नारायणीयं दशक 91 - भक्तिमहत्त्वम्
Vishnu · पारंपरिक भक्ति पाठ
శ్రీకృష్ణ త్వత్పదోపాసనమభయతమం బద్ధమిథ్యార్థదృష్టే- ర్మర్త్యస్యార్తస్య మన్యే వ్యపసరతి భయం యేన సర్వాత్మనైవ । యత్తావత్ త్వత్ప్రణీతానిహ భజనవిధీనాస్థితో మోహమార్గే ధావన్నప్యావృతాక్షః స్ఖలతి న కుహచిద్దేవదేవాఖిలాత్మన్ ॥1॥
భూమన్ కాయేన వాచా ముహురపి మనసా త్వద్బలప్రేరితాత్మా యద్యత్ కుర్వే సమస్తం తదిహ పరతరే త్వయ్యసావర్పయామి । జాత్యాపీహ శ్వపాకస్త్వయి నిహితమనఃకర్మవాగింద్రియార్థ- ప్రాణో విశ్వం పునీతే న తు విముఖమనాస్త్వత్పదాద్విప్రవర్యః ॥2॥
భీతిర్నామ ద్వితీయాద్భవతి నను మనఃకల్పితం చ ద్వితీయం తేనైక్యాభ్యాసశీలో హృదయమిహ యథాశక్తి బుద్ధ్యా నిరుంధ్యామ్ । మాయావిద్ధే తు తస్మిన్ పునరపి న తథా భాతి మాయాధినాథం తం త్వాం భక్త్యా మహత్యా సతతమనుభజనీశ భీతిం విజహ్యామ్ ॥3॥
భక్తేరుత్పత్తివృద్ధీ తవ చరణజుషాం సంగమేనైవ పుంసా- మాసాద్యే పుణ్యభాజాం శ్రియ ఇవ జగతి శ్రీమతాం సంగమేన । తత్సంగో దేవ భూయాన్మమ ఖలు సతతం తన్ముఖాదున్మిషద్భి- స్త్వన్మాహాత్మ్యప్రకారైర్భవతి చ సుదృఢా భక్తిరుద్ధూతపాపా ॥4॥
శ్రేయోమార్గేషు భక్తావధికబహుమతిర్జన్మకర్మాణి భూయో గాయన్ క్షేమాణి నామాన్యపి తదుభయతః ప్రద్రుతం ప్రద్రుతాత్మా । ఉద్యద్ధాసః కదాచిత్ కుహచిదపి రుదన్ క్వాపి గర్జన్ ప్రగాయ- న్నున్మాదీవ ప్రనృత్యన్నయి కురు కరుణాం లోకబాహ్యశ్చరేయమ్ ॥5॥
భూతాన్యేతాని భూతాత్మకమపి సకలం పక్షిమత్స్యాన్ మృగాదీన్ మర్త్యాన్ మిత్రాణి శత్రూనపి యమితమతిస్త్వన్మయాన్యానమాని । త్వత్సేవాయాం హి సిద్ధ్యేన్మమ తవ కృపయా భక్తిదార్ఢ్యం విరాగ- స్త్వత్తత్త్వస్యావబోధోఽపి చ భువనపతే యత్నభేదం వినైవ ॥6॥
నో ముహ్యన్ క్షుత్తృడాద్యైర్భవసరణిభవైస్త్వన్నిలీనాశయత్వా- చ్చింతాసాతత్యశాలీ నిమిషలవమపి త్వత్పదాదప్రకంపః । ఇష్టానిష్టేషు తుష్టివ్యసనవిరహితో మాయికత్వావబోధా- జ్జ్యోత్స్నాభిస్త్వన్నఖేందోరధికశిశిరితేనాత్మనా సంచరేయమ్ ॥7॥
భూతేష్వేషు త్వదైక్యస్మృతిసమధిగతౌ నాధికారోఽధునా చే- త్త్వత్ప్రేమ త్వత్కమైత్రీ జడమతిషు కృపా ద్విట్సు భూయాదుపేక్షా । అర్చాయాం వా సమర్చాకుతుకమురుతరశ్రద్ధయా వర్ధతాం మే త్వత్సంసేవీ తథాపి ద్రుతముపలభతే భక్తలోకోత్తమత్వమ్ ॥8॥
ఆవృత్య త్వత్స్వరూపం క్షితిజలమరుదాద్యాత్మనా విక్షిపంతీ జీవాన్ భూయిష్ఠకర్మావలివివశగతీన్ దుఃఖజాలే క్షిపంతీ । త్వన్మాయా మాభిభూన్మామయి భువనపతే కల్పతే తత్ప్రశాంత్యై త్వత్పాదే భక్తిరేవేత్యవదదయి విభో సిద్ధయోగీ ప్రబుద్ధః ॥9॥
దుఃఖాన్యాలోక్య జంతుష్వలముదితవివేకోఽహమాచార్యవర్యా- ల్లబ్ధ్వా త్వద్రూపతత్త్వం గుణచరితకథాద్యుద్భవద్భక్తిభూమా । మాయామేనాం తరిత్వా పరమసుఖమయే త్వత్పదే మోదితాహే తస్యాయం పూర్వరంగః పవనపురపతే నాశయాశేషరోగాన్ ॥10॥
नारायणीयं दशक 91 - भक्तिमहत्त्वम् के बारे में
The ninety-first dashaka of the Narayaneeyam is on the path of devotion (bhakti marga), drawn from the eleventh book of the Bhagavatam. Bhattathiri says that worship of Krishna's feet is the most fearless path: one who follows the ways of worship the Lord has taught never stumbles, even running with eyes closed. Whatever one does with body, speech and mind should be offered to the Lord; a devotee of low birth whose mind and life are given to him purifies the world, unlike a learned man who turns away. Fear comes from seeing a "second"; and the poet prays to cross maya through devotion and reach the Lord's blissful feet.
रचयिता: Melpathur Narayana Bhattathiri (1560 to 1646)
कब पढ़ें: In daily Narayaneeyam parayana and at Guruvayur.
क्या आप जानते हैं?
- Verse 2 echoes the famous Bhagavatam verse "kayena vacha manasendriyair va", offering all actions to Narayana.
- The image of running with closed eyes and never stumbling comes from the sage Kavi's teaching in the Bhagavatam, book 11.
अक्सर पूछे जाने वाले प्रश्न
What is this dashaka about?
The path of devotion, offering everything to the Lord.
Why is the path of bhakti called fearless?
Because one who follows it never stumbles.
Who wrote the Narayaneeyam?
Melpathur Narayana Bhattathiri, in 1586.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ