कल्याणवृष्टि स्तवः
Devi · पारंपरिक भक्ति पाठ
കല്യാണവൃഷ്ടിഭിരിവാമൃതപൂരിതാഭി- -ര്ലക്ഷ്മീസ്വയംവരണമംഗലദീപികാഭിഃ । സേവാഭിരംബ തവ പാദസരോജമൂലേ നാകാരി കിം മനസി ഭാഗ്യവതാം ജനാനാമ് ॥ 1 ॥
ഏതാവദേവ ജനനി സ്പൃഹണീയമാസ്തേ ത്വദ്വംദനേഷു സലിലസ്ഥഗിതേ ച നേത്രേ । സാംനിധ്യമുദ്യദരുണായുതസോദരസ്യ ത്വദ്വിഗ്രഹസ്യ പരയാ സുധയാപ്ലുതസ്യ ॥ 2 ॥
ഈശത്വനാമകലുഷാഃ കതി വാ ന സംതി ബ്രഹ്മാദയഃ പ്രതിഭവം പ്രലയാഭിഭൂതാഃ । ഏകഃ സ ഏവ ജനനി സ്ഥിരസിദ്ധിരാസ്തേ യഃ പാദയോസ്തവ സകൃത്പ്രണതിം കരോതി ॥ 3 ॥
ലബ്ധ്വാ സകൃത്ത്രിപുരസുംദരി താവകീനം കാരുണ്യകംദലിതകാംതിഭരം കടാക്ഷമ് । കംദര്പകോടിസുഭഗാസ്ത്വയി ഭക്തിഭാജഃ സംമോഹയംതി തരുണീര്ഭുവനത്രയേഽപി ॥ 4 ॥
ഹ്രീംകാരമേവ തവ നാമ ഗൃണംതി വേദാ മാതസ്ത്രികോണനിലയേ ത്രിപുരേ ത്രിനേത്രേ । ത്വത്സംസ്മൃതൌ യമഭടാഭിഭവം വിഹായ ദീവ്യംതി നംദനവനേ സഹ ലോകപാലൈഃ ॥ 5 ॥
ഹംതുഃ പുരാമധിഗലം പരിപീയമാനഃ ക്രൂരഃ കഥം ന ഭവിതാ ഗരലസ്യ വേഗഃ । നാശ്വാസനായ യദി മാതരിദം തവാര്ഥം ദേഹസ്യ ശശ്വദമൃതാപ്ലുതശീതലസ്യ ॥ 6 ॥
സർവജ്ഞതാം സദസി വാക്പടുതാം പ്രസൂതേ ദേവി ത്വദംഘ്രിസരസീരുഹയോഃ പ്രണാമഃ । കിം ച സ്ഫുരന്മകുടമുജ്ജ്വലമാതപത്രം ദ്വേ ചാമരേ ച മഹതീം വസുധാം ദദാതി ॥ 7 ॥
കല്പദ്രുമൈരഭിമതപ്രതിപാദനേഷു കാരുണ്യവാരിധിഭിരംബ ഭവാത്കടാക്ഷൈഃ । ആലോകയ ത്രിപുരസുംദരി മാമനാഥം ത്വയ്യേവ ഭക്തിഭരിതം ത്വയി ബദ്ധതൃഷ്ണമ് ॥ 8 ॥
ഹംതേതരേഷ്വപി മനാംസി നിധായ ചാന്യേ ഭക്തിം വഹംതി കില പാമരദൈവതേഷു । ത്വാമേവ ദേവി മനസാ സമനുസ്മരാമി ത്വാമേവ നൌമി ശരണം ജനനി ത്വമേവ ॥ 9 ॥
ലക്ഷ്യേഷു സത്സ്വപി കടാക്ഷനിരീക്ഷണാനാ- -മാലോകയ ത്രിപുരസുംദരി മാം കദാചിത് । നൂനം മയാ തു സദൃശഃ കരുണൈകപാത്രം ജാതോ ജനിഷ്യതി ജനോ ന ച ജായതേ വാ ॥ 10 ॥
ഹ്രീം ഹ്രീമിതി പ്രതിദിനം ജപതാം തവാഖ്യാം കിം നാമ ദുര്ലഭമിഹ ത്രിപുരാധിവാസേ । മാലാകിരീടമദവാരണമാനനീയാ താന്സേവതേ വസുമതീ സ്വയമേവ ലക്ഷ്മീഃ ॥ 11 ॥
സംപത്കരാണി സകലേംദ്രിയനംദനാനി സാമ്രാജ്യദാനനിരതാനി സരോരുഹാക്ഷി । ത്വദ്വംദനാനി ദുരിതാഹരണോദ്യതാനി മാമേവ മാതരനിശം കലയംതു നാന്യമ് ॥ 12 ॥
കല്പോപസംഹൃതിഷു കല്പിതതാംഡവസ്യ ദേവസ്യ ഖംഡപരശോഃ പരഭൈരവസ്യ । പാശാംകുശൈക്ഷവശരാസനപുഷ്പബാണാ സാ സാക്ഷിണീ വിജയതേ തവ മൂര്തിരേകാ ॥ 13 ॥
ലഗ്നം സദാ ഭവതു മാതരിദം തവാര്ധം തേജഃ പരം ബഹുലകുംകുമപംകശോണമ് । ഭാസ്വത്കിരീടമമൃതാംശുകലാവതംസം മധ്യേ ത്രികോണനിലയം പരമാമൃതാര്ദ്രമ് ॥ 14 ॥
ഹ്രീംകാരമേവ തവ നാമ തദേവ രൂപം ത്വന്നാമ ദുര്ലഭമിഹ ത്രിപുരേ ഗൃണംതി । ത്വത്തേജസാ പരിണതം വിയദാദിഭൂതം സൌഖ്യം തനോതി സരസീരുഹസംഭവാദേഃ ॥ 15 ॥
ഹ്രീംകാരത്രയസംപുടേന മഹതാ മംത്രേണ സംദീപിതം സ്തോത്രം യഃ പ്രതിവാസരം തവ പുരോ മാതര്ജപേന്മംത്രവിത് । തസ്യ ക്ഷോണിഭുജോ ഭവംതി വശഗാ ലക്ഷ്മീശ്ചിരസ്ഥായിനീ വാണീ നിര്മലസൂക്തിഭാരഭാരിതാ ജാഗര്തി ദീര്ഘം വയഃ ॥ 16 ॥
ഇതി ശ്രീമത്പരമഹംസപരിവ്രാജകാചാര്യസ്യ ശ്രീഗോവിംദഭഗവത്പൂജ്യപാദശിഷ്യസ്യ ശ്രീമച്ഛംകരഭഗവതഃ കൃതൌ കല്യാണവൃഷ്ടി സ്തവഃ ।
कल्याणवृष्टि स्तवः के बारे में
The Kalyana Vrishti Stava, "the hymn of showers of auspiciousness", is a hymn to the Divine Mother as Lakshmi and Lalita. It begins: O Mother, what fortune does a person not gain in his heart by service at your lotus feet, service that is like showers of auspiciousness filled with nectar, like the auspicious lamps at the wedding of Lakshmi? The poet then says all he desires is eyes wet with tears as he bows to her, and her presence in his heart.
रचयिता: Adi Shankaracharya, as its colophon states
कब पढ़ें: On Fridays, during Navaratri, and in Devi worship.
क्या आप जानते हैं?
- Its colophon names Shankara, disciple of Govinda Bhagavatpada, as its author.
- It is a short hymn of about sixteen verses, much loved in Sri Vidya worship.
अक्सर पूछे जाने वाले प्रश्न
What does "Kalyana Vrishti" mean?
"A shower of auspiciousness".
Whom does it praise?
The Divine Mother, as Lakshmi and Lalita.
Who wrote it?
Adi Shankaracharya, as its colophon states.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ