MuhurtaNow

देवी माहात्म्यं दुर्गा सप्तशति सप्तमोऽध्यायः

Devi · पारंपरिक भक्ति पाठ

ಚಂಡಮುಂಡ ವಧೋ ನಾಮ ಸಪ್ತಮೋಧ್ಯಾಯಃ ॥

ಧ್ಯಾನಂ ಧ್ಯಾಯೇಂ ರತ್ನ ಪೀಠೇ ಶುಕಕಲ ಪಠಿತಂ ಶ್ರುಣ್ವತೀಂ ಶ್ಯಾಮಲಾಂಗೀಂ। ನ್ಯಸ್ತೈಕಾಂಘ್ರಿಂ ಸರೋಜೇ ಶಶಿ ಶಕಲ ಧರಾಂ ವಲ್ಲಕೀಂ ವಾದ ಯಂತೀಂ ಕಹಲಾರಾಬದ್ಧ ಮಾಲಾಂ ನಿಯಮಿತ ವಿಲಸಚ್ಚೋಲಿಕಾಂ ರಕ್ತ ವಸ್ತ್ರಾಂ। ಮಾತಂಗೀಂ ಶಂಖ ಪಾತ್ರಾಂ ಮಧುರ ಮಧುಮದಾಂ ಚಿತ್ರಕೋದ್ಭಾಸಿ ಭಾಲಾಂ।

ಋಷಿರುವಾಚ।

ಆಜ್ಞಪ್ತಾಸ್ತೇ ತತೋದೈತ್ಯಾ-ಶ್ಚಂಡಮುಂಡಪುರೋಗಮಾಃ। ಚತುರಂಗಬಲೋಪೇತಾ ಯಯುರಭ್ಯುದ್ಯತಾಯುಧಾಃ॥1॥

ದದೃಶುಸ್ತೇ ತತೋ ದೇವೀ-ಮೀಷದ್ಧಾಸಾಂ ವ್ಯವಸ್ಥಿತಾಂ। ಸಿಂಹಸ್ಯೋಪರಿ ಶೈಲೇಂದ್ರ-ಶೃಂಗೇ ಮಹತಿಕಾಂಚನೇ॥2॥

ತೇದೃಷ್ಟ್ವಾತಾಂಸಮಾದಾತು-ಮುದ್ಯಮಂಂಚಕ್ರುರುದ್ಯತಾಃ ಆಕೃಷ್ಟಚಾಪಾಸಿಧರಾ-ಸ್ತಥಾಽನ್ಯೇ ತತ್ಸಮೀಪಗಾಃ॥3॥

ತತಃ ಕೋಪಂ ಚಕಾರೋಚ್ಚೈ-ರಂಬಿಕಾ ತಾನರೀನ್ಪ್ರತಿ। ಕೋಪೇನ ಚಾಸ್ಯಾ ವದನಂ ಮಷೀವರ್ಣಮಭೂತ್ತದಾ॥4॥

ಭ್ರುಕುಟೀಕುಟಿಲಾತ್ತಸ್ಯಾ ಲಲಾಟಫಲಕಾದ್ದ್ರುತಂ। ಕಾಳೀ ಕರಾಳ ವದನಾ ವಿನಿಷ್ಕ್ರಾಂತಾಽಸಿಪಾಶಿನೀ ॥5॥

ವಿಚಿತ್ರಖಟ್ವಾಂಗಧರಾ ನರಮಾಲಾವಿಭೂಷಣಾ। ದ್ವೀಪಿಚರ್ಮಪರೀಧಾನಾ ಶುಷ್ಕಮಾಂಸಾಽತಿಭೈರವಾ॥6॥

ಅತಿವಿಸ್ತಾರವದನಾ ಜಿಹ್ವಾಲಲನಭೀಷಣಾ। ನಿಮಗ್ನಾರಕ್ತನಯನಾ ನಾದಾಪೂರಿತದಿಙ್ಮುಖಾ ॥6॥

ಸಾ ವೇಗೇನಾಽಭಿಪತಿತಾ ಘೂತಯಂತೀ ಮಹಾಸುರಾನ್। ಸೈನ್ಯೇ ತತ್ರ ಸುರಾರೀಣಾ-ಮಭಕ್ಷಯತ ತದ್ಬಲಂ ॥8॥

ಪಾರ್ಷ್ಣಿಗ್ರಾಹಾಂಕುಶಗ್ರಾಹಿ-ಯೋಧಘಂಟಾಸಮನ್ವಿತಾನ್। ಸಮಾದಾಯೈಕಹಸ್ತೇನ ಮುಖೇ ಚಿಕ್ಷೇಪ ವಾರಣಾನ್ ॥9॥

ತಥೈವ ಯೋಧಂ ತುರಗೈ ರಥಂ ಸಾರಥಿನಾ ಸಹ। ನಿಕ್ಷಿಪ್ಯ ವಕ್ತ್ರೇ ದಶನೈಶ್ಚರ್ವಯತ್ಯತಿಭೈರವಂ ॥10॥

ಏಕಂ ಜಗ್ರಾಹ ಕೇಶೇಷು ಗ್ರೀವಾಯಾಮಥ ಚಾಪರಂ। ಪಾದೇನಾಕ್ರಮ್ಯಚೈವಾನ್ಯಮುರಸಾನ್ಯಮಪೋಥಯತ್ ॥11॥

ತೈರ್ಮುಕ್ತಾನಿಚ ಶಸ್ತ್ರಾಣಿ ಮಹಾಸ್ತ್ರಾಣಿ ತಥಾಸುರೈಃ। ಮುಖೇನ ಜಗ್ರಾಹ ರುಷಾ ದಶನೈರ್ಮಥಿತಾನ್ಯಪಿ ॥12॥

ಬಲಿನಾಂ ತದ್ಬಲಂ ಸರ್ವಮಸುರಾಣಾಂ ದುರಾತ್ಮನಾಂ ಮಮರ್ದಾಭಕ್ಷಯಚ್ಚಾನ್ಯಾನನ್ಯಾಂಶ್ಚಾತಾಡಯತ್ತಥಾ ॥13॥

ಅಸಿನಾ ನಿಹತಾಃ ಕೇಚಿತ್ಕೇಚಿತ್ಖಟ್ವಾಂಗತಾಡಿತಾಃ। ಜಗ್ಮುರ್ವಿನಾಶಮಸುರಾ ದಂತಾಗ್ರಾಭಿಹತಾಸ್ತಥಾ ॥14॥

ಕ್ಷಣೇನ ತದ್ಭಲಂ ಸರ್ವ ಮಸುರಾಣಾಂ ನಿಪಾತಿತಂ। ದೃಷ್ಟ್ವಾ ಚಂಡೋಽಭಿದುದ್ರಾವ ತಾಂ ಕಾಳೀಮತಿಭೀಷಣಾಂ ॥15॥

ಶರವರ್ಷೈರ್ಮಹಾಭೀಮೈರ್ಭೀಮಾಕ್ಷೀಂ ತಾಂ ಮಹಾಸುರಃ। ಛಾದಯಾಮಾಸ ಚಕ್ರೈಶ್ಚ ಮುಂಡಃ ಕ್ಷಿಪ್ತೈಃ ಸಹಸ್ರಶಃ ॥16॥

ತಾನಿಚಕ್ರಾಣ್ಯನೇಕಾನಿ ವಿಶಮಾನಾನಿ ತನ್ಮುಖಂ। ಬಭುರ್ಯಥಾರ್ಕಬಿಂಬಾನಿ ಸುಬಹೂನಿ ಘನೋದರಂ ॥17॥

ತತೋ ಜಹಾಸಾತಿರುಷಾ ಭೀಮಂ ಭೈರವನಾದಿನೀ। ಕಾಳೀ ಕರಾಳವದನಾ ದುರ್ದರ್ಶಶನೋಜ್ಜ್ವಲಾ ॥18॥

ಉತ್ಥಾಯ ಚ ಮಹಾಸಿಂಹಂ ದೇವೀ ಚಂಡಮಧಾವತ। ಗೃಹೀತ್ವಾ ಚಾಸ್ಯ ಕೇಶೇಷು ಶಿರಸ್ತೇನಾಸಿನಾಚ್ಛಿನತ್ ॥19॥

ಅಥ ಮುಂಡೋಽಭ್ಯಧಾವತ್ತಾಂ ದೃಷ್ಟ್ವಾ ಚಂಡಂ ನಿಪಾತಿತಂ। ತಮಪ್ಯಪಾತ ಯದ್ಭಮೌ ಸಾ ಖಡ್ಗಾಭಿಹತಂರುಷಾ ॥20॥

ಹತಶೇಷಂ ತತಃ ಸೈನ್ಯಂ ದೃಷ್ಟ್ವಾ ಚಂಡಂ ನಿಪಾತಿತಂ। ಮುಂಡಂಚ ಸುಮಹಾವೀರ್ಯಂ ದಿಶೋ ಭೇಜೇ ಭಯಾತುರಂ ॥21॥

ಶಿರಶ್ಚಂಡಸ್ಯ ಕಾಳೀ ಚ ಗೃಹೀತ್ವಾ ಮುಂಡ ಮೇವ ಚ। ಪ್ರಾಹ ಪ್ರಚಂಡಾಟ್ಟಹಾಸಮಿಶ್ರಮಭ್ಯೇತ್ಯ ಚಂಡಿಕಾಂ ॥22॥

ಮಯಾ ತವಾ ತ್ರೋಪಹೃತೌ ಚಂಡಮುಂಡೌ ಮಹಾಪಶೂ। ಯುದ್ಧಯಜ್ಞೇ ಸ್ವಯಂ ಶುಂಭಂ ನಿಶುಂಭಂ ಚಹನಿಷ್ಯಸಿ ॥23॥

ಋಷಿರುವಾಚ॥

ತಾವಾನೀತೌ ತತೋ ದೃಷ್ಟ್ವಾ ಚಂಡ ಮುಂಡೌ ಮಹಾಸುರೌ। ಉವಾಚ ಕಾಳೀಂ ಕಳ್ಯಾಣೀ ಲಲಿತಂ ಚಂಡಿಕಾ ವಚಃ ॥24॥

ಯಸ್ಮಾಚ್ಚಂಡಂ ಚ ಮುಂಡಂ ಚ ಗೃಹೀತ್ವಾ ತ್ವಮುಪಾಗತಾ। ಚಾಮುಂಡೇತಿ ತತೋ ಲೊಕೇ ಖ್ಯಾತಾ ದೇವೀ ಭವಿಷ್ಯಸಿ ॥25॥

॥ ಜಯ ಜಯ ಶ್ರೀ ಮಾರ್ಕಂಡೇಯ ಪುರಾಣೇ ಸಾವರ್ನಿಕೇ ಮನ್ವಂತರೇ ದೇವಿ ಮಹತ್ಮ್ಯೇ ಚಂಡಮುಂಡ ವಧೋ ನಾಮ ಸಪ್ತಮೋಧ್ಯಾಯ ಸಮಾಪ್ತಮ್ ॥

ಆಹುತಿ ಓಂ ಕ್ಲೀಂ ಜಯಂತೀ ಸಾಂಗಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ಕಾಳೀ ಚಾಮುಂಡಾ ದೇವ್ಯೈ ಕರ್ಪೂರ ಬೀಜಾಧಿಷ್ಠಾಯೈ ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥

देवी माहात्म्यं दुर्गा सप्तशति सप्तमोऽध्यायः के बारे में

The seventh chapter of the Devi Mahatmyam tells of the slaying of Chanda and Munda. When the two demon generals approach the Devi, the fierce goddess Kali springs from her furrowed brow, destroys their army and brings their heads to her. The Devi then gives her the name Chamunda. The chapter opens with a meditation on Matangi, holding a veena and listening to a parrot.

स्रोत: Markandeya Purana, Devi Mahatmyam, Chapter 7

कब पढ़ें: During Navaratri as part of the Chandi Path, and in worship of Kali and Chamunda.

क्या आप जानते हैं?

  • Its last verse gives the origin of the name Chamunda: the Devi who seized Chanda and Munda.
  • Chamundeshwari on Chamundi Hills in Mysuru is the guardian goddess of the Mysuru Dasara festival.
  • The meditation verse describes the Devi as Matangi, dark-hued, playing the veena on a jewelled seat.

अक्सर पूछे जाने वाले प्रश्न

Who are Chanda and Munda?

Two demon generals of Shumbha and Nishumbha, sent to capture the Devi.

How did Chamunda get her name?

Because she brought the heads of Chanda and Munda to the Devi, who named her Chamunda.

When is it recited?

In the Chandi Path during Navaratri, and in Kali and Chamunda worship.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।