श्री गुरुगीता द्वितीयोध्यायः
Guru · पारंपरिक भक्ति पाठ
অথ দ্বিতীয়োঽধ্য়ায়ঃ ॥
ধ্য়ানং শ্রুণু মহাদেবি সর্বানংদপ্রদাযকম্ । সর্বসৌখ্যকরং চৈব ভুক্তিমুক্তিপ্রদাযকম্ ॥ 109 ॥
শ্রীমত্পরং ব্রহ্ম গুরুং স্মরামি শ্রীমত্পরং ব্রহ্ম গুরুং ভজামি । শ্রীমত্পরং ব্রহ্ম গুরুং বদামি শ্রীমত্পরং ব্রহ্ম গুরুং নমামি ॥ 110 ॥
ব্রহ্মানংদং পরমসুখদং কেবলং জ্ঞানমূর্তিং দ্বংদ্বাতীতং গগনসদৃশং তত্ত্বমস্য়াদিলক্ষ্যম্ । একং নিত্য়ং বিমলমচলং সর্বধীসাক্ষিভূতং ভাবাতীতং ত্রিগুণরহিতং সদ্গুরুং তং নমামি ॥ 111 ॥
হৃদংবুজে কর্ণিকমধ্যসংস্থে সিংহাসনে সংস্থিতদিব্যমূর্তিম্ । ধ্য়ায়েদ্গুরুং চংদ্রকলাপ্রকাশং সচ্চিত্সুখাভীষ্টবরং দধানম্ ॥ 112 ॥
শ্বেতাংবরং শ্বেতবিলেপপুষ্পং মুক্তাবিভূষং মুদিতং দ্বিনেত্রম্ । বামাংকপীঠস্থিতদিব্যশক্তিং মংদস্মিতং পূর্ণকৃপানিধানম্ ॥ 113 ॥
আনংদমানংদকরং প্রসন্নং জ্ঞানস্বরূপং নিজভাবয়ুক্তম্ । যোগীংদ্রমীড্য়ং ভবরোগবৈদ্য়ং শ্রীমদ্গুরুং নিত্যমহং নমামি ॥ 114 ॥
বংদে গুরূণাং চরণারবিংদং সংদর্শিতস্বাত্মসুখাববোধে । জনস্য় যে জাংগলিকাযমানে সংসারহালাহলমোহশাংত্য়ৈ ॥ 115 ॥
যস্মিন্ সৃষ্টিস্থিতিধ্বংসনিগ্রহানুগ্রহাত্মকম্ । কৃত্য়ং পংচবিধং শশ্বত্ ভাসতে তং গুরুং ভজেত্ ॥ 116 ॥
পাদাব্জে সর্বসংসারদাবকালানলং স্বকে । ব্রহ্মরংধ্রে স্থিতাংভোজমধ্যস্থং চংদ্রমংডলম্ ॥ 117 ॥
অকথাদিত্রিরেখাব্জে সহস্রদলমংডলে । হংসপার্শ্বত্রিকোণে চ স্মরেত্তন্মধ্যগং গুরুম্ ॥ 118 ॥
নিত্য়ং শুদ্ধং নিরাভাসং নিরাকারং নিরংজনম্ । নিত্যবোধং চিদানংদং গুরুং ব্রহ্ম নমাম্যহম্ ॥ 119 ॥
সকলভুবনসৃষ্টিঃ কল্পিতাশেষসৃষ্টিঃ নিখিলনিগমদৃষ্টিঃ সত্পদার্থৈকসৃষ্টিঃ । অতদ্গণপরমেষ্টিঃ সত্পদার্থৈকদৃষ্টিঃ ভবগুণপরমেষ্টির্মোক্ষমার্গৈকদৃষ্টিঃ ॥ 120 ॥
সকলভুবনরংগস্থাপনাস্তংভযষ্টিঃ সকরুণরসবৃষ্টিস্তত্ত্বমালাসমষ্টিঃ । সকলসমযসৃষ্টিস্সচ্চিদানংদদৃষ্টিঃ নিবসতু ময়ি নিত্য়ং শ্রীগুরোর্দিব্যদৃষ্টিঃ ॥ 121 ॥
ন গুরোরধিকং ন গুরোরধিকং ন গুরোরধিকং ন গুরোরধিকম্ । শিবশাসনতঃ শিবশাসনতঃ শিবশাসনতঃ শিবশাসনতঃ ॥ 122 ॥
ইদমেব শিবং ইদমেব শিবং ইদমেব শিবং ইদমেব শিবম্ । হরিশাসনতো হরিশাসনতো হরিশাসনতো হরিশাসনতঃ ॥ 123 ॥
বিদিতং বিদিতং বিদিতং বিদিতং বিজনং বিজনং বিজনং বিজনম্ । বিধিশাসনতো বিধিশাসনতো বিধিশাসনতো বিধিশাসনতঃ ॥ 124 ॥
এবংবিধং গুরুং ধ্য়াত্বা জ্ঞানমুত্পদ্যতে স্বযম্ । তদা গুরূপদেশেন মুক্তোঽহমিতি ভাবয়েত্ ॥ 125 ॥
গুরূপদিষ্টমার্গেণ মনশ্শুদ্ধিং তু কারয়েত্ । অনিত্য়ং খংডয়েত্সর্বং যত্কিংচিদাত্মগোচরম্ ॥ 126 ॥
জ্ঞেয়ং সর্বং প্রতীতং চ জ্ঞানং চ মন উচ্যতে । জ্ঞানং জ্ঞেয়ং সমং কুর্য়ান্নান্য়ঃ পংথা দ্বিতীযকঃ ॥ 127 ॥
কিমত্র বহুনোক্তেন শাস্ত্রকোটিশতৈরপি । দুর্লভা চিত্তবিশ্রাংতিঃ বিনা গুরুকৃপাং পরাম্ ॥ 128 ॥
করুণাখড্গপাতেন ছিত্বা পাশাষ্টকং শিশোঃ । সম্যগানংদজনকঃ সদ্গুরুঃ সোঽভিধীযতে ॥ 129 ॥
এবং শ্রুত্বা মহাদেবি গুরুনিংদাং করোতি যঃ । স যাতি নরকান্ ঘোরান্ যাবচ্চংদ্রদিবাকরৌ ॥ 130 ॥
যাবত্কল্পাংতকো দেহস্তাবদ্দেবি গুরুং স্মরেত্ । গুরুলোপো ন কর্তব্য়ঃ স্বচ্ছংদো যদি বা ভবেত্ ॥ 131 ॥
হুংকারেণ ন বক্তব্য়ং প্রাজ্ঞশিষ্য়ৈঃ কদাচন । গুরোরগ্র ন বক্তব্যমসত্য়ং তু কদাচন ॥ 132 ॥
গুরুং ত্বংকৃত্য় হুংকৃত্য় গুরুসান্নিধ্যভাষণঃ । অরণ্য়ে নির্জলে দেশে সংভবেদ্ ব্রহ্মরাক্ষসঃ ॥ 133 ॥
অদ্বৈতং ভাবয়েন্নিত্য়ং সর্বাবস্থাসু সর্বদা । কদাচিদপি নো কুর্য়াদদ্বৈতং গুরুসন্নিধৌ ॥ 134 ॥
দৃশ্যবিস্মৃতিপর্য়ংতং কুর্য়াদ্ গুরুপদার্চনম্ । তাদৃশস্য়ৈব কৈবল্য়ং ন চ তদ্ব্যতিরেকিণঃ ॥ 135 ॥
অপি সংপূর্ণতত্ত্বজ্ঞো গুরুত্য়াগী ভবেদ্যদা । ভবত্য়েব হি তস্য়াংতকালে বিক্ষেপমুত্কটম্ ॥ 136 ॥
গুরুকার্য়ং ন লংঘেত নাপৃষ্ট্বা কার্যমাচরেত্ । ন হ্য়ুত্তিষ্ঠেদ্দিশেঽনত্বা গুরুসদ্ভাবশোভিতঃ ॥ 137 ॥
গুরৌ সতি স্বয়ং দেবি পরেষাং তু কদাচন । উপদেশং ন বৈ কুর্য়াত্ তথা চেদ্রাক্ষসো ভবেত্ ॥ 138 ॥
ন গুরোরাশ্রমে কুর্য়াত্ দুষ্পানং পরিসর্পণম্ । দীক্ষা ব্য়াখ্য়া প্রভুত্বাদি গুরোরাজ্ঞাং ন কারয়েত্ ॥ 139 ॥
নোপাশ্রয়ং চ পর্যকং ন চ পাদপ্রসারণম্ । নাংগভোগাদিকং কুর্য়ান্ন লীলামপরামপি ॥ 140 ॥
গুরূণাং সদসদ্বাঽপি যদুক্তং তন্ন লংঘয়েত্ । কুর্বন্নাজ্ঞাং দিবা রাত্রৌ দাসবন্নিবসেদ্গুরো ॥ 141 ॥
অদত্তং ন গুরোর্দ্রব্যমুপভুংজীত কর্হিচিত্ । দত্তে চ রংকবদ্গ্রাহ্য়ং প্রাণোঽপ্য়েতেন লভ্যতে ॥ 142 ॥
পাদুকাসনশয়্য়াদি গুরুণা যদভীষ্টিতম্ । নমস্কুর্বীত তত্সর্বং পাদাভ্য়াং ন স্পৃশেত্ ক্বচিত্ ॥ 143 ॥
গচ্ছতঃ পৃষ্ঠতো গচ্ছেত্ গুরুচ্ছায়াং ন লংঘয়েত্ । নোল্বণং ধারয়েদ্বেষং নালংকারাংস্ততোল্বণান্ ॥ 144 ॥
গুরুনিংদাকরং দৃষ্ট্বা ধাবয়েদথ বাসয়েত্ । স্থানং বা তত্পরিত্য়াজ্য়ং জিহ্বাচ্ছেদাক্ষমো যদি ॥ 145 ॥
নোচ্ছিষ্টং কস্যচিদ্দেয়ং গুরোরাজ্ঞাং ন চ ত্যজেত্ । কৃত্স্নমুচ্ছিষ্টমাদায় হবিরিব ভক্ষয়েত্স্বযম্ ॥ 146 ॥
নাঽনৃতং নাঽপ্রিয়ং চৈব ন গর্বং নাঽপি বা বহু । ন নিয়োগপরং ব্রূয়াত্ গুরোরাজ্ঞাং বিভাবয়েত্ ॥ 147 ॥
প্রভো দেবকুলেশানাং স্বামিন্ রাজন্ কুলেশ্বর । ইতি সংবোধনৈর্ভীতো গুরুভাবেন সর্বদা ॥ 148 ॥
মুনিভিঃ পন্নগৈর্বাপি সুরৈর্বা শাপিতো যদি । কালমৃত্য়ুভয়াদ্বাপি গুরুঃ সংত্রাতি পার্বতি ॥ 149 ॥
অশক্তা হি সুরাদ্য়াশ্চ হ্যশক্তাঃ মুনযস্তথা । গুরুশাপোপপন্নস্য় রক্ষণায় চ কুত্রচিত্ ॥ 150 ॥
মংত্ররাজমিদং দেবি গুরুরিত্যক্ষরদ্বযম্ । স্মৃতিবেদপুরাণানাং সারমেব ন সংশয়ঃ ॥ 151 ॥
সত্কারমানপূজার্থং দংডকাষযধারণঃ । স সন্ন্য়াসী ন বক্তব্য়ঃ সন্ন্য়াসী জ্ঞানতত্পরঃ ॥ 152 ॥
বিজানংতি মহাবাক্য়ং গুরোশ্চরণ সেবয়া । তে বৈ সন্ন্য়াসিনঃ প্রোক্তা ইতরে বেষধারিণঃ ॥ 153 ॥
[পাঠভেদঃ – নিত্য়ং ব্রহ্ম নিরাকারং নির্গুণং বোধয়েত্পরম্ । ভাসযন্ ব্রহ্মভাবং চ দীপো দীপাংতরং যথা ॥ ] নিত্য়ং ব্রহ্ম নিরাকারং নির্গুণং সত্যচিদ্ধনম্ । যঃ সাক্ষাত্কুরুতে লোকে গুরুত্বং তস্য় শোভতে ॥ 154 ॥
গুরুপ্রসাদতঃ স্বাত্মন্য়াত্মারামনিরীক্ষণাত্ । সমতা মুক্তিমার্গেণ স্বাত্মজ্ঞানং প্রবর্ততে ॥ 155 ॥
আব্রহ্মস্তংবপর্য়ংতং পরমাত্মস্বরূপকম্ । স্থাবরং জংগমং চৈব প্রণমামি জগন্মযম্ ॥ 156 ॥
বংদেঽহং সচ্চিদানংদং ভাবাতীতং জগদ্গুরুম্ । নিত্য়ং পূর্ণং নিরাকারং নির্গুণং স্বাত্মসংস্থিতম্ ॥ 157 ॥
পরাত্পরতরং ধ্য়ায়েন্নিত্যমানংদকারকম্ । হৃদয়াকাশমধ্যস্থং শুদ্ধস্ফটিকসন্নিভম্ ॥ 158 ॥
স্ফাটিকে স্ফাটিকং রূপং দর্পণে দর্পণো যথা । তথাঽঽত্মনি চিদাকারমানংদং সোঽহমিত্য়ুত ॥ 159 ॥
অংগুষ্ঠমাত্রং পুরুষং ধ্য়ায়েচ্চ চিন্ময়ং হৃদি । তত্র স্ফুরতি যো ভাবঃ শৃণু তত্কথয়ামি তে ॥ 160 ॥
অজোঽহমমরোঽহং চ অনাদিনিধনো হ্যহম্ । অবিকারশ্চিদানংদো হ্যণীয়ান্মহতো মহান্ ॥ 161 ॥
অপূর্বমপরং নিত্য়ং স্বয়ংজ্য়োতির্নিরামযম্ । বিরজং পরমাকাশং ধ্রুবমানংদমব্যযম্ ॥ 162 ॥
অগোচরং তথাঽগম্য়ং নামরূপবিবর্জিতম্ । নিশ্শব্দং তু বিজানীয়াত্স্বভাবাদ্ব্রহ্ম পার্বতি ॥ 163 ॥
যথা গংধস্বভাবত্বং কর্পূরকুসুমাদিষু । শীতোষ্ণত্বস্বভাবত্বং তথা ব্রহ্মণি শাশ্বতম্ ॥ 164 ॥
যথা নিজস্বভাবেন কুংডলে কটকাদয়ঃ । সুবর্ণত্বেন তিষ্ঠংতি তথাঽহং ব্রহ্ম শাশ্বতম্ ॥ 165 ॥
স্বয়ং তথাবিধো ভূত্বা স্থাতব্য়ং যত্র কুত্র চিত্ । কীটো ভৃংগ ইব ধ্য়ানাদ্যথা ভবতি তাদৃশঃ ॥ 166 ॥
গুরুধ্য়ানং তথা কৃত্বা স্বয়ং ব্রহ্মময়ো ভবেত্ । পিংডে পদে তথা রূপে মুক্তাস্তে নাত্র সংশয়ঃ ॥ 167 ॥
শ্রীপার্বতী উবাচ
পিংডং কিং তু মহাদেব পদং কিং সমুদাহৃতম্ । রূপাতীতং চ রূপং কিং এতদাখ্য়াহি শংকর ॥ 168
শ্রীমহাদেব উবাচ
পিংডং কুংডলিনী শক্তিঃ পদং হংসমুদাহৃতম্ । রূপং বিংদুরিতি জ্ঞেয়ং রূপাতীতং নিরংজনম্ ॥ 169
পিংডে মুক্তাঃ পদে মুক্তা রূপে মুক্তা বরাননে । রূপাতীতে তু যে মুক্তাস্তে মুক্তা নাঽত্র সংশয়ঃ ॥ 170 ॥
গুরুর্ধ্য়ানেনৈব নিত্য়ং দেহী ব্রহ্মময়ো ভবেত্ । স্থিতশ্চ যত্র কুত্রাঽপি মুক্তোঽসৌ নাঽত্র সংশয়ঃ ॥ 171 ॥
জ্ঞানং বৈরাগ্যমৈশ্বর্য়ং যশশ্রীঃ স্বমুদাহৃতম্ । ষড্গুণৈশ্বর্যয়ুক্তো হি ভগবান্ শ্রীগুরুঃ প্রিয়ে ॥ 172 ॥
গুরুশ্শিবো গুরুর্দেবো গুরুর্বংধুঃ শরীরিণাম্ । গুরুরাত্মা গুরুর্জীবো গুরোরন্যন্ন বিদ্যতে ॥ 173 ॥
একাকী নিস্স্পৃহঃ শাংতশ্চিংতাঽসূয়াদিবর্জিতঃ । বাল্যভাবেন যো ভাতি ব্রহ্মজ্ঞানী স উচ্যতে ॥ 174 ॥
ন সুখং বেদশাস্ত্রেষু ন সুখং মংত্রয়ংত্রকে । গুরোঃ প্রসাদাদন্যত্র সুখং নাস্তি মহীতলে ॥ 175 ॥
চার্বাকবৈষ্ণবমতে সুখং প্রাভাকরে ন হি । গুরোঃ পাদাংতিকে যদ্বত্সুখং বেদাংতসম্মতম্ ॥ 176 ॥
ন তত্সুখং সুরেংদ্রস্য় ন সুখং চক্রবর্তিনাম্ । যত্সুখং বীতরাগস্য় মুনেরেকাংতবাসিনঃ ॥ 177 ॥
নিত্য়ং ব্রহ্মরসং পীত্বা তৃপ্তো যঃ পরমাত্মনি । ইংদ্রং চ মন্যতে তুচ্ছং নৃপাণাং তত্র কা কথা ॥ 178 ॥
যতঃ পরমকৈবল্য়ং গুরুমার্গেণ বৈ ভবেত্ । গুরুভক্তিরতঃ কার্য়া সর্বদা মোক্ষকাংক্ষিভিঃ ॥ 179 ॥
এক এবাঽদ্বিতীয়োঽহং গুরুবাক্য়েন নিশ্চিতঃ । এবমভ্যস্যতা নিত্য়ং ন সেব্য়ং বৈ বনাংতরম্ ॥ 180 ॥
অভ্য়াসান্নিমিষেণৈব সমাধিমধিগচ্ছতি । আজন্মজনিতং পাপং তত্ক্ষণাদেব নশ্যতি ॥ 181 ॥
কিমাবাহনমব্যক্তে ব্য়াপকে কিং বিসর্জনম্ । অমূর্তে চ কথং পূজা কথং ধ্য়ানং নিরাময়ে ॥ 182 ॥
গুরুর্বিষ্ণুঃ সত্ত্বময়ো রাজসশ্চতুরাননঃ । তামসো রুদ্ররূপেণ সৃজত্যবতি হংতি চ ॥ 183 ॥
স্বয়ং ব্রহ্মময়ো ভূত্বা তত্পরং চাবলোকয়েত্ । পরাত্পরতরং নান্যত্ সর্বগং তন্নিরামযম্ ॥ 184 ॥
তস্য়াবলোকনং প্রাপ্য় সর্বসংগবিবর্জিতঃ । একাকী নিস্স্পৃহঃ শাংতঃ স্থাতব্য়ং তত্প্রসাদতঃ ॥ 185 ॥
লব্ধং বাঽথ ন লব্ধং বা স্বল্পং বা বহুলং তথা । নিষ্কামেনৈব ভোক্তব্য়ং সদা সংতুষ্টমানসঃ ॥ 186 ॥
সর্বজ্ঞপদমিত্য়াহুর্দেহী সর্বময়ো ভুবি । সদাঽঽনংদঃ সদা শাংতো রমতে যত্র কুত্র চিত্ ॥ 187 ॥
যত্রৈব তিষ্ঠতে সোঽপি স দেশঃ পুণ্যভাজনঃ । মুক্তস্য় লক্ষণং দেবি তবাঽগ্রে কথিতং ময়া ॥ 188 ॥
উপদেশস্ত্বয়ং দেবি গুরুমার্গেণ মুক্তিদঃ । গুরুভক্তিঃ তথাঽত্য়ংতা কর্তব্য়া বৈ মনীষিভিঃ ॥ 189 ॥
নিত্যয়ুক্তাশ্রয়ঃ সর্ববেদকৃত্সর্ববেদকৃত্ । স্বপরজ্ঞানদাতা চ তং বংদে গুরুমীশ্বরম্ ॥ 190 ॥
যদ্যপ্যধীতা নিগমাঃ ষডংগা আগমাঃ প্রিয়ে । অধ্য়াত্মাদীনি শাস্ত্রাণি জ্ঞানং নাস্তি গুরুং বিনা ॥ 191 ॥
শিবপূজারতো বাঽপি বিষ্ণুপূজারতোঽথবা । গুরুতত্ত্ববিহীনশ্চেত্তত্সর্বং ব্যর্থমেব হি ॥ 192 ॥
শিবস্বরূপমজ্ঞাত্বা শিবপূজা কৃতা যদি । সা পূজা নামমাত্রং স্য়াচ্চিত্রদীপ ইব প্রিয়ে ॥ 193 ॥
সর্বং স্য়াত্সফলং কর্ম গুরুদীক্ষাপ্রভাবতঃ । গুরুলাভাত্সর্বলাভো গুরুহীনস্তু বালিশঃ ॥ 194 ॥
গুরুহীনঃ পশুঃ কীটঃ পতংগো বক্তুমর্হতি । শিবরূপং স্বরূপং চ ন জানাতি যতস্স্বযম্ ॥ 195 ॥
তস্মাত্সর্বপ্রযত্নেন সর্বসংগবিবর্জিতঃ । বিহায় শাস্ত্রজালানি গুরুমেব সমাশ্রয়েত্ ॥ 196 ॥
নিরস্তসর্বসংদেহো একীকৃত্য় সুদর্শনম্ । রহস্য়ং যো দর্শযতি ভজামি গুরুমীশ্বরম্ ॥ 197 ॥
জ্ঞানহীনো গুরুস্ত্য়াজ্য়ো মিথ্য়াবাদী বিডংবকঃ । স্ববিশ্রাংতিং ন জানাতি পরশাংতিং করোতি কিম্ ॥ 198 ॥
শিলায়াঃ কিং পরং জ্ঞানং শিলাসংঘপ্রতারণে । স্বয়ং তর্তুং ন জানাতি পরং নিস্তারয়েত্ কথম্ ॥ 199 ॥
ন বংদনীয়াস্তে কষ্টং দর্শনাদ্ভ্রাংতিকারকাঃ । বর্জয়েত্তান্ গুরূন্ দূরে ধীরস্য় তু সমাশ্রয়েত্ ॥ 200 ॥
পাষংডিনঃ পাপরতাঃ নাস্তিকা ভেদবুদ্ধয়ঃ । স্ত্রীলংপটা দুরাচারাঃ কৃতঘ্না বকবৃত্তয়ঃ ॥ 201 ॥
কর্মভ্রষ্টাঃ ক্ষমানষ্টা নিংদ্যতর্কৈশ্চ বাদিনঃ । কামিনঃ ক্রোধিনশ্চৈব হিংস্রাশ্চংডাঃ শঠাস্তথা ॥ 202 ॥
জ্ঞানলুপ্তা ন কর্তব্য়া মহাপাপাস্তথা প্রিয়ে । এভ্য়ো ভিন্নো গুরুঃ সেব্য়ঃ একভক্ত্য়া বিচার্য় চ ॥ 203 ॥
শিষ্য়াদন্যত্র দেবেশি ন বদেদ্যস্য় কস্যচিত্ । নরাণাং চ ফলপ্রাপ্তৌ ভক্তিরেব হি কারণম্ ॥ 204 ॥
গূঢো দৃঢশ্চ প্রীতশ্চ মৌনেন সুসমাহিতঃ । সকৃত্কামগতো বাঽপি পংচধা গুরুরীরিতঃ ॥ 205 ॥
সর্বং গুরুমুখাল্লব্ধং সফলং পাপনাশনম্ । যদ্যদাত্মহিতং বস্তু তত্তদ্দ্রব্য়ং ন বংচয়েত্ ॥ 206 ॥
গুরুদেবার্পণং বস্তু তেন তুষ্টোঽস্মি সুব্রতে । শ্রীগুরোঃ পাদুকাং মুদ্রাং মূলমংত্রং চ গোপয়েত্ ॥ 207 ॥
নতাঽস্মি তে নাথ পদারবিংদং বুদ্ধীংদ্রিযপ্রাণমনোবচোভিঃ । যচ্চিংত্যতে ভাবিত আত্ময়ুক্তৌ মুমুক্ষিভিঃ কর্মময়োপশাংতয়ে ॥ 208 ॥
অনেন যদ্ভবেত্কার্য়ং তদ্বদামি তব প্রিয়ে । লোকোপকারকং দেবি লৌকিকং তু বিবর্জয়েত্ ॥ 209 ॥
লৌকিকাদ্ধর্মতো যাতি জ্ঞানহীনো ভবার্ণবে । জ্ঞানভাবে চ যত্সর্বং কর্ম নিষ্কর্ম শাম্যতি ॥ 210 ॥
ইমাং তু ভক্তিভাবেন পঠেদ্বৈ শৃণুয়াদপি । লিখিত্বা যত্প্রদানেন তত্সর্বং ফলমশ্নুতে ॥ 211 ॥
গুরুগীতামিমাং দেবি হৃদি নিত্য়ং বিভাবয় । মহাব্য়াধিগতৈর্দুঃখৈঃ সর্বদা প্রজপেন্মুদা ॥ 212 ॥
গুরুগীতাক্ষরৈকৈকং মংত্ররাজমিদং প্রিয়ে । অন্য়ে চ বিবিধাঃ মংত্রাঃ কলাং নার্হংতি ষোডশীম্ ॥ 213 ॥
অনংত ফলমাপ্নোতি গুরুগীতা জপেন তু । সর্বপাপহরা দেবি সর্বদারিদ্র্যনাশিনী ॥ 214 ॥
অকালমৃত্য়ুহরা চৈব সর্বসংকটনাশিনী । যক্ষরাক্ষসভূতাদিচোরব্য়াঘ্রবিঘাতিনী ॥ 215 ॥
সর্বোপদ্রবকুষ্ঠাদিদুষ্টদোষনিবারিণী । যত্ফলং গুরুসান্নিধ্য়াত্তত্ফলং পঠনাদ্ভবেত্ ॥ 216 ॥
মহাব্য়াধিহরা সর্ববিভূতেঃ সিদ্ধিদা ভবেত্ । অথবা মোহনে বশ্য়ে স্বযমেব জপেত্সদা ॥ 217 ॥
কুশদূর্বাসনে দেবি হ্য়াসনে শুভ্রকংবলে । উপবিশ্য় ততো দেবি জপেদেকাগ্রমানসঃ ॥ 218 ॥
শুক্লং সর্বত্র বৈ প্রোক্তং বশ্য়ে রক্তাসনং প্রিয়ে । পদ্মাসনে জপেন্নিত্য়ং শাংতিবশ্যকরং পরম্ ॥ 219 ॥
বস্ত্রাসনে চ দারিদ্র্য়ং পাষাণে রোগসংভবঃ । মেদিন্য়াং দুঃখমাপ্নোতি কাষ্ঠে ভবতি নিষ্ফলম্ ॥ 220 ॥
কৃষ্ণাজিনে জ্ঞানসিদ্ধিঃ মোক্ষশ্রীর্ব্য়াঘ্রচর্মণি । কুশাসনে জ্ঞানসিদ্ধিঃ সর্বসিদ্ধিস্তু কংবলে ॥ 221 ॥
আগ্নেয়্য়াং কর্ষণং চৈব বাযব্য়াং শত্রুনাশনম্ । নৈরৃত্য়াং দর্শনং চৈব ঈশান্য়াং জ্ঞানমেব চ ॥ 222 ॥
উদঙ্মুখঃ শাংতিজাপ্য়ে বশ্য়ে পূর্বমুখস্তথা । যাম্য়ে তু মারণং প্রোক্তং পশ্চিমে চ ধনাগমঃ ॥ 223 ॥
মোহনং সর্বভূতানাং বংধমোক্ষকরং পরম্ । দেবরাজপ্রিযকরং রাজানং বশমানয়েত্ ॥ 224 ॥
মুখস্তংভকরং চৈব গুণানাং চ বিবর্ধনম্ । দুষ্কর্মনাশনং চৈব তথা সত্কর্মসিদ্ধিদম্ ॥ 225 ॥
অসিদ্ধং সাধয়েত্কার্য়ং নবগ্রহভয়াপহম্ । দুঃস্বপ্ননাশনং চৈব সুস্বপ্নফলদাযকম্ ॥ 226 ॥
মোহশাংতিকরং চৈব বংধমোক্ষকরং পরম্ । স্বরূপজ্ঞাননিলয়ং গীতাশাস্ত্রমিদং শিবে ॥ 227 ॥
যং যং চিংতযতে কামং তং তং প্রাপ্নোতি নিশ্চযম্ । নিত্য়ং সৌভাগ্যদং পুণ্য়ং তাপত্রযকুলাপহম্ ॥ 228 ॥
সর্বশাংতিকরং নিত্য়ং তথা বংধ্য়া সুপুত্রদম্ । অবৈধব্যকরং স্ত্রীণাং সৌভাগ্যস্য় বিবর্ধনম্ ॥ 229 ॥
আয়ুরারোগ্যমৈশ্বর্য়ং পুত্রপৌত্রবিবর্ধনম্ । নিষ্কামজাপী বিধবা পঠেন্মোক্ষমবাপ্নুয়াত্ ॥ 230 ॥
অবৈধব্য়ং সকামা তু লভতে চান্যজন্মনি । সর্বদুঃখময়ং বিঘ্নং নাশয়েত্তাপহারকম্ ॥ 231 ॥
সর্বপাপপ্রশমনং ধর্মকামার্থমোক্ষদম্ । যং যং চিংতযতে কামং তং তং প্রাপ্নোতি নিশ্চিতম্ ॥ 232 ॥
কাম্য়ানাং কামধেনুর্বৈ কল্পতে কল্পপাদপঃ । চিংতামণিশ্চিংতিতস্য় সর্বমংগলকারকম্ ॥ 233 ॥
লিখিত্বা পূজয়েদ্যস্তু মোক্ষশ্রিযমবাপ্নুয়াত্ । গুরূভক্তির্বিশেষেণ জাযতে হৃদি সর্বদা ॥ 234 ॥
জপংতি শাক্তাঃ সৌরাশ্চ গাণপত্য়াশ্চ বৈষ্ণবাঃ । শৈবাঃ পাশুপতাঃ সর্বে সত্য়ং সত্য়ং ন সংশয়ঃ ॥ 235 ॥
ইতি শ্রীস্কংদপুরাণে উত্তরখংডে উমামহেশ্বর সংবাদে শ্রী গুরুগীতায়াং দ্বিতীয়োঽধ্য়ায়ঃ ॥
श्री गुरुगीता द्वितीयोध्यायः के बारे में
The second chapter of the Guru Gita continues Lord Shiva's teaching to Parvati on the greatness of the guru. Shiva says: listen, great goddess, to the meditation on the guru, which gives all bliss and happiness, enjoyment and liberation. He describes how to meditate on the guru seated in the lotus of the heart or on the head, shining like the moon, with a gracious smile and the gesture of blessing, and praises service to the guru as the way to every good.
स्रोत: Skanda Purana, Uttara Khanda, as its colophon states
कब पढ़ें: On Guru Purnima, on Thursdays, and in daily worship of the guru.
क्या आप जानते हैं?
- Its colophon places it in the Uttara Khanda of the Skanda Purana, in the dialogue of Uma and Maheshvara.
- Its verses continue the numbering of the first chapter, starting from verse 109.
अक्सर पूछे जाने वाले प्रश्न
What does the second chapter teach?
How to meditate on the guru, and the fruits of serving the guru.
Who is speaking?
Lord Shiva, to Goddess Parvati.
When is it recited?
On Guru Purnima and Thursdays.
उपासना और अध्ययन के लिए प्रस्तुत, भविष्यवाणी के रूप में नहीं। गैर-व्यावसायिक।
और भक्ति पाठ