MuhurtaNow

ಶ್ರೀಮದ್ಭಗವದ್ಗೀತಾ ಪಾರಾಯಣ - ದಶಮೋಽಧ್ಯಾಯಃ

Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ

ఓం శ్రీపరమాత్మనే నమః అథ దశమోఽధ్యాయః విభూతియోగః

శ్రీ భగవానువాచ

భూయ ఏవ మహాబాహో శృణు మే పరమం వచః । యత్తేఽహం ప్రీయమాణాయ వక్ష్యామి హితకామ్యయా ॥1

న మే విదుః సురగణాః ప్రభవం న మహర్షయః । అహమాదిర్హి దేవానాం మహర్షీణాం చ సర్వశః ॥2॥

యో మామజమనాదిం చ వేత్తి లోకమహేశ్వరమ్ । అసమ్మూఢః స మర్త్యేషు సర్వపాపైః ప్రముచ్యతే ॥3॥

బుద్ధిర్జ్ఞానమసమ్మోహః క్షమా సత్యం దమః శమః । సుఖం దుఃఖం భవోఽభావః భయం చాభయమేవ చ ॥4॥

అహింసా సమతా తుష్టిః తపో దానం యశోఽయశః । భవంతి భావా భూతానాం మత్త ఏవ పృథగ్విధాః ॥5॥

మహర్షయః సప్త పూర్వే చత్వారో మనవస్తథా । మద్భావా మానసా జాతాః యేషాం లోక ఇమాః ప్రజాః ॥6॥

ఏతాం విభూతిం యోగం చ మమ యో వేత్తి తత్త్వతః । సోఽవికంపేన యోగేన యుజ్యతే నాత్ర సంశయః ॥7॥

అహం సర్వస్య ప్రభవః మత్తః సర్వం ప్రవర్తతే । ఇతి మత్వా భజంతే మాం బుధా భావసమన్వితాః ॥8॥

మచ్చిత్తా మద్గతప్రాణాః బోధయంతః పరస్పరమ్ । కథయంతశ్చ మాం నిత్యం తుష్యంతి చ రమంతి చ ॥9॥

తేషాం సతతయుక్తానాం భజతాం ప్రీతిపూర్వకమ్ । దదామి బుద్ధియోగం తం యేన మాముపయాంతి తే ॥10॥

తేషామేవానుకంపార్థం అహమజ్ఞానజం తమః । నాశయామ్యాత్మభావస్థః జ్ఞానదీపేన భాస్వతా ॥11॥

అర్జున ఉవాచ

పరం బ్రహ్మ పరం ధామ పవిత్రం పరమం భవాన్ । పురుషం శాశ్వతం దివ్యం ఆదిదేవమజం విభుమ్ ॥12

ఆహుస్త్వామృషయః సర్వే దేవర్షిర్నారదస్తథా । అసితో దేవలో వ్యాసః స్వయం చైవ బ్రవీషి మే ॥13॥

సర్వమేతదృతం మన్యే యన్మాం వదసి కేశవ । న హి తే భగవన్వ్యక్తిం విదుర్దేవా న దానవాః ॥14॥

స్వయమేవాత్మనాఽఽత్మానం వేత్థ త్వం పురుషోత్తమ । భూతభావన భూతేశ దేవదేవ జగత్పతే ॥15॥

వక్తుమర్హస్యశేషేణ దివ్యా హ్యాత్మవిభూతయః । యాభిర్విభూతిభిర్లోకాన్ ఇమాంస్త్వం వ్యాప్య తిష్ఠసి ॥16॥

కథం విద్యామహం యోగిన్ త్వాం సదా పరిచింతయన్ । కేషు కేషు చ భావేషు చింత్యోఽసి భగవన్మయా ॥17॥

విస్తరేణాత్మనో యోగం విభూతిం చ జనార్దన । భూయః కథయ తృప్తిర్హి శృణ్వతో నాస్తి మేఽమృతమ్ ॥18॥

శ్రీ భగవానువాచ

హంత తే కథయిష్యామి దివ్యా హ్యాత్మవిభూతయః । ప్రాధాన్యతః కురుశ్రేష్ఠ నాస్త్యంతో విస్తరస్య మే ॥19

అహమాత్మా గుడాకేశ సర్వభూతాశయస్థితః । అహమాదిశ్చ మధ్యం చ భూతానామంత ఏవ చ ॥20॥

ఆదిత్యానామహం విష్ణుః జ్యోతిషాం రవిరంశుమాన్ । మరీచిర్మరుతామస్మి నక్షత్రాణామహం శశీ ॥21॥

వేదానాం సామవేదోఽస్మి దేవానామస్మి వాసవః । ఇంద్రియాణాం మనశ్చాస్మి భూతానామస్మి చేతనా ॥22॥

రుద్రాణాం శంకరశ్చాస్మి విత్తేశో యక్షరక్షసామ్ । వసూనాం పావకశ్చాస్మి మేరుః శిఖరిణామహమ్ ॥23॥

పురోధసాం చ ముఖ్యం మాం విద్ధి పార్థ బృహస్పతిమ్ । సేనానీనామహం స్కందః సరసామస్మి సాగరః ॥24॥

మహర్షీణాం భృగురహం గిరామస్మ్యేకమక్షరమ్ । యజ్ఞానాం జపయజ్ఞోఽస్మి స్థావరాణాం హిమాలయః ॥25॥

అశ్వత్థః సర్వవృక్షాణాం దేవర్షీణాం చ నారదః । గంధర్వాణాం చిత్రరథః సిద్ధానాం కపిలో మునిః ॥26॥

ఉచ్చైః శ్రవసమశ్వానాం విద్ధి మామమృతోద్భవమ్ । ఐరావతం గజేంద్రాణాం నరాణాం చ నరాధిపమ్ ॥27॥

ఆయుధానాం అహం వజ్రం ధేనూనామస్మి కామధుక్ । ప్రజనశ్చాస్మి కందర్పః సర్పాణామస్మి వాసుకిః ॥28॥

అనంతశ్చాస్మి నాగానాం వరుణో యాదసామహమ్ । పితౄణామర్యమా చాస్మి యమః సంయమతామహమ్ ॥29॥

ప్రహ్లాదశ్చాస్మి దైత్యానాం కాలః కలయతామహమ్ । మృగాణాం చ మృగేంద్రోఽహం వైనతేయశ్చ పక్షిణామ్ ॥30॥

పవనః పవతామస్మి రామః శస్త్రభృతామహమ్ । ఝషాణాం మకరశ్చాస్మి స్రోతసామస్మి జాహ్నవీ ॥31॥

సర్గాణామాదిరంతశ్చ మధ్యం చైవాహమర్జున । అధ్యాత్మవిద్యా విద్యానాం వాదః ప్రవదతామహమ్ ॥32॥

అక్షరాణామకారోఽస్మి ద్వంద్వః సామాసికస్య చ । అహమేవాక్షయః కాలః ధాతాఽహం విశ్వతోముఖః ॥33॥

మృత్యుః సర్వహరశ్చాహం ఉద్భవశ్చ భవిష్యతామ్ । కీర్తిః శ్రీర్వాక్చ నారీణాం స్మృతిర్మేధా ధృతిః క్షమా ॥34॥

బృహత్సామ తథా సామ్నాం గాయత్రీ ఛందసామహమ్ । మాసానాం మార్గశీర్షోఽహం ఋతూనాం కుసుమాకరః ॥35॥

ద్యూతం ఛలయతామస్మి తేజస్తేజస్వినామహమ్ । జయోఽస్మి వ్యవసాయోఽస్మి సత్త్వం సత్త్వవతామహమ్ ॥36॥

వృష్ణీనాం వాసుదేవోఽస్మి పాండవానాం ధనంజయః । మునీనామప్యహం వ్యాసః కవీనాముశనా కవిః ॥37॥

దండో దమయతామస్మి నీతిరస్మి జిగీషతామ్ । మౌనం చైవాస్మి గుహ్యానాం జ్ఞానం జ్ఞానవతామహమ్ ॥38॥

యచ్చాపి సర్వభూతానాం బీజం తదహమర్జున । న తదస్తి వినా యత్స్యాత్ మయా భూతం చరాచరమ్ ॥39॥

నాంతోఽస్తి మమ దివ్యానాం విభూతీనాం పరంతప । ఏష తూద్దేశతః ప్రోక్తః విభూతేర్విస్తరో మయా ॥40॥

యద్యద్విభూతిమత్సత్త్వం శ్రీమదూర్జితమేవ వా । తత్తదేవావగచ్ఛ త్వం మమ తేజోఽమ్శసంభవమ్ ॥41॥

అథవా బహునైతేన కిం జ్ఞాతేన తవార్జున । విష్టభ్యాహమిదం కృత్స్నం ఏకాంశేన స్థితో జగత్ ॥42॥

॥ ఓం తత్సదితి శ్రీమద్భగవద్గీతాసు ఉపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే విభూతియోగో నామ దశమోఽధ్యాయః ॥

ಶ್ರೀಮದ್ಭಗವದ್ಗೀತಾ ಪಾರಾಯಣ - ದಶಮೋಽಧ್ಯಾಯಃ ಬಗ್ಗೆ

ಇದು ಪಾರಾಯಣಕ್ಕಾಗಿ ಸಿದ್ಧಪಡಿಸಿದ ಭಗವದ್ಗೀತೆಯ ಹತ್ತನೇ ಅಧ್ಯಾಯ ವಿಭೂತಿಯೋಗ. ಕೃಷ್ಣ ತನ್ನ ದಿವ್ಯ ವಿಭೂತಿಗಳನ್ನು ಅರ್ಜುನನಿಗೆ ಹೇಳುತ್ತಾನೆ: ತಾನೇ ಎಲ್ಲದರ ಮೂಲ; ಇದನ್ನು ಬಲ್ಲ ಜ್ಞಾನಿಗಳು ಪ್ರೀತಿಯಿಂದ ಭಜಿಸುತ್ತಾರೆ, ಅವರಿಗೆ ಬುದ್ಧಿಯೋಗ ನೀಡುತ್ತಾನೆ. ಇನ್ನೂ ಕೇಳಲು ಅರ್ಜುನ ಬಯಸುತ್ತಾನೆ; ಕೃಷ್ಣ ಮುಖ್ಯ ವಿಭೂತಿಗಳನ್ನು ಹೆಸರಿಸುತ್ತಾನೆ: ಆದಿತ್ಯರಲ್ಲಿ ವಿಷ್ಣು, ಜ್ಯೋತಿಗಳಲ್ಲಿ ಸೂರ್ಯ, ವೇದಗಳಲ್ಲಿ ಸಾಮ, ಪರ್ವತಗಳಲ್ಲಿ ಮೇರು, ನದಿಗಳಲ್ಲಿ ಗಂಗೆ, ಅಕ್ಷರಗಳಲ್ಲಿ "ಅ", ಋತುಗಳಲ್ಲಿ ವಸಂತ; ವೈಭವ, ಸೌಂದರ್ಯ, ಶಕ್ತಿಯುಳ್ಳದ್ದೆಲ್ಲ ಅವನ ತೇಜಸ್ಸಿನ ಅಂಶದಿಂದ ಉದಯಿಸುತ್ತದೆ.

ಮೂಲ: ಮಹಾಭಾರತ, ಭೀಷ್ಮಪರ್ವ (ಭಗವದ್ಗೀತೆ, ೧೦ನೇ ಅಧ್ಯಾಯ)

ಯಾವಾಗ ಪಠಿಸಬೇಕು: ದಿನನಿತ್ಯದ ಗೀತಾ ಪಾರಾಯಣದಲ್ಲಿ, ಗೀತಾಜಯಂತಿ ಮತ್ತು ಏಕಾದಶಿಯಂದು.

ನಿಮಗೆ ಗೊತ್ತೇ?

  • ೮ ರಿಂದ ೧೧ನೇ ಶ್ಲೋಕಗಳು "ಅಹಂ ಸರ್ವಸ್ಯ ಪ್ರಭವೋ" ಭಕ್ತಿ ಬೋಧಕರಿಂದ ಗೀತೆಯ ಹೃದಯ ಎನಿಸಿವೆ.
  • ೪೧ನೇ ಶ್ಲೋಕ ವೈಭವ, ಸಮೃದ್ಧಿ, ಶಕ್ತಿಯುಳ್ಳದ್ದೆಲ್ಲ ಕೃಷ್ಣನ ತೇಜಸ್ಸಿನ ಅಂಶದಿಂದ ಬಂದದ್ದು ಎನ್ನುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ವಿಭೂತಿ ಎಂದರೇನು?

ಭಗವಂತನ ದಿವ್ಯ ವೈಭವ ಅಥವಾ ಅಭಿವ್ಯಕ್ತಿ.

ನದಿಗಳಲ್ಲಿ ಕೃಷ್ಣ ಯಾವುದು?

ಗಂಗೆ.

ಋತುಗಳಲ್ಲಿ ಕೃಷ್ಣ ಯಾವುದು?

ವಸಂತ (ಕುಸುಮಾಕರ).

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.