾಯ॒ ಸ್ವಾಹಾ᳚ । ಓಂ-ವ್ಯಾಁ॒ನಾಯ॒ ಸ್ವಾಹಾ᳚ । ಓಂ ಉ॒ದಾ॒ನಾಯ॒ ಸ್ವಾಹಾ᳚ । ಓಂ ಸ॒ಮಾ॒ನಾಯ॒ ಸ್ವಾಹಾ᳚ । ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ । ಅ॒ಮೃ॒ತಾ॒ಪಿ॒ಧಾ॒ನಮ॑ಸಿ । ಉತ್ತರಾಪೋಶನಂ ಸಮರ್ಪಯಾಮಿ । ಹಸ್ತೌ ಪ್ರಕ್ಷಾಳಯಾಮಿ । ಪಾದೌ ಪ್ರಕ್ಷಾಳಯಾಮಿ । ಶುದ್ಧಾಚಮನೀಯಂ ಸಮರ್ಪಯಾಮಿ । ಓಂ ಮಹಾಗಣಪತಯೇ ನಮಃ । ನೈವೇದ್ಯಂ ಸಮರ್ಪಯಾಮಿ । 14 ॥

ತಾಂಬೂಲಂ ಪೂಗೀಫಲಶ್ಚ ಕರ್ಪೂರೈಃ ನಾಗವಲ್ಲೀದಳೈರ್ಯುತಮ್ । ಮುಕ್ತಾಚೂರ್ಣಸಂಯುಁಕ್ತಂ ತಾಂಬೂಲಂ ಪ್ರತಿಗೃಹ್ಯತಾಮ್ ॥ ಓಂ ಮಹಾಗಣಪತಯೇ ನಮಃ । ತಾಂಬೂಲಂ ಸಮರ್ಪಯಾಮಿ । 15 ॥

ನೀರಾಜನಂ ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾಂತಂ᳚ । ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ । ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರಃ॑ । ನಾಮಾ॑ನಿ ಕೃ॒ತ್ವಾಽಭಿ॒ವದ॒ನ್॒, ಯದಾಸ್ತೇ᳚ । ಓಂ ಮಹಾಗಣಪತಯೇ ನಮಃ । ನೀರಾಜನಂ ಸಮರ್ಪಯಾಮಿ । 16 ॥

ಮಂತ್ರಪುಷ್ಪಂ ಸುಮುಖಶ್ಚೈಕದಂತಶ್ಚ ಕಪಿಲೋ ಗಜಕರ್ಣಕಃ ಲಂಬೋದರಶ್ಚ ವಿಕಟೋ ವಿಘ್ನರಾಜೋ ಗಣಾಧಿಪಃ ॥ ಧೂಮಕೇತುರ್ಗಣಾಧ್ಯಕ್ಷಃ ಫಾಲಚಂದ್ರೋ ಗಜಾನನಃ ವಕ್ರತುಂಡಶ್ಶೂರ್ಪಕರ್ಣೋ ಹೇರಂಬಸ್ಸ್ಕಂದಪೂರ್ವಜಃ ॥ ಷೋಡಶೈತಾನಿ ನಾಮಾನಿ ಯಃ ಪಠೇಚ್ಛೃಣುಯಾದಪಿ ವಿದ್ಯಾರಂಭೇ ವಿವಾಹೇ ಚ ಪ್ರವೇಶೇ ನಿರ್ಗಮೇ ತಥಾ ಸಂಗ್ರಾಮೇ ಸರ್ವಕಾರ್ಯೇಷು ವಿಘ್ನಸ್ತಸ್ಯ ನ ಜಾಯತೇ ॥ ಓಂ ಮಹಾಗಣಪತಯೇ ನಮಃ । ಸುವರ್ಣ ಮಂತ್ರಪುಷ್ಪಂ ಸಮರ್ಪಯಾಮಿ ।

ಪ್ರದಕ್ಷಿಣಂ ಯಾನಿಕಾನಿ ಚ ಪಾಪಾನಿ ಜನ್ಮಾಂತರಕೃತಾನಿ ಚ । ತಾನಿ ತಾನಿ ಪ್ರಣಶ್ಯಂತಿ ಪ್ರದಕ್ಷಿಣ ಪದೇ ಪದೇ ॥ ಪಾಪೋಽಹಂ ಪಾಪಕರ್ಮಾಽಹಂ ಪಾಪಾತ್ಮಾ ಪಾಪಸಂಭವಃ । ತ್ರಾಹಿ ಮಾಂ ಕೃಪಯಾ ದೇವ ಶರಣಾಗತವತ್ಸಲ ॥ ಅನ್ಯಧಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ । ತಸ್ಮಾತ್ಕಾರುಣ್ಯ ಭಾವೇನ ರಕ್ಷ ರಕ್ಷ ಗಣಾಧಿಪ ॥ ಓಂ ಮಹಾಗಣಪತಯೇ ನಮಃ । ಪ್ರದಕ್ಷಿಣಾ ನಮಸ್ಕಾರಾನ್ ಸಮರ್ಪಯಾಮಿ ।

ಓಂ ಮಹಾಗಣಪತಯೇ ನಮಃ । ಛತ್ರ ಚಾಮರಾದಿ ಸಮಸ್ತ ರಾಜೋಪಚಾರಾನ್ ಸಮರ್ಪಯಾಮಿ ॥

ಕ್ಷಮಾಪ್ರಾರ್ಥನ ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು । ನ್ಯೂನಂ ಸಂಪೂರ್ಣತಾಂ-ಯಾಁತಿ ಸದ್ಯೋ ವಂದೇ ಗಜಾನನಮ್ ॥ ಮಂತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಗಣಾಧಿಪ । ಯತ್ಪೂಜಿತಂ ಮಯಾದೇವ ಪರಿಪೂರ್ಣಂ ತದಸ್ತು ತೇ ॥ ಓಂ-ವಁಕ್ರತುಂಡ ಮಹಾಕಾಯ ಸೂರ್ಯ ಕೋಟಿ ಸಮಪ್ರಭ । ನಿರ್ವಿಘ್ನಂ ಕುರು ಮೇ ದೇವ ಸರ್ವ ಕಾರ್ಯೇಷು ಸರ್ವದಾ ॥

ಅನಯಾ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜಯಾ ಭಗವಾನ್ ಸರ್ವಾತ್ಮಕಃ ಶ್ರೀ ಮಹಾಗಣಪತಿ ಸುಪ್ರೀತೋ ಸುಪ್ರಸನ್ನೋ ವರದೋ ಭವಂತು ॥

ಉತ್ತರೇ ಶುಭಕರ್ಮಣ್ಯವಿಘ್ನಮಸ್ತು ಇತಿ ಭವಂತೋ ಬ್ರುವಂತು । ಉತ್ತರೇ ಶುಭಕರ್ಮಣಿ ಅವಿಘ್ನಮಸ್ತು ॥

ತೀರ್ಥಂ ಅಕಾಲಮೃತ್ಯುಹರಣಂ ಸರ್ವವ್ಯಾಧಿನಿವಾರಣಮ್ । ಸಮಸ್ತಪಾಪಕ್ಷಯಕರಂ ಶ್ರೀ ಮಹಾಗಣಪತಿ ಪಾದೋದಕಂ ಪಾವನಂ ಶುಭಮ್ ॥ ಶ್ರೀ ಮಹಾಗಣಪತಿ ಪ್ರಸಾದಂ ಶಿರಸಾ ಗೃಹ್ಣಾಮಿ ॥

ಉದ್ವಾಸನಂ ಓಂ-ಯಁ॒ಜ್ಞೇನ॑ ಯ॒ಜ್ಞಮ॑ಯಜಂತ ದೇ॒ವಾಃ । ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ನ್ । ತೇ ಹ॒ ನಾಕಂ॑ ಮಹಿ॒ಮಾನ॑ಸ್ಸಚಂತೇ । ಯತ್ರ॒ ಪೂರ್ವೇ॑ ಸಾ॒ಧ್ಯಾಸ್ಸಂತಿ॑ ದೇ॒ವಾಃ ॥ ಓಂ ಶ್ರೀ ಮಹಾಗಣಪತಿ ನಮಃ ಯಥಾಸ್ಥಾನಂ ಉದ್ವಾಸಯಾಮಿ ॥ ಶೋಭನಾರ್ಥೇ ಕ್ಷೇಮಾಯ ಪುನರಾಗಮನಾಯ ಚ ।

ಓಂ ಶಾಂತಿಃ ಶಾಂತಿಃ ಶಾಂತಿಃ ।

ಶ್ರೀ ಸತ್ಯನಾರಾಯಣಸ್ವಾಮಿ ಪರಿವಾರ ಪೂಜಾ

ಪುನಃ ಸಂಕಲ್ಪಂ ಪೂರ್ವೋಕ್ತ ಏವಂ ಗುಣ ವಿಶೇಷಣ ವಿಶಿಷ್ಟಾಯಾಂ ಶುಭ ತಿಥೌ ಮಮ ಇಷ್ಟಕಾಮ್ಯಾರ್ಥ ಸಿದ್ಧ್ಯರ್ಥಂ ಮಮ ರಾಜದ್ವಾರೇ ರಾಜಮುಖೇ ಸರ್ವದಾ ದಿಗ್ವಿಜಯ ಪ್ರಾಪ್ತ್ಯರ್ಥಂ ಮಮ ಜನ್ಮರಾಶಿ ವಶಾತ್ ನಾಮರಾಶಿ ವಶಾತ್ ಜನ್ಮನಕ್ಷತ್ರ ವಶಾತ್ ನಾಮನಕ್ಷತ್ರ ವಶಾತ್ ಷಡ್ಬಲ ವೇದ ವಶಾತ್ ನಿತ್ಯ ಗೋಚಾರ ವೇದ ವಶಾತ್ ಮಮ ಯೇ ಯೇ ಗ್ರಹಾಃ ಅರಿಷ್ಟ ಸ್ಥಾನೇಷು ಸ್ಥಿತಾಃ ಸ್ತೈಃ ಸ್ತೈಃ ಕ್ರಿಯಮಾನ ಕರ್ಮಮಾನ ವರ್ತಮಾನ ವರ್ತಿಷ್ಯಮಾನ ಸೂಚಿತ ಭಾವಿತ ಆಗಾಮಿತ ದುಷ್ಟಾರಿಷ್ಟ ಪರಿಹಾರ ದ್ವಾರಾ ಆಯುಷ್ಯ ಅಭಿವೃದ್ಧ್ಯರ್ಥಂ ಮಮ ರಮಾ ಪರಿವಾರ ಸಮೇತ ಸತ್ಯನಾರಾಯಣ ಸ್ವಾಮಿ ಅನುಗ್ರಹ ಸಿದ್ಧ್ಯರ್ಥಂ ರಮಾ ಪರಿವಾರ ಸಮೇತ ಸತ್ಯನಾರಾಯಣ ಸ್ವಾಮಿ ಪ್ರಸಾದೇನ ಮಮ ಗೃಹೇ ಸ್ಥಿರಲಕ್ಷ್ಮೀ ಪ್ರಾಪ್ತ್ಯರ್ಥಂ ಮಮ ರಮಾಪರಿವಾರ ಸಮೇತ ಶ್ರೀ ಸತ್ಯನಾರಾಯಣ ಸ್ವಾಮಿ ವ್ರತ ಪೂಜಾಂ ಚ ಕರಿಷ್ಯೇ । ತದಂಗ ಗಣಪತ್ಯಾದಿ ಪಂಚಲೋಕಪಾಲಕಪೂಜಾಂ, ಆದಿತ್ಯಾದಿ ನವಗ್ರಹ ಪೂಜಾಂ, ಇಂದ್ರಾದಿ ಅಷ್ಟದಿಕ್ಪಾಲಕಪೂಜಾಂ ಚ ಕರಿಷ್ಯೇ ।

ಆದೌ ವ್ರತಾಂಗ ದೇವತಾರಾಧನಂ ಕರಿಷ್ಯೇ ।

ವರುಣ ಪೂಜ ಇ॒ಮಂ ಮೇ॑ ವರುಣ ಶ್ರುಧೀ॒ ಹವ॑ ಮ॒ದ್ಯಾ ಚ॑ ಮೃಡಯ । ತ್ವಾಮ॑ವ॒ಸ್ಯು ರಾಚ॑ಕೇ । ಓಂ ಭೂಃ ವರುಣಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಬ್ರಹ್ಮ॑ ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ᳚ತ್ । ವಿ ಸೀ॑ಮ॒ತಃ ಸು॒ರುಚೋ॑ ವೇ॒ನ ಆ॑ವಃ । ಸ ಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಃ । (ತೈ.ಬ್ರಾ.2.8.8.8) ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿವಃ ॥ ಓಂ ಬ್ರಹ್ಮಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಪಂಚಲೋಕ ಪಾಲಕ ಪೂಜ

1. ಗಣಪತಿ ಓಂ ಗ॒ಣಾನಾಂ᳚ ತ್ವಾ ಗ॒ಣಪ॑ತಿಂ ಹವಾಮಹೇ ಕ॒ವಿಂ ಕ॑ವೀ॒ನಾಮು॑ಪ॒ಮಶ್ರ॑ವಸ್ತಮಮ್ । ಜ್ಯೇ॒ಷ್ಠ॒ರಾಜಂ॒ ಬ್ರಹ್ಮ॑ಣಾಂ ಬ್ರಹ್ಮಣಸ್ಪತ॒ ಆ ನಃ॑ ಶೃ॒ಣ್ವನ್ನೂ॒ತಿಭಿ॑ಸ್ಸೀದ॒ ಸಾದ॑ನಮ್ ॥ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರ ಸಮೇತಂ ಗಣಪತಿಂ-ಲೋಁಕಪಾಲಕಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

2. ಬ್ರಹ್ಮ ಓಂ ಬ್ರ॒ಹ್ಮಾ ದೇ॒ವಾನಾಂ᳚ ಪದ॒ವೀಃ ಕ॑ವೀ॒ನಾಮೃಷಿ॒ರ್ವಿಪ್ರಾ॑ಣಾಂ ಮಹಿ॒ಷೋ ಮೃ॒ಗಾಣಾ᳚ಮ್ । ಶ್ಯೇ॒ನೋಗೃಧ್ರಾ॑ಣಾ॒ಗ್॒ಸ್ವಧಿ॑ತಿ॒ರ್ವನಾ॑ನಾ॒ಗ್ಂ॒ ಸೋಮಃ॑ ಪ॒ವಿತ್ರ॒ಮತ್ಯೇ॑ತಿ॒ ರೇಭನ್॑ ॥ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರ ಸಮೇತಂ ಬ್ರಹ್ಮಾಣಂ-ಲೋಁಕಪಾಲಕಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

3. ವಿಷ್ಣು ಓಂ ಇ॒ದಂ-ವಿಁಷ್ಣು॒ರ್ವಿಚ॑ಕ್ರಮೇ ತ್ರೇ॒ಧಾ ನಿದ॑ಧೇ ಪ॒ದಮ್ । ಸಮೂ॑ಢಮಸ್ಯಪಾಗ್ಂ ಸು॒ರೇ ॥ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರ ಸಮೇತಂ ವಿಷ್ಣುಂ-ಲೋಁಕಪಾಲಕಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

4. ರುದ್ರ ಓಂ ಕದ್ರು॒ದ್ರಾಯ॒ ಪ್ರಚೇ॑ತಸೇ ಮೀ॒ಢುಷ್ಟ॑ಮಾಯ॒ ತವ್ಯ॑ಸೇ। ವೋ॒ಚೇಮ॒ ಶಂತ॑ಮಂ ಹೃ॒ದೇ ॥ (ಋ.1.43.1) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರ ಸಮೇತಂ ರುದ್ರಂ-ಲೋಁಕಪಾಲಕಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

5. ಗೌರಿ ಓಂ ಗೌ॒ರೀರ್ಮಿಮಾ॑ಯ ಸಲಿ॒ಲಾನಿ॒ ತಕ್ಷ॒ತ್ಯೇಕ॑ಪದೀ ದ್ವಿ॒ಪದೀ॒ ಸಾ ಚತು॑ಷ್ಪದೀ । ಅ॒ಷ್ಟಾಪ॑ದೀ॒ ನವ॑ಪದೀ ಬಭೂ॒ವುಷೀ॑ ಸ॒ಹಸ್ರಾ॑ಕ್ಷರಾ ಪರ॒ಮೇ ವ್ಯೋ॑ಮನ್ನ್ ॥ (ಋ.1.161.41) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತಿಪುತ್ರಪರಿವಾರ ಸಮೇತಂ ಗೌರೀಂ-ಲೋಁಕಪಾಲಕೀಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಗಣೇಶಾದಿ ಪಂಚಲೋಕಪಾಲಕ ದೇವತಾಭ್ಯೋ ನಮಃ । ಧ್ಯಾಯಾಮಿ, ಆವಾಹಯಾಮಿ, ಆಸನಂ ಸಮರ್ಪಯಾಮಿ, ಪಾದ್ಯಂ ಸಮರ್ಪಯಾಮಿ, ಅರ್ಘ್ಯಂ ಸಮರ್ಪಯಾಮಿ, ಆಚಮನೀಯಂ ಸಮರ್ಪಯಾಮಿ, ಸ್ನಾನಂ ಸಮರ್ಪಯಾಮಿ, ಶುದ್ಧಾಚಮನೀಯಂ ಸಮರ್ಪಯಾಮಿ, ವಸ್ತ್ರಂ ಸಮರ್ಪಯಾಮಿ, ಯಜ್ಞೋಪವೀತಂ ಸಮರ್ಪಯಾಮಿ, ಗಂಧಂ ಸಮರ್ಪಯಾಮಿ, ಅಕ್ಷತಾನ್ ಸಮರ್ಪಯಾಮಿ, ಪುಷ್ಪಾಣಿ ಸಮರ್ಪಯಾಮಿ, ಧೂಪಮಾಘ್ರಾಪಯಾಮಿ, ದೀಪಂ ದರ್ಶಯಾಮಿ, ನೈವೇದ್ಯಂ ಸಮರ್ಪಯಾಮಿ, ತಾಂಬೂಲಂ ಸಮರ್ಪಯಾಮಿ, ಮಂತ್ರಪುಷ್ಪಂ ಸಮರ್ಪಯಾಮಿ । ಗಣೇಶಾದಿ ಪಂಚಲೋಕಪಾಲಕ ದೇವತಾ ಪ್ರಸಾದ ಸಿದ್ಧಿರಸ್ತು ॥

ನವಗ್ರಹ ಪೂಜ

1. ಸೂರ್ಯ ಗ್ರಹಂ ಓಂ ಆಸ॒ತ್ಯೇನ॒ ರಜ॑ಸಾ॒ ವರ್ತ॑ಮಾನೋ ನಿವೇ॒ಶಯ॑ನ್ನ॒ಮೃತಂ॒ ಮರ್ತ್ಯಂ॑ಚ । ಹಿ॒ರ॒ಣ್ಯಯೇ॑ನ ಸವಿ॒ತಾ ರಥೇ॒ನಾಽಽದೇ॒ವೋ ಯಾ॑ತಿ॒ಭುವ॑ನಾ ವಿ॒ಪಶ್ಯನ್॑ ॥ ಓಂ ಭೂರ್ಭುವಸ್ಸುವಃ ಸೂರ್ಯಗ್ರಹೇ ಆಗಚ್ಛ ।

ಸೂರ್ಯಗ್ರಹಂ ರಕ್ತವರ್ಣಂ ರಕ್ತಗಂಧಂ ರಕ್ತಪುಷ್ಪಂ ರಕ್ತಮಾಲ್ಯಾಂಬರಧರಂ ರಕ್ತಚ್ಛತ್ರ ಧ್ವಜಪತಾಕಾದಿ ಶೋಭಿತಂ ದಿವ್ಯರಥಸಮಾರುಢಂ ಮೇರುಂ ಪ್ರದಕ್ಷಿಣೀ ಕುರ್ವಾಣಂ ಪ್ರಾಙ್ಮುಖಂ ಪದ್ಮಾಸನಸ್ಥಂ ದ್ವಿಭುಜಂ ಸಪ್ತಾಶ್ವಂ ಸಪ್ತರಜ್ಜುಂ ಕಳಿಂಗದೇಶಾಧಿಪತಿಂ ಕಾಶ್ಯಪಸಗೋತ್ರಂ ಪ್ರಭವಸಂವಁತ್ಸರೇ ಮಾಘಮಾಸೇ ಶುಕ್ಲಪಕ್ಷೇ ಸಪ್ತಮ್ಯಾಂ ಭಾನುವಾಸರೇ ಅಶ್ವಿನೀ ನಕ್ಷತ್ರೇ ಜಾತಂ ಸಿಂಹರಾಶ್ಯಧಿಪತಿಂ ಕಿರೀಟಿನಂ ಸುಖಾಸೀನಂ ಪತ್ನೀಪುತ್ರಪರಿವಾರ ಸಮೇತಂ ಗ್ರಹಮಂಡಲೇ ಪ್ರವಿಷ್ಠಮಸ್ಮಿನ್ನಧಿಕರಣೇ ವರ್ತುಲಾಕಾರಮಂಡಲೇ ಸ್ಥಾಪಿತ ಸ್ವರ್ಣಪ್ರತಿಮಾರೂಪೇಣ ಸೂರ್ಯಗ್ರಹಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಅ॒ಗ್ನಿಂ ದೂ॒ತಂ-ವೃಁ॑ಣೀಮಹೇ॒ ಹೋತಾ॑ರಂ-ವಿಁ॒ಶ್ವವೇ॑ದಸಮ್ । ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತುಂ॑᳚ ॥ (ಋ.1.12.1) ಸೂರ್ಯಗ್ರಹಸ್ಯ ಅಧಿದೇವತಾಃ ಅಗ್ನಿಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಸೂರ್ಯಗ್ರಹಸ್ಯ ದಕ್ಷಿಣತಃ ಅಗ್ನಿಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಕದ್ರು॒ದ್ರಾಯ॒ ಪ್ರಚೇ॑ತಸೇ ಮೀ॒ಢುಷ್ಟ॑ಮಾಯ॒ ತವ್ಯ॑ಸೇ। ವೋ॒ಚೇಮ॒ ಶಂತ॑ಮಂ ಹೃ॒ದೇ ॥ (ಋ.1.43.1) ಸೂರ್ಯಗ್ರಹಸ್ಯ ಪ್ರತ್ಯಧಿದೇವತಾಃ ರುದ್ರಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಸೂರ್ಯಗ್ರಹಸ್ಯ ಉತ್ತರತಃ ರುದ್ರಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

2. ಚಂದ್ರ ಗ್ರಹಂ ಓಂ ಆಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑ಸ್ಸೋಮ॒ ವೃಷ್ಣಿ॑ಯಮ್ । ಭವಾ॒ ವಾಜ॑ಸ್ಯ ಸಂಗ॒ಥೇ ॥ ಓಂ ಭೂರ್ಭುವಸ್ಸುವಃ ಚಂದ್ರಗ್ರಹೇ ಆಗಚ್ಛ ।

ಚಂದ್ರಗ್ರಹಂ ಶ್ವೇತವರ್ಣಂ ಶ್ವೇತಗಂಧಂ ಶ್ವೇತಪುಷ್ಪಂ ಶ್ವೇತಮಾಲ್ಯಾಂಬರಧರಂ ಶ್ವೇತಚ್ಛತ್ರ ಧ್ವಜಪತಾಕಾದಿಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಪ್ರದಕ್ಷಿಣೀ ಕುರ್ವಾಣಂ ದಶಾಶ್ವರಥವಾಹನಂ ಪ್ರತ್ಯಙ್ಮುಖಂ ದ್ವಿಭುಜಂ ದಂಡಧರಂ-ಯಾಁಮುನದೇಶಾಧಿಪತಿಂ ಆತ್ರೇಯಸಗೋತ್ರಂ ಸೌಮ್ಯ ಸಂವಁತ್ಸರೇ ಕಾರ್ತೀಕಮಾಸೇ ಶುಕ್ಲಪಕ್ಷೇ ಪೌರ್ಣಮಾಸ್ಯಾಂ ಇಂದುವಾಸರೇ ಕೃತ್ತಿಕಾ ನಕ್ಷತ್ರೇ ಜಾತಂ ಕರ್ಕಟರಾಶ್ಯಧಿಪತಿಂ ಕಿರೀಟಿನಂ ಸುಖಾಸೀನಂ ಪತ್ನೀಪುತ್ರಪರಿ ವಾರಸಮೇತಂ ಗ್ರಹಮಂಡಲೇ ಪ್ರವಿಷ್ಠಮಸ್ಮಿನ್ನಧಿ ಕರಣೇ ಸೂರ್ಯಗ್ರಹಸ್ಯ ಆಗ್ನೇಯದಿಗ್ಭಾಗೇ ಸಮಚತುರಶ್ರಮಂಡಲೇ ಸ್ಥಾಪಿತ ರಜತಪ್ರತಿಮಾ ರೂಪೇಣ ಚಂದ್ರಗ್ರಹಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಅ॒ಪ್ಸುಮೇ॒ ಸೋಮೋ॑ ಅಬ್ರವೀದಂ॒ತರ್ವಿಶ್ವಾ॑ನಿ ಭೇಷ॒ಜಾ । ಅ॒ಗ್ನಿಂಚ॑ ವಿ॒ಶ್ವಶಂ॑ಭುವ॒ಮಾಪ॑ಶ್ಚ ವಿ॒ಶ್ವಭೇ॑ಷಜೀಃ ॥ ಚಂದ್ರಗ್ರಹಸ್ಯ ಅಧಿದೇವತಾಃ ಅಪಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಚಂದ್ರಗ್ರಹಸ್ಯ ದಕ್ಷಿಣತಃ ಆಪಃ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಗೌ॒ರೀ ಮಿ॑ಮಾಯ ಸಲಿ॒ಲಾನಿ॒ ತಕ್ಷ॒ತ್ಯೇಕ॑ಪದೀ ದ್ವಿ॒ಪದೀ॒ ಸಾ ಚತು॑ಷ್ಪದೀ । ಅ॒ಷ್ಟಾಪ॑ದೀ॒ ನವ॑ಪದೀ ಬಭೂ॒ವುಷೀ॑ ಸ॒ಹಸ್ರಾ᳚ಕ್ಷರಾ ಪರ॒ಮೇ ವ್ಯೋ॑ಮನ್ನ್ ॥ ಚಂದ್ರಗ್ರಹಸ್ಯ ಪ್ರತ್ಯಧಿದೇವತಾಃ ಗೌರೀಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತಿಪುತ್ರಪರಿವಾರಸಮೇತಂ ಚಂದ್ರಗ್ರಹಸ್ಯ ಉತ್ತರತಃ ಗೌರೀಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

3. ಅಂಗಾರಕ ಗ್ರಹಂ ಓಂ ಅ॒ಗ್ನಿರ್ಮೂ॒ರ್ಧಾ ದಿ॒ವಃ ಕ॒ಕುತ್ಪತಿಃ॑ ಪೃಥಿ॒ವ್ಯಾ ಅ॒ಯಮ್ । ಅ॒ಪಾಗ್ಂರೇತಾಗ್ಂ॑ಸಿ ಜಿನ್ವತಿ ॥ ಓಂ ಭೂರ್ಭುವಸ್ಸುವಃ ಅಂಗಾರಕಗ್ರಹೇ ಆಗಚ್ಛ ।

ಅಂಗಾರಕ ಗ್ರಹಂ ರಕ್ತವರ್ಣಂ ರಕ್ತಗಂಧಂ ರಕ್ತಪುಷ್ಪಂ ರಕ್ತಮಾಲ್ಯಾಂಬರಧರಂ ರಕ್ತಚ್ಛತ್ರಧ್ವಜಪತಾಕಾದಿಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಪ್ರದಕ್ಷಿಣೀ ಕುರ್ವಾಣಂ ಮೇಷವಾಹನಂ ದಕ್ಷಿಣಾಭಿಮುಖಂ ಚತುರ್ಭುಜಂ ಗದಾಶೂಲಶಕ್ತಿಧರಂ ಅವಂತೀ ದೇಶಾಧಿಪತಿಂ ಭಾರದ್ವಾಜಸಗೋತ್ರಂ ರಾಕ್ಷಸನಾಮ ಸಂವಁತ್ಸರೇ ಆಷಾಢಮಾಸೇ ಶುಕ್ಲಪಕ್ಷೇ ದಶಮ್ಯಾಂ ಭೌಮವಾಸರೇ ಅನೂರಾಧಾ ನಕ್ಷತ್ರೇ ಜಾತಂ ಮೇಷ ವೃಶ್ಚಿಕ ರಾಶ್ಯಾಧಿಪತಿಂ ಕಿರೀಟಿನಂ ಸುಖಾಸೀನಂ ಪತ್ನೀಪುತ್ರಪರಿವಾರಸಮೇತಂ ಗ್ರಹಮಂಡಲೇ ಪ್ರವಿಷ್ಟಮಸ್ಮಿನ್ನಧಿಕರಣೇ ಸೂರ್ಯಗ್ರಹಸ್ಯ ದಕ್ಷಿಣದಿಗ್ಭಾಗೇ ತ್ರಿಕೋಣಾಕಾರಮಂಡಲೇ ಸ್ಥಾಪಿತ ತಾಮ್ರಪ್ರತಿಮಾರೂಪೇಣ ಅಂಗಾರಕಗ್ರಹಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

ಓಂ ಸ್ಯೋ॒ನಾ ಪೃ॑ಥಿವಿ॒ ಭವಾ॑ಽನೃಕ್ಷ॒ರಾ ನಿ॒ವೇಶ॑ನೀ । ಯಚ್ಛಾ॑ನ॒ಶ್ಶರ್ಮ॑ ಸ॒ಪ್ರಥಾಃ᳚ ॥ ಅಂಗಾರಕಗ್ರಹಸ್ಯ ಅಧಿದೇವತಾಃ ಪೃಥಿವೀಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪುತ್ರಪರಿವಾರಸಮೇತಂ ಅಂಗಾರಕಗ್ರಹಸ್ಯ ದಕ್ಷಿಣತಃ ಪೃಥಿವೀಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಕ್ಷೇತ್ರ॑ಸ್ಯ॒ ಪತಿ॑ನಾ ವ॒ಯಗ್ಂಹಿ॒ತೇ ನೇ॑ವ ಜಯಾಮಸಿ । ಗಾಮಶ್ವಂ॑ ಪೋಷ್ ಅಯಿ॒ತ್ನ್ವಾ ಸ ನೋ॑ ಮೃಡಾತೀ॒ದೃಶೇ᳚ ॥ ಅಂಗಾರಕಗ್ರಹಸ್ಯ ಪ್ರತ್ಯಧಿದೇವತಾಃ ಕ್ಷೇತ್ರಪಾಲಕಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಅಂಗಾರಕಗ್ರಹಸ್ಯ ಉತ್ತರತಃ ಕ್ಷೇತ್ರಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

4. ಬುಧ ಗ್ರಹಂ ಓಂ ಉದ್ಬು॑ಧ್ಯಸ್ವಾಗ್ನೇ॒ ಪ್ರತಿ॑ಜಾಗೃಹ್ಯೇನಮಿಷ್ಟಾಪೂ॒ರ್ತೇ ಸಗ್ಂಸೃ॑ಜೇಥಾಮ॒ಯಂಚ॑ । ಪುನಃ॑ ಕೃ॒ಣ್ವಗ್ಗ್‍ಸ್ತ್ವಾ॑ ಪಿ॒ತರಂ॒-ಯುಁವಾ॑ನಮ॒ನ್ವಾತಾಗ್ಂ॑ಸೀ॒ತ್ತ್ವಯಿ॒ ತಂತು॑ಮೇ॒ತಮ್ ॥ ಓಂ ಭೂರ್ಭುವಸ್ಸುವಃ ಬುಧಗ್ರಹೇ ಆಗಚ್ಛ ।

ಬುಧಗ್ರಹಂ ಪೀತವರ್ಣಂ ಪೀತಗಂಧಂ ಪೀತಪುಷ್ಪಂ ಪೀತಮಾಲ್ಯಾಂಬರಧರಂ ಪೀತಚ್ಛತ್ರ ಧ್ವಜಪತಾಕಾದಿ ಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಪ್ರದಕ್ಷಿಣೀ ಕುರ್ವಾಣಂ ಸಿಂಹವಾಹನಂ ಉದಙ್ಮುಖಂ ಮಗಧದೇಶಾಧಿಪತಿಂ ಚತುರ್ಭುಜಂ ಖಡ್ಗಚರ್ಮಾಂಬರಧರಂ ಆತ್ರೇಯಸಗೋತ್ರಂ ಅಂಗೀರಸನಾಮಸಂವಁತ್ಸರೇ ಮಾರ್ಗಶೀರ್ಷಮಾಸೇ ಶುಕ್ಲಪಕ್ಷೇ ಸಪ್ತಮ್ಯಾಂ ಸೌಮ್ಯವಾಸರೇ ಪೂರ್ವಾಭಾದ್ರಾ ನಕ್ಷತ್ರೇ ಜಾತಂ ಮಿಥುನ ಕನ್ಯಾ ರಾಶ್ಯಧಿಪತಿಂ ಕಿರೀಟಿನಂ ಸುಖಾಸೀನಂ ಪತ್ನೀಪುತ್ರ ಪರಿವಾರಸಮೇತಂ ಗ್ರಹಮಂಡಲೇ ಪ್ರವಿಷ್ಟಮಸ್ಮಿನ್ನಧಿಕರಣೇ ಸೂರ್ಯಗ್ರಹಸ್ಯ ಈಶಾನ್ಯದಿಗ್ಭಾಗೇ ಬಾಣಾಕಾರಮಂಡಲೇ ಸ್ಥಾಪಿತ ಕಾಂಸ್ಯಪ್ರತಿಮಾರೂಪೇಣ ಬುಧಗ್ರಹಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಇ॒ದಂ-ವಿಁಷ್ಣು॒ರ್ವಿಚ॑ಕ್ರಮೇ ತ್ರೇ॒ಧಾ ನಿದ॑ಧೇ ಪ॒ದಮ್ । ಸಮೂ॑ಢಮಸ್ಯಪಾಗ್ಂ ಸು॒ರೇ ॥ ವಿಷ್ಣೋ॑ ರ॒ರಾಟ॑ಮಸಿ॒ ವಿಷ್ಣೋಃ᳚ ಪೃ॒ಷ್ಠಮ॑ಸಿ॒ ವಿಷ್ಣೋ॒ಶ್ಶ್ನಪ್ತ್ರೇ᳚ಸ್ಥೋ॒ ವಿಷ್ಣೋ॒ಸ್ಸ್ಯೂರ॑ಸಿ॒ ವಿಷ್ಣೋ᳚ರ್ಧ್ರು॒ವಮ॑ಸಿ ವೈಷ್ಣ॒ವಮ॑ಸಿ॒ ವಿಷ್ಣ॑ವೇ ತ್ವಾ ॥ ಬುಧಗ್ರಹಸ್ಯ ಅಧಿದೇವತಾಃ ವಿಷ್ಣುಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಬುಧಗ್ರಹಸ್ಯ ದಕ್ಷಿಣತಃ ವಿಷ್ಣುಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಸ॒ಹಸ್ರ॑ಶೀರ್ಷಾ॒ ಪುರು॑ಷಃ । ಸ॒ಹ॒ಸ್ರಾ॒ಕ್ಷಃ ಸ॒ಹಸ್ರ॑ಪಾತ್ । ಸ ಭೂಮಿಂ॑-ವಿಁ॒ಶ್ವತೋ॑ ವೃ॒ತ್ವಾ । ಅತ್ಯ॑ತಿಷ್ಠದ್ದಶಾಂಗು॒ಲಮ್ । ಬುಧಗ್ರಹಸ್ಯ ಪ್ರತ್ಯಧಿದೇವತಾಃ ನಾರಾಯಣಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಬುಧಗ್ರಹಸ್ಯ ಉತ್ತರತಃ ನಾರಾಯಣಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

5. ಬೃಹಸ್ಪತಿ ಗ್ರಹಂ ಓಂ ಬೃಹ॑ಸ್ಪತೇ॒ ಅತಿ॒ಯದ॒ರ್ಯೋ ಅರ್ಹಾ᳚ದ್ದ್ಯು॒ಮದ್ವಿ॒ಭಾತಿ॒ ಕ್ರತು॑ಮ॒ಜ್ಜನೇ॑ಷು । ಯದ್ದೀ॒ದಯ॒ಚ್ಚವ॑ಸರ್ತಪ್ರಜಾತ॒ ತದ॒ಸ್ಮಾಸು॒ ದ್ರವಿ॑ಣಂಧೇಹಿ ಚಿ॒ತ್ರಮ್ ॥ ಓಂ ಭೂರ್ಭುವಸ್ಸುವಃ ಬೃಹಸ್ಪತಿಗ್ರಹೇ ಆಗಚ್ಛ ।

ಬೃಹಸ್ಪತಿಗ್ರಹಂ ಕನಕವರ್ಣಂ ಕನಕಗಂಧಂ ಕನಕಪುಷ್ಪಂ ಕನಕಮಾಲ್ಯಾಂಬರಧರಂ ಕನಕಚ್ಛತ್ರ ಧ್ವಜಪತಾಕಾದಿಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಪ್ರದಕ್ಷಿಣೀಕುರ್ವಾಣಾಂ ಪೂರ್ವಾಭಿಮುಖಂ ಪದ್ಮಾಸನಸ್ಥಂ ಚತುರ್ಭುಜಂ ದಂಡಾಕ್ಷಮಾಲಾಧಾರಿಣಂ ಸಿಂಧು ದ್ವೀಪದೇಶಾಧಿಪತಿಂ ಆಂಗೀರಸಗೋತ್ರಂ ಆಂಗೀರಸಸಂವಁತ್ಸರೇ ವೈಶಾಖೇಮಾಸೇ ಶುಕ್ಲಪಕ್ಷೇ ಏಕಾದಶ್ಯಾಂ ಗುರುವಾಸರೇ ಉತ್ತರಾ ನಕ್ಷತ್ರೇ ಜಾತಂ ಧನುರ್ಮೀನರಾಶ್ಯಧಿಪತಿಂ ಕಿರೀಟಿನಂ ಸುಖಾಸೀನಂ ಪತ್ನೀಪುತ್ರಪರಿವಾರಸಮೇತಂ ಗ್ರಹಮಂಡಲೇ ಪ್ರವಿಷ್ಟಮಸ್ಮಿನ್ನಧಿಕರಣೇ ಸೂರ್ಯಗ್ರಹಸ್ಯ ಉತ್ತರದಿಗ್ಭಾಗೇ ದೀರ್ಘಚತುರಸ್ರಾಕಾರಮಂಡಲೇ ಸ್ಥಾಪಿತ ತ್ರಪುಪ್ರತಿಮಾರೂಪೇಣ ಬೃಹಸ್ಪತಿಗ್ರಹಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಬ್ರಹ್ಮ॑ಜಜ್ಞಾ॒ನಂ ಪ್ರ॑ಥ॒ಮಂ ಪು॒ರಸ್ತಾ॒ದ್ವಿಸೀ॑ಮ॒ತಸ್ಸು॒ರುಚೋ॑ ವೇ॒ನ ಆ॑ವಃ । ಸಬು॒ಧ್ನಿಯಾ॑ ಉಪ॒ಮಾ ಅ॑ಸ್ಯ ವಿ॒ಷ್ಠಾಸ್ಸ॒ತಶ್ಚ॒ ಯೋನಿ॒ಮಸ॑ತಶ್ಚ॒ ವಿವಃ॑ ॥ ಬೃಹಸ್ಪತಿಗ್ರಹಸ್ಯ ಅಧಿದೇವತಾಂ ಬ್ರಹ್ಮಾಣಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಬೃಹಸ್ಪತಿಗ್ರಹಸ್ಯ ದಕ್ಷಿಣತಃ ಬ್ರಹ್ಮಾಣಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಇಂದ್ರ॑ಮರುತ್ವ ಇ॒ಹ ಪಾ॑ಹಿ॒ ಸೋಮಂ॒-ಯಁಥಾ॑ ಶಾರ್ಯಾ॒ತೇ ಅಪಿ॑ಬಸ್ಸು॒ತಸ್ಯ॑ । ತವ॒ ಪ್ರಣೀ॑ತೀ॒ ತವ॑ ಶೂರ॒ಶರ್ಮ॒ನ್ನಾವಿ॑ವಾಸಂತಿ ಕ॒ವಯ॑ಸ್ಸುಯ॒ಜ್ಞಾಃ ॥ ಬೃಹಸ್ಪತಿಗ್ರಹಸ್ಯ ಪ್ರತ್ಯಧಿದೇವತಾಃ ಇಂದ್ರಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಬೃಹಸ್ಪತಿಗ್ರಹಸ್ಯ ಉತ್ತರತಃ ಇಂದ್ರಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

6. ಶುಕ್ರ ಗ್ರಹಂ ಓಂ ಶು॒ಕ್ರಂ ತೇ॑ ಅ॒ನ್ಯದ್ಯ॑ಜ॒ತಂ ತೇ॑ ಅ॒ನ್ಯತ್ । ವಿಷು॑ರೂಪೇ॒ ಅಹ॑ನೀ॒ ದ್ಯೌರಿ॑ವಾಸಿ । ವಿಶ್ವಾ॒ ಹಿ ಮಾ॒ಯಾ ಅವ॑ಸಿ ಸ್ವಧಾವಃ । ಭ॒ದ್ರಾ ತೇ॑ ಪೂಷನ್ನಿ॒ಹ ರಾ॒ತಿರ॒ಸ್ತ್ವಿತಿ॑ । (ತೈ.ಆ.1.2.4.1) ಓಂ ಭೂರ್ಭುವಸ್ಸುವಃ ಶುಕ್ರಗ್ರಹೇ ಆಗಚ್ಛ ।

ಶುಕ್ರಗ್ರಹಂ ಶ್ವೇತವರ್ಣಂ ಶ್ವೇತಗಂಧಂ ಶ್ವೇತಪುಷ್ಪಂ ಶ್ವೇತಮಾಲ್ಯಾಂಬರಧರಂ ಶ್ವೇತಚ್ಛತ್ರ ಧ್ವಜಪತಾಕಾದಿಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಪ್ರದಕ್ಷಿಣೀ ಕುರ್ವಾಣಂ ಪೂರ್ವಾಭಿಮುಖಂ ಪದ್ಮಾಸಂಥಂ ಚತುರ್ಭುಜಂ ದಂಡಾಕ್ಷಮಾಲಾ ಜಟಾವಲ್ಕಲ ಧಾರಿಣಿಂ ಕಾಂಭೋಜ ದೇಶಾಧಿಪತಿಂ ಭಾರ್ಗವಸಗೋತ್ರಂ ಪಾರ್ಥಿವಸಂವಁತ್ಸರೇ ಶ್ರಾವಣಮಾಸೇ ಶುಕ್ಲಪಕ್ಷೇ ಅಷ್ಟಮ್ಯಾಂ ಭೃಗುವಾಸರೇ ಸ್ವಾತೀ ನಕ್ಷತ್ರೇ ಜಾತಂ ತುಲಾ ವೃಷಭರಾಶ್ಯಧಿಪತಿಂ ಕಿರೀಟಿನಂ ಸುಖಾಸೀನಂ ಪತ್ನೀಪುತ್ರಪರಿವಾರ ಸಮೇತಂ ಗ್ರಹಮಂಡಲೇ ಪ್ರವಿಷ್ಟಮಸ್ಮಿನ್ನಧಿಕರಣೇ ಸೂರ್ಯಗ್ರಹಸ್ಯ ಪ್ರಾಗ್ಭಾಗೇ ಪಂಚಕೋಣಾಕಾರ ಮಂಡಲೇ ಸ್ಥಾಪಿತ ಸೀಸ ಪ್ರತಿಮಾರೂಪೇಣ ಶೂಕ್ರಗ್ರಹಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಇಂ॒ದ್ರಾ॒ಣೀಮಾ॒ಸು ನಾರಿ॑ಷು ಸು॒ಪತ್.ಂಈ॑ಮ॒ಹಮ॑ಶ್ರವಮ್ । ನ ಹ್ಯ॑ಸ್ಯಾ ಅಪ॒ರಂಚ॒ನ ಜ॒ರಸಾ॒ ಮರ॑ತೇ॒ ಪತಿಃ॑ ॥ ಶುಕ್ರಗ್ರಹಸ್ಯ ಅಧಿದೇವತಾಂ ಇಂದ್ರಾಣೀಂ ಸಾಂಗಾಂ ಸಾಯುಧಾಂ ಸವಾಹನಂ ಸಶಕ್ತಿಂ ಪತಿಪುತ್ರಪರಿವಾರಸಮೇತಾಂ ಶುಕ್ರಗ್ರಹಸ್ಯ ದಕ್ಷಿಣತಃ ಇಂದ್ರಾಣೀಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಇಂದ್ರ॑ ಮರುತ್ವ ಇ॒ಹ ಪಾ॑ಹಿ॒ ಸೋಮಂ॒-ಯಁಥಾ॑ ಶಾರ್ಯಾ॒ತೇ ಅಪಿ॑ಬಃ ಸು॒ತಸ್ಯ॑ । ತವ॒ ಪ್ರಣೀ॑ತೀ॒ ತವ॑ ಶೂರ॒ ಶರ್ಮ॒ನ್ನಾ ವಿ॑ವಾಸಂತಿ ಕ॒ವಯಃ॑ ಸುಯ॒ಜ್ಞಾಃ ॥ (ಋ.3.51.7) ಶುಕ್ರಗ್ರಹಸ್ಯ ಪ್ರತ್ಯಧಿದೇವತಾಂ ಇಂದ್ರಮರುತ್ವಂತಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಶುಕ್ರಗ್ರಹಸ್ಯ ಉತ್ತರತಃ ಇಂದ್ರಮರುತ್ವಂತಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

7. ಶನಿ ಗ್ರಹಂ ಓಂ ಶಮ॒ಗ್ನಿರ॒ಗ್ನಿಭಿಃ॑ ಕರ॒ಚ್ಛಂ ನ॑ಸ್ತಪತು॒ ಸೂರ್ಯಃ॑ । ಶಂ-ವಾಁತೋ॑ ವಾತ್ವರ॒ಪಾ ಅಪ॒ ಸ್ತ್ರಿಧಃ॑ ॥ (ಋ.8.12.9) ಓಂ ಭೂರ್ಭುವಸ್ಸುವಃ ಶನೈಶ್ಚರಗ್ರಹೇ ಆಗಚ್ಛ ।

ಶನೈಶ್ಚರಗ್ರಹಂ ನೀಲವರ್ಣಂ ನೀಲಗಂಧಂ ನೀಲಪುಷ್ಪಂ ನೀಲಮಾಲ್ಯಾಂಬರಧರಂ ನೀಲಚ್ಛತ್ರ ಧ್ವಜಪತಾಕಾದಿಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಪ್ರದಕ್ಷಿಣೀ ಕುರ್ವಾಣಂ ಚಾಪಾಸನಸ್ಥಂ ಪ್ರತ್ಯಙ್ಮುಖಂ ಗೃದ್ರರಥಂ ಚತುರ್ಭುಜಂ ಶೂಲಾಯುಧಧರಂ ಸೌರಾಷ್ಟ್ರದೇಶಾಧಿಪತಿಂ ಕಾಶ್ಯಪಸಗೋತ್ರಂ-ವಿಁಶ್ವಾಮಿತ್ರ ಋಷಿಂ-ವಿಁಭವ ಸಂವಁತ್ಸರೇ ಪೌಷ್ಯಮಾಸೇ ಶುಕ್ಲಪಕ್ಷೇ ನವಮ್ಯಾಂ ಸ್ಥಿರವಾಸರೇ ಭರಣೀ ನಕ್ಷತ್ರೇ ಜಾತಂ ಮಕುರ ಕುಂಭ ರಾಶ್ಯಧಿಪತಿಂ ಕಿರೀಟಿನಂ ಸುಖಾಸೀನಂ ಪತ್ನೀಪುತ್ರಪರಿವಾರಸಮೇತಂ ಗ್ರಹಮಂಡಲೇ ಪ್ರವಿಷ್ಟಮಸ್ಮಿನ್ನಧಿಕರಣೇ ಸೂರ್ಯಗ್ರಹಸ್ಯ ಪಶ್ಚಿಮದಿಗ್ಭಾಗೇ ಧನುರಾಕಾರಮಂಡಲೇ ಸ್ಥಾಪಿತ ಅಯಃ ಪ್ರತಿಮಾರೂಪೇಣ ಶನೈಶ್ಚರಗ್ರಹಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ-ಯಁ॒ಮಾಯ॒ ಸೋಮಂ॑ ಸುನುತ ಯ॒ಮಾಯ॑ ಜುಹುತಾ ಹ॒ವಿಃ । ಯ॒ಮಂ ಹ॑ ಯ॒ಜ್ಞೋ ಗ॑ಚ್ಛತ್ಯ॒ಗ್ನಿದೂ॑ತೋ॒ ಅರಂ॑ಕೃತಃ ॥ (ಋ.10.14.13) ಶನೈಶ್ಚರಗ್ರಹಸ್ಯ ಅಧಿದೇವತಾಂ-ಯಁಮಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಶನೈಶ್ಚರಗ್ರಹಸ್ಯ ದಕ್ಷಿಣತಃ ಯಮಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಪ್ರಜಾ॑ಪತೇ॒ ನ ತ್ವದೇ॒ತಾನ್ಯ॒ನ್ಯೋ ವಿಶ್ವಾ॑ ಜಾ॒ತಾನಿ॒ ಪರಿ॒ ತಾ ಬ॑ಭೂವ । ಯತ್ಕಾ॑ಮಾಸ್ತೇ ಜುಹು॒ಮಸ್ತನ್ನೋ॑ ಅಸ್ತು ವ॒ಯಂ ಸ್ಯಾ॑ಮ॒ ಪತ॑ಯೋ ರಯೀ॒ಣಾಮ್ ॥ (ಋ.10.121.10) ಶನೈಶ್ಚರಗ್ರಹಸ್ಯ ಪ್ರತ್ಯಧಿದೇವತಾಂ ಪ್ರಜಾಪತಿಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಶನೈಶ್ಚರಗ್ರಹಸ್ಯ ಉತ್ತರತಃ ಪ್ರಜಾಪತಿಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

8. ರಾಹು ಗ್ರಹಂ ಓಂ ಕಯಾ॑ ನಶ್ಚಿ॒ತ್ರ ಆಭು॑ವದೂ॒ತೀ ಸ॒ದಾವೃ॑ಧ॒ಸ್ಸಖಾ᳚ । ಕಯಾ॒ ಶಚಿ॑ಷ್ಠಯಾ ವೃ॒ತಾ ॥ ಓಂ ಭೂರ್ಭುವಸ್ಸುವಃ ರಾಹುಗ್ರಹೇ ಆಗಚ್ಛ ।

ರಾಹುಗ್ರಹಂ ಧೂಮ್ರವರ್ಣಂ ಧೂಮ್ರಗಂಧಂ ಧೂಮ್ರಪುಷ್ಪಂ ಧೂಮ್ರಮಾಲ್ಯಾಂಬರಧರಂ ಧೂಮ್ರಚ್ಛತ್ರ ಧ್ವಜಪತಾಕಾದಿಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಅಪ್ರದಕ್ಷಿಣೀ ಕುರ್ವಾಣಂ ಸಿಂಹಾಸನಂ ನೈಋತಿ ಮುಖಂ ಶೂರ್ಪಾಸನಸ್ಥಂ ಚತುರ್ಭುಜಂ ಕರಾಳವಕ್ತ್ರಂ ಖಡ್ಗಚರ್ಮ ಧರಂ ಪೈಠೀನಸಗೋತ್ರಂ ಬರ್ಬರದೇಶಾಧಿಪತಿಂ ರಾಕ್ಷಸನಾಮಸಂವಁತ್ಸರೇ ಭಾದ್ರಪದಮಾಸೇ ಕೃಷ್ಣ ಪಕ್ಷೇ ಚತುರ್ದಶ್ಯಾಂ ಭಾನುವಾಸರೇ ವಿಶಾಖಾ ನಕ್ಷತ್ರೇ ಜಾತಂ ಸಿಂಹರಾಶಿ ಪ್ರಯುಕ್ತಂ ಕಿರೀಟಿನಂ ಸುಖಾಸೀನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಗ್ರಹಮಂಡಲೇ ಪ್ರವಿಷ್ಟಮಸ್ಮಿನ್ನಧಿಕರಣೇ ಸೂರ್ಯಗ್ರಹಸ್ಯ ನೈಋತಿದಿಗ್ಭಾಗೇ ಶೂರ್ಪಾಕಾರ ಮಂಡಲೇ ಸ್ಥಾಪಿತ ಲೋಹಪ್ರತಿಮಾ ರೂಪೇಣ ರಾಹುಗ್ರಹಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಆಽಯಂಗೌಃ ಪೃಶ್ನಿ॑ರಕ್ರಮೀ॒ದಸ॑ನನ್ಮಾ॒ತರಂ॒ ಪುನಃ॑ । ಪಿ॒ತರಂ॑ಚ ಪ್ರ॒ಯಂತ್ಸುವಃ॑ ॥ ರಾಹುಗ್ರಹಸ್ಯ ಅಧಿದೇವತಾಂ ಗಾಂ ಸಾಂಗಂ ಸಾಯುಧಂ ಸವಾಹನಾಂ ಸಶಕ್ತಿಂ ಪತಿಪುತ್ರಪರಿವಾರಸಮೇತಂ ರಾಹುಗ್ರಹಸ್ಯ ದಕ್ಷಿಣತಃ ಗಾಂ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ನಮೋ॑ ಅಸ್ತು ಸ॒ರ್ಪೇಭ್ಯೋ॒ ಯೇ ಕೇ ಚ॑ ಪೃಥಿ॒ವೀಂ ಅನು॑ । ಯೇ ಅಂ॒ತರಿ॑ಕ್ಷೇ॒ ಯೇ ದಿವಿ॒ ತೇಭ್ಯ॑ಸ್ಸ॒ರ್ಪೇಭ್ಯೋ॒ ನಮಃ॑ ॥ ರಾಹುಗ್ರಹಸ್ಯ ಪ್ರತ್ಯಧಿದೇವತಾಂ ಸರ್ಪಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ರಾಹುಗ್ರಹಸ್ಯ ಉತ್ತರತಃ ಸರ್ಪಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

9. ಕೇತು ಗ್ರಹಂ ಓಂ ಕೇ॒ತುಂಕೃ॒ಣ್ವನ್ನ॑ಕೇ॒ತವೇ॒ ಪೇಶೋ॑ ಮರ್ಯಾ ಅಪೇ॒ಶಸೇ᳚ । ಸಮು॒ಷದ್ಭಿ॑ರಜಾಯಥಾಃ ॥ ಓಂ ಭೂರ್ಭುವಸ್ಸುವಃ ಕೇತುಗಣೈಃ ಆಗಚ್ಛ ।

ಕೇತುಗಣಂ ಚಿತ್ರವರ್ಣಂ ಚಿತ್ರಗಂಧಂ ಚಿತ್ರಪುಷ್ಪಂ ಚಿತ್ರಮಾಲ್ಯಾಂಬರಧರಂ ಚಿತ್ರಚ್ಛತ್ರ ಧ್ವಜಪತಾಕಾದಿಶೋಭಿತಂ ದಿವ್ಯರಥಸಮಾರೂಢಂ ಮೇರುಂ ಅಪ್ರದಕ್ಷಿಣೀ ಕುರ್ವಾಣಂ ಧ್ವಜಾಸನಸ್ಥಂ ದಕ್ಷಿಣಾಭಿಮುಖಂ ಅಂತರ್ವೇದಿ ದೇಶಾಧಿಪತಿಂ ದ್ವಿಬಾಹುಂ ಗದಾಧರಂ ಜೈಮಿನಿ ಗೋತ್ರಂ ರಾಕ್ಷಸನಾಮ ಸಂವಁತ್ಸರೇ ಚೈತ್ರಮಾಸೇ ಕೃಷ್ಣಪಕ್ಷೇ ಚತುರ್ದಶ್ಯಾಂ ಇಂದುವಾಸರೇ ರೇವತೀ ನಕ್ಷತ್ರೇಜಾತಂ ಕರ್ಕಟಕರಾಶಿ ಪ್ರಯುಕ್ತಂ ಸಿಂಹಾಸನಾಸೀನಂ ಗ್ರಹಮಂಡಲೇ ಪ್ರವಿಷ್ಟಮಸ್ಮಿನ್ನಧಿಕರಣೇ ಸೂರ್ಯಗ್ರಹಸ್ಯ ವಾಯವ್ಯ ದಿಗ್ಭಾಗೇ ಧ್ವಜಾಕಾರ ಮಂಡಲೇ ಸ್ಥಾಪಿತ ಪಂಚಲೋಹ ಪ್ರತಿಮಾರೂಪೇಣ ಕೇತುಗಣಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಸಚಿ॑ತ್ರ ಚಿ॒ತ್ರಂ ಚಿ॒ತಯನ್᳚ತಮ॒ಸ್ಮೇ ಚಿತ್ರ॑ಕ್ಷತ್ರ ಚಿ॒ತ್ರತ॑ಮಂ-ವಁಯೋ॒ಧಾಮ್ । ಚಂ॒ದ್ರಂ ರ॒ಯಿಂ ಪು॑ರು॒ವೀರಂ᳚ ಬೃ॒ಹಂತಂ॒ ಚಂದ್ರ॑ಚಂ॒ದ್ರಾಭಿ॑ರ್ಗೃಣ॒ತೇ ಯು॑ವಸ್ವ ॥ ಕೇತುಗಣಸ್ಯ ಅಧಿದೇವತಾಂ ಚಿತ್ರಗುಪ್ತಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಕೇತುಗಣಸ್ಯ ದಕ್ಷಿಣತಃ ಚಿತ್ರಗುಪ್ತಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಓಂ ಬ್ರ॒ಹ್ಮಾ ದೇ॒ವಾನಾಂ᳚ ಪದ॒ವೀಃ ಕ॑ವೀ॒ನಾಮೃಷಿ॒ರ್ವಿಪ್ರಾ॑ಣಾಂ ಮಹಿ॒ಷೋ ಮೃ॒ಗಾಣಾ᳚ಮ್ । ಶ್ಯೇ॒ನೋಗೃಧ್ರಾ॑ಣಾ॒ಗ್॒ಸ್ವಧಿ॑ತಿ॒ರ್ವನಾ॑ನಾ॒ಗ್ಂ॒ ಸೋಮಃ॑ ಪ॒ವಿತ್ರ॒ಮತ್ಯೇ॑ತಿ॒ ರೇಭನ್॑ ॥ ಕೇತುಗಣಸ್ಯ ಪ್ರತ್ಯಧಿದೇವತಾಂ ಬ್ರಹ್ಮಾಣಂ ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಕೇತುಗ್ರಹಸ್ಯ ಉತ್ತರತಃ ಬ್ರಹ್ಮಾಣಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ।

ಅಧಿದೇವತಾ ಪ್ರತ್ಯಧಿದೇವತಾ ಸಹಿತಾದಿತ್ಯಾದಿ ನವಗ್ರಹ ದೇವತಾಭ್ಯೋ ನಮಃ ಧ್ಯಾಯಾಮಿ, ಆವಹಯಾಮಿ, ರತ್ನಸಿಂಹಾಸನಂ ಸಮರ್ಪಯಾಮಿ, ಪಾದ್ಯಂ ಸಮರ್ಪಯಾಮಿ, ಅರ್ಘ್ಯಂ ಸಮರ್ಪಯಾಮಿ, ಆಚಮನೀಯಂ ಸಮರ್ಪಯಾಮಿ, ಸ್ನಾನಂ ಸಮರ್ಪಯಾಮಿ, ಶುದ್ಧಾಚಮನೀಯಂ ಸಮರ್ಪಯಾಮಿ, ವಸ್ತ್ರಂ ಸಮರ್ಪಯಾಮಿ, ಯಜ್ಞೋಪವೀತಂ ಸಮರ್ಪಯಾಮಿ, ಗಂಧಂ ಸಮರ್ಪಯಾಮಿ, ಅಕ್ಷತಾನ್ ಸಮರ್ಪಯಾಮಿ, ಪುಷ್ಪಾಣಿ ಸಮರ್ಪಯಾಮಿ, ಧೂಪಮಾಘ್ರಾಪಯಾಮಿ, ದೀಪಂ ಸಮರ್ಪಯಾಮಿ, ನೈವೇದ್ಯಂ ಸಮರ್ಪಯಾಮಿ, ತಾಂಬೂಲಂ ಸಮರ್ಪಯಾಮಿ, ಮಂತ್ರಪುಷ್ಪಂ ಸಮರ್ಪಯಾಮಿ ।

ಅಧಿದೇವತಾ ಪ್ರತ್ಯಧಿದೇವತಾಸಹಿತಾದಿತ್ಯಾದಿ ನವಗ್ರಹ ದೇವತಾ ಪ್ರಸಾದಸಿದ್ಧಿರಸ್ತು ।

ಇಂದ್ರಾದಿ ಅಷ್ಟದಿಕ್ಪಾಲಕ ಪೂಜ

1. ಇಂದ್ರುಡು ಓಂ ಇಂದ್ರಂ॑-ವೋಁ ವಿ॒ಶ್ವತ॒ಸ್ಪರಿ॒ ಹವಾ॑ಮಹೇ॒ ಜನೇ॑ಭ್ಯಃ । ಅ॒ಸ್ಮಾಕ॑ಮಸ್ತು॒ ಕೇವ॑ಲಃ ॥ (ಋ.ವೇ.1.7.10) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಪ್ರಾಗ್ದಿಗ್ಭಾಗೇ ಇಂದ್ರಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

2. ಅಗ್ನಿ ಓಂ ಅ॒ಗ್ನಿಂ ದೂ॒ತಂ-ವೃಁ॑ಣೀಮಹೇ॒ ಹೋತಾ॑ರಂ-ವಿಁ॒ಶ್ವವೇ॑ದಸಮ್ । ಅ॒ಸ್ಯ ಯ॒ಜ್ಞಸ್ಯ॑ ಸು॒ಕ್ರತು॑ಮ್ ॥ (ಋ.ವೇ.1.12.1) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಆಗ್ನೇಯದಿಗ್ಭಾಗೇ ಅಗ್ನಿಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

3. ಯಮುಡು ಓಂ-ಯಁ॒ಮಾಯ॒ ಸೋಮಂ॑ ಸುನುತ ಯ॒ಮಾಯ॑ ಜುಹುತಾ ಹ॒ವಿಃ । ಯ॒ಮಂ ಹ॑ ಯ॒ಜ್ಞೋ ಗ॑ಚ್ಛತ್ಯ॒ಗ್ನಿದೂ॑ತೋ॒ ಅರಂ॑ಕೃತಃ ॥ (ಋ.10.14.13) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ದಕ್ಷಿಣದಿಗ್ಭಾಗೇ ಯಮಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

4. ನಿಋತಿ ಓಂ ಮೊ ಷು ಣಃ॒ ಪರಾ॑ಪರಾ॒ ನಿರ್‍ಋ॑ತಿರ್ದು॒ರ್ಹಣಾ॑ ವಧೀತ್ । ಪ॒ದೀ॒ಷ್ಟ ತೃಷ್ಣ॑ಯಾ ಸ॒ಹ ॥ (ಋ.1.38.06) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ನೈಋತಿದಿಗ್ಭಾಗೇ ನಿರ್‍ಋತಿಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

5. ವರುಣುಡು ಓಂ ಇ॒ಮಂ ಮೇ॑ ವರುಣ ಶ್ರುಧೀ॒ ಹವ॑ ಮ॒ದ್ಯಾ ಚ॑ ಮೃಡಯ । ತ್ವಾಮ॑ವ॒ಸ್ಯು ರಾಚ॑ಕೇ । ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಪಶ್ಚಿಮದಿಗ್ಭಾಗೇ ವರುಣಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

6. ವಾಯುವು ಓಂ ತವ॑ ವಾಯವೃತಸ್ಪತೇ॒ ತ್ವಷ್ಟು॑ರ್ಜಾಮಾತರದ್ಭುತ । ಅವಾಂ॒ಸ್ಯಾ ವೃ॑ಣೀಮಹೇ । (ಋ.8.21.20) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ-ವಾಁಯುವ್ಯದಿಗ್ಭಾಗೇ ವಾಯುಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

7. ಕುಬೇರುಡು ಓಂ ಸೋಮೋ॑ ಧೇ॒ನುಂ ಸೋಮೋ॒ ಅರ್ವಂ॑ತಮಾ॒ಶುಂ ಸೋಮೋ॑ ವೀ॒ರಂ ಕ॑ರ್ಮ॒ಣ್ಯಂ॑ ದದಾತಿ । ಸಾ॒ದ॒ನ್ಯಂ॑-ವಿಁದ॒ಥ್ಯಂ॑ ಸ॒ಭೇಯಂ॑ ಪಿತೃ॒ಶ್ರವ॑ಣಂ॒-ಯೋಁ ದದಾ॑ಶದಸ್ಮೈ ॥ (ಋ.1.91.20) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಉತ್ತರದಿಗ್ಭಾಗೇ ಕುಬೇರಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

8. ಈಶಾನುಡು ಓಂ ತಮೀಶಾ॑ನಂ॒ ಜಗ॑ತಸ್ತ॒ಸ್ಥುಷ॒ಸ್ಪತಿಂ॑ ಧಿಯಂಜಿ॒ನ್ವಮವ॑ಸೇ ಹೂಮಹೇ ವ॒ಯಮ್ । ಪೂ॒ಷಾ ನೋ॒ ಯಥಾ॒ ವೇದ॑ಸಾ॒ಮಸ॑ದ್ವೃ॒ಧೇ ರ॑ಕ್ಷಿ॒ತಾ ಪಾ॒ಯುರದ॑ಬ್ಧಃ ಸ್ವ॒ಸ್ತಯೇ॑ ॥ (ಋ.1.89.5) ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಈಶಾನದಿಗ್ಭಾಗೇ ಈಶಾನಂ ದಿಕ್ಪಾಲಕಮಾವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

ಇಂದ್ರಾದಿ ಅಷ್ಟದಿಕ್ಪಾಲಕದೇವತಾಭ್ಯೋ ನಮಃ ಧ್ಯಾಯಾಮಿ, ಆವಹಯಾಮಿ, ರತ್ನಸಿಂಹಾಸನಂ ಸಮರ್ಪಯಾಮಿ, ಪಾದ್ಯಂ ಸಮರ್ಪಯಾಮಿ, ಅರ್ಘ್ಯಂ ಸಮರ್ಪಯಾಮಿ, ಆಚಮನೀಯಂ ಸಮರ್ಪಯಾಮಿ, ಸ್ನಾನಂ ಸಮರ್ಪಯಾಮಿ, ಶುದ್ಧಾಚಮನೀಯಂ ಸಮರ್ಪಯಾಮಿ, ವಸ್ತ್ರಂ ಸಮರ್ಪಯಾಮಿ, ಯಜ್ಞೋಪವೀತಂ ಸಮರ್ಪಯಾಮಿ, ಗಂಧಂ ಸಮರ್ಪಯಾಮಿ, ಅಕ್ಷತಾನ್ ಸಮರ್ಪಯಾಮಿ, ಪುಷ್ಪಾಣಿ ಸಮರ್ಪಯಾಮಿ, ಧೂಪಮಾಘ್ರಾಪಯಾಮಿ, ದೀಪಂ ಸಮರ್ಪಯಾಮಿ, ನೈವೇದ್ಯಂ ಸಮರ್ಪಯಾಮಿ, ತಾಂಬೂಲಂ ಸಮರ್ಪಯಾಮಿ, ಮಂತ್ರಪುಷ್ಪಂ ಸಮರ್ಪಯಾಮಿ ।

ಇಂದ್ರಾದಿ ಅಷ್ಟದಿಕ್ಪಾಲಕ ದೇವತಾ ಪ್ರಸಾದಸಿದ್ಧಿರಸ್ತು ।

ಷೋಡಶೋಪಚಾರ ಪೂಜ

ಪಂಚಾಮೃತ ಸ್ನಾನಂ 1. ಆಪ್ಯಾಯಸ್ಯೇತಿ ಕ್ಷೀರಂ (milk) – ಓಂ ಆಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑ಸ್ಸೋಮ॒ ವೃಷ್ಣಿ॑ಯಮ್ । ಭವಾ॒ ವಾಜ॑ಸ್ಯ ಸಂಗ॒ಥೇ ॥ ಕ್ಷೀರೇಣ ಸ್ನಪಯಾಮಿ ॥

2. ದಧಿಕ್ರಾವ್ಣೋ ಇತಿ ದಧಿ (yogurt) – ಓಂ ದ॒ಧಿ॒ಕ್ರಾವ್ಣೋ॑ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನಃ॑ । ಸು॒ರಭಿ ನೋ॒ ಮುಖಾ॑ ಕರ॒ತ್ಪ್ರಣ॒ ಆಯೂಗ್ಂ॑ಷಿ ತಾರಿಷತ್ ॥ ದಧ್ನಾ ಸ್ನಪಯಾಮಿ ॥

3. ಶುಕ್ರಮಸೀತಿ ಆಜ್ಯಂ (ghee) – ಓಂ ಶು॒ಕ್ರಮ॑ಸಿ॒ ಜ್ಯೋತಿ॑ರಸಿ॒ ತೇಜೋ॑ಸಿ ದೇ॒ವೋವ॑ಸ್ಸವಿ॒ತೋತ್ಪು॑ನಾ॒ತು ಅಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒ಸ್ಸೂರ್ಯ॑ಸ್ಯ ರ॒ಶ್ಮಿಭಿಃ॑ । ಆಜ್ಯೇನ ಸ್ನಪಯಾಮಿ ॥

4. ಮಧುವಾತಾ ಋತಾಯತೇ ಇತಿ ಮಧು (honey) – ಓಂ ಮಧು॒ವಾತಾ॑ ಋತಾಯ॒ತೇ ಮಧು॑ಕ್ಷರಂತಿ॒ ಸಿಂಧ॑ವಃ । ಮಾಧ್ವೀ᳚ರ್ನಃ ಸಂ॒ತ್ವೌಷ॑ಧೀಃ । ಮಧು॒ನಕ್ತ॑ಮು॒ತೋಷ॑ಸಿ॒ ಮಧು॑ಮ॒ತ್ಪಾರ್ಥಿ॑ವ॒ಗ್ಂ॒ ರಜಃ॑ । ಮಧು॒ದ್ಯೌರ॑ಸ್ತು ನಃ ಪಿ॒ತಾ । ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಗ್‍ಂ ಅಸ್ತು॒ ಸೂರ್ಯಃ॑ । ಮಾಧ್ವೀ॒ರ್ಗಾವೋ॑ ಭವಂತು ನಃ । ಮಧುನಾ ಸ್ನಪಯಾಮಿ ॥

5. ಸ್ವಾದುಃ ಪವಸ್ಯೇತಿ ಶರ್ಕರಾ (sugar) – ಓಂ ಸ್ವಾ॒ದುಃ ಪ॑ವಸ್ವ ದಿ॒ವ್ಯಾಯ॒ ಜನ್ಮ॑ನೇ । ಸ್ವಾ॒ದುರಿಂದ್ರಾ᳚ಯ ಸು॒ಹವೀ᳚ತು ನಾಮ್ನೇ । ಸ್ವಾ॒ದುರ್ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ॒ । ಬೃಹ॒ಸ್ಪತ॑ಯೇ॒ ಮಧು॑ಮಾಂ॒ ಅದಾ᳚ಭ್ಯಃ । ಶರ್ಕರೇಣ ಸ್ನಪಯಾಮಿ ॥

ಫಲೋದಕಂ (coconut water) ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾಯಾಶ್ಚ॑ ಪು॒ಷ್ಪಿಣೀಃ॑ । ಬೃಹ॒ಸ್ಪತಿ॑ ಪ್ರಸೂತಾ॒ಸ್ತಾನೋ॑ ಮುನ್ಚಂ॒ತ್ವಗ್‍ಂ ಹ॑ಸಃ ॥ ಫಲೋದಕೇನ ಸ್ನಪಯಾಮಿ ॥

(take the Vishnu image out and wash it with clean water, while reciting the following) ಶುದ್ಧೋದಕಂ ಓಂ ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ । ಯೋ ವಃ॑ ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ ಹ ನಃ॑ । ಉ॒ಶ॒ತೀರಿ॑ವ ಮಾ॒ತ॑ರಃ । ತಸ್ಮಾ॒ ಅರಂ॑ಗಮಾಮವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ । ಶುದ್ಧೋದಕೇನ ಸ್ನಪಯಾಮಿ ।

(wipe the Vishnu image with a fresh cloth, decorate it with Gandham and Kumkuma, keep it in a betal leaf and place it in the Mandapa close to the Kalasha)

ಓಂ ನಾ॒ರಾ॒ಯ॒ಣಾಯ॑ ವಿ॒ದ್ಮಹೇ॑ ವಾಸುದೇ॒ವಾಯ॑ ಧೀಮಹಿ । ತನ್ನೋ॑ ವಿಷ್ಣುಃ ಪ್ರಚೋ॒ದಯಾ᳚ತ್ ॥ ಓಂ ಮ॒ಹಾ॒ದೇ॒ವ್ಯೈ ಚ॑ ವಿ॒ದ್ಮಹೇ॑ ವಿಷ್ಣುಪ॒ತ್ನೀ ಚ॑ ಧೀಮಹಿ । ತನ್ನೋ॑ ಲಕ್ಷ್ಮೀಃ ಪ್ರಚೋ॒ದಯಾ᳚ತ್ ॥

ಅಸ್ಮಿನ್ಕಲಶೇ ಅಸ್ಯಾಂ ಪ್ರತಿಮಾಯಾಂ ಶ್ರೀರಮಾಸಹಿತ ಸತ್ಯನಾರಾಯಣ ಸ್ವಾಮಿನ್ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

ಪ್ರಾಣಪ್ರತಿಷ್ಠಾಪನಂ ಓಂ ಅಸ್ಯ ಶ್ರೀ ಪ್ರಾಣಪ್ರತಿಷ್ಠಾಪನ ಮಹಾಮಂತ್ರಸ್ಯ ಬ್ರಹ್ಮವಿಷ್ಣುಮಹೇಶ್ವರಾ ಋಷಯಃ, ಋಗ್ಯಜುಸ್ಸಾಮಾಥರ್ವಾಣಿ ಛಂದಾಂಸಿ, ಪ್ರಾಣಶ್ಶಕ್ತಿಃ, ಪರಾ ದೇವತಾ, ಆಂ ಬೀಜಂ, ಹ್ರೀಂ ಶಕ್ತಿಃ, ಕ್ರೋಂ ಕೀಲಕಂ, ಶ್ರೀರಮಾಸಹಿತ ಸತ್ಯನಾರಾಯಣ ಸ್ವಾಮಿ ದೇವತಾ ಪ್ರಾಣಪ್ರತಿಷ್ಠಾರ್ಥೇ ವಿನಿಯೋಗಃ ।

ಕರನ್ಯಾಸಂ ಓಂ ಆಂ ಅಂಗುಷ್ಠಾಭ್ಯಾಂ ನಮಃ । ಓಂ ಹ್ರೀಂ ತರ್ಜನೀಭ್ಯಾಂ ನಮಃ । ಓಂ ಕ್ರೋಂ ಮಧ್ಯಮಾಭ್ಯಾಂ ನಮಃ । ಓಂ ಆಂ ಅನಾಮಿಕಾಭ್ಯಾಂ ನಮಃ । ಓಂ ಹ್ರೀಂ ಕನಿಷ್ಠಿಕಾಭ್ಯಾಂ ನಮಃ । ಓಂ ಕ್ರೋಂ ಕರತಲ ಕರಪೃಷ್ಠಾಭ್ಯಾಂ ನಮಃ ।

ಅಂಗನ್ಯಾಸಂ ಓಂ ಆಂ ಹೃದಯಾಯ ನಮಃ । ಓಂ ಹ್ರೀಂ ಶಿರಸೇ ಸ್ವಾಹಾ । ಓಂ ಕ್ರೋಂ ಶಿಖಯೈ ವಷಟ್ । ಓಂ ಆಂ ಕವಚಾಯ ಹುಮ್ । ಓಂ ಹ್ರೀಂ ನೇತ್ರತ್ರಯಾಯ ವೌಷಟ್ । ಓಂ ಕ್ರೋಂ ಅಸ್ತ್ರಾಯ ಫಟ್ । ಓಂ ಭೂರ್ಭುವಸ್ಸುವರೋಮಿತಿ ದಿಗ್ಬಂಧಃ ॥

ಧ್ಯಾನಂ ರಕ್ತಾಂಭೋಧಿಸ್ಥಪೋತೋಲ್ಲಸದರುಣಸರೋಜಾಧಿರೂಢಾ ಕರಾಬ್ಜೈಃ । ಪಾಶಂ ಕೋದಂಡಮಿಕ್ಷೂದ್ಭವಮಳಿಗುಣಮಪ್ಯಂಕುಶಂ ಚಾಪಬಾಣಾಮ್ । ಬಿಭ್ರಾಣಾ ಸೃಕ್ಕಪಾಲಂ ತ್ರಿಣಯನಲಸಿತಾ ಪೀನವಕ್ಷೋರುಹಾಢ್ಯಾ । ದೇವೀ ಬಾಲಾರ್ಕವರ್ಣಾ ಭವತು ಸುಖಕರೀ ಪ್ರಾಣಶಕ್ತಿಃ ಪರಾ ನಃ ।

ಓಂ ಶಾಂತಾಕಾರಂ ಭುಜಗಶಯನಂ ಪದ್ಮನಾಭಂ ಸುರೇಶಂ ವಿಶ್ವಾಕಾರಂ ಗಗನಸದೃಶಂ ಮೇಘವರ್ಣಂ ಶುಭಾಂಗಮ್ । ಲಕ್ಷ್ಮೀಕಾಂತಂ ಕಮಲನಯನಂ-ಯೋಁಗಿಹೃದ್ಧ್ಯಾನಗಮ್ಯಂ ವಂದೇ ವಿಷ್ಣುಂ ಭವಭಯಹರಂ ಸರ್ವಲೋಕೈಕನಾಥಮ್ ॥

ಓಂ ಆಂ ಹ್ರೀಂ ಕ್ರೋಂ ಕ್ರೋಂ ಹ್ರೀಂ ಆಂ-ಯಂಁ ರಂ-ಲಂಁ ವಂ ಶಂ ಷಂ ಸಂ ಹಂ-ಳಂಁ ಕ್ಷಂ ಹಂ ಸಃ ಸೋಽಹಮ್ । ಅಸ್ಯಾಂ ಮೂರ್ತೌ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿ ದೇವತಾ ಪ್ರಾಣಃ ಇಹ ಪ್ರಾಣಃ । ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿ ದೇವತಾ ಜೀವಃ ಇಹಃ ಸ್ಥಿತಃ । ಅಸ್ಯಾಂ ಮೂರ್ತೌ ಶ್ರೀ ರಮಾಸಹಿತ ಸತ್ಯನಾರಾಯಣಸ್ಯ ಸರ್ವೇಂದ್ರಿಯಾಣಿ ವಾಙ್ಮನಃ ತ್ವಕ್ ಚಕ್ಷುಃ ಶ್ರೋತ್ರ ಜಿಹ್ವಾ ಘ್ರಾಣ ವಾಕ್ಪಾಣಿಪಾದ ಪಾಯೂಪಸ್ಥಾನಿ ಇಹೈವಾಗತ್ಯ ಸುಖಂ ಚಿರಂ ತಿಷ್ಟಂತು ಸ್ವಾಹಾ ।

ಓಂ ಅಸು॑ನೀತೇ॒ ಪುನ॑ರ॒ಸ್ಮಾಸು॒ ಚಕ್ಷುಃ॒ ಪುನಃ॑ ಪ್ರಾ॒ಣಮಿ॒ಹ ನೋ᳚ ಧೇಹಿ॒ ಭೋಗ᳚ಮ್ । ಜ್ಯೋಕ್ಪ॑ಶ್ಯೇಮ॒ ಸೂರ್ಯ॑ಮು॒ಚ್ಚರಂ᳚ತ॒ ಮನು॑ಮತೇ ಮೃ॒ಡಯಾ᳚ ನಃ ಸ್ವ॒ಸ್ತಿ ॥ ಅ॒ಮೃತಂ॒-ವೈಁ ಪ್ರಾ॒ಣಾ ಅ॒ಮೃತ॒ಮಾಪಃ॑ ಪ್ರಾ॒ಣಾನೇ॒ವ ಯ॑ಥಾಸ್ಥಾ॒ನಮುಪ॑ಹ್ವಯತೇ ॥ ಆವಾಹಿತೋ ಭವ ಸ್ಥಾಪಿತೋ ಭವ । ಸುಪ್ರಸನ್ನೋ ಭವ ವರದೋ ಭವ ।

ಸ್ವಾಮಿನ್ ಸರ್ವಜಗನ್ನಾಥ ಯಾವತ್ಪೂಜಾವಸಾನಕಮ್ । ತಾವತ್ತ್ವಂ ಪ್ರೀತಿಭಾವೇನ ಕಲಶೇಽಸ್ಮಿನ್ ಸನ್ನಿಧಿಂ ಕುರು ॥

ಸಾಂಗಂ ಸಾಯುಧಂ ಸವಾಹನಂ ಸಶಕ್ತಿಂ ಪತ್ನೀಪುತ್ರಪರಿವಾರಸಮೇತಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಆವಾಹಯಾಮಿ ಸ್ಥಾಪಯಾಮಿ ಪೂಜಯಾಮಿ ॥

ಧ್ಯಾನಂ ಧ್ಯಾಯೇತ್ಸತ್ಯಂ ಗುಣಾತೀತಂ ಗುಣತ್ರಯಸಮನ್ವಿತಮ್ । ಲೋಕನಾಥಂ ತ್ರಿಲೋಕೇಶಂ ಕೌಸ್ತುಭಾಭರಣಂ ಹರಿಮ್ ॥ ಪೀತಾಂಬರಂ ನೀಲವರ್ಣಂ ಶ್ರೀವತ್ಸ ಪದಭೂಷಿತಮ್ । ಗೋವಿಂದಂ ಗೋಕುಲಾನಂದಂ ಬ್ರಹ್ಮಾದ್ಯೈರಪಿ ಪೂಜಿತಮ್ ॥ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಧ್ಯಾನಂ ಸಮರ್ಪಯಾಮಿ ॥

ಆವಾಹನಂ ಓಂ ಸ॒ಹಸ್ರ॑ಶೀರ್ಷಾ॒ ಪುರು॑ಷಃ । ಸ॒ಹ॒ಸ್ರಾ॒ಕ್ಷಃ ಸ॒ಹಸ್ರ॑ಪಾತ್ । ಸ ಭೂಮಿಂ॑-ವಿಁ॒ಶ್ವತೋ॑ ವೃ॒ತ್ವಾ । ಅತ್ಯ॑ತಿಷ್ಠದ್ದಶಾಂಗು॒ಲಮ್ । ಜ್ಯೋತಿಶ್ಶಾಂತಂ ಸರ್ವಲೋಕಾಂತರಸ್ಥಂ ಓಂಕಾರಾಖ್ಯಂ-ಯೋಁಗಿಹೃದ್ಧ್ಯಾನಗಮ್ಯಮ್ । ಸಾಂಗಂ ಶಕ್ತಿಂ ಸಾಯುಧಂ ಭಕ್ತಿಸೇವ್ಯಂ ಸರ್ವಾಕಾರಂ-ವಿಁಷ್ಣುಮಾವಾಹಯಾಮಿ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಆವಾಹನಂ ಸಮರ್ಪಯಾಮಿ ।

ಆಸನಂ ಪುರು॑ಷ ಏ॒ವೇದಗ್ಂ ಸರ್ವಂ᳚ । ಯದ್ಭೂ॒ತಂ-ಯಁಚ್ಚ॒ ಭವ್ಯಂ᳚ । ಉ॒ತಾಮೃ॑ತ॒ತ್ವಸ್ಯೇಶಾ॑ನಃ । ಯ॒ದನ್ನೇ॑ನಾತಿ॒ರೋಹ॑ತಿ । ಕಲ್ಪದ್ರುಮೂಲೇ ಮಣಿವೇದಿಮಧ್ಯೇ ಸಿಂಹಾಸನಂ ಸ್ವರ್ಣಮಯಂ-ವಿಁಚಿತ್ರಮ್ । ವಿಚಿತ್ರ ವಸ್ತ್ರಾವೃತಮಚ್ಯುತ ಪ್ರಭೋ ಗೃಹಾಣ ಲಕ್ಷ್ಮೀಧರಣೀಸಮೇತ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಆಸನಂ ಸಮರ್ಪಯಾಮಿ ।

ಪಾದ್ಯಂ ಏ॒ತಾವಾ॑ನಸ್ಯ ಮಹಿ॒ಮಾ । ಅತೋ॒ ಜ್ಯಾಯಾಗ್॑ಶ್ಚ॒ ಪೂರು॑ಷಃ । ಪಾದೋ᳚ಽಸ್ಯ॒ ವಿಶ್ವಾ॑ ಭೂ॒ತಾನಿ॑ । ತ್ರಿ॒ಪಾದ॑ಸ್ಯಾ॒ಮೃತಂ॑ ದಿ॒ವಿ । ನಾರಾಯಣ ನಮಸ್ತೇಽಸ್ತು ನರಕಾರ್ಣವತಾರಕ । ಪಾದ್ಯಂ ಗೃಹಾಣ ದೇವೇಶ ಮಮ ಸೌಖ್ಯಂ-ವಿಁವರ್ಥಯ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಪಾದಯೋಃ ಪಾದ್ಯಂ ಸಮರ್ಪಯಾಮಿ ।

ಅರ್ಘ್ಯಂ ತ್ರಿ॒ಪಾದೂ॒ರ್ಧ್ವ ಉದೈ॒ತ್ಪುರು॑ಷಃ । ಪಾದೋ᳚ಽಸ್ಯೇ॒ಹಾಽಽಭ॑ವಾ॒ತ್ಪುನಃ॑ । ತತೋ॒ ವಿಷ್ವ॒ಙ್ವ್ಯ॑ಕ್ರಾಮತ್ । ಸಾ॒ಶ॒ನಾ॒ನ॒ಶ॒ನೇ ಅ॒ಭಿ । ವ್ಯಕ್ತಾಽವ್ಯಕ್ತ ಸ್ವರೂಪಾಯ ಹೃಷೀಕಪತಯೇ ನಮಃ । ಮಯಾ ನಿವೇದಿತೋ ಭಕ್ತ್ಯಾಹ್ಯರ್ಘ್ಯೋಽಯಂ ಪ್ರತಿಗೃಹ್ಯತಾಮ್ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಹಸ್ತಯೋಃ ಅರ್ಘ್ಯಂ ಸಮರ್ಪಯಾಮಿ ।

ಆಚಮನೀಯಂ ತಸ್ಮಾ᳚ದ್ವಿ॒ರಾಡ॑ಜಾಯತ । ವಿ॒ರಾಜೋ॒ ಅಧಿ॒ ಪೂರು॑ಷಃ । ಸ ಜಾ॒ತೋ ಅತ್ಯ॑ರಿಚ್ಯತ । ಪ॒ಶ್ಚಾದ್ಭೂಮಿ॒ಮಥೋ॑ ಪು॒ರಃ । ಮಂದಾಕಿನ್ಯಾಸ್ತು ಯದ್ವಾರಿ ಸರ್ವಪಾಪಹರಂ ಶುಭಮ್ । ತದಿದಂ ಕಲ್ಪಿತಂ ದೇವ ಸಮ್ಯಗಾಚಮ್ಯತಾಂ-ವಿಁಭೋ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಮುಖೇ ಆಚಮನೀಯಂ ಸಮರ್ಪಯಾಮಿ ।

ಸ್ನಾನಂ ಯತ್ಪುರು॑ಷೇಣ ಹ॒ವಿಷಾ᳚ । ದೇ॒ವಾ ಯ॒ಜ್ಞಮತ॑ನ್ವತ । ವ॒ಸಂ॒ತೋ ಅ॑ಸ್ಯಾಸೀ॒ದಾಜ್ಯಂ᳚ । ಗ್ರೀ॒ಷ್ಮ ಇ॒ಧ್ಮಶ್ಶ॒ರದ್ಧ॒ವಿಃ ।

ಪಂಚಾಮೃತ ಸ್ನಾನಂ ಆಪ್ಯಾ॑ಯಸ್ವ॒ ಸಮೇ॑ತು ತೇ ವಿ॒ಶ್ವತ॑ಸ್ಸೋಮ॒ ವೃಷ್ಣಿ॑ಯಮ್ । ಭವಾ॒ ವಾಜ॑ಸ್ಯ ಸಂಗ॒ಥೇ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಕ್ಷೀರೇಣ ಸ್ನಪಯಾಮಿ ।

ದ॒ಧಿ॒ಕ್ರಾವ್ಣೋ॑ ಅಕಾರಿಷಂ ಜಿ॒ಷ್ಣೋರಶ್ವ॑ಸ್ಯ ವಾ॒ಜಿನಃ॑ । ಸು॒ರ॒ಭಿ ನೋ॒ ಮುಖಾ॑ ಕರ॒ತ್ಪ್ರಾಣ॒ ಆಯೂಗ್ಂ॑ಷಿ ತಾರಿಷತ್ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ದಧ್ನಾ ಸ್ನಪಯಾಮಿ ।

ಶು॒ಕ್ರಮ॑ಸಿ॒ ಜ್ಯೋತಿ॑ರಸಿ॒ ತೇಜೋ॑ಸಿ ದೇ॒ವೋವ॑ಸ್ಸವಿ॒ತೋತ್ಪು॑ನಾ॒ತು ಅಚ್ಛಿ॑ದ್ರೇಣ ಪ॒ವಿತ್ರೇ॑ಣ॒ ವಸೋ॒ಸ್ಸೂರ್ಯ॑ಸ್ಯ ರ॒ಶ್ಮಿಭಿಃ॑ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಆಜ್ಯೇನ ಸ್ನಪಯಾಮಿ ।

ಮಧು॒ವಾತಾ॑ ಋತಾಯ॒ತೇ ಮಧು॑ಕ್ಷರಂತಿ॒ ಸಿಂಧ॑ವಃ । ಮಾಧ್ವೀ᳚ರ್ನಃ ಸಂ॒ತ್ವೌಷ॑ಧೀಃ । ಮಧು॒ನಕ್ತ॑ಮು॒ತೋಷ॑ಸಿ॒ ಮಧು॑ಮ॒ತ್ ಪಾರ್ಥಿ॑ವ॒ಗ್ಂ॒ರಜಃ॑ । ಮಧು॒ದ್ಯೌರ॑ಸ್ತು ನಃ ಪಿ॒ತಾ । ಮಧು॑ಮಾನ್ನೋ॒ ವನ॒ಸ್ಪತಿ॒ರ್ಮಧು॑ಮಾಗ್‍ಂ ಅಸ್ತು॒ ಸೂರ್ಯಃ॑ । ಮಾಧ್ವೀ॒ರ್ಗಾವೋ॑ ಭವಂತು ನಃ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಮಧುನಾ ಸ್ನಪಯಾಮಿ ।

ಸ್ವಾ॒ದುಃ ಪ॑ವಸ್ವ ದಿ॒ವ್ಯಾಯ॒ ಜನ್ಮ॑ನೇ । ಸ್ವಾ॒ದುರಿಂದ್ರಾ᳚ಯ ಸು॒ಹವೀ᳚ತು ನಾಮ್ನೇ । ಸ್ವಾ॒ದುರ್ಮಿ॒ತ್ರಾಯ॒ ವರು॑ಣಾಯ ವಾ॒ಯವೇ॒ । ಬೃಹ॒ಸ್ಪತ॑ಯೇ॒ ಮಧು॑ಮಾಂ॒ ಅದಾ᳚ಭ್ಯಃ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಶರ್ಕರೇಣ ಸ್ನಪಯಾಮಿ ।

ಯಾಃ ಫ॒ಲಿನೀ॒ರ್ಯಾ ಅ॑ಫ॒ಲಾ ಅ॑ಪು॒ಷ್ಪಾಯಾಶ್ಚ॑ ಪು॒ಷ್ಪಿಣೀಃ॑ । ಬೃಹ॒ಸ್ಪತಿ॑ ಪ್ರಸೂತಾ॒ಸ್ತಾನೋ॑ ಮುನ್ಚಂ॒ತ್ವಗ್‍ಂ ಹ॑ಸಃ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಫಲೋದಕೇನ ಸ್ನಪಯಾಮಿ ।

ಶುದ್ಧೋದಕ ಸ್ನಾನಂ ಆಪೋ॒ ಹಿಷ್ಠಾ ಮ॑ಯೋ॒ಭುವ॒ಸ್ತಾ ನ॑ ಊ॒ರ್ಜೇ ದ॑ಧಾತನ । ಮ॒ಹೇರಣಾ॑ಯ॒ ಚಕ್ಷ॑ಸೇ । ಯೋ ವಃ॑ ಶಿ॒ವತ॑ಮೋ ರಸ॒ಸ್ತಸ್ಯ॑ ಭಾಜಯತೇ॒ ಹ ನಃ॑ । ಉ॒ಶ॒ತೀರಿ॑ವ ಮಾ॒ತ॑ರಃ । ತಸ್ಮಾ॒ ಅರಂ॑ಗಮಾಮವೋ॒ ಯಸ್ಯ॒ ಕ್ಷಯಾ॑ಯ॒ ಜಿನ್ವ॑ಥ । ಆಪೋ॑ ಜ॒ನಯ॑ಥಾ ಚ ನಃ ।

ತೀರ್ಥೋದಕೈಃ ಕಾಂಚನಕುಂಭ ಸಂಸ್ಥೈಃ ಸುವಾಸಿತೈರ್ದೇವ ಕೃಪಾರಸಾರ್ದ್ರೈಃ । ಮಯಾರ್ಪಿತಂ ಸ್ನಾನವಿಧಿಂ ಗೃಹಾಣ ಪಾದಾಬ್ಜನಿಷ್ಯ್ಟೂತ ನದೀಪ್ರವಾಹಃ ।

ನದೀನಾಂ ಚೈವ ಸರ್ವಾಸಾಮಾನೀತಂ ನಿರ್ಮಲೋದಕಮ್ । ಸ್ನಾನಂ ಸ್ವೀಕುರು ದೇವೇಶ ಮಯಾ ದತ್ತಂ ಸುರೇಶ್ವರ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಶುದ್ಧೋದಕ ಸ್ನಾನಂ ಸಮರ್ಪಯಾಮಿ ।

ಸ್ನಾನಾನಂತರಂ ಶುದ್ಧ ಆಚಮನೀಯಂ ಸಮರ್ಪಯಾಮಿ ॥

ವಸ್ತ್ರಂ ಸ॒ಪ್ತಾಸ್ಯಾ॑ಸನ್ಪರಿ॒ಧಯಃ॑ । ತ್ರಿಃ ಸ॒ಪ್ತ ಸ॒ಮಿಧಃ॑ ಕೃ॒ತಾಃ । ದೇ॒ವಾ ಯದ್ಯ॒ಜ್ಞಂ ತ॑ನ್ವಾ॒ನಾಃ । ಅಬ॑ಧ್ನ॒ನ್ಪುರು॑ಷಂ ಪ॒ಶುಮ್ । ವೇದಸೂಕ್ತಸಮಾಯುಕ್ತೇ ಯಜ್ಞಸಾಮ ಸಮನ್ವಿತೇ । ಸರ್ವವರ್ಣಪ್ರದೇ ದೇವ ವಾಸ ಶೀತೇ ವಿನಿರ್ಮಿತೇ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ವಸ್ತ್ರಯುಗ್ಮಂ ಸಮರ್ಪಯಾಮಿ ।

ಯಜ್ಞೋಪವೀತಂ ತಂ-ಯಁ॒ಜ್ಞಂ ಬ॒ರ್ಹಿಷಿ॒ ಪ್ರೌಕ್ಷನ್॑ । ಪುರು॑ಷಂ ಜಾ॒ತಮ॑ಗ್ರ॒ತಃ । ತೇನ॑ ದೇ॒ವಾ ಅಯ॑ಜಂತ । ಸಾ॒ಧ್ಯಾ ಋಷ॑ಯಶ್ಚ॒ ಯೇ । ಬ್ರಹ್ಮ ವಿಷ್ಣು ಮಹೇಶಾನಾಂ ನಿರ್ಮಿತಂ ಬ್ರಹ್ಮಸೂತ್ರಕಮ್ । ಗೃಹಾಣ ಭಗವನ್ವಿಷ್ಣೋ ಸರ್ವೇಷ್ಟಫಲದೋ ಭವ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಯಜ್ಞೋಪವೀತಂ ಸಮರ್ಪಯಾಮಿ ।

ಗಂಧಂ ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತಃ॑ । ಸಂಭೃ॑ತಂ ಪೃಷದಾ॒ಜ್ಯಮ್ । ಪ॒ಶೂಗ್‍ಸ್ತಾಗ್‍ಶ್ಚ॑ಕ್ರೇ ವಾಯ॒ವ್ಯಾನ್॑ । ಆ॒ರ॒ಣ್ಯಾನ್ಗ್ರಾ॒ಮ್ಯಾಶ್ಚ॒ ಯೇ । ಶ್ರೀಖಂಡಂ ಚಂದನಂ ದಿವ್ಯಂ ಗಂಧಾಢ್ಯಂ ಸುಮನೋಹರಮ್ । ವಿಲೇಪನಂ ಸುರಶ್ರೇಷ್ಠ ಪ್ರೀತ್ಯರ್ಥಂ ಪ್ರತಿಗೃಹ್ಯತಾಮ್ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ದಿವ್ಯ ಶ್ರೀ ಚಂದನಂ ಸಮರ್ಪಯಾಮಿ ।

ಆಭರಣಂ ತಸ್ಮಾ᳚ದ್ಯ॒ಜ್ಞಾತ್ಸ॑ರ್ವ॒ಹುತಃ॑ । ಋಚಃ॒ ಸಾಮಾ॑ನಿ ಜಜ್ಞಿರೇ । ಛಂದಾಗ್ಂ॑ಸಿ ಜಜ್ಞಿರೇ॒ ತಸ್ಮಾ᳚ತ್ । ಯಜು॒ಸ್ತಸ್ಮಾ॑ದಜಾಯತ । ಹಿರಣ್ಯ ಹಾರ ಕೇಯೂರ ಗ್ರೈವೇಯ ಮಣಿಕಂಕಣೈಃ । ಸುಹಾರಂ ಭೂಷಣೈರ್ಯುಕ್ತಂ ಗೃಹಾಣ ಪುರುಷೋತ್ತಮ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಸರ್ವಾಭರಣಾನಿ ಸಮರ್ಪಯಾಮಿ ।

ಪುಷ್ಪಾಣಿ ತಸ್ಮಾ॒ದಶ್ವಾ॑ ಅಜಾಯಂತ । ಯೇ ಕೇ ಚೋ॑ಭ॒ಯಾದ॑ತಃ । ಗಾವೋ॑ ಹ ಜಜ್ಞಿರೇ॒ ತಸ್ಮಾ᳚ತ್ । ತಸ್ಮಾ᳚ಜ್ಜಾ॒ತಾ ಅ॑ಜಾ॒ವಯಃ॑ । ಮಲ್ಲಿಕಾದಿ ಸುಗಂಧೀನಿ ಮಾಲತ್ಯಾದೀನಿ ವೈ ಪ್ರಭೋ । ಮಯಾಽಹೃತಾನಿ ಪೂಜಾರ್ಥಂ ಪುಷ್ಪಾಣಿ ಪ್ರತಿಗೃಹ್ಯತಾಮ್ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ನಾನಾವಿಧ ಪರಿಮಳ ಪತ್ರ ಪುಷ್ಪಾಣಿ ಸಮರ್ಪಯಾಮಿ ।

ಅಥಾಂಗ ಪೂಜ ಓಂ ಕೇಶವಾಯ ನಮಃ ಪಾದೌ ಪೂಜಯಾಮಿ । ಓಂ ಗೋವಿಂದಾಯ ನಮಃ ಗುಲ್ಫೌ ಪೂಜಯಾಮಿ । ಓಂ ಇಂದಿರಾಪತಯೇ ನಮಃ ಜಂಘೇ ಪೂಜಯಾಮಿ । ಓಂ ಅನಘಾಯ ನಮಃ ಜಾನುನೀ ಪೂಜಯಾಮಿ । ಓಂ ಜನಾರ್ದನಾಯ ನಮಃ ಊರೂ ಪೂಜಯಾಮಿ । ಓಂ-ವಿಁಷ್ಟರಶ್ರವಸೇ ನಮಃ ಕಟಿಂ ಪೂಜಯಾಮಿ । ಓಂ ಪದ್ಮನಾಭಾಯ ನಮಃ ನಾಭಿಂ ಪೂಜಯಾಮಿ । ಓಂ ಕುಕ್ಷಿಸ್ಥಾಖಿಲಭುವನಾಯ ನಮಃ ಉದರಂ ಪೂಜಯಾಮಿ । ಓಂ-ಲಁಕ್ಷ್ಮೀವಕ್ಷಸ್ಸ್ಥಲಾಲಯಾಯ ನಮಃ ವಕ್ಷಸ್ಥಲಂ ಪೂಜಯಾಮಿ । ಓಂ ಶಂಖಚಕ್ರಗದಾಶಾರ್ಙ್ಗಪಾಣಯೇ ನಮಃ ಬಾಹೂನ್ ಪೂಜಯಾಮಿ । ಓಂ ಕಂಬುಕಂಠಾಯ ನಮಃ ಕಂಠಂ ಪೂಜಯಾಮಿ । ಓಂ ಪೂರ್ಣೇಂದುನಿಭವಕ್ತ್ರಾಯ ನಮಃ ವಕ್ತ್ರಂ ಪೂಜಯಾಮಿ । ಓಂ ಕುಂದಕುಟ್ಮಲದಂತಾಯ ನಮಃ ದಂತಾನ್ ಪೂಜಯಾಮಿ । ಓಂ ನಾಸಾಗ್ರಮೌಕ್ತಿಕಾಯ ನಮಃ ನಾಸಿಕಾಂ ಪೂಜಯಾಮಿ । ಓಂ ರತ್ನಕುಂಡಲಾಯ ನಮಃ ಕರ್ಣೌ ಪೂಜಯಾಮಿ । ಓಂ ಸೂರ್ಯಚಂದ್ರಾಗ್ನಿಧಾರಿಣೇ ನಮಃ ನೇತ್ರೇ ಪೂಜಯಾಮಿ । ಓಂ ಸುಲಲಾಟಾಯ ನಮಃ ಲಲಾಟಂ ಪೂಜಯಾಮಿ । ಓಂ ಸಹಸ್ರಶಿರಸೇ ನಮಃ ಶಿರಃ ಪೂಜಯಾಮಿ । ಶ್ರೀ ರಮಾಸಹಿತ ಶ್ರೀ ಸತ್ಯನಾರಾಯಣ ಸ್ವಾಮಿನೇ ನಮಃ ಸರ್ವಾಣ್ಯಂಗಾನಿ ಪೂಜಯಾಮಿ ॥

ಶ್ರೀ ಸತ್ಯನಾರಾಯಣ ಅಷ್ಟೋತ್ತರಶತ ನಾಮ ಪೂಜಾ ಓಂ ನಾರಾಯಣಾಯ ನಮಃ । ಓಂ ನರಾಯ ನಮಃ । ಓಂ ಶೌರಯೇ ನಮಃ । ಓಂ ಚಕ್ರಪಾಣಯೇ ನಮಃ । ಓಂ ಜನಾರ್ದನಾಯ ನಮಃ । ಓಂ-ವಾಁಸುದೇವಾಯ ನಮಃ । ಓಂ ಜಗದ್ಯೋನಯೇ ನಮಃ । ಓಂ-ವಾಁಮನಾಯ ನಮಃ । ಓಂ ಜ್ಞಾನಪಂಜರಾಯ ನಮಃ (10) ಓಂ ಶ್ರೀವಲ್ಲಭಾಯ ನಮಃ । ಓಂ ಜಗನ್ನಾಥಾಯ ನಮಃ । ಓಂ ಚತುರ್ಮೂರ್ತಯೇ ನಮಃ । ಓಂ-ವ್ಯೋಁಮಕೇಶಾಯ ನಮಃ । ಓಂ ಹೃಷೀಕೇಶಾಯ ನಮಃ । ಓಂ ಶಂಕರಾಯ ನಮಃ । ಓಂ ಗರುಡಧ್ವಜಾಯ ನಮಃ । ಓಂ ನಾರಸಿಂಹಾಯ ನಮಃ । ಓಂ ಮಹಾದೇವಾಯ ನಮಃ । ಓಂ ಸ್ವಯಂಭುವೇ ನಮಃ । ಓಂ ಭುವನೇಶ್ವರಾಯ ನಮಃ (20) ಓಂ ಶ್ರೀಧರಾಯ ನಮಃ । ಓಂ ದೇವಕೀಪುತ್ರಾಯ ನಮಃ । ಓಂ ಪಾರ್ಥಸಾರಥಯೇ ನಮಃ । ಓಂ ಅಚ್ಯುತಾಯ ನಮಃ । ಓಂ ಶಂಖಪಾಣಯೇ ನಮಃ । ಓಂ ಪರಂಜ್ಯೋತಿಷೇ ನಮಃ । ಓಂ ಆತ್ಮಜ್ಯೋತಿಷೇ ನಮಃ । ಓಂ ಅಚಂಚಲಾಯ ನಮಃ । ಓಂ ಶ್ರೀವತ್ಸಾಂಕಾಯ ನಮಃ । ಓಂ ಅಖಿಲಾಧಾರಾಯ ನಮಃ (30) ಓಂ ಸರ್ವಲೋಕಪ್ರತಿಪ್ರಭವೇ ನಮಃ । ಓಂ ತ್ರಿವಿಕ್ರಮಾಯ ನಮಃ । ಓಂ ತ್ರಿಕಾಲಜ್ಞಾನಾಯ ನಮಃ । ಓಂ ತ್ರಿಧಾಮ್ನೇ ನಮಃ । ಓಂ ಕರುಣಾಕರಾಯ ನಮಃ । ಓಂ ಸರ್ವಜ್ಞಾಯ ನಮಃ । ಓಂ ಸರ್ವಗಾಯ ನಮಃ । ಓಂ ಸರ್ವಸ್ಮೈ ನಮಃ । ಓಂ ಸರ್ವೇಶಾಯ ನಮಃ । ಓಂ ಸರ್ವಸಾಕ್ಷಿಕಾಯ ನಮಃ (40) ಓಂ ಹರಯೇ ನಮಃ । ಓಂ ಶಾರಂಗಿಣೇ ನಮಃ । ಓಂ ಹರಾಯ ನಮಃ । ಓಂ ಶೇಷಾಯ ನಮಃ । ಓಂ ಹಲಾಯುಧಾಯ ನಮಃ । ಓಂ ಸಹಸ್ರಬಾಹವೇ ನಮಃ । ಓಂ ಅವ್ಯಕ್ತಾಯ ನಮಃ । ಓಂ ಸಹಸ್ರಾಕ್ಷಾಯ ನಮಃ । ಓಂ ಅಕ್ಷರಾಯ ನಮಃ । ಓಂ ಕ್ಷರಾಯ ನಮಃ (50) ಓಂ ಗಜಾರಿಘ್ನಾಯ ನಮಃ । ಓಂ ಕೇಶವಾಯ ನಮಃ । ಓಂ ಕೇಶಿಮರ್ದನಾಯ ನಮಃ । ಓಂ ಕೈಟಭಾರಯೇ ನಮಃ । ಓಂ ಅವಿದ್ಯಾರಯೇ ನಮಃ । ಓಂ ಕಾಮದಾಯ ನಮಃ । ಓಂ ಕಮಲೇಕ್ಷಣಾಯ ನಮಃ । ಓಂ ಹಂಸಶತ್ರವೇ ನಮಃ । ಓಂ ಅಧರ್ಮಶತ್ರವೇ ನಮಃ । ಓಂ ಕಾಕುತ್ಥ್ಸಾಯ ನಮಃ (60) ಓಂ ಖಗವಾಹನಾಯ ನಮಃ । ಓಂ ನೀಲಾಂಬುದದ್ಯುತಯೇ ನಮಃ । ಓಂ ನಿತ್ಯಾಯ ನಮಃ । ಓಂ ನಿತ್ಯತೃಪ್ತಾಯ ನಮಃ । ಓಂ ನಿತ್ಯಾನಂದಾಯ ನಮಃ । ಓಂ ಸುರಾಧ್ಯಕ್ಷಾಯ ನಮಃ । ಓಂ ನಿರ್ವಿಕಲ್ಪಾಯ ನಮಃ । ಓಂ ನಿರಂಜನಾಯ ನಮಃ । ಓಂ ಬ್ರಹ್ಮಣ್ಯಾಯ ನಮಃ । ಓಂ ಪೃಥಿವೀನಾಥಾಯ ನಮಃ (70) ಓಂ ಪೀತವಾಸಸೇ ನಮಃ । ಓಂ ಗುಹಾಶ್ರಯಾಯ ನಮಃ । ಓಂ-ವೇಁದಗರ್ಭಾಯ ನಮಃ । ಓಂ-ವಿಁಭವೇ ನಮಃ । ಓಂ-ವಿಁಷ್ಣವೇ ನಮಃ । ಓಂ ಶ್ರೀಮತೇ ನಮಃ । ಓಂ ತ್ರೈಲೋಕ್ಯಭೂಷಣಾಯ ನಮಃ । ಓಂ-ಯಁಜ್ಞಮೂರ್ತಯೇ ನಮಃ । ಓಂ ಅಮೇಯಾತ್ಮನೇ ನಮಃ । ಓಂ-ವಁರದಾಯ ನಮಃ (80) ಓಂ-ವಾಁಸವಾನುಜಾಯ ನಮಃ । ಓಂ ಜಿತೇಂದ್ರಿಯಾಯ ನಮಃ । ಓಂ ಜಿತಕ್ರೋಧಾಯ ನಮಃ । ಓಂ ಸಮದೃಷ್ಟಯೇ ನಮಃ । ಓಂ ಸನಾತನಾಯ ನಮಃ । ಓಂ ಭಕ್ತಪ್ರಿಯಾಯ ನಮಃ । ಓಂ ಜಗತ್ಪೂಜ್ಯಾಯ ನಮಃ । ಓಂ ಪರಮಾತ್ಮನೇ ನಮಃ । ಓಂ ಅಸುರಾಂತಕಾಯ ನಮಃ । ಓಂ ಸರ್ವಲೋಕಾನಾಮಂತಕಾಯ ನಮಃ (90) ಓಂ ಅನಂತಾಯ ನಮಃ । ಓಂ ಅನಂತವಿಕ್ರಮಾಯ ನಮಃ । ಓಂ ಮಾಯಾಧಾರಾಯ ನಮಃ । ಓಂ ನಿರಾಧಾರಾಯ ನಮಃ । ಓಂ ಸರ್ವಾಧಾರಾಯ ನಮಃ । ಓಂ ಧರಾಧಾರಾಯ ನಮಃ । ಓಂ ನಿಷ್ಕಲಂಕಾಯ ನಮಃ । ಓಂ ನಿರಾಭಾಸಾಯ ನಮಃ । ಓಂ ನಿಷ್ಪ್ರಪಂಚಾಯ ನಮಃ । ಓಂ ನಿರಾಮಯಾಯ ನಮಃ (100) ಓಂ ಭಕ್ತವಶ್ಯಾಯ ನಮಃ । ಓಂ ಮಹೋದಾರಾಯ ನಮಃ । ಓಂ ಪುಣ್ಯಕೀರ್ತಯೇ ನಮಃ । ಓಂ ಪುರಾತನಾಯ ನಮಃ । ಓಂ ತ್ರಿಕಾಲಜ್ಞಾಯ ನಮಃ । ಓಂ-ವಿಁಷ್ಟರಶ್ರವಸೇ ನಮಃ । ಓಂ ಚತುರ್ಭುಜಾಯ ನಮಃ । ಓಂ ಶ್ರೀಸತ್ಯನಾರಾಯಣಸ್ವಾಮಿನೇ ನಮಃ (108)

ಧೂಪಂ ಯತ್ಪುರು॑ಷಂ॒-ವ್ಯಁ॑ದಧುಃ । ಕ॒ತಿ॒ಧಾ ವ್ಯ॑ಕಲ್ಪಯನ್ನ್ । ಮುಖಂ॒ ಕಿಮ॑ಸ್ಯ॒ ಕೌ ಬಾ॒ಹೂ । ಕಾವೂ॒ರೂ ಪಾದಾ॑ವುಚ್ಯೇತೇ । ದಶಾಂಗಂ ಗುಗ್ಗುಲೋಪೇತಂ ಸುಗಂಧಂ ಸುಮನೋಹರಮ್ । ಧೂಪಂ ಗೃಹಾಣ ದೇವೇಶ ಸರ್ವದೇವ ನಮಸ್ಕೃತ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಧೂಪಮಾಘ್ರಾಪಯಾಮಿ ।

ದೀಪಂ ಬ್ರಾ॒ಹ್ಮ॒ಣೋ᳚ಽಸ್ಯ॒ ಮುಖ॑ಮಾಸೀತ್ । ಬಾ॒ಹೂ ರಾ॑ಜ॒ನ್ಯಃ॑ ಕೃ॒ತಃ । ಊ॒ರೂ ತದ॑ಸ್ಯ॒ ಯದ್ವೈಶ್ಯಃ॑ । ಪ॒ದ್ಭ್ಯಾಗ್ಂ ಶೂ॒ದ್ರೋ ಅ॑ಜಾಯತ । ಘೃತಾ ತ್ರಿವರ್ತಿ ಸಂಯುಁಕ್ತಂ-ವಁಹ್ನಿನಾ ಯೊಜಿತಂ ಪ್ರಿಯಮ್ । ದೀಪಂ ಗೃಹಾಣ ದೇವೇಶ ತ್ರೈಲೋಕ್ಯ ತಿಮಿರಾಪಹಮ್ ॥ ಭಕ್ತ್ಯಾ ದೀಪಂ ಪ್ರಯಚ್ಛಾಮಿ ದೇವಾಯ ಪರಮಾತ್ಮನೇ । ತ್ರಾಹಿ ಮಾಂ ನರಕಾದ್ಘೋರಾತ್ ದೀಪಜ್ಯೋತಿರ್ನಮೋಽಸ್ತು ತೇ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ದೀಪಂ ಸಮರ್ಪಯಾಮಿ ।

ನೈವೇದ್ಯಂ ಚಂ॒ದ್ರಮಾ॒ ಮನ॑ಸೋ ಜಾ॒ತಃ । ಚಕ್ಷೋಃ॒ ಸೂರ್ಯೋ॑ ಅಜಾಯತ । ಮುಖಾ॒ದಿಂದ್ರ॑ಶ್ಚಾ॒ಗ್ನಿಶ್ಚ॑ । ಪ್ರಾ॒ಣಾದ್ವಾ॒ಯುರ॑ಜಾಯತ ।

ಸೌವರ್ಣಸ್ಥಾಲಿಮಧ್ಯೇ ಮಣಿಗಣಖಚಿತೇ ಗೋಘೃತಾಕ್ತಾನ್ ಸುಪಕ್ವಾನ್ । ಭಕ್ಷ್ಯಾನ್ ಭೋಜ್ಯಾಂಶ್ಚ ಲೇಹ್ಯಾನಪರಿಮಿತರಸಾನ್ ಚೋಷ್ಯಮನ್ನಂ ನಿಧಾಯ ॥ ನಾನಾಶಾಕೈರುಪೇತಂ ದಧಿ ಮಧು ಸ ಗುಡ ಕ್ಷೀರ ಪಾನೀಯಯುಕ್ತಮ್ । ತಾಂಬೂಲಂ ಚಾಪಿ ವಿಷ್ಣೋಃ ಪ್ರತಿದಿವಸಮಹಂ ಮಾನಸೇ ಕಲ್ಪಯಾಮಿ ॥ ರಾಜಾನ್ನಂ ಸೂಪ ಸಂಯುಁಕ್ತಂ ಶಾಕಚೋಷ್ಯ ಸಮನ್ವಿತಮ್ । ಘೃತ ಭಕ್ಷ್ಯ ಸಮಾಯುಕ್ತಂ ನೈವೇದ್ಯಂ ಪ್ರತಿಗೃಹ್ಯತಾಮ್ ॥

ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಮಹಾನೈವೇದ್ಯಂ ಸಮರ್ಪಯಾಮಿ ।

ಓಂ ಭೂರ್ಭುವ॒ಸ್ಸುವಃ॒ । ತತ್ಸ॑ವಿ॒ತುರ್ವರೇ᳚ಣ್ಯಂ॒ ಭರ್ಗೋ॑ ದೇ॒ವಸ್ಯ॑ ಧೀಮಹಿ । ಧಿ॒ಯೋ ಯೋ ನಃ॑ ಪ್ರಚೋ॒ದಯಾ᳚ತ್ ॥ ಸತ್ಯಂ ತ್ವಾ ಋತೇನ ಪರಿಷಿಂಚಾಮಿ (ಋತಂ ತ್ವಾ ಸತ್ಯೇನ ಪರಿಷಿಂಚಾಮಿ) ಅಮೃತಮಸ್ತು । ಅಮೃತೋಪಸ್ತರಣಮಸಿ । ಓಂ ಪ್ರಾಣಾಯ ಸ್ವಾಹಾ । ಓಂ ಅಪಾನಾಯ ಸ್ವಾಹಾ । ಓಂ-ವ್ಯಾಁನಾಯ ಸ್ವಾಹಾ । ಓಂ ಉದಾನಾಯ ಸ್ವಾಹಾ । ಓಂ ಸಮಾನಾಯ ಸ್ವಾಹಾ । ಮಧ್ಯೇ ಮಧ್ಯೇ ಪಾನೀಯಂ ಸಮರ್ಪಯಾಮಿ । ಅಮೃತಾಪಿಧಾನಮಸಿ । ಉತ್ತರಾಪೋಶನಂ ಸಮರ್ಪಯಾಮಿ । ಹಸ್ತೌ ಪ್ರಕ್ಷಾಳಯಾಮಿ । ಪಾದೌ ಪ್ರಕ್ಷಾಳಯಾಮಿ । ಮುಖೇ ಶುದ್ಧಾಚಮನೀಯಂ ಸಮರ್ಪಯಾಮಿ ।

ತಾಂಬೂಲಂ ನಾಭ್ಯಾ॑ ಆಸೀದಂ॒ತರಿ॑ಕ್ಷಮ್ । ಶೀ॒ರ್ಷ್ಣೋ ದ್ಯೌಃ ಸಮ॑ವರ್ತತ । ಪ॒ದ್ಭ್ಯಾಂ ಭೂಮಿ॒ರ್ದಿಶಃ॒ ಶ್ರೋತ್ರಾ᳚ತ್ । ತಥಾ॑ ಲೋ॒ಕಾಗ್ಂ ಅ॑ಕಲ್ಪಯನ್ನ್ । ಪೂಗೀಫಲೈಃ ಸ ಕರ್ಪೂರೈಃ ನಾಗವಲ್ಲೀ ದಳೈರ್ಯುತಮ್ । ಮುಕ್ತಾಚೂರ್ಣ ಸಮಾಯುಕ್ತಂ ತಾಂಬೂಲಂ ಪ್ರತಿಗೃಹ್ಯತಾಮ್ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ತಾಂಬೂಲಂ ಸಮರ್ಪಯಾಮಿ ।

ನೀರಾಜನಂ (stand up) ವೇದಾ॒ಹಮೇ॒ತಂ ಪುರು॑ಷಂ ಮ॒ಹಾಂತಂ᳚ । ಆ॒ದಿ॒ತ್ಯವ॑ರ್ಣಂ॒ ತಮ॑ಸ॒ಸ್ತು ಪಾ॒ರೇ । ಸರ್ವಾ॑ಣಿ ರೂ॒ಪಾಣಿ॑ ವಿ॒ಚಿತ್ಯ॒ ಧೀರಃ॑ । ನಾಮಾ॑ನಿ ಕೃ॒ತ್ವಾಽಭಿ॒ವದ॒ನ್॒ ಯದಾಸ್ತೇ᳚ ।

ನರ್ಯ॑ ಪ್ರ॒ಜಾಂ ಮೇ॑ ಗೋಪಾಯ । ಅ॒ಮೃ॒ತ॒ತ್ವಾಯ॑ ಜೀ॒ವಸೇ᳚ । ಜಾ॒ತಾಂ ಜ॑ನಿ॒ಷ್ಯಮಾ॑ಣಾಂ ಚ । ಅ॒ಮೃತೇ॑ ಸ॒ತ್ಯೇ ಪ್ರತಿ॑ಷ್ಠಿತಾಮ್ । ಅಥ॑ರ್ವ ಪಿ॒ತುಂ ಮೇ॑ ಗೋಪಾಯ । ರಸ॒ಮನ್ನ॑ಮಿ॒ಹಾಯು॑ಷೇ । ಅದ॑ಬ್ಧಾ॒ಯೋಽಶೀ॑ತತನೋ । ಅವಿ॑ಷಂ ನಃ ಪಿ॒ತುಂ ಕೃ॑ಣು । ಶಗ್ಗ್ಂಸ್ಯ॑ ಪ॒ಶೂನ್ಮೇ॑ ಗೋಪಾಯ । ದ್ವಿ॒ಪದೋ॒ ಯೇ ಚತು॑ಷ್ಪದಃ ॥ (ತೈ.ಬ್ರಾ.1.2.1.25) ಅ॒ಷ್ಟಾಶ॑ಫಾಶ್ಚ॒ ಯ ಇ॒ಹಾಗ್ನೇ᳚ । ಯೇ ಚೈಕ॑ಶಫಾ ಆಶು॒ಗಾಃ । ಸಪ್ರಥ ಸ॒ಭಾಂ ಮೇ॑ ಗೋಪಾಯ । ಯೇ ಚ॒ ಸಭ್ಯಾಃ᳚ ಸಭಾ॒ಸದಃ॑ । ತಾನಿಂ॑ದ್ರಿ॒ಯಾವ॑ತಃ ಕುರು । ಸರ್ವ॒ಮಾಯು॒ರುಪಾ॑ಸತಾಮ್ । ಅಹೇ॑ ಬುಧ್ನಿಯ॒ ಮಂತ್ರಂ॑ ಮೇ ಗೋಪಾಯ । ಯಮೃಷ॑ಯಸ್ತ್ರೈವಿ॒ದಾ ವಿ॒ದುಃ । ಋಚಃ॒ ಸಾಮಾ॑ನಿ॒ ಯಜೂಗ್ಂ॑ಷಿ । ಸಾ ಹಿ ಶ್ರೀರ॒ಮೃತಾ॑ ಸ॒ತಾಮ್ ॥ (ತೈ.ಬ್ರಾ.1.2.1.26)

ಮಾ ನೋ ಹಿಗ್ಂಸೀಜ್ಜಾತವೇದೋ ಗಾಮಶ್ವಂ ಪುರುಷಂ ಜಗತ್ । ಅಭಿಭ್ರ ದಗ್ನ ಆಗಹಿ ಶ್ರಿಯಾ ಮಾ ಪರಿಪಾತಯ ॥ ಸಮ್ರಾಜಂ ಚ ವಿರಾಜಂ ಚಾಽಭಿ ಶ್ರೀರ್ಯಾಚ ನೋ ಗೃಹೇ । ಲಕ್ಷ್ಮೀ ರಾಷ್ಟ್ರಸ್ಯ ಯಾ ಮುಖೇ ತಯಾ ಮಾ ಸಗ್ಂ ಸೃಜಾಮಸಿ ॥ ಸಂತತ ಶ್ರೀರಸ್ತು ಸರ್ವಮಂಗಳಾನಿ ಭವಂತು ನಿತ್ಯಶ್ರೀರಸ್ತು ನಿತ್ಯಮಂಗಳಾನಿ ಭವಂತು ॥

ನೀರಾಜನಂ ಗೃಹಾಣೇದಂ ಪಂಚವರ್ತಿ ಸಮನ್ವಿತಮ್ । ತೇಜೋರಾಶಿಮಯಂ ದತ್ತಂ ಗೃಹಾಣ ತ್ವಂ ಸುರೇಶ್ವರ ॥

ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಕರ್ಪೂರ ನೀರಾಜನಂ ಸಮರ್ಪಯಾಮಿ । ನೀರಾಜನಾನಂತರಂ ಶುದ್ಧಾಚಮನೀಯಂ ಸಮರ್ಪಯಾಮಿ । ನಮಸ್ಕರೋಮಿ ।

ಮಂತ್ರಪುಷ್ಪಂ ಧಾ॒ತಾ ಪು॒ರಸ್ತಾ॒ದ್ಯಮು॑ದಾಜ॒ಹಾರ॑ । ಶ॒ಕ್ರಃ ಪ್ರವಿ॒ದ್ವಾನ್ಪ್ರ॒ದಿಶ॒ಶ್ಚತ॑ಸ್ರಃ । ತಮೇ॒ವಂ-ವಿಁ॒ದ್ವಾನ॒ಮೃತ॑ ಇ॒ಹ ಭ॑ವತಿ । ನಾನ್ಯಃ ಪಂಥಾ॒ ಅಯ॑ನಾಯ ವಿದ್ಯತೇ ।

ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಸುವರ್ಣ ದಿವ್ಯ ಮಂತ್ರಪುಷ್ಪಂ ಸಮರ್ಪಯಾಮಿ ।

ಆತ್ಮಪ್ರದಕ್ಷಿಣ ನಮಸ್ಕಾರಂ ಯಾನಿಕಾನಿ ಚ ಪಾಪಾನಿ ಜನ್ಮಾಂತರಕೃತಾನಿ ಚ ತಾನಿ ತಾನಿ ಪ್ರಣಶ್ಯಂತಿ ಪ್ರದಕ್ಷಿಣ ಪದೇ ಪದೇ । ಪಾಪೋಽಹಂ ಪಾಪಕರ್ಮಾಽಹಂ ಪಾಪಾತ್ಮಾ ಪಾಪಸಂಭವ । ತ್ರಾಹಿಮಾಂ ಕೃಪಯಾ ದೇವ ಶರಣಾಗತವತ್ಸಲಾ । ಅನ್ಯಥಾ ಶರಣಂ ನಾಸ್ತಿ ತ್ವಮೇವ ಶರಣಂ ಮಮ । ತಸ್ಮಾತ್ಕಾರುಣ್ಯ ಭಾವೇನ ರಕ್ಷ ರಕ್ಷ ಸತ್ಯೇಶ್ವರ ।

ಪ್ರದಕ್ಷಿಣಂ ಕರಿಷ್ಯಾಮಿ ಸರ್ವಭ್ರಮನಿವಾರಣಮ್ । ಸಂಸಾರಸಾಗರಾನ್ಮಾಂ ತ್ವಂ ಉದ್ಧರಸ್ಯ ಮಹಾಪ್ರಭೋ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಆತ್ಮಪ್ರದಕ್ಷಿಣ ನಮಸ್ಕಾರಾನ್ ಸಮರ್ಪಯಾಮಿ ।

ಸಾಷ್ಟಾಂಗ ನಮಸ್ಕಾರಂ ಉರಸಾ ಶಿರಸಾ ದೃಷ್ಟ್ಯಾ ಮನಸಾ ವಚಸಾ ತಥಾ । ಪದ್ಭ್ಯಾಂ ಕರಾಭ್ಯಾಂ ಕರ್ಣಾಭ್ಯಾಂ ಪ್ರಣಾಮೋಽಷ್ಟಾಂಗಮುಚ್ಯತೇ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಸಾಷ್ಟಾಂಗ ನಮಸ್ಕಾರಾಂ ಸಮರ್ಪಯಾಮಿ ।

ಸರ್ವೋಪಚಾರಾಃ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಛತ್ರಂ ಆಚ್ಛಾದಯಾಮಿ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಚಾಮರೈರ್ವೀಜಯಾಮಿ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ನೃತ್ಯಂ ದರ್ಶಯಾಮಿ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಗೀತಂ ಶ್ರಾವಯಾಮಿ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಆಂದೋಳಿಕಾನ್ನಾರೋಹಯಾಮಿ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಅಶ್ವಾನಾರೋಹಯಾಮಿ । ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಗಜಾನಾರೋಹಯಾಮಿ । ಸಮಸ್ತ ರಾಜೋಪಚಾರಾನ್ ದೇವೋಪಚಾರಾನ್ ಸಮರ್ಪಯಾಮಿ ।

ಕ್ಷಮಾಪ್ರಾರ್ಥನ ಯಸ್ಯ ಸ್ಮೃತ್ಯಾ ಚ ನಾಮೋಕ್ತ್ಯಾ ತಪಃ ಪೂಜಾ ಕ್ರಿಯಾದಿಷು । ನ್ಯೂನಂ ಸಂಪೂರ್ಣತಾಂ-ಯಾಁತಿ ಸದ್ಯೋ ವಂದೇ ತಮಚ್ಯುತಮ್ । ಮಂತ್ರಹೀನಂ ಕ್ರಿಯಾಹೀನಂ ಭಕ್ತಿಹೀನಂ ಜನಾರ್ದನ । ಯತ್ಪೂಜಿತಂ ಮಯಾ ದೇವ ಪರಿಪೂರ್ಣಂ ತದಸ್ತು ತೇ ।

ಅನಯಾ ಪುರುಷಸೂಕ್ತ ವಿಧಾನೇನ ಧ್ಯಾನ ಆವಾಹನಾದಿ ಷೋಡಶೋಪಚಾರ ಪೂಜನೇನ ಭಗವಾನ್ ಸರ್ವಾತ್ಮಕಃ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮೀ ಸುಪ್ರೀತೋ ಸುಪ್ರಸನ್ನೋ ವರದೋ ಭವಂತು ॥

(sit down)

ಪ್ರಾರ್ಥನ ಅಮೋಘಂ ಪುಂಡರೀಕಾಕ್ಷಂ ನೃಸಿಂಹಂ ದೈತ್ಯಸೂದನಮ್ । ಹೃಷೀಕೇಶಂ ಜಗನ್ನಾಥಂ-ವಾಁಗೀಶಂ-ವಁರದಾಯಕಮ್ ॥ ಸ ಗುಣಂ ಚ ಗುಣಾತೀತಂ ಗೋವಿಂದಂ ಗರುಢಧ್ವಜಮ್ । ಜನಾರ್ದನಂ ಜನಾನಂದಂ ಜಾನಕೀವಲ್ಲಭಂ ಹರಿಮ್ ॥

ಪ್ರಣಮಾಮಿ ಸದಾ ಭಕ್ತ್ಯಾ ನಾರಾಯಣಮತಃ ಪರಮ್ । ದುರ್ಗಮೇ ವಿಷಮೇ ಘೋರೇ ಶತ್ರುಣಾ ಪರಿಪೀಡಿತಃ । ನಿಸ್ತಾರಯತು ಸರ್ವೇಷು ತಥಾಽನಿಷ್ಟಭಯೇಷು ಚ । ನಾಮಾನ್ಯೇತಾನಿ ಸಂಕೀರ್ತ್ಯ ಫಲಮೀಪ್ಸಿತಮಾಪ್ನುಯಾತ್ । ಸತ್ಯನಾರಾಯಣ ದೇವಂ-ವಂಁದೇಽಹಂ ಕಾಮದಂ ಪ್ರಭುಮ್ । ಲೀಲಯಾ ವಿತತಂ-ವಿಁಶ್ವಂ-ಯೇಁನ ತಸ್ಮೈ ನಮೋ ನಮಃ ॥

ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಪ್ರಾರ್ಥನ ನಮಸ್ಕಾರಾನ್ ಸಮರ್ಪಯಾಮಿ ।

ಫಲಂ ಇದಂ ಫಲಂ ಮಯಾ ದೇವ ಸ್ಥಾಪಿತಂ ಪುರತಸ್ತವ । ತೇನ ಮೇ ಸ ಫಲಾಽವಾಪ್ತಿರ್ಭವೇಜ್ಜನ್ಮನಿ ಜನ್ಮನಿ ॥ ಓಂ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಫಲಂ ಸಮರ್ಪಯಾಮಿ ।

ಶ್ರೀ ಸತ್ಯನಾರಾಯಣ ಸ್ವಾಮಿ ವ್ರತಕಥಾ

॥ ಶ್ರೀ ಗಣೇಶಾಯ ನಮಃ ॥ ॥ ಶ್ರೀಪರಮಾತ್ಮನೇ ನಮಃ ॥ ಅಥ ಕಥಾ ಪ್ರಾರಂಭಃ ।

ಅಥ ಪ್ರಥಮೋಽಧ್ಯಾಯಃ

ಶ್ರೀವ್ಯಾಸ ಉವಾಚ

ಏಕದಾ ನೈಮಿಷಾರಣ್ಯೇ ಋಷಯಃ ಶೌನಕಾದಯಃ । ಪಪ್ರಚ್ಛುರ್ಮುನಯಃ ಸರ್ವೇ ಸೂತಂ ಪೌರಾಣಿಕಂ ಖಲು ॥ 1

ಋಷಯ ಊಚುಃ । ವ್ರತೇನ ತಪಸಾ ಕಿಂ-ವಾಁ ಪ್ರಾಪ್ಯತೇ ವಾಂಛಿತಂ ಫಲಮ್ । ತತ್ಸರ್ವಂ ಶ್ರೋತುಮಿಚ್ಛಾಮಃ ಕಥಯಸ್ವ ಮಹಾಮುನೇ ॥ 2॥

ಸೂತ ಉವಾಚ

ನಾರದೇನೈವ ಸಂಪೃಷ್ಟೋ ಭಗವಾನ್ ಕಮಲಾಪತಿಃ । ಸುರರ್ಷಯೇ ಯಥೈವಾಹ ತಚ್ಛೃಣುಧ್ವಂ ಸಮಾಹಿತಾಃ ॥ 3

ಏಕದಾ ನಾರದೋ ಯೋಗೀ ಪರಾನುಗ್ರಹಕಾಂಕ್ಷಯಾ । ಪರ್ಯಟನ್ ವಿವಿಧಾನ್ ಲೋಕಾನ್ ಮರ್ತ್ಯಲೋಕಮುಪಾಗತಃ ॥ 4॥

ತತೋದೃಷ್ಟ್ವಾ ಜನಾನ್ಸರ್ವಾನ್ ನಾನಾಕ್ಲೇಶಸಮನ್ವಿತಾನ್ । ನಾನಾಯೋನಿಸಮುತ್ಪನ್ನಾನ್ ಕ್ಲಿಶ್ಯಮಾನಾನ್ ಸ್ವಕರ್ಮಭಿಃ ॥ 5॥

ಕೇನೋಪಾಯೇನ ಚೈತೇಷಾಂ ದುಃಖನಾಶೋ ಭವೇದ್ ಧ್ರುವಮ್ । ಇತಿ ಸಂಚಿಂತ್ಯ ಮನಸಾ ವಿಷ್ಣುಲೋಕಂ ಗತಸ್ತದಾ ॥ 6॥

ತತ್ರ ನಾರಾಯಣಂ ದೇವಂ ಶುಕ್ಲವರ್ಣಂ ಚತುರ್ಭುಜಮ್ । ಶಂಖ-ಚಕ್ರ-ಗದಾ-ಪದ್ಮ-ವನಮಾಲಾ-ವಿಭೂಷಿತಮ್ ॥ 7॥

ದೃಷ್ಟ್ವಾ ತಂ ದೇವದೇವೇಶಂ ಸ್ತೋತುಂ ಸಮುಪಚಕ್ರಮೇ । ನಾರದ ಉವಾಚ । ನಮೋ ವಾಂಗಮನಸಾತೀತರೂಪಾಯಾನಂತಶಕ್ತಯೇ । ಆದಿಮಧ್ಯಾಂತಹೀನಾಯ ನಿರ್ಗುಣಾಯ ಗುಣಾತ್ಮನೇ ॥ 8॥

ಸರ್ವೇಷಾಮಾದಿಭೂತಾಯ ಭಕ್ತಾನಾಮಾರ್ತಿನಾಶಿನೇ । ಶ್ರುತ್ವಾ ಸ್ತೋತ್ರಂ ತತೋ ವಿಷ್ಣುರ್ನಾರದಂ ಪ್ರತ್ಯಭಾಷತ ॥ 9॥

ಶ್ರೀಭಗವಾನುವಾಚ

ಕಿಮರ್ಥಮಾಗತೋಽಸಿ ತ್ವಂ ಕಿಂ ತೇ ಮನಸಿ ವರ್ತತೇ । ಕಥಯಸ್ವ ಮಹಾಭಾಗ ತತ್ಸರ್ವಂ ಕಥಾಯಾಮಿ ತೇ ॥ 10

ನಾರದ ಉವಾಚ

ಮರ್ತ್ಯಲೋಕೇ ಜನಾಃ ಸರ್ವೇ ನಾನಾಕ್ಲೇಶಸಮನ್ವಿತಾಃ । ನನಾಯೋನಿಸಮುತ್ಪನ್ನಾಃ ಪಚ್ಯಂತೇ ಪಾಪಕರ್ಮಭಿಃ ॥ 11

ತತ್ಕಥಂ ಶಮಯೇನ್ನಾಥ ಲಘೂಪಾಯೇನ ತದ್ವದ । ಶ್ರೋತುಮಿಚ್ಛಾಮಿ ತತ್ಸರ್ವಂ ಕೃಪಾಸ್ತಿ ಯದಿ ತೇ ಮಯಿ ॥ 12॥

ಶ್ರೀಭಗವಾನುವಾಚ

ಸಾಧು ಪೃಷ್ಟಂ ತ್ವಯಾ ವತ್ಸ ಲೋಕಾನುಗ್ರಹಕಾಂಕ್ಷಯಾ । ಯತ್ಕೃತ್ವಾ ಮುಚ್ಯತೇ ಮೋಹತ್ ತಚ್ಛೃಣುಷ್ವ ವದಾಮಿ ತೇ ॥ 13

ವ್ರತಮಸ್ತಿ ಮಹತ್ಪುಣ್ಯಂ ಸ್ವರ್ಗೇ ಮರ್ತ್ಯೇ ಚ ದುರ್ಲಭಮ್ । ತವ ಸ್ನೇಹಾನ್ಮಯಾ ವತ್ಸ ಪ್ರಕಾಶಃ ಕ್ರಿಯತೇಽಧುನಾ ॥ 14॥

ಸತ್ಯನಾರಾಯಣಸ್ಯೈವ ವ್ರತಂ ಸಮ್ಯಗ್ವಿಧಾನತಃ । (ಸತ್ಯನಾರಾಯಣಸ್ಯೈವಂ) ಕೃತ್ವಾ ಸದ್ಯಃ ಸುಖಂ ಭುಕ್ತ್ವಾ ಪರತ್ರ ಮೋಕ್ಷಮಾಪ್ನುಯಾತ್ । ತಚ್ಛ್ರುತ್ವಾ ಭಗವದ್ವಾಕ್ಯಂ ನಾರದೋ ಮುನಿರಬ್ರವೀತ್ ॥ 15॥

ನಾರದ ಉವಾಚ

ಕಿಂ ಫಲಂ ಕಿಂ-ವಿಁಧಾನಂ ಚ ಕೃತಂ ಕೇನೈವ ತದ್ ವ್ರತಮ್ । ತತ್ಸರ್ವಂ-ವಿಁಸ್ತರಾದ್ ಬ್ರೂಹಿ ಕದಾ ಕಾರ್ಯಂ-ವ್ರಁತಂ ಪ್ರಭೋ ॥ 16॥ (ಕಾರ್ಯಂಹಿತದ್ವ್ರತಂ)

ಶ್ರೀಭಗವಾನುವಾಚ

ದುಃಖಶೋಕಾದಿಶಮನಂ ಧನಧಾನ್ಯಪ್ರವರ್ಧನಮ್ ॥ 17

ಸೌಭಾಗ್ಯಸಂತತಿಕರಂ ಸರ್ವತ್ರ ವಿಜಯಪ್ರದಮ್ । ಯಸ್ಮಿನ್ ಕಸ್ಮಿನ್ ದಿನೇ ಮರ್ತ್ಯೋ ಭಕ್ತಿಶ್ರದ್ಧಾಸಮನ್ವಿತಃ ॥ 18॥

ಸತ್ಯನಾರಾಯಣಂ ದೇವಂ-ಯಁಜೇಚ್ಚೈವ ನಿಶಾಮುಖೇ । ಬ್ರಾಹ್ಮಣೈರ್ಬಾಂಧವೈಶ್ಚೈವ ಸಹಿತೋ ಧರ್ಮತತ್ಪರಃ ॥ 19॥

ನೈವೇದ್ಯಂ ಭಕ್ತಿತೋ ದದ್ಯಾತ್ ಸಪಾದಂ ಭಕ್ಷ್ಯಮುತ್ತಮಮ್ । ರಂಭಾಫಲಂ ಘೃತಂ ಕ್ಷೀರಂ ಗೋಧೂಮಸ್ಯ ಚ ಚೂರ್ಣಕಮ್ ॥ 20॥

ಅಭಾವೇ ಶಾಲಿಚೂರ್ಣಂ-ವಾಁ ಶರ್ಕರಾ ವಾ ಗುಡಸ್ತಥಾ । ಸಪಾದಂ ಸರ್ವಭಕ್ಷ್ಯಾಣಿ ಚೈಕೀಕೃತ್ಯ ನಿವೇದಯೇತ್ ॥ 21॥

ವಿಪ್ರಾಯ ದಕ್ಷಿಣಾಂ ದದ್ಯಾತ್ ಕಥಾಂ ಶ್ರುತ್ವಾ ಜನೈಃ ಸಹ । ತತಶ್ಚ ಬಂಧುಭಿಃ ಸಾರ್ಧಂ-ವಿಁಪ್ರಾಂಶ್ಚ ಪ್ರತಿಭೋಜಯೇತ್ ॥ 22॥

ಪ್ರಸಾದಂ ಭಕ್ಷಯೇದ್ ಭಕ್ತ್ಯಾ ನೃತ್ಯಗೀತಾದಿಕಂ ಚರೇತ್ । ತತಶ್ಚ ಸ್ವಗೃಹಂ ಗಚ್ಛೇತ್ ಸತ್ಯನಾರಾಯಣಂ ಸ್ಮರನ್ನ್ ॥ 23॥

ಏವಂ ಕೃತೇ ಮನುಷ್ಯಾಣಾಂ-ವಾಂಁಛಾಸಿದ್ಧಿರ್ಭವೇದ್ ಧ್ರುವಮ್ । ವಿಶೇಷತಃ ಕಲಿಯುಗೇ ಲಘೂಪಾಯೋಽಸ್ತಿ ಭೂತಲೇ ॥ 24॥ (ಲಘೂಪಾಯೋಸ್ತಿ)

॥ ಇತಿ ಶ್ರೀಸ್ಕಂದಪುರಾಣೇ ರೇವಾಖಂಡೇ ಶ್ರೀಸತ್ಯನಾರಾಯಣ ವ್ರತಕಥಾಯಾಂ ಪ್ರಥಮೋಽಧ್ಯಾಯಃ ॥ 1 ॥

ಅಥ ದ್ವಿತೀಯೋಽಧ್ಯಾಯಃ

ಸೂತ ಉವಾಚ

ಅಥಾನ್ಯತ್ ಸಂಪ್ರವಕ್ಷ್ಯಾಮಿ ಕೃತಂ-ಯೇಁನ ಪುರಾ ದ್ವಿಜಾಃ । ಕಶ್ಚಿತ್ ಕಾಶೀಪುರೇ ರಮ್ಯೇ ಹ್ಯಾಸೀದ್ವಿಪ್ರೋಽತಿನಿರ್ಧನಃ ॥ 1॥ (ಹ್ಯಾಸೀದ್ವಿಪ್ರೋತಿನಿರ್ಧನಃ)

ಕ್ಷುತ್ತೃಡ್ಭ್ಯಾಂ-ವ್ಯಾಁಕುಲೋಭೂತ್ವಾ ನಿತ್ಯಂ ಬಭ್ರಾಮ ಭೂತಲೇ । ದುಃಖಿತಂ ಬ್ರಾಹ್ಮಣಂ ದೃಷ್ಟ್ವಾ ಭಗವಾನ್ ಬ್ರಾಹ್ಮಣಪ್ರಿಯಃ ॥ 2॥

ವೃದ್ಧಬ್ರಾಹ್ಮಣ ರೂಪಸ್ತಂ ಪಪ್ರಚ್ಛ ದ್ವಿಜಮಾದರಾತ್ । ಕಿಮರ್ಥಂ ಭ್ರಮಸೇ ವಿಪ್ರ ಮಹೀಂ ನಿತ್ಯಂ ಸುದುಃಖಿತಃ । ತತ್ಸರ್ವಂ ಶ್ರೋತುಮಿಚ್ಛಾಮಿ ಕಥ್ಯತಾಂ ದ್ವಿಜ ಸತ್ತಮ ॥ 3॥

ಬ್ರಾಹ್ಮಣ ಉವಾಚ

ಬ್ರಾಹ್ಮಣೋಽತಿ ದರಿದ್ರೋಽಹಂ ಭಿಕ್ಷಾರ್ಥಂ-ವೈಁ ಭ್ರಮೇ ಮಹೀಮ್ ॥ 4॥ (ಬ್ರಾಹ್ಮಣೋತಿ)

ಉಪಾಯಂ-ಯಁದಿ ಜಾನಾಸಿ ಕೃಪಯಾ ಕಥಯ ಪ್ರಭೋ । ವೃದ್ಧಬ್ರಾಹ್ಮಣ ಉವಾಚ । ಸತ್ಯನಾರಾಯಣೋ ವಿಷ್ಣುರ್ವಾಂಛಿತಾರ್ಥಫಲಪ್ರದಃ ॥ 5॥

ತಸ್ಯ ತ್ವಂ ಪೂಜನಂ-ವಿಁಪ್ರ ಕುರುಷ್ವ ವ್ರತಮುತ್ತಮಮ । (ವ್ರತಮುತ್ತಮಂ) ಯತ್ಕೃತ್ವಾ ಸರ್ವದುಃಖೇಭ್ಯೋ ಮುಕ್ತೋ ಭವತಿ ಮಾನವಃ ॥ 6॥

ವಿಧಾನಂ ಚ ವ್ರತಸ್ಯಾಪಿ ವಿಪ್ರಾಯಾಭಾಷ್ಯ ಯತ್ನತಃ । ಸತ್ಯನಾರಾಯಣೋ ವೃದ್ಧಸ್ತತ್ರೈವಾಂತರಧೀಯತ ॥ 7॥

ತದ್ ವ್ರತಂ ಸಂಕರಿಷ್ಯಾಮಿ ಯದುಕ್ತಂ ಬ್ರಾಹ್ಮಣೇನ ವೈ । ಇತಿ ಸಂಚಿಂತ್ಯ ವಿಪ್ರೋಽಸೌ ರಾತ್ರೌ ನಿದ್ರಾ ನ ಲಬ್ಧವಾನ್ ॥ 8॥ (ನಿದ್ರಾಂ)

ತತಃ ಪ್ರಾತಃ ಸಮುತ್ಥಾಯ ಸತ್ಯನಾರಾಯಣವ್ರತಮ್ । ಕರಿಷ್ಯ ಇತಿ ಸಂಕಲ್ಪ್ಯ ಭಿಕ್ಷಾರ್ಥಮಗಮದ್ವಿಜಃ ॥ 9॥ (ಭಿಕ್ಷಾರ್ಥಮಗಮದ್ದ್ವಿಜಃ)

ತಸ್ಮಿನ್ನೇವ ದಿನೇ ವಿಪ್ರಃ ಪ್ರಚುರಂ ದ್ರವ್ಯಮಾಪ್ತವಾನ್ । ತೇನೈವ ಬಂಧುಭಿಃ ಸಾರ್ಧಂ ಸತ್ಯಸ್ಯವ್ರತಮಾಚರತ್ ॥ 10॥

ಸರ್ವದುಃಖವಿನಿರ್ಮುಕ್ತಃ ಸರ್ವಸಂಪತ್ಸಮನ್ವಿತಃ । ಬಭೂವ ಸ ದ್ವಿಜಶ್ರೇಷ್ಠೋ ವ್ರತಸ್ಯಾಸ್ಯ ಪ್ರಭಾವತಃ ॥ 11॥

ತತಃ ಪ್ರಭೃತಿ ಕಾಲಂ ಚ ಮಾಸಿ ಮಾಸಿ ವ್ರತಂ ಕೃತಮ್ । ಏವಂ ನಾರಾಯಣಸ್ಯೇದಂ-ವ್ರಁತಂ ಕೃತ್ವಾ ದ್ವಿಜೋತ್ತಮಃ ॥ 12॥

ಸರ್ವಪಾಪವಿನಿರ್ಮುಕ್ತೋ ದುರ್ಲಭಂ ಮೋಕ್ಷಮಾಪ್ತವಾನ್ । ವ್ರತಮಸ್ಯ ಯದಾ ವಿಪ್ರ ಪೃಥಿವ್ಯಾಂ ಸಂಕರಿಷ್ಯತಿ ॥ 13॥ (ವಿಪ್ರಾಃ)

ತದೈವ ಸರ್ವದುಃಖಂ ತು ಮನುಜಸ್ಯ ವಿನಶ್ಯತಿ । (ಚ ಮನುಜಸ್ಯ) ಏವಂ ನಾರಾಯಣೇನೋಕ್ತಂ ನಾರದಾಯ ಮಹಾತ್ಮನೇ ॥ 14॥

ಮಯಾ ತತ್ಕಥಿತಂ-ವಿಁಪ್ರಾಃ ಕಿಮನ್ಯತ್ ಕಥಯಾಮಿ ವಃ । ಋಷಯ ಊಚುಃ । ತಸ್ಮಾದ್ ವಿಪ್ರಾಚ್ಛ್ರುತಂ ಕೇನ ಪೃಥಿವ್ಯಾಂ ಚರಿತಂ ಮುನೇ । ತತ್ಸರ್ವಂ ಶ್ರೋತುಮಿಚ್ಛಾಮಃ ಶ್ರದ್ಧಾಽಸ್ಮಾಕಂ ಪ್ರಜಾಯತೇ ॥ 15॥ (ಶ್ರದ್ಧಾಸ್ಮಾಕಂ)

ಸೂತ ಉವಾಚ

ಶ‍ಋಣುಧ್ವಂ ಮುನಯಃ ಸರ್ವೇ ವ್ರತಂ-ಯೇಁನ ಕೃತಂ ಭುವಿ । ಏಕದಾ ಸ ದ್ವಿಜವರೋ ಯಥಾವಿಭವ ವಿಸ್ತರೈಃ ॥ 16

ಬಂಧುಭಿಃ ಸ್ವಜನೈಃ ಸಾರ್ಧಂ-ವ್ರಁತಂ ಕರ್ತುಂ ಸಮುದ್ಯತಃ । ಏತಸ್ಮಿನ್ನಂತರೇ ಕಾಲೇ ಕಾಷ್ಠಕ್ರೇತಾ ಸಮಾಗಮತ್ ॥ 17॥

ಬಹಿಃ ಕಾಷ್ಠಂ ಚ ಸಂಸ್ಥಾಪ್ಯ ವಿಪ್ರಸ್ಯ ಗೃಹಮಾಯಯೌ । ತೃಷ್ಣಾಯಾ ಪೀಡಿತಾತ್ಮಾ ಚ ದೃಷ್ಟ್ವಾ ವಿಪ್ರಂ ಕೃತಂ-ವ್ರಁತಮ್ ॥ 18॥ (ಕೃತ)

ಪ್ರಣಿಪತ್ಯ ದ್ವಿಜಂ ಪ್ರಾಹ ಕಿಮಿದಂ ಕ್ರಿಯತೇ ತ್ವಯಾ । ಕೃತೇ ಕಿಂ ಫಲಮಾಪ್ನೋತಿ ವಿಸ್ತರಾದ್ ವದ ಮೇ ಪ್ರಭೋ ॥ 19॥ (ವಿಸ್ತಾರಾದ್)

ವಿಪ್ರ ಉವಾಚ

ಸತ್ಯನಾರಾಯಣೇಸ್ಯೇದಂ-ವ್ರಁತಂ ಸರ್ವೇಪ್ಸಿತಪ್ರದಮ್ । ತಸ್ಯ ಪ್ರಸಾದಾನ್ಮೇ ಸರ್ವಂ ಧನಧಾನ್ಯಾದಿಕಂ ಮಹತ್ ॥ 20

ತಸ್ಮಾದೇತದ್ ವ್ರತಂ ಜ್ಞಾತ್ವಾ ಕಾಷ್ಠಕ್ರೇತಾಽತಿಹರ್ಷಿತಃ । ಪಪೌ ಜಲಂ ಪ್ರಸಾದಂ ಚ ಭುಕ್ತ್ವಾ ಸ ನಗರಂ-ಯಁಯೌ ॥ 21॥

ಸತ್ಯನಾರಾಯಣಂ ದೇವಂ ಮನಸಾ ಇತ್ಯಚಿಂತಯತ್ । ಕಾಷ್ಠಂ-ವಿಁಕ್ರಯತೋ ಗ್ರಾಮೇ ಪ್ರಾಪ್ಯತೇ ಚಾದ್ಯ ಯದ್ ಧನಮ್ ॥ 22॥ (ಪ್ರಾಪ್ಯತೇಮೇಽದ್ಯ)

ತೇನೈವ ಸತ್ಯದೇವಸ್ಯ ಕರಿಷ್ಯೇ ವ್ರತಮುತ್ತಮಮ್ । ಇತಿ ಸಂಚಿಂತ್ಯ ಮನಸಾ ಕಾಷ್ಠಂ ಧೃತ್ವಾ ತು ಮಸ್ತಕೇ ॥ 23॥

ಜಗಾಮ ನಗರೇ ರಮ್ಯೇ ಧನಿನಾಂ-ಯಁತ್ರ ಸಂಸ್ಥಿತಿಃ । ತದ್ದಿನೇ ಕಾಷ್ಠಮೂಲ್ಯಂ ಚ ದ್ವಿಗುಣಂ ಪ್ರಾಪ್ತವಾನಸೌ ॥ 24॥

ತತಃ ಪ್ರಸನ್ನಹೃದಯಃ ಸುಪಕ್ವಂ ಕದಲೀ ಫಲಮ್ । ಶರ್ಕರಾಘೃತದುಗ್ಧಂ ಚ ಗೋಧೂಮಸ್ಯ ಚ ಚೂರ್ಣಕಮ್ ॥ 25॥

ಕೃತ್ವೈಕತ್ರ ಸಪಾದಂ ಚ ಗೃಹೀತ್ವಾ ಸ್ವಗೃಹಂ-ಯಁಯೌ । ತತೋ ಬಂಧೂನ್ ಸಮಾಹೂಯ ಚಕಾರ ವಿಧಿನಾ ವ್ರತಮ್ ॥ 26॥

ತದ್ ವ್ರತಸ್ಯ ಪ್ರಭಾವೇಣ ಧನಪುತ್ರಾನ್ವಿತೋಽಭವತ್ । (ಧನಪುತ್ರಾನ್ವಿತೋಭವತ್) ಇಹಲೋಕೇ ಸುಖಂ ಭುಕ್ತ್ವಾ ಚಾಂತೇ ಸತ್ಯಪುರಂ-ಯಁಯೌ ॥ 27॥

॥ ಇತಿ ಶ್ರೀಸ್ಕಂದಪುರಾಣೇ ರೇವಾಖಂಡೇ ಶ್ರೀಸತ್ಯನಾರಾಯಣ ವ್ರತಕಥಾಯಾಂ ದ್ವಿತೀಯೋಽಧ್ಯಾಯಃ ॥ 2 ॥

ಅಥ ತೃತೀಯೋಽಧ್ಯಾಯಃ

ಸೂತ ಉವಾಚ

ಪುನರಗ್ರೇ ಪ್ರವಕ್ಷ್ಯಾಮಿ ಶ‍ಋಣುಧ್ವಂ ಮುನಿ ಸತ್ತಮಾಃ । ಪುರಾ ಚೋಲ್ಕಾಮುಖೋ ನಾಮ ನೃಪಶ್ಚಾಸೀನ್ಮಹಾಮತಿಃ ॥ 1

ಜಿತೇಂದ್ರಿಯಃ ಸತ್ಯವಾದೀ ಯಯೌ ದೇವಾಲಯಂ ಪ್ರತಿ । ದಿನೇ ದಿನೇ ಧನಂ ದತ್ತ್ವಾ ದ್ವಿಜಾನ್ ಸಂತೋಷಯತ್ ಸುಧೀಃ ॥ 2॥

ಭಾರ್ಯಾ ತಸ್ಯ ಪ್ರಮುಗ್ಧಾ ಚ ಸರೋಜವದನಾ ಸತೀ । ಭದ್ರಶೀಲಾನದೀ ತೀರೇ ಸತ್ಯಸ್ಯವ್ರತಮಾಚರತ್ ॥ 3॥

ಏತಸ್ಮಿನ್ನಂತರೇ ತತ್ರ ಸಾಧುರೇಕಃ ಸಮಾಗತಃ । ವಾಣಿಜ್ಯಾರ್ಥಂ ಬಹುಧನೈರನೇಕೈಃ ಪರಿಪೂರಿತಃ ॥ 4॥

ನಾವಂ ಸಂಸ್ಥಾಪ್ಯ ತತ್ತೀರೇ ಜಗಾಮ ನೃಪತಿಂ ಪ್ರತಿ । ದೃಷ್ಟ್ವಾ ಸ ವ್ರತಿನಂ ಭೂಪಂ ಪ್ರಪಚ್ಛ ವಿನಯಾನ್ವಿತಃ ॥ 5॥

ಸಾಧುರುವಾಚ

ಕಿಮಿದಂ ಕುರುಷೇ ರಾಜನ್ ಭಕ್ತಿಯುಕ್ತೇನ ಚೇತಸಾ । ಪ್ರಕಾಶಂ ಕುರು ತತ್ಸರ್ವಂ ಶ್ರೋತುಮಿಚ್ಛಾಮಿ ಸಾಂಪ್ರತಮ್ ॥ 6

ರಾಜೋವಾಚ । ಪೂಜನಂ ಕ್ರಿಯತೇ ಸಾಧೋ ವಿಷ್ಣೋರತುಲತೇಜಸಃ । ವ್ರತಂ ಚ ಸ್ವಜನೈಃ ಸಾರ್ಧಂ ಪುತ್ರಾದ್ಯಾವಾಪ್ತಿ ಕಾಮ್ಯಯಾ ॥ 7॥

ಭೂಪಸ್ಯ ವಚನಂ ಶ್ರುತ್ವಾ ಸಾಧುಃ ಪ್ರೋವಾಚ ಸಾದರಮ್ । ಸರ್ವಂ ಕಥಯ ಮೇ ರಾಜನ್ ಕರಿಷ್ಯೇಽಹಂ ತವೋದಿತಮ್ ॥ 8॥

ಮಮಾಪಿ ಸಂತತಿರ್ನಾಸ್ತಿ ಹ್ಯೇತಸ್ಮಾಜ್ಜಾಯತೇ ಧ್ರುವಮ್ । ತತೋ ನಿವೃತ್ತ್ಯ ವಾಣಿಜ್ಯಾತ್ ಸಾನಂದೋ ಗೃಹಮಾಗತಃ ॥ 9॥

ಭಾರ್ಯಾಯೈ ಕಥಿತಂ ಸರ್ವಂ-ವ್ರಁತಂ ಸಂತತಿ ದಾಯಕಮ್ । ತದಾ ವ್ರತಂ ಕರಿಷ್ಯಾಮಿ ಯದಾ ಮೇ ಸಂತತಿರ್ಭವೇತ್ ॥ 10॥

ಇತಿ ಲೀಲಾವತೀಂ ಪ್ರಾಹ ಪತ್ನೀಂ ಸಾಧುಃ ಸ ಸತ್ತಮಃ । ಏಕಸ್ಮಿನ್ ದಿವಸೇ ತಸ್ಯ ಭಾರ್ಯಾ ಲೀಲಾವತೀ ಸತೀ ॥ 11॥ (ಭಾರ್ಯಾಂ)

ಭರ್ತೃಯುಕ್ತಾನಂದಚಿತ್ತಾಽಭವದ್ ಧರ್ಮಪರಾಯಣಾ । ರ್ಗಭಿಣೀ ಸಾಽಭವತ್ ತಸ್ಯ ಭಾರ್ಯಾ ಸತ್ಯಪ್ರಸಾದತಃ ॥ 12॥ (ಸಾಭವತ್)

ದಶಮೇ ಮಾಸಿ ವೈ ತಸ್ಯಾಃ ಕನ್ಯಾರತ್ನಮಜಾಯತ । ದಿನೇ ದಿನೇ ಸಾ ವವೃಧೇ ಶುಕ್ಲಪಕ್ಷೇ ಯಥಾ ಶಶೀ ॥ 13॥

ನಾಮ್ನಾ ಕಲಾವತೀ ಚೇತಿ ತನ್ನಾಮಕರಣಂ ಕೃತಮ್ । ತತೋ ಲೀಲಾವತೀ ಪ್ರಾಹ ಸ್ವಾಮಿನಂ ಮಧುರಂ-ವಁಚಃ ॥ 14॥

ನ ಕರೋಷಿ ಕಿಮರ್ಥಂ-ವೈಁ ಪುರಾ ಸಂಕಲ್ಪಿತಂ-ವ್ರಁತಮ್ । ಸಾಧುರುವಾಚ । ವಿವಾಹ ಸಮಯೇ ತ್ವಸ್ಯಾಃ ಕರಿಷ್ಯಾಮಿ ವ್ರತಂ ಪ್ರಿಯೇ ॥ 15॥

ಇತಿ ಭಾರ್ಯಾಂ ಸಮಾಶ್ವಾಸ್ಯ ಜಗಾಮ ನಗರಂ ಪ್ರತಿ । ತತಃ ಕಲಾವತೀ ಕನ್ಯಾ ವವೃಧೇ ಪಿತೃವೇಶ್ಮನಿ ॥ 16॥

ದೃಷ್ಟ್ವಾ ಕನ್ಯಾಂ ತತಃ ಸಾಧುರ್ನಗರೇ ಸಖಿಭಿಃ ಸಹ । ಮಂತ್ರಯಿತ್ವಾ ದ್ರುತಂ ದೂತಂ ಪ್ರೇಷಯಾಮಾಸ ಧರ್ಮವಿತ್ ॥ 17॥

ವಿವಾಹಾರ್ಥಂ ಚ ಕನ್ಯಾಯಾ ವರಂ ಶ್ರೇಷ್ಠಂ-ವಿಁಚಾರಯ । ತೇನಾಜ್ಞಪ್ತಶ್ಚ ದೂತೋಽಸೌ ಕಾಂಚನಂ ನಗರಂ-ಯಁಯೌ ॥ 18॥

ತಸ್ಮಾದೇಕಂ-ವಁಣಿಕ್ಪುತ್ರಂ ಸಮಾದಾಯಾಗತೋ ಹಿ ಸಃ । ದೃಷ್ಟ್ವಾ ತು ಸುಂದರಂ ಬಾಲಂ-ವಁಣಿಕ್ಪುತ್ರಂ ಗುಣಾನ್ವಿತಮ್ ॥ 19॥

ಜ್ಞಾತಿಭಿರ್ಬಂಧುಭಿಃ ಸಾರ್ಧಂ ಪರಿತುಷ್ಟೇನ ಚೇತಸಾ । ದತ್ತಾವಾನ್ ಸಾಧುಪುತ್ರಾಯ ಕನ್ಯಾಂ-ವಿಁಧಿವಿಧಾನತಃ ॥ 20॥ (ಸಾಧುಃಪುತ್ರಾಯ)

ತತೋಽಭಾಗ್ಯವಶಾತ್ ತೇನ ವಿಸ್ಮೃತಂ-ವ್ರಁತಮುತ್ತಮಮ್ । (ತತೋಭಾಗ್ಯವಶಾತ್) ವಿವಾಹಸಮಯೇ ತಸ್ಯಾಸ್ತೇನ ರುಷ್ಟೋ ಭವತ್ ಪ್ರಭುಃ ॥ 21॥ (ರುಷ್ಟೋಽಭವತ್)

ತತಃ ಕಾಲೇನ ನಿಯತೋ ನಿಜಕರ್ಮ ವಿಶಾರದಃ । ವಾಣಿಜ್ಯಾರ್ಥಂ ತತಃ ಶೀಘ್ರಂ ಜಾಮಾತೃ ಸಹಿತೋ ವಣಿಕ್ ॥ 22॥

ರತ್ನಸಾರಪುರೇ ರಮ್ಯೇ ಗತ್ವಾ ಸಿಂಧು ಸಮೀಪತಃ । ವಾಣಿಜ್ಯಮಕರೋತ್ ಸಾಧುರ್ಜಾಮಾತ್ರಾ ಶ್ರೀಮತಾ ಸಹ ॥ 23॥

ತೌ ಗತೌ ನಗರೇ ರಮ್ಯೇ ಚಂದ್ರಕೇತೋರ್ನೃಪಸ್ಯ ಚ । (ನಗರೇತಸ್ಯ) ಏತಸ್ಮಿನ್ನೇವ ಕಾಲೇ ತು ಸತ್ಯನಾರಾಯಣಃ ಪ್ರಭುಃ ॥ 24॥

ಭ್ರಷ್ಟಪ್ರತಿಜ್ಞಮಾಲೋಕ್ಯ ಶಾಪಂ ತಸ್ಮೈ ಪ್ರದತ್ತವಾನ್ । ದಾರುಣಂ ಕಠಿನಂ ಚಾಸ್ಯ ಮಹದ್ ದುಃಖಂ ಭವಿಷ್ಯತಿ ॥ 25॥

ಏಕಸ್ಮಿಂದಿವಸೇ ರಾಜ್ಞೋ ಧನಮಾದಾಯ ತಸ್ಕರಃ । ತತ್ರೈವ ಚಾಗತ ಶ್ಚೌರೋ ವಣಿಜೌ ಯತ್ರ ಸಂಸ್ಥಿತೌ ॥ 26॥

ತತ್ಪಶ್ಚಾದ್ ಧಾವಕಾನ್ ದೂತಾನ್ ದೃಷ್ಟವಾ ಭೀತೇನ ಚೇತಸಾ । ಧನಂ ಸಂಸ್ಥಾಪ್ಯ ತತ್ರೈವ ಸ ತು ಶೀಘ್ರಮಲಕ್ಷಿತಃ ॥ 27॥

ತತೋ ದೂತಾಃಸಮಾಯಾತಾ ಯತ್ರಾಸ್ತೇ ಸಜ್ಜನೋ ವಣಿಕ್ । ದೃಷ್ಟ್ವಾ ನೃಪಧನಂ ತತ್ರ ಬದ್ಧ್ವಾಽಽನೀತೌ ವಣಿಕ್ಸುತೌ ॥ 28॥ (ಬದ್ಧ್ವಾನೀತೌ)

ಹರ್ಷೇಣ ಧಾವಮಾನಾಶ್ಚ ಪ್ರೋಚುರ್ನೃಪಸಮೀಪತಃ । ತಸ್ಕರೌ ದ್ವೌ ಸಮಾನೀತೌ ವಿಲೋಕ್ಯಾಜ್ಞಾಪಯ ಪ್ರಭೋ ॥ 29॥

ರಾಜ್ಞಾಽಽಜ್ಞಪ್ತಾಸ್ತತಃ ಶೀಘ್ರಂ ದೃಢಂ ಬದ್ಧ್ವಾ ತು ತಾ ವುಭೌ । ಸ್ಥಾಪಿತೌ ದ್ವೌ ಮಹಾದುರ್ಗೇ ಕಾರಾಗಾರೇಽವಿಚಾರತಃ ॥ 30॥

ಮಾಯಯಾ ಸತ್ಯದೇವಸ್ಯ ನ ಶ್ರುತಂ ಕೈಸ್ತಯೋರ್ವಚಃ । ಅತಸ್ತಯೋರ್ಧನಂ ರಾಜ್ಞಾ ಗೃಹೀತಂ ಚಂದ್ರಕೇತುನಾ ॥ 31॥

ತಚ್ಛಾಪಾಚ್ಚ ತಯೋರ್ಗೇಹೇ ಭಾರ್ಯಾ ಚೈವಾತಿ ದುಃಖಿತಾ । ಚೌರೇಣಾಪಹೃತಂ ಸರ್ವಂ ಗೃಹೇ ಯಚ್ಚ ಸ್ಥಿತಂ ಧನಮ್ ॥ 32॥

ಆಧಿವ್ಯಾಧಿಸಮಾಯುಕ್ತಾ ಕ್ಷುತ್ಪಿಪಾಶಾತಿ ದುಃಖಿತಾ । (ಕ್ಷುತ್ಪಿಪಾಸಾತಿ) ಅನ್ನಚಿಂತಾಪರಾ ಭೂತ್ವಾ ಬಭ್ರಾಮ ಚ ಗೃಹೇ ಗೃಹೇ । ಕಲಾವತೀ ತು ಕನ್ಯಾಪಿ ಬಭ್ರಾಮ ಪ್ರತಿವಾಸರಮ್ ॥ 33॥

ಏಕಸ್ಮಿನ್ ದಿವಸೇ ಯಾತಾ ಕ್ಷುಧಾರ್ತಾ ದ್ವಿಜಮಂದಿರಮ್ । (ದಿವಸೇ ಜಾತಾ) ಗತ್ವಾಽಪಶ್ಯದ್ ವ್ರತಂ ತತ್ರ ಸತ್ಯನಾರಾಯಣಸ್ಯ ಚ ॥ 34॥ (ಗತ್ವಾಪಶ್ಯದ್)

ಉಪವಿಶ್ಯ ಕಥಾಂ ಶ್ರುತ್ವಾ ವರಂ ರ್ಪ್ರಾಥಿತವತ್ಯಪಿ । ಪ್ರಸಾದ ಭಕ್ಷಣಂ ಕೃತ್ವಾ ಯಯೌ ರಾತ್ರೌ ಗೃಹಂ ಪ್ರತಿ ॥ 35॥

ಮಾತಾ ಕಲಾವತೀಂ ಕನ್ಯಾಂ ಕಥಯಾಮಾಸ ಪ್ರೇಮತಃ । ಪುತ್ರಿ ರಾತ್ರೌ ಸ್ಥಿತಾ ಕುತ್ರ ಕಿಂ ತೇ ಮನಸಿ ವರ್ತತೇ ॥ 36॥

ಕನ್ಯಾ ಕಲಾವತೀ ಪ್ರಾಹ ಮಾತರಂ ಪ್ರತಿ ಸತ್ವರಮ್ । ದ್ವಿಜಾಲಯೇ ವ್ರತಂ ಮಾತರ್ದೃಷ್ಟಂ-ವಾಂಁಛಿತಸಿದ್ಧಿದಮ್ ॥ 37॥

ತಚ್ಛ್ರುತ್ವಾ ಕನ್ಯಕಾ ವಾಕ್ಯಂ-ವ್ರಁತಂ ಕರ್ತುಂ ಸಮುದ್ಯತಾ । ಸಾ ಮುದಾ ತು ವಣಿಗ್ಭಾರ್ಯಾ ಸತ್ಯನಾರಾಯಣಸ್ಯ ಚ ॥ 38॥

ವ್ರತಂ ಚಕ್ರೇ ಸೈವ ಸಾಧ್ವೀ ಬಂಧುಭಿಃ ಸ್ವಜನೈಃ ಸಹ । ಭರ್ತೃಜಾಮಾತರೌ ಕ್ಷಿಪ್ರಮಾಗಚ್ಛೇತಾಂ ಸ್ವಮಾಶ್ರಮಮ್ ॥ 39॥

ಅಪರಾಧಂ ಚ ಮೇ ಭರ್ತುರ್ಜಾಮಾತುಃ ಕ್ಷಂತುಮರ್ಹಸಿ । ವ್ರತೇನಾನೇನ ತುಷ್ಟೋಽಸೌ ಸತ್ಯನಾರಾಯಣಃ ಪುನಃ ॥ 40॥ (ತುಷ್ಟೋಸೌ)

ದರ್ಶಯಾಮಾಸ ಸ್ವಪ್ನಂ ಹೀ ಚಂದ್ರಕೇತುಂ ನೃಪೋತ್ತಮಮ್ । ಬಂದಿನೌ ಮೋಚಯ ಪ್ರಾತರ್ವಣಿಜೌ ನೃಪಸತ್ತಮ ॥ 41॥

ದೇಯಂ ಧನಂ ಚ ತತ್ಸರ್ವಂ ಗೃಹೀತಂ-ಯಁತ್ ತ್ವಯಾಽಧುನಾ । (ತ್ವಯಾಧುನಾ) ನೋ ಚೇತ್ ತ್ವಾಂ ನಾಶಯಿಷ್ಯಾಮಿ ಸರಾಜ್ಯಧನಪುತ್ರಕಮ್ ॥ 42॥

ಏವಮಾಭಾಷ್ಯ ರಾಜಾನಂ ಧ್ಯಾನಗಮ್ಯೋಽಭವತ್ ಪ್ರಭುಃ । (ಧ್ಯಾನಗಮ್ಯೋಭವತ್) ತತಃ ಪ್ರಭಾತಸಮಯೇ ರಾಜಾ ಚ ಸ್ವಜನೈಃ ಸಹ ॥ 43॥

ಉಪವಿಶ್ಯ ಸಭಾಮಧ್ಯೇ ಪ್ರಾಹ ಸ್ವಪ್ನಂ ಜನಂ ಪ್ರತಿ । ಬದ್ಧೌ ಮಹಾಜನೌ ಶೀಘ್ರಂ ಮೋಚಯ ದ್ವೌ ವಣಿಕ್ಸುತೌ ॥ 44॥

ಇತಿ ರಾಜ್ಞೋ ವಚಃ ಶ್ರುತ್ವಾ ಮೋಚಯಿತ್ವಾ ಮಹಾಜನೌ । ಸಮಾನೀಯ ನೃಪಸ್ಯಾಗ್ರೇ ಪ್ರಾಹುಸ್ತೇ ವಿನಯಾನ್ವಿತಾಃ ॥ 45॥

ಆನೀತೌ ದ್ವೌ ವಣಿಕ್ಪುತ್ರೌ ಮುಕ್ತೌ ನಿಗಡಬಂಧನಾತ್ । ತತೋ ಮಹಾಜನೌ ನತ್ವಾ ಚಂದ್ರಕೇತುಂ ನೃಪೋತ್ತಮಮ್ ॥ 46॥

ಸ್ಮರಂತೌ ಪೂರ್ವ ವೃತ್ತಾಂತಂ ನೋಚತುರ್ಭಯವಿಹ್ವಲೌ । ರಾಜಾ ವಣಿಕ್ಸುತೌ ವೀಕ್ಷ್ಯ ವಚಃ ಪ್ರೋವಾಚ ಸಾದರಮ್ ॥ 47॥

ದೇವಾತ್ ಪ್ರಾಪ್ತಂ ಮಹದ್ದುಃಖಮಿದಾನೀಂ ನಾಸ್ತಿ ವೈ ಭಯಮ್ । ತದಾ ನಿಗಡಸಂತ್ಯಾಗಂ ಕ್ಷೌರಕರ್ಮಾದ್ಯಕಾರಯತ್ ॥ 48॥

ವಸ್ತ್ರಾಲಂಕಾರಕಂ ದತ್ತ್ವಾ ಪರಿತೋಷ್ಯ ನೃಪಶ್ಚ ತೌ । ಪುರಸ್ಕೃತ್ಯ ವಣಿಕ್ಪುತ್ರೌ ವಚಸಾಽತೋಷಯದ್ ಭೃಶಮ್ ॥ 49॥ (ವಚಸಾತೋಷಯದ್ಭೃಶಂ)

ಪುರಾನೀತಂ ತು ಯದ್ ದ್ರವ್ಯಂ ದ್ವಿಗುಣೀಕೃತ್ಯ ದತ್ತವಾನ್ । ಪ್ರೋವಾಚ ಚ ತತೋ ರಾಜಾ ಗಚ್ಛ ಸಾಧೋ ನಿಜಾಶ್ರಮಮ್ ॥ 50॥ (ಪ್ರೋವಾಚತೌ)

ರಾಜಾನಂ ಪ್ರಣಿಪತ್ಯಾಹ ಗಂತವ್ಯಂ ತ್ವತ್ಪ್ರಸಾದತಃ । ಇತ್ಯುಕ್ತ್ವಾ ತೌ ಮಹಾವೈಶ್ಯೌ ಜಗ್ಮತುಃ ಸ್ವಗೃಹಂ ಪ್ರತಿ ॥ 51॥ (ಮಹಾವೈಶ್ಯೋ)

॥ ಇತಿ ಶ್ರೀಸ್ಕಂದ ಪುರಾಣೇ ರೇವಾಖಂಡೇ ಶ್ರೀಸತ್ಯನಾರಾಯಣ ವ್ರತಕಥಾಯಾಂ ತೃತೀಯೋಽಧ್ಯಾಯಃ ॥ 3 ॥

ಅಥ ಚತುರ್ಥೋಽಧ್ಯಾಯಃ

ಸೂತ ಉವಾಚ

ಯಾತ್ರಾಂ ತು ಕೃತವಾನ್ ಸಾಧುರ್ಮಂಗಲಾಯನಪೂರ್ವಿಕಾಮ್ । ಬ್ರಾಹ್ಮಣೇಭ್ಯೋ ಧನಂ ದತ್ತ್ವಾ ತದಾ ತು ನಗರಂ-ಯಁಯೌ ॥ 1

ಕಿಯದ್ ದೂರೇ ಗತೇ ಸಾಧೋ ಸತ್ಯನಾರಾಯಣಃ ಪ್ರಭುಃ । ಜಿಜ್ಞಾಸಾಂ ಕೃತವಾನ್ ಸಾಧೌ ಕಿಮಸ್ತಿ ತವ ನೌಸ್ಥಿತಮ್ ॥ 2॥

ತತೋ ಮಹಾಜನೌ ಮತ್ತೌ ಹೇಲಯಾ ಚ ಪ್ರಹಸ್ಯ ವೈ । (ಮತೌ) ಕಥಂ ಪೃಚ್ಛಸಿ ಭೋ ದಂಡಿನ್ ಮುದ್ರಾಂ ನೇತುಂ ಕಿಮಿಚ್ಛಸಿ ॥ 3॥

ಲತಾಪತ್ರಾದಿಕಂ ಚೈವ ವರ್ತತೇ ತರಣೌ ಮಮ । ನಿಷ್ಠುರಂ ಚ ವಚಃ ಶ್ರುತ್ವಾ ಸತ್ಯಂ ಭವತು ತೇ ವಚಃ ॥ 4॥

ಏವಮುಕ್ತ್ವಾ ಗತಃ ಶೀಘ್ರಂ ದಂಡೀ ತಸ್ಯ ಸಮೀಪತಃ । ಕಿಯದ್ ದೂರೇ ತತೋ ಗತ್ವಾ ಸ್ಥಿತಃ ಸಿಂಧು ಸಮೀಪತಃ ॥ 5॥

ಗತೇ ದಂಡಿನಿ ಸಾಧುಶ್ಚ ಕೃತನಿತ್ಯಕ್ರಿಯಸ್ತದಾ । ಉತ್ಥಿತಾಂ ತರಣೀಂ ದೃಷ್ಟ್ವಾ ವಿಸ್ಮಯಂ ಪರಮಂ-ಯಁಯೌ ॥ 6॥

ದೃಷ್ಟ್ವಾ ಲತಾದಿಕಂ ಚೈವ ಮೂರ್ಚ್ಛಿತೋ ನ್ಯಪತದ್ ಭುವಿ । ಲಬ್ಧಸಂಜ್ಞೋ ವಣಿಕ್ಪುತ್ರಸ್ತತಶ್ಚಿಂತಾನ್ವಿತೋಽಭವತ್ ॥ 7॥ (ವಣಿಕ್ಪುತ್ರಸ್ತತಶ್ಚಿಂತಾನ್ವಿತೋಭವತ್)

ತದಾ ತು ದುಹಿತುಃ ಕಾಂತೋ ವಚನಂ ಚೇದಮಬ್ರವೀತ್ । ಕಿಮರ್ಥಂ ಕ್ರಿಯತೇ ಶೋಕಃ ಶಾಪೋ ದತ್ತಶ್ಚ ದಂಡಿನಾ ॥ 8॥

ಶಕ್ಯತೇ ತೇನ ಸರ್ವಂ ಹಿ ಕರ್ತುಂ ಚಾತ್ರ ನ ಸಂಶಯಃ । (ಶಕ್ಯತೇನೇ ನ) ಅತಸ್ತಚ್ಛರಣಂ-ಯಾಁಮೋ ವಾಂಛತಾರ್ಥೋ ಭವಿಷ್ಯತಿ ॥ 9॥ (ವಾಂಛಿತಾರ್ಥೋ)

ಜಾಮಾತುರ್ವಚನಂ ಶ್ರುತ್ವಾ ತತ್ಸಕಾಶಂ ಗತಸ್ತದಾ । ದೃಷ್ಟ್ವಾ ಚ ದಂಡಿನಂ ಭಕ್ತ್ಯಾ ನತ್ವಾ ಪ್ರೋವಾಚ ಸಾದರಮ್ ॥ 10॥

ಕ್ಷಮಸ್ವ ಚಾಪರಾಧಂ ಮೇ ಯದುಕ್ತಂ ತವ ಸನ್ನಿಧೌ । ಏವಂ ಪುನಃ ಪುನರ್ನತ್ವಾ ಮಹಾಶೋಕಾಕುಲೋಽಭವತ್ ॥ 11॥ (ಮಹಾಶೋಕಾಕುಲೋಭವತ್)

ಪ್ರೋವಾಚ ವಚನಂ ದಂಡೀ ವಿಲಪಂತಂ-ವಿಁಲೋಕ್ಯ ಚ । ಮಾ ರೋದೀಃ ಶ‍ಋಣುಮದ್ವಾಕ್ಯಂ ಮಮ ಪೂಜಾಬಹಿರ್ಮುಖಃ ॥ 12॥

ಮಮಾಜ್ಞಯಾ ಚ ದುರ್ಬುದ್ಧೇ ಲಬ್ಧಂ ದುಃಖಂ ಮುಹುರ್ಮುಹುಃ । ತಚ್ಛ್ರುತ್ವಾ ಭಗವದ್ವಾಕ್ಯಂ ಸ್ತುತಿಂ ಕರ್ತುಂ ಸಮುದ್ಯತಃ ॥ 13॥

ಸಾಧುರುವಾಚ

ತ್ವನ್ಮಾಯಾಮೋಹಿತಾಃ ಸರ್ವೇ ಬ್ರಹ್ಮಾದ್ಯಾಸ್ತ್ರಿದಿವೌಕಸಃ । ನ ಜಾನಂತಿ ಗುಣಾನ್ ರೂಪಂ ತವಾಶ್ಚರ್ಯಮಿದಂ ಪ್ರಭೋ ॥ 14

ಮೂಢೋಽಹಂ ತ್ವಾಂ ಕಥಂ ಜಾನೇ ಮೋಹಿತಸ್ತವಮಾಯಯಾ । (ಮೂಢೋಹಂ) ಪ್ರಸೀದ ಪೂಜಯಿಷ್ಯಾಮಿ ಯಥಾವಿಭವವಿಸ್ತರೈಃ ॥ 15॥

ಪುರಾ ವಿತ್ತಂ ಚ ತತ್ ಸರ್ವಂ ತ್ರಾಹಿ ಮಾಂ ಶರಣಾಗತಮ್ । ಶ್ರುತ್ವಾ ಭಕ್ತಿಯುತಂ-ವಾಁಕ್ಯಂ ಪರಿತುಷ್ಟೋ ಜನಾರ್ದನಃ ॥ 16॥

ವರಂ ಚ ವಾಂಛಿತಂ ದತ್ತ್ವಾ ತತ್ರೈವಾಂತರ್ದಧೇ ಹರಿಃ । ತತೋ ನಾವಂ ಸಮಾರೂಹ್ಯ ದೃಷ್ಟ್ವಾ ವಿತ್ತಪ್ರಪೂರಿತಾಮ್ ॥ 17॥

ಕೃಪಯಾ ಸತ್ಯದೇವಸ್ಯ ಸಫಲಂ-ವಾಂಁಛಿತಂ ಮಮ । ಇತ್ಯುಕ್ತ್ವಾ ಸ್ವಜನೈಃ ಸಾರ್ಧಂ ಪೂಜಾಂ ಕೃತ್ವಾ ಯಥಾವಿಧಿ ॥ 18॥

ಹರ್ಷೇಣ ಚಾಭವತ್ ಪೂರ್ಣಃಸತ್ಯದೇವಪ್ರಸಾದತಃ । ನಾವಂ ಸಂಯೋಁಜ್ಯ ಯತ್ನೇನ ಸ್ವದೇಶಗಮನಂ ಕೃತಮ್ ॥ 19॥

ಸಾಧುರ್ಜಾಮಾತರಂ ಪ್ರಾಹ ಪಶ್ಯ ರತ್ನಪುರೀಂ ಮಮ । ದೂತಂ ಚ ಪ್ರೇಷಯಾಮಾಸ ನಿಜವಿತ್ತಸ್ಯ ರಕ್ಷಕಮ್ ॥ 20॥

ತತೋಽಸೌ ನಗರಂ ಗತ್ವಾ ಸಾಧುಭಾರ್ಯಾಂ-ವಿಁಲೋಕ್ಯ ಚ । (ದೂತೋಸೌ) ಪ್ರೋವಾಚ ವಾಂಛಿತಂ-ವಾಁಕ್ಯಂ ನತ್ವಾ ಬದ್ಧಾಂಜಲಿಸ್ತದಾ ॥ 21॥

ನಿಕಟೇ ನಗರಸ್ಯೈವ ಜಾಮಾತ್ರಾ ಸಹಿತೋ ವಣಿಕ್ । ಆಗತೋ ಬಂಧುವರ್ಗೈಶ್ಚ ವಿತ್ತೈಶ್ಚ ಬಹುಭಿರ್ಯುತಃ ॥ 22॥

ಶ್ರುತ್ವಾ ದೂತಮುಖಾದ್ವಾಕ್ಯಂ ಮಹಾಹರ್ಷವತೀ ಸತೀ । ಸತ್ಯಪೂಜಾಂ ತತಃ ಕೃತ್ವಾ ಪ್ರೋವಾಚ ತನುಜಾಂ ಪ್ರತಿ ॥ 23॥

ವ್ರಜಾಮಿ ಶೀಘ್ರಮಾಗಚ್ಛ ಸಾಧುಸಂದರ್ಶನಾಯ ಚ । ಇತಿ ಮಾತೃವಚಃ ಶ್ರುತ್ವಾ ವ್ರತಂ ಕೃತ್ವಾ ಸಮಾಪ್ಯ ಚ ॥ 24॥

ಪ್ರಸಾದಂ ಚ ಪರಿತ್ಯಜ್ಯ ಗತಾ ಸಾಽಪಿ ಪತಿಂ ಪ್ರತಿ । (ಸಾಪಿ) ತೇನ ರುಷ್ಟಾಃ ಸತ್ಯದೇವೋ ಭರ್ತಾರಂ ತರಣಿಂ ತಥಾ ॥ 25॥ (ರುಷ್ಟಃ, ತರಣೀಂ)

ಸಂಹೃತ್ಯ ಚ ಧನೈಃ ಸಾರ್ಧಂ ಜಲೇ ತಸ್ಯಾವಮಜ್ಜಯತ್ । ತತಃ ಕಲಾವತೀ ಕನ್ಯಾ ನ ವಿಲೋಕ್ಯ ನಿಜಂ ಪತಿಮ್ ॥ 26॥

ಶೋಕೇನ ಮಹತಾ ತತ್ರ ರುದಂತೀ ಚಾಪತದ್ ಭುವಿ । (ರುದತೀ) ದೃಷ್ಟ್ವಾ ತಥಾವಿಧಾಂ ನಾವಂ ಕನ್ಯಾಂ ಚ ಬಹುದುಃಖಿತಾಮ್ ॥ 27॥

ಭೀತೇನ ಮನಸಾ ಸಾಧುಃ ಕಿಮಾಶ್ಚರ್ಯಮಿದಂ ಭವೇತ್ । ಚಿಂತ್ಯಮಾನಾಶ್ಚ ತೇ ಸರ್ವೇ ಬಭೂವುಸ್ತರಿವಾಹಕಾಃ ॥ 28॥

ತತೋ ಲೀಲಾವತೀ ಕನ್ಯಾಂ ದೃಷ್ಟ್ವಾ ಸಾ ವಿಹ್ವಲಾಽಭವತ್ । ವಿಲಲಾಪಾತಿದುಃಖೇನ ಭರ್ತಾರಂ ಚೇದಮಬ್ರವೀತ ॥ 29॥

ಇದಾನೀಂ ನೌಕಯಾ ಸಾರ್ಧಂ ಕಥಂ ಸೋಽಭೂದಲಕ್ಷಿತಃ । ನ ಜಾನೇ ಕಸ್ಯ ದೇವಸ್ಯ ಹೇಲಯಾ ಚೈವ ಸಾ ಹೃತಾ ॥ 30॥

ಸತ್ಯದೇವಸ್ಯ ಮಾಹಾತ್ಮ್ಯಂ ಜ್ಞಾತುಂ-ವಾಁ ಕೇನ ಶಕ್ಯತೇ । ಇತ್ಯುಕ್ತ್ವಾ ವಿಲಲಾಪೈವ ತತಶ್ಚ ಸ್ವಜನೈಃ ಸಹ ॥ 31॥

ತತೋ ಲೀಲಾವತೀ ಕನ್ಯಾಂ ಕ್ರೌಡೇ ಕೃತ್ವಾ ರುರೋದ ಹ । ತತಃಕಲಾವತೀ ಕನ್ಯಾ ನಷ್ಟೇ ಸ್ವಾಮಿನಿ ದುಃಖಿತಾ ॥ 32॥

ಗೃಹೀತ್ವಾ ಪಾದುಕೇ ತಸ್ಯಾನುಗತುಂ ಚ ಮನೋದಧೇ । (ಪಾದುಕಾಂ) ಕನ್ಯಾಯಾಶ್ಚರಿತಂ ದೃಷ್ಟ್ವಾ ಸಭಾರ್ಯಃ ಸಜ್ಜನೋ ವಣಿಕ್ ॥ 33॥

ಅತಿಶೋಕೇನ ಸಂತಪ್ತಶ್ಚಿಂತಯಾಮಾಸ ಧರ್ಮವಿತ್ । ಹೃತಂ-ವಾಁ ಸತ್ಯದೇವೇನ ಭ್ರಾಂತೋಽಹಂ ಸತ್ಯಮಾಯಯಾ ॥ 34॥

ಸತ್ಯಪೂಜಾಂ ಕರಿಷ್ಯಾಮಿ ಯಥಾವಿಭವವಿಸ್ತರೈಃ । ಇತಿ ಸರ್ವಾನ್ ಸಮಾಹೂಯ ಕಥಯಿತ್ವಾ ಮನೋರಥಮ್ ॥ 35॥

ನತ್ವಾ ಚ ದಂಡವದ್ ಭೂಮೌ ಸತ್ಯದೇವಂ ಪುನಃ ಪುನಃ । ತತಸ್ತುಷ್ಟಃ ಸತ್ಯದೇವೋ ದೀನಾನಾಂ ಪರಿಪಾಲಕಃ ॥ 36॥

ಜಗಾದ ವಚನಂ ಚೈನಂ ಕೃಪಯಾ ಭಕ್ತವತ್ಸಲಃ । ತ್ಯಕ್ತ್ವಾ ಪ್ರಸಾದಂ ತೇ ಕನ್ಯಾ ಪತಿಂ ದ್ರಷ್ಟುಂ ಸಮಾಗತಾ ॥ 37॥

ಅತೋಽದೃಷ್ಟೋಽಭವತ್ತಸ್ಯಾಃ ಕನ್ಯಕಾಯಾಃ ಪತಿರ್ಧ್ರುವಮ್ । ಗೃಹಂ ಗತ್ವಾ ಪ್ರಸಾದಂ ಚ ಭುಕ್ತ್ವಾ ಸಾಽಽಯಾತಿ ಚೇತ್ಪುನಃ ॥ 38॥ (ಸಾಯಾತಿ)

ಲಬ್ಧಭರ್ತ್ರೀ ಸುತಾ ಸಾಧೋ ಭವಿಷ್ಯತಿ ನ ಸಂಶಯಃ । ಕನ್ಯಕಾ ತಾದೃಶಂ-ವಾಁಕ್ಯಂ ಶ್ರುತ್ವಾ ಗಗನಮಂಡಲಾತ್ ॥ 39॥

ಕ್ಷಿಪ್ರಂ ತದಾ ಗೃಹಂ ಗತ್ವಾ ಪ್ರಸಾದಂ ಚ ಬುಭೋಜ ಸಾ । ಪಶ್ಚಾತ್ ಸಾ ಪುನರಾಗತ್ಯ ದದರ್ಶ ಸ್ವಜನಂ ಪತಿಮ್ ॥ 40॥ (ಸಾಪಶ್ಚಾತ್ಪುನರಾಗತ್ಯ, ಸಜನಂ)

ತತಃ ಕಲಾವತೀ ಕನ್ಯಾ ಜಗಾದ ಪಿತರಂ ಪ್ರತಿ । ಇದಾನೀಂ ಚ ಗೃಹಂ-ಯಾಁಹಿ ವಿಲಂಬಂ ಕುರುಷೇ ಕಥಮ್ ॥ 41॥

ತಚ್ಛ್ರುತ್ವಾ ಕನ್ಯಕಾವಾಕ್ಯಂ ಸಂತುಷ್ಟೋಽಭೂದ್ವಣಿಕ್ಸುತಃ । ಪೂಜನಂ ಸತ್ಯದೇವಸ್ಯ ಕೃತ್ವಾ ವಿಧಿವಿಧಾನತಃ ॥ 42॥

ಧನೈರ್ಬಂಧುಗಣೈಃ ಸಾರ್ಧಂ ಜಗಾಮ ನಿಜಮಂದಿರಮ್ । ಪೌರ್ಣಮಾಸ್ಯಾಂ ಚ ಸಂಕ್ರಾಂತೌ ಕೃತವಾನ್ ಸತ್ಯಸ್ಯ ಪೂಜನಮ್ ॥ 43॥ (ಸತ್ಯಪೂಜನಂ)

ಇಹಲೋಕೇ ಸುಖಂ ಭುಕ್ತ್ವಾ ಚಾಂತೇ ಸತ್ಯಪುರಂ-ಯಁಯೌ ॥ 44॥

॥ ಇತಿ ಶ್ರೀಸ್ಕಂದ ಪುರಾಣೇ ರೇವಾಖಂಡೇ ಶ್ರೀಸತ್ಯನಾರಾಯಣ ವ್ರತಕಥಾಯಾಂ ಚತುರ್ಥೋಽಧ್ಯಾಯಃ ॥ 4 ॥

ಅಥ ಪಂಚಮೋಽಧ್ಯಾಯಃ

ಸೂತ ಉವಾಚ

ಅಥಾನ್ಯಚ್ಚ ಪ್ರವಕ್ಷ್ಯಾಮಿ ಶ್ರುಣುಧ್ವಂ ಮುನಿಸತ್ತಮಾಃ । ಆಸೀತ್ ತುಂಗಧ್ವಜೋ ರಾಜಾ ಪ್ರಜಾಪಾಲನತತ್ಪರಃ ॥ 1

ಪ್ರಸಾದಂ ಸತ್ಯದೇವಸ್ಯ ತ್ಯಕ್ತ್ವಾ ದುಃಖಮವಾಪ ಸಃ । ಏಕದಾ ಸ ವನಂ ಗತ್ವಾ ಹತ್ವಾ ಬಹುವಿಧಾನ್ ಪಶೂನ್ ॥ 2॥

ಆಗತ್ಯ ವಟಮೂಲಂ ಚ ದೃಷ್ಟ್ವಾ ಸತ್ಯಸ್ಯ ಪೂಜನಮ್ । (ಚಾಪಶ್ಯತ್) ಗೋಪಾಃ ಕುರ್ವಂತಿ ಸಂತುಷ್ಟಾ ಭಕ್ತಿಯುಕ್ತಾಃ ಸ ಬಾಂಧವಾಃ ॥ 3॥

ರಾಜಾ ದೃಷ್ಟ್ವಾ ತು ದರ್ಪೇಣ ನ ಗತೋ ನ ನನಾಮ ಸಃ । ತತೋ ಗೋಪಗಣಾಃ ಸರ್ವೇ ಪ್ರಸಾದಂ ನೃಪಸನ್ನಿಧೌ ॥ 4॥

ಸಂಸ್ಥಾಪ್ಯ ಪುನರಾಗತ್ಯ ಭುಕ್ತತ್ವಾ ಸರ್ವೇ ಯಥೇಪ್ಸಿತಮ್ । ತತಃ ಪ್ರಸಾದಂ ಸಂತ್ಯಜ್ಯ ರಾಜಾ ದುಃಖಮವಾಪ ಸಃ ॥ 5॥

ತಸ್ಯ ಪುತ್ರಶತಂ ನಷ್ಟಂ ಧನಧಾನ್ಯಾದಿಕಂ ಚ ಯತ್ । ಸತ್ಯದೇವೇನ ತತ್ಸರ್ವಂ ನಾಶಿತಂ ಮಮ ನಿಶ್ಚಿತಮ್ ॥ 6॥

ಅತಸ್ತತ್ರೈವ ಗಚ್ಛಾಮಿ ಯತ್ರ ದೇವಸ್ಯ ಪೂಜನಮ್ । ಮನಸಾ ತು ವಿನಿಶ್ಚಿತ್ಯ ಯಯೌ ಗೋಪಾಲಸನ್ನಿಧೌ ॥ 7॥

ತತೋಽಸೌ ಸತ್ಯದೇವಸ್ಯ ಪೂಜಾಂ ಗೋಪಗಣೈಃಸಹ । ಭಕ್ತಿಶ್ರದ್ಧಾನ್ವಿತೋ ಭೂತ್ವಾ ಚಕಾರ ವಿಧಿನಾ ನೃಪಃ ॥ 8॥

ಸತ್ಯದೇವಪ್ರಸಾದೇನ ಧನಪುತ್ರಾನ್ವಿತೋಽಭವತ್ । ಇಹಲೋಕೇ ಸುಖಂ ಭುಕ್ತತ್ವಾ ಚಾಂತೇ ಸತ್ಯಪುರಂ-ಯಁಯೌ ॥ 9॥

ಯ ಇದಂ ಕುರುತೇ ಸತ್ಯವ್ರತಂ ಪರಮದುರ್ಲಭಮ್ । ಶ‍ಋಣೋತಿ ಚ ಕಥಾಂ ಪುಣ್ಯಾಂ ಭಕ್ತಿಯುಕ್ತಃ ಫಲಪ್ರದಾಮ್ ॥ 10॥

ಧನಧಾನ್ಯಾದಿಕಂ ತಸ್ಯ ಭವೇತ್ ಸತ್ಯಪ್ರಸಾದತಃ । ದರಿದ್ರೋ ಲಭತೇ ವಿತ್ತಂ ಬದ್ಧೋ ಮುಚ್ಯೇತ ಬಂಧನಾತ್ ॥ 11॥

ಭೀತೋ ಭಯಾತ್ ಪ್ರಮುಚ್ಯೇತ ಸತ್ಯಮೇವ ನ ಸಂಶಯಃ । ಈಪ್ಸಿತಂ ಚ ಫಲಂ ಭುಕ್ತ್ವಾ ಚಾಂತೇ ಸತ್ಯಪುರಂವ್ರಁಜೇತ್ ॥ 12॥

ಇತಿ ವಃ ಕಥಿತಂ-ವಿಁಪ್ರಾಃ ಸತ್ಯನಾರಾಯಣವ್ರತಮ್ । ಯತ್ ಕೃತ್ವಾ ಸರ್ವದುಃಖೇಭ್ಯೋ ಮುಕ್ತೋ ಭವತಿ ಮಾನವಃ ॥ 13॥

ವಿಶೇಷತಃ ಕಲಿಯುಗೇ ಸತ್ಯಪೂಜಾ ಫಲಪ್ರದಾ । ಕೇಚಿತ್ ಕಾಲಂ-ವಁದಿಷ್ಯಂತಿ ಸತ್ಯಮೀಶಂ ತಮೇವ ಚ ॥ 14॥

ಸತ್ಯನಾರಾಯಣಂ ಕೇಚಿತ್ ಸತ್ಯದೇವಂ ತಥಾಪರೇ । ನಾನಾರೂಪಧರೋ ಭೂತ್ವಾ ಸರ್ವೇಷಾಮೀಪ್ಸಿತಪ್ರದಮ್ ॥ 15॥ (ಸರ್ವೇಷಾಮೀಪ್ಸಿತಪ್ರದಃ)

ಭವಿಷ್ಯತಿ ಕಲೌ ಸತ್ಯವ್ರತರೂಪೀ ಸನಾತನಃ । ಶ್ರೀವಿಷ್ಣುನಾ ಧೃತಂ ರೂಪಂ ಸರ್ವೇಷಾಮೀಪ್ಸಿತಪ್ರದಮ್ ॥ 16॥

ಯ ಇದಂ ಪಠತೇ ನಿತ್ಯಂ ಶ‍ಋಣೋತಿ ಮುನಿಸತ್ತಮಾಃ । ತಸ್ಯ ನಶ್ಯಂತಿ ಪಾಪಾನಿ ಸತ್ಯದೇವಪ್ರಸಾದತಃ ॥ 17॥

ವ್ರತಂ-ಯೈಁಸ್ತು ಕೃತಂ ಪೂರ್ವಂ ಸತ್ಯನಾರಾಯಣಸ್ಯ ಚ । ತೇಷಾಂ ತ್ವಪರಜನ್ಮಾನಿ ಕಥಯಾಮಿ ಮುನೀಶ್ವರಾಃ ॥ 18॥

ಶತಾನಂದೋಮಹಾಪ್ರಾಜ್ಞಃಸುದಾಮಾಬ್ರಾಹ್ಮಣೋ ಹ್ಯಭೂತ್ । ತಸ್ಮಿಂಜನ್ಮನಿ ಶ್ರೀಕೃಷ್ಣಂ ಧ್ಯಾತ್ವಾ ಮೋಕ್ಷಮವಾಪ ಹ ॥ 19॥

ಕಾಷ್ಠಭಾರವಹೋ ಭಿಲ್ಲೋ ಗುಹರಾಜೋ ಬಭೂವ ಹ । ತಸ್ಮಿಂಜನ್ಮನಿ ಶ್ರೀರಾಮಂ ಸೇವ್ಯ ಮೋಕ್ಷಂ ಜಗಾಮ ವೈ ॥ 20॥

ಉಲ್ಕಾಮುಖೋ ಮಹಾರಾಜೋ ನೃಪೋ ದಶರಥೋಽಭವತ್ । ಶ್ರೀರಂಗನಾಥಂ ಸಂಪೂಜ್ಯ ಶ್ರೀವೈಕುಂಠಂ ತದಾಗಮತ್ ॥ 21॥ (ಶ್ರೀರಾಮಚಂದ್ರಸಂಪ್ರಾಪ್ಯ)

ರ್ಧಾಮಿಕಃ ಸತ್ಯಸಂಧಶ್ಚ ಸಾಧುರ್ಮೋರಧ್ವಜೋಽಭವತ್ । (ಸಾಧುರ್ಮೋರಧ್ವಜೋಭವತ್) ದೇಹಾರ್ಧಂ ಕ್ರಕಚೈಶ್ಛಿತ್ತ್ವಾ ದತ್ವಾ ಮೋಕ್ಷಮವಾಪ ಹ ॥ 22॥

ತುಂಗಧ್ವಜೋ ಮಹಾರಾಜಃ ಸ್ವಾಯಂಭುವೋಽಭವತ್ ಕಿಲ । (ಸ್ವಾಯಂಭೂರಭವತ್) ಸರ್ವಾನ್ ಭಾಗವತಾನ್ ಕೃತ್ವಾ ಶ್ರೀವೈಕುಂಠಂ ತದಾಽಗಮತ್ ॥ 23॥ (ಕೃತ್ತ್ವಾ, ತದಾಗಮತ್)

ಭೂತ್ವಾ ಗೋಪಾಶ್ಚ ತೇ ಸರ್ವೇ ವ್ರಜಮಂಡಲವಾಸಿನಃ । ನಿಹತ್ಯ ರಾಕ್ಷಸಾನ್ ಸರ್ವಾನ್ ಗೋಲೋಕಂ ತು ತದಾ ಯಯುಃ ॥ 24॥

॥ ಇತಿ ಶ್ರೀಸ್ಕಂದಪುರಾಣೇ ರೇವಾಖಂಡೇ ಶ್ರೀಸತ್ಯನಾರಾಯಣ ವ್ರತಕಥಾಯಾಂ ಪಂಚಮೋಽಧ್ಯಾಯಃ ॥ 5 ॥

(after Katha, offer Mangala Nirajanam, and take Swami Tirtham, Phalam, Prasadam)

ಅಕಾಲ ಮೃತ್ಯುಹರಣಂ ಸರ್ವವ್ಯಾಧಿ ನಿವಾರಣಮ್ । ಸಮಸ್ತ ಪಾಪಕ್ಷಯಕರಂ ಶ್ರೀ ಸತ್ಯನಾರಾಯಣ ಪಾದೋದಕಂ ಪಾವನಂ ಶುಭಮ್ ॥ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿ ಪ್ರಸಾದಂ ಶಿರಸಾ ಗೃಹ್ಣಾಮಿ ॥ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ॥

ಕಲಶೋದ್ವಾಸನ ಯ॒ಜ್ಞೇನ॑ ಯ॒ಜ್ಞಮ॑ಯಜಂತ ದೇ॒ವಾಃ । ತಾನಿ॒ ಧರ್ಮಾ॑ಣಿ ಪ್ರಥ॒ಮಾನ್ಯಾ॑ಸನ್ನ್ । ತೇ ಹ॒ ನಾಕಂ॑ ಮಹಿ॒ಮಾನಃ॑ ಸಚಂತೇ । ಯತ್ರ॒ ಪೂರ್ವೇ॑ ಸಾ॒ಧ್ಯಾಃ ಸಂತಿ॑ ದೇ॒ವಾಃ ॥ ಶ್ರೀ ರಮಾಸಹಿತ ಸತ್ಯನಾರಾಯಣ ಸ್ವಾಮಿನೇ ನಮಃ ಆವಾಹಿತ ಸರ್ವೇಭ್ಯೋ ದೇವೇಭ್ಯೋ ನಮಃ ಸರ್ವಾಭ್ಯೋ ದೇವತಾಭ್ಯೋ ನಮಃ ಯಥಾ ಸ್ಥಾನಂ ಪ್ರವೇಶಯಾಮಿ ॥ ಶೋಭನಾರ್ಥೇ ಕ್ಷೇಮಾಯ ಪುನರಾಗಮನಾಯ ಚ ।

ಸಮಸ್ತ ಸನ್ಮಂಗಳಾನಿ ಭವಂತು ॥ ಸರ್ವೇಜನಾಃ ಸುಖಿನೋ ಭವಂತು ॥ ಓಂ ಶಾಂತಿಃ ಶಾಂತಿಃ ಶಾಂತಿಃ ।

ಸ್ವಸ್ತಿ ॥

About Sri Satyanarayana Puja (Satyanarayana Swami Vratam)

This is the full procedure (vidhi) of the Satyanarayana Puja, the vow of worship of Lord Vishnu as Satyanarayana. It begins with the preliminary worship (purvanga puja) of Ganesha and the guru, followed by sankalpa, kalasha puja, worship of the Navagrahas and other deities, and the main puja of Satyanarayana with the sixteen offerings (shodashopachara). The five chapters of the Satyanarayana Vrata Katha are then read, followed by aarti and the distribution of prasada.

When to chant: On Purnima, at housewarmings, weddings, birthdays and new beginnings, and on Ekadashi or Sankranti.

Did you know?

  • The prasada (sheera or sapaada bhakshyam) is made with equal measures of wheat or semolina, ghee, sugar, milk and banana.
  • The puja is usually done in the evening, often by a whole family together.
  • It ends with "svasti", a wish for the wellbeing of all.

Frequently asked questions

What is the Satyanarayana Puja?

A vow of worship of Vishnu as Satyanarayana, with the reading of his katha.

When is it performed?

On Purnima and at housewarmings, weddings and new beginnings.

What is the prasada made of?

Wheat or semolina, ghee, sugar, milk and banana in equal measure.

Offered for worship and study, not as prediction. Non-commercial.