MuhurtaNow

ಅಷ್ಟಾವಕ್ರ ಗೀತಾ ಅಷ್ಟಾದಶೋಽಧ್ಯಾಯಃ

Karma Siddhanta · ಸಾಂಪ್ರದಾಯಿಕ ಭಕ್ತಿ ಪಠ್ಯ

অষ্টাবক্র উবাচ

যস্য় বোধোদয়ে তাবত্স্বপ্নবদ্ ভবতি ভ্রমঃ । তস্মৈ সুখৈকরূপায় নমঃ শাংতায় তেজসে ॥ 18-1

অর্জয়িত্বাখিলান্ অর্থান্ ভোগানাপ্নোতি পুষ্কলান্ । ন হি সর্বপরিত্য়াগমংতরেণ সুখী ভবেত্ ॥ 18-2॥

কর্তব্যদুঃখমার্তংডজ্বালাদগ্ধাংতরাত্মনঃ । কুতঃ প্রশমপীয়ূষধারাসারমৃতে সুখম্ ॥ 18-3॥

ভবোঽয়ং ভাবনামাত্রো ন কিংচিত্ পরমার্থতঃ । নাস্ত্যভাবঃ স্বভাবানাং ভাবাভাববিভাবিনাম্ ॥ 18-4॥

ন দূরং ন চ সংকোচাল্লব্ধমেবাত্মনঃ পদম্ । নির্বিকল্পং নিরায়াসং নির্বিকারং নিরংজনম্ ॥ 18-5॥

ব্য়ামোহমাত্রবিরতৌ স্বরূপাদানমাত্রতঃ । বীতশোকা বিরাজংতে নিরাবরণদৃষ্টয়ঃ ॥ 18-6॥

সমস্তং কল্পনামাত্রমাত্মা মুক্তঃ সনাতনঃ । ইতি বিজ্ঞায় ধীরো হি কিমভ্যস্যতি বালবত্ ॥ 18-7॥

আত্মা ব্রহ্মেতি নিশ্চিত্য় ভাবাভাবৌ চ কল্পিতৌ । নিষ্কামঃ কিং বিজানাতি কিং ব্রূতে চ করোতি কিম্ ॥ 18-8॥

অয়ং সোঽহময়ং নাহমিতি ক্ষীণা বিকল্পনা । সর্বমাত্মেতি নিশ্চিত্য় তূষ্ণীংভূতস্য় যোগিনঃ ॥ 18-9॥

ন বিক্ষেপো ন চৈকাগ্র্য়ং নাতিবোধো ন মূঢতা । ন সুখং ন চ বা দুঃখমুপশাংতস্য় যোগিনঃ ॥ 18-10॥

স্বারাজ্য়ে ভৈক্ষবৃত্তৌ চ লাভালাভে জনে বনে । নির্বিকল্পস্বভাবস্য় ন বিশেষোঽস্তি যোগিনঃ ॥ 18-11॥

ক্ব ধর্মঃ ক্ব চ বা কামঃ ক্ব চার্থঃ ক্ব বিবেকিতা । ইদং কৃতমিদং নেতি দ্বংদ্বৈর্মুক্তস্য় যোগিনঃ ॥ 18-12॥

কৃত্য়ং কিমপি নৈবাস্তি ন কাপি হৃদি রংজনা । যথা জীবনমেবেহ জীবন্মুক্তস্য় যোগিনঃ ॥ 18-13॥

ক্ব মোহঃ ক্ব চ বা বিশ্বং ক্ব তদ্ ধ্য়ানং ক্ব মুক্ততা । সর্বসংকল্পসীমায়াং বিশ্রাংতস্য় মহাত্মনঃ ॥ 18-14॥

যেন বিশ্বমিদং দৃষ্টং স নাস্তীতি করোতু বৈ । নির্বাসনঃ কিং কুরুতে পশ্যন্নপি ন পশ্যতি ॥ 18-15॥

যেন দৃষ্টং পরং ব্রহ্ম সোঽহং ব্রহ্মেতি চিংতয়েত্ । কিং চিংতযতি নিশ্চিংতো দ্বিতীয়ং যো ন পশ্যতি ॥ 18-16॥

দৃষ্টো যেনাত্মবিক্ষেপো নিরোধং কুরুতে ত্বসৌ । উদারস্তু ন বিক্ষিপ্তঃ সাধ্য়াভাবাত্করোতি কিম্ ॥ 18-17॥

ধীরো লোকবিপর্যস্তো বর্তমানোঽপি লোকবত্ । ন সমাধিং ন বিক্ষেপং ন লোপং স্বস্য় পশ্যতি ॥ 18-18॥

ভাবাভাববিহীনো যস্তৃপ্তো নির্বাসনো বুধঃ । নৈব কিংচিত্কৃতং তেন লোকদৃষ্ট্য়া বিকুর্বতা ॥ 18-19॥

প্রবৃত্তৌ বা নিবৃত্তৌ বা নৈব ধীরস্য় দুর্গ্রহঃ । যদা যত্কর্তুমায়াতি তত্কৃত্বা তিষ্ঠতঃ সুখম্ ॥ 18-20॥

নির্বাসনো নিরালংবঃ স্বচ্ছংদো মুক্তবংধনঃ । ক্ষিপ্তঃ সংস্কারবাতেন চেষ্টতে শুষ্কপর্ণবত্ ॥ 18-21॥

অসংসারস্য় তু ক্বাপি ন হর্ষো ন বিষাদতা । স শীতলমনা নিত্য়ং বিদেহ ইব রাজয়ে ॥ 18-22॥

কুত্রাপি ন জিহাসাস্তি নাশো বাপি ন কুত্রচিত্ । আত্মারামস্য় ধীরস্য় শীতলাচ্ছতরাত্মনঃ ॥ 18-23॥

প্রকৃত্য়া শূন্যচিত্তস্য় কুর্বতোঽস্য় যদৃচ্ছয়া । প্রাকৃতস্য়েব ধীরস্য় ন মানো নাবমানতা ॥ 18-24॥

কৃতং দেহেন কর্মেদং ন ময়া শুদ্ধরূপিণা । ইতি চিংতানুরোধী যঃ কুর্বন্নপি করোতি ন ॥ 18-25॥

অতদ্বাদীব কুরুতে ন ভবেদপি বালিশঃ । জীবন্মুক্তঃ সুখী শ্রীমান্ সংসরন্নপি শোভতে ॥ 18-26॥

নানাবিচারসুশ্রাংতো ধীরো বিশ্রাংতিমাগতঃ । ন কল্পতে ন জানাতি ন শৃণোতি ন পশ্যতি ॥ 18-27॥

অসমাধেরবিক্ষেপান্ ন মুমুক্ষুর্ন চেতরঃ । নিশ্চিত্য় কল্পিতং পশ্যন্ ব্রহ্মৈবাস্তে মহাশয়ঃ ॥ 18-28॥

যস্য়াংতঃ স্য়াদহংকারো ন করোতি করোতি সঃ । নিরহংকারধীরেণ ন কিংচিদকৃতং কৃতম্ ॥ 18-29॥

নোদ্বিগ্নং ন চ সংতুষ্টমকর্তৃ স্পংদবর্জিতম্ । নিরাশং গতসংদেহং চিত্তং মুক্তস্য় রাজতে ॥ 18-30॥

নির্ধ্য়াতুং চেষ্টিতুং বাপি যচ্চিত্তং ন প্রবর্ততে । নির্নিমিত্তমিদং কিংতু নির্ধ্য়ায়েতি বিচেষ্টতে ॥ 18-31॥

তত্ত্বং যথার্থমাকর্ণ্য় মংদঃ প্রাপ্নোতি মূঢতাম্ । অথবা যাতি সংকোচমমূঢঃ কোঽপি মূঢবত্ ॥ 18-32॥

একাগ্রতা নিরোধো বা মূঢৈরভ্যস্যতে ভৃশম্ । ধীরাঃ কৃত্য়ং ন পশ্য়ংতি সুপ্তবত্স্বপদে স্থিতাঃ ॥ 18-33॥

অপ্রযত্নাত্ প্রযত্নাদ্ বা মূঢো নাপ্নোতি নির্বৃতিম্ । তত্ত্বনিশ্চযমাত্রেণ প্রাজ্ঞো ভবতি নির্বৃতঃ ॥ 18-34॥

শুদ্ধং বুদ্ধং প্রিয়ং পূর্ণং নিষ্প্রপংচং নিরামযম্ । আত্মানং তং ন জানংতি তত্রাভ্য়াসপরা জনাঃ ॥ 18-35॥

নাপ্নোতি কর্মণা মোক্ষং বিমূঢোঽভ্য়াসরূপিণা । ধন্য়ো বিজ্ঞানমাত্রেণ মুক্তস্তিষ্ঠত্যবিক্রিয়ঃ ॥ 18-36॥

মূঢো নাপ্নোতি তদ্ ব্রহ্ম যতো ভবিতুমিচ্ছতি । অনিচ্ছন্নপি ধীরো হি পরব্রহ্মস্বরূপভাক্ ॥ 18-37॥

নিরাধারা গ্রহব্যগ্রা মূঢাঃ সংসারপোষকাঃ । এতস্য়ানর্থমূলস্য় মূলচ্ছেদঃ কৃতো বুধৈঃ ॥ 18-38॥

ন শাংতিং লভতে মূঢো যতঃ শমিতুমিচ্ছতি । ধীরস্তত্ত্বং বিনিশ্চিত্য় সর্বদা শাংতমানসঃ ॥ 18-39॥

ক্বাত্মনো দর্শনং তস্য় যদ্ দৃষ্টমবলংবতে । ধীরাস্তং তং ন পশ্য়ংতি পশ্য়ংত্য়াত্মানমব্যযম্ ॥ 18-40॥

ক্ব নিরোধো বিমূঢস্য় যো নির্বংধং করোতি বৈ । স্বারামস্য়ৈব ধীরস্য় সর্বদাসাবকৃত্রিমঃ ॥ 18-41॥

ভাবস্য় ভাবকঃ কশ্চিন্ ন কিংচিদ্ ভাবকোপরঃ । উভয়াভাবকঃ কশ্চিদ্ এবমেব নিরাকুলঃ ॥ 18-42॥

শুদ্ধমদ্বযমাত্মানং ভাবয়ংতি কুবুদ্ধয়ঃ । ন তু জানংতি সংমোহাদ্য়াবজ্জীবমনির্বৃতাঃ ॥ 18-43॥

মুমুক্ষোর্বুদ্ধিরালংবমংতরেণ ন বিদ্যতে । নিরালংবৈব নিষ্কামা বুদ্ধির্মুক্তস্য় সর্বদা ॥ 18-44॥

বিষযদ্বীপিনো বীক্ষ্য় চকিতাঃ শরণার্থিনঃ । বিশংতি ঝটিতি ক্রোডং নিরোধৈকাগ্রসিদ্ধয়ে ॥ 18-45॥

নির্বাসনং হরিং দৃষ্ট্বা তূষ্ণীং বিষযদংতিনঃ । পলায়ংতে ন শক্তাস্তে সেবংতে কৃতচাটবঃ ॥ 18-46॥

ন মুক্তিকারিকাং ধত্তে নিঃশংকো যুক্তমানসঃ । পশ্যন্ শৃণ্বন্ স্পৃশন্ জিঘ্রন্নশ্নন্নাস্তে যথাসুখম্ ॥ 18-47॥

বস্তুশ্রবণমাত্রেণ শুদ্ধবুদ্ধির্নিরাকুলঃ । নৈবাচারমনাচারমৌদাস্য়ং বা প্রপশ্যতি ॥ 18-48॥

যদা যত্কর্তুমায়াতি তদা তত্কুরুতে ঋজুঃ । শুভং বাপ্যশুভং বাপি তস্য় চেষ্টা হি বালবত্ ॥ 18-49॥

স্বাতংত্র্য়াত্সুখমাপ্নোতি স্বাতংত্র্য়াল্লভতে পরম্ । স্বাতংত্র্য়ান্নির্বৃতিং গচ্ছেত্স্বাতংত্র্য়াত্ পরমং পদম্ ॥ 18-50॥

অকর্তৃত্বমভোক্তৃত্বং স্বাত্মনো মন্যতে যদা । তদা ক্ষীণা ভবংত্য়েব সমস্তাশ্চিত্তবৃত্তয়ঃ ॥ 18-51॥

উচ্ছৃংখলাপ্যকৃতিকা স্থিতির্ধীরস্য় রাজতে । ন তু সস্পৃহচিত্তস্য় শাংতির্মূঢস্য় কৃত্রিমা ॥ 18-52॥

বিলসংতি মহাভোগৈর্বিশংতি গিরিগহ্বরান্ । নিরস্তকল্পনা ধীরা অবদ্ধা মুক্তবুদ্ধয়ঃ ॥ 18-53॥

শ্রোত্রিয়ং দেবতাং তীর্থমংগনাং ভূপতিং প্রিযম্ । দৃষ্ট্বা সংপূজ্য় ধীরস্য় ন কাপি হৃদি বাসনা ॥ 18-54॥

ভৃত্য়ৈঃ পুত্রৈঃ কলত্রৈশ্চ দৌহিত্রৈশ্চাপি গোত্রজৈঃ । বিহস্য় ধিক্কৃতো যোগী ন যাতি বিকৃতিং মনাক্ ॥ 18-55॥

সংতুষ্টোঽপি ন সংতুষ্টঃ খিন্নোঽপি ন চ খিদ্যতে । তস্য়াশ্চর্যদশাং তাং তাং তাদৃশা এব জানতে ॥ 18-56॥

কর্তব্যতৈব সংসারো ন তাং পশ্য়ংতি সূরয়ঃ । শূন্য়াকারা নিরাকারা নির্বিকারা নিরাময়াঃ ॥ 18-57॥

অকুর্বন্নপি সংক্ষোভাদ্ ব্যগ্রঃ সর্বত্র মূঢধীঃ । কুর্বন্নপি তু কৃত্য়ানি কুশলো হি নিরাকুলঃ ॥ 18-58॥

সুখমাস্তে সুখং শেতে সুখমায়াতি যাতি চ । সুখং বক্তি সুখং ভুংক্তে ব্যবহারেঽপি শাংতধীঃ ॥ 18-59॥

স্বভাবাদ্যস্য় নৈবার্তির্লোকবদ্ ব্যবহারিণঃ । মহাহ্রদ ইবাক্ষোভ্য়ো গতক্লেশঃ সুশোভতে ॥ 18-60॥

নিবৃত্তিরপি মূঢস্য় প্রবৃত্তি রুপজাযতে । প্রবৃত্তিরপি ধীরস্য় নিবৃত্তিফলভাগিনী ॥ 18-61॥

পরিগ্রহেষু বৈরাগ্য়ং প্রায়ো মূঢস্য় দৃশ্যতে । দেহে বিগলিতাশস্য় ক্ব রাগঃ ক্ব বিরাগতা ॥ 18-62॥

ভাবনাভাবনাসক্তা দৃষ্টির্মূঢস্য় সর্বদা । ভাব্যভাবনয়া সা তু স্বস্থস্য়াদৃষ্টিরূপিণী ॥ 18-63॥

সর্বারংভেষু নিষ্কামো যশ্চরেদ্ বালবন্ মুনিঃ । ন লেপস্তস্য় শুদ্ধস্য় ক্রিযমাণেঽপি কর্মণি ॥ 18-64॥

স এব ধন্য় আত্মজ্ঞঃ সর্বভাবেষু যঃ সমঃ । পশ্যন্ শৃণ্বন্ স্পৃশন্ জিঘ্রন্ন্ অশ্নন্নিস্তর্ষমানসঃ ॥ 18-65॥

ক্ব সংসারঃ ক্ব চাভাসঃ ক্ব সাধ্য়ং ক্ব চ সাধনম্ । আকাশস্য়েব ধীরস্য় নির্বিকল্পস্য় সর্বদা ॥ 18-66॥

স জযত্যর্থসংন্য়াসী পূর্ণস্বরসবিগ্রহঃ । অকৃত্রিমোঽনবচ্ছিন্নে সমাধির্যস্য় বর্ততে ॥ 18-67॥

বহুনাত্র কিমুক্তেন জ্ঞাততত্ত্বো মহাশয়ঃ । ভোগমোক্ষনিরাকাংক্ষী সদা সর্বত্র নীরসঃ ॥ 18-68॥

মহদাদি জগদ্দ্বৈতং নামমাত্রবিজৃংভিতম্ । বিহায় শুদ্ধবোধস্য় কিং কৃত্যমবশিষ্যতে ॥ 18-69॥

ভ্রমভূতমিদং সর্বং কিংচিন্নাস্তীতি নিশ্চয়ী । অলক্ষ্যস্ফুরণঃ শুদ্ধঃ স্বভাবেনৈব শাম্যতি ॥ 18-70॥

শুদ্ধস্ফুরণরূপস্য় দৃশ্যভাবমপশ্যতঃ । ক্ব বিধিঃ ক্ব চ বৈরাগ্য়ং ক্ব ত্য়াগঃ ক্ব শমোঽপি বা ॥ 18-71॥

স্ফুরতোঽনংতরূপেণ প্রকৃতিং চ ন পশ্যতঃ । ক্ব বংধঃ ক্ব চ বা মোক্ষঃ ক্ব হর্ষঃ ক্ব বিষাদিতা ॥ 18-72॥

বুদ্ধিপর্য়ংতসংসারে মায়ামাত্রং বিবর্ততে । নির্মমো নিরহংকারো নিষ্কামঃ শোভতে বুধঃ ॥ 18-73॥

অক্ষয়ং গতসংতাপমাত্মানং পশ্যতো মুনেঃ । ক্ব বিদ্য়া চ ক্ব বা বিশ্বং ক্ব দেহোঽহং মমেতি বা ॥ 18-74॥

নিরোধাদীনি কর্মাণি জহাতি জডধীর্যদি । মনোরথান্ প্রলাপাংশ্চ কর্তুমাপ্নোত্যতত্ক্ষণাত্ ॥ 18-75॥

মংদঃ শ্রুত্বাপি তদ্বস্তু ন জহাতি বিমূঢতাম্ । নির্বিকল্পো বহির্যত্নাদংতর্বিষযলালসঃ ॥ 18-76॥

জ্ঞানাদ্ গলিতকর্মা যো লোকদৃষ্ট্য়াপি কর্মকৃত্ । নাপ্নোত্যবসরং কর্তুং বক্তুমেব ন কিংচন ॥ 18-77॥

ক্ব তমঃ ক্ব প্রকাশো বা হানং ক্ব চ ন কিংচন । নির্বিকারস্য় ধীরস্য় নিরাতংকস্য় সর্বদা ॥ 18-78॥

ক্ব ধৈর্য়ং ক্ব বিবেকিত্বং ক্ব নিরাতংকতাপি বা । অনির্বাচ্যস্বভাবস্য় নিঃস্বভাবস্য় যোগিনঃ ॥ 18-79॥

ন স্বর্গো নৈব নরকো জীবন্মুক্তির্ন চৈব হি । বহুনাত্র কিমুক্তেন যোগদৃষ্ট্য়া ন কিংচন ॥ 18-80॥

নৈব প্রার্থযতে লাভং নালাভেনানুশোচতি । ধীরস্য় শীতলং চিত্তমমৃতেনৈব পূরিতম্ ॥ 18-81॥

ন শাংতং স্তৌতি নিষ্কামো ন দুষ্টমপি নিংদতি । সমদুঃখসুখস্তৃপ্তঃ কিংচিত্ কৃত্য়ং ন পশ্যতি ॥ 18-82॥

ধীরো ন দ্বেষ্টি সংসারমাত্মানং ন দিদৃক্ষতি । হর্ষামর্ষবিনির্মুক্তো ন মৃতো ন চ জীবতি ॥ 18-83॥

নিঃস্নেহঃ পুত্রদারাদৌ নিষ্কামো বিষয়েষু চ । নিশ্চিংতঃ স্বশরীরেঽপি নিরাশঃ শোভতে বুধঃ ॥ 18-84॥

তুষ্টিঃ সর্বত্র ধীরস্য় যথাপতিতবর্তিনঃ । স্বচ্ছংদং চরতো দেশান্ যত্রস্তমিতশায়িনঃ ॥ 18-85॥

পততূদেতু বা দেহো নাস্য় চিংতা মহাত্মনঃ । স্বভাবভূমিবিশ্রাংতিবিস্মৃতাশেষসংসৃতেঃ ॥ 18-86॥

অকিংচনঃ কামচারো নির্দ্বংদ্বশ্ছিন্নসংশয়ঃ । অসক্তঃ সর্বভাবেষু কেবলো রমতে বুধঃ ॥ 18-87॥

নির্মমঃ শোভতে ধীরঃ সমলোষ্টাশ্মকাংচনঃ । সুভিন্নহৃদযগ্রংথির্বিনির্ধূতরজস্তমঃ ॥ 18-88॥

সর্বত্রানবধানস্য় ন কিংচিদ্ বাসনা হৃদি । মুক্তাত্মনো বিতৃপ্তস্য় তুলনা কেন জাযতে ॥ 18-89॥

জানন্নপি ন জানাতি পশ্যন্নপি ন পশ্যতি । ব্রুবন্ন্ অপি ন চ ব্রূতে কোঽন্য়ো নির্বাসনাদৃতে ॥ 18-90॥

ভিক্ষুর্বা ভূপতির্বাপি যো নিষ্কামঃ স শোভতে । ভাবেষু গলিতা যস্য় শোভনাশোভনা মতিঃ ॥ 18-91॥

ক্ব স্বাচ্ছংদ্য়ং ক্ব সংকোচঃ ক্ব বা তত্ত্ববিনিশ্চয়ঃ । নির্ব্য়াজার্জবভূতস্য় চরিতার্থস্য় যোগিনঃ ॥ 18-92॥

আত্মবিশ্রাংতিতৃপ্তেন নিরাশেন গতার্তিনা । অংতর্যদনুভূয়েত তত্ কথং কস্য় কথ্যতে ॥ 18-93॥

সুপ্তোঽপি ন সুষুপ্তৌ চ স্বপ্নেঽপি শয়িতো ন চ । জাগরেঽপি ন জাগর্তি ধীরস্তৃপ্তঃ পদে পদে ॥ 18-94॥

জ্ঞঃ সচিংতোঽপি নিশ্চিংতঃ সেংদ্রিয়োঽপি নিরিংদ্রিয়ঃ । সুবুদ্ধিরপি নির্বুদ্ধিঃ সাহংকারোঽনহংকৃতিঃ ॥ 18-95॥

ন সুখী ন চ বা দুঃখী ন বিরক্তো ন সংগবান্ । ন মুমুক্ষুর্ন বা মুক্তা ন কিংচিন্ন চ কিংচন ॥ 18-96॥

বিক্ষেপেঽপি ন বিক্ষিপ্তঃ সমাধৌ ন সমাধিমান্ । জাড্য়েঽপি ন জডো ধন্য়ঃ পাংডিত্য়েঽপি ন পংডিতঃ ॥ 18-97॥

মুক্তো যথাস্থিতিস্বস্থঃ কৃতকর্তব্যনির্বৃতঃ । সমঃ সর্বত্র বৈতৃষ্ণ্য়ান্ন স্মরত্যকৃতং কৃতম্ ॥ 18-98॥

ন প্রীযতে বংদ্যমানো নিংদ্যমানো ন কুপ্যতি । নৈবোদ্বিজতি মরণে জীবনে নাভিনংদতি ॥ 18-99॥

ন ধাবতি জনাকীর্ণং নারণ্যমুপশাংতধীঃ । যথাতথা যত্রতত্র সম এবাবতিষ্ঠতে ॥ 18-100॥

ಅಷ್ಟಾವಕ್ರ ಗೀತಾ ಅಷ್ಟಾದಶೋಽಧ್ಯಾಯಃ ಬಗ್ಗೆ

ಅಷ್ಟಾವಕ್ರ ಗೀತೆಯ ಹದಿನೆಂಟನೇ ಅಧ್ಯಾಯ ಅದರ ಅತ್ಯಂತ ದೊಡ್ಡ ಮತ್ತು ಪ್ರಸಿದ್ಧ ಅಧ್ಯಾಯ. ಅಷ್ಟಾವಕ್ರ ಮುನಿಗಳು ಜನಕ ಮಹಾರಾಜರಿಗೆ ಉಪದೇಶಿಸುವ ಈ ಗ್ರಂಥ ಅದ್ವೈತ ವೇದಾಂತದ ಶ್ರೇಷ್ಠ ಕೃತಿ. ಆತ್ಮಜ್ಞಾನ ಪಡೆದವನ ಸ್ಥಿತಿಯನ್ನು ಇದು ವರ್ಣಿಸುತ್ತದೆ: ಶಾಂತ, ಆಸೆ ಮತ್ತು ಭಯಗಳಿಲ್ಲದ, ಹೊಗಳಿಕೆ-ತೆಗಳಿಕೆಗಳಿಗೆ ಅಲುಗಾಡದ, ಲೋಕದಲ್ಲಿದ್ದೂ ಅದಕ್ಕೆ ಅಂಟದವನು.

ಮೂಲ: ಅಷ್ಟಾವಕ್ರ ಗೀತಾ (ಅಷ್ಟಾವಕ್ರ ಸಂಹಿತಾ)

ನಿಮಗೆ ಗೊತ್ತೇ?

  • ಈ ಅಧ್ಯಾಯವನ್ನು "ಶಾಂತಿ ಶತಕ" (ಶಾಂತಿಯ ಕುರಿತ ನೂರು ಶ್ಲೋಕಗಳು) ಎಂದೂ ಕರೆಯುತ್ತಾರೆ.
  • "ಅಷ್ಟಾವಕ್ರ" ಎಂದರೆ ಎಂಟು ಕಡೆ ಬಾಗಿದವನು; ಜನಕನ ಸಭೆಯಲ್ಲಿ ಅವರ ದೇಹವನ್ನು ನೋಡಿ ನಕ್ಕವರಿಗೆ "ಜ್ಞಾನಿ ಆತ್ಮವನ್ನು ನೋಡುತ್ತಾನೆ, ಚರ್ಮವನ್ನಲ್ಲ" ಎಂದು ಉತ್ತರಿಸಿದರು ಎಂಬ ಕಥೆಯಿದೆ.
  • ಶ್ರೀ ರಾಮಕೃಷ್ಣರು ಯುವಕ ನರೇಂದ್ರನಿಂದ (ಮುಂದೆ ಸ್ವಾಮಿ ವಿವೇಕಾನಂದ) ಅಷ್ಟಾವಕ್ರ ಗೀತೆಯನ್ನು ಓದಿಸಿ ಕೇಳುತ್ತಿದ್ದರು ಎನ್ನಲಾಗಿದೆ.
  • ಅಷ್ಟಾವಕ್ರ ಗೀತೆಯಲ್ಲಿ ೨೦ ಅಧ್ಯಾಯಗಳಿವೆ; ಅದ್ವೈತ ಅಧ್ಯಯನದಲ್ಲಿ ಇದನ್ನು ಭಗವದ್ಗೀತೆ, ಉಪನಿಷತ್ತುಗಳ ಜೊತೆ ಓದುತ್ತಾರೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಅಷ್ಟಾವಕ್ರ ಗೀತೆಯ ಹದಿನೆಂಟನೇ ಅಧ್ಯಾಯದ ವಿಷಯವೇನು?

ಜೀವನ್ಮುಕ್ತನ ಬದುಕು ಮತ್ತು ದೃಷ್ಟಿ: ಆಂತರಿಕ ಶಾಂತಿ, ಆಸೆಯಿಂದ ಬಿಡುಗಡೆ ಮತ್ತು ಸಮಚಿತ್ತತೆ.

ಅಷ್ಟಾವಕ್ರ ಗೀತೆಯಲ್ಲಿ ಮಾತನಾಡುವವರು ಯಾರು?

ಅಷ್ಟಾವಕ್ರ ಮುನಿಗಳು ಮತ್ತು ಜ್ಞಾನ, ಮುಕ್ತಿಗಳನ್ನು ಹೇಗೆ ಪಡೆಯುವುದೆಂದು ಕೇಳುವ ಮಿಥಿಲೆಯ ಜನಕ ಮಹಾರಾಜರು.

ಅಷ್ಟಾವಕ್ರ ಗೀತೆ ಮಹಾಭಾರತದ ಭಾಗವೇ?

ಇಲ್ಲ. ಭಗವದ್ಗೀತೆಯಂತೆ ಅಲ್ಲ, ಇದು ಸ್ವತಂತ್ರ ಗ್ರಂಥ; ಆದರೆ ಅಷ್ಟಾವಕ್ರರ ಉಲ್ಲೇಖ ಮಹಾಭಾರತದಲ್ಲಿದೆ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.