चाणक्य नीति - चतुर्दशोऽध्यायः
Chanakya Neethi · पारंपरिक भक्ति पाठ
ആത്മാപരാധവൃക്ഷസ്യ ഫലാന്യേതാനി ദേഹിനാമ് । ദാരിദ്ര്യദുഃഖരോഗാണി ബംധനവ്യസനാനി ച ॥ 01 ॥
പുനർവിത്തം പുനര്മിത്രം പുനര്ഭാര്യാ പുനര്മഹീ । ഏതത്സർവം പുനര്ലഭ്യം ന ശരീരം പുനഃ പുനഃ ॥ 02 ॥
ബഹൂനാം ചൈവ സത്ത്വാനാം സമവായോ രിപുംജയഃ । വര്ഷാധാരാധരോ മേഘസ്തൃണൈരപി നിവാര്യതേ ॥ 03 ॥
ജലേ തൈലം ഖലേ ഗുഹ്യം പാത്രേ ദാനം മനാഗപി । പ്രാജ്ഞേ ശാസ്ത്രം സ്വയം യാതി വിസ്താരം വസ്തുശക്തിതഃ ॥ 04 ॥
ധര്മാഖ്യാനേ ശ്മശാനേ ച രോഗിണാം യാ മതിര്ഭവേത് । സാ സർവദൈവ തിഷ്ഠേച്ചേത്കോ ന മുച്യേത ബംധനാത് ॥ 05 ॥
ഉത്പന്നപശ്ചാത്താപസ്യ ബുദ്ധിര്ഭവതി യാദൃശീ । താദൃശീ യദി പൂർവം സ്യാത്കസ്യ ന സ്യാന്മഹോദയഃ ॥ 06 ॥
ദാനേ തപസി ശൌര്യേ വാ വിജ്ഞാനേ വിനയേ നയേ । വിസ്മയോ നഹി കര്തവ്യോ ബഹുരത്നാ വസുംധരാ ॥ 07 ॥
ദൂരസ്ഥോഽപി ന ദൂരസ്ഥോ യോ യസ്യ മനസി സ്ഥിതഃ । യോ യസ്യ ഹൃദയേ നാസ്തി സമീപസ്ഥോഽപി ദൂരതഃ ॥ 08 ॥
യസ്മാച്ച പ്രിയമിച്ഛേത്തു തസ്യ ബ്രൂയാത്സദാ പ്രിയമ് । വ്യാധോ മൃഗവധം കര്തും ഗീതം ഗായതി സുസ്വരമ് ॥ 09 ॥
അത്യാസന്നാ വിനാശായ ദൂരസ്ഥാ ന ഫലപ്രദാ । സേവ്യതാം മധ്യഭാവേന രാജാ വഹ്നിര്ഗുരുഃ സ്ത്രിയഃ ॥ 10 ॥
അഗ്നിരാപഃ സ്ത്രിയോ മൂര്ഖാഃ സര്പാ രാജകുലാനി ച । നിത്യം യത്നേന സേവ്യാനി സദ്യഃ പ്രാണഹരാണി ഷട് ॥ 11 ॥
സ ജീവതി ഗുണാ യസ്യ യസ്യ ധര്മഃ സ ജീവതി । ഗുണധര്മവിഹീനസ്യ ജീവിതം നിഷ്പ്രയോജനമ് ॥ 12 ॥
യദീച്ഛസി വശീകര്തും ജഗദേകേന കര്മണാ । പുരാ പംചദശാസ്യേഭ്യോ ഗാം ചരംതീ നിവാരയ ॥ 13 ॥
പ്രസ്താവസദൃശം വാക്യം പ്രഭാവസദൃശം പ്രിയമ് । ആത്മശക്തിസമം കോപം യോ ജാനാതി സ പംഡിതഃ ॥ 14 ॥
ഏക ഏവ പദാര്ഥസ്തു ത്രിധാ ഭവതി വീക്ഷിതഃ । കുണപം കാമിനീ മാംസം യോഗിഭിഃ കാമിഭിഃ ശ്വഭിഃ ॥ 15 ॥
സുസിദ്ധമൌഷധം ധര്മം ഗൃഹച്ഛിദ്രം ച മൈഥുനമ് । കുഭുക്തം കുശ്രുതം ചൈവ മതിമാന്ന പ്രകാശയേത് ॥ 16 ॥
താവന്മൌനേന നീയംതേ കോകിലൈശ്ചൈവ വാസരാഃ । യാവത്സർവജനാനംദദായിനീ വാക്പ്രവര്തതേ ॥ 17 ॥
ധര്മം ധനം ച ധാന്യം ച ഗുരോർവചനമൌഷധമ് । സുഗൃഹീതം ച കര്തവ്യമന്യഥാ തു ന ജീവതി ॥ 18 ॥
ത്യജ ദുര്ജനസംസര്ഗം ഭജ സാധുസമാഗമമ് । കുരു പുണ്യമഹോരാത്രം സ്മര നിത്യമനിത്യതഃ ॥ 19 ॥
चाणक्य नीति - चतुर्दशोऽध्यायः के बारे में
This is the fourteenth chapter of the Chanakya Niti, maxims traditionally attributed to Chanakya (Kautilya). It opens: poverty, sorrow, sickness, bondage and misfortune are the fruits of the tree of one's own faults. Its second verse is well known: wealth, friends, a spouse and land can all be gained again, but this body cannot be had again and again. It closes with simple advice for daily life: give up the company of the wicked, keep the company of the good, do good deeds day and night, and always remember what is lasting and what is passing.
रचयिता: Traditionally attributed to Chanakya (Kautilya)
कब पढ़ें: In reading and study of practical wisdom (niti), and in talks on conduct.
क्या आप जानते हैं?
- Verse 2, "Punar vittam punar mitram", reminds us to value human life, which cannot be regained like wealth.
- The last verse, "Tyaja durjana samsargam", is often quoted as a summary of good conduct.
अक्सर पूछे जाने वाले प्रश्न
What can be regained, according to verse 2?
Wealth, friends, a spouse and land, but not this body.
What does the last verse advise?
Avoid the wicked, keep good company, do good, remember impermanence.
Who is it attributed to?
Traditionally to Chanakya.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ