MuhurtaNow

श्री गायत्री हृदयं

Devi · पारंपरिक भक्ति पाठ

ನಾರದ ಉವಾಚ

ಭಗವನ್ ದೇವದೇವೇಶ ಭೂತಭವ್ಯಜಗತ್ಪ್ರಭೋ । ಕವಚಂ ಚ ಶ್ರುತಂ ದಿವ್ಯಂ ಗಾಯತ್ರೀಮಂತ್ರವಿಗ್ರಹಮ್ ॥ 1

ಅಧುನಾ ಶ್ರೋತುಮಿಚ್ಛಾಮಿ ಗಾಯತ್ರೀಹೃದಯಂ ಪರಮ್ । ಯದ್ಧಾರಣಾದ್ಭವೇತ್ಪುಣ್ಯಂ ಗಾಯತ್ರೀಜಪತೋಽಖಿಲಮ್ ॥ 2 ॥

ಶ್ರೀನಾರಾಯಣ ಉವಾಚ

ದೇವ್ಯಾಶ್ಚ ಹೃದಯಂ ಪ್ರೋಕ್ತಂ ನಾರದಾಥರ್ವಣೇ ಸ್ಫುಟಮ್ । ತದೇವಾಹಂ ಪ್ರವಕ್ಷ್ಯಾಮಿ ರಹಸ್ಯಾತಿರಹಸ್ಯಕಮ್ ॥ 3

ವಿರಾಡ್ರೂಪಾಂ ಮಹಾದೇವೀಂ ಗಾಯತ್ರೀಂ ವೇದಮಾತರಮ್ । ಧ್ಯಾತ್ವಾ ತಸ್ಯಾಸ್ತ್ವಥಾಂಗೇಷು ಧ್ಯಾಯೇದೇತಾಶ್ಚ ದೇವತಾಃ ॥ 4 ॥

ಪಿಂಡಬ್ರಹ್ಮಂಡಯೋರೈಕ್ಯಾದ್ಭಾವಯೇತ್ಸ್ವತನೌ ತಥಾ । ದೇವೀರೂಪೇ ನಿಜೇ ದೇಹೇ ತನ್ಮಯತ್ವಾಯ ಸಾಧಕಃ ॥ 5 ॥

ನಾದೇವೋಽಭ್ಯರ್ಚಯೇದ್ದೇವಮಿತಿ ವೇದವಿದೋ ವಿದುಃ । ತತೋಽಭೇದಾಯ ಕಾಯೇ ಸ್ವೇ ಭಾವಯೇದ್ದೇವತಾ ಇಮಾಃ ॥ 6 ॥

ಅಥ ತತ್ಸಂಪ್ರವಕ್ಷ್ಯಾಮಿ ತನ್ಮಯತ್ವಮಥೋ ಭವೇತ್ । ಗಾಯತ್ರೀಹೃದಯಸ್ಯಾಽಸ್ಯಾಽಪ್ಯಹಮೇವ ಋಷಿಃ ಸ್ಮೃತಃ ॥ 7 ॥

ಗಾಯತ್ರೀಛಂದ ಉದ್ದಿಷ್ಟಂ ದೇವತಾ ಪರಮೇಶ್ವರೀ । ಪೂರ್ವೋಕ್ತೇನ ಪ್ರಕಾರೇಣ ಕುರ್ಯಾದಂಗಾನಿ ಷಟ್ಕ್ರಮಾತ್ । ಆಸನೇ ವಿಜನೇ ದೇಶೇ ಧ್ಯಾಯೇದೇಕಾಗ್ರಮಾನಸಃ ॥ 8 ॥

ಅಥಾರ್ಥನ್ಯಾಸಃ । ದ್ಯೌಮೂರ್ಧ್ನಿ ದೈವತಮ್ । ದಂತಪಂಕ್ತಾವಶ್ವಿನೌ । ಉಭೇ ಸಂಧ್ಯೇ ಚೌಷ್ಠೌ । ಮುಖಮಗ್ನಿಃ । ಜಿಹ್ವಾ ಸರಸ್ವತೀ । ಗ್ರೀವಾಯಾಂ ತು ಬೃಹಸ್ಪತಿಃ । ಸ್ತನಯೋರ್ವಸವೋಽಷ್ಟೌ । ಬಾಹ್ವೋರ್ಮರುತಃ । ಹೃದಯೇ ಪರ್ಜನ್ಯಃ । ಆಕಾಶಮುದರಮ್ । ನಾಭಾವಂತರಿಕ್ಷಮ್ । ಕಟ್ಯೋರಿಂದ್ರಾಗ್ನೀ । ಜಘನೇ ವಿಜ್ಞಾನಘನಃ ಪ್ರಜಾಪತಿಃ । ಕೈಲಾಸಮಲಯೇ ಊರೂ । ವಿಶ್ವೇದೇವಾ ಜಾನ್ವೋಃ । ಜಂಘಾಯಾಂ ಕೌಶಿಕಃ । ಗುಹ್ಯಮಯನೇ । ಊರೂ ಪಿತರಃ । ಪಾದೌ ಪೃಥಿವೀ । ವನಸ್ಪತಯೋಽಂಗುಲೀಷು । ಋಷಯೋ ರೋಮಾಣಿ । ನಖಾನಿ ಮುಹೂರ್ತಾನಿ । ಅಸ್ಥಿಷು ಗ್ರಹಾಃ । ಅಸೃಙ್ಮಾಂಸಮೃತವಃ ॥ ಸಂವತ್ಸರಾ ವೈ ನಿಮಿಷಮ್ । ಅಹೋರಾತ್ರಾವಾದಿತ್ಯಶ್ಚಂದ್ರಮಾಃ । ಪ್ರವರಾಂ ದಿವ್ಯಾಂ ಗಾಯತ್ರೀಂ ಸಹಸ್ರನೇತ್ರಾಂ ಶರಣಮಹಂ ಪ್ರಪದ್ಯೇ ॥

ಓಂ ತತ್ಸವಿತುರ್ವರೇಣ್ಯಾಯ ನಮಃ । ಓಂ ತತ್ಪೂರ್ವಾಜಯಾಯ ನಮಃ । ತತ್ಪ್ರಾತರಾದಿತ್ಯಾಯ ನಮಃ । ತತ್ಪ್ರಾತರಾದಿತ್ಯಪ್ರತಿಷ್ಠಾಯೈ ನಮಃ ॥

ಪ್ರಾತರಧೀಯಾನೋ ರಾತ್ರಿಕೃತಂ ಪಾಪಂ ನಾಶಯತಿ । ಸಾಯಮಧೀಯಾನೋ ದಿವಸಕೃತಂ ಪಾಪಂ ನಾಶಯತಿ । ಸಾಯಂ ಪ್ರಾತರಧೀಯಾನೋ ಅಪಾಪೋ ಭವತಿ । ಸರ್ವತೀರ್ಥೇಷು ಸ್ನಾತೋ ಭವತಿ । ಸರ್ವೈರ್ದೇವೈರ್ಜ್ಞಾತೋ ಭವತಿ । ಅವಾಚ್ಯವಚನಾತ್ಪೂತೋ ಭವತಿ । ಅಭಕ್ಷ್ಯಭಕ್ಷಣಾತ್ಪೂತೋ ಭವತಿ । ಅಭೋಜ್ಯಭೋಜನಾತ್ಪೂತೋ ಭವತಿ । ಅಚೋಷ್ಯಚೋಷಣಾತ್ಪೂತೋ ಭವತಿ । ಅಸಾಧ್ಯಸಾಧನಾತ್ಪೂತೋ ಭವತಿ । ದುಷ್ಪ್ರತಿಗ್ರಹಶತಸಹಸ್ರಾತ್ಪೂತೋ ಭವತಿ । ಸರ್ವಪ್ರತಿಗ್ರಹಾತ್ಪೂತೋ ಭವತಿ । ಪಂಕ್ತಿದೂಷಣಾತ್ಪೂತೋ ಭವತಿ । ಅನೃತವಚನಾತ್ಪೂತೋ ಭವತಿ । ಅಥಾಽಬ್ರಹ್ಮಚಾರೀ ಬ್ರಹ್ಮಚಾರೀ ಭವತೀ । ಅನೇನ ಹೃದಯೇನಾಧೀತೇನ ಕ್ರತುಸಹಸ್ರೇಣೇಷ್ಟಂ ಭವತಿ । ಷಷ್ಟಿಶತಸಹಸ್ರಗಾಯತ್ರ್ಯಾ ಜಪ್ಯಾನಿ ಫಲಾನಿ ಭವಂತಿ । ಅಷ್ಟೌ ಬ್ರಾಹ್ಮಣಾನ್ ಸಮ್ಯಗ್ಗ್ರಾಹಯೇತ್ । ತಸ್ಯ ಸಿದ್ಧಿರ್ಭವತಿ । ಯ ಇದಂ ನಿತ್ಯಮಧೀಯಾನೋ ಬ್ರಾಹ್ಮಣಃ ಪ್ರಾತಃ ಶುಚಿಃ ಸರ್ವಪಾಪೈಃ ಪ್ರಮುಚ್ಯತ ಇತಿ । ಬ್ರಹ್ಮಲೋಕೇ ಮಹೀಯತೇ ॥

ಇತ್ಯಾಹ ಭಗವಾನ್ ಶ್ರೀನಾರಾಯಣಃ ॥

ಇತಿ ಶ್ರೀದೇವೀಭಾಗವತೇ ಮಹಾಪುರಾಣೇ ದ್ವಾದಶಸ್ಕಂಧೇ ಶ್ರೀ ಗಾಯತ್ರೀ ಹೃದಯಂ ನಾಮ ಚತುರ್ಥೋಽಧ್ಯಾಯಃ ॥

श्री गायत्री हृदयं के बारे में

The Gayatri Hrudayam, "the heart of Gayatri", is a hymn from the Devi Bhagavatam in which Narada, having heard the Gayatri Kavacham, asks Lord Narayana for the supreme Gayatri Hrudayam, by holding which one gains the full merit of Gayatri japa. Narayana then describes the cosmic form of Goddess Gayatri, placing the gods, the Vedas and the worlds in the parts of her body, and gives the nyasa and meditation for her worship.

स्रोत: Devi Bhagavata Purana, Skandha 12, as its colophon states

कब पढ़ें: Before Gayatri japa, in Sandhya worship, and on Gayatri Jayanti.

क्या आप जानते हैं?

  • Its colophon places it in the twelfth skandha of the Devi Bhagavata Purana, chapter 4.
  • It follows the Gayatri Kavacham in the same purana, which Narada says he has just heard.

अक्सर पूछे जाने वाले प्रश्न

Who teaches the Gayatri Hrudayam?

Lord Narayana, to the sage Narada.

Where is it found?

Devi Bhagavata Purana, twelfth skandha, chapter 4.

When is it recited?

Before Gayatri japa and on Gayatri Jayanti.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।