MuhurtaNow

ಅಷ್ಟಾವಕ್ರ ಗೀತಾ ವಿಂಶತಿತಮೋಽಧ್ಯಾಯಃ

Karma Siddhanta · ಸಾಂಪ್ರದಾಯಿಕ ಭಕ್ತಿ ಪಠ್ಯ

जनक उवाच

क्व भूतानि क्व देहो वा क्वेंद्रियाणि क्व वा मनः । क्व शून्यं क्व च नैराश्यं मत्स्वरूपे निरंजने ॥ 20-1

क्व शास्त्रं क्वात्मविज्ञानं क्व वा निर्विषयं मनः । क्व तृप्तिः क्व वितृष्णात्वं गतद्वंद्वस्य मे सदा ॥ 20-2॥

क्व विद्या क्व च वाविद्या क्वाहं क्वेदं मम क्व वा । क्व बंध क्व च वा मोक्षः स्वरूपस्य क्व रूपिता ॥ 20-3॥

क्व प्रारब्धानि कर्माणि जीवन्मुक्तिरपि क्व वा । क्व तद् विदेहकैवल्यं निर्विशेषस्य सर्वदा ॥ 20-4॥

क्व कर्ता क्व च वा भोक्ता निष्क्रियं स्फुरणं क्व वा । क्वापरोक्षं फलं वा क्व निःस्वभावस्य मे सदा ॥ 20-5॥

क्व लोकं क्व मुमुक्षुर्वा क्व योगी ज्ञानवान् क्व वा । क्व बद्धः क्व च वा मुक्तः स्वस्वरूपेऽहमद्वये ॥ 20-6॥

क्व सृष्टिः क्व च संहारः क्व साध्यं क्व च साधनम् । क्व साधकः क्व सिद्धिर्वा स्वस्वरूपेऽहमद्वये ॥ 20-7॥

क्व प्रमाता प्रमाणं वा क्व प्रमेयं क्व च प्रमा । क्व किंचित् क्व न किंचिद् वा सर्वदा विमलस्य मे ॥ 20-8॥

क्व विक्षेपः क्व चैकाग्र्यं क्व निर्बोधः क्व मूढता । क्व हर्षः क्व विषादो वा सर्वदा निष्क्रियस्य मे ॥ 20-9॥

क्व चैष व्यवहारो वा क्व च सा परमार्थता । क्व सुखं क्व च वा दुखं निर्विमर्शस्य मे सदा ॥ 20-10॥

क्व माया क्व च संसारः क्व प्रीतिर्विरतिः क्व वा । क्व जीवः क्व च तद्ब्रह्म सर्वदा विमलस्य मे ॥ 20-11॥

क्व प्रवृत्तिर्निर्वृत्तिर्वा क्व मुक्तिः क्व च बंधनम् । कूटस्थनिर्विभागस्य स्वस्थस्य मम सर्वदा ॥ 20-12॥

क्वोपदेशः क्व वा शास्त्रं क्व शिष्यः क्व च वा गुरुः । क्व चास्ति पुरुषार्थो वा निरुपाधेः शिवस्य मे ॥ 20-13॥

क्व चास्ति क्व च वा नास्ति क्वास्ति चैकं क्व च द्वयम् । बहुनात्र किमुक्तेन किंचिन्नोत्तिष्ठते मम ॥ 20-14॥

इति अष्टावक्रगीता समाप्ता । ॥ ॐ तत्सत् ॥

ಅಷ್ಟಾವಕ್ರ ಗೀತಾ ವಿಂಶತಿತಮೋಽಧ್ಯಾಯಃ ಬಗ್ಗೆ

ಇಪ್ಪತ್ತನೇ ಅಧ್ಯಾಯ ಅಷ್ಟಾವಕ್ರ ಗೀತೆಯ ಕೊನೆಯ ಅಧ್ಯಾಯ. ಆತ್ಮಜ್ಞಾನದಲ್ಲಿ ನೆಲೆನಿಂತ ಜನಕ ಮಹಾರಾಜರು ಆ ಸ್ಥಿತಿಯಿಂದಲೇ "ಕ್ವ" ಎಂದು ಆರಂಭವಾಗುವ ಪ್ರಶ್ನೆಗಳ ಸರಣಿಯಲ್ಲಿ ಮಾತನಾಡುತ್ತಾರೆ: ಪಂಚಭೂತಗಳೆಲ್ಲಿ, ದೇಹವೆಲ್ಲಿ, ಇಂದ್ರಿಯಗಳೆಲ್ಲಿ, ಮನಸ್ಸೆಲ್ಲಿ? ಆತ್ಮದಲ್ಲಿ ನೆಲೆಸಿದವನಿಗೆ ಈ ಭೇದಗಳೆಲ್ಲ ಕರಗುತ್ತವೆ.

ಮೂಲ: ಅಷ್ಟಾವಕ್ರ ಗೀತಾ (ಅಷ್ಟಾವಕ್ರ ಸಂಹಿತಾ)

ನಿಮಗೆ ಗೊತ್ತೇ?

  • ಈ ಅಧ್ಯಾಯಕ್ಕೆ ಹೆಚ್ಚಾಗಿ "ಜೀವನ್ಮುಕ್ತಿ" (ಬದುಕಿರುವಾಗಲೇ ಮುಕ್ತಿ) ಎಂಬ ಶೀರ್ಷಿಕೆ.
  • ಇದರ "ಕ್ವ" (ಎಲ್ಲಿ?) ಪ್ರಶ್ನೆಗಳು ಈ ಗ್ರಂಥದ ಪ್ರಸಿದ್ಧ ವೈಶಿಷ್ಟ್ಯ.
  • ಅಷ್ಟಾವಕ್ರ ಗೀತೆ ಅಷ್ಟಾವಕ್ರ ಮುನಿ ಮತ್ತು ಮಿಥಿಲೆಯ ಜನಕ ಮಹಾರಾಜರ ಸಂವಾದ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಅಷ್ಟಾವಕ್ರ ಗೀತೆಯ ಇಪ್ಪತ್ತನೇ ಅಧ್ಯಾಯದ ವಿಷಯವೇನು?

ದೇಹ, ಮನಸ್ಸು, ಜಗತ್ತು ಆತ್ಮವನ್ನು ಬಂಧಿಸದ ಮುಕ್ತಿಯ ಸ್ಥಿತಿಯನ್ನು ಜನಕರು ವರ್ಣಿಸುತ್ತಾರೆ.

ಶ್ಲೋಕಗಳು "ಕ್ವ" ಎಂದು ಏಕೆ ಆರಂಭವಾಗುತ್ತವೆ?

"ಕ್ವ" ಎಂದರೆ "ಎಲ್ಲಿ?". ಜ್ಞಾನಿಗೆ ಇವುಗಳಿಗೆ ಬೇರೆ ಅಸ್ತಿತ್ವವಿಲ್ಲ ಎಂಬುದನ್ನು ಈ ಪ್ರಶ್ನೆಗಳು ತೋರಿಸುತ್ತವೆ.

ಇದೇ ಕೊನೆಯ ಅಧ್ಯಾಯವೇ?

ಹೌದು, ಅಷ್ಟಾವಕ್ರ ಗೀತೆಯಲ್ಲಿ ೨೦ ಅಧ್ಯಾಯಗಳಿವೆ; ಇದು ಕೊನೆಯದು.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.