Sri Satyanarayana Puja (Satyanarayana Swami Vratam)
Vishnu · Traditional devotional text
పూర్వాంగ పూజా
శ్రీమహాగణాధిపతయే నమః । శ్రీ గురుభ్యో నమః । హరిః ఓమ్ ।
శుచిః అపవిత్రః పవిత్రో వా సర్వావస్థాం గతోఽపి వా । యః స్మరేత్ పుండరీకాక్షం స బాహ్యాభ్యంతరః శుచిః ॥ పుండరీకాక్ష పుండరీకాక్ష పుండరీకాక్షాయ నమః ॥
ప్రార్థనా శుక్లాంబరధరం-విఀష్ణుం శశివర్ణం చతుర్భుజమ్ । ప్రసన్నవదనం ధ్యాయేత్ సర్వవిఘ్నోపశాంతయే ॥ అగజానన పద్మార్కం గజాననమహర్నిశమ్ । అనేకదం తం భక్తానాం ఏకదంతముపాస్మహే ॥
దే॒వీం-వాఀచ॑మజనయంత దే॒వాస్తాం-విఀ॒శ్వరూ॑పాః ప॒శవో॑ వదంతి । సా నో॑ మం॒ద్రేష॒మూర్జం॒ దుహా॑నా ధే॒నుర్వాగ॒స్మానుప॒ సుష్టు॒తైతు॑ ॥
యః శివో నామ రూపాభ్యాం-యాఀ దేవీ సర్వమంగళా । తయోః సంస్మరణాన్నిత్యం సర్వదా జయ మంగళమ్ ॥
తదేవ లగ్నం సుదినం తదేవ తారాబలం చంద్రబలం తదేవ । విద్యాబలం దైవబలం తదేవ లక్ష్మీపతే తేఽంఘ్రియుగం స్మరామి ॥
గురుర్బ్రహ్మా గురుర్విష్ణుః గురుర్దేవో మహేశ్వరః । గురుః సాక్షాత్ పరబ్రహ్మ తస్మై శ్రీగురవే నమః ॥
లాభస్తేషాం జయస్తేషాం కుతస్తేషాం పరాభవః । ఏషామిందీవరశ్యామో హృదయస్థో జనార్దనః ॥
సర్వమంగళ మాంగళ్యే శివే సర్వార్థసాధికే । శరణ్యే త్ర్యంబకే గౌరీ నారాయణి నమోఽస్తు తే ॥
శ్రీలక్ష్మీనారాయణాభ్యాం నమః । ఉమామహేశ్వరాభ్యాం నమః । వాణీహిరణ్యగర్భాభ్యాం నమః । శచీపురందరాభ్యాం నమః । అరుంధతీవసిష్ఠాభ్యాం నమః । శ్రీసీతారామాభ్యాం నమః । మాతాపితృభ్యో నమః । సర్వేభ్యో మహాజనేభ్యో నమః ।
దీపారాధనం దీపస్త్వం బ్రహ్మరూపోఽసి జ్యోతిషాం ప్రభురవ్యయః । సౌభాగ్యం దేహి పుత్రాంశ్చ సర్వాన్కామాంశ్చ దేహి మే ॥ భో దీప దేవి రూపస్త్వం కర్మసాక్షీ హ్యవిఘ్నకృత్ । యావత్పూజాం కరిష్యామి తావత్త్వం సుస్థిరో భవ ॥ దీపారాధన ముహూర్తః సుముహూర్తోఽస్తు ॥ పూజార్థే హరిద్రా కుంకుమ విలేపనం కరిష్యే ॥
ఆచమ్య ఓం కేశవాయ స్వాహా । ఓం నారాయణాయ స్వాహా । ఓం మాధవాయ స్వాహా । ఓం గోవిందాయ నమః । ఓం-విఀష్ణవే నమః । ఓం మధుసూదనాయ నమః । ఓం త్రివిక్రమాయ నమః । ఓం-వాఀమనాయ నమః । ఓం శ్రీధరాయ నమః । ఓం హృషీకేశాయ నమః । ఓం పద్మనాభాయ నమః । ఓం దామోదరాయ నమః । ఓం సంకర్షణాయ నమః । ఓం-వాఀసుదేవాయ నమః । ఓం ప్రద్యుమ్నాయ నమః । ఓం అనిరుద్ధాయ నమః । ఓం పురుషోత్తమాయ నమః । ఓం అధోక్షజాయ నమః । ఓం నారసింహాయ నమః । ఓం అచ్యుతాయ నమః । ఓం జనార్దనాయ నమః । ఓం ఉపేంద్రాయ నమః । ఓం హరయే నమః । ఓం శ్రీకృష్ణాయ నమః ।
భూతోచ్చాటనం ఉత్తిష్ఠంతు భూతపిశాచాః య ఏతే భూమి భారకాః । ఏతేషామవిరోధేన బ్రహ్మకర్మ సమారభే ॥ అపసర్పంతు తే భూతా యే భూతా భూమిసంస్థితాః । యే భూతా విఘ్నకర్తారస్తే గచ్ఛంతు శివాఽజ్ఞయా ॥
ప్రాణాయామం ఓం భూః ఓం భువః॑ ఓగ్ం సువః॑ ఓం మహః॑ ఓం జనః॑ ఓం తపః॑ ఓగ్ం సత్యమ్ । ఓం తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి । ధియో॒ యో నః॑ ప్రచో॒దయా᳚త్ ॥ ఓమాపో॒ జ్యోతీ॒ రసో॒ఽమృతం॒ బ్రహ్మ॒ భూర్భువ॒స్సువ॒రోమ్ ॥
సంకల్పం మమ ఉపాత్త సమస్త దురితక్షయ ద్వారా శ్రీపరమేశ్వరముద్దిశ్య శ్రీపరమేశ్వర ప్రీత్యర్థం శుభాభ్యాం శుభే శోభనే ముహూర్తే శ్రీమహావిష్ణోరాజ్ఞయా ప్రవర్తమానస్య అద్య బ్రహ్మణః ద్వితీయపరార్థే శ్వేతవరాహకల్పే వైవస్వతమన్వంతరే కలియుగే ప్రథమపాదే జంబూద్వీపే భారతవర్షే భరతఖండే మేరోః దక్షిణ దిగ్భాగే శ్రీశైలస్య …… ప్రదేశే ……, …… నద్యోః మధ్యప్రదేశే లక్ష్మీనివాసగృహే సమస్త దేవతా బ్రాహ్మణ ఆచార్య హరి హర గురు చరణ సన్నిధౌ అస్మిన్ వర్తమనే వ్యావహరిక చాంద్రమానేన శ్రీ …….. (1) నామ సంవఀత్సరే …… అయనే (2) …… ఋతౌ (3) …… మాసే(4) …… పక్షే (5) …… తిథౌ (6) …… వాసరే (7) …… నక్షత్రే (8) …… యోగే (9) …… కరణ (10) ఏవం గుణ విశేషణ విశిష్టాయాం శుభతిథౌ శ్రీమాన్ …… గోత్రోద్భవస్య …… నామధేయస్య (మమ ధర్మపత్నీ శ్రీమతః …… గోత్రస్య …… నామధేయః సమేతస్య) మమ/అస్మాకం సహకుటుంబస్య క్షేమ స్థైర్య ధైర్య వీర్య విజయ అభయ ఆయుః ఆరోగ్య ఐశ్వర అభివృద్ధ్యర్థం ధర్మ అర్థ కామ మోక్ష చతుర్విధ పురుషార్థ ఫల సిద్ధ్యర్థం ధన కనక వస్తు వాహన సమృద్ధ్యర్థం సర్వాభీష్ట సిద్ధ్యర్థం శ్రీ ………. ఉద్దిశ్య శ్రీ ………. ప్రీత్యర్థం సంభవద్భిః ద్రవ్యైః సంభవద్భిః ఉపచారైశ్చ సంభవతా నియమేన సంభవితా ప్రకారేణ యావచ్ఛక్తి ధ్యాన ఆవాహనాది షోడశోపచార పూజాం కరిష్యే ॥
(నిర్విఘ్న పూజా పరిసమాప్త్యర్థం ఆదౌ శ్రీమహాగణపతి పూజాం కరిష్యే ।)
తదంగ కలశారాధనం కరిష్యే ।
కలశారాధనం కలశే గంధ పుష్పాక్షతైరభ్యర్చ్య । కలశే ఉదకం పూరయిత్వా । కలశస్యోపరి హస్తం నిధాయ ।
కలశస్య ముఖే విష్ణుః కంఠే రుద్రః సమాశ్రితః । మూలే త్వస్య స్థితో బ్రహ్మా మధ్యే మాతృగణాః స్మృతా ॥ కుక్షౌ తు సాగరాః సర్వే సప్తద్వీపా వసుంధరా । ఋగ్వేదోఽథ యజుర్వేదో సామవేదో హ్యథర్వణః ॥ అంగైశ్చ సహితాః సర్వే కలశాంబు సమాశ్రితాః ।
ఓం ఆక॒లశే᳚షు ధావతి ప॒విత్రే॒ పరి॑షిచ్యతే । ఉ॒క్థైర్య॒జ్ఞేషు॑ వర్ధతే ।
ఆపో॒ వా ఇ॒దగ్ం సర్వం॒-విఀశ్వా॑ భూ॒తాన్యాపః॑ ప్రా॒ణా వా ఆపః॑ ప॒శవ॒ ఆపోఽన్న॒మాపోఽమృ॑త॒మాపః॑ స॒మ్రాడాపో॑ వి॒రాడాపః॑ స్వ॒రాడాప॒శ్ఛందా॒గ్॒స్యాపో॒ జ్యోతీ॒గ్॒ష్యాపో॒ యజూ॒గ్॒ష్యాపః॑ స॒త్యమాపః॒ సర్వా॑ దే॒వతా॒ ఆపో॒ భూర్భువః॒ సువ॒రాప॒ ఓమ్ ॥
గంగే చ యమునే చైవ గోదావరీ సరస్వతీ । నర్మదే సింధు కావేరీ జలేఽస్మిన్ సన్నిధిం కురు ॥ కావేరీ తుంగభద్రా చ కృష్ణవేణీ చ గౌతమీ । భాగీరథీతి విఖ్యాతాః పంచగంగాః ప్రకీర్తితాః ॥
ఆయాంతు శ్రీ …….. పూజార్థం మమ దురితక్షయకారకాః । ఓం ఓం ఓం కలశోదకేన పూజా ద్రవ్యాణి సంప్రోక్ష్య, దేవం సంప్రోక్ష్య, ఆత్మానం చ సంప్రోక్ష్య ॥
శంఖపూజా కలశోదకేన శంఖం పూరయిత్వా ॥ శంఖే గంధకుంకుమపుష్పతులసీపత్రైరలంకృత్య ॥
శంఖం చంద్రార్క దైవతం మధ్యే వరుణ దేవతామ్ । పృష్ఠే ప్రజాపతిం-వింఀద్యాదగ్రే గంగా సరస్వతీమ్ ॥ త్రైలోక్యేయాని తీర్థాని వాసుదేవస్యదద్రయా । శంఖే తిష్ఠంతు విప్రేంద్రా తస్మాత్ శంఖం ప్రపూజయేత్ ॥ త్వం పురా సాగరోత్పన్నో విష్ణునా విధృతః కరే । పూజితః సర్వదేవైశ్చ పాంచజన్య నమోఽస్తు తే ॥ గర్భాదేవారినారీణాం-విఀశీర్యంతే సహస్రధా । నవనాదేనపాతాళే పాంచజన్య నమోఽస్తు తే ॥
ఓం శంఖాయ నమః । ఓం ధవళాయ నమః । ఓం పాంచజన్యాయ నమః । ఓం శంఖదేవతాభ్యో నమః । సకలపూజార్థే అక్షతాన్ సమర్పయామి ॥
ఘంటానాదం ఓం జయధ్వని మంత్రమాతః స్వాహా । ఘంటదేవతాభ్యో నమః । సకలోపచార పూజార్థే అక్షతాన్ సమర్పయామి ।
ఆగమార్థం తు దేవానాం గమనార్థం తు రాక్షసామ్ । ఘంటారవం కరోమ్యాదౌ దేవతాహ్వాన లాంఛనమ్ ॥ ఇతి ఘంటానాదం కృత్వా ॥
అథ హరిద్రాగణపతి పూజా అస్మిన్ హరిద్రాబింబే శ్రీమహాగణపతిం ఆవాహయామి, స్థాపయామి, పూజయామి ॥
ప్రాణప్రతిష్ఠ ఓం అసు॑నీతే॒ పున॑ర॒స్మాసు॒ చక్షుః॒ పునః॑ ప్రా॒ణమి॒హ నో᳚ ధేహి॒ భోగ᳚మ్ । జ్యోక్ప॑శ్యేమ॒ సూర్య॑ము॒చ్చరం᳚త॒ మను॑మతే మృ॒డయా᳚ నః స్వ॒స్తి ॥ అ॒మృతం॒-వైఀ ప్రా॒ణా అ॒మృత॒మాపః॑ ప్రా॒ణానే॒వ య॑థాస్థా॒నముప॑హ్వయతే ॥ శ్రీ మహాగణపతయే నమః । స్థిరో భవ వరదో భవ । సుముఖో భవ సుప్రసన్నో భవ । స్థిరాసనం కురు ।
ధ్యానం హరిద్రాభం చతుర్బాహుం హరిద్రావదనం ప్రభుమ్ । పాశాంకుశధరం దేవం మోదకం దంతమేవ చ । భక్తాఽభయప్రదాతారం వందే విఘ్నవినాశనమ్ । ఓం హరిద్రా గణపతయే నమః ।
అగజానన పద్మార్కం గజాననమహర్నిశం అనేకదం తం భక్తానాం ఏకదంతముపాస్మహే ॥
ఓం గ॒ణానాం᳚ త్వా గ॒ణప॑తిగ్ం హవామహే క॒విం క॑వీ॒నాము॑ప॒మశ్ర॑వస్తమమ్ । జ్యే॒ష్ఠ॒రాజం॒ బ్రహ్మ॑ణాం బ్రహ్మణస్పత॒ ఆ నః॑ శృ॒ణ్వన్నూ॒తిభి॑స్సీద॒ సాద॑నమ్ ॥
ఓం మహాగణపతయే నమః । ధ్యాయామి । ధ్యానం సమర్పయామి । 1 ॥
ఓం మహాగణపతయే నమః । ఆవాహయామి । ఆవాహనం సమర్పయామి । 2 ॥
ఓం మహాగణపతయే నమః । నవరత్నఖచిత దివ్య హేమ సింహాసనం సమర్పయామి । 3 ॥
ఓం మహాగణపతయే నమః । పాదయోః పాద్యం సమర్పయామి । 4 ॥
ఓం మహాగణపతయే నమః । హస్తయోః అర్ఘ్యం సమర్పయామి । 5 ॥
ఓం మహాగణపతయే నమః । ముఖే ఆచమనీయం సమర్పయామి । 6 ॥
స్నానం ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హే రణా॑య॒ చక్ష॑సే ॥ యో వః॑ శి॒వత॑మో రస॒స్తస్య॑ భాజయతే॒హ నః॑ । ఉ॒శ॒తీరి॑వ మా॒త॑రః ॥ తస్మా॒ అరం॑ గమామ వో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః ॥ ఓం మహాగణపతయే నమః । శుద్ధోదక స్నానం సమర్పయామి । 7 ॥ స్నానానంతరం ఆచమనీయం సమర్పయామి ।
వస్త్రం అభి వస్త్రా సువసనాన్యర్షాభి ధేనూః సుదుఘాః పూయమానః । అభి చంద్రా భర్తవే నో హిరణ్యాభ్యశ్వాన్రథినో దేవ సోమ ॥ ఓం మహాగణపతయే నమః । వస్త్రం సమర్పయామి । 8 ॥
యజ్ఞోపవీతం ఓం-యఀ॒జ్ఞో॒ప॒వీ॒తం ప॒రమం॑ పవి॒త్రం ప్ర॒జాప॑తే॒ర్యత్స॒హజం॑ పు॒రస్తా᳚త్ । ఆయు॑ష్యమగ్ర్యం॒ ప్ర॒తి ముం॑చ శు॒భ్రం య॑జ్ఞోపవీ॒తం బ॒లమ॑స్తు॒ తేజః॑ ॥ ఓం మహాగణపతయే నమః । యజ్ఞోపవీతార్థం అక్షతాన్ సమర్పయామి । ।
గంధం గం॒ధ॒ద్వా॒రాం దు॑రాధ॒ర్షాం॒ ని॒త్యపు॑ష్టాం కరీ॒షిణీ᳚మ్ । ఈ॒శ్వరీ॑గ్ం సర్వ॑భూతా॒నాం॒ తామి॒హోప॑హ్వయే॒ శ్రియమ్ ॥ ఓం మహాగణపతయే నమః । దివ్య శ్రీ గంధం సమర్పయామి । 9 ॥
ఓం మహాగణపతయే నమః । ఆభరణం సమర్పయామి । 10 ॥
పుష్పైః పూజయామి ఓం సుముఖాయ నమః । ఓం ఏకదంతాయ నమః । ఓం కపిలాయనమః । ఓం గజకర్ణకాయ నమః । ఓం-లంఀబోదరాయనమః । ఓం-విఀకటాయ నమః । ఓం-విఀఘ్నరాజాయ నమః । ఓం గణాధిపాయనమః । ఓం ధూమకేతవే నమః । ఓం గణాధ్యక్షాయ నమః । ఓం ఫాలచంద్రాయ నమః । ఓం గజాననాయ నమః । ఓం-వఀక్రతుండాయ నమః । ఓం శూర్పకర్ణాయ నమః । ఓం హేరంబాయ నమః । ఓం స్కందపూర్వజాయ నమః । ఓం సర్వసిద్ధిప్రదాయ నమః । ఓం మహాగణపతయే నమః । నానావిధ పరిమళ పత్ర పుష్పాణి సమర్పయామి । 11 ॥
ధూపం వనస్పత్యుద్భవిర్దివ్యైః నానా గంధైః సుసంయుఀతః । ఆఘ్రేయః సర్వదేవానాం ధూపోఽయం ప్రతిగృహ్యతామ్ ॥ ఓం మహాగణపతయే నమః । ధూపం ఆఘ్రాపయామి । 12 ॥
దీపం సాజ్యం త్రివర్తి సంయుఀక్తం-వఀహ్నినా యొజితం ప్రియమ్ । గృహాణ మంగళం దీపం త్రైలోక్య తిమిరాపహ ॥ భక్త్యా దీపం ప్రయచ్ఛామి దేవాయ పరమాత్మనే । త్రాహిమాం నరకాద్ఘోరాత్ దివ్య జ్యోతిర్నమోఽస్తు తే ॥ ఓం మహాగణపతయే నమః । ప్రత్యక్ష దీపం సమర్పయామి । 13 ॥
ధూప దీపానంతరం ఆచమనీయం సమర్పయామి ।
నైవేద్యం ఓం భూర్భువ॒స్సువః॒ । తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి । ధి॒యో యో నః॑ ప్రచో॒దయా᳚త్ । సత్యం త్వా ఋతేన పరిషించామి । (సాయంకాలే – ఋతం త్వా సత్యేన పరిషించామి) అమృతమస్తు । అ॒మృ॒తో॒ప॒స్తర॑ణమసి । శ్రీ మహాగణపతయే నమః ……………….. సమర్పయామి । ఓం ప్రా॒ణాయ॒ స్వాహా᳚ । ఓం అ॒పా॒నాయ॒ స్వాహా᳚ । ఓం-వ్యాఀ॒నాయ॒ స్వాహా᳚ । ఓం ఉ॒దా॒నాయ॒ స్వాహా᳚ । ఓం స॒మా॒నాయ॒ స్వాహా᳚ । మధ్యే మధ్యే పానీయం సమర్పయామి । అ॒మృ॒తా॒పి॒ధా॒నమ॑సి । ఉత్తరాపోశనం సమర్పయామి । హస్తౌ ప్రక్షాళయామి । పాదౌ ప్రక్షాళయామి । శుద్ధాచమనీయం సమర్పయామి । ఓం మహాగణపతయే నమః । నైవేద్యం సమర్పయామి । 14 ॥
తాంబూలం పూగీఫలశ్చ కర్పూరైః నాగవల్లీదళైర్యుతమ్ । ముక్తాచూర్ణసంయుఀక్తం తాంబూలం ప్రతిగృహ్యతామ్ ॥ ఓం మహాగణపతయే నమః । తాంబూలం సమర్పయామి । 15 ॥
నీరాజనం వేదా॒హమే॒తం పురు॑షం మ॒హాంతం᳚ । ఆ॒ది॒త్యవ॑ర్ణం॒ తమ॑స॒స్తు పా॒రే । సర్వా॑ణి రూ॒పాణి॑ వి॒చిత్య॒ ధీరః॑ । నామా॑ని కృ॒త్వాఽభి॒వద॒న్॒, యదాస్తే᳚ । ఓం మహాగణపతయే నమః । నీరాజనం సమర్పయామి । 16 ॥
మంత్రపుష్పం సుముఖశ్చైకదంతశ్చ కపిలో గజకర్ణకః లంబోదరశ్చ వికటో విఘ్నరాజో గణాధిపః ॥ ధూమకేతుర్గణాధ్యక్షః ఫాలచంద్రో గజాననః వక్రతుండశ్శూర్పకర్ణో హేరంబస్స్కందపూర్వజః ॥ షోడశైతాని నామాని యః పఠేచ్ఛృణుయాదపి విద్యారంభే వివాహే చ ప్రవేశే నిర్గమే తథా సంగ్రామే సర్వకార్యేషు విఘ్నస్తస్య న జాయతే ॥ ఓం మహాగణపతయే నమః । సువర్ణ మంత్రపుష్పం సమర్పయామి ।
ప్రదక్షిణం యానికాని చ పాపాని జన్మాంతరకృతాని చ । తాని తాని ప్రణశ్యంతి ప్రదక్షిణ పదే పదే ॥ పాపోఽహం పాపకర్మాఽహం పాపాత్మా పాపసంభవః । త్రాహి మాం కృపయా దేవ శరణాగతవత్సల ॥ అన్యధా శరణం నాస్తి త్వమేవ శరణం మమ । తస్మాత్కారుణ్య భావేన రక్ష రక్ష గణాధిప ॥ ఓం మహాగణపతయే నమః । ప్రదక్షిణా నమస్కారాన్ సమర్పయామి ।
ఓం మహాగణపతయే నమః । ఛత్ర చామరాది సమస్త రాజోపచారాన్ సమర్పయామి ॥
క్షమాప్రార్థన యస్య స్మృత్యా చ నామోక్త్యా తపః పూజా క్రియాదిషు । న్యూనం సంపూర్ణతాం-యాఀతి సద్యో వందే గజాననమ్ ॥ మంత్రహీనం క్రియాహీనం భక్తిహీనం గణాధిప । యత్పూజితం మయాదేవ పరిపూర్ణం తదస్తు తే ॥ ఓం-వఀక్రతుండ మహాకాయ సూర్య కోటి సమప్రభ । నిర్విఘ్నం కురు మే దేవ సర్వ కార్యేషు సర్వదా ॥
అనయా ధ్యాన ఆవాహనాది షోడశోపచార పూజయా భగవాన్ సర్వాత్మకః శ్రీ మహాగణపతి సుప్రీతో సుప్రసన్నో వరదో భవంతు ॥
ఉత్తరే శుభకర్మణ్యవిఘ్నమస్తు ఇతి భవంతో బ్రువంతు । ఉత్తరే శుభకర్మణి అవిఘ్నమస్తు ॥
తీర్థం అకాలమృత్యుహరణం సర్వవ్యాధినివారణమ్ । సమస్తపాపక్షయకరం శ్రీ మహాగణపతి పాదోదకం పావనం శుభమ్ ॥ శ్రీ మహాగణపతి ప్రసాదం శిరసా గృహ్ణామి ॥
ఉద్వాసనం ఓం-యఀ॒జ్ఞేన॑ య॒జ్ఞమ॑యజంత దే॒వాః । తాని॒ ధర్మా॑ణి ప్రథ॒మాన్యా॑సన్న్ । తే హ॒ నాకం॑ మహి॒మాన॑స్సచంతే । యత్ర॒ పూర్వే॑ సా॒ధ్యాస్సంతి॑ దే॒వాః ॥ ఓం శ్రీ మహాగణపతి నమః యథాస్థానం ఉద్వాసయామి ॥ శోభనార్థే క్షేమాయ పునరాగమనాయ చ ।
ఓం శాంతిః శాంతిః శాంతిః ।
శ్రీ సత్యనారాయణస్వామి పరివార పూజా
పునః సంకల్పం పూర్వోక్త ఏవం గుణ విశేషణ విశిష్టాయాం శుభ తిథౌ మమ ఇష్టకామ్యార్థ సిద్ధ్యర్థం మమ రాజద్వారే రాజముఖే సర్వదా దిగ్విజయ ప్రాప్త్యర్థం మమ జన్మరాశి వశాత్ నామరాశి వశాత్ జన్మనక్షత్ర వశాత్ నామనక్షత్ర వశాత్ షడ్బల వేద వశాత్ నిత్య గోచార వేద వశాత్ మమ యే యే గ్రహాః అరిష్ట స్థానేషు స్థితాః స్తైః స్తైః క్రియమాన కర్మమాన వర్తమాన వర్తిష్యమాన సూచిత భావిత ఆగామిత దుష్టారిష్ట పరిహార ద్వారా ఆయుష్య అభివృద్ధ్యర్థం మమ రమా పరివార సమేత సత్యనారాయణ స్వామి అనుగ్రహ సిద్ధ్యర్థం రమా పరివార సమేత సత్యనారాయణ స్వామి ప్రసాదేన మమ గృహే స్థిరలక్ష్మీ ప్రాప్త్యర్థం మమ రమాపరివార సమేత శ్రీ సత్యనారాయణ స్వామి వ్రత పూజాం చ కరిష్యే । తదంగ గణపత్యాది పంచలోకపాలకపూజాం, ఆదిత్యాది నవగ్రహ పూజాం, ఇంద్రాది అష్టదిక్పాలకపూజాం చ కరిష్యే ।
ఆదౌ వ్రతాంగ దేవతారాధనం కరిష్యే ।
వరుణ పూజ ఇ॒మం మే॑ వరుణ శ్రుధీ॒ హవ॑ మ॒ద్యా చ॑ మృడయ । త్వామ॑వ॒స్యు రాచ॑కే । ఓం భూః వరుణమావాహయామి స్థాపయామి పూజయామి ।
బ్రహ్మ॑ జజ్ఞా॒నం ప్ర॑థ॒మం పు॒రస్తా᳚త్ । వి సీ॑మ॒తః సు॒రుచో॑ వే॒న ఆ॑వః । స బు॒ధ్నియా॑ ఉప॒మా అ॑స్య వి॒ష్ఠాః । (తై.బ్రా.2.8.8.8) స॒తశ్చ॒ యోని॒మస॑తశ్చ॒ వివః ॥ ఓం బ్రహ్మమావాహయామి స్థాపయామి పూజయామి ।
పంచలోక పాలక పూజ
1. గణపతి ఓం గ॒ణానాం᳚ త్వా గ॒ణప॑తిం హవామహే క॒విం క॑వీ॒నాము॑ప॒మశ్ర॑వస్తమమ్ । జ్యే॒ష్ఠ॒రాజం॒ బ్రహ్మ॑ణాం బ్రహ్మణస్పత॒ ఆ నః॑ శృ॒ణ్వన్నూ॒తిభి॑స్సీద॒ సాద॑నమ్ ॥ సాంగం సాయుధం సవాహనం సశక్తిం పత్నీపుత్రపరివార సమేతం గణపతిం-లోఀకపాలకం ఆవాహయామి స్థాపయామి పూజయామి ।
2. బ్రహ్మ ఓం బ్ర॒హ్మా దే॒వానాం᳚ పద॒వీః క॑వీ॒నామృషి॒ర్విప్రా॑ణాం మహి॒షో మృ॒గాణా᳚మ్ । శ్యే॒నోగృధ్రా॑ణా॒గ్॒స్వధి॑తి॒ర్వనా॑నా॒గ్ం॒ సోమః॑ ప॒విత్ర॒మత్యే॑తి॒ రేభన్॑ ॥ సాంగం సాయుధం సవాహనం సశక్తిం పత్నీపుత్రపరివార సమేతం బ్రహ్మాణం-లోఀకపాలకం ఆవాహయామి స్థాపయామి పూజయామి ।
3. విష్ణు ఓం ఇ॒దం-విఀష్ణు॒ర్విచ॑క్రమే త్రే॒ధా నిద॑ధే ప॒దమ్ । సమూ॑ఢమస్యపాగ్ం సు॒రే ॥ సాంగం సాయుధం సవాహనం సశక్తిం పత్నీపుత్రపరివార సమేతం విష్ణుం-లోఀకపాలకం ఆవాహయామి స్థాపయామి పూజయామి ।
4. రుద్ర ఓం కద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే। వో॒చేమ॒ శంత॑మం హృ॒దే ॥ (ఋ.1.43.1) సాంగం సాయుధం సవాహనం సశక్తిం పత్నీపుత్రపరివార సమేతం రుద్రం-లోఀకపాలకం ఆవాహయామి స్థాపయామి పూజయామి ।
5. గౌరి ఓం గౌ॒రీర్మిమా॑య సలి॒లాని॒ తక్ష॒త్యేక॑పదీ ద్వి॒పదీ॒ సా చతు॑ష్పదీ । అ॒ష్టాప॑దీ॒ నవ॑పదీ బభూ॒వుషీ॑ స॒హస్రా॑క్షరా పర॒మే వ్యో॑మన్న్ ॥ (ఋ.1.161.41) సాంగం సాయుధం సవాహనం సశక్తిం పతిపుత్రపరివార సమేతం గౌరీం-లోఀకపాలకీం ఆవాహయామి స్థాపయామి పూజయామి ।
గణేశాది పంచలోకపాలక దేవతాభ్యో నమః । ధ్యాయామి, ఆవాహయామి, ఆసనం సమర్పయామి, పాద్యం సమర్పయామి, అర్ఘ్యం సమర్పయామి, ఆచమనీయం సమర్పయామి, స్నానం సమర్పయామి, శుద్ధాచమనీయం సమర్పయామి, వస్త్రం సమర్పయామి, యజ్ఞోపవీతం సమర్పయామి, గంధం సమర్పయామి, అక్షతాన్ సమర్పయామి, పుష్పాణి సమర్పయామి, ధూపమాఘ్రాపయామి, దీపం దర్శయామి, నైవేద్యం సమర్పయామి, తాంబూలం సమర్పయామి, మంత్రపుష్పం సమర్పయామి । గణేశాది పంచలోకపాలక దేవతా ప్రసాద సిద్ధిరస్తు ॥
నవగ్రహ పూజ
1. సూర్య గ్రహం ఓం ఆస॒త్యేన॒ రజ॑సా॒ వర్త॑మానో నివే॒శయ॑న్న॒మృతం॒ మర్త్యం॑చ । హి॒ర॒ణ్యయే॑న సవి॒తా రథే॒నాఽఽదే॒వో యా॑తి॒భువ॑నా వి॒పశ్యన్॑ ॥ ఓం భూర్భువస్సువః సూర్యగ్రహే ఆగచ్ఛ ।
సూర్యగ్రహం రక్తవర్ణం రక్తగంధం రక్తపుష్పం రక్తమాల్యాంబరధరం రక్తచ్ఛత్ర ధ్వజపతాకాది శోభితం దివ్యరథసమారుఢం మేరుం ప్రదక్షిణీ కుర్వాణం ప్రాఙ్ముఖం పద్మాసనస్థం ద్విభుజం సప్తాశ్వం సప్తరజ్జుం కళింగదేశాధిపతిం కాశ్యపసగోత్రం ప్రభవసంవఀత్సరే మాఘమాసే శుక్లపక్షే సప్తమ్యాం భానువాసరే అశ్వినీ నక్షత్రే జాతం సింహరాశ్యధిపతిం కిరీటినం సుఖాసీనం పత్నీపుత్రపరివార సమేతం గ్రహమండలే ప్రవిష్ఠమస్మిన్నధికరణే వర్తులాకారమండలే స్థాపిత స్వర్ణప్రతిమారూపేణ సూర్యగ్రహమావాహయామి స్థాపయామి పూజయామి ।
ఓం అ॒గ్నిం దూ॒తం-వృఀ ॑ణీమహే॒ హోతా॑రం-విఀ॒శ్వవే॑దసమ్ । అ॒స్య య॒జ్ఞస్య॑ సు॒క్రతుం॑᳚ ॥ (ఋ.1.12.1) సూర్యగ్రహస్య అధిదేవతాః అగ్నిం సాంగం సాయుధం సవాహనం సశక్తిం పత్నీపుత్రపరివారసమేతం సూర్యగ్రహస్య దక్షిణతః అగ్నిమావాహయామి స్థాపయామి పూజయామి ।
ఓం కద్రు॒ద్రాయ॒ ప్రచే॑తసే మీ॒ఢుష్ట॑మాయ॒ తవ్య॑సే। వో॒చేమ॒ శంత॑మం హృ॒దే ॥ (ఋ.1.43.1) సూర్యగ్రహస్య ప్రత్యధిదేవతాః రుద్రం సాంగం సాయుధం సవాహనం సశక్తిం పత్నీపుత్రపరివారసమేతం సూర్యగ్రహస్య ఉత్తరతః రుద్రమావాహయామి స్థాపయామి పూజయామి ।
2. చంద్ర గ్రహం ఓం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ । భవా॒ వాజ॑స్య సంగ॒థే ॥ ఓం భూర్భువస్సువః చంద్రగ్రహే ఆగచ్ఛ ।
చంద్రగ్రహం శ్వేతవర్ణం శ్వేతగంధం శ్వేతపుష్పం శ్వేతమాల్యాంబరధరం శ్వేతచ్ఛత్ర ధ్వజపతాకాదిశోభితం దివ్యరథసమారూఢం మేరుం ప్రదక్షిణీ కుర్వాణం దశాశ్వరథవాహనం ప్రత్యఙ్ముఖం ద్విభుజం దండధరం-యాఀమునదేశాధిపతిం ఆత్రేయసగోత్రం సౌమ్య సంవఀత్సరే కార్తీకమాసే శుక్లపక్షే పౌర్ణమాస్యాం ఇందువాసరే కృత్తికా నక్షత్రే జాతం కర్కటరాశ్యధిపతిం కిరీటినం సుఖాసీనం పత్నీపుత్రపరి వారసమేతం గ్రహమండలే ప్రవిష్ఠమస్మిన్నధి కరణే సూర్యగ్రహస్య ఆగ్నేయదిగ్భాగే సమచతురశ్రమండలే స్థాపిత రజతప్రతిమా రూపేణ చంద్రగ్రహమావాహయామి స్థాపయామి పూజయామి ।
ఓం అ॒ప్సుమే॒ సోమో॑ అబ్రవీదం॒తర్విశ్వా॑ని భేష॒జా । అ॒గ్నించ॑ వి॒శ్వశం॑భువ॒మాప॑శ్చ వి॒శ్వభే॑షజీః ॥ చంద్రగ్రహస్య అధిదేవతాః అపం సాంగం సాయుధం సవాహనం సశక్తిం పత్నీపుత్రపరివారసమేతం చంద్రగ్రహస్య దక్షిణతః ఆపః ఆవాహయామి స్థాపయామి పూజయామి ।
ఓం గౌ॒రీ మి॑మాయ సలి॒లాని॒ తక్ష॒త్యేక॑పదీ ద్వి॒పదీ॒ సా చతు॑ష్పదీ । అ॒ష్టాప॑దీ॒ నవ॑పదీ బభూ॒వుషీ॑ స॒హస్రా᳚క్షరా పర॒మే వ్యో॑మన్న్ ॥ చంద్రగ్రహస్య ప్రత్యధిదేవతాః గౌరీం సాంగం సాయుధం సవాహనం సశక్తిం పతిపుత్రపరివారసమేతం చంద్రగ్రహస్య ఉత్తరతః గౌరీం ఆవాహయామి స్థాపయామి పూజయామి ॥
3. అంగారక గ్రహం ఓం అ॒గ్నిర్మూ॒ర్ధా ది॒వః క॒కుత్పతిః॑ పృథి॒వ్యా అ॒యమ్ । అ॒పాగ్ంరేతాగ్ం॑సి జిన్వతి ॥ ఓం భూర్భువస్సువః అంగారకగ్రహే ఆగచ్ఛ ।
అంగారక గ్రహం రక్తవర్ణం రక్తగంధం రక్తపుష్పం రక్తమాల్యాంబరధరం రక్తచ్ఛత్రధ్వజపతాకాదిశోభితం దివ్యరథసమారూఢం మేరుం ప్రదక్షిణీ కుర్వాణం మేషవాహనం దక్షిణాభిముఖం చతుర్భుజం గదాశూలశక్తిధరం అవంతీ దేశాధిపతిం భారద్వాజసగోత్రం రాక్షసనామ సంవఀత్సరే ఆషాఢమాసే శుక్లపక్షే దశమ్యాం భౌమవాసరే అనూరాధా నక్షత్రే జాతం మేష వృశ్చిక రాశ్యాధిపతిం కిరీటినం సుఖాసీనం పత్నీపుత్రపరివారసమేతం గ్రహమండలే ప్రవిష్టమస్మిన్నధికరణే సూర్యగ్రహస్య దక్షిణదిగ్భాగే త్రికోణాకారమండలే స్థాపిత తామ్రప్రతిమారూపేణ అంగారకగ్రహం ఆవాహయామి స్థాపయామి పూజయామి ॥
ఓం స్యో॒నా పృ॑థివి॒ భవా॑ఽనృక్ష॒రా ని॒వేశ॑నీ । యచ్ఛా॑న॒శ్శర్మ॑ స॒ప్రథాః᳚ ॥ అంగారకగ్రహస్య అధిదేవతాః పృథివీం సాంగం సాయుధం సవాహనం సశక్తిం పుత్రపరివారసమేతం అంగారకగ్రహస్య దక్షిణతః పృథివీం ఆవాహయామి స్థాపయామి పూజయామి ।
ఓం క్షేత్ర॑స్య॒ పతి॑నా వ॒యగ్ంహి॒తే నే॑వ జయామసి । గామశ్వం॑ పోష్ అయి॒త్న్వా స నో॑ మృడాతీ॒దృశే᳚ ॥ అంగారకగ్రహస్య ప్రత్యధిదేవతాః క్షేత్రపాలకం సాంగం సాయుధం సవాహనం సశక్తిం పత్నీపుత్రపరివారసమేతం అంగారకగ్రహస్య ఉత్తరతః క్షేత్రపాలకమావాహయామి స్థాపయామి పూజయామి ॥
4. బుధ గ్రహం ఓం ఉద్బు॑ధ్యస్వాగ్నే॒ ప్రతి॑జాగృహ్యేనమిష్టాపూ॒ర్తే సగ్ంసృ॑జేథామ॒యంచ॑ । పునః॑ కృ॒ణ్వగ్గ్స్త్వా॑ పి॒తరం॒-యుఀవా॑నమ॒న్వాతాగ్ం॑సీ॒త్త్వయి॒ తంతు॑మే॒తమ్ ॥ ఓం భూర్భువస్సువః బుధగ్రహే ఆగచ్ఛ ।
బుధగ్రహం పీతవర్ణం పీతగంధం పీతపుష్పం పీతమాల్యాంబరధరం పీతచ్ఛత్ర ధ్వజపతాకాది శోభితం దివ్యరథసమారూఢం మేరుం ప్రదక్షిణీ కుర్వాణం సింహవాహనం ఉదఙ్ముఖం మగధదేశాధిపతిం చతుర్భుజం ఖడ్గచర్మాంబరధరం ఆత్రేయసగోత్రం అంగీరసనామసంవఀత్సరే మార్గశీర్షమాసే శుక్లపక్షే సప్తమ్యాం సౌమ్యవాసరే పూర్వాభాద్రా నక్షత్రే జాతం మిథున కన్యా రాశ్యధిపతిం కిరీటినం సుఖాసీనం పత్నీపుత్ర పరివారసమేతం గ్రహమండలే ప్రవిష్టమస్మిన్నధికరణే సూర్యగ్రహస్య ఈశాన్యదిగ్భాగే బాణాకారమండలే స్థాపిత కాంస్యప్రతిమారూపేణ బుధగ్రహం ఆవాహయామి స్థాపయామి పూజయామి ।
ఓం ఇ॒దం-విఀష్ణు॒ర్విచ॑క్రమే త్రే॒ధా నిద॑ధే ప॒దమ్ । సమూ॑ఢమస్యపాగ్ం సు॒రే ॥ విష్ణో॑ ర॒రాట॑మసి॒ విష్ణోః᳚ పృ॒ష్ఠమ॑సి॒ విష్ణో॒శ్శ్నప్త్రే᳚స్థో॒ విష్ణో॒స్స్యూర॑సి॒ విష్ణో᳚ర్ధ్రు॒వమ॑సి వైష్ణ॒వమ॑సి॒ విష్ణ॑వే త్వా ॥ బుధగ్రహస్య అధిదేవతాః విష్ణుం సాంగం సాయుధం సవాహనం సశక్తిం పత్నీపుత్రపరివారసమేతం బుధగ్రహస్య దక్షిణతః విష్ణుమావాహయామి స్థాపయామి పూజయామి ।
ఓం స॒హస్ర॑శీర్షా॒ పురు॑షః । స॒హ॒స్రా॒క్షః స॒హస్ర॑పాత్ । స భూమిం॑-విఀ॒శ్వతో॑ వృ॒త్వా । అత్య॑తిష్ఠద్దశాంగు॒లమ్ । బుధగ్రహస్య ప్రత్యధిదేవతాః నారాయణం సాంగం సాయుధం సవాహనం సశక్తిం పత్నీపుత్రపరివారసమేతం బుధగ్రహస్య ఉత్తరతః నారాయణమావాహయామి స్థాపయామి పూజయామి ।
5. బృహస్పతి గ్రహం ఓం బృహ॑స్పతే॒ అతి॒యద॒ర్యో అర్హా᳚ద్ద్యు॒మద్వి॒భాతి॒ క్రతు॑మ॒జ్జనే॑షు । యద్దీ॒దయ॒చ్చవ॑సర్తప్రజాత॒ తద॒స్మాసు॒ ద్రవి॑ణంధేహి చి॒త్రమ్ ॥ ఓం భూర్భువస్సువః బృహస్పతిగ్రహే ఆగచ్ఛ ।
బృహస్పతిగ్రహం కనకవర్ణం కనకగంధం కనకపుష్పం కనకమాల్యాంబరధరం కనకచ్ఛత్ర ధ్వజపతాకాదిశోభితం దివ్యరథసమారూఢం మేరుం ప్రదక్షిణీకుర్వాణాం పూర్వాభిముఖం పద్మాసనస్థం చతుర్భుజం దండాక్షమాలాధారిణం సింధు ద్వీపదేశాధిపతిం ఆంగీరసగోత్రం ఆంగీరససంవఀత్సరే వైశాఖేమాసే శుక్లపక్షే ఏకాదశ్యాం గురువాసరే ఉత్తరా నక్షత్రే జాతం ధనుర్మీనరాశ్యధిపతిం కిరీటినం సుఖాసీనం పత్నీపుత్రపరివారసమేతం గ్రహమండలే ప్రవిష్టమస్మిన్నధికరణే సూర్యగ్రహస్య ఉత్తరదిగ్భాగే దీర్ఘచతురస్రాకారమండలే స్థాపిత త్రపుప్రతిమారూపేణ బృహస్పతిగ్రహం ఆవాహయామి స్థాపయామి పూజయామి ।
ఓం బ్రహ్మ॑జజ్ఞా॒నం ప్ర॑థ॒మం పు॒రస్తా॒ద్విసీ॑మ॒తస్సు॒రుచో॑ వే॒న ఆ॑వః । సబు॒ధ్నియా॑ ఉప॒మా అ॑స్య వి॒ష్ఠాస్స॒తశ్చ॒ యోని॒మస॑తశ్చ॒ వివః॑ ॥ బృహస్పతిగ్రహస్య అధిదేవతాం బ్రహ్మాణం సాంగం సాయుధం సవాహనం సశక్తిం పత్నీపుత్రపరివారసమేతం బృహస్పతిగ్రహస్య దక్షిణతః బ్రహ్మాణమావాహయామి స్థాపయామి పూజయామి ।
ఓం ఇంద్ర॑మరుత్వ ఇ॒హ పా॑హి॒ సోమం॒-యఀథా॑ శార్యా॒తే అపి॑బస్సు॒తస్య॑ । తవ॒ ప్రణీ॑తీ॒ తవ॑ శూర॒శర్మ॒న్నావి॑వాసంతి క॒వయ॑స్సుయ॒జ్ఞాః ॥ బృహస్పతిగ్రహస్య ప్రత్యధిదేవతాః ఇంద్రం సాంగం సాయుధం సవాహనం సశక్తిం పత్నీపుత్రపరివారసమేతం బృహస్పతిగ్రహస్య ఉత్తరతః ఇంద్రమావాహయామి స్థాపయామి పూజయామి ।
6. శుక్ర గ్రహం ఓం శు॒క్రం తే॑ అ॒న్యద్య॑జ॒తం తే॑ అ॒న్యత్ । విషు॑రూపే॒ అహ॑నీ॒ ద్యౌరి॑వాసి । విశ్వా॒ హి మా॒యా అవ॑సి స్వధావః । భ॒ద్రా తే॑ పూషన్ని॒హ రా॒తిర॒స్త్వితి॑ । (తై.ఆ.1.2.4.1) ఓం భూర్భువస్సువః శుక్రగ్రహే ఆగచ్ఛ ।
శుక్రగ్రహం శ్వేతవర్ణం శ్వేతగంధం శ్వేతపుష్పం శ్వేతమాల్యాంబరధరం శ్వేతచ్ఛత్ర ధ్వజపతాకాదిశోభితం దివ్యరథసమారూఢం మేరుం ప్రదక్షిణీ కుర్వాణం పూర్వాభిముఖం పద్మాసంథం చతుర్భుజం దండాక్షమాలా జటావల్కల ధారిణిం కాంభోజ దేశాధిపతిం భార్గవసగోత్రం పార్థివసంవఀత్సరే శ్రావణమాసే శుక్లపక్షే అష్టమ్యాం భృగువాసరే స్వాతీ నక్షత్రే జాతం తులా వృషభరాశ్యధిపతిం కిరీటినం సుఖాసీనం పత్నీపుత్రపరివార సమేతం గ్రహమండలే ప్రవిష్టమస్మిన్నధికరణే సూర్యగ్రహస్య ప్రాగ్భాగే పంచకోణాకార మండలే స్థాపిత సీస ప్రతిమారూపేణ శూక్రగ్రహం ఆవాహయామి స్థాపయామి పూజయామి ।
ఓం ఇం॒ద్రా॒ణీమా॒సు నారి॑షు సు॒పత్.ంఈ॑మ॒హమ॑శ్రవమ్ । న హ్య॑స్యా అప॒రంచ॒న జ॒రసా॒ మర॑తే॒ పతిః॑ ॥ శుక్రగ్రహస్య అధిదేవతాం ఇంద్రాణీం సాంగాం సాయుధాం సవాహనం సశక్తిం పతిపుత్రపరివారసమేతాం శుక్రగ్రహస్య దక్షిణతః ఇంద్రాణీం ఆవాహయామి స్థాపయామి పూజయామి ।
ఓం ఇంద్ర॑ మరుత్వ ఇ॒హ పా॑హి॒ సోమం॒-యఀథా॑ శార్యా॒తే అపి॑బః సు॒తస్య॑ । తవ॒ ప్రణీ॑తీ॒ తవ॑ శూర॒ శర్మ॒న్నా వి॑వాసంతి క॒వయః॑ సుయ॒జ్ఞాః ॥ (ఋ.3.51.7) శుక్రగ్రహస్య ప్రత్యధిదేవతాం ఇంద్రమరుత్వంతం సాంగం సాయుధం సవాహనం సశక్తిం పత్నీపుత్రపరివారసమేతం శుక్రగ్రహస్య ఉత్తరతః ఇంద్రమరుత్వంతమావాహయామి స్థాపయామి పూజయామి ।
7. శని గ్రహం ఓం శమ॒గ్నిర॒గ్నిభిః॑ కర॒చ్ఛం న॑స్తపతు॒ సూర్యః॑ । శం-వాఀతో॑ వాత్వర॒పా అప॒ స్త్రిధః॑ ॥ (ఋ.8.12.9) ఓం భూర్భువస్సువః శనైశ్చరగ్రహే ఆగచ్ఛ ।
శనైశ్చరగ్రహం నీలవర్ణం నీలగంధం నీలపుష్పం నీలమాల్యాంబరధరం నీలచ్ఛత్ర ధ్వజపతాకాదిశోభితం దివ్యరథసమారూఢం మేరుం ప్రదక్షిణీ కుర్వాణం చాపాసనస్థం ప్రత్యఙ్ముఖం గృద్రరథం చతుర్భుజం శూలాయుధధరం సౌరాష్ట్రదేశాధిపతిం కాశ్యపసగోత్రం-విఀశ్వామిత్ర ఋషిం-విఀభవ సంవఀత్సరే పౌష్యమాసే శుక్లపక్షే నవమ్యాం స్థిరవాసరే భరణీ నక్షత్రే జాతం మకుర కుంభ రాశ్యధిపతిం కిరీటినం సుఖాసీనం పత్నీపుత్రపరివారసమేతం గ్రహమండలే ప్రవిష్టమస్మిన్నధికరణే సూర్యగ్రహస్య పశ్చిమదిగ్భాగే ధనురాకారమండలే స్థాపిత అయః ప్రతిమారూపేణ శనైశ్చరగ్రహమావాహయామి స్థాపయామి పూజయామి ।
ఓం-యఀ॒మాయ॒ సోమం॑ సునుత య॒మాయ॑ జుహుతా హ॒విః । య॒మం హ॑ య॒జ్ఞో గ॑చ్ఛత్య॒గ్నిదూ॑తో॒ అరం॑కృతః ॥ (ఋ.10.14.13) శనైశ్చరగ్రహస్య అధిదేవతాం-యఀమం సాంగం సాయుధం సవాహనం సశక్తిం పత్నీపుత్రపరివారసమేతం శనైశ్చరగ్రహస్య దక్షిణతః యమం ఆవాహయామి స్థాపయామి పూజయామి ।
ఓం ప్రజా॑పతే॒ న త్వదే॒తాన్య॒న్యో విశ్వా॑ జా॒తాని॒ పరి॒ తా బ॑భూవ । యత్కా॑మాస్తే జుహు॒మస్తన్నో॑ అస్తు వ॒యం స్యా॑మ॒ పత॑యో రయీ॒ణామ్ ॥ (ఋ.10.121.10) శనైశ్చరగ్రహస్య ప్రత్యధిదేవతాం ప్రజాపతిం సాంగం సాయుధం సవాహనం సశక్తిం పత్నీపుత్రపరివారసమేతం శనైశ్చరగ్రహస్య ఉత్తరతః ప్రజాపతిమావాహయామి స్థాపయామి పూజయామి ।
8. రాహు గ్రహం ఓం కయా॑ నశ్చి॒త్ర ఆభు॑వదూ॒తీ స॒దావృ॑ధ॒స్సఖా᳚ । కయా॒ శచి॑ష్ఠయా వృ॒తా ॥ ఓం భూర్భువస్సువః రాహుగ్రహే ఆగచ్ఛ ।
రాహుగ్రహం ధూమ్రవర్ణం ధూమ్రగంధం ధూమ్రపుష్పం ధూమ్రమాల్యాంబరధరం ధూమ్రచ్ఛత్ర ధ్వజపతాకాదిశోభితం దివ్యరథసమారూఢం మేరుం అప్రదక్షిణీ కుర్వాణం సింహాసనం నైఋతి ముఖం శూర్పాసనస్థం చతుర్భుజం కరాళవక్త్రం ఖడ్గచర్మ ధరం పైఠీనసగోత్రం బర్బరదేశాధిపతిం రాక్షసనామసంవఀత్సరే భాద్రపదమాసే కృష్ణ పక్షే చతుర్దశ్యాం భానువాసరే విశాఖా నక్షత్రే జాతం సింహరాశి ప్రయుక్తం కిరీటినం సుఖాసీనం సశక్తిం పత్నీపుత్రపరివారసమేతం గ్రహమండలే ప్రవిష్టమస్మిన్నధికరణే సూర్యగ్రహస్య నైఋతిదిగ్భాగే శూర్పాకార మండలే స్థాపిత లోహప్రతిమా రూపేణ రాహుగ్రహమావాహయామి స్థాపయామి పూజయామి ।
ఓం ఆఽయంగౌః పృశ్ని॑రక్రమీ॒దస॑నన్మా॒తరం॒ పునః॑ । పి॒తరం॑చ ప్ర॒యంత్సువః॑ ॥ రాహుగ్రహస్య అధిదేవతాం గాం సాంగం సాయుధం సవాహనాం సశక్తిం పతిపుత్రపరివారసమేతం రాహుగ్రహస్య దక్షిణతః గాం ఆవాహయామి స్థాపయామి పూజయామి ।
ఓం నమో॑ అస్తు స॒ర్పేభ్యో॒ యే కే చ॑ పృథి॒వీం అను॑ । యే అం॒తరి॑క్షే॒ యే దివి॒ తేభ్య॑స్స॒ర్పేభ్యో॒ నమః॑ ॥ రాహుగ్రహస్య ప్రత్యధిదేవతాం సర్పం సాంగం సాయుధం సవాహనం సశక్తిం పత్నీపుత్రపరివారసమేతం రాహుగ్రహస్య ఉత్తరతః సర్పమావాహయామి స్థాపయామి పూజయామి ।
9. కేతు గ్రహం ఓం కే॒తుంకృ॒ణ్వన్న॑కే॒తవే॒ పేశో॑ మర్యా అపే॒శసే᳚ । సము॒షద్భి॑రజాయథాః ॥ ఓం భూర్భువస్సువః కేతుగణైః ఆగచ్ఛ ।
కేతుగణం చిత్రవర్ణం చిత్రగంధం చిత్రపుష్పం చిత్రమాల్యాంబరధరం చిత్రచ్ఛత్ర ధ్వజపతాకాదిశోభితం దివ్యరథసమారూఢం మేరుం అప్రదక్షిణీ కుర్వాణం ధ్వజాసనస్థం దక్షిణాభిముఖం అంతర్వేది దేశాధిపతిం ద్విబాహుం గదాధరం జైమిని గోత్రం రాక్షసనామ సంవఀత్సరే చైత్రమాసే కృష్ణపక్షే చతుర్దశ్యాం ఇందువాసరే రేవతీ నక్షత్రేజాతం కర్కటకరాశి ప్రయుక్తం సింహాసనాసీనం గ్రహమండలే ప్రవిష్టమస్మిన్నధికరణే సూర్యగ్రహస్య వాయవ్య దిగ్భాగే ధ్వజాకార మండలే స్థాపిత పంచలోహ ప్రతిమారూపేణ కేతుగణమావాహయామి స్థాపయామి పూజయామి ।
ఓం సచి॑త్ర చి॒త్రం చి॒తయన్᳚తమ॒స్మే చిత్ర॑క్షత్ర చి॒త్రత॑మం-వఀయో॒ధామ్ । చం॒ద్రం ర॒యిం పు॑రు॒వీరం᳚ బృ॒హంతం॒ చంద్ర॑చం॒ద్రాభి॑ర్గృణ॒తే యు॑వస్వ ॥ కేతుగణస్య అధిదేవతాం చిత్రగుప్తం సాంగం సాయుధం సవాహనం సశక్తిం పత్నీపుత్రపరివారసమేతం కేతుగణస్య దక్షిణతః చిత్రగుప్తమావాహయామి స్థాపయామి పూజయామి ।
ఓం బ్ర॒హ్మా దే॒వానాం᳚ పద॒వీః క॑వీ॒నామృషి॒ర్విప్రా॑ణాం మహి॒షో మృ॒గాణా᳚మ్ । శ్యే॒నోగృధ్రా॑ణా॒గ్॒స్వధి॑తి॒ర్వనా॑నా॒గ్ం॒ సోమః॑ ప॒విత్ర॒మత్యే॑తి॒ రేభన్॑ ॥ కేతుగణస్య ప్రత్యధిదేవతాం బ్రహ్మాణం సాంగం సాయుధం సవాహనం సశక్తిం పత్నీపుత్రపరివారసమేతం కేతుగ్రహస్య ఉత్తరతః బ్రహ్మాణమావాహయామి స్థాపయామి పూజయామి ।
అధిదేవతా ప్రత్యధిదేవతా సహితాదిత్యాది నవగ్రహ దేవతాభ్యో నమః ధ్యాయామి, ఆవహయామి, రత్నసింహాసనం సమర్పయామి, పాద్యం సమర్పయామి, అర్ఘ్యం సమర్పయామి, ఆచమనీయం సమర్పయామి, స్నానం సమర్పయామి, శుద్ధాచమనీయం సమర్పయామి, వస్త్రం సమర్పయామి, యజ్ఞోపవీతం సమర్పయామి, గంధం సమర్పయామి, అక్షతాన్ సమర్పయామి, పుష్పాణి సమర్పయామి, ధూపమాఘ్రాపయామి, దీపం సమర్పయామి, నైవేద్యం సమర్పయామి, తాంబూలం సమర్పయామి, మంత్రపుష్పం సమర్పయామి ।
అధిదేవతా ప్రత్యధిదేవతాసహితాదిత్యాది నవగ్రహ దేవతా ప్రసాదసిద్ధిరస్తు ।
ఇంద్రాది అష్టదిక్పాలక పూజ
1. ఇంద్రుడు ఓం ఇంద్రం॑-వోఀ వి॒శ్వత॒స్పరి॒ హవా॑మహే॒ జనే॑భ్యః । అ॒స్మాక॑మస్తు॒ కేవ॑లః ॥ (ఋ.వే.1.7.10) సాంగం సాయుధం సవాహనం సశక్తిం పత్నీపుత్రపరివారసమేతం ప్రాగ్దిగ్భాగే ఇంద్రం దిక్పాలకమావాహయామి స్థాపయామి పూజయామి ॥
2. అగ్ని ఓం అ॒గ్నిం దూ॒తం-వృఀ ॑ణీమహే॒ హోతా॑రం-విఀ॒శ్వవే॑దసమ్ । అ॒స్య య॒జ్ఞస్య॑ సు॒క్రతు॑మ్ ॥ (ఋ.వే.1.12.1) సాంగం సాయుధం సవాహనం సశక్తిం పత్నీపుత్రపరివారసమేతం ఆగ్నేయదిగ్భాగే అగ్నిం దిక్పాలకమావాహయామి స్థాపయామి పూజయామి ॥
3. యముడు ఓం-యఀ॒మాయ॒ సోమం॑ సునుత య॒మాయ॑ జుహుతా హ॒విః । య॒మం హ॑ య॒జ్ఞో గ॑చ్ఛత్య॒గ్నిదూ॑తో॒ అరం॑కృతః ॥ (ఋ.10.14.13) సాంగం సాయుధం సవాహనం సశక్తిం పత్నీపుత్రపరివారసమేతం దక్షిణదిగ్భాగే యమం దిక్పాలకమావాహయామి స్థాపయామి పూజయామి ॥
4. నిఋతి ఓం మొ షు ణః॒ పరా॑పరా॒ నిర్ఋ॑తిర్దు॒ర్హణా॑ వధీత్ । ప॒దీ॒ష్ట తృష్ణ॑యా స॒హ ॥ (ఋ.1.38.06) సాంగం సాయుధం సవాహనం సశక్తిం పత్నీపుత్రపరివారసమేతం నైఋతిదిగ్భాగే నిర్ఋతిం దిక్పాలకమావాహయామి స్థాపయామి పూజయామి ॥
5. వరుణుడు ఓం ఇ॒మం మే॑ వరుణ శ్రుధీ॒ హవ॑ మ॒ద్యా చ॑ మృడయ । త్వామ॑వ॒స్యు రాచ॑కే । సాంగం సాయుధం సవాహనం సశక్తిం పత్నీపుత్రపరివారసమేతం పశ్చిమదిగ్భాగే వరుణం దిక్పాలకమావాహయామి స్థాపయామి పూజయామి ॥
6. వాయువు ఓం తవ॑ వాయవృతస్పతే॒ త్వష్టు॑ర్జామాతరద్భుత । అవాం॒స్యా వృ॑ణీమహే । (ఋ.8.21.20) సాంగం సాయుధం సవాహనం సశక్తిం పత్నీపుత్రపరివారసమేతం-వాఀయువ్యదిగ్భాగే వాయుం దిక్పాలకమావాహయామి స్థాపయామి పూజయామి ॥
7. కుబేరుడు ఓం సోమో॑ ధే॒నుం సోమో॒ అర్వం॑తమా॒శుం సోమో॑ వీ॒రం క॑ర్మ॒ణ్యం॑ దదాతి । సా॒ద॒న్యం॑-విఀద॒థ్యం॑ స॒భేయం॑ పితృ॒శ్రవ॑ణం॒-యోఀ దదా॑శదస్మై ॥ (ఋ.1.91.20) సాంగం సాయుధం సవాహనం సశక్తిం పత్నీపుత్రపరివారసమేతం ఉత్తరదిగ్భాగే కుబేరం దిక్పాలకమావాహయామి స్థాపయామి పూజయామి ॥
8. ఈశానుడు ఓం తమీశా॑నం॒ జగ॑తస్త॒స్థుష॒స్పతిం॑ ధియంజి॒న్వమవ॑సే హూమహే వ॒యమ్ । పూ॒షా నో॒ యథా॒ వేద॑సా॒మస॑ద్వృ॒ధే ర॑క్షి॒తా పా॒యురద॑బ్ధః స్వ॒స్తయే॑ ॥ (ఋ.1.89.5) సాంగం సాయుధం సవాహనం సశక్తిం పత్నీపుత్రపరివారసమేతం ఈశానదిగ్భాగే ఈశానం దిక్పాలకమావాహయామి స్థాపయామి పూజయామి ॥
ఇంద్రాది అష్టదిక్పాలకదేవతాభ్యో నమః ధ్యాయామి, ఆవహయామి, రత్నసింహాసనం సమర్పయామి, పాద్యం సమర్పయామి, అర్ఘ్యం సమర్పయామి, ఆచమనీయం సమర్పయామి, స్నానం సమర్పయామి, శుద్ధాచమనీయం సమర్పయామి, వస్త్రం సమర్పయామి, యజ్ఞోపవీతం సమర్పయామి, గంధం సమర్పయామి, అక్షతాన్ సమర్పయామి, పుష్పాణి సమర్పయామి, ధూపమాఘ్రాపయామి, దీపం సమర్పయామి, నైవేద్యం సమర్పయామి, తాంబూలం సమర్పయామి, మంత్రపుష్పం సమర్పయామి ।
ఇంద్రాది అష్టదిక్పాలక దేవతా ప్రసాదసిద్ధిరస్తు ।
షోడశోపచార పూజ
పంచామృత స్నానం 1. ఆప్యాయస్యేతి క్షీరం (milk) – ఓం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ । భవా॒ వాజ॑స్య సంగ॒థే ॥ క్షీరేణ స్నపయామి ॥
2. దధిక్రావ్ణో ఇతి దధి (yogurt) – ఓం ద॒ధి॒క్రావ్ణో॑ అకారిషం జి॒ష్ణోరశ్వ॑స్య వా॒జినః॑ । సు॒రభి నో॒ ముఖా॑ కర॒త్ప్రణ॒ ఆయూగ్ం॑షి తారిషత్ ॥ దధ్నా స్నపయామి ॥
3. శుక్రమసీతి ఆజ్యం (ghee) – ఓం శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒తు అచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ । ఆజ్యేన స్నపయామి ॥
4. మధువాతా ఋతాయతే ఇతి మధు (honey) – ఓం మధు॒వాతా॑ ఋతాయ॒తే మధు॑క్షరంతి॒ సింధ॑వః । మాధ్వీ᳚ర్నః సం॒త్వౌష॑ధీః । మధు॒నక్త॑ము॒తోష॑సి॒ మధు॑మ॒త్పార్థి॑వ॒గ్ం॒ రజః॑ । మధు॒ద్యౌర॑స్తు నః పి॒తా । మధు॑మాన్నో॒ వన॒స్పతి॒ర్మధు॑మాగ్ం అస్తు॒ సూర్యః॑ । మాధ్వీ॒ర్గావో॑ భవంతు నః । మధునా స్నపయామి ॥
5. స్వాదుః పవస్యేతి శర్కరా (sugar) – ఓం స్వా॒దుః ప॑వస్వ ది॒వ్యాయ॒ జన్మ॑నే । స్వా॒దురింద్రా᳚య సు॒హవీ᳚తు నామ్నే । స్వా॒దుర్మి॒త్రాయ॒ వరు॑ణాయ వా॒యవే॒ । బృహ॒స్పత॑యే॒ మధు॑మాం॒ అదా᳚భ్యః । శర్కరేణ స్నపయామి ॥
ఫలోదకం (coconut water) యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః॑ । బృహ॒స్పతి॑ ప్రసూతా॒స్తానో॑ మున్చం॒త్వగ్ం హ॑సః ॥ ఫలోదకేన స్నపయామి ॥
(take the Vishnu image out and wash it with clean water, while reciting the following) శుద్ధోదకం ఓం ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః । శుద్ధోదకేన స్నపయామి ।
(wipe the Vishnu image with a fresh cloth, decorate it with Gandham and Kumkuma, keep it in a betal leaf and place it in the Mandapa close to the Kalasha)
ఓం నా॒రా॒య॒ణాయ॑ వి॒ద్మహే॑ వాసుదే॒వాయ॑ ధీమహి । తన్నో॑ విష్ణుః ప్రచో॒దయా᳚త్ ॥ ఓం మ॒హా॒దే॒వ్యై చ॑ వి॒ద్మహే॑ విష్ణుప॒త్నీ చ॑ ధీమహి । తన్నో॑ లక్ష్మీః ప్రచో॒దయా᳚త్ ॥
అస్మిన్కలశే అస్యాం ప్రతిమాయాం శ్రీరమాసహిత సత్యనారాయణ స్వామిన్ ఆవాహయామి స్థాపయామి పూజయామి ॥
ప్రాణప్రతిష్ఠాపనం ఓం అస్య శ్రీ ప్రాణప్రతిష్ఠాపన మహామంత్రస్య బ్రహ్మవిష్ణుమహేశ్వరా ఋషయః, ఋగ్యజుస్సామాథర్వాణి ఛందాంసి, ప్రాణశ్శక్తిః, పరా దేవతా, ఆం బీజం, హ్రీం శక్తిః, క్రోం కీలకం, శ్రీరమాసహిత సత్యనారాయణ స్వామి దేవతా ప్రాణప్రతిష్ఠార్థే వినియోగః ।
కరన్యాసం ఓం ఆం అంగుష్ఠాభ్యాం నమః । ఓం హ్రీం తర్జనీభ్యాం నమః । ఓం క్రోం మధ్యమాభ్యాం నమః । ఓం ఆం అనామికాభ్యాం నమః । ఓం హ్రీం కనిష్ఠికాభ్యాం నమః । ఓం క్రోం కరతల కరపృష్ఠాభ్యాం నమః ।
అంగన్యాసం ఓం ఆం హృదయాయ నమః । ఓం హ్రీం శిరసే స్వాహా । ఓం క్రోం శిఖయై వషట్ । ఓం ఆం కవచాయ హుమ్ । ఓం హ్రీం నేత్రత్రయాయ వౌషట్ । ఓం క్రోం అస్త్రాయ ఫట్ । ఓం భూర్భువస్సువరోమితి దిగ్బంధః ॥
ధ్యానం రక్తాంభోధిస్థపోతోల్లసదరుణసరోజాధిరూఢా కరాబ్జైః । పాశం కోదండమిక్షూద్భవమళిగుణమప్యంకుశం చాపబాణామ్ । బిభ్రాణా సృక్కపాలం త్రిణయనలసితా పీనవక్షోరుహాఢ్యా । దేవీ బాలార్కవర్ణా భవతు సుఖకరీ ప్రాణశక్తిః పరా నః ।
ఓం శాంతాకారం భుజగశయనం పద్మనాభం సురేశం విశ్వాకారం గగనసదృశం మేఘవర్ణం శుభాంగమ్ । లక్ష్మీకాంతం కమలనయనం-యోఀగిహృద్ధ్యానగమ్యం వందే విష్ణుం భవభయహరం సర్వలోకైకనాథమ్ ॥
ఓం ఆం హ్రీం క్రోం క్రోం హ్రీం ఆం-యంఀ రం-లంఀ వం శం షం సం హం-ళంఀ క్షం హం సః సోఽహమ్ । అస్యాం మూర్తౌ శ్రీ రమాసహిత సత్యనారాయణ స్వామి దేవతా ప్రాణః ఇహ ప్రాణః । శ్రీ రమాసహిత సత్యనారాయణ స్వామి దేవతా జీవః ఇహః స్థితః । అస్యాం మూర్తౌ శ్రీ రమాసహిత సత్యనారాయణస్య సర్వేంద్రియాణి వాఙ్మనః త్వక్ చక్షుః శ్రోత్ర జిహ్వా ఘ్రాణ వాక్పాణిపాద పాయూపస్థాని ఇహైవాగత్య సుఖం చిరం తిష్టంతు స్వాహా ।
ఓం అసు॑నీతే॒ పున॑ర॒స్మాసు॒ చక్షుః॒ పునః॑ ప్రా॒ణమి॒హ నో᳚ ధేహి॒ భోగ᳚మ్ । జ్యోక్ప॑శ్యేమ॒ సూర్య॑ము॒చ్చరం᳚త॒ మను॑మతే మృ॒డయా᳚ నః స్వ॒స్తి ॥ అ॒మృతం॒-వైఀ ప్రా॒ణా అ॒మృత॒మాపః॑ ప్రా॒ణానే॒వ య॑థాస్థా॒నముప॑హ్వయతే ॥ ఆవాహితో భవ స్థాపితో భవ । సుప్రసన్నో భవ వరదో భవ ।
స్వామిన్ సర్వజగన్నాథ యావత్పూజావసానకమ్ । తావత్త్వం ప్రీతిభావేన కలశేఽస్మిన్ సన్నిధిం కురు ॥
సాంగం సాయుధం సవాహనం సశక్తిం పత్నీపుత్రపరివారసమేతం శ్రీ రమాసహిత సత్యనారాయణ స్వామినే నమః ఆవాహయామి స్థాపయామి పూజయామి ॥
ధ్యానం ధ్యాయేత్సత్యం గుణాతీతం గుణత్రయసమన్వితమ్ । లోకనాథం త్రిలోకేశం కౌస్తుభాభరణం హరిమ్ ॥ పీతాంబరం నీలవర్ణం శ్రీవత్స పదభూషితమ్ । గోవిందం గోకులానందం బ్రహ్మాద్యైరపి పూజితమ్ ॥ శ్రీ రమాసహిత సత్యనారాయణ స్వామినే నమః ధ్యానం సమర్పయామి ॥
ఆవాహనం ఓం స॒హస్ర॑శీర్షా॒ పురు॑షః । స॒హ॒స్రా॒క్షః స॒హస్ర॑పాత్ । స భూమిం॑-విఀ॒శ్వతో॑ వృ॒త్వా । అత్య॑తిష్ఠద్దశాంగు॒లమ్ । జ్యోతిశ్శాంతం సర్వలోకాంతరస్థం ఓంకారాఖ్యం-యోఀగిహృద్ధ్యానగమ్యమ్ । సాంగం శక్తిం సాయుధం భక్తిసేవ్యం సర్వాకారం-విఀష్ణుమావాహయామి ॥ ఓం శ్రీ రమాసహిత సత్యనారాయణ స్వామినే నమః ఆవాహనం సమర్పయామి ।
ఆసనం పురు॑ష ఏ॒వేదగ్ం సర్వం᳚ । యద్భూ॒తం-యఀచ్చ॒ భవ్యం᳚ । ఉ॒తామృ॑త॒త్వస్యేశా॑నః । య॒దన్నే॑నాతి॒రోహ॑తి । కల్పద్రుమూలే మణివేదిమధ్యే సింహాసనం స్వర్ణమయం-విఀచిత్రమ్ । విచిత్ర వస్త్రావృతమచ్యుత ప్రభో గృహాణ లక్ష్మీధరణీసమేత ॥ ఓం శ్రీ రమాసహిత సత్యనారాయణ స్వామినే నమః ఆసనం సమర్పయామి ।
పాద్యం ఏ॒తావా॑నస్య మహి॒మా । అతో॒ జ్యాయాగ్॑శ్చ॒ పూరు॑షః । పాదో᳚ఽస్య॒ విశ్వా॑ భూ॒తాని॑ । త్రి॒పాద॑స్యా॒మృతం॑ ది॒వి । నారాయణ నమస్తేఽస్తు నరకార్ణవతారక । పాద్యం గృహాణ దేవేశ మమ సౌఖ్యం-విఀవర్థయ ॥ ఓం శ్రీ రమాసహిత సత్యనారాయణ స్వామినే నమః పాదయోః పాద్యం సమర్పయామి ।
అర్ఘ్యం త్రి॒పాదూ॒ర్ధ్వ ఉదై॒త్పురు॑షః । పాదో᳚ఽస్యే॒హాఽఽభ॑వా॒త్పునః॑ । తతో॒ విష్వ॒ఙ్వ్య॑క్రామత్ । సా॒శ॒నా॒న॒శ॒నే అ॒భి । వ్యక్తాఽవ్యక్త స్వరూపాయ హృషీకపతయే నమః । మయా నివేదితో భక్త్యాహ్యర్ఘ్యోఽయం ప్రతిగృహ్యతామ్ ॥ ఓం శ్రీ రమాసహిత సత్యనారాయణ స్వామినే నమః హస్తయోః అర్ఘ్యం సమర్పయామి ।
ఆచమనీయం తస్మా᳚ద్వి॒రాడ॑జాయత । వి॒రాజో॒ అధి॒ పూరు॑షః । స జా॒తో అత్య॑రిచ్యత । ప॒శ్చాద్భూమి॒మథో॑ పు॒రః । మందాకిన్యాస్తు యద్వారి సర్వపాపహరం శుభమ్ । తదిదం కల్పితం దేవ సమ్యగాచమ్యతాం-విఀభో ॥ ఓం శ్రీ రమాసహిత సత్యనారాయణ స్వామినే నమః ముఖే ఆచమనీయం సమర్పయామి ।
స్నానం యత్పురు॑షేణ హ॒విషా᳚ । దే॒వా య॒జ్ఞమత॑న్వత । వ॒సం॒తో అ॑స్యాసీ॒దాజ్యం᳚ । గ్రీ॒ష్మ ఇ॒ధ్మశ్శ॒రద్ధ॒విః ।
పంచామృత స్నానం ఆప్యా॑యస్వ॒ సమే॑తు తే వి॒శ్వత॑స్సోమ॒ వృష్ణి॑యమ్ । భవా॒ వాజ॑స్య సంగ॒థే ॥ ఓం శ్రీ రమాసహిత సత్యనారాయణ స్వామినే నమః క్షీరేణ స్నపయామి ।
ద॒ధి॒క్రావ్ణో॑ అకారిషం జి॒ష్ణోరశ్వ॑స్య వా॒జినః॑ । సు॒ర॒భి నో॒ ముఖా॑ కర॒త్ప్రాణ॒ ఆయూగ్ం॑షి తారిషత్ ॥ ఓం శ్రీ రమాసహిత సత్యనారాయణ స్వామినే నమః దధ్నా స్నపయామి ।
శు॒క్రమ॑సి॒ జ్యోతి॑రసి॒ తేజో॑సి దే॒వోవ॑స్సవి॒తోత్పు॑నా॒తు అచ్ఛి॑ద్రేణ ప॒విత్రే॑ణ॒ వసో॒స్సూర్య॑స్య ర॒శ్మిభిః॑ । ఓం శ్రీ రమాసహిత సత్యనారాయణ స్వామినే నమః ఆజ్యేన స్నపయామి ।
మధు॒వాతా॑ ఋతాయ॒తే మధు॑క్షరంతి॒ సింధ॑వః । మాధ్వీ᳚ర్నః సం॒త్వౌష॑ధీః । మధు॒నక్త॑ము॒తోష॑సి॒ మధు॑మ॒త్ పార్థి॑వ॒గ్ం॒రజః॑ । మధు॒ద్యౌర॑స్తు నః పి॒తా । మధు॑మాన్నో॒ వన॒స్పతి॒ర్మధు॑మాగ్ం అస్తు॒ సూర్యః॑ । మాధ్వీ॒ర్గావో॑ భవంతు నః । ఓం శ్రీ రమాసహిత సత్యనారాయణ స్వామినే నమః మధునా స్నపయామి ।
స్వా॒దుః ప॑వస్వ ది॒వ్యాయ॒ జన్మ॑నే । స్వా॒దురింద్రా᳚య సు॒హవీ᳚తు నామ్నే । స్వా॒దుర్మి॒త్రాయ॒ వరు॑ణాయ వా॒యవే॒ । బృహ॒స్పత॑యే॒ మధు॑మాం॒ అదా᳚భ్యః । ఓం శ్రీ రమాసహిత సత్యనారాయణ స్వామినే నమః శర్కరేణ స్నపయామి ।
యాః ఫ॒లినీ॒ర్యా అ॑ఫ॒లా అ॑పు॒ష్పాయాశ్చ॑ పు॒ష్పిణీః॑ । బృహ॒స్పతి॑ ప్రసూతా॒స్తానో॑ మున్చం॒త్వగ్ం హ॑సః ॥ ఓం శ్రీ రమాసహిత సత్యనారాయణ స్వామినే నమః ఫలోదకేన స్నపయామి ।
శుద్ధోదక స్నానం ఆపో॒ హిష్ఠా మ॑యో॒భువ॒స్తా న॑ ఊ॒ర్జే ద॑ధాతన । మ॒హేరణా॑య॒ చక్ష॑సే । యో వః॑ శి॒వత॑మో రస॒స్తస్య॑ భాజయతే॒ హ నః॑ । ఉ॒శ॒తీరి॑వ మా॒త॑రః । తస్మా॒ అరం॑గమామవో॒ యస్య॒ క్షయా॑య॒ జిన్వ॑థ । ఆపో॑ జ॒నయ॑థా చ నః ।
తీర్థోదకైః కాంచనకుంభ సంస్థైః సువాసితైర్దేవ కృపారసార్ద్రైః । మయార్పితం స్నానవిధిం గృహాణ పాదాబ్జనిష్య్టూత నదీప్రవాహః ।
నదీనాం చైవ సర్వాసామానీతం నిర్మలోదకమ్ । స్నానం స్వీకురు దేవేశ మయా దత్తం సురేశ్వర ॥ ఓం శ్రీ రమాసహిత సత్యనారాయణ స్వామినే నమః శుద్ధోదక స్నానం సమర్పయామి ।
స్నానానంతరం శుద్ధ ఆచమనీయం సమర్పయామి ॥
వస్త్రం స॒ప్తాస్యా॑సన్పరి॒ధయః॑ । త్రిః స॒ప్త స॒మిధః॑ కృ॒తాః । దే॒వా యద్య॒జ్ఞం త॑న్వా॒నాః । అబ॑ధ్న॒న్పురు॑షం ప॒శుమ్ । వేదసూక్తసమాయుక్తే యజ్ఞసామ సమన్వితే । సర్వవర్ణప్రదే దేవ వాస శీతే వినిర్మితే ॥ ఓం శ్రీ రమాసహిత సత్యనారాయణ స్వామినే నమః వస్త్రయుగ్మం సమర్పయామి ।
యజ్ఞోపవీతం తం-యఀ॒జ్ఞం బ॒ర్హిషి॒ ప్రౌక్షన్॑ । పురు॑షం జా॒తమ॑గ్ర॒తః । తేన॑ దే॒వా అయ॑జంత । సా॒ధ్యా ఋష॑యశ్చ॒ యే । బ్రహ్మ విష్ణు మహేశానాం నిర్మితం బ్రహ్మసూత్రకమ్ । గృహాణ భగవన్విష్ణో సర్వేష్టఫలదో భవ ॥ ఓం శ్రీ రమాసహిత సత్యనారాయణ స్వామినే నమః యజ్ఞోపవీతం సమర్పయామి ।
గంధం తస్మా᳚ద్య॒జ్ఞాత్స॑ర్వ॒హుతః॑ । సంభృ॑తం పృషదా॒జ్యమ్ । ప॒శూగ్స్తాగ్శ్చ॑క్రే వాయ॒వ్యాన్॑ । ఆ॒ర॒ణ్యాన్గ్రా॒మ్యాశ్చ॒ యే । శ్రీఖండం చందనం దివ్యం గంధాఢ్యం సుమనోహరమ్ । విలేపనం సురశ్రేష్ఠ ప్రీత్యర్థం ప్రతిగృహ్యతామ్ ॥ ఓం శ్రీ రమాసహిత సత్యనారాయణ స్వామినే నమః దివ్య శ్రీ చందనం సమర్పయామి ।
ఆభరణం తస్మా᳚ద్య॒జ్ఞాత్స॑ర్వ॒హుతః॑ । ఋచః॒ సామా॑ని జజ్ఞిరే । ఛందాగ్ం॑సి జజ్ఞిరే॒ తస్మా᳚త్ । యజు॒స్తస్మా॑దజాయత । హిరణ్య హార కేయూర గ్రైవేయ మణికంకణైః । సుహారం భూషణైర్యుక్తం గృహాణ పురుషోత్తమ ॥ ఓం శ్రీ రమాసహిత సత్యనారాయణ స్వామినే నమః సర్వాభరణాని సమర్పయామి ।
పుష్పాణి తస్మా॒దశ్వా॑ అజాయంత । యే కే చో॑భ॒యాద॑తః । గావో॑ హ జజ్ఞిరే॒ తస్మా᳚త్ । తస్మా᳚జ్జా॒తా అ॑జా॒వయః॑ । మల్లికాది సుగంధీని మాలత్యాదీని వై ప్రభో । మయాఽహృతాని పూజార్థం పుష్పాణి ప్రతిగృహ్యతామ్ । ఓం శ్రీ రమాసహిత సత్యనారాయణ స్వామినే నమః నానావిధ పరిమళ పత్ర పుష్పాణి సమర్పయామి ।
అథాంగ పూజ ఓం కేశవాయ నమః పాదౌ పూజయామి । ఓం గోవిందాయ నమః గుల్ఫౌ పూజయామి । ఓం ఇందిరాపతయే నమః జంఘే పూజయామి । ఓం అనఘాయ నమః జానునీ పూజయామి । ఓం జనార్దనాయ నమః ఊరూ పూజయామి । ఓం-విఀష్టరశ్రవసే నమః కటిం పూజయామి । ఓం పద్మనాభాయ నమః నాభిం పూజయామి । ఓం కుక్షిస్థాఖిలభువనాయ నమః ఉదరం పూజయామి । ఓం-లఀక్ష్మీవక్షస్స్థలాలయాయ నమః వక్షస్థలం పూజయామి । ఓం శంఖచక్రగదాశార్ఙ్గపాణయే నమః బాహూన్ పూజయామి । ఓం కంబుకంఠాయ నమః కంఠం పూజయామి । ఓం పూర్ణేందునిభవక్త్రాయ నమః వక్త్రం పూజయామి । ఓం కుందకుట్మలదంతాయ నమః దంతాన్ పూజయామి । ఓం నాసాగ్రమౌక్తికాయ నమః నాసికాం పూజయామి । ఓం రత్నకుండలాయ నమః కర్ణౌ పూజయామి । ఓం సూర్యచంద్రాగ్నిధారిణే నమః నేత్రే పూజయామి । ఓం సులలాటాయ నమః లలాటం పూజయామి । ఓం సహస్రశిరసే నమః శిరః పూజయామి । శ్రీ రమాసహిత శ్రీ సత్యనారాయణ స్వామినే నమః సర్వాణ్యంగాని పూజయామి ॥
శ్రీ సత్యనారాయణ అష్టోత్తరశత నామ పూజా ఓం నారాయణాయ నమః । ఓం నరాయ నమః । ఓం శౌరయే నమః । ఓం చక్రపాణయే నమః । ఓం జనార్దనాయ నమః । ఓం-వాఀసుదేవాయ నమః । ఓం జగద్యోనయే నమః । ఓం-వాఀమనాయ నమః । ఓం జ్ఞానపంజరాయ నమః (10) ఓం శ్రీవల్లభాయ నమః । ఓం జగన్నాథాయ నమః । ఓం చతుర్మూర్తయే నమః । ఓం-వ్యోఀమకేశాయ నమః । ఓం హృషీకేశాయ నమః । ఓం శంకరాయ నమః । ఓం గరుడధ్వజాయ నమః । ఓం నారసింహాయ నమః । ఓం మహాదేవాయ నమః । ఓం స్వయంభువే నమః । ఓం భువనేశ్వరాయ నమః (20) ఓం శ్రీధరాయ నమః । ఓం దేవకీపుత్రాయ నమః । ఓం పార్థసారథయే నమః । ఓం అచ్యుతాయ నమః । ఓం శంఖపాణయే నమః । ఓం పరంజ్యోతిషే నమః । ఓం ఆత్మజ్యోతిషే నమః । ఓం అచంచలాయ నమః । ఓం శ్రీవత్సాంకాయ నమః । ఓం అఖిలాధారాయ నమః (30) ఓం సర్వలోకప్రతిప్రభవే నమః । ఓం త్రివిక్రమాయ నమః । ఓం త్రికాలజ్ఞానాయ నమః । ఓం త్రిధామ్నే నమః । ఓం కరుణాకరాయ నమః । ఓం సర్వజ్ఞాయ నమః । ఓం సర్వగాయ నమః । ఓం సర్వస్మై నమః । ఓం సర్వేశాయ నమః । ఓం సర్వసాక్షికాయ నమః (40) ఓం హరయే నమః । ఓం శారంగిణే నమః । ఓం హరాయ నమః । ఓం శేషాయ నమః । ఓం హలాయుధాయ నమః । ఓం సహస్రబాహవే నమః । ఓం అవ్యక్తాయ నమః । ఓం సహస్రాక్షాయ నమః । ఓం అక్షరాయ నమః । ఓం క్షరాయ నమః (50) ఓం గజారిఘ్నాయ నమః । ఓం కేశవాయ నమః । ఓం కేశిమర్దనాయ నమః । ఓం కైటభారయే నమః । ఓం అవిద్యారయే నమః । ఓం కామదాయ నమః । ఓం కమలేక్షణాయ నమః । ఓం హంసశత్రవే నమః । ఓం అధర్మశత్రవే నమః । ఓం కాకుత్థ్సాయ నమః (60) ఓం ఖగవాహనాయ నమః । ఓం నీలాంబుదద్యుతయే నమః । ఓం నిత్యాయ నమః । ఓం నిత్యతృప్తాయ నమః । ఓం నిత్యానందాయ నమః । ఓం సురాధ్యక్షాయ నమః । ఓం నిర్వికల్పాయ నమః । ఓం నిరంజనాయ నమః । ఓం బ్రహ్మణ్యాయ నమః । ఓం పృథివీనాథాయ నమః (70) ఓం పీతవాససే నమః । ఓం గుహాశ్రయాయ నమః । ఓం-వేఀదగర్భాయ నమః । ఓం-విఀభవే నమః । ఓం-విఀష్ణవే నమః । ఓం శ్రీమతే నమః । ఓం త్రైలోక్యభూషణాయ నమః । ఓం-యఀజ్ఞమూర్తయే నమః । ఓం అమేయాత్మనే నమః । ఓం-వఀరదాయ నమః (80) ఓం-వాఀసవానుజాయ నమః । ఓం జితేంద్రియాయ నమః । ఓం జితక్రోధాయ నమః । ఓం సమదృష్టయే నమః । ఓం సనాతనాయ నమః । ఓం భక్తప్రియాయ నమః । ఓం జగత్పూజ్యాయ నమః । ఓం పరమాత్మనే నమః । ఓం అసురాంతకాయ నమః । ఓం సర్వలోకానామంతకాయ నమః (90) ఓం అనంతాయ నమః । ఓం అనంతవిక్రమాయ నమః । ఓం మాయాధారాయ నమః । ఓం నిరాధారాయ నమః । ఓం సర్వాధారాయ నమః । ఓం ధరాధారాయ నమః । ఓం నిష్కలంకాయ నమః । ఓం నిరాభాసాయ నమః । ఓం నిష్ప్రపంచాయ నమః । ఓం నిరామయాయ నమః (100) ఓం భక్తవశ్యాయ నమః । ఓం మహోదారాయ నమః । ఓం పుణ్యకీర్తయే నమః । ఓం పురాతనాయ నమః । ఓం త్రికాలజ్ఞాయ నమః । ఓం-విఀష్టరశ్రవసే నమః । ఓం చతుర్భుజాయ నమః । ఓం శ్రీసత్యనారాయణస్వామినే నమః (108)
ధూపం యత్పురు॑షం॒-వ్యఀ ॑దధుః । క॒తి॒ధా వ్య॑కల్పయన్న్ । ముఖం॒ కిమ॑స్య॒ కౌ బా॒హూ । కావూ॒రూ పాదా॑వుచ్యేతే । దశాంగం గుగ్గులోపేతం సుగంధం సుమనోహరమ్ । ధూపం గృహాణ దేవేశ సర్వదేవ నమస్కృత ॥ ఓం శ్రీ రమాసహిత సత్యనారాయణ స్వామినే నమః ధూపమాఘ్రాపయామి ।
దీపం బ్రా॒హ్మ॒ణో᳚ఽస్య॒ ముఖ॑మాసీత్ । బా॒హూ రా॑జ॒న్యః॑ కృ॒తః । ఊ॒రూ తద॑స్య॒ యద్వైశ్యః॑ । ప॒ద్భ్యాగ్ం శూ॒ద్రో అ॑జాయత । ఘృతా త్రివర్తి సంయుఀక్తం-వఀహ్నినా యొజితం ప్రియమ్ । దీపం గృహాణ దేవేశ త్రైలోక్య తిమిరాపహమ్ ॥ భక్త్యా దీపం ప్రయచ్ఛామి దేవాయ పరమాత్మనే । త్రాహి మాం నరకాద్ఘోరాత్ దీపజ్యోతిర్నమోఽస్తు తే ॥ ఓం శ్రీ రమాసహిత సత్యనారాయణ స్వామినే నమః దీపం సమర్పయామి ।
నైవేద్యం చం॒ద్రమా॒ మన॑సో జా॒తః । చక్షోః॒ సూర్యో॑ అజాయత । ముఖా॒దింద్ర॑శ్చా॒గ్నిశ్చ॑ । ప్రా॒ణాద్వా॒యుర॑జాయత ।
సౌవర్ణస్థాలిమధ్యే మణిగణఖచితే గోఘృతాక్తాన్ సుపక్వాన్ । భక్ష్యాన్ భోజ్యాంశ్చ లేహ్యానపరిమితరసాన్ చోష్యమన్నం నిధాయ ॥ నానాశాకైరుపేతం దధి మధు స గుడ క్షీర పానీయయుక్తమ్ । తాంబూలం చాపి విష్ణోః ప్రతిదివసమహం మానసే కల్పయామి ॥ రాజాన్నం సూప సంయుఀక్తం శాకచోష్య సమన్వితమ్ । ఘృత భక్ష్య సమాయుక్తం నైవేద్యం ప్రతిగృహ్యతామ్ ॥
ఓం శ్రీ రమాసహిత సత్యనారాయణ స్వామినే నమః మహానైవేద్యం సమర్పయామి ।
ఓం భూర్భువ॒స్సువః॒ । తత్స॑వి॒తుర్వరే᳚ణ్యం॒ భర్గో॑ దే॒వస్య॑ ధీమహి । ధి॒యో యో నః॑ ప్రచో॒దయా᳚త్ ॥ సత్యం త్వా ఋతేన పరిషించామి (ఋతం త్వా సత్యేన పరిషించామి) అమృతమస్తు । అమృతోపస్తరణమసి । ఓం ప్రాణాయ స్వాహా । ఓం అపానాయ స్వాహా । ఓం-వ్యాఀనాయ స్వాహా । ఓం ఉదానాయ స్వాహా । ఓం సమానాయ స్వాహా । మధ్యే మధ్యే పానీయం సమర్పయామి । అమృతాపిధానమసి । ఉత్తరాపోశనం సమర్పయామి । హస్తౌ ప్రక్షాళయామి । పాదౌ ప్రక్షాళయామి । ముఖే శుద్ధాచమనీయం సమర్పయామి ।
తాంబూలం నాభ్యా॑ ఆసీదం॒తరి॑క్షమ్ । శీ॒ర్ష్ణో ద్యౌః సమ॑వర్తత । ప॒ద్భ్యాం భూమి॒ర్దిశః॒ శ్రోత్రా᳚త్ । తథా॑ లో॒కాగ్ం అ॑కల్పయన్న్ । పూగీఫలైః స కర్పూరైః నాగవల్లీ దళైర్యుతమ్ । ముక్తాచూర్ణ సమాయుక్తం తాంబూలం ప్రతిగృహ్యతామ్ ॥ ఓం శ్రీ రమాసహిత సత్యనారాయణ స్వామినే నమః తాంబూలం సమర్పయామి ।
నీరాజనం (stand up) వేదా॒హమే॒తం పురు॑షం మ॒హాంతం᳚ । ఆ॒ది॒త్యవ॑ర్ణం॒ తమ॑స॒స్తు పా॒రే । సర్వా॑ణి రూ॒పాణి॑ వి॒చిత్య॒ ధీరః॑ । నామా॑ని కృ॒త్వాఽభి॒వద॒న్॒ యదాస్తే᳚ ।
నర్య॑ ప్ర॒జాం మే॑ గోపాయ । అ॒మృ॒త॒త్వాయ॑ జీ॒వసే᳚ । జా॒తాం జ॑ని॒ష్యమా॑ణాం చ । అ॒మృతే॑ స॒త్యే ప్రతి॑ష్ఠితామ్ । అథ॑ర్వ పి॒తుం మే॑ గోపాయ । రస॒మన్న॑మి॒హాయు॑షే । అద॑బ్ధా॒యోఽశీ॑తతనో । అవి॑షం నః పి॒తుం కృ॑ణు । శగ్గ్ంస్య॑ ప॒శూన్మే॑ గోపాయ । ద్వి॒పదో॒ యే చతు॑ష్పదః ॥ (తై.బ్రా.1.2.1.25) అ॒ష్టాశ॑ఫాశ్చ॒ య ఇ॒హాగ్నే᳚ । యే చైక॑శఫా ఆశు॒గాః । సప్రథ స॒భాం మే॑ గోపాయ । యే చ॒ సభ్యాః᳚ సభా॒సదః॑ । తానిం॑ద్రి॒యావ॑తః కురు । సర్వ॒మాయు॒రుపా॑సతామ్ । అహే॑ బుధ్నియ॒ మంత్రం॑ మే గోపాయ । యమృష॑యస్త్రైవి॒దా వి॒దుః । ఋచః॒ సామా॑ని॒ యజూగ్ం॑షి । సా హి శ్రీర॒మృతా॑ స॒తామ్ ॥ (తై.బ్రా.1.2.1.26)
మా నో హిగ్ంసీజ్జాతవేదో గామశ్వం పురుషం జగత్ । అభిభ్ర దగ్న ఆగహి శ్రియా మా పరిపాతయ ॥ సమ్రాజం చ విరాజం చాఽభి శ్రీర్యాచ నో గృహే । లక్ష్మీ రాష్ట్రస్య యా ముఖే తయా మా సగ్ం సృజామసి ॥ సంతత శ్రీరస్తు సర్వమంగళాని భవంతు నిత్యశ్రీరస్తు నిత్యమంగళాని భవంతు ॥
నీరాజనం గృహాణేదం పంచవర్తి సమన్వితమ్ । తేజోరాశిమయం దత్తం గృహాణ త్వం సురేశ్వర ॥
ఓం శ్రీ రమాసహిత సత్యనారాయణ స్వామినే నమః కర్పూర నీరాజనం సమర్పయామి । నీరాజనానంతరం శుద్ధాచమనీయం సమర్పయామి । నమస్కరోమి ।
మంత్రపుష్పం ధా॒తా పు॒రస్తా॒ద్యము॑దాజ॒హార॑ । శ॒క్రః ప్రవి॒ద్వాన్ప్ర॒దిశ॒శ్చత॑స్రః । తమే॒వం-విఀ॒ద్వాన॒మృత॑ ఇ॒హ భ॑వతి । నాన్యః పంథా॒ అయ॑నాయ విద్యతే ।
ఓం శ్రీ రమాసహిత సత్యనారాయణ స్వామినే నమః సువర్ణ దివ్య మంత్రపుష్పం సమర్పయామి ।
ఆత్మప్రదక్షిణ నమస్కారం యానికాని చ పాపాని జన్మాంతరకృతాని చ తాని తాని ప్రణశ్యంతి ప్రదక్షిణ పదే పదే । పాపోఽహం పాపకర్మాఽహం పాపాత్మా పాపసంభవ । త్రాహిమాం కృపయా దేవ శరణాగతవత్సలా । అన్యథా శరణం నాస్తి త్వమేవ శరణం మమ । తస్మాత్కారుణ్య భావేన రక్ష రక్ష సత్యేశ్వర ।
ప్రదక్షిణం కరిష్యామి సర్వభ్రమనివారణమ్ । సంసారసాగరాన్మాం త్వం ఉద్ధరస్య మహాప్రభో ॥ ఓం శ్రీ రమాసహిత సత్యనారాయణ స్వామినే నమః ఆత్మప్రదక్షిణ నమస్కారాన్ సమర్పయామి ।
సాష్టాంగ నమస్కారం ఉరసా శిరసా దృష్ట్యా మనసా వచసా తథా । పద్భ్యాం కరాభ్యాం కర్ణాభ్యాం ప్రణామోఽష్టాంగముచ్యతే ॥ ఓం శ్రీ రమాసహిత సత్యనారాయణ స్వామినే నమః సాష్టాంగ నమస్కారాం సమర్పయామి ।
సర్వోపచారాః ఓం శ్రీ రమాసహిత సత్యనారాయణ స్వామినే నమః ఛత్రం ఆచ్ఛాదయామి । ఓం శ్రీ రమాసహిత సత్యనారాయణ స్వామినే నమః చామరైర్వీజయామి । ఓం శ్రీ రమాసహిత సత్యనారాయణ స్వామినే నమః నృత్యం దర్శయామి । ఓం శ్రీ రమాసహిత సత్యనారాయణ స్వామినే నమః గీతం శ్రావయామి । ఓం శ్రీ రమాసహిత సత్యనారాయణ స్వామినే నమః ఆందోళికాన్నారోహయామి । ఓం శ్రీ రమాసహిత సత్యనారాయణ స్వామినే నమః అశ్వానారోహయామి । ఓం శ్రీ రమాసహిత సత్యనారాయణ స్వామినే నమః గజానారోహయామి । సమస్త రాజోపచారాన్ దేవోపచారాన్ సమర్పయామి ।
క్షమాప్రార్థన యస్య స్మృత్యా చ నామోక్త్యా తపః పూజా క్రియాదిషు । న్యూనం సంపూర్ణతాం-యాఀతి సద్యో వందే తమచ్యుతమ్ । మంత్రహీనం క్రియాహీనం భక్తిహీనం జనార్దన । యత్పూజితం మయా దేవ పరిపూర్ణం తదస్తు తే ।
అనయా పురుషసూక్త విధానేన ధ్యాన ఆవాహనాది షోడశోపచార పూజనేన భగవాన్ సర్వాత్మకః శ్రీ రమాసహిత సత్యనారాయణ స్వామీ సుప్రీతో సుప్రసన్నో వరదో భవంతు ॥
(sit down)
ప్రార్థన అమోఘం పుండరీకాక్షం నృసింహం దైత్యసూదనమ్ । హృషీకేశం జగన్నాథం-వాఀగీశం-వఀరదాయకమ్ ॥ స గుణం చ గుణాతీతం గోవిందం గరుఢధ్వజమ్ । జనార్దనం జనానందం జానకీవల్లభం హరిమ్ ॥
ప్రణమామి సదా భక్త్యా నారాయణమతః పరమ్ । దుర్గమే విషమే ఘోరే శత్రుణా పరిపీడితః । నిస్తారయతు సర్వేషు తథాఽనిష్టభయేషు చ । నామాన్యేతాని సంకీర్త్య ఫలమీప్సితమాప్నుయాత్ । సత్యనారాయణ దేవం-వంఀదేఽహం కామదం ప్రభుమ్ । లీలయా వితతం-విఀశ్వం-యేఀన తస్మై నమో నమః ॥
ఓం శ్రీ రమాసహిత సత్యనారాయణ స్వామినే నమః ప్రార్థన నమస్కారాన్ సమర్పయామి ।
ఫలం ఇదం ఫలం మయా దేవ స్థాపితం పురతస్తవ । తేన మే స ఫలాఽవాప్తిర్భవేజ్జన్మని జన్మని ॥ ఓం శ్రీ రమాసహిత సత్యనారాయణ స్వామినే నమః ఫలం సమర్పయామి ।
శ్రీ సత్యనారాయణ స్వామి వ్రతకథా
॥ శ్రీ గణేశాయ నమః ॥ ॥ శ్రీపరమాత్మనే నమః ॥ అథ కథా ప్రారంభః ।
అథ ప్రథమోఽధ్యాయః
శ్రీవ్యాస ఉవాచ
ఏకదా నైమిషారణ్యే ఋషయః శౌనకాదయః । పప్రచ్ఛుర్మునయః సర్వే సూతం పౌరాణికం ఖలు ॥ 1
ఋషయ ఊచుః । వ్రతేన తపసా కిం-వాఀ ప్రాప్యతే వాంఛితం ఫలమ్ । తత్సర్వం శ్రోతుమిచ్ఛామః కథయస్వ మహామునే ॥ 2॥
సూత ఉవాచ
నారదేనైవ సంపృష్టో భగవాన్ కమలాపతిః । సురర్షయే యథైవాహ తచ్ఛృణుధ్వం సమాహితాః ॥ 3
ఏకదా నారదో యోగీ పరానుగ్రహకాంక్షయా । పర్యటన్ వివిధాన్ లోకాన్ మర్త్యలోకముపాగతః ॥ 4॥
తతోదృష్ట్వా జనాన్సర్వాన్ నానాక్లేశసమన్వితాన్ । నానాయోనిసముత్పన్నాన్ క్లిశ్యమానాన్ స్వకర్మభిః ॥ 5॥
కేనోపాయేన చైతేషాం దుఃఖనాశో భవేద్ ధ్రువమ్ । ఇతి సంచింత్య మనసా విష్ణులోకం గతస్తదా ॥ 6॥
తత్ర నారాయణం దేవం శుక్లవర్ణం చతుర్భుజమ్ । శంఖ-చక్ర-గదా-పద్మ-వనమాలా-విభూషితమ్ ॥ 7॥
దృష్ట్వా తం దేవదేవేశం స్తోతుం సముపచక్రమే । నారద ఉవాచ । నమో వాంగమనసాతీతరూపాయానంతశక్తయే । ఆదిమధ్యాంతహీనాయ నిర్గుణాయ గుణాత్మనే ॥ 8॥
సర్వేషామాదిభూతాయ భక్తానామార్తినాశినే । శ్రుత్వా స్తోత్రం తతో విష్ణుర్నారదం ప్రత్యభాషత ॥ 9॥
శ్రీభగవానువాచ
కిమర్థమాగతోఽసి త్వం కిం తే మనసి వర్తతే । కథయస్వ మహాభాగ తత్సర్వం కథాయామి తే ॥ 10
నారద ఉవాచ
మర్త్యలోకే జనాః సర్వే నానాక్లేశసమన్వితాః । ననాయోనిసముత్పన్నాః పచ్యంతే పాపకర్మభిః ॥ 11
తత్కథం శమయేన్నాథ లఘూపాయేన తద్వద । శ్రోతుమిచ్ఛామి తత్సర్వం కృపాస్తి యది తే మయి ॥ 12॥
శ్రీభగవానువాచ
సాధు పృష్టం త్వయా వత్స లోకానుగ్రహకాంక్షయా । యత్కృత్వా ముచ్యతే మోహత్ తచ్ఛృణుష్వ వదామి తే ॥ 13
వ్రతమస్తి మహత్పుణ్యం స్వర్గే మర్త్యే చ దుర్లభమ్ । తవ స్నేహాన్మయా వత్స ప్రకాశః క్రియతేఽధునా ॥ 14॥
సత్యనారాయణస్యైవ వ్రతం సమ్యగ్విధానతః । (సత్యనారాయణస్యైవం) కృత్వా సద్యః సుఖం భుక్త్వా పరత్ర మోక్షమాప్నుయాత్ । తచ్ఛ్రుత్వా భగవద్వాక్యం నారదో మునిరబ్రవీత్ ॥ 15॥
నారద ఉవాచ
కిం ఫలం కిం-విఀధానం చ కృతం కేనైవ తద్ వ్రతమ్ । తత్సర్వం-విఀస్తరాద్ బ్రూహి కదా కార్యం-వ్రఀతం ప్రభో ॥ 16॥ (కార్యంహితద్వ్రతం)
శ్రీభగవానువాచ
దుఃఖశోకాదిశమనం ధనధాన్యప్రవర్ధనమ్ ॥ 17
సౌభాగ్యసంతతికరం సర్వత్ర విజయప్రదమ్ । యస్మిన్ కస్మిన్ దినే మర్త్యో భక్తిశ్రద్ధాసమన్వితః ॥ 18॥
సత్యనారాయణం దేవం-యఀజేచ్చైవ నిశాముఖే । బ్రాహ్మణైర్బాంధవైశ్చైవ సహితో ధర్మతత్పరః ॥ 19॥
నైవేద్యం భక్తితో దద్యాత్ సపాదం భక్ష్యముత్తమమ్ । రంభాఫలం ఘృతం క్షీరం గోధూమస్య చ చూర్ణకమ్ ॥ 20॥
అభావే శాలిచూర్ణం-వాఀ శర్కరా వా గుడస్తథా । సపాదం సర్వభక్ష్యాణి చైకీకృత్య నివేదయేత్ ॥ 21॥
విప్రాయ దక్షిణాం దద్యాత్ కథాం శ్రుత్వా జనైః సహ । తతశ్చ బంధుభిః సార్ధం-విఀప్రాంశ్చ ప్రతిభోజయేత్ ॥ 22॥
ప్రసాదం భక్షయేద్ భక్త్యా నృత్యగీతాదికం చరేత్ । తతశ్చ స్వగృహం గచ్ఛేత్ సత్యనారాయణం స్మరన్న్ ॥ 23॥
ఏవం కృతే మనుష్యాణాం-వాంఀఛాసిద్ధిర్భవేద్ ధ్రువమ్ । విశేషతః కలియుగే లఘూపాయోఽస్తి భూతలే ॥ 24॥ (లఘూపాయోస్తి)
॥ ఇతి శ్రీస్కందపురాణే రేవాఖండే శ్రీసత్యనారాయణ వ్రతకథాయాం ప్రథమోఽధ్యాయః ॥ 1 ॥
అథ ద్వితీయోఽధ్యాయః
సూత ఉవాచ
అథాన్యత్ సంప్రవక్ష్యామి కృతం-యేఀన పురా ద్విజాః । కశ్చిత్ కాశీపురే రమ్యే హ్యాసీద్విప్రోఽతినిర్ధనః ॥ 1॥ (హ్యాసీద్విప్రోతినిర్ధనః)
క్షుత్తృడ్భ్యాం-వ్యాఀకులోభూత్వా నిత్యం బభ్రామ భూతలే । దుఃఖితం బ్రాహ్మణం దృష్ట్వా భగవాన్ బ్రాహ్మణప్రియః ॥ 2॥
వృద్ధబ్రాహ్మణ రూపస్తం పప్రచ్ఛ ద్విజమాదరాత్ । కిమర్థం భ్రమసే విప్ర మహీం నిత్యం సుదుఃఖితః । తత్సర్వం శ్రోతుమిచ్ఛామి కథ్యతాం ద్విజ సత్తమ ॥ 3॥
బ్రాహ్మణ ఉవాచ
బ్రాహ్మణోఽతి దరిద్రోఽహం భిక్షార్థం-వైఀ భ్రమే మహీమ్ ॥ 4॥ (బ్రాహ్మణోతి)
ఉపాయం-యఀది జానాసి కృపయా కథయ ప్రభో । వృద్ధబ్రాహ్మణ ఉవాచ । సత్యనారాయణో విష్ణుర్వాంఛితార్థఫలప్రదః ॥ 5॥
తస్య త్వం పూజనం-విఀప్ర కురుష్వ వ్రతముత్తమమ । (వ్రతముత్తమం) యత్కృత్వా సర్వదుఃఖేభ్యో ముక్తో భవతి మానవః ॥ 6॥
విధానం చ వ్రతస్యాపి విప్రాయాభాష్య యత్నతః । సత్యనారాయణో వృద్ధస్తత్రైవాంతరధీయత ॥ 7॥
తద్ వ్రతం సంకరిష్యామి యదుక్తం బ్రాహ్మణేన వై । ఇతి సంచింత్య విప్రోఽసౌ రాత్రౌ నిద్రా న లబ్ధవాన్ ॥ 8॥ (నిద్రాం)
తతః ప్రాతః సముత్థాయ సత్యనారాయణవ్రతమ్ । కరిష్య ఇతి సంకల్ప్య భిక్షార్థమగమద్విజః ॥ 9॥ (భిక్షార్థమగమద్ద్విజః)
తస్మిన్నేవ దినే విప్రః ప్రచురం ద్రవ్యమాప్తవాన్ । తేనైవ బంధుభిః సార్ధం సత్యస్యవ్రతమాచరత్ ॥ 10॥
సర్వదుఃఖవినిర్ముక్తః సర్వసంపత్సమన్వితః । బభూవ స ద్విజశ్రేష్ఠో వ్రతస్యాస్య ప్రభావతః ॥ 11॥
తతః ప్రభృతి కాలం చ మాసి మాసి వ్రతం కృతమ్ । ఏవం నారాయణస్యేదం-వ్రఀతం కృత్వా ద్విజోత్తమః ॥ 12॥
సర్వపాపవినిర్ముక్తో దుర్లభం మోక్షమాప్తవాన్ । వ్రతమస్య యదా విప్ర పృథివ్యాం సంకరిష్యతి ॥ 13॥ (విప్రాః)
తదైవ సర్వదుఃఖం తు మనుజస్య వినశ్యతి । (చ మనుజస్య) ఏవం నారాయణేనోక్తం నారదాయ మహాత్మనే ॥ 14॥
మయా తత్కథితం-విఀప్రాః కిమన్యత్ కథయామి వః । ఋషయ ఊచుః । తస్మాద్ విప్రాచ్ఛ్రుతం కేన పృథివ్యాం చరితం మునే । తత్సర్వం శ్రోతుమిచ్ఛామః శ్రద్ధాఽస్మాకం ప్రజాయతే ॥ 15॥ (శ్రద్ధాస్మాకం)
సూత ఉవాచ
శఋణుధ్వం మునయః సర్వే వ్రతం-యేఀన కృతం భువి । ఏకదా స ద్విజవరో యథావిభవ విస్తరైః ॥ 16
బంధుభిః స్వజనైః సార్ధం-వ్రఀతం కర్తుం సముద్యతః । ఏతస్మిన్నంతరే కాలే కాష్ఠక్రేతా సమాగమత్ ॥ 17॥
బహిః కాష్ఠం చ సంస్థాప్య విప్రస్య గృహమాయయౌ । తృష్ణాయా పీడితాత్మా చ దృష్ట్వా విప్రం కృతం-వ్రఀతమ్ ॥ 18॥ (కృత)
ప్రణిపత్య ద్విజం ప్రాహ కిమిదం క్రియతే త్వయా । కృతే కిం ఫలమాప్నోతి విస్తరాద్ వద మే ప్రభో ॥ 19॥ (విస్తారాద్)
విప్ర ఉవాచ
సత్యనారాయణేస్యేదం-వ్రఀతం సర్వేప్సితప్రదమ్ । తస్య ప్రసాదాన్మే సర్వం ధనధాన్యాదికం మహత్ ॥ 20
తస్మాదేతద్ వ్రతం జ్ఞాత్వా కాష్ఠక్రేతాఽతిహర్షితః । పపౌ జలం ప్రసాదం చ భుక్త్వా స నగరం-యఀయౌ ॥ 21॥
సత్యనారాయణం దేవం మనసా ఇత్యచింతయత్ । కాష్ఠం-విఀక్రయతో గ్రామే ప్రాప్యతే చాద్య యద్ ధనమ్ ॥ 22॥ (ప్రాప్యతేమేఽద్య)
తేనైవ సత్యదేవస్య కరిష్యే వ్రతముత్తమమ్ । ఇతి సంచింత్య మనసా కాష్ఠం ధృత్వా తు మస్తకే ॥ 23॥
జగామ నగరే రమ్యే ధనినాం-యఀత్ర సంస్థితిః । తద్దినే కాష్ఠమూల్యం చ ద్విగుణం ప్రాప్తవానసౌ ॥ 24॥
తతః ప్రసన్నహృదయః సుపక్వం కదలీ ఫలమ్ । శర్కరాఘృతదుగ్ధం చ గోధూమస్య చ చూర్ణకమ్ ॥ 25॥
కృత్వైకత్ర సపాదం చ గృహీత్వా స్వగృహం-యఀయౌ । తతో బంధూన్ సమాహూయ చకార విధినా వ్రతమ్ ॥ 26॥
తద్ వ్రతస్య ప్రభావేణ ధనపుత్రాన్వితోఽభవత్ । (ధనపుత్రాన్వితోభవత్) ఇహలోకే సుఖం భుక్త్వా చాంతే సత్యపురం-యఀయౌ ॥ 27॥
॥ ఇతి శ్రీస్కందపురాణే రేవాఖండే శ్రీసత్యనారాయణ వ్రతకథాయాం ద్వితీయోఽధ్యాయః ॥ 2 ॥
అథ తృతీయోఽధ్యాయః
సూత ఉవాచ
పునరగ్రే ప్రవక్ష్యామి శఋణుధ్వం ముని సత్తమాః । పురా చోల్కాముఖో నామ నృపశ్చాసీన్మహామతిః ॥ 1
జితేంద్రియః సత్యవాదీ యయౌ దేవాలయం ప్రతి । దినే దినే ధనం దత్త్వా ద్విజాన్ సంతోషయత్ సుధీః ॥ 2॥
భార్యా తస్య ప్రముగ్ధా చ సరోజవదనా సతీ । భద్రశీలానదీ తీరే సత్యస్యవ్రతమాచరత్ ॥ 3॥
ఏతస్మిన్నంతరే తత్ర సాధురేకః సమాగతః । వాణిజ్యార్థం బహుధనైరనేకైః పరిపూరితః ॥ 4॥
నావం సంస్థాప్య తత్తీరే జగామ నృపతిం ప్రతి । దృష్ట్వా స వ్రతినం భూపం ప్రపచ్ఛ వినయాన్వితః ॥ 5॥
సాధురువాచ
కిమిదం కురుషే రాజన్ భక్తియుక్తేన చేతసా । ప్రకాశం కురు తత్సర్వం శ్రోతుమిచ్ఛామి సాంప్రతమ్ ॥ 6
రాజోవాచ । పూజనం క్రియతే సాధో విష్ణోరతులతేజసః । వ్రతం చ స్వజనైః సార్ధం పుత్రాద్యావాప్తి కామ్యయా ॥ 7॥
భూపస్య వచనం శ్రుత్వా సాధుః ప్రోవాచ సాదరమ్ । సర్వం కథయ మే రాజన్ కరిష్యేఽహం తవోదితమ్ ॥ 8॥
మమాపి సంతతిర్నాస్తి హ్యేతస్మాజ్జాయతే ధ్రువమ్ । తతో నివృత్త్య వాణిజ్యాత్ సానందో గృహమాగతః ॥ 9॥
భార్యాయై కథితం సర్వం-వ్రఀతం సంతతి దాయకమ్ । తదా వ్రతం కరిష్యామి యదా మే సంతతిర్భవేత్ ॥ 10॥
ఇతి లీలావతీం ప్రాహ పత్నీం సాధుః స సత్తమః । ఏకస్మిన్ దివసే తస్య భార్యా లీలావతీ సతీ ॥ 11॥ (భార్యాం)
భర్తృయుక్తానందచిత్తాఽభవద్ ధర్మపరాయణా । ర్గభిణీ సాఽభవత్ తస్య భార్యా సత్యప్రసాదతః ॥ 12॥ (సాభవత్)
దశమే మాసి వై తస్యాః కన్యారత్నమజాయత । దినే దినే సా వవృధే శుక్లపక్షే యథా శశీ ॥ 13॥
నామ్నా కలావతీ చేతి తన్నామకరణం కృతమ్ । తతో లీలావతీ ప్రాహ స్వామినం మధురం-వఀచః ॥ 14॥
న కరోషి కిమర్థం-వైఀ పురా సంకల్పితం-వ్రఀతమ్ । సాధురువాచ । వివాహ సమయే త్వస్యాః కరిష్యామి వ్రతం ప్రియే ॥ 15॥
ఇతి భార్యాం సమాశ్వాస్య జగామ నగరం ప్రతి । తతః కలావతీ కన్యా వవృధే పితృవేశ్మని ॥ 16॥
దృష్ట్వా కన్యాం తతః సాధుర్నగరే సఖిభిః సహ । మంత్రయిత్వా ద్రుతం దూతం ప్రేషయామాస ధర్మవిత్ ॥ 17॥
వివాహార్థం చ కన్యాయా వరం శ్రేష్ఠం-విఀచారయ । తేనాజ్ఞప్తశ్చ దూతోఽసౌ కాంచనం నగరం-యఀయౌ ॥ 18॥
తస్మాదేకం-వఀణిక్పుత్రం సమాదాయాగతో హి సః । దృష్ట్వా తు సుందరం బాలం-వఀణిక్పుత్రం గుణాన్వితమ్ ॥ 19॥
జ్ఞాతిభిర్బంధుభిః సార్ధం పరితుష్టేన చేతసా । దత్తావాన్ సాధుపుత్రాయ కన్యాం-విఀధివిధానతః ॥ 20॥ (సాధుఃపుత్రాయ)
తతోఽభాగ్యవశాత్ తేన విస్మృతం-వ్రఀతముత్తమమ్ । (తతోభాగ్యవశాత్) వివాహసమయే తస్యాస్తేన రుష్టో భవత్ ప్రభుః ॥ 21॥ (రుష్టోఽభవత్)
తతః కాలేన నియతో నిజకర్మ విశారదః । వాణిజ్యార్థం తతః శీఘ్రం జామాతృ సహితో వణిక్ ॥ 22॥
రత్నసారపురే రమ్యే గత్వా సింధు సమీపతః । వాణిజ్యమకరోత్ సాధుర్జామాత్రా శ్రీమతా సహ ॥ 23॥
తౌ గతౌ నగరే రమ్యే చంద్రకేతోర్నృపస్య చ । (నగరేతస్య) ఏతస్మిన్నేవ కాలే తు సత్యనారాయణః ప్రభుః ॥ 24॥
భ్రష్టప్రతిజ్ఞమాలోక్య శాపం తస్మై ప్రదత్తవాన్ । దారుణం కఠినం చాస్య మహద్ దుఃఖం భవిష్యతి ॥ 25॥
ఏకస్మిందివసే రాజ్ఞో ధనమాదాయ తస్కరః । తత్రైవ చాగత శ్చౌరో వణిజౌ యత్ర సంస్థితౌ ॥ 26॥
తత్పశ్చాద్ ధావకాన్ దూతాన్ దృష్టవా భీతేన చేతసా । ధనం సంస్థాప్య తత్రైవ స తు శీఘ్రమలక్షితః ॥ 27॥
తతో దూతాఃసమాయాతా యత్రాస్తే సజ్జనో వణిక్ । దృష్ట్వా నృపధనం తత్ర బద్ధ్వాఽఽనీతౌ వణిక్సుతౌ ॥ 28॥ (బద్ధ్వానీతౌ)
హర్షేణ ధావమానాశ్చ ప్రోచుర్నృపసమీపతః । తస్కరౌ ద్వౌ సమానీతౌ విలోక్యాజ్ఞాపయ ప్రభో ॥ 29॥
రాజ్ఞాఽఽజ్ఞప్తాస్తతః శీఘ్రం దృఢం బద్ధ్వా తు తా వుభౌ । స్థాపితౌ ద్వౌ మహాదుర్గే కారాగారేఽవిచారతః ॥ 30॥
మాయయా సత్యదేవస్య న శ్రుతం కైస్తయోర్వచః । అతస్తయోర్ధనం రాజ్ఞా గృహీతం చంద్రకేతునా ॥ 31॥
తచ్ఛాపాచ్చ తయోర్గేహే భార్యా చైవాతి దుఃఖితా । చౌరేణాపహృతం సర్వం గృహే యచ్చ స్థితం ధనమ్ ॥ 32॥
ఆధివ్యాధిసమాయుక్తా క్షుత్పిపాశాతి దుఃఖితా । (క్షుత్పిపాసాతి) అన్నచింతాపరా భూత్వా బభ్రామ చ గృహే గృహే । కలావతీ తు కన్యాపి బభ్రామ ప్రతివాసరమ్ ॥ 33॥
ఏకస్మిన్ దివసే యాతా క్షుధార్తా ద్విజమందిరమ్ । (దివసే జాతా) గత్వాఽపశ్యద్ వ్రతం తత్ర సత్యనారాయణస్య చ ॥ 34॥ (గత్వాపశ్యద్)
ఉపవిశ్య కథాం శ్రుత్వా వరం ర్ప్రాథితవత్యపి । ప్రసాద భక్షణం కృత్వా యయౌ రాత్రౌ గృహం ప్రతి ॥ 35॥
మాతా కలావతీం కన్యాం కథయామాస ప్రేమతః । పుత్రి రాత్రౌ స్థితా కుత్ర కిం తే మనసి వర్తతే ॥ 36॥
కన్యా కలావతీ ప్రాహ మాతరం ప్రతి సత్వరమ్ । ద్విజాలయే వ్రతం మాతర్దృష్టం-వాంఀఛితసిద్ధిదమ్ ॥ 37॥
తచ్ఛ్రుత్వా కన్యకా వాక్యం-వ్రఀతం కర్తుం సముద్యతా । సా ముదా తు వణిగ్భార్యా సత్యనారాయణస్య చ ॥ 38॥
వ్రతం చక్రే సైవ సాధ్వీ బంధుభిః స్వజనైః సహ । భర్తృజామాతరౌ క్షిప్రమాగచ్ఛేతాం స్వమాశ్రమమ్ ॥ 39॥
అపరాధం చ మే భర్తుర్జామాతుః క్షంతుమర్హసి । వ్రతేనానేన తుష్టోఽసౌ సత్యనారాయణః పునః ॥ 40॥ (తుష్టోసౌ)
దర్శయామాస స్వప్నం హీ చంద్రకేతుం నృపోత్తమమ్ । బందినౌ మోచయ ప్రాతర్వణిజౌ నృపసత్తమ ॥ 41॥
దేయం ధనం చ తత్సర్వం గృహీతం-యఀత్ త్వయాఽధునా । (త్వయాధునా) నో చేత్ త్వాం నాశయిష్యామి సరాజ్యధనపుత్రకమ్ ॥ 42॥
ఏవమాభాష్య రాజానం ధ్యానగమ్యోఽభవత్ ప్రభుః । (ధ్యానగమ్యోభవత్) తతః ప్రభాతసమయే రాజా చ స్వజనైః సహ ॥ 43॥
ఉపవిశ్య సభామధ్యే ప్రాహ స్వప్నం జనం ప్రతి । బద్ధౌ మహాజనౌ శీఘ్రం మోచయ ద్వౌ వణిక్సుతౌ ॥ 44॥
ఇతి రాజ్ఞో వచః శ్రుత్వా మోచయిత్వా మహాజనౌ । సమానీయ నృపస్యాగ్రే ప్రాహుస్తే వినయాన్వితాః ॥ 45॥
ఆనీతౌ ద్వౌ వణిక్పుత్రౌ ముక్తౌ నిగడబంధనాత్ । తతో మహాజనౌ నత్వా చంద్రకేతుం నృపోత్తమమ్ ॥ 46॥
స్మరంతౌ పూర్వ వృత్తాంతం నోచతుర్భయవిహ్వలౌ । రాజా వణిక్సుతౌ వీక్ష్య వచః ప్రోవాచ సాదరమ్ ॥ 47॥
దేవాత్ ప్రాప్తం మహద్దుఃఖమిదానీం నాస్తి వై భయమ్ । తదా నిగడసంత్యాగం క్షౌరకర్మాద్యకారయత్ ॥ 48॥
వస్త్రాలంకారకం దత్త్వా పరితోష్య నృపశ్చ తౌ । పురస్కృత్య వణిక్పుత్రౌ వచసాఽతోషయద్ భృశమ్ ॥ 49॥ (వచసాతోషయద్భృశం)
పురానీతం తు యద్ ద్రవ్యం ద్విగుణీకృత్య దత్తవాన్ । ప్రోవాచ చ తతో రాజా గచ్ఛ సాధో నిజాశ్రమమ్ ॥ 50॥ (ప్రోవాచతౌ)
రాజానం ప్రణిపత్యాహ గంతవ్యం త్వత్ప్రసాదతః । ఇత్యుక్త్వా తౌ మహావైశ్యౌ జగ్మతుః స్వగృహం ప్రతి ॥ 51॥ (మహావైశ్యో)
॥ ఇతి శ్రీస్కంద పురాణే రేవాఖండే శ్రీసత్యనారాయణ వ్రతకథాయాం తృతీయోఽధ్యాయః ॥ 3 ॥
అథ చతుర్థోఽధ్యాయః
సూత ఉవాచ
యాత్రాం తు కృతవాన్ సాధుర్మంగలాయనపూర్వికామ్ । బ్రాహ్మణేభ్యో ధనం దత్త్వా తదా తు నగరం-యఀయౌ ॥ 1
కియద్ దూరే గతే సాధో సత్యనారాయణః ప్రభుః । జిజ్ఞాసాం కృతవాన్ సాధౌ కిమస్తి తవ నౌస్థితమ్ ॥ 2॥
తతో మహాజనౌ మత్తౌ హేలయా చ ప్రహస్య వై । (మతౌ) కథం పృచ్ఛసి భో దండిన్ ముద్రాం నేతుం కిమిచ్ఛసి ॥ 3॥
లతాపత్రాదికం చైవ వర్తతే తరణౌ మమ । నిష్ఠురం చ వచః శ్రుత్వా సత్యం భవతు తే వచః ॥ 4॥
ఏవముక్త్వా గతః శీఘ్రం దండీ తస్య సమీపతః । కియద్ దూరే తతో గత్వా స్థితః సింధు సమీపతః ॥ 5॥
గతే దండిని సాధుశ్చ కృతనిత్యక్రియస్తదా । ఉత్థితాం తరణీం దృష్ట్వా విస్మయం పరమం-యఀయౌ ॥ 6॥
దృష్ట్వా లతాదికం చైవ మూర్చ్ఛితో న్యపతద్ భువి । లబ్ధసంజ్ఞో వణిక్పుత్రస్తతశ్చింతాన్వితోఽభవత్ ॥ 7॥ (వణిక్పుత్రస్తతశ్చింతాన్వితోభవత్)
తదా తు దుహితుః కాంతో వచనం చేదమబ్రవీత్ । కిమర్థం క్రియతే శోకః శాపో దత్తశ్చ దండినా ॥ 8॥
శక్యతే తేన సర్వం హి కర్తుం చాత్ర న సంశయః । (శక్యతేనే న) అతస్తచ్ఛరణం-యాఀమో వాంఛతార్థో భవిష్యతి ॥ 9॥ (వాంఛితార్థో)
జామాతుర్వచనం శ్రుత్వా తత్సకాశం గతస్తదా । దృష్ట్వా చ దండినం భక్త్యా నత్వా ప్రోవాచ సాదరమ్ ॥ 10॥
క్షమస్వ చాపరాధం మే యదుక్తం తవ సన్నిధౌ । ఏవం పునః పునర్నత్వా మహాశోకాకులోఽభవత్ ॥ 11॥ (మహాశోకాకులోభవత్)
ప్రోవాచ వచనం దండీ విలపంతం-విఀలోక్య చ । మా రోదీః శఋణుమద్వాక్యం మమ పూజాబహిర్ముఖః ॥ 12॥
మమాజ్ఞయా చ దుర్బుద్ధే లబ్ధం దుఃఖం ముహుర్ముహుః । తచ్ఛ్రుత్వా భగవద్వాక్యం స్తుతిం కర్తుం సముద్యతః ॥ 13॥
సాధురువాచ
త్వన్మాయామోహితాః సర్వే బ్రహ్మాద్యాస్త్రిదివౌకసః । న జానంతి గుణాన్ రూపం తవాశ్చర్యమిదం ప్రభో ॥ 14
మూఢోఽహం త్వాం కథం జానే మోహితస్తవమాయయా । (మూఢోహం) ప్రసీద పూజయిష్యామి యథావిభవవిస్తరైః ॥ 15॥
పురా విత్తం చ తత్ సర్వం త్రాహి మాం శరణాగతమ్ । శ్రుత్వా భక్తియుతం-వాఀక్యం పరితుష్టో జనార్దనః ॥ 16॥
వరం చ వాంఛితం దత్త్వా తత్రైవాంతర్దధే హరిః । తతో నావం సమారూహ్య దృష్ట్వా విత్తప్రపూరితామ్ ॥ 17॥
కృపయా సత్యదేవస్య సఫలం-వాంఀఛితం మమ । ఇత్యుక్త్వా స్వజనైః సార్ధం పూజాం కృత్వా యథావిధి ॥ 18॥
హర్షేణ చాభవత్ పూర్ణఃసత్యదేవప్రసాదతః । నావం సంయోఀజ్య యత్నేన స్వదేశగమనం కృతమ్ ॥ 19॥
సాధుర్జామాతరం ప్రాహ పశ్య రత్నపురీం మమ । దూతం చ ప్రేషయామాస నిజవిత్తస్య రక్షకమ్ ॥ 20॥
తతోఽసౌ నగరం గత్వా సాధుభార్యాం-విఀలోక్య చ । (దూతోసౌ) ప్రోవాచ వాంఛితం-వాఀక్యం నత్వా బద్ధాంజలిస్తదా ॥ 21॥
నికటే నగరస్యైవ జామాత్రా సహితో వణిక్ । ఆగతో బంధువర్గైశ్చ విత్తైశ్చ బహుభిర్యుతః ॥ 22॥
శ్రుత్వా దూతముఖాద్వాక్యం మహాహర్షవతీ సతీ । సత్యపూజాం తతః కృత్వా ప్రోవాచ తనుజాం ప్రతి ॥ 23॥
వ్రజామి శీఘ్రమాగచ్ఛ సాధుసందర్శనాయ చ । ఇతి మాతృవచః శ్రుత్వా వ్రతం కృత్వా సమాప్య చ ॥ 24॥
ప్రసాదం చ పరిత్యజ్య గతా సాఽపి పతిం ప్రతి । (సాపి) తేన రుష్టాః సత్యదేవో భర్తారం తరణిం తథా ॥ 25॥ (రుష్టః, తరణీం)
సంహృత్య చ ధనైః సార్ధం జలే తస్యావమజ్జయత్ । తతః కలావతీ కన్యా న విలోక్య నిజం పతిమ్ ॥ 26॥
శోకేన మహతా తత్ర రుదంతీ చాపతద్ భువి । (రుదతీ) దృష్ట్వా తథావిధాం నావం కన్యాం చ బహుదుఃఖితామ్ ॥ 27॥
భీతేన మనసా సాధుః కిమాశ్చర్యమిదం భవేత్ । చింత్యమానాశ్చ తే సర్వే బభూవుస్తరివాహకాః ॥ 28॥
తతో లీలావతీ కన్యాం దృష్ట్వా సా విహ్వలాఽభవత్ । విలలాపాతిదుఃఖేన భర్తారం చేదమబ్రవీత ॥ 29॥
ఇదానీం నౌకయా సార్ధం కథం సోఽభూదలక్షితః । న జానే కస్య దేవస్య హేలయా చైవ సా హృతా ॥ 30॥
సత్యదేవస్య మాహాత్మ్యం జ్ఞాతుం-వాఀ కేన శక్యతే । ఇత్యుక్త్వా విలలాపైవ తతశ్చ స్వజనైః సహ ॥ 31॥
తతో లీలావతీ కన్యాం క్రౌడే కృత్వా రురోద హ । తతఃకలావతీ కన్యా నష్టే స్వామిని దుఃఖితా ॥ 32॥
గృహీత్వా పాదుకే తస్యానుగతుం చ మనోదధే । (పాదుకాం) కన్యాయాశ్చరితం దృష్ట్వా సభార్యః సజ్జనో వణిక్ ॥ 33॥
అతిశోకేన సంతప్తశ్చింతయామాస ధర్మవిత్ । హృతం-వాఀ సత్యదేవేన భ్రాంతోఽహం సత్యమాయయా ॥ 34॥
సత్యపూజాం కరిష్యామి యథావిభవవిస్తరైః । ఇతి సర్వాన్ సమాహూయ కథయిత్వా మనోరథమ్ ॥ 35॥
నత్వా చ దండవద్ భూమౌ సత్యదేవం పునః పునః । తతస్తుష్టః సత్యదేవో దీనానాం పరిపాలకః ॥ 36॥
జగాద వచనం చైనం కృపయా భక్తవత్సలః । త్యక్త్వా ప్రసాదం తే కన్యా పతిం ద్రష్టుం సమాగతా ॥ 37॥
అతోఽదృష్టోఽభవత్తస్యాః కన్యకాయాః పతిర్ధ్రువమ్ । గృహం గత్వా ప్రసాదం చ భుక్త్వా సాఽఽయాతి చేత్పునః ॥ 38॥ (సాయాతి)
లబ్ధభర్త్రీ సుతా సాధో భవిష్యతి న సంశయః । కన్యకా తాదృశం-వాఀక్యం శ్రుత్వా గగనమండలాత్ ॥ 39॥
క్షిప్రం తదా గృహం గత్వా ప్రసాదం చ బుభోజ సా । పశ్చాత్ సా పునరాగత్య దదర్శ స్వజనం పతిమ్ ॥ 40॥ (సాపశ్చాత్పునరాగత్య, సజనం)
తతః కలావతీ కన్యా జగాద పితరం ప్రతి । ఇదానీం చ గృహం-యాఀహి విలంబం కురుషే కథమ్ ॥ 41॥
తచ్ఛ్రుత్వా కన్యకావాక్యం సంతుష్టోఽభూద్వణిక్సుతః । పూజనం సత్యదేవస్య కృత్వా విధివిధానతః ॥ 42॥
ధనైర్బంధుగణైః సార్ధం జగామ నిజమందిరమ్ । పౌర్ణమాస్యాం చ సంక్రాంతౌ కృతవాన్ సత్యస్య పూజనమ్ ॥ 43॥ (సత్యపూజనం)
ఇహలోకే సుఖం భుక్త్వా చాంతే సత్యపురం-యఀయౌ ॥ 44॥
॥ ఇతి శ్రీస్కంద పురాణే రేవాఖండే శ్రీసత్యనారాయణ వ్రతకథాయాం చతుర్థోఽధ్యాయః ॥ 4 ॥
అథ పంచమోఽధ్యాయః
సూత ఉవాచ
అథాన్యచ్చ ప్రవక్ష్యామి శ్రుణుధ్వం మునిసత్తమాః । ఆసీత్ తుంగధ్వజో రాజా ప్రజాపాలనతత్పరః ॥ 1
ప్రసాదం సత్యదేవస్య త్యక్త్వా దుఃఖమవాప సః । ఏకదా స వనం గత్వా హత్వా బహువిధాన్ పశూన్ ॥ 2॥
ఆగత్య వటమూలం చ దృష్ట్వా సత్యస్య పూజనమ్ । (చాపశ్యత్) గోపాః కుర్వంతి సంతుష్టా భక్తియుక్తాః స బాంధవాః ॥ 3॥
రాజా దృష్ట్వా తు దర్పేణ న గతో న ననామ సః । తతో గోపగణాః సర్వే ప్రసాదం నృపసన్నిధౌ ॥ 4॥
సంస్థాప్య పునరాగత్య భుక్తత్వా సర్వే యథేప్సితమ్ । తతః ప్రసాదం సంత్యజ్య రాజా దుఃఖమవాప సః ॥ 5॥
తస్య పుత్రశతం నష్టం ధనధాన్యాదికం చ యత్ । సత్యదేవేన తత్సర్వం నాశితం మమ నిశ్చితమ్ ॥ 6॥
అతస్తత్రైవ గచ్ఛామి యత్ర దేవస్య పూజనమ్ । మనసా తు వినిశ్చిత్య యయౌ గోపాలసన్నిధౌ ॥ 7॥
తతోఽసౌ సత్యదేవస్య పూజాం గోపగణైఃసహ । భక్తిశ్రద్ధాన్వితో భూత్వా చకార విధినా నృపః ॥ 8॥
సత్యదేవప్రసాదేన ధనపుత్రాన్వితోఽభవత్ । ఇహలోకే సుఖం భుక్తత్వా చాంతే సత్యపురం-యఀయౌ ॥ 9॥
య ఇదం కురుతే సత్యవ్రతం పరమదుర్లభమ్ । శఋణోతి చ కథాం పుణ్యాం భక్తియుక్తః ఫలప్రదామ్ ॥ 10॥
ధనధాన్యాదికం తస్య భవేత్ సత్యప్రసాదతః । దరిద్రో లభతే విత్తం బద్ధో ముచ్యేత బంధనాత్ ॥ 11॥
భీతో భయాత్ ప్రముచ్యేత సత్యమేవ న సంశయః । ఈప్సితం చ ఫలం భుక్త్వా చాంతే సత్యపురంవ్రఀజేత్ ॥ 12॥
ఇతి వః కథితం-విఀప్రాః సత్యనారాయణవ్రతమ్ । యత్ కృత్వా సర్వదుఃఖేభ్యో ముక్తో భవతి మానవః ॥ 13॥
విశేషతః కలియుగే సత్యపూజా ఫలప్రదా । కేచిత్ కాలం-వఀదిష్యంతి సత్యమీశం తమేవ చ ॥ 14॥
సత్యనారాయణం కేచిత్ సత్యదేవం తథాపరే । నానారూపధరో భూత్వా సర్వేషామీప్సితప్రదమ్ ॥ 15॥ (సర్వేషామీప్సితప్రదః)
భవిష్యతి కలౌ సత్యవ్రతరూపీ సనాతనః । శ్రీవిష్ణునా ధృతం రూపం సర్వేషామీప్సితప్రదమ్ ॥ 16॥
య ఇదం పఠతే నిత్యం శఋణోతి మునిసత్తమాః । తస్య నశ్యంతి పాపాని సత్యదేవప్రసాదతః ॥ 17॥
వ్రతం-యైఀస్తు కృతం పూర్వం సత్యనారాయణస్య చ । తేషాం త్వపరజన్మాని కథయామి మునీశ్వరాః ॥ 18॥
శతానందోమహాప్రాజ్ఞఃసుదామాబ్రాహ్మణో హ్యభూత్ । తస్మింజన్మని శ్రీకృష్ణం ధ్యాత్వా మోక్షమవాప హ ॥ 19॥
కాష్ఠభారవహో భిల్లో గుహరాజో బభూవ హ । తస్మింజన్మని శ్రీరామం సేవ్య మోక్షం జగామ వై ॥ 20॥
ఉల్కాముఖో మహారాజో నృపో దశరథోఽభవత్ । శ్రీరంగనాథం సంపూజ్య శ్రీవైకుంఠం తదాగమత్ ॥ 21॥ (శ్రీరామచంద్రసంప్రాప్య)
ర్ధామికః సత్యసంధశ్చ సాధుర్మోరధ్వజోఽభవత్ । (సాధుర్మోరధ్వజోభవత్) దేహార్ధం క్రకచైశ్ఛిత్త్వా దత్వా మోక్షమవాప హ ॥ 22॥
తుంగధ్వజో మహారాజః స్వాయంభువోఽభవత్ కిల । (స్వాయంభూరభవత్) సర్వాన్ భాగవతాన్ కృత్వా శ్రీవైకుంఠం తదాఽగమత్ ॥ 23॥ (కృత్త్వా, తదాగమత్)
భూత్వా గోపాశ్చ తే సర్వే వ్రజమండలవాసినః । నిహత్య రాక్షసాన్ సర్వాన్ గోలోకం తు తదా యయుః ॥ 24॥
॥ ఇతి శ్రీస్కందపురాణే రేవాఖండే శ్రీసత్యనారాయణ వ్రతకథాయాం పంచమోఽధ్యాయః ॥ 5 ॥
(after Katha, offer Mangala Nirajanam, and take Swami Tirtham, Phalam, Prasadam)
అకాల మృత్యుహరణం సర్వవ్యాధి నివారణమ్ । సమస్త పాపక్షయకరం శ్రీ సత్యనారాయణ పాదోదకం పావనం శుభమ్ ॥ శ్రీ రమాసహిత సత్యనారాయణ స్వామి ప్రసాదం శిరసా గృహ్ణామి ॥ శ్రీ రమాసహిత సత్యనారాయణ స్వామినే నమః ॥
కలశోద్వాసన య॒జ్ఞేన॑ య॒జ్ఞమ॑యజంత దే॒వాః । తాని॒ ధర్మా॑ణి ప్రథ॒మాన్యా॑సన్న్ । తే హ॒ నాకం॑ మహి॒మానః॑ సచంతే । యత్ర॒ పూర్వే॑ సా॒ధ్యాః సంతి॑ దే॒వాః ॥ శ్రీ రమాసహిత సత్యనారాయణ స్వామినే నమః ఆవాహిత సర్వేభ్యో దేవేభ్యో నమః సర్వాభ్యో దేవతాభ్యో నమః యథా స్థానం ప్రవేశయామి ॥ శోభనార్థే క్షేమాయ పునరాగమనాయ చ ।
సమస్త సన్మంగళాని భవంతు ॥ సర్వేజనాః సుఖినో భవంతు ॥ ఓం శాంతిః శాంతిః శాంతిః ।
స్వస్తి ॥
About Sri Satyanarayana Puja (Satyanarayana Swami Vratam)
This is the full procedure (vidhi) of the Satyanarayana Puja, the vow of worship of Lord Vishnu as Satyanarayana. It begins with the preliminary worship (purvanga puja) of Ganesha and the guru, followed by sankalpa, kalasha puja, worship of the Navagrahas and other deities, and the main puja of Satyanarayana with the sixteen offerings (shodashopachara). The five chapters of the Satyanarayana Vrata Katha are then read, followed by aarti and the distribution of prasada.
When to chant: On Purnima, at housewarmings, weddings, birthdays and new beginnings, and on Ekadashi or Sankranti.
Did you know?
- The prasada (sheera or sapaada bhakshyam) is made with equal measures of wheat or semolina, ghee, sugar, milk and banana.
- The puja is usually done in the evening, often by a whole family together.
- It ends with "svasti", a wish for the wellbeing of all.
Frequently asked questions
What is the Satyanarayana Puja?
A vow of worship of Vishnu as Satyanarayana, with the reading of his katha.
When is it performed?
On Purnima and at housewarmings, weddings and new beginnings.
What is the prasada made of?
Wheat or semolina, ghee, sugar, milk and banana in equal measure.
Offered for worship and study, not as prediction. Non-commercial.
More devotional texts