MuhurtaNow

Veda Svasti Vachanam

Nitya Parayana · Traditional devotional text

ശ്രീ കൃഷ്ണ യജുർവേദ സംഹിതാംതര്ഗതീയ സ്വസ്തിവാചനമ്

ആ॒ശുഃ ശിശാ॑നോ വൃഷ॒ഭോ ന യു॒ദ്ധ്മോ ഘ॑നാഘ॒നഃ ക്ഷോഭ॑ണ-ശ്ചര്ഷണീ॒നാമ് । സം॒ക്രംദ॑നോഽനിമി॒ഷ ഏ॑ക വീ॒രഃ ശ॒തഗ്മ് സേനാ॑ അജയഥ് സാ॒കമിംദ്രഃ॑ ॥ സം॒ക്രംദ॑നേനാ നിമി॒ഷേണ॑ ജി॒ഷ്ണുനാ॑ യുത്കാ॒രേണ॑ ദുശ്ച്യവ॒നേന॑ ധൃ॒ഷ്ണുനാ᳚ । തദിംദ്രേ॑ണ ജയത॒ തഥ് സ॑ഹദ്ധ്വം॒-യുഁധോ॑ നര॒ ഇഷു॑ഹസ്തേന॒ വൃഷ്ണാ᳚ ॥ സ ഇഷു॑ഹസ്തൈഃ॒ സ നി॑ഷം॒ഗിഭി॑ർവ॒ശീ സഗ്ഗ്സ്ര॑ഷ്ടാ॒ സ യുധ॒ ഇംദ്രോ॑ ഗ॒ണേന॑ । സ॒ഗ്മ്॒സൃ॒ഷ്ട॒ജിഥ് സോ॑മ॒പാ ബാ॑ഹുശ॒ര്ധ്യൂ᳚ര്ധ്വധ॑ന്വാ॒ പ്രതി॑ഹിതാഭി॒രസ്താ᳚ ॥ ബൃഹ॑സ്പതേ॒ പരി॑ ദീയാ॒ [പരി॑ ദീയ, രഥേ॑ന] 4.6.16

രഥേ॑ന രക്ഷോ॒ഹാ ഽമിത്രാഗ്മ്॑ അപ॒ ബാധ॑മാനഃ । പ്ര॒ഭം॒ജംഥ് സേനാഃ᳚ പ്രമൃ॒ണോ യു॒ധാ ജയ॑ന്ന॒സ്മാക॑-മേദ്ധ്യവി॒താ രഥാ॑നാമ് ॥ ഗോ॒ത്ര॒ഭിദം॑ ഗോ॒വിദം॒-വഁജ്ര॑ബാഹും॒ ജയം॑ത॒മജ്മ॑ പ്രമൃ॒ണംത॒-മോജ॑സാ । ഇ॒മഗ്മ് സ॑ജാതാ॒ അനു॑വീര-യദ്ധ്വ॒മിംദ്രഗ്മ്॑ സഖാ॒യോഽനു॒ സഗ്മ് ര॑ഭദ്ധ്വമ് ॥ ബ॒ല॒വി॒ജ്ഞാ॒യഃ-സ്ഥവി॑രഃ॒ പ്രവീ॑രഃ॒ സഹ॑സ്വാന്. വാ॒ജീ സഹ॑മാന ഉ॒ഗ്രഃ । അ॒ഭിവീ॑രോ അ॒ഭിസ॑ത്വാ സഹോ॒ജാ ജൈത്ര॑മിംദ്ര॒ രഥ॒മാതി॑ഷ്ഠ ഗോ॒വിത് ॥ അ॒ഭി ഗോ॒ത്രാണി॒ സഹ॑സാ॒ ഗാഹ॑മാനോഽദാ॒യോ [ഗാഹ॑മാനോഽദാ॒യഃ, വീ॒രഃ ശ॒തമ॑ന്യു॒രിംദ്രഃ॑ ।] 4.6.17

വീ॒രഃ ശ॒തമ॑ന്യു॒രിംദ്രഃ॑ । ദു॒ശ്ച്യ॒വ॒നഃ പൃ॑തനാ॒ഷാഡ॑ യു॒ദ്ധ്യോ᳚-സ്മാക॒ഗ്മ്॒ സേനാ॑ അവതു॒ പ്ര യു॒ഥ്സു ॥ ഇംദ്ര॑ ആസാം-നേ॒താ ബൃഹ॒സ്പതി॒ ര്ദക്ഷി॑ണാ യ॒ജ്ഞഃ പു॒ര ഏ॑തു॒ സോമഃ॑ । ദേ॒വ॒സേ॒നാനാ॑-മഭിഭംജതീ॒നാം ജയം॑തീനാം മ॒രുതോ॑ യം॒ത്വഗ്രേ᳚ ॥ ഇംദ്ര॑സ്യ॒ വൃഷ്ണോ॒ വരു॑ണസ്യ॒ രാജ്ഞ॑ ആദി॒ത്യാനാം᳚ മ॒രുതാ॒ഗ്മ്॒ ശര്ധ॑ ഉ॒ഗ്രമ് । മ॒ഹാമ॑നസാം ഭുവനച്യ॒വാനാം॒ ഘോഷോ॑ ദേ॒വാനാം॒ ജയ॑താ॒ മുദ॑സ്ഥാത് ॥ അ॒സ്മാക॒-മിംദ്രഃ॒ സമൃ॑തേഷു ധ്വ॒ജേഷ്വ॒സ്മാകം॒-യാഁ ഇഷ॑വ॒സ്താ ജ॑യംതു । 4.6.18

അ॒സ്മാകം॑-വീഁ॒രാ ഉത്ത॑രേ ഭവംത്വ॒സ്മാനു॑ ദേവാ അവതാ॒ ഹവേ॑ഷു ॥ ഉദ്ധ॑ര്ഷയ മഘവ॒ന്നാ-യു॑ധാ॒-ന്യുഥ്സത്വ॑നാം മാമ॒കാനാം॒ മഹാഗ്മ്॑സി । ഉദ്വൃ॑ത്രഹന് വാ॒ജിനാം॒-വാഁജി॑നാ॒ന്യുദ്-രഥാ॑നാം॒ ജയ॑താമേതു॒ ഘോഷഃ॑ ॥ ഉപ॒ പ്രേത॒ ജയ॑താ നരഃസ്ഥി॒രാ വഃ॑ സംതു ബാ॒ഹവഃ॑ । ഇംദ്രോ॑ വഃ॒ ശര്മ॑ യച്ഛ ത്വനാ-ധൃ॒ഷ്യാ യഥാസ॑ഥ ॥ അവ॑സൃഷ്ടാ॒ പരാ॑ പത॒ ശര॑വ്യേ॒ ബ്രഹ്മ॑ സഗ്മ്ശിതാ । ഗച്ഛാ॒ഽമിത്രാ॒ന് പ്ര- [ഗച്ഛാ॒ഽമിത്രാ॒ന് പ്ര, വി॒ശ॒ മൈഷാ॒-] 4.6.19

-വി॑ശ॒ മൈഷാം॒ കംച॒നോച്ഛി॑ഷഃ ॥ മര്മാ॑ണി തേ॒ വര്മ॑ഭിശ്ഛാദയാമി॒ സോമ॑സ്ത്വാ॒ രാജാ॒ ഽമൃതേ॑നാ॒ഭി-വ॑സ്താമ് । ഉ॒രോർവരീ॑യോ॒ വരി॑വസ്തേ അസ്തു॒ ജയം॑തം॒ ത്വാമനു॑ മദംതു ദേ॒വാഃ ॥ യത്ര॑ ബാ॒ണാഃ സം॒പതം॑തി കുമാ॒രാ വി॑ശി॒ഖാ ഇ॑വ । ഇംദ്രോ॑ ന॒സ്തത്ര॑ വൃത്ര॒ഹാ വി॑ശ്വാ॒ഹാ ശര്മ॑ യച്ഛതു ॥ 4.6.20 ॥

ജീ॒മൂത॑സ്യേവ ഭവതി॒ പ്രതീ॑കം॒-യഁദ്വ॒ര്മീ യാതി॑ സ॒മദാ॑മു॒പസ്ഥേ᳚ । അനാ॑വിദ്ധയാ ത॒നുവാ॑ ജയ॒ ത്വഗ്മ് സ ത്വാ॒ വര്മ॑ണോ മഹി॒മാ പി॑പര്തു ॥ ധന്വ॑നാ॒ ഗാ ധന്വ॑നാ॒ഽഽജിം ജ॑യേമ॒ ധന്വ॑നാ തീ॒വ്രാഃ സ॒മദോ॑ ജയേമ । ധനുഃ॒ ശത്രോ॑രപകാ॒മം കൃ॑ണോതി॒ ധന്വ॑നാ॒ സർവാഃ᳚ പ്ര॒ദിശോ॑ ജയേമ ॥ വ॒ക്ഷ്യംതീ॒വേദാ ഗ॑നീഗംതി॒ കര്ണം॑ പ്രി॒യഗ്മ് സഖാ॑യം പരിഷസ്വജാ॒നാ । യോഷേ॑വ ശിംക്തേ॒ വിത॒താഽധി॒ ധന്വ॒- [ധന്വന്ന്॑, ജ്യാ ഇ॒യഗ്മ്] 4.6.27

-ംജ്യാ ഇ॒യഗ്മ് സമ॑നേ പാ॒രയം॑തീ ॥ തേ ആ॒ചരം॑തീ॒ സമ॑നേവ॒ യോഷാ॑ മാ॒തേവ॑ പു॒ത്രം ബി॑ഭൃതാമു॒പസ്ഥേ᳚ । അപ॒ ശത്രൂന്॑ വിദ്ധ്യതാഗ്മ് സംവിഁദാ॒നേ ആര്ത്നീ॑ ഇ॒മേ വി॑ഷ്ഫു॒രംതീ॑ അ॒മിത്രാന്॑ ॥ ബ॒ഹ്വീ॒നാം പി॒താ ബ॒ഹുര॑സ്യ പു॒ത്രശ്ചി॒ശ്ചാ കൃ॑ണോതി॒ സമ॑നാഽവ॒ഗത്യ॑ । ഇ॒ഷു॒ധിഃ സംകാഃ॒ പൃത॑നാശ്ച॒ സർവാഃ᳚ പൃ॒ഷ്ഠേ നിന॑ദ്ധോ ജയതി॒ പ്രസൂ॑തഃ ॥ രഥേ॒ തിഷ്ഠ॑ന് നയതി വാ॒ജിനഃ॑ പു॒രോ യത്ര॑യത്ര കാ॒മയ॑തേ സുഷാര॒ഥിഃ । അ॒ഭീശൂ॑നാം മഹി॒മാന॑- [മഹി॒മാന᳚മ്, പ॒നാ॒യ॒ത॒ മനഃ॑] 4.6.28

-ംപനായത॒ മനഃ॑ പ॒ശ്ചാദനു॑ യച്ഛംതി ര॒ശ്മയഃ॑ ॥ തീ॒വ്രാന് ഘോഷാ᳚ന് കൃണ്വതേ॒ വൃഷ॑പാണ॒യോഽശ്വാ॒ രഥേ॑ഭിഃ സ॒ഹ വാ॒ജയം॑തഃ । അ॒വ॒ക്രാമം॑തഃ॒ പ്രപ॑ദൈര॒മിത്രാ᳚ന് ക്ഷി॒ണംതി॒ ശത്രൂ॒ഗ്മ്॒രന॑പവ്യയംതഃ ॥ ര॒ഥ॒വാഹ॑നഗ്മ് ഹ॒വിര॑സ്യ॒ നാമ॒ യത്രാഽഽയു॑ധം॒ നിഹി॑തമസ്യ॒ വര്മ॑ । തത്രാ॒ രഥ॒മുപ॑ ശ॒ഗ്മഗ്മ് സ॑ദേമ വി॒ശ്വാഹാ॑ വ॒യഗ്മ് സു॑മന॒സ്യമാ॑നാഃ ॥ സ്വാ॒ദു॒ഷ॒ഗ്മ്॒ സദഃ॑ പി॒തരോ॑ വയോ॒ധാഃ കൃ॑ച്ഛ്രേ॒ശ്രിതഃ॒ ശക്തീ॑വംതോ ഗഭീ॒രാഃ । ചി॒ത്രസേ॑നാ॒ ഇഷു॑ബലാ॒ അമൃ॑ദ്ധ്രാഃ സ॒തോവീ॑രാ ഉ॒രവോ᳚ വ്രാതസാ॒ഹാഃ ॥ ബ്രാഹ്മ॑ണാസഃ॒ [ബ്രാഹ്മ॑ണാസഃ, പിത॑ര॒-] 4.6.29

പിത॑രഃ॒ സോമ്യാ॑സഃ ശി॒വേ നോ॒ ദ്യാവാ॑പൃഥി॒വീ അ॑നേ॒ഹസാ᳚ । പൂ॒ഷാ നഃ॑ പാതു ദുരി॒താദൃ॑താവൃധോ॒ രക്ഷാ॒ മാകി॑ര്നോ അ॒ഘശഗ്മ്॑സ ഈശത ॥ സു॒പ॒ര്ണം-വഁ ॑സ്തേ മൃ॒ഗോ അ॑സ്യാ॒ ദംതോ॒ ഗോഭിഃ॒ സന്ന॑ദ്ധാ പതതി॒ പ്രസൂ॑താ । യത്രാ॒ നരഃ॒ സം ച॒ വി ച॒ ദ്രവം॑തി॒ തത്രാ॒സ്മഭ്യ॒മിഷ॑വഃ॒ ശര്മ॑ യഗ്മ്സന്ന് ॥ ഋജീ॑തേ॒ പരി॑ വൃംഗ്ധി॒ നോഽശ്മാ॑ ഭവതു നസ്ത॒നൂഃ । സോമോ॒ അധി॑ ബ്രവീതു॒ നോഽദി॑തി॒- [നോഽദി॑തിഃ, ശര്മ॑ യച്ഛതു ।] 4.6.30

-ശ്ശര്മ॑ യച്ഛതു ॥ ആ ജം॑ഘംതി॒ സാന്വേ॑ഷാം ജ॒ഘനാ॒ഗ്മ്॒ ഉപ॑ ജിഘ്നതേ । അശ്വാ॑ജനി॒ പ്രചേ॑ത॒സോഽശ്വാം᳚ഥ് സ॒മഥ്സു॑ ചോദയ ॥ അഹി॑രിവ ഭോ॒ഗൈഃ പര്യേ॑തി ബാ॒ഹും ജ്യായാ॑ ഹേ॒തിം പ॑രി॒ബാധ॑മാനഃ । ഹ॒സ്ത॒ഘ്നോ വിശ്വാ॑ വ॒യുനാ॑നി വി॒ദ്വാന് പുമാ॒ന് പുമാഗ്മ്॑സം॒ പരി॑ പാതു വി॒ശ്വതഃ॑ ॥ വന॑സ്പതേ വീ॒ഡ്വം॑ഗോ॒ ഹി ഭൂ॒യാ അ॒സ്മഥ് സ॑ഖാ പ്ര॒തര॑ണഃ സു॒വീരഃ॑ । ഗോഭിഃ॒ സന്ന॑ദ്ധോ അസി വീ॒ഡയ॑സ്വാഽഽസ്ഥാ॒താ തേ॑ ജയതു॒ ജേത്വാ॑നി ॥ ദി॒വഃ പൃ॑ഥി॒വ്യാഃ പ- [പരി॑, ഓജ॒ ഉദ്-ഭൃ॑തം॒-] 4.6.31

-ര്യോജ॒ ഉദ്-ഭൃ॑തം॒-വഁന॒സ്പതി॑ഭ്യഃ॒ പര്യാഭൃ॑ത॒ഗ്മ്॒ സഹഃ॑ । അ॒പാമോ॒ജ്മാനം॒ പരി॒ ഗോഭി॒രാവൃ॑ത॒മിംദ്ര॑സ്യ॒ വജ്രഗ്മ്॑ ഹ॒വിഷാ॒ രഥം॑-യഁജ ॥ ഇംദ്ര॑സ്യ॒ വജ്രോ॑ മ॒രുതാ॒മനീ॑കം മി॒ത്രസ്യ॒ ഗര്ഭോ॒ വരു॑ണസ്യ॒ നാഭിഃ॑ । സേമാം നോ॑ ഹ॒വ്യദാ॑തിം ജുഷാ॒ണോ ദേവ॑ രഥ॒ പ്രതി॑ ഹ॒വ്യാ ഗൃ॑ഭായ ॥ ഉപ॑ ശ്വാസയ പൃഥി॒വീമു॒ത ദ്യാം പു॑രു॒ത്രാ തേ॑ മനുതാം॒-വിഁഷ്ഠി॑തം॒ ജഗ॑ത് । സ ദും॑ദുഭേ സ॒ജൂരിംദ്രേ॑ണ ദേ॒വൈര്ദൂ॒രാ- [ദേ॒വൈര്ദൂ॒രാത്, ദവീ॑യോ॒] 4.6.32

-ദ്ദവീ॑യോ॒ അപ॑സേധ॒ ശത്രൂന്॑ ॥ ആ ക്രം॑ദയ॒ ബല॒മോജോ॑ ന॒ ആ ധാ॒ നിഷ്ട॑നിഹി ദുരി॒താ ബാധ॑മാനഃ । അപ॑ പ്രോഥ ദുംദുഭേ ദു॒ച്ഛുനാഗ്മ്॑ ഇ॒ത ഇംദ്ര॑സ്യ മു॒ഷ്ടിര॑സി വീ॒ഡയ॑സ്വ ॥ ആഽമൂര॑ജ പ്ര॒ത്യാവ॑ര്തയേ॒മാഃ കേ॑തു॒മ-ദ്ദും॑ദു॒ഭി ർവാ॑വദീതി । സമശ്വ॑പര്ണാ॒ശ്ചരം॑തി നോ॒ നരോ॒ഽസ്മാക॑മിംദ്ര ര॒ഥിനോ॑ ജയംതു ॥ 4.6.33 ॥

മമാ᳚ഗ്നേ॒ വര്ചോ॑ വിഹ॒വേഷ്വ॑സ്തു വ॒യം ത്വേംധാ॑നാ സ്ത॒നുവം॑ പുഷേമ । മഹ്യം॑ നമംതാം പ്ര॒ദിശ॒ശ്ചത॑സ്ര॒ സ്ത്വയാ-ഽദ്ധ്യ॑ക്ഷേണ॒ പൃത॑നാ ജയേമ ॥ മമ॑ ദേ॒വാ വി॑ഹ॒വേ സം॑തു॒ സർവ॒ ഇംദ്രാ॑വംതോ മ॒രുതോ॒ വിഷ്ണു॑ര॒ഗ്നിഃ । മമാം॒തരി॑ക്ഷ മു॒രു ഗോ॒പമ॑സ്തു॒ മഹ്യം॒-വാഁതഃ॑ പവതാം॒ കാമേ॑ അ॒സ്മിന്ന് ॥ മയി॑ ദേ॒വാ ദ്രവി॑ണ॒ മായ॑ജംതാം॒ മയ്യാ॒ ശീര॑സ്തു॒ മയി॑ ദേ॒വഹൂ॑തിഃ । ദൈവ്യാ॒ ഹോതാ॑രാ വനിഷംത॒ [വനിഷംത, പൂർവേ ഽരി॑ഷ്ടാഃ സ്യാമ] 4.7.29

പൂർവേ ഽരി॑ഷ്ടാഃ സ്യാമ ത॒നുവാ॑ സു॒വീരാഃ᳚ ॥ മഹ്യം॑-യഁജംതു॒ മമ॒ യാനി॑ ഹ॒വ്യാഽഽകൂ॑തിഃ സ॒ത്യാ മന॑സോ മേ അസ്തു । ഏനോ॒ മാനിഗാം᳚ കത॒മച്ച॒നാഹം-വിഁശ്വേ॑ ദേവാസോ॒ അധി॑വോച താ മേ ॥ ദേവീഃ᳚ ഷഡുർവീരു॒രുണഃ॑ കൃണോത॒ വിശ്വേ॑ ദേവാ സ ഇ॒ഹ വീ॑രയദ്ധ്വമ് । മാഹാ᳚സ്മഹി പ്ര॒ജയാ॒ മാ ത॒നൂഭി॒ര്മാ ര॑ധാമ ദ്വിഷ॒തേ സോ॑മ രാജന്ന് ॥ അ॒ഗ്നിര്മ॒ന്യും പ്ര॑തിനു॒ദന് പു॒രസ്താ॒- [പ്ര॑തിനു॒ദന് പു॒രസ്താ᳚ത്, അദ॑ബ്ധോ ഗോ॒പാഃ] 4.7.30

-ദദ॑ബ്ധോ ഗോ॒പാഃ പരി॑പാഹി ന॒സ്ത്വമ് । പ്ര॒ത്യംചോ॑ യംതു നി॒ഗുതഃ॒ പുന॒സ്തേ॑ ഽമൈഷാം᳚ ചി॒ത്തം പ്ര॒ബുധാ॒ വിനേ॑ശത് ॥ ധാ॒താ ധാ॑തൃ॒ണാം ഭുവ॑നസ്യ॒ യസ്പതി॑ ര്ദേ॒വഗ്മ് സ॑വി॒താര॑മഭി മാതി॒ഷാഹ᳚മ് । ഇ॒മം-യഁ॒ജ്ഞ മ॒ശ്വിനോ॒ഭാ ബൃഹ॒സ്പതി॑ ര്ദേ॒വാഃ പാം᳚തു॒ യജ॑മാനം ന്യ॒ര്ഥാത് ॥ ഉ॒രു॒വ്യചാ॑ നോ മഹി॒ഷഃ ശര്മ॑ യഗ്മ് സദ॒സ്മിന്. ഹവേ॑ പുരുഹൂ॒തഃ പു॑രു॒ക്ഷു । സ നഃ॑ പ്ര॒ജായൈ॑ ഹര്യശ്വ മൃഡ॒യേംദ്ര॒ മാ [മൃഡ॒യേംദ്ര॒ മാ, നോ॒ രീ॒രി॒ഷോ॒ മാ പരാ॑ ദാഃ ।] 4.7.31

നോ॑ രീരിഷോ॒ മാ പരാ॑ ദാഃ ॥ യേ നഃ॑ സ॒പത്നാ॒ അപ॒തേ ഭ॑വംത്വിംദ്രാ॒-ഗ്നിഭ്യാ॒മവ॑ ബാധാമഹേ॒ താന് । വസ॑വോ രു॒ദ്രാ ആ॑ദി॒ത്യാ ഉ॑പരി॒ സ്പൃശം॑ മോ॒ഗ്രം ചേത്താ॑രമധി രാ॒ജമ॑ക്രന്ന് ॥ അ॒ർവാംച॒ മിംദ്ര॑മ॒മുതോ॑ ഹവാമഹേ॒ യോ ഗോ॒ജിദ്-ധ॑ന॒-ജിദ॑ശ്വ॒-ജിദ്യഃ । ഇ॒മന്നോ॑ യ॒ജ്ഞം-വിഁ ॑ഹ॒വേ ജു॑ഷസ്വാ॒സ്യ കു॑ര്മോ ഹരിവോ മേ॒ദിനം॑ ത്വാ ॥ 4.7.32 ॥

അ॒ഗ്നേര്മ॑ന്വേ പ്രഥ॒മസ്യ॒ പ്രചേ॑തസോ॒ യം പാംച॑ജന്യം ബ॒ഹവഃ॑ സമിം॒ധതേ᳚ । വിശ്വ॑സ്യാം-വിഁ॒ശി പ്ര॑വിവിശി॒വാഗ്മ് സ॑മീമഹേ॒ സ നോ॑ മുംച॒ത്വഗ്മ് ഹ॑സഃ ॥ യസ്യേ॒ദം പ്രാ॒ണന്നി॑മി॒ഷ-ദ്യദേജ॑തി॒ യസ്യ॑ ജാ॒തം ജന॑മാനം ച॒ കേവ॑ലമ് । സ്തൌമ്യ॒ഗ്നിം നാ॑ഥി॒തോ ജോ॑ഹവീമി॒ സ നോ॑ മുംച॒ത്വഗ്മ് ഹ॑സഃ ॥ ഇംദ്ര॑സ്യ മന്യേ പ്രഥ॒മസ്യ॒ പ്രചേ॑തസോ വൃത്ര॒ഘ്നഃ സ്തോമാ॒ ഉപ॒ മാമു॒പാഗുഃ॑ । യോ ദാ॒ശുഷഃ॑ സു॒കൃതോ॒ ഹവ॒മുപ॒ ഗംതാ॒ [ഗംതാ᳚, സ നോ॑ മുംച॒ത്വഗ്മ് ഹ॑സഃ ।] 4.7.33

സ നോ॑ മുംച॒ത്വഗ്മ് ഹ॑സഃ ॥ യഃ സം॑ഗ്രാ॒മം നയ॑തി॒ സം-വഁ॒ശീ യു॒ധേ യഃ പു॒ഷ്ടാനി॑ സഗ്മ്സൃ॒ജതി॑ ത്ര॒യാണി॑ । സ്തൌമീംദ്രം॑ നാഥി॒തോ ജോ॑ഹവീമി॒ സ നോ॑ മുംച॒ത്വഗ്മ് ഹ॑സഃ ॥ മ॒ന്വേ വാം᳚ മിത്രാ വരുണാ॒ തസ്യ॑ വിത്ത॒ഗ്മ്॒ സത്യൌ॑ജസാ ദൃഗ്മ്ഹണാ॒ യം നു॒ദേഥേ᳚ । യാ രാജാ॑നഗ്മ് സ॒രഥം॑-യാഁ॒ഥ ഉ॑ഗ്രാ॒ താ നോ॑ മുംചത॒മാഗ॑സഃ ॥ യോ വാ॒ഗ്മ്॒ രഥ॑ ഋ॒ജുര॑ശ്മിഃ സ॒ത്യധ॑ര്മാ॒ മിഥു॒ ശ്ചരം॑ത-മുപ॒യാതി॑ ദൂ॒ഷയന്ന്॑ । സ്തൌമി॑ [ ] 4.7.34

മി॒ത്രാവരു॑ണാ നാഥി॒തോ ജോ॑ഹവീമി॒ തൌ നോ॑ മുംചത॒മാഗ॑സഃ ॥ വാ॒യോഃ സ॑വി॒തു ർവി॒ദഥാ॑നി മന്മഹേ॒ യാവാ᳚ത്മ॒ന്വദ്-ബി॑ഭൃ॒തോ യൌ ച॒ രക്ഷ॑തഃ । യൌ വിശ്വ॑സ്യ പരി॒ഭൂ ബ॑ഭൂ॒വതു॒സ്തൌ നോ॑ മുംചത॒മാഗ॑സഃ ॥ ഉപ॒ ശ്രേഷ്ഠാ॑ന ആ॒ശിഷോ॑ ദേ॒വയോ॒ര്ധര്മേ॑ അസ്ഥിരന്ന് । സ്തൌമി॑ വാ॒യുഗ്മ് സ॑വി॒താരം॑ നാഥി॒തോ ജോ॑ഹവീമി॒ തൌ നോ॑ മുംചത॒മാഗ॑സഃ ॥ ര॒ഥീത॑മൌ രഥീ॒നാമ॑ഹ്വ ഊ॒തയേ॒ ശുഭം॒ ഗമി॑ഷ്ഠൌ സു॒യമേ॑ഭി॒രശ്വൈഃ᳚ । യയോ᳚- [യയോഃ᳚, വാം॒ ദേ॒വൌ॒ ദേ॒വേഷ്വ-നി॑ശിത॒-] 4.7.35

-ർവാം ദേവൌ ദേ॒വേഷ്വ-നി॑ശിത॒-മോജ॒സ്തൌ നോ॑ മുംചത॒മാഗ॑സഃ ॥ യദയാ॑തം-വഁഁഹ॒തുഗ്മ് സൂ॒ര്യായാ᳚-സ്ത്രിച॒ക്രേണ॑ സ॒ഗ്മ്॒ സദ॑മി॒ച്ഛമാ॑നൌ । സ്തൌമി॑ ദേ॒വാ വ॒ശ്വിനൌ॑ നാഥി॒തോ ജോ॑ഹവീമി॒ തൌ നോ॑ മുംചത॒മാഗ॑സഃ ॥ മ॒രുതാം᳚ മന്വേ॒ അധി॑നോ ബ്രുവംതു॒ പ്രേമാം-വാഁചം॒-വിഁശ്വാ॑ മവംതു॒ വിശ്വേ᳚ । ആ॒ശൂന്. ഹു॑വേ സു॒യമാ॑നൂ॒തയേ॒ തേ നോ॑ മുംചം॒ത്വേന॑സഃ ॥ തി॒ഗ്മമായു॑ധം-വീഁഡി॒തഗ്മ് സഹ॑സ്വ-ദ്ദി॒വ്യഗ്മ് ശര്ധഃ॒ [ശര്ധഃ॑, പൃത॑നാസു ജി॒ഷ്ണു ।] 4.7.36

പൃത॑നാസു ജി॒ഷ്ണു । സ്തൌമി॑ ദേ॒വാന് മ॒രുതോ॑ നാഥി॒തോ ജോ॑ഹവീമി॒ തേ നോ॑ മുംചം॒ത്വേന॑സഃ ॥ ദേ॒വാനാം᳚ മന്വേ॒ അധി॑ നോ ബ്രുവംതു॒ പ്രേമാം-വാഁചം॒-വിഁശ്വാ॑മവംതു॒ വിശ്വേ᳚ । ആ॒ശൂന്. ഹു॑വേ സു॒യമാ॑നൂ॒തയേ॒ തേ നോ॑ മുംചം॒ത്വേന॑സഃ ॥ യദി॒ദം മാ॑ഽഭി॒ശോച॑തി॒ പൌരു॑ഷേയേണ॒ ദൈവ്യേ॑ന । സ്തൌമി॒ വിശ്വാ᳚ന് ദേ॒വാന് നാ॑ഥി॒തോ ജോ॑ഹവീമി॒ തേ നോ॑ മുംചം॒ത്വേന॑സഃ ॥ അനു॑നോ॒ഽദ്യാനു॑മതി॒ ര- [അനു॑നോ॒ഽദ്യാനു॑മതി॒ രനു॑, ഇദ॑നുമതേ॒] 4.7.37

-ന്വിദ॑നുമതേ॒ ത്വം ഁവൈ᳚ശ്വാന॒രോ ന॑ ഊ॒ത്യാപൃ॒ഷ്ടോ ദി॒വി> 4 ॥ യേ അപ്ര॑ഥേതാ॒-മമി॑തേഭി॒ രോജോ॑ഭി॒ ര്യേ പ്ര॑തി॒ഷ്ഠേ അഭ॑വതാം॒-വഁസൂ॑നാമ് । സ്തൌമി॒ ദ്യാവാ॑ പൃഥി॒വീ നാ॑ഥി॒തോ ജോ॑ഹവീമി॒ തേ നോ॑ മുംചത॒മഗ്മ് ഹ॑സഃ ॥ ഉർവീ॑ രോദസീ॒ വരി॑വഃ കൃണോതം॒ ക്ഷേത്ര॑സ്യ പത്നീ॒ അധി॑ നോ ബ്രൂയാതമ് । സ്തൌമി॒ ദ്യാവാ॑ പൃഥി॒വീ നാ॑ഥി॒തോ ജോ॑ഹവീമി॒ തേ നോ॑ മുംചത॒മഗ്മ് ഹ॑സഃ ॥ യത് തേ॑ വ॒യം പു॑രുഷ॒ത്രാ യ॑വി॒ഷ്ഠാ വി॑ദ്വാഗ്മ്സശ്ചകൃ॒മാ കച്ച॒നാ- [കച്ച॒ന, ആഗഃ॑ ।] 4.7.38

-ഽഽഗഃ॑ । കൃ॒ധീ സ്വ॑സ്മാഗ്മ് അദി॑തേ॒രനാ॑ഗാ॒ വ്യേനാഗ്മ്॑സി ശിശ്രഥോ॒ വിഷ്വ॑ഗഗ്നേ ॥ യഥാ॑ ഹ॒ ത-ദ്വ॑സവോ ഗൌ॒ര്യം॑ ചിത് പ॒ദിഷി॒താ മമും॑ചതാ യജത്രാഃ । ഏ॒വാ ത്വമ॒സ്മത് പ്രമും॑ചാ॒ വ്യഗ്മ്ഹഃ॒ പ്രാതാ᳚ര്യഗ്നേ പ്രത॒രാന്ന॒ ആയുഃ॑ ॥ 4.7.39 ॥

About Veda Svasti Vachanam

This Svasti Vachanam is a set of Vedic mantras from the Krishna Yajur Veda, chanted to invoke wellbeing (svasti) at the start of ceremonies. It begins with the Apratiratha hymn, "Ashuh shishanah", which praises Indra as the swift, unblinking, peerless hero who rouses all to victory, and continues with prayers to Aditi, Agni and the Vasus to free us from fault and bind us to good fortune.

When to chant: At the start of homas, weddings, upanayanam, consecrations and other ceremonies.

Did you know?

  • "Svasti" means wellbeing or good fortune, the root of the word "svastika".
  • The Apratiratha hymn, "the hymn of the peerless hero", is also chanted at the start of journeys and undertakings.

Frequently asked questions

What is Svasti Vachanam?

Vedic mantras invoking wellbeing at the start of ceremonies.

How does it begin?

With the Apratiratha hymn to Indra, "Ashuh shishanah".

When is it chanted?

At the start of homas, weddings and other rites.

Offered for worship and study, not as prediction. Non-commercial.