MuhurtaNow

Sri Siddha Lakshmi Stotram

Devi · Traditional devotional text

ಅಸ್ಯ ಶ್ರೀಸಿದ್ಧಲಕ್ಷ್ಮೀಸ್ತೋತ್ರಮಂತ್ರಸ್ಯ ಹಿರಣ್ಯಗರ್ಭ ಋಷಿಃ ಅನುಷ್ಟುಪ್ ಛಂದಃ, ಶ್ರೀಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತ್ಯೋ ದೇವತಾಃ ಶ್ರೀಂ ಬೀಜಂ ಹ್ರೀಂ ಶಕ್ತಿಃ ಕ್ಲೀಂ ಕೀಲಕಂ ಮಮ ಸರ್ವಕ್ಲೇಶಪೀಡಾಪರಿಹಾರಾರ್ಥಂ ಸರ್ವದುಃಖದಾರಿದ್ರ್ಯನಾಶನಾರ್ಥಂ ಸರ್ವಕಾರ್ಯಸಿದ್ಧ್ಯರ್ಥಂ ಶ್ರೀಸಿದ್ಧಿಲಕ್ಷ್ಮೀಸ್ತೋತ್ರ ಪಾಠೇ ವಿನಿಯೋಗಃ ॥

ಋಷ್ಯಾದಿನ್ಯಾಸಃ ಓಂ ಹಿರಣ್ಯಗರ್ಭ ಋಷಯೇ ನಮಃ ಶಿರಸಿ । ಅನುಷ್ಟುಪ್ಛಂದಸೇ ನಮೋ ಮುಖೇ । ಶ್ರೀಮಹಾಕಾಳೀಮಹಾಲಕ್ಷ್ಮೀಮಹಾಸರಸ್ವತೀದೇವತಾಭ್ಯೋ ನಮೋ ಹೃದಿಃ । ಶ್ರೀಂ ಬೀಜಾಯ ನಮೋ ಗುಹ್ಯೇ । ಹ್ರೀಂ ಶಕ್ತಯೇ ನಮಃ ಪಾದಯೋಃ । ಕ್ಲೀಂ ಕೀಲಕಾಯ ನಮೋ ನಾಭೌ । ವಿನಿಯೋಗಾಯ ನಮಃ ಸರ್ವಾಂಗೇಷು ॥

ಕರನ್ಯಾಸಃ ಓಂ ಶ್ರೀಂ ಸಿದ್ಧಲಕ್ಷ್ಮ್ಯೈ ಅಂಗುಷ್ಠಾಭ್ಯಾಂ ನಮಃ । ಓಂ ಹ್ರೀಂ ವಿಷ್ಣುತೇಜಸೇ ತರ್ಜನೀಭ್ಯಾಂ ನಮಃ । ಓಂ ಕ್ಲೀಂ ಅಮೃತಾನಂದಾಯೈ ಮಧ್ಯಮಾಭ್ಯಾಂ ನಮಃ । ಓಂ ಶ್ರೀಂ ದೈತ್ಯಮಾಲಿನ್ಯೈ ಅನಾಮಿಕಾಭ್ಯಾಂ ನಮಃ । ಓಂ ಹ್ರೀಂ ತೇಜಃ ಪ್ರಕಾಶಿನ್ಯೈ ಕನಿಷ್ಠಿಕಾಭ್ಯಾಂ ನಮಃ । ಓಂ ಕ್ಲೀಂ ಬ್ರಾಹ್ಮ್ಯೈ ವೈಷ್ಣವ್ಯೈ ರುದ್ರಾಣ್ಯೈ ಕರತಲ ಕರಪೃಷ್ಠಾಭ್ಯಾಂ ನಮಃ ॥

ಅಂಗನ್ಯಾಸಃ ಓಂ ಶ್ರೀಂ ಸಿದ್ಧಲಕ್ಷ್ಮ್ಯೈ ಹೃದಯಾಯ ನಮಃ । ಓಂ ಹ್ರೀಂ ವಿಷ್ಣುತೇಜಸೇ ಶಿರಸೇ ಸ್ವಾಹಾ । ಓಂ ಕ್ಲೀಂ ಅಮೃತಾನಂದಾಯೈ ಶಿಖಾಯೈ ವಷಟ್ । ಓಂ ಶ್ರೀಂ ದೈತ್ಯಮಾಲಿನ್ಯೈ ಕವಚಾಯ ಹುಮ್ । ಓಂ ಹ್ರೀಂ ತೇಜಃ ಪ್ರಕಾಶಿನ್ಯೈ ನೇತ್ರತ್ರಯಾಯ ವೌಷಟ್ । ಓಂ ಕ್ಲೀಂ ಬ್ರಾಹ್ಮ್ಯೈ ವೈಷ್ಣವ್ಯೈ ರುದ್ರಾಣ್ಯೈ ಅಸ್ತ್ರಾಯ ಫಟ್ ॥ ಓಂ ಶ್ರೀಂ ಹ್ರೀಂ ಕ್ಲೀಂ ಶ್ರೀಂ ಸಿದ್ಧಲಕ್ಷ್ಮ್ಯೈ ನಮಃ ಇತಿ ದಿಗ್ಬಂಧಃ ॥

ಅಥ ಧ್ಯಾನಂ ಬ್ರಾಹ್ಮೀಂ ಚ ವೈಷ್ಣವೀಂ ಭದ್ರಾಂ ಷಡ್ಭುಜಾಂ ಚ ಚತುರ್ಮುಖೀಮ್ । ತ್ರಿನೇತ್ರಾಂ ಖಡ್ಗತ್ರಿಶೂಲಪದ್ಮಚಕ್ರಗದಾಧರಾಮ್ ॥ 1 ॥

ಪೀತಾಂಬರಧರಾಂ ದೇವೀಂ ನಾನಾಲಂಕಾರಭೂಷಿತಾಮ್ । ತೇಜಃಪುಂಜಧರೀಂ ಶ್ರೇಷ್ಠಾಂ ಧ್ಯಾಯೇದ್ಬಾಲಕುಮಾರಿಕಾಮ್ ॥ 2 ॥

ಅಥ ಸ್ತೋತ್ರಂ ಓಂಕಾರಂ ಲಕ್ಷ್ಮೀರೂಪಂ ತು ವಿಷ್ಣುಂ ವಾಗ್ಭವಮವ್ಯಯಮ್ । ವಿಷ್ಣುಮಾನಂದಮವ್ಯಕ್ತಂ ಹ್ರೀಂಕಾರಂ ಬೀಜರೂಪಿಣೀಮ್ ॥ 3 ॥

ಕ್ಲೀಂ ಅಮೃತಾನಂದಿನೀಂ ಭದ್ರಾಂ ಸತ್ಯಾನಂದದಾಯಿನೀಮ್ । ಶ್ರೀಂ ದೈತ್ಯಶಮನೀಂ ಶಕ್ತಿಂ ಮಾಲಿನೀಂ ಶತ್ರುಮರ್ದಿನೀಮ್ ॥ 4 ॥

ತೇಜಃ ಪ್ರಕಾಶಿನೀಂ ದೇವೀಂ ವರದಾಂ ಶುಭಕಾರಿಣೀಮ್ । ಬ್ರಾಹ್ಮೀಂ ಚ ವೈಷ್ಣವೀಂ ರೌದ್ರೀಂ ಕಾಲಿಕಾರೂಪಶೋಭಿನೀಮ್ ॥ 5 ॥

ಅಕಾರೇ ಲಕ್ಷ್ಮೀರೂಪಂ ತು ಉಕಾರೇ ವಿಷ್ಣುಮವ್ಯಯಮ್ । ಮಕಾರಃ ಪುರುಷೋಽವ್ಯಕ್ತೋ ದೇವೀ ಪ್ರಣವ ಉಚ್ಯತೇ ॥ 6 ॥

ಸೂರ್ಯಕೋಟಿಪ್ರತೀಕಾಶಂ ಚಂದ್ರಕೋಟಿಸಮಪ್ರಭಮ್ । ತನ್ಮಧ್ಯೇ ನಿಕರಂ ಸೂಕ್ಷ್ಮಂ ಬ್ರಹ್ಮರುಪಂ ವ್ಯವಸ್ಥಿತಮ್ ॥ 7 ॥

ಓಂಕಾರಂ ಪರಮಾನಂದಂ ಸದೈವ ಸುರಸುಂದರೀಮ್ । ಸಿದ್ಧಲಕ್ಷ್ಮೀ ಮೋಕ್ಷಲಕ್ಷ್ಮೀ ಆದ್ಯಲಕ್ಷ್ಮೀ ನಮೋಽಸ್ತು ತೇ ॥ 8 ॥

ಶ್ರೀಂಕಾರಂ ಪರಮಂ ಸಿದ್ಧಂ ಸರ್ವಬುದ್ಧಿಪ್ರದಾಯಕಮ್ । ಸೌಭಾಗ್ಯಾಽಮೃತಾ ಕಮಲಾ ಸತ್ಯಲಕ್ಷ್ಮೀ ನಮೋಽಸ್ತು ತೇ ॥ 9 ॥

ಹ್ರೀಂಕಾರಂ ಪರಮಂ ಶುದ್ಧಂ ಪರಮೈಶ್ವರ್ಯದಾಯಕಮ್ । ಕಮಲಾ ಧನದಾ ಲಕ್ಷ್ಮೀ ಭೋಗಲಕ್ಷ್ಮೀ ನಮೋಽಸ್ತು ತೇ ॥ 10 ॥

ಕ್ಲೀಂಕಾರಂ ಕಾಮರೂಪಿಣ್ಯಂ ಕಾಮನಾಪರಿಪೂರ್ತಿದಮ್ । ಚಪಲಾ ಚಂಚಲಾ ಲಕ್ಷ್ಮೀ ಕಾತ್ಯಾಯನೀ ನಮೋಽಸ್ತು ತೇ ॥ 11 ॥

ಶ್ರೀಂಕಾರಂ ಸಿದ್ಧಿರೂಪಿಣ್ಯಂ ಸರ್ವಸಿದ್ಧಿಪ್ರದಾಯಕಮ್ । ಪದ್ಮಾನನಾಂ ಜಗನ್ಮಾತ್ರೇ ಅಷ್ಟಲಕ್ಷ್ಮೀಂ ನಮೋಽಸ್ತು ತೇ ॥ 12 ॥

ಸರ್ವಮಂಗಳಮಾಂಗಳ್ಯೇ ಶಿವೇ ಸರ್ವಾರ್ಥಸಾಧಿಕೇ । ಶರಣ್ಯೇ ತ್ರ್ಯಂಬಕೇ ಗೌರಿ ನಾರಾಯಣೀ ನಮೋಽಸ್ತು ತೇ ॥ 13 ॥

ಪ್ರಥಮಂ ತ್ರ್ಯಂಬಕಾ ಗೌರೀ ದ್ವಿತೀಯಂ ವೈಷ್ಣವೀ ತಥಾ । ತೃತೀಯಂ ಕಮಲಾ ಪ್ರೋಕ್ತಾ ಚತುರ್ಥಂ ಸುಂದರೀ ತಥಾ ॥ 14 ॥

ಪಂಚಮಂ ವಿಷ್ಣುಶಕ್ತಿಶ್ಚ ಷಷ್ಠಂ ಕಾತ್ಯಾಯನೀ ತಥಾ । ವಾರಾಹೀ ಸಪ್ತಮಂ ಚೈವ ಹ್ಯಷ್ಟಮಂ ಹರಿವಲ್ಲಭಾ ॥ 15 ॥

ನವಮಂ ಖಡ್ಗಿನೀ ಪ್ರೋಕ್ತಾ ದಶಮಂ ಚೈವ ದೇವಿಕಾ । ಏಕಾದಶಂ ಸಿದ್ಧಲಕ್ಷ್ಮೀರ್ದ್ವಾದಶಂ ಹಂಸವಾಹಿನೀ ॥ 16 ॥

ಉತ್ತರನ್ಯಾಸಃ ಓಂ ಶ್ರೀಂ ಸಿದ್ಧಲಕ್ಷ್ಮ್ಯೈ ಹೃದಯಾಯ ನಮಃ । ಓಂ ಹ್ರೀಂ ವಿಷ್ಣುತೇಜಸೇ ಶಿರಸೇ ಸ್ವಾಹಾ । ಓಂ ಕ್ಲೀಂ ಅಮೃತಾನಂದಾಯೈ ಶಿಖಾಯೈ ವಷಟ್ । ಓಂ ಶ್ರೀಂ ದೈತ್ಯಮಾಲಿನ್ಯೈ ಕವಚಾಯ ಹುಮ್ । ಓಂ ಹ್ರೀಂ ತೇಜಃ ಪ್ರಕಾಶಿನ್ಯೈ ನೇತ್ರತ್ರಯಾಯ ವೌಷಟ್ । ಓಂ ಕ್ಲೀಂ ಬ್ರಾಹ್ಮ್ಯೈ ವೈಷ್ಣವ್ಯೈ ರುದ್ರಾಣ್ಯೈ ಅಸ್ತ್ರಾಯ ಫಟ್ ॥ ಓಂ ಶ್ರೀಂ ಹ್ರೀಂ ಕ್ಲೀಂ ಶ್ರೀಂ ಸಿದ್ಧಲಕ್ಷ್ಮ್ಯೈ ನಮಃ ಇತಿ ದಿಗ್ವಿಮೋಕಃ ॥

ಅಥ ಫಲಶೃತಿಃ ಏತತ್ ಸ್ತೋತ್ರವರಂ ದೇವ್ಯಾ ಯೇ ಪಠಂತಿ ಸದಾ ನರಾಃ । ಸರ್ವಾಪದ್ಭ್ಯೋ ವಿಮುಚ್ಯಂತೇ ನಾತ್ರ ಕಾರ್ಯಾ ವಿಚಾರಣಾ ॥ 17 ॥

ಏಕಮಾಸಂ ದ್ವಿಮಾಸಂ ಚ ತ್ರಿಮಾಸಂ ಚ ಚತುಸ್ಥಥಾ । ಪಂಚಮಾಸಂ ಚ ಷಣ್ಮಾಸಂ ತ್ರಿಕಾಲಂ ಯಃ ಸದಾ ಪಠೇತ್ ॥ 18 ॥

ಬ್ರಾಹ್ಮಣಃ ಕ್ಲೇಶಿತೋ ದುಃಖೀ ದಾರಿದ್ರ್ಯಭಯಪೀಡಿತಃ । ಜನ್ಮಾಂತರ ಸಹಸ್ರೋತ್ಥೈರ್ಮುಚ್ಯತೇ ಸರ್ವಕಿಲ್ಬಷೈಃ ॥ 19 ॥

ದರಿದ್ರೋ ಲಭತೇ ಲಕ್ಷ್ಮೀಮಪುತ್ರಃ ಪುತ್ರವಾನ್ ಭವೇತ್ । ಧನ್ಯೋ ಯಶಸ್ವೀ ಶತ್ರುಘ್ನೋ ವಹ್ನಿಚೌರಭಯೇಷು ಚ ॥ 20 ॥

ಶಾಕಿನೀ ಭೂತ ವೇತಾಲ ಸರ್ಪ ವ್ಯಾಘ್ರ ನಿಪಾತನೇ । ರಾಜದ್ವಾರೇ ಸಭಾಸ್ಥಾನೇ ಕಾರಾಗೃಹನಿಬಂಧನೇ ॥ 21 ॥

ಈಶ್ವರೇಣ ಕೃತಂ ಸ್ತೋತ್ರಂ ಪ್ರಾಣಿನಾಂ ಹಿತಕಾರಕಮ್ । ಸ್ತುವಂತು ಬ್ರಾಹ್ಮಣಾಃ ನಿತ್ಯಂ ದಾರಿದ್ರ್ಯಂ ನ ಚ ಬಾಧತೇ ॥ 22 ॥

ಸರ್ವಪಾಪಹರಾ ಲಕ್ಷ್ಮೀಃ ಸರ್ವಸಿದ್ಧಿಪ್ರದಾಯಿನೀಮ್ । ಸಾಧಕಾಃ ಲಭತೇ ಸರ್ವಂ ಪಠೇತ್ ಸ್ತೋತ್ರಂ ನಿರಂತರಮ್ ॥ 23 ॥

ಪ್ರಾರ್ಥನಾ ಯಾ ಶ್ರೀಃ ಪದ್ಮವನೇ ಕದಂಬಶಿಖರೇ ರಾಜಗೃಹೇ ಕುಂಜರೇ ಶ್ವೇತೇ ಚಾಶ್ವಯುತೇ ವೃಷೇ ಚ ಯುಗಲೇ ಯಜ್ಞೇ ಚ ಯೂಪಸ್ಥಿತೇ । ಶಂಖೇ ದೈವಕುಲೇ ನರೇಂದ್ರಭವನೇ ಗಂಗಾತಟೇ ಗೋಕುಲೇ ಸಾ ಶ್ರೀಸ್ತಿಷ್ಠತು ಸರ್ವದಾ ಮಮ ಗೃಹೇ ಭೂಯಾತ್ ಸದಾ ನಿಶ್ಚಲಾ ॥

ಯಾ ಸಾ ಪದ್ಮಾಸನಸ್ಥಾ ವಿಪುಲಕಟಿತಟೀ ಪದ್ಮಪತ್ರಾಯತಾಕ್ಷೀ ಗಂಭೀರಾವರ್ತನಾಭಿಃ ಸ್ತನಭರನಮಿತಾ ಶುದ್ಧವಸ್ತ್ರೋತ್ತರೀಯಾ । ಲಕ್ಷ್ಮೀರ್ದಿವ್ಯೈರ್ಗಜೇಂದ್ರೈರ್ಮಣಿಗಣಖಚಿತೈಃ ಸ್ನಾಪಿತಾ ಹೇಮಕುಂಭೈಃ ನಿತ್ಯಂ ಸಾ ಪದ್ಮಹಸ್ತಾ ಮಮ ವಸತು ಗೃಹೇ ಸರ್ವಮಾಂಗಳ್ಯಯುಕ್ತಾ ॥

ಇತಿ ಶ್ರೀಬ್ರಹ್ಮಪುರಾಣೇ ಈಶ್ವರವಿಷ್ಣುಸಂವಾದೇ ಶ್ರೀ ಸಿದ್ಧಲಕ್ಷ್ಮೀ ಸ್ತೋತ್ರಮ್ ॥

About Sri Siddha Lakshmi Stotram

The Siddha Lakshmi Stotram is a hymn to Goddess Siddha Lakshmi, the Lakshmi who grants spiritual and worldly fulfilment (siddhi). Its viniyoga names Hiranyagarbha as its seer and the three great goddesses, Mahakali, Mahalakshmi and Mahasaraswati, as its deities, with "Shrim" as its seed. After the nyasas and meditation, it praises the Goddess as the one in whom all three powers are united.

Source: Brahma Purana, as its colophon states

When to chant: On Fridays, during Navaratri and Diwali, and in Devi worship.

Did you know?

  • Its colophon places it in the Brahma Purana, in a dialogue between Ishvara and Vishnu.
  • Joining Mahakali, Mahalakshmi and Mahasaraswati as its deities, it sees Lakshmi as the whole power of the Goddess, not only as wealth.

Frequently asked questions

Who is Siddha Lakshmi?

Lakshmi as the giver of fulfilment, uniting the three great goddesses.

Who is its seer?

Hiranyagarbha, as its viniyoga states.

Where is it from?

The Brahma Purana, as its colophon states.

Offered for worship and study, not as prediction. Non-commercial.