MuhurtaNow

चाणक्य नीति - एकादशोऽध्यायः

Chanakya Neethi · पारंपरिक भक्ति पाठ

దాతృత్వం ప్రియవక్తృత్వం ధీరత్వముచితజ్ఞతా । అభ్యాసేన న లభ్యంతే చత్వారః సహజా గుణాః ॥ 01 ॥

ఆత్మవర్గం పరిత్యజ్య పరవర్గం సమాశ్రయేత్ । స్వయమేవ లయం యాతి యథా రాజాన్యధర్మతః ॥ 02 ॥

హస్తీ స్థూలతనుః స చాంకుశవశః కిం హస్తిమాత్రోఽంకుశో దీపే ప్రజ్వలితే ప్రణశ్యతి తమః కిం దీపమాత్రం తమః । వజ్రేణాపి హతాః పతంతి గిరయః కిం వజ్రమాత్రం నగా- స్తేజో యస్య విరాజతే స బలవాన్స్థూలేషు కః ప్రత్యయః ॥ 03 ॥

కలౌ దశసహస్రాణి హరిస్త్యజతి మేదినీమ్ । తదర్ధం జాహ్నవీతోయం తదర్ధం గ్రామదేవతాః ॥ 04 ॥

గృహాసక్తస్య నో విద్యా నో దయా మాంసభోజినః । ద్రవ్యలుబ్ధస్య నో సత్యం స్త్రైణస్య న పవిత్రతా ॥ 05 ॥

న దుర్జనః సాధుదశాముపైతి బహుప్రకారైరపి శిక్ష్యమాణః । ఆమూలసిక్తః పయసా ఘృతేన న నింబవృక్షో మధురత్వమేతి ॥ 06 ॥

అంతర్గతమలో దుష్టస్తీర్థస్నానశతైరపి । న శుధ్యతి యథా భాండం సురాయా దాహితం చ సత్ ॥ 07 ॥

న వేత్తి యో యస్య గుణప్రకర్షం స తం సదా నిందతి నాత్ర చిత్రమ్ । యథా కిరాతీ కరికుంభలబ్ధాం ముక్తాం పరిత్యజ్య బిభర్తి గుంజాం ॥ 08 ॥

యే తు సంవత్సరం పూర్ణం నిత్యం మౌనేన భుంజతే । యుగకోటిసహస్రం తైః స్వర్గలోకే మహీయతే ॥ 09 ॥

కామక్రోధౌ తథా లోభం స్వాదుశ‍ఋంగారకౌతుకే । అతినిద్రాతిసేవే చ విద్యార్థీ హ్యష్ట వర్జయేత్ ॥ 10 ॥

అకృష్టఫలమూలేన వనవాసరతః సదా । కురుతేఽహరహః శ్రాద్ధమృషిర్విప్రః స ఉచ్యతే ॥ 11 ॥

ఏకాహారేణ సంతుష్టః షట్కర్మనిరతః సదా । ఋతుకాలాభిగామీ చ స విప్రో ద్విజ ఉచ్యతే ॥ 12 ॥

లౌకికే కర్మణి రతః పశూనాం పరిపాలకః । వాణిజ్యకృషికర్మా యః స విప్రో వైశ్య ఉచ్యతే ॥ 13 ॥

లాక్షాదితైలనీలీనాం కౌసుంభమధుసర్పిషామ్ । విక్రేతా మద్యమాంసానాం స విప్రః శూద్ర ఉచ్యతే ॥ 14 ॥

పరకార్యవిహంతా చ దాంభికః స్వార్థసాధకః । ఛలీ ద్వేషీ మృదుః క్రూరో విప్రో మార్జార ఉచ్యతే ॥ 15 ॥

వాపీకూపతడాగానామారామసురవేశ్మనామ్ । ఉచ్ఛేదనే నిరాశంకః స విప్రో మ్లేచ్ఛ ఉచ్యతే ॥ 16 ॥

దేవద్రవ్యం గురుద్రవ్యం పరదారాభిమర్శనమ్ । నిర్వాహః సర్వభూతేషు విప్రశ్చాండాల ఉచ్యతే ॥ 17 ॥

దేయం భోజ్యధనం ధనం సుకృతిభిర్నో సంచయస్తస్య వై శ్రీకర్ణస్య బలేశ్చ విక్రమపతేరద్యాపి కీర్తిః స్థితా । అస్మాకం మధుదానభోగరహితం నాథం చిరాత్సంచితం నిర్వాణాదితి నైజపాదయుగలం ధర్షంత్యహో మక్షికాః ॥ 18 ॥

चाणक्य नीति - एकादशोऽध्यायः के बारे में

This is the eleventh chapter of the Chanakya Niti, maxims traditionally attributed to Chanakya (Kautilya). It opens with the verse that four qualities are inborn and cannot be gained by practice alone: generosity, sweet speech, courage and a sense of what is fitting. It warns that one who abandons his own people for others perishes, like a king who follows another's dharma, and closes with a verse in which the bees lament the hoarded honey of a miser: the fame of Karna and Bali, who gave freely, endures to this day, while wealth stored up and never given is lost.

रचयिता: Traditionally attributed to Chanakya (Kautilya)

कब पढ़ें: In reading and study of practical wisdom (niti), and in talks on conduct.

क्या आप जानते हैं?

  • Karna and King Bali are classic examples of generosity in Indian tradition.
  • Its first verse is often quoted on the value of inborn virtues of character.

अक्सर पूछे जाने वाले प्रश्न

Which four qualities are inborn?

Generosity, sweet speech, courage and a sense of what is fitting.

Whose fame endures, according to the last verse?

That of Karna and Bali, who gave freely.

Who is it attributed to?

Traditionally to Chanakya.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।