MuhurtaNow

महा सरस्वती स्तवम्

Devi · पारंपरिक भक्ति पाठ

അശ്വതര ഉവാച

ജഗദ്ധാത്രീമഹം ദേവീമാരിരാധയിഷുഃ ശുഭാമ് । സ്തോഷ്യേ പ്രണമ്യ ശിരസാ ബ്രഹ്മയോനിം സരസ്വതീമ് ॥ 1

സദസദ്ദേവി യത്കിംചിന്മോക്ഷവച്ചാര്ഥവത്പദമ് । തത്സർവം ത്വയ്യസംയോഗം യോഗവദ്ദേവി സംസ്ഥിതമ് ॥ 2 ॥

ത്വമക്ഷരം പരം ദേവി യത്ര സർവം പ്രതിഷ്ഠിതമ് । അക്ഷരം പരമം ദേവി സംസ്ഥിതം പരമാണുവത് ॥ 3 ॥

അക്ഷരം പരമം ബ്രഹ്മ വിശ്വംചൈതത്ക്ഷരാത്മകമ് । ദാരുണ്യവസ്ഥിതോ വഹ്നിര്ഭൌമാശ്ച പരമാണവഃ ॥ 4 ॥

തഥാ ത്വയി സ്ഥിതം ബ്രഹ്മ ജഗച്ചേദമശേഷതഃ । ഓംകാരാക്ഷരസംസ്ഥാനം യത്തു ദേവി സ്ഥിരാസ്ഥിരമ് ॥ 5 ॥

തത്ര മാത്രാത്രയം സർവമസ്തി യദ്ദേവി നാസ്തി ച । ത്രയോ ലോകാസ്ത്രയോ വേദാസ്ത്രൈവിദ്യം പാവകത്രയമ് ॥ 6 ॥

ത്രീണി ജ്യോതീംഷി വര്ണാശ്ച ത്രയോ ധര്മാഗമാസ്തഥാ । ത്രയോ ഗുണാസ്ത്രയഃ ശബ്ദസ്ത്രയോ വേദാസ്തഥാശ്രമാഃ ॥ 7 ॥

ത്രയഃ കാലാസ്തഥാവസ്ഥാഃ പിതരോഽഹര്നിശാദയഃ । ഏതന്മാത്രാത്രയം ദേവി തവ രൂപം സരസ്വതി ॥ 8 ॥

വിഭിന്നദര്ശിനാമാദ്യാ ബ്രഹ്മണോ ഹി സനാതനാഃ । സോമസംസ്ഥാ ഹവിഃ സംസ്ഥാഃ പാകസംസ്ഥാശ്ച സപ്ത യാഃ ॥ 9 ॥

താസ്ത്വദുച്ചാരണാദ്ദേവി ക്രിയംതേ ബ്രഹ്മവാദിഭിഃ । അനിര്ദേശ്യം തഥാ ചാന്യദര്ധമാത്രാന്വിതം പരമ് ॥ 10 ॥

അവികാര്യക്ഷയം ദിവ്യം പരിണാമവിവര്ജിതമ് । തവൈതത്പരമം രൂപം യന്ന ശക്യം മയോദിതുമ് ॥ 11 ॥

ന ചാസ്യേന ച തജ്ജിഹ്വാ താമ്രോഷ്ഠാദിഭിരുച്യതേ । ഇംദ്രോഽപി വസവോ ബ്രഹ്മാ ചംദ്രാര്കൌ ജ്യോതിരേവ ച ॥ 12 ॥

വിശ്വാവാസം വിശ്വരൂപം വിശ്വേശം പരമേശ്വരമ് । സാംഖ്യവേദാംതവാദോക്തം ബഹുശാഖാസ്ഥിരീകൃതമ് ॥ 13 ॥

അനാദിമധ്യനിധനം സദസന്ന സദേവ യത് । ഏകംത്വനേകം നാപ്യേകം ഭവഭേദസമാശ്രിതമ് ॥ 14 ॥

അനാഖ്യം ഷഡ്ഗുണാഖ്യംച വര്ഗാഖ്യം ത്രിഗുണാശ്രയമ് । നാനാശക്തിമതാമേകം ശക്തിവൈഭവികം പരമ് ॥ 15 ॥

സുഖാസുഖം മഹാസൌഖ്യരൂപം ത്വയി വിഭാവ്യതേ । ഏവം ദേവി ത്വയാ വ്യാപ്തം സകലം നിഷ്കലംച യത് । അദ്വൈതാവസ്ഥിതം ബ്രഹ്മ യച്ച ദ്വൈതേ വ്യവസ്ഥിതമ് ॥ 16 ॥

യേഽര്ഥാ നിത്യാ യേ വിനശ്യംതി ചാന്യേ യേ വാ സ്ഥൂലാ യേ ച സൂക്ഷ്മാതിസൂക്ഷ്മാഃ । യേ വാ ഭൂമൌ യേഽംതരീക്ഷേഽന്യതോ വാ തേഷാം തേഷാം ത്വത്ത ഏവോപലബ്ധിഃ ॥ 17 ॥

യച്ചാമൂര്തം യച്ച മൂര്തം സമസ്തം യദ്വാ ഭൂതേഷ്വേകമേകംച കിംചിത് । യദ്ദിവ്യസ്തി ക്ഷ്മാതലേ ഖേഽന്യതോ വാ ത്വത്സംബംധം ത്വത്സ്വരൈർവ്യംജനൈശ്ച ॥ 18 ॥

ഇതി ശ്രീമാര്കംഡേയപുരാണേ ത്രയോവിംശോഽധ്യായേ അശ്വതര പ്രോക്ത മഹാസരസ്വതീ സ്തവമ് ।

महा सरस्वती स्तवम् के बारे में

The Maha Saraswati Stava is the hymn of the naga king Ashvatara to Goddess Saraswati, from the Markandeya Purana. It begins: wishing to worship the auspicious goddess who upholds the world, I bow my head and praise Saraswati, the womb of Brahman. Ashvatara praises her as the one in whom all that is and is not, every word that leads to liberation and every word with meaning, rests united, and asks her blessing.

स्रोत: Markandeya Purana, chapter 23, as its colophon states

कब पढ़ें: On Vasant Panchami and Saraswati Puja, before study and the learning of music, and on Thursdays.

क्या आप जानते हैं?

  • Its colophon places it in the twenty-third chapter of the Markandeya Purana, spoken by Ashvatara.
  • In the purana, Saraswati, pleased with Ashvatara's penance, grants him and his brother mastery of music and the seven notes.

अक्सर पूछे जाने वाले प्रश्न

Who sang this hymn?

Ashvatara, a king of the nagas.

Where is it from?

The Markandeya Purana, chapter 23.

What boon did Saraswati grant him?

Mastery of music, by the story in the purana.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।