MuhurtaNow

शिव पादादि केशांत वर्णन स्तोत्रं

Shiva · पारंपरिक भक्ति पाठ

কল্য়াণং নো বিধত্তাং কটকতটলসত্কল্পবাটীনিকুংজ- -ক্রীডাসংসক্তবিদ্য়াধরনিকরবধূগীতরুদ্রাপদানঃ । তারৈর্হেরংবনাদৈস্তরলিতনিনদত্তারকারাতিকেকী কৈলাসঃ শর্বনির্বৃত্যভিজনকপদঃ সর্বদা পর্বতেংদ্রঃ ॥ 1 ॥

যস্য় প্রাহুঃ স্বরূপং সকলদিবিষদাং সারসর্বস্বয়োগং যস্য়েষুঃ শার্‍ংগধন্বা সমজনি জগতাং রক্ষণে জাগরূকঃ । মৌর্বী দর্বীকরাণামপি চ পরিবৃঢঃ পূস্ত্রয়ী সা চ লক্ষ্য়ং সোঽব্য়াদব্য়াজমস্মানশিবভিদনিশং নাকিনাং শ্রীপিনাকঃ ॥ 2 ॥

আতংকাবেগহারী সকলদিবিষদামংঘ্রিপদ্মাশ্রয়াণাং মাতংগাদ্য়ুগ্রদৈত্যপ্রকরতনুগলদ্রক্তধারাক্তধারঃ । ক্রূরঃ সূরায়ুতানামপি চ পরিভবং স্বীযভাসা বিতন্ব- -ন্ঘোরাকারঃ কুঠারো দৃঢতরদুরিতাখ্য়াটবীং পাটয়েন্নঃ ॥ 3 ॥

কালারাতেঃ করাগ্রে কৃতবসতিরুরঃশাণশাতো রিপূণাং কালে কালে কুলাদ্রিপ্রবরতনযয়া কল্পিতস্নেহলেপঃ । পায়ান্নঃ পাবকার্চিঃপ্রসরসখমুখঃ পাপহংতা নিতাংতং শূলঃ শ্রীপাদসেবাভজনরসজুষাং পালনৈকাংতশীলঃ ॥ 4 ॥

দেবস্য়াংকাশ্রয়ায়াঃ কুলগিরিদুহিতুর্নেত্রকোণপ্রচার- -প্রস্তারানত্য়ুদারান্পিপঠিষুরিব যো নিত্যমত্য়াদরেণ । আধত্তে ভংগিতুংগৈরনিশমবযবৈরংতরংগং সমোদং সোমাপীডস্য় সোঽয়ং প্রদিশতু কুশলং পাণিরংগঃ কুরংগঃ ॥ 5 ॥

কংঠপ্রাংতাবসজ্জত্কনকমযমহাঘংটিকাঘোরঘোষৈঃ কংঠারাবৈরকুংঠৈরপি ভরিতজগচ্চক্রবালাংতরালঃ । চংডঃ প্রোদ্দংডশৃংগঃ ককুদকবলিতোত্তুংগকৈলাসশৃংগঃ কংঠেকালস্য় বাহঃ শমযতু শমলং শাশ্বতঃ শাক্বরেংদ্রঃ ॥ 6 ॥

নির্যদ্দানাংবুধারাপরিমলতরলীভূতরোলংবপালী- -ঝংকারৈঃ শংকরাদ্রেঃ শিখরশতদরীঃ পূরযন্ভূরিঘোষৈঃ । শার্বঃ সৌবর্ণশৈলপ্রতিমপৃথুবপুঃ সর্ববিঘ্নাপহর্তা শর্বাণ্য়াঃ পূর্বসূনুঃ স ভবতু ভবতাং স্বস্তিদো হস্তিবক্ত্রঃ ॥ 7 ॥

যঃ পুণ্য়ৈর্দেবতানাং সমজনি শিবয়োঃ শ্লাঘ্যবীর্য়ৈকমত্য়া- -দ্যন্নাম্নি শ্রূযমাণে দিতিজভটঘটা ভীতিভারং ভজংতে । ভূয়াত্সোঽয়ং বিভূত্য়ৈ নিশিতশরশিখাপাটিতক্রৌংচশৈলঃ সংসারাগাধকূপোদরপতিতসমুত্তারকস্তারকারিঃ ॥ 8 ॥

আরূঢঃ প্রৌঢবেগপ্রবিজিতপবনং তুংগতুংগং তুরংগং চেলং নীলং বসানঃ করতলবিলসত্কাংডকোদংডদংডঃ । রাগদ্বেষাদিনানাবিধমৃগপটলীভীতিকৃদ্ভূতভর্তা কুর্বন্নাখেটলীলাং পরিলসতু মনঃকাননে মামকীনে ॥ 9 ॥

অংভোজাভ্য়াং চ রংভারথচরণলতাদ্বংদ্বকুংভীংদ্রকুংভৈ- -র্বিংবেনেংদোশ্চ কংবোরুপরি বিলসতা বিদ্রুমেণোত্পলাভ্য়াম্ । অংভোদেনাপি সংভাবিতমুপজনিতাডংবরং শংবরারেঃ শংভোঃ সংভোগয়োগ্য়ং কিমপি ধনমিদং সংভবেত্সংপদে নঃ ॥ 10 ॥

বেণীসৌভাগ্যবিস্মাপিততপনসুতাচারুবেণীবিলাসা- -ন্বাণীনির্ধূতবাণীকরতলবিধৃতোদারবীণাবিরাবান্ । এণীনেত্রাংতভংগীনিরসননিপুণাপাংগকোণানুপাসে শোণান্প্রাণানুদূঢপ্রতিনবসুষমাকংদলানিংদুমৌলেঃ ॥ 11 ॥

নৃত্তারংভেষু হস্তাহতমুরজধিমিদ্ধিংকৃতৈরত্য়ুদারৈ- -শ্চিত্তানংদং বিধত্তে সদসি ভগবতঃ সংততং যঃ স নংদী । চংডীশাদ্য়াস্তথান্য়ে চতুরগুণগণপ্রীণিতস্বামিসত্কা- -রোত্কর্ষোদ্যত্প্রসাদাঃ প্রমথপরিবৃঢাঃ পাংতু সংতোষিণো নঃ ॥ 12 ॥

মুক্তামাণিক্যজালৈঃ পরিকলিতমহাসালমালোকনীয়ং প্রত্য়ুপ্তানর্ঘরত্নৈর্দিশি দিশি ভবনৈঃ কল্পিতৈর্দিক্পতীনাম্ । উদ্য়ানৈরদ্রিকন্য়াপরিজনবনিতামাননীয়ৈঃ পরীতং হৃদ্য়ং হৃদ্যস্তু নিত্য়ং মম ভুবনপতের্ধাম সোমার্ধমৌলেঃ ॥ 13 ॥

স্তংভৈর্জংভারিরত্নপ্রবরবিরচিতৈঃ সংভৃতোপাংতভাগং শুংভত্সোপানমার্গং শুচিমণিনিচয়ৈর্গুংভিতানল্পশিল্পম্ । কুংভৈঃ সংপূর্ণশোভং শিরসি সুঘটিতৈঃ শাতকুংভৈরপংকৈঃ শংভোঃ সংভাবনীয়ং সকলমুনিজনৈঃ স্বস্তিদং স্য়াত্সদো নঃ ॥ 14 ॥

ন্যস্তো মধ্য়ে সভায়াঃ পরিসরবিলসত্পাদপীঠাভিরামো হৃদ্য়ঃ পাদৈশ্চতুর্ভিঃ কনকমণিময়ৈরুচ্চকৈরুজ্জ্বলাত্মা ॥ বাসোরত্নেন কেনাপ্যধিকমৃদুতরেণাস্তৃতো বিস্তৃতশ্রীঃ পীঠঃ পীডাভরং নঃ শমযতু শিবয়োঃ স্বৈরসংবাসয়োগ্য়ঃ ॥ 15 ॥

আসীনস্য়াধিপীঠং ত্রিজগদধিপতেরংঘ্রিপীঠানুষক্তৌ পাথোজাভোগভাজৌ পরিমৃদুলতলোল্লাসিপদ্মাদিরেখৌ । পাতাং পাদাবুভৌ তৌ নমদমরকিরীটোল্লসচ্চারুহীর- -শ্রেণীশোণাযমানোন্নতনখদশকোদ্ভাসমানৌ সমানৌ ॥ 16 ॥

যন্নাদো বেদবাচাং নিগদতি নিখিলং লক্ষণং পক্ষিকেতু- -র্লক্ষ্মীসংভোগসৌখ্য়ং বিরচযতি যয়োশ্চাপরে রূপভেদে । শংভোঃ সংভাবনীয়ে পদকমলসমাসংগতস্তুংগশোভে মাংগল্য়ং নঃ সমগ্রং সকলসুখকরে নূপুরে পূরয়েতাম্ ॥ 17 ॥

অংগে শৃংগারয়োনেঃ সপদি শলভতাং নেত্রবহ্নৌ প্রয়াতে শত্রোরুদ্ধৃত্য় তস্মাদিষুধিয়ুগমধো ন্যস্তমগ্রে কিমেতত্ । শংকামিত্থং নতানামমরপরিষদামংতরংকূরযত্ত- -ত্সংঘাতং চারু জংঘায়ুগমখিলপতেরংহসাং সংহরেন্নঃ ॥ 18 ॥

জানুদ্বংদ্বেন মীনধ্বজনৃবরসমুদ্রোপমানেন সাকং রাজংতৌ রাজরংভাকরিকরকনকস্তংভসংভাবনীয়ৌ । ঊরূ গৌরীকরাংভোরুহসরসসমামর্দনানংদভাজৌ চারূ দূরীক্রিয়াস্তাং দুরিতমুপচিতং জন্মজন্মাংতরে নঃ ॥ 19 ॥

আমুক্তানর্ঘরত্নপ্রকরকরপরিষ্বক্তকল্য়াণকাংচী- -দাম্না বদ্দেন দুগ্ধদ্য়ুতিনিচযমুষা চীনপট্টাংবরেণ । সংবীতে শৈলকন্য়াসুচরিতপরিপাকাযমাণে নিতংবে নিত্য়ং নর্নর্তু চিত্তং মম নিখিলজগত্স্বামিনঃ সোমমৌলেঃ ॥ 20 ॥

সংধ্য়াকালানুরজ্যদ্দিনকরসরুচা কালধৌতেন গাঢং ব্য়ানদ্ধঃ স্নিগ্ধমুগ্ধঃ সরসমুদরবংধেন বীতোপমেন । উদ্দীপ্তৈঃ স্বপ্রকাশৈরুপচিতমহিমা মন্মথারেরুদারো মধ্য়ো মিথ্য়ার্থসধ্র্যঙ্মম দিশতু সদা সংগতিং মংগলানাম্ ॥ 21 ॥

নাভীচক্রালবালান্নবনবসুষমাদোহদশ্রীপরীতা- -দুদ্গচ্ছংতী পুরস্তাদুদরপথমতিক্রম্য় বক্ষঃ প্রয়াংতি । শ্য়ামা কামাগমার্থপ্রকথনলিপিবদ্ভাসতে যা নিকামং সা মা সোমার্ধমৌলেঃ সুখযতু সততং রোমবল্লীমতল্লী ॥ 22 ॥

আশ্লেষেষ্বদ্রিজায়াঃ কঠিনকুচতটীলিপ্তকাশ্মীরপংক- -ব্য়াসংগাদুদ্যদর্কদ্য়ুতিভিরুপচিতস্পর্ধমুদ্দামহৃদ্যম্ । দক্ষারাতেরুদূঢপ্রতিনবমণিমালাবলীভাসমানং বক্ষো বিক্ষোভিতাঘং সততনতিজুষাং রক্ষতাদক্ষতং নঃ ॥ 23 ॥

বামাংকে বিস্ফুরংত্য়াঃ করতলবিলসচ্চারুরক্তোত্পলায়াঃ কাংতায়া বামবক্ষোরুহভরশিখরোন্মর্দনব্যগ্রমেকম্ । অন্য়াংস্ত্রীনপ্য়ুদারান্বরপরশুমৃগালংকৃতানিংদুমৌলে- -র্বাহূনাবদ্ধহেমাংগদমণিকটকানংতরালোকয়ামঃ ॥ 24 ॥

সংভ্রাংতায়াঃ শিবায়াঃ পতিবিলযভিয়া সর্বলোকোপতাপা- -ত্সংবিগ্নস্য়াপি বিষ্ণোঃ সরভসমুভয়োর্বারণপ্রেরণাভ্য়াম্ । মধ্য়ে ত্রৈশংকবীয়ামনুভবতি দশাং যত্র হালাহলোষ্মা সোঽয়ং সর্বাপদাং নঃ শমযতু নিচয়ং নীলকংঠস্য় কংঠঃ ॥ 25 ॥

হৃদ্য়ৈরদ্রীংদ্রকন্য়ামৃদুদশনপদৈর্মুদ্রিতো বিদ্রুমশ্রী- -রুদ্দ্য়োতংত্য়া নিতাংতং ধবলধবলয়া মিশ্রিতো দংতকাংত্য়া । মুক্তামাণিক্যজালব্যতিকরসদৃশা তেজসা ভাসমানঃ সদ্য়োজাতস্য় দদ্য়াদধরমণিরসৌ সংপদাং সংচয়ং নঃ ॥ 26 ॥

কর্ণালংকারনানামণিনিকররুচাং সংচয়ৈরংচিতায়াং বর্ণ্য়ায়াং স্বর্ণপদ্মোদরপরিবিলসত্কর্ণিকাসংনিভায়াম্ । পদ্ধত্য়াং প্রাণবায়োঃ প্রণতজনহৃদংভোজবাসস্য় শংভো- -র্নিত্য়ং নশ্চিত্তমেতদ্বিরচযতু সুখেনাসিকাং নাসিকায়াম্ ॥ 27 ॥

অত্য়ংতং ভাসমানে রুচিরতররুচাং সংগমাত্সন্মণীনা- -মুদ্যচ্চংডাংশুধামপ্রসরনিরসনস্পষ্টদৃষ্টাপদানে । ভূয়াস্তাং ভূতয়ে নঃ করিবরজয়িনঃ কর্ণপাশাবলংবে ভক্তালীভালসজ্জজ্জনিমরণলিপেঃ কুংডলে কুংডলে তে ॥ 28 ॥

যাভ্য়াং কালব্যবস্থা ভবতি তনুমতাং যো মুখং দেবতানাং যেষামাহুঃ স্বরূপং জগতি মুনিবরা দেবতানাং ত্রয়ীং তাম্ । রুদ্রাণীবক্ত্রপংকেরুহসততবিহারোত্সুকেংদিংদিরেভ্য়- -স্তেভ্যস্ত্রিভ্য়ঃ প্রণামাংজলিমুপরচয়ে ত্রীক্ষণস্য়েক্ষণেভ্য়ঃ ॥ 29 ॥

বামং বামাংকগায়া বদনসরসিজে ব্য়াবলদ্বল্লভায়া ব্য়ানম্রেষ্বন্যদন্যত্পুনরলিকভবং বীতনিঃশেষরৌক্ষ্যম্ । ভূয়ো ভূয়োপি মোদান্নিপতদতিদয়াশীতলং চূতবাণে দক্ষারেরীক্ষণানাং ত্রযমপহরতাদাশু তাপত্রয়ং নঃ ॥ 30 ॥

যস্মিন্নর্ধেংদুমুগ্ধদ্য়ুতিনিচযতিরস্কারনিস্তংদ্রকাংতৌ কাশ্মীরক্ষোদসংকল্পতমিব রুচিরং চিত্রকং ভাতি নেত্রম্ । তস্মিন্নুল্লীলচিল্লীনটবরতরুণীলাস্যরংগাযমাণে কালারেঃ ফালদেশে বিহরতু হৃদয়ং বীতচিংতাংতরং নঃ ॥ 31 ॥

স্বামিন্গংগামিবাংগীকুরু তব শিরসা মামপীত্যর্থয়ংতীং ধন্য়াং কন্য়াং খরাংশোঃ শিরসি বহতি কিং ন্বেষ কারুণ্যশালী । ইত্থং শংকাং জনানাং জনযদতিঘনং কৈশিকং কালমেঘ- -চ্ছায়ং ভূয়াদুদারং ত্রিপুরবিজয়িনঃ শ্রেযসে ভূযসে নঃ ॥ 32 ॥

শৃংগারাকল্পয়োগ্য়ৈঃ শিখরিবরসুতাসত্সখীহস্তলূনৈঃ সূনৈরাবদ্ধমালাবলিপরিবিলসত্সৌরভাকৃষ্টভৃংগম্ । তুংগং মাণিক্যকাংত্য়া পরিহসিতসুরাবাসশৈলেংদ্রশৃংগং সংঘং নঃ সংকটানাং বিঘটযতু সদা কাংকটীকং কিরীটম্ ॥ 33 ॥

বক্রাকারঃ কলংকী জডতনুরহমপ্য়ংঘ্রিসেবানুভাবা- -দুত্তংসত্বং প্রয়াতঃ সুলভতরঘৃণাস্য়ংদিনশ্চংদ্রমৌলেঃ । তত্সেবংতাং জনৌঘাঃ শিবমিতি নিজয়াবস্থয়ৈব ব্রুবাণং বংদে দেবস্য় শংভোর্মুকুটসুঘটিতং মুগ্ধপীয়ূষভানুম্ ॥ 34 ॥

কাংত্য়া সংফুল্লমল্লীকুসুমধবলয়া ব্য়াপ্য় বিশ্বং বিরাজ- -ন্বৃত্তাকারো বিতন্বন্মুহুরপি চ পরাং নির্বৃতিং পাদভাজাম্ । সানংদং নংদিদোষ্ণা মণিকটকবতা বাহ্যমানঃ পুরারেঃ শ্বেতচ্ছত্রাখ্যশীতদ্য়ুতিরপহরতাদাপদস্তাপদা নঃ ॥ 35 ॥

দিব্য়াকল্পোজ্জ্বলানাং শিবগিরিসুতয়োঃ পার্শ্বয়োরাশ্রিতানাং রুদ্রাণীসত্সখীনাং মদতরলকটাক্ষাংচলৈরংচিতানাম্ । উদ্বেল্লদ্বাহুবল্লীবিলসনসময়ে চামরাংদোলনীনা- -মুদ্ভূতঃ কংকণালীবলযকলকলো বারয়েদাপদো নঃ ॥ 36 ॥

স্বর্গৌকঃসুংদরীণাং সুললিতবপুষাং স্বামিসেবাপরাণাং বল্গদ্ভূষাণি বক্রাংবুজপরিবিগলন্মুগ্ধগীতামৃতানি । নিত্য়ং নৃত্তান্য়ুপাসে ভুজবিধুতিপদন্য়াসভাবাবলোক- -প্রত্য়ুদ্যত্প্রীতিমাদ্যত্প্রমথনটনটীদত্তসংভাবনানি ॥ 37 ॥

স্থানপ্রাপ্ত্য়া স্বরাণাং কিমপি বিশদতাং ব্য়ংজযন্মংজুবীণা- -স্বানাবচ্ছিন্নতালক্রমমমৃতমিবাস্বাদ্যমানং শিবাভ্য়াম্ । নানারাগাতিহৃদ্য়ং নবরসমধুরস্তোত্রজাতানুবিদ্ধং গানং বীণামহর্ষেঃ কলমতিললিতং কর্ণপূরযতাং নঃ ॥ 38 ॥

চেতো জাতপ্রমোদং সপদি বিদধতী প্রাণিনাং বাণিনীনাং পাণিদ্বংদ্বাগ্রজাগ্রত্সুললিতরণিতস্বর্ণতালানুকূলা । স্বীয়ারাবেণ পাথোধররবপটুনা নাদয়ংতী ময়ূরীং মায়ূরী মংদভাবং মণিমুরজভবা মার্জনা মার্জয়েন্নঃ ॥ 39 ॥

দেবেভ্য়ো দানবেভ্য়ঃ পিতৃমুনিপরিষত্সিদ্ধবিদ্য়াধরেভ্য়ঃ সাধ্য়েভ্যশ্চারণেভ্য়ো মনুজপশুপতজ্জাতিকীটাদিকেভ্য়ঃ । শ্রীকৈলাসপ্ররূঢাস্তৃণবিটপিমুখাশ্চাপি যে সংতি তেভ্য়ঃ সর্বেভ্য়ো নির্বিচারং নতিমুপরচয়ে শর্বপাদাশ্রয়েভ্য়ঃ ॥ 40 ॥

ধ্য়াযন্নিত্থং প্রভাতে প্রতিদিবসমিদং স্তোত্ররত্নং পঠেদ্য়ঃ কিং বা ব্রূমস্তদীয়ং সুচরিতমথবা কীর্তয়ামঃ সমাসাত্ । সংপজ্জাতং সমগ্রং সদসি বহুমতিং সর্বলোকপ্রিযত্বং সংপ্রাপ্য়ায়ুঃশতাংতে পদমযতি পরব্রহ্মণো মন্মথারেঃ ॥ 41 ॥

ইতি শ্রীমত্পরমহংসপরিব্রাজকাচার্যস্য় শ্রীগোবিংদভগবত্পূজ্যপাদশিষ্যস্য় শ্রীমচ্ছংকরভগবতঃ কৃতৌ শ্রী শিব পাদাদিকেশাংতবর্ণন স্তোত্রম্ ॥

शिव पादादि केशांत वर्णन स्तोत्रं के बारे में

The Shiva Padadi Keshanta Varnana Stotram describes Lord Shiva's form from the feet (pada) up to the hair (kesha), in long, richly woven verses; its colophon attributes it to Adi Shankaracharya, disciple of Govinda Bhagavatpada. It opens: may Shiva grant us welfare, whose great deeds are sung by the wives of the Vidyadharas sporting in the groves of wish-fulfilling trees on the slopes of Kailasa. It then praises the Lord whose true nature is called the essence of all the gods, and whose arrow became Vishnu, the bearer of the Sharnga bow, ever watchful to protect the worlds, and so moves limb by limb from his feet to his matted locks.

रचयिता: Traditionally attributed to Adi Shankaracharya, as its colophon states

कब पढ़ें: In Shiva worship, on Mondays and Maha Shivaratri, and in meditation on Shiva's form.

क्या आप जानते हैं?

  • Its companion, the Shiva Keshadi Padanta Varnana Stotram, describes Shiva the other way, from hair to feet.
  • The arrow of Shiva at the burning of the three cities (Tripura) was Vishnu himself, as the second verse recalls.

अक्सर पूछे जाने वाले प्रश्न

What does "padadi keshanta" mean?

"From the feet to the hair".

Who is it attributed to?

Adi Shankaracharya, as its colophon states.

Who became Shiva's arrow?

Vishnu, at the burning of Tripura.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।