MuhurtaNow

श्री गुरुगीता प्रथमोध्यायः

Guru · पारंपरिक भक्ति पाठ

শ্রীগুরুভ্য়ো নমঃ । হরিঃ ওম্ ।

ধ্য়ানম্ হংসাভ্য়াং পরিবৃত্তপত্রকমলৈর্দিব্য়ৈর্জগত্কারণং বিশ্বোত্কীর্ণমনেকদেহনিলয়ং স্বচ্ছংদমানংদকম্ । আদ্য়ংতৈকমখংডচিদ্ঘনরসং পূর্ণং হ্যনংতং শুভং প্রত্যক্ষাক্ষরবিগ্রহং গুরুপদং ধ্য়ায়েদ্বিভুং শাশ্বতম্ ॥

অথ প্রথমোঽধ্য়ায়ঃ ॥

অচিংত্য়াব্যক্তরূপায় নির্গুণায় গণাত্মনে । সমস্তজগদাধারমূর্তয়ে ব্রহ্মণে নমঃ ॥ 1 ॥

ঋষয় ঊচুঃ । সূত সূত মহাপ্রাজ্ঞ নিগমাগমপারগ । গুরুস্বরূপমস্মাকং ব্রূহি সর্বমলাপহম্ ॥ 2 ॥

যস্য় শ্রবণমাত্রেণ দেহী দুঃখাদ্বিমুচ্যতে । যেন মার্গেণ মুনয়ঃ সর্বজ্ঞত্বং প্রপেদিরে ॥ 3 ॥

যত্প্রাপ্য় ন পুনর্য়াতি নরঃ সংসারবংধনম্ । তথাবিধং পরং তত্ত্বং বক্তব্যমধুনা ত্বয়া ॥ 4 ॥

গুহ্য়াদ্গুহ্যতমং সারং গুরুগীতা বিশেষতঃ । ত্বত্প্রসাদাচ্চ শ্রোতব্য়া তত্সর্বং ব্রূহি সূত নঃ ॥ 5 ॥

ইতি সংপ্রার্থিতঃ সূতো মুনিসংঘৈর্মুহুর্মুহুঃ ॥

কুতূহলেন মহতা প্রোবাচ মধুরং বচঃ ॥ 6 ॥

সূত উবাচ

শ্রুণুধ্বং মুনয়ঃ সর্বে শ্রদ্ধয়া পরয়া মুদা । বদামি ভবরোগঘ্নীং গীতাং মাতৃস্বরূপিণীম্ ॥ 7

পুরা কৈলাসশিখরে সিদ্ধগংধর্বসেবিতে । তত্র কল্পলতাপুষ্পমংদিরেঽত্য়ংতসুংদরে ॥ 8 ॥

ব্য়াঘ্রাজিনে সমাসীনং শুকাদিমুনিবংদিতম্ । বোধয়ংতং পরং তত্ত্বং মধ্য়ে মুনিগণে ক্বচিত্ ॥ 9 ॥

প্রণম্রবদনা শশ্বন্নমস্কুর্বংতমাদরাত্ । দৃষ্ট্বা বিস্মযমাপন্ন পার্বতী পরিপৃচ্ছতি ॥ 10 ॥

পার্বত্য়ুবাচ

ওং নমো দেব দেবেশ পরাত্পর জগদ্গুরো । ত্বাং নমস্কুর্বতে ভক্ত্য়া সুরাসুরনরাঃ সদা ॥ 11

বিধিবিষ্ণুমহেংদ্রাদ্য়ৈর্বংদ্য়ঃ খলু সদা ভবান্ । নমস্করোষি কস্মৈ ত্বং নমস্কারাশ্রয়ঃ কিল ॥ 12 ॥

দৃষ্ট্বৈতত্কর্ম বিপুলমাশ্চর্য় প্রতিভাতি মে । কিমেতন্ন বিজানেঽহং কৃপয়া বদ মে প্রভো ॥ 13 ॥

ভগবন্ সর্বধর্মজ্ঞ ব্রতানাং ব্রতনাযকম্ । ব্রূহি মে কৃপয়া শংভো গুরুমাহাত্ম্যমুত্তমম্ ॥ 14 ॥

কেন মার্গেণ ভো স্বামিন্ দেহী ব্রহ্মময়ো ভবেত্ । তত্কৃপাং কুরু মে স্বামিন্ নমামি চরণৌ তব ॥ 15 ॥

ইতি সংপ্রার্থিতঃ শশ্বন্মহাদেবো মহেশ্বরঃ । আনংদভরিতঃ স্বাংতে পার্বতীমিদমব্রবীত্ ॥ 16 ॥

শ্রী মহাদেব উবাচ

ন বক্তব্যমিদং দেবি রহস্য়াতিরহস্যকম্ । ন কস্য়াপি পুরা প্রোক্তং ত্বদ্ভক্ত্যর্থং বদামি তত্ ॥ 17

মম রূপাঽসি দেবি ত্বমতস্তত্কথয়ামি তে । লোকোপকারকঃ প্রশ্নো ন কেনাপি কৃতঃ পুরা ॥ 18 ॥

যস্য় দেবে পরা ভক্তির্যথা দেবে তথা গুরৌ । তস্য়ৈতে কথিতা হ্যর্থাঃ প্রকাশংতে মহাত্মনঃ ॥ 19 ॥

যো গুরুঃ স শিবঃ প্রোক্তো যঃ শিবঃ স গুরুঃ স্মৃতঃ । বিকল্পং যস্তু কুর্বীত স নরো গুরুতল্পগঃ ॥ 20 ॥

দুর্লভং ত্রিষু লোকেষু তচ্ছৃণুষ্ব বদাম্যহম্ । গুরুব্রহ্ম বিনা নান্য়ঃ সত্য়ং সত্য়ং বরাননে ॥ 21 ॥

বেদশাস্ত্রপুরাণানি চেতিহাসাদিকানি চ । মংত্রয়ংত্রাদিবিদ্য়ানাং মোহনোচ্চাটনাদিকম্ ॥ 22 ॥

শৈবশাক্তাগমাদীনি হ্যন্য়ে চ বহবো মতাঃ । অপভ্রংশাঃ সমস্তানাং জীবানাং ভ্রাংতচেতসাম্ ॥ 23 ॥

জপস্তপো ব্রতং তীর্থং যজ্ঞো দানং তথৈব চ । গুরুতত্ত্বমবিজ্ঞায় সর্বং ব্যর্থং ভবেত্প্রিয়ে ॥ 24 ॥

গুরুবুদ্ধ্য়াত্মনো নান্যত্ সত্য়ং সত্য়ং বরাননে । তল্লাভার্থং প্রযত্নস্তু কর্তব্যশ্চ মনীষিভিঃ ॥ 25 ॥

গূঢাবিদ্য়া জগন্মায়া দেহশ্চাজ্ঞানসংভবঃ । বিজ্ঞানং যত্প্রসাদেন গুরুশব্দেন কথ্যতে ॥ 26 ॥

যদংঘ্রিকমলদ্বংদ্বং দ্বংদ্বতাপনিবারকম্ । তারকং ভবসিংধোশ্চ তং গুরুং প্রণমাম্যহম্ ॥ 27 ॥

দেহী ব্রহ্ম ভবেদ্যস্মাত্ ত্বত্কৃপার্থং বদামি তত্ । সর্বপাপবিশুদ্ধাত্মা শ্রীগুরোঃ পাদসেবনাত্ ॥ 28 ॥

সর্বতীর্থাবগাহস্য় সংপ্রাপ্নোতি ফলং নরঃ । গুরোঃ পাদোদকং পীত্বা শেষং শিরসি ধারযন্ ॥ 29 ॥

শোষণং পাপপংকস্য় দীপনং জ্ঞানতেজসঃ । গুরোঃ পাদোদকং সম্যক্ সংসারার্ণবতারকম্ ॥ 30 ॥

অজ্ঞানমূলহরণং জন্মকর্মনিবারকম্ । জ্ঞানবৈরাগ্যসিদ্ধ্যর্থং গুরোঃ পাদোদকং পিবেত্ ॥ 31 ॥

গুরুপাদোদকং পানং গুরোরুচ্ছিষ্টভোজনম্ । গুরুমূর্তেঃ সদা ধ্য়ানং গুরোর্নাম সদা জপঃ ॥ 32 ॥

স্বদেশিকস্য়ৈব চ নামকীর্তনং ভবেদনংতস্য় শিবস্য় কীর্তনম্ । স্বদেশিকস্য়ৈব চ নামচিংতনং ভবেদনংতস্য় শিবস্য় চিংতনম্ ॥ 33 ॥

যত্পাদাংবুজরেণুর্বৈ কোঽপি সংসারবারিধৌ । সেতুবংধাযতে নাথং দেশিকং তমুপাস্মহে ॥ 34 ॥

যদনুগ্রহমাত্রেণ শোকমোহৌ বিনশ্যতঃ । তস্মৈ শ্রীদেশিকেংদ্রায় নমোঽস্তু পরমাত্মনে ॥ 35 ॥

যস্মাদনুগ্রহং লব্ধ্বা মহদজ্ঞানমুত্সৃজেত্ । তস্মৈ শ্রীদেশিকেংদ্রায় নমশ্চাভীষ্টসিদ্ধয়ে ॥ 36 ॥

কাশীক্ষেত্রং নিবাসশ্চ জাহ্নবী চরণোদকম্ । গুরুর্বিশ্বেশ্বরঃ সাক্ষাত্ তারকং ব্রহ্মনিশ্চয়ঃ ॥ 37 ॥

গুরুসেবা গয়া প্রোক্তা দেহঃ স্য়াদক্ষয়ো বটঃ । তত্পাদং বিষ্ণুপাদং স্য়াত্ তত্র দত্তমনস্ততম্ ॥ 38 ॥

গুরুমূর্তিং স্মরেন্নিত্য়ং গুরোর্নাম সদা জপেত্ । গুরোরাজ্ঞাং প্রকুর্বীত গুরোরন্য়ং ন ভাবয়েত্ ॥ 39 ॥

গুরুবক্ত্রে স্থিতং ব্রহ্ম প্রাপ্যতে তত্প্রসাদতঃ । গুরোর্ধ্য়ানং সদা কুর্য়াত্ কুলস্ত্রী স্বপতিং যথা ॥ 40 ॥

স্বাশ্রমং চ স্বজাতিং চ স্বকীর্তিং পুষ্টিবর্ধনম্ । এতত্সর্বং পরিত্যজ্য় গুরুমেব সমাশ্রয়েত্ ॥ 41 ॥

অনন্য়াশ্চিংতয়ংতো যে সুলভং পরমং সুখম্ । তস্মাত্সর্বপ্রযত্নেন গুরোরারাধনং কুরু ॥ 42 ॥

গুরুবক্ত্রে স্থিতা বিদ্য়া গুরুভক্ত্য়া চ লভ্যতে । ত্রৈলোক্য়ে স্ফুটবক্তারো দেবর্ষিপিতৃমানবাঃ ॥ 43 ॥

গুকারশ্চাংধকারো হি রুকারস্তেজ উচ্যতে । অজ্ঞানগ্রাসকং ব্রহ্ম গুরুরেব ন সংশয়ঃ ॥ 44 ॥

গুকারশ্চাংধকারস্তু রুকারস্তন্নিরোধকৃত্ । অংধকারবিনাশিত্বাদ্গুরুরিত্যভিধীযতে ॥

গুকারো ভবরোগঃ স্য়াত্ রুকারস্তন্নিরোধকৃত্ । ভবরোগহরত্বাচ্চ গুরুরিত্যভিধীযতে ॥ 45 ॥

গুকারশ্চ গুণাতীতো রূপাতীতো রুকারকঃ । গুণরূপবিহীনত্বাত্ গুরুরিত্যভিধীযতে ॥ 46 ॥

গুকারঃ প্রথমো বর্ণো মায়াদিগুণভাসকঃ । রুকারোঽস্তি পরং ব্রহ্ম মায়াভ্রাংতিবিমোচকম্ ॥ 47 ॥

এবং গুরুপদং শ্রেষ্ঠং দেবানামপি দুর্লভম্ । হাহাহূহূগণৈশ্চৈব গংধর্বাদ্য়ৈশ্চ পূজিতম্ ॥ 48 ॥

ধ্রুবং তেষাং চ সর্বেষাং নাস্তি তত্ত্বং গুরোঃ পরম্ । গুরোরারাধনং কুর্য়াত্ স্বজীবত্বং নিবেদয়েত্ ॥ 49 ॥

আসনং শযনং বস্ত্রং বাহনং ভূষণাদিকম্ । সাধকেন প্রদাতব্য়ং গুরুসংতোষকারণম্ ॥ 50 ॥

কর্মণা মনসা বাচা সর্বদাঽঽরাধয়েদ্গুরুম্ । দীর্ঘদংডং নমস্কৃত্য় নির্লজ্জো গুরুসন্নিধৌ ॥ 51 ॥

শরীরমিংদ্রিয়ং প্রাণমর্থস্বজনবাংধবান্ । আত্মদারাদিকং সর্বং সদ্গুরুভ্য়ো নিবেদয়েত্ ॥ 52 ॥

গুরুরেকো জগত্সর্বং ব্রহ্মবিষ্ণুশিবাত্মকম্ । গুরোঃ পরতরং নাস্তি তস্মাত্সংপূজয়েদ্গুরুম্ ॥ 53 ॥

সর্বশ্রুতিশিরোরত্নবিরাজিতপদাংবুজম্ । বেদাংতার্থপ্রবক্তারং তস্মাত্ সংপূজয়েদ্গুরুম্ ॥ 54 ॥

যস্য় স্মরণমাত্রেণ জ্ঞানমুত্পদ্যতে স্বযম্ । স এব সর্বসংপত্তিঃ তস্মাত্সংপূজয়েদ্গুরুম্ ॥ 55 ॥

[পাঠভেদঃ - কৃমিকোটিভিরাবিষ্টং দুর্গংধমলমূত্রকম্ । শ্লেষ্মরক্তত্বচামাংসৈর্নদ্ধং চৈতদ্বরাননে ॥ ] কৃমিকোটিভিরাবিষ্টং দুর্গংধকুলদূষিতম্ । অনিত্য়ং দুঃখনিলয়ং দেহং বিদ্ধি বরাননে ॥ 56 ॥

সংসারবৃক্ষমারূঢাঃ পতংতি নরকার্ণবে । যস্তানুদ্ধরতে সর্বান্ তস্মৈ শ্রীগুরবে নমঃ ॥ 57 ॥

গুরুর্ব্রহ্মা গুরুর্বিষ্ণুর্গুরুর্দেবো মহেশ্বরঃ । গুরুস্সাক্ষাত্ পরব্রহ্ম তস্মৈ শ্রীগুরবে নমঃ ॥ 58 ॥

অজ্ঞানতিমিরাংধস্য় জ্ঞানাংজনশলাকয়া । চক্ষুরুন্মীলিতং যেন তস্মৈ শ্রীগুরবে নমঃ ॥ 59 ॥

অখংডমংডলাকারং ব্য়াপ্তং যেন চরাচরম্ । তত্পদং দর্শিতং যেন তস্মৈ শ্রীগুরবে নমঃ ॥ 60 ॥

স্থাবরং জংগমং ব্য়াপ্তং যত্কিংচিত্সচরাচরম্ । ত্বং পদং দর্শিতং যেন তস্মৈ শ্রীগুরবে নমঃ ॥ 61 ॥

চিন্মযব্য়াপিতং সর্বং ত্রৈলোক্য়ং সচরাচরম্ । অসিত্বং দর্শিতং যেন তস্মৈ শ্রীগুরবে নমঃ ॥ 62 ॥

নিমিষান্নিমিষার্ধাদ্বা যদ্বাক্য়াদ্বৈ বিমুচ্যতে । স্বাত্মানং শিবমালোক্য় তস্মৈ শ্রীগুরবে নমঃ ॥ 63 ॥

চৈতন্য়ং শাশ্বতং শাংতং ব্য়োমাতীতং নিরংজনম্ । নাদবিংদুকলাতীতং তস্মৈ শ্রীগুরবে নমঃ ॥ 64 ॥

নির্গুণং নির্মলং শাংতং জংগমং স্থিরমেব চ । ব্য়াপ্তং যেন জগত্সর্বং তস্মৈ শ্রীগুরবে নমঃ ॥ 65 ॥

স পিতা স চ মে মাতা স বংধুঃ স চ দেবতা । সংসারমোহনাশায় তস্মৈ শ্রীগুরবে নমঃ ॥ 66 ॥

যত্সত্ত্বেন জগত্সত্ত্বং যত্প্রকাশেন ভাতি তত্ । যদানংদেন নংদংতি তস্মৈ শ্রীগুরবে নমঃ ॥ 67 ॥

যস্মিন্ স্থিতমিদং সর্বং ভাতি যদ্ভানরূপতঃ । প্রিয়ং পুত্রাদি যত্প্রীত্য়া তস্মৈ শ্রীগুরবে নমঃ ॥ 68 ॥

যেনেদং দর্শিতং তত্ত্বং চিত্তচৈত্য়াদিকং তথা । জাগ্রত্স্বপ্নসুষুপ্ত্য়াদি তস্মৈ শ্রীগুরবে নমঃ ॥ 69 ॥

যস্য় জ্ঞানমিদং বিশ্বং ন দৃশ্য়ং ভিন্নভেদতঃ । সদৈকরূপরূপায় তস্মৈ শ্রীগুরবে নমঃ ॥ 70 ॥

যস্য় জ্ঞাতং মতং তস্য় মতং যস্য় ন বেদ সঃ । অনন্যভাবভাবায় তস্মৈ শ্রীগুরবে নমঃ ॥ 71 ॥

যস্মৈ কারণরূপায় কার্যরূপেণ ভাতি যত্ । কার্যকারণরূপায় তস্মৈ শ্রীগুরবে নমঃ ॥ 72 ॥

নানারূপমিদং বিশ্বং ন কেনাপ্যস্তি ভিন্নতা । কার্যকারণরূপায় তস্মৈ শ্রীগুরবে নমঃ ॥ 73 ॥

জ্ঞানশক্তিসমারূঢতত্ত্বমালাবিভূষিণে । ভুক্তিমুক্তিপ্রদাত্রে চ তস্মৈ শ্রীগুরবে নমঃ ॥ 74 ॥

অনেকজন্মসংপ্রাপ্তকর্মবংধবিদাহিনে । জ্ঞানানলপ্রভাবেন তস্মৈ শ্রীগুরবে নমঃ ॥ 75 ॥

শোষণং ভবসিংধোশ্চ দীপনং ক্ষরসংপদাম্ । গুরোঃ পাদোদকং যস্য় তস্মৈ শ্রীগুরবে নমঃ ॥ 76 ॥

ন গুরোরধিকং তত্ত্বং ন গুরোরধিকং তপঃ । ন গুরোরধিকং জ্ঞানং তস্মৈ শ্রীগুরবে নমঃ ॥ 77 ॥

মন্নাথঃ শ্রীজগন্নাথো মদ্গুরুঃ শ্রীজগদ্গুরুঃ । মমাঽঽত্মা সর্বভূতাত্মা তস্মৈ শ্রীগুরবে নমঃ ॥ 78 ॥

গুরুরাদিরনাদিশ্চ গুরুঃ পরমদৈবতম্ । গুরুমংত্রসমো নাস্তি তস্মৈ শ্রীগুরবে নমঃ ॥ 79 ॥

এক এব পরো বংধুর্বিষমে সমুপস্থিতে । গুরুঃ সকলধর্মাত্মা তস্মৈ শ্রীগুরবে নমঃ ॥ 80 ॥

গুরুমধ্য়ে স্থিতং বিশ্বং বিশ্বমধ্য়ে স্থিতো গুরুঃ । গুরুর্বিশ্বং ন চান্য়োঽস্তি তস্মৈ শ্রীগুরবে নমঃ ॥ 81 ॥

ভবারণ্যপ্রবিষ্টস্য় দিঙ্মোহভ্রাংতচেতসঃ । যেন সংদর্শিতঃ পংথাঃ তস্মৈ শ্রীগুরবে নমঃ ॥ 82 ॥

তাপত্রয়াগ্নিতপ্তানামশাংতপ্রাণিনাং মুদে । গুরুরেব পরা গংগা তস্মৈ শ্রীগুরবে নমঃ ॥ 83 ॥

[পাঠভেদঃ - অজ্ঞানেনাহিনা গ্রস্তাঃ প্রাণিনস্তান্ চিকিত্সকঃ । বিদ্য়াস্বরূপো ভগবাংস্তস্মৈ শ্রীগুরবে নমঃ ॥ ] অজ্ঞানসর্পদষ্টানাং প্রাণিনাং কশ্চিকিত্সকঃ । সম্যগ্জ্ঞানমহামংত্রবেদিনং সদ্গুরু বিনা ॥ 84 ॥

হেতবে জগতামেব সংসারার্ণবসেতবে । প্রভবে সর্ববিদ্য়ানাং শংভবে গুরবে নমঃ ॥ 85 ॥

ধ্য়ানমূলং গুরোর্মূর্তিঃ পূজামূলং গুরোঃ পদম্ । মংত্রমূলং গুরোর্বাক্য়ং মুক্তিমূলং গুরোঃ কৃপা ॥ 86 ॥

সপ্তসাগরপর্য়ংততীর্থস্নানফলং তু যত্ । গুরোঃ পাদোদবিংদোশ্চ সহস্রাংশে ন তত্ফলম্ ॥ 87 ॥

শিবে রুষ্টে গুরুস্ত্রাতা গুরৌ রুষ্টে ন কশ্চন । লব্ধ্বা কুলগুরুং সম্যগ্গুরুমেব সমাশ্রয়েত্ ॥ 88 ॥

মধুলুব্ধো যথা ভৃংগঃ পুষ্পাত্পুষ্পাংতরং ব্রজেত্ । জ্ঞানলুব্ধস্তথা শিষ্য়ো গুরোর্গুর্বংতরং ব্রজেত্ ॥ 89 ॥

বংদে গুরুপদদ্বংদ্বং বাঙ্মনাতীতগোচরম্ । শ্বেতরক্তপ্রভাভিন্নং শিবশক্ত্য়াত্মকং পরম্ ॥ 90 ॥

গুকারং চ গুণাতীতং রূকারং রূপবর্জিতম্ । গুণাতীতমরূপং চ যো দদ্য়াত্স গুরুঃ স্মৃতঃ ॥ 91 ॥

অত্রিনেত্রঃ শিবঃ সাক্ষাত্ দ্বিবাহুশ্চ হরিঃ স্মৃতঃ । যোঽচতুর্বদনো ব্রহ্মা শ্রীগুরুঃ কথিতঃ প্রিয়ে ॥ 92 ॥

অয়ং ময়াংজলির্বদ্ধো দয়াসাগরসিদ্ধয়ে । যদনুগ্রহতো জংতুশ্চিত্রসংসারমুক্তিভাক্ ॥ 93 ॥

শ্রীগুরোঃ পরমং রূপং বিবেকচক্ষুরগ্রতঃ । মংদভাগ্য়া ন পশ্য়ংতি অংধাঃ সূর্য়োদয়ং যথা ॥ 94 ॥

কুলানাং কুলকোটীনাং তারকস্তত্র তত্ক্ষণাত্ । অতস্তং সদ্গুরুং জ্ঞাত্বা ত্রিকালমভিবাদয়েত্ ॥ 95 ॥

শ্রীনাথচরণদ্বংদ্বং যস্য়াং দিশি বিরাজতে । তস্য়াং দিশি নমস্কুর্য়াত্ ভক্ত্য়া প্রতিদিনং প্রিয়ে ॥ 96 ॥

সাষ্টাংগপ্রণিপাতেন স্তুবন্নিত্য়ং গুরুং ভজেত্ । ভজনাত্ স্থৈর্যমাপ্নোতি স্বস্বরূপময়ো ভবেত্ ॥ 97 ॥

দোর্ভ্য়াং পদ্ভ্য়াং চ জানুভ্য়ামুরসা শিরসা দৃশা । মনসা বচসা চেতি প্রণামোঽষ্টাংগ উচ্যতে ॥ 98 ॥

তস্য়ৈ দিশে সততমংজলিরেষ নিত্য়ং প্রক্ষিপ্যতাং মুখরিতৈর্মধুরৈঃ প্রসূনৈঃ । জাগর্তি যত্র ভগবান্ গুরুচক্রবর্তী বিশ্বস্থিতিপ্রলযনাটকনিত্যসাক্ষী ॥ 99 ॥

অভ্যস্তৈঃ কিমু দীর্ঘকালবিমলৈর্ব্য়াধিপ্রদৈর্দুষ্করৈঃ প্রাণায়ামশতৈরনেককরণৈর্দুঃখাত্মকৈর্দুর্জয়ৈঃ । যস্মিন্নভ্য়ুদিতে বিনশ্যতি বলী বায়ুঃ স্বয়ং তত্ক্ষণাত্ প্রাপ্তুং তত্সহজস্বভাবমনিশং সেবেত চৈকং গুরুম্ ॥ 100 ॥

জ্ঞানং বিনা মুক্তিপদং লভ্যতে গুরুভক্তিতঃ । গুরোস্সমানতো নান্যত্ সাধনং গুরুমার্গিণাম্ ॥ 101 ॥

যস্মাত্পরতরং নাস্তি নেতি নেতীতি বৈ শ্রুতিঃ । মনসা বচসা চৈব সত্যমারাধয়েদ্গুরুম্ ॥ 102 ॥

গুরোঃ কৃপাপ্রসাদেন ব্রহ্মবিষ্ণুমহেশ্বরাঃ । সামর্থ্যমভজন্ সর্বে সৃষ্টিস্থিত্য়ংতকর্মণি ॥ 103 ॥

দেবকিন্নরগংধর্বাঃ পিতৃযক্ষাস্তু তুংবুরঃ । মুনয়োঽপি ন জানংতি গুরুশুশ্রূষণে বিধিম্ ॥ 104 ॥

তার্কিকাশ্ছাংদসাশ্চৈব দৈবজ্ঞাঃ কর্মঠাঃ প্রিয়ে । লৌকিকাস্তে ন জানংতি গুরুতত্ত্বং নিরাকুলম্ ॥ 105 ॥

মহাহংকারগর্বেণ ততোবিদ্য়াবলেন চ । ভ্রমংতি চাস্মিন্ সংসারে ঘটীয়ংত্রং যথা পুনঃ ॥ 106 ॥

যজ্ঞিনোঽপি ন মুক্তাঃ স্য়ুঃ ন মুক্তা যোগিনস্তথা । তাপসা অপি নো মুক্তা গুরুতত্ত্বাত্পরাঙ্মুখাঃ ॥ 107 ॥

ন মুক্তাস্তু চ গংধর্বাঃ পিতৃযক্ষাস্তু চারণাঃ । ঋষয়ঃ সিদ্ধদেবাদ্য়া গুরুসেবাপরাঙ্মুখাঃ ॥ 108 ॥

ইতি শ্রীস্কংদপুরাণে উত্তরখংডে উমামহেশ্বর সংবাদে শ্রী গুরুগীতায়াং প্রথমোঽধ্য়ায়ঃ ॥

श्री गुरुगीता प्रथमोध्यायः के बारे में

The first chapter of the Guru Gita is a dialogue in which Goddess Parvati asks Lord Shiva how a soul may attain Brahman, and Shiva teaches her the greatness of the guru. It contains the most famous verses in praise of the guru, including "Gurur Brahma Gurur Vishnur Gurur devo Maheshvarah, guruh sakshat Param Brahma, tasmai shri gurave namah", and "Akhanda mandalakaram", and explains the syllables "gu" (darkness) and "ru" (its remover).

स्रोत: Skanda Purana, Uttara Khanda, as its colophon states

कब पढ़ें: On Guru Purnima, on Thursdays, and in daily worship of the guru.

क्या आप जानते हैं?

  • Its colophon places it in the Uttara Khanda of the Skanda Purana, in a dialogue between Uma and Maheshvara.
  • It explains "guru" as one who removes the darkness ("gu") of ignorance ("ru" being the remover).
  • Many ashrams recite it every morning, and it is central to Guru Purnima celebrations.

अक्सर पूछे जाने वाले प्रश्न

Who teaches the Guru Gita?

Lord Shiva, to Goddess Parvati.

What is the most famous verse?

"Gurur Brahma Gurur Vishnur Gurur devo Maheshvarah".

What does "guru" mean, according to the text?

The one who removes ("ru") the darkness ("gu") of ignorance.

उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।