MuhurtaNow

Veda Svasti Vachanam

Nitya Parayana · Traditional devotional text

শ্রী কৃষ্ণ যজুর্বেদ সংহিতাংতর্গতীয় স্বস্তিবাচনম্

আ॒শুঃ শিশা॑নো বৃষ॒ভো ন যু॒দ্ধ্মো ঘ॑নাঘ॒নঃ ক্ষোভ॑ণ-শ্চর্ষণী॒নাম্ । সং॒ক্রংদ॑নোঽনিমি॒ষ এ॑ক বী॒রঃ শ॒তগ্ম্ সেনা॑ অজযথ্ সা॒কমিংদ্রঃ॑ ॥ সং॒ক্রংদ॑নেনা নিমি॒ষেণ॑ জি॒ষ্ণুনা॑ যুত্কা॒রেণ॑ দুশ্চ্যব॒নেন॑ ধৃ॒ষ্ণুনা᳚ । তদিংদ্রে॑ণ জযত॒ তথ্ স॑হদ্ধ্বং॒-য়ুঁধো॑ নর॒ ইষু॑হস্তেন॒ বৃষ্ণা᳚ ॥ স ইষু॑হস্তৈঃ॒ স নি॑ষং॒গিভি॑র্ব॒শী সগ্গ্স্র॑ষ্টা॒ স যুধ॒ ইংদ্রো॑ গ॒ণেন॑ । স॒গ্ম্॒সৃ॒ষ্ট॒জিথ্ সো॑ম॒পা বা॑হুশ॒র্ধ্য়ূ᳚র্ধ্বধ॑ন্বা॒ প্রতি॑হিতাভি॒রস্তা᳚ ॥ বৃহ॑স্পতে॒ পরি॑ দীয়া॒ [পরি॑ দীয়, রথে॑ন] 4.6.16

রথে॑ন রক্ষো॒হা ঽমিত্রাগ্ম্॑ অপ॒ বাধ॑মানঃ । প্র॒ভং॒জংথ্ সেনাঃ᳚ প্রমৃ॒ণো যু॒ধা জয়॑ন্ন॒স্মাক॑-মেদ্ধ্যবি॒তা রথা॑নাম্ ॥ গো॒ত্র॒ভিদং॑ গো॒বিদং॒-বঁজ্র॑বাহুং॒ জয়ং॑ত॒মজ্ম॑ প্রমৃ॒ণংত॒-মোজ॑সা । ই॒মগ্ম্ স॑জাতা॒ অনু॑বীর-যদ্ধ্ব॒মিংদ্রগ্ম্॑ সখা॒য়োঽনু॒ সগ্ম্ র॑ভদ্ধ্বম্ ॥ ব॒ল॒বি॒জ্ঞা॒য়ঃ-স্থবি॑রঃ॒ প্রবী॑রঃ॒ সহ॑স্বান্. বা॒জী সহ॑মান উ॒গ্রঃ । অ॒ভিবী॑রো অ॒ভিস॑ত্বা সহো॒জা জৈত্র॑মিংদ্র॒ রথ॒মাতি॑ষ্ঠ গো॒বিত্ ॥ অ॒ভি গো॒ত্রাণি॒ সহ॑সা॒ গাহ॑মানোঽদা॒য়ো [গাহ॑মানোঽদা॒য়ঃ, বী॒রঃ শ॒তম॑ন্য়ু॒রিংদ্রঃ॑ ।] 4.6.17

বী॒রঃ শ॒তম॑ন্য়ু॒রিংদ্রঃ॑ । দু॒শ্চ্য়॒ব॒নঃ পৃ॑তনা॒ষাড॑ যু॒দ্ধ্য়ো᳚-স্মাক॒গ্ম্॒ সেনা॑ অবতু॒ প্র যু॒থ্সু ॥ ইংদ্র॑ আসাং-নে॒তা বৃহ॒স্পতি॒ র্দক্ষি॑ণা য॒জ্ঞঃ পু॒র এ॑তু॒ সোমঃ॑ । দে॒ব॒সে॒নানা॑-মভিভংজতী॒নাং জয়ং॑তীনাং ম॒রুতো॑ যং॒ত্বগ্রে᳚ ॥ ইংদ্র॑স্য়॒ বৃষ্ণো॒ বরু॑ণস্য়॒ রাজ্ঞ॑ আদি॒ত্য়ানাং᳚ ম॒রুতা॒গ্ম্॒ শর্ধ॑ উ॒গ্রম্ । ম॒হাম॑নসাং ভুবনচ্য়॒বানাং॒ ঘোষো॑ দে॒বানাং॒ জয়॑তা॒ মুদ॑স্থাত্ ॥ অ॒স্মাক॒-মিংদ্রঃ॒ সমৃ॑তেষু ধ্ব॒জেষ্ব॒স্মাকং॒-য়াঁ ইষ॑ব॒স্তা জ॑য়ংতু । 4.6.18

অ॒স্মাকং॑-বীঁ॒রা উত্ত॑রে ভবংত্ব॒স্মানু॑ দেবা অবতা॒ হবে॑ষু ॥ উদ্ধ॑র্ষয় মঘব॒ন্না-য়ু॑ধা॒-ন্য়ুথ্সত্ব॑নাং মাম॒কানাং॒ মহাগ্ম্॑সি । উদ্বৃ॑ত্রহন্ বা॒জিনাং॒-বাঁজি॑না॒ন্য়ুদ্-রথা॑নাং॒ জয়॑তামেতু॒ ঘোষঃ॑ ॥ উপ॒ প্রেত॒ জয়॑তা নরঃস্থি॒রা বঃ॑ সংতু বা॒হবঃ॑ । ইংদ্রো॑ বঃ॒ শর্ম॑ যচ্ছ ত্বনা-ধৃ॒ষ্য়া যথাস॑থ ॥ অব॑সৃষ্টা॒ পরা॑ পত॒ শর॑ব্য়ে॒ ব্রহ্ম॑ সগ্ম্শিতা । গচ্ছা॒ঽমিত্রা॒ন্ প্র- [গচ্ছা॒ঽমিত্রা॒ন্ প্র, বি॒শ॒ মৈষা॒-] 4.6.19

-বি॑শ॒ মৈষাং॒ কংচ॒নোচ্ছি॑ষঃ ॥ মর্মা॑ণি তে॒ বর্ম॑ভিশ্ছাদয়ামি॒ সোম॑স্ত্বা॒ রাজা॒ ঽমৃতে॑না॒ভি-ব॑স্তাম্ । উ॒রোর্বরী॑য়ো॒ বরি॑বস্তে অস্তু॒ জয়ং॑তং॒ ত্বামনু॑ মদংতু দে॒বাঃ ॥ যত্র॑ বা॒ণাঃ সং॒পতং॑তি কুমা॒রা বি॑শি॒খা ই॑ব । ইংদ্রো॑ ন॒স্তত্র॑ বৃত্র॒হা বি॑শ্বা॒হা শর্ম॑ যচ্ছতু ॥ 4.6.20 ॥

জী॒মূত॑স্য়েব ভবতি॒ প্রতী॑কং॒-য়ঁদ্ব॒র্মী যাতি॑ স॒মদা॑মু॒পস্থে᳚ । অনা॑বিদ্ধয়া ত॒নুবা॑ জয়॒ ত্বগ্ম্ স ত্বা॒ বর্ম॑ণো মহি॒মা পি॑পর্তু ॥ ধন্ব॑না॒ গা ধন্ব॑না॒ঽঽজিং জ॑য়েম॒ ধন্ব॑না তী॒ব্রাঃ স॒মদো॑ জয়েম । ধনুঃ॒ শত্রো॑রপকা॒মং কৃ॑ণোতি॒ ধন্ব॑না॒ সর্বাঃ᳚ প্র॒দিশো॑ জয়েম ॥ ব॒ক্ষ্য়ংতী॒বেদা গ॑নীগংতি॒ কর্ণং॑ প্রি॒য়গ্ম্ সখা॑য়ং পরিষস্বজা॒না । যোষে॑ব শিংক্তে॒ বিত॒তাঽধি॒ ধন্ব॒- [ধন্বন্ন্॑, জ্য়া ই॒য়গ্ম্] 4.6.27

-ংজ্য়া ই॒য়গ্ম্ সম॑নে পা॒রয়ং॑তী ॥ তে আ॒চরং॑তী॒ সম॑নেব॒ যোষা॑ মা॒তেব॑ পু॒ত্রং বি॑ভৃতামু॒পস্থে᳚ । অপ॒ শত্রূন্॑ বিদ্ধ্যতাগ্ম্ সংবিঁদা॒নে আর্ত্নী॑ ই॒মে বি॑ষ্ফু॒রংতী॑ অ॒মিত্রান্॑ ॥ ব॒হ্বী॒নাং পি॒তা ব॒হুর॑স্য় পু॒ত্রশ্চি॒শ্চা কৃ॑ণোতি॒ সম॑নাঽব॒গত্য়॑ । ই॒ষু॒ধিঃ সংকাঃ॒ পৃত॑নাশ্চ॒ সর্বাঃ᳚ পৃ॒ষ্ঠে নিন॑দ্ধো জযতি॒ প্রসূ॑তঃ ॥ রথে॒ তিষ্ঠ॑ন্ নযতি বা॒জিনঃ॑ পু॒রো যত্র॑যত্র কা॒ময়॑তে সুষার॒থিঃ । অ॒ভীশূ॑নাং মহি॒মান॑- [মহি॒মান᳚ম্, প॒না॒য়॒ত॒ মনঃ॑] 4.6.28

-ংপনাযত॒ মনঃ॑ প॒শ্চাদনু॑ যচ্ছংতি র॒শ্ময়ঃ॑ ॥ তী॒ব্রান্ ঘোষা᳚ন্ কৃণ্বতে॒ বৃষ॑পাণ॒য়োঽশ্বা॒ রথে॑ভিঃ স॒হ বা॒জয়ং॑তঃ । অ॒ব॒ক্রামং॑তঃ॒ প্রপ॑দৈর॒মিত্রা᳚ন্ ক্ষি॒ণংতি॒ শত্রূ॒গ্ম্॒রন॑পব্যয়ংতঃ ॥ র॒থ॒বাহ॑নগ্ম্ হ॒বির॑স্য়॒ নাম॒ যত্রাঽঽয়ু॑ধং॒ নিহি॑তমস্য়॒ বর্ম॑ । তত্রা॒ রথ॒মুপ॑ শ॒গ্মগ্ম্ স॑দেম বি॒শ্বাহা॑ ব॒য়গ্ম্ সু॑মন॒স্যমা॑নাঃ ॥ স্বা॒দু॒ষ॒গ্ম্॒ সদঃ॑ পি॒তরো॑ বয়ো॒ধাঃ কৃ॑চ্ছ্রে॒শ্রিতঃ॒ শক্তী॑বংতো গভী॒রাঃ । চি॒ত্রসে॑না॒ ইষু॑বলা॒ অমৃ॑দ্ধ্রাঃ স॒তোবী॑রা উ॒রবো᳚ ব্রাতসা॒হাঃ ॥ ব্রাহ্ম॑ণাসঃ॒ [ব্রাহ্ম॑ণাসঃ, পিত॑র॒-] 4.6.29

পিত॑রঃ॒ সোম্য়া॑সঃ শি॒বে নো॒ দ্য়াবা॑পৃথি॒বী অ॑নে॒হসা᳚ । পূ॒ষা নঃ॑ পাতু দুরি॒তাদৃ॑তাবৃধো॒ রক্ষা॒ মাকি॑র্নো অ॒ঘশগ্ম্॑স ঈশত ॥ সু॒প॒র্ণং-বঁ॑স্তে মৃ॒গো অ॑স্য়া॒ দংতো॒ গোভিঃ॒ সন্ন॑দ্ধা পততি॒ প্রসূ॑তা । যত্রা॒ নরঃ॒ সং চ॒ বি চ॒ দ্রবং॑তি॒ তত্রা॒স্মভ্য়॒মিষ॑বঃ॒ শর্ম॑ যগ্ম্সন্ন্ ॥ ঋজী॑তে॒ পরি॑ বৃংগ্ধি॒ নোঽশ্মা॑ ভবতু নস্ত॒নূঃ । সোমো॒ অধি॑ ব্রবীতু॒ নোঽদি॑তি॒- [নোঽদি॑তিঃ, শর্ম॑ যচ্ছতু ।] 4.6.30

-শ্শর্ম॑ যচ্ছতু ॥ আ জং॑ঘংতি॒ সান্বে॑ষাং জ॒ঘনা॒গ্ম্॒ উপ॑ জিঘ্নতে । অশ্বা॑জনি॒ প্রচে॑ত॒সোঽশ্বাং᳚থ্ স॒মথ্সু॑ চোদয় ॥ অহি॑রিব ভো॒গৈঃ পর্য়ে॑তি বা॒হুং জ্য়ায়া॑ হে॒তিং প॑রি॒বাধ॑মানঃ । হ॒স্ত॒ঘ্নো বিশ্বা॑ ব॒য়ুনা॑নি বি॒দ্বান্ পুমা॒ন্ পুমাগ্ম্॑সং॒ পরি॑ পাতু বি॒শ্বতঃ॑ ॥ বন॑স্পতে বী॒ড্বং॑গো॒ হি ভূ॒য়া অ॒স্মথ্ স॑খা প্র॒তর॑ণঃ সু॒বীরঃ॑ । গোভিঃ॒ সন্ন॑দ্ধো অসি বী॒ডয়॑স্বাঽঽস্থা॒তা তে॑ জযতু॒ জেত্বা॑নি ॥ দি॒বঃ পৃ॑থি॒ব্য়াঃ প- [পরি॑, ওজ॒ উদ্-ভৃ॑তং॒-] 4.6.31

-র্য়োজ॒ উদ্-ভৃ॑তং॒-বঁন॒স্পতি॑ভ্য়ঃ॒ পর্য়াভৃ॑ত॒গ্ম্॒ সহঃ॑ । অ॒পামো॒জ্মানং॒ পরি॒ গোভি॒রাবৃ॑ত॒মিংদ্র॑স্য়॒ বজ্রগ্ম্॑ হ॒বিষা॒ রথং॑-য়ঁজ ॥ ইংদ্র॑স্য়॒ বজ্রো॑ ম॒রুতা॒মনী॑কং মি॒ত্রস্য়॒ গর্ভো॒ বরু॑ণস্য়॒ নাভিঃ॑ । সেমাং নো॑ হ॒ব্যদা॑তিং জুষা॒ণো দেব॑ রথ॒ প্রতি॑ হ॒ব্য়া গৃ॑ভায় ॥ উপ॑ শ্বাসয় পৃথি॒বীমু॒ত দ্য়াং পু॑রু॒ত্রা তে॑ মনুতাং॒-বিঁষ্ঠি॑তং॒ জগ॑ত্ । স দুং॑দুভে স॒জূরিংদ্রে॑ণ দে॒বৈর্দূ॒রা- [দে॒বৈর্দূ॒রাত্, দবী॑য়ো॒] 4.6.32

-দ্দবী॑য়ো॒ অপ॑সেধ॒ শত্রূন্॑ ॥ আ ক্রং॑দয়॒ বল॒মোজো॑ ন॒ আ ধা॒ নিষ্ট॑নিহি দুরি॒তা বাধ॑মানঃ । অপ॑ প্রোথ দুংদুভে দু॒চ্ছুনাগ্ম্॑ ই॒ত ইংদ্র॑স্য় মু॒ষ্টির॑সি বী॒ডয়॑স্ব ॥ আঽমূর॑জ প্র॒ত্য়াব॑র্তয়ে॒মাঃ কে॑তু॒ম-দ্দুং॑দু॒ভি র্বা॑বদীতি । সমশ্ব॑পর্ণা॒শ্চরং॑তি নো॒ নরো॒ঽস্মাক॑মিংদ্র র॒থিনো॑ জয়ংতু ॥ 4.6.33 ॥

মমা᳚গ্নে॒ বর্চো॑ বিহ॒বেষ্ব॑স্তু ব॒য়ং ত্বেংধা॑না স্ত॒নুবং॑ পুষেম । মহ্য়ং॑ নমংতাং প্র॒দিশ॒শ্চত॑স্র॒ স্ত্বয়া-ঽদ্ধ্য়॑ক্ষেণ॒ পৃত॑না জয়েম ॥ মম॑ দে॒বা বি॑হ॒বে সং॑তু॒ সর্ব॒ ইংদ্রা॑বংতো ম॒রুতো॒ বিষ্ণু॑র॒গ্নিঃ । মমাং॒তরি॑ক্ষ মু॒রু গো॒পম॑স্তু॒ মহ্য়ং॒-বাঁতঃ॑ পবতাং॒ কামে॑ অ॒স্মিন্ন্ ॥ ময়ি॑ দে॒বা দ্রবি॑ণ॒ মায়॑জংতাং॒ ময়্য়া॒ শীর॑স্তু॒ ময়ি॑ দে॒বহূ॑তিঃ । দৈব্য়া॒ হোতা॑রা বনিষংত॒ [বনিষংত, পূর্বে ঽরি॑ষ্টাঃ স্য়াম] 4.7.29

পূর্বে ঽরি॑ষ্টাঃ স্য়াম ত॒নুবা॑ সু॒বীরাঃ᳚ ॥ মহ্য়ং॑-য়ঁজংতু॒ মম॒ যানি॑ হ॒ব্য়াঽঽকূ॑তিঃ স॒ত্য়া মন॑সো মে অস্তু । এনো॒ মানিগাং᳚ কত॒মচ্চ॒নাহং-বিঁশ্বে॑ দেবাসো॒ অধি॑বোচ তা মে ॥ দেবীঃ᳚ ষডুর্বীরু॒রুণঃ॑ কৃণোত॒ বিশ্বে॑ দেবা স ই॒হ বী॑রযদ্ধ্বম্ । মাহা᳚স্মহি প্র॒জয়া॒ মা ত॒নূভি॒র্মা র॑ধাম দ্বিষ॒তে সো॑ম রাজন্ন্ ॥ অ॒গ্নির্ম॒ন্য়ুং প্র॑তিনু॒দন্ পু॒রস্তা॒- [প্র॑তিনু॒দন্ পু॒রস্তা᳚ত্, অদ॑ব্ধো গো॒পাঃ] 4.7.30

-দদ॑ব্ধো গো॒পাঃ পরি॑পাহি ন॒স্ত্বম্ । প্র॒ত্য়ংচো॑ যংতু নি॒গুতঃ॒ পুন॒স্তে॑ ঽমৈষাং᳚ চি॒ত্তং প্র॒বুধা॒ বিনে॑শত্ ॥ ধা॒তা ধা॑তৃ॒ণাং ভুব॑নস্য়॒ যস্পতি॑ র্দে॒বগ্ম্ স॑বি॒তার॑মভি মাতি॒ষাহ᳚ম্ । ই॒মং-য়ঁ॒জ্ঞ ম॒শ্বিনো॒ভা বৃহ॒স্পতি॑ র্দে॒বাঃ পাং᳚তু॒ যজ॑মানং ন্য়॒র্থাত্ ॥ উ॒রু॒ব্যচা॑ নো মহি॒ষঃ শর্ম॑ যগ্ম্ সদ॒স্মিন্. হবে॑ পুরুহূ॒তঃ পু॑রু॒ক্ষু । স নঃ॑ প্র॒জায়ৈ॑ হর্যশ্ব মৃড॒য়েংদ্র॒ মা [মৃড॒য়েংদ্র॒ মা, নো॒ রী॒রি॒ষো॒ মা পরা॑ দাঃ ।] 4.7.31

নো॑ রীরিষো॒ মা পরা॑ দাঃ ॥ যে নঃ॑ স॒পত্না॒ অপ॒তে ভ॑বংত্বিংদ্রা॒-গ্নিভ্য়া॒মব॑ বাধামহে॒ তান্ । বস॑বো রু॒দ্রা আ॑দি॒ত্য়া উ॑পরি॒ স্পৃশং॑ মো॒গ্রং চেত্তা॑রমধি রা॒জম॑ক্রন্ন্ ॥ অ॒র্বাংচ॒ মিংদ্র॑ম॒মুতো॑ হবামহে॒ যো গো॒জিদ্-ধ॑ন॒-জিদ॑শ্ব॒-জিদ্য়ঃ । ই॒মন্নো॑ য॒জ্ঞং-বিঁ॑হ॒বে জু॑ষস্বা॒স্য় কু॑র্মো হরিবো মে॒দিনং॑ ত্বা ॥ 4.7.32 ॥

অ॒গ্নের্ম॑ন্বে প্রথ॒মস্য়॒ প্রচে॑তসো॒ যং পাংচ॑জন্য়ং ব॒হবঃ॑ সমিং॒ধতে᳚ । বিশ্ব॑স্য়াং-বিঁ॒শি প্র॑বিবিশি॒বাগ্ম্ স॑মীমহে॒ স নো॑ মুংচ॒ত্বগ্ম্ হ॑সঃ ॥ যস্য়ে॒দং প্রা॒ণন্নি॑মি॒ষ-দ্যদেজ॑তি॒ যস্য়॑ জা॒তং জন॑মানং চ॒ কেব॑লম্ । স্তৌম্য়॒গ্নিং না॑থি॒তো জো॑হবীমি॒ স নো॑ মুংচ॒ত্বগ্ম্ হ॑সঃ ॥ ইংদ্র॑স্য় মন্য়ে প্রথ॒মস্য়॒ প্রচে॑তসো বৃত্র॒ঘ্নঃ স্তোমা॒ উপ॒ মামু॒পাগুঃ॑ । যো দা॒শুষঃ॑ সু॒কৃতো॒ হব॒মুপ॒ গংতা॒ [গংতা᳚, স নো॑ মুংচ॒ত্বগ্ম্ হ॑সঃ ।] 4.7.33

স নো॑ মুংচ॒ত্বগ্ম্ হ॑সঃ ॥ যঃ সং॑গ্রা॒মং নয়॑তি॒ সং-বঁ॒শী যু॒ধে যঃ পু॒ষ্টানি॑ সগ্ম্সৃ॒জতি॑ ত্র॒য়াণি॑ । স্তৌমীংদ্রং॑ নাথি॒তো জো॑হবীমি॒ স নো॑ মুংচ॒ত্বগ্ম্ হ॑সঃ ॥ ম॒ন্বে বাং᳚ মিত্রা বরুণা॒ তস্য়॑ বিত্ত॒গ্ম্॒ সত্য়ৌ॑জসা দৃগ্ম্হণা॒ যং নু॒দেথে᳚ । যা রাজা॑নগ্ম্ স॒রথং॑-য়াঁ॒থ উ॑গ্রা॒ তা নো॑ মুংচত॒মাগ॑সঃ ॥ যো বা॒গ্ম্॒ রথ॑ ঋ॒জুর॑শ্মিঃ স॒ত্যধ॑র্মা॒ মিথু॒ শ্চরং॑ত-মুপ॒য়াতি॑ দূ॒ষযন্ন্॑ । স্তৌমি॑ [ ] 4.7.34

মি॒ত্রাবরু॑ণা নাথি॒তো জো॑হবীমি॒ তৌ নো॑ মুংচত॒মাগ॑সঃ ॥ বা॒য়োঃ স॑বি॒তু র্বি॒দথা॑নি মন্মহে॒ যাবা᳚ত্ম॒ন্বদ্-বি॑ভৃ॒তো যৌ চ॒ রক্ষ॑তঃ । যৌ বিশ্ব॑স্য় পরি॒ভূ ব॑ভূ॒বতু॒স্তৌ নো॑ মুংচত॒মাগ॑সঃ ॥ উপ॒ শ্রেষ্ঠা॑ন আ॒শিষো॑ দে॒বয়ো॒র্ধর্মে॑ অস্থিরন্ন্ । স্তৌমি॑ বা॒য়ুগ্ম্ স॑বি॒তারং॑ নাথি॒তো জো॑হবীমি॒ তৌ নো॑ মুংচত॒মাগ॑সঃ ॥ র॒থীত॑মৌ রথী॒নাম॑হ্ব ঊ॒তয়ে॒ শুভং॒ গমি॑ষ্ঠৌ সু॒যমে॑ভি॒রশ্বৈঃ᳚ । যয়ো᳚- [যয়োঃ᳚, বাং॒ দে॒বৌ॒ দে॒বেষ্ব-নি॑শিত॒-] 4.7.35

-র্বাং দেবৌ দে॒বেষ্ব-নি॑শিত॒-মোজ॒স্তৌ নো॑ মুংচত॒মাগ॑সঃ ॥ যদয়া॑তং-বঁঁহ॒তুগ্ম্ সূ॒র্য়ায়া᳚-স্ত্রিচ॒ক্রেণ॑ স॒গ্ম্॒ সদ॑মি॒চ্ছমা॑নৌ । স্তৌমি॑ দে॒বা ব॒শ্বিনৌ॑ নাথি॒তো জো॑হবীমি॒ তৌ নো॑ মুংচত॒মাগ॑সঃ ॥ ম॒রুতাং᳚ মন্বে॒ অধি॑নো ব্রুবংতু॒ প্রেমাং-বাঁচং॒-বিঁশ্বা॑ মবংতু॒ বিশ্বে᳚ । আ॒শূন্. হু॑বে সু॒যমা॑নূ॒তয়ে॒ তে নো॑ মুংচং॒ত্বেন॑সঃ ॥ তি॒গ্মমায়ু॑ধং-বীঁডি॒তগ্ম্ সহ॑স্ব-দ্দি॒ব্য়গ্ম্ শর্ধঃ॒ [শর্ধঃ॑, পৃত॑নাসু জি॒ষ্ণু ।] 4.7.36

পৃত॑নাসু জি॒ষ্ণু । স্তৌমি॑ দে॒বান্ ম॒রুতো॑ নাথি॒তো জো॑হবীমি॒ তে নো॑ মুংচং॒ত্বেন॑সঃ ॥ দে॒বানাং᳚ মন্বে॒ অধি॑ নো ব্রুবংতু॒ প্রেমাং-বাঁচং॒-বিঁশ্বা॑মবংতু॒ বিশ্বে᳚ । আ॒শূন্. হু॑বে সু॒যমা॑নূ॒তয়ে॒ তে নো॑ মুংচং॒ত্বেন॑সঃ ॥ যদি॒দং মা॑ঽভি॒শোচ॑তি॒ পৌরু॑ষেয়েণ॒ দৈব্য়ে॑ন । স্তৌমি॒ বিশ্বা᳚ন্ দে॒বান্ না॑থি॒তো জো॑হবীমি॒ তে নো॑ মুংচং॒ত্বেন॑সঃ ॥ অনু॑নো॒ঽদ্য়ানু॑মতি॒ র- [অনু॑নো॒ঽদ্য়ানু॑মতি॒ রনু॑, ইদ॑নুমতে॒] 4.7.37

-ন্বিদ॑নুমতে॒ ত্বং ঁবৈ᳚শ্বান॒রো ন॑ ঊ॒ত্য়াপৃ॒ষ্টো দি॒বি> 4 ॥ যে অপ্র॑থেতা॒-মমি॑তেভি॒ রোজো॑ভি॒ র্য়ে প্র॑তি॒ষ্ঠে অভ॑বতাং॒-বঁসূ॑নাম্ । স্তৌমি॒ দ্য়াবা॑ পৃথি॒বী না॑থি॒তো জো॑হবীমি॒ তে নো॑ মুংচত॒মগ্ম্ হ॑সঃ ॥ উর্বী॑ রোদসী॒ বরি॑বঃ কৃণোতং॒ ক্ষেত্র॑স্য় পত্নী॒ অধি॑ নো ব্রূয়াতম্ । স্তৌমি॒ দ্য়াবা॑ পৃথি॒বী না॑থি॒তো জো॑হবীমি॒ তে নো॑ মুংচত॒মগ্ম্ হ॑সঃ ॥ যত্ তে॑ ব॒য়ং পু॑রুষ॒ত্রা য॑বি॒ষ্ঠা বি॑দ্বাগ্ম্সশ্চকৃ॒মা কচ্চ॒না- [কচ্চ॒ন, আগঃ॑ ।] 4.7.38

-ঽঽগঃ॑ । কৃ॒ধী স্ব॑স্মাগ্ম্ অদি॑তে॒রনা॑গা॒ ব্য়েনাগ্ম্॑সি শিশ্রথো॒ বিষ্ব॑গগ্নে ॥ যথা॑ হ॒ ত-দ্ব॑সবো গৌ॒র্য়ং॑ চিত্ প॒দিষি॒তা মমুং॑চতা যজত্রাঃ । এ॒বা ত্বম॒স্মত্ প্রমুং॑চা॒ ব্য়গ্ম্হঃ॒ প্রাতা᳚র্যগ্নে প্রত॒রান্ন॒ আয়ুঃ॑ ॥ 4.7.39 ॥

About Veda Svasti Vachanam

This Svasti Vachanam is a set of Vedic mantras from the Krishna Yajur Veda, chanted to invoke wellbeing (svasti) at the start of ceremonies. It begins with the Apratiratha hymn, "Ashuh shishanah", which praises Indra as the swift, unblinking, peerless hero who rouses all to victory, and continues with prayers to Aditi, Agni and the Vasus to free us from fault and bind us to good fortune.

When to chant: At the start of homas, weddings, upanayanam, consecrations and other ceremonies.

Did you know?

  • "Svasti" means wellbeing or good fortune, the root of the word "svastika".
  • The Apratiratha hymn, "the hymn of the peerless hero", is also chanted at the start of journeys and undertakings.

Frequently asked questions

What is Svasti Vachanam?

Vedic mantras invoking wellbeing at the start of ceremonies.

How does it begin?

With the Apratiratha hymn to Indra, "Ashuh shishanah".

When is it chanted?

At the start of homas, weddings and other rites.

Offered for worship and study, not as prediction. Non-commercial.