MuhurtaNow

ಭವಾನೀ ಭುಜಂಗ ಪ್ರಯಾತ ಸ್ತೋತ್ರಂ

Devi · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಷಡಾಧಾರಪಂಕೇರುಹಾಂತರ್ವಿರಾಜ- -ತ್ಸುಷುಮ್ನಾಂತರಾಲೇಽತಿತೇಜೋಲ್ಲಸಂತೀಮ್ । ಸುಧಾಮಂಡಲಂ ದ್ರಾವಯಂತೀಂ ಪಿಬಂತೀಂ ಸುಧಾಮೂರ್ತಿಮೀಡೇ ಚಿದಾನಂದರೂಪಾಮ್ ॥ 1 ॥

ಜ್ವಲತ್ಕೋಟಿಬಾಲಾರ್ಕಭಾಸಾರುಣಾಂಗೀಂ ಸುಲಾವಣ್ಯಶೃಂಗಾರಶೋಭಾಭಿರಾಮಾಮ್ । ಮಹಾಪದ್ಮಕಿಂಜಲ್ಕಮಧ್ಯೇ ವಿರಾಜ- -ತ್ತ್ರಿಕೋಣೇ ನಿಷಣ್ಣಾಂ ಭಜೇ ಶ್ರೀಭವಾನೀಮ್ ॥ 2 ॥

ಕ್ವಣತ್ಕಿಂಕಿಣೀನೂಪುರೋದ್ಭಾಸಿರತ್ನ- -ಪ್ರಭಾಲೀಢಲಾಕ್ಷಾರ್ದ್ರಪಾದಾಬ್ಜಯುಗ್ಮಮ್ । ಅಜೇಶಾಚ್ಯುತಾದ್ಯೈಃ ಸುರೈಃ ಸೇವ್ಯಮಾನಂ ಮಹಾದೇವಿ ಮನ್ಮೂರ್ಧ್ನಿ ತೇ ಭಾವಯಾಮಿ ॥ 3 ॥

ಸುಶೋಣಾಂಬರಾಬದ್ಧನೀವೀವಿರಾಜ- -ನ್ಮಹಾರತ್ನಕಾಂಚೀಕಲಾಪಂ ನಿತಂಬಮ್ । ಸ್ಫುರದ್ದಕ್ಷಿಣಾವರ್ತನಾಭಿಂ ಚ ತಿಸ್ರೋ ವಲೀರಂಬ ತೇ ರೋಮರಾಜಿಂ ಭಜೇಽಹಮ್ ॥ 4 ॥

ಲಸದ್ವೃತ್ತಮುತ್ತುಂಗಮಾಣಿಕ್ಯಕುಂಭೋ- -ಪಮಶ್ರಿ ಸ್ತನದ್ವಂದ್ವಮಂಬಾಂಬುಜಾಕ್ಷಿ । ಭಜೇ ದುಗ್ಧಪೂರ್ಣಾಭಿರಾಮಂ ತವೇದಂ ಮಹಾಹಾರದೀಪ್ತಂ ಸದಾ ಪ್ರಸ್ನುತಾಸ್ಯಮ್ ॥ 5 ॥

ಶಿರೀಷಪ್ರಸೂನೋಲ್ಲಸದ್ಬಾಹುದಂಡೈ- -ರ್ಜ್ವಲದ್ಬಾಣಕೋದಂಡಪಾಶಾಂಕುಶೈಶ್ಚ । ಚಲತ್ಕಂಕಣೋದಾರಕೇಯೂರಭೂಷೋ- -ಜ್ಜ್ವಲದ್ಭಿರ್ಲಸಂತೀಂ ಭಜೇ ಶ್ರೀಭವಾನೀಮ್ ॥ 6 ॥

ಶರತ್ಪೂರ್ಣಚಂದ್ರಪ್ರಭಾಪೂರ್ಣಬಿಂಬಾ- -ಧರಸ್ಮೇರವಕ್ತ್ರಾರವಿಂದಾಂ ಸುಶಾಂತಾಮ್ । ಸುರತ್ನಾವಳೀಹಾರತಾಟಂಕಶೋಭಾಂ ಮಹಾಸುಪ್ರಸನ್ನಾಂ ಭಜೇ ಶ್ರೀಭವಾನೀಮ್ ॥ 7 ॥

ಸುನಾಸಾಪುಟಂ ಸುಂದರಭ್ರೂಲಲಾಟಂ ತವೌಷ್ಠಶ್ರಿಯಂ ದಾನದಕ್ಷಂ ಕಟಾಕ್ಷಮ್ । ಲಲಾಟೇ ಲಸದ್ಗಂಧಕಸ್ತೂರಿಭೂಷಂ ಸ್ಫುರಚ್ಛ್ರೀಮುಖಾಂಭೋಜಮೀಡೇಽಹಮಂಬ ॥ 8 ॥

ಚಲತ್ಕುಂತಲಾಂತರ್ಭ್ರಮದ್ಭೃಂಗಬೃಂದಂ ಘನಸ್ನಿಗ್ಧಧಮ್ಮಿಲ್ಲಭೂಷೋಜ್ಜ್ವಲಂ ತೇ । ಸ್ಫುರನ್ಮೌಳಿಮಾಣಿಕ್ಯಬದ್ಧೇಂದುರೇಖಾ- -ವಿಲಾಸೋಲ್ಲಸದ್ದಿವ್ಯಮೂರ್ಧಾನಮೀಡೇ ॥ 9 ॥

ಇತಿ ಶ್ರೀಭವಾನಿ ಸ್ವರೂಪಂ ತವೇದಂ ಪ್ರಪಂಚಾತ್ಪರಂ ಚಾತಿಸೂಕ್ಷ್ಮಂ ಪ್ರಸನ್ನಮ್ । ಸ್ಫುರತ್ವಂಬ ಡಿಂಭಸ್ಯ ಮೇ ಹೃತ್ಸರೋಜೇ ಸದಾ ವಾಙ್ಮಯಂ ಸರ್ವತೇಜೋಮಯಂ ಚ ॥ 10 ॥

ಗಣೇಶಾಭಿಮುಖ್ಯಾಖಿಲೈಃ ಶಕ್ತಿಬೃಂದೈ- -ರ್ವೃತಾಂ ವೈ ಸ್ಫುರಚ್ಚಕ್ರರಾಜೋಲ್ಲಸಂತೀಮ್ । ಪರಾಂ ರಾಜರಾಜೇಶ್ವರಿ ತ್ರೈಪುರಿ ತ್ವಾಂ ಶಿವಾಂಕೋಪರಿಸ್ಥಾಂ ಶಿವಾಂ ಭಾವಯಾಮಿ ॥ 11 ॥

ತ್ವಮರ್ಕಸ್ತ್ವಮಿಂದುಸ್ತ್ವಮಗ್ನಿಸ್ತ್ವಮಾಪ- -ಸ್ತ್ವಮಾಕಾಶಭೂವಾಯವಸ್ತ್ವಂ ಮಹತ್ತ್ವಮ್ । ತ್ವದನ್ಯೋ ನ ಕಶ್ಚಿತ್ ಪ್ರಪಂಚೋಽಸ್ತಿ ಸರ್ವಂ ಸದಾನಂದಸಂವಿತ್ಸ್ವರೂಪಂ ಭಜೇಽಹಮ್ ॥ 12 ॥

ಶ್ರುತೀನಾಮಗಮ್ಯೇ ಸುವೇದಾಗಮಜ್ಞಾ ಮಹಿಮ್ನೋ ನ ಜಾನಂತಿ ಪಾರಂ ತವಾಂಬ । ಸ್ತುತಿಂ ಕರ್ತುಮಿಚ್ಛಾಮಿ ತೇ ತ್ವಂ ಭವಾನಿ ಕ್ಷಮಸ್ವೇದಮತ್ರ ಪ್ರಮುಗ್ಧಃ ಕಿಲಾಹಮ್ ॥ 13 ॥

ಗುರುಸ್ತ್ವಂ ಶಿವಸ್ತ್ವಂ ಚ ಶಕ್ತಿಸ್ತ್ವಮೇವ ತ್ವಮೇವಾಸಿ ಮಾತಾ ಪಿತಾ ಚ ತ್ವಮೇವ । ತ್ವಮೇವಾಸಿ ವಿದ್ಯಾ ತ್ವಮೇವಾಸಿ ಬಂಧು- -ರ್ಗತಿರ್ಮೇ ಮತಿರ್ದೇವಿ ಸರ್ವಂ ತ್ವಮೇವ ॥ 14 ॥

ಶರಣ್ಯೇ ವರೇಣ್ಯೇ ಸುಕಾರುಣ್ಯಮೂರ್ತೇ ಹಿರಣ್ಯೋದರಾದ್ಯೈರಗಣ್ಯೇ ಸುಪುಣ್ಯೇ । ಭವಾರಣ್ಯಭೀತೇಶ್ಚ ಮಾಂ ಪಾಹಿ ಭದ್ರೇ ನಮಸ್ತೇ ನಮಸ್ತೇ ನಮಸ್ತೇ ಭವಾನಿ ॥ 15 ॥

ಇತೀಮಾಂ ಮಹಚ್ಛ್ರೀಭವಾನೀಭುಜಂಗಂ ಸ್ತುತಿಂ ಯಃ ಪಠೇದ್ಭಕ್ತಿಯುಕ್ತಶ್ಚ ತಸ್ಮೈ । ಸ್ವಕೀಯಂ ಪದಂ ಶಾಶ್ವತಂ ವೇದಸಾರಂ ಶ್ರಿಯಂ ಚಾಷ್ಟಸಿದ್ಧಿಂ ಭವಾನೀ ದದಾತಿ ॥ 16 ॥

ಭವಾನೀ ಭವಾನೀ ಭವಾನೀ ತ್ರಿವಾರಂ ಉದಾರಂ ಮುದಾ ಸರ್ವದಾ ಯೇ ಜಪಂತಿ । ನ ಶೋಕಂ ನ ಮೋಹಂ ನ ಪಾಪಂ ನ ಭೀತಿಃ ಕದಾಚಿತ್ಕಥಂಚಿತ್ಕುತಶ್ಚಿಜ್ಜನಾನಾಮ್ ॥ 17 ॥

॥ ಇತಿ ಶ್ರೀಮಚ್ಛಂಕರಾಚಾರ್ಯವಿರಚಿತಾ ಭವಾನೀ ಭುಜಂಗಂ ಸಂಪೂರ್ಣಮ್ ॥

ಭವಾನೀ ಭುಜಂಗ ಪ್ರಯಾತ ಸ್ತೋತ್ರಂ ಬಗ್ಗೆ

ಭವಾನೀಭುಜಂಗ ಸ್ತೋತ್ರ ಹರಿಯುವ ಭುಜಂಗಪ್ರಯಾತ ಛಂದಸ್ಸಿನಲ್ಲಿ ಭವಾನೀದೇವಿಗೆ ಸ್ತೋತ್ರ; ಕೊನೆಯ ಸಾಲು ಹೇಳುವಂತೆ ಆದಿ ಶಂಕರಾಚಾರ್ಯರಿಗೆ ಆರೋಪಿತ. ಕುಂಡಲಿನೀ ಯೋಗದ ಧ್ಯಾನದಿಂದ ಆರಂಭ: ಷಡಾಧಾರ ಪಂಕಜಗಳ ನಡುವೆ ಸುಷುಮ್ನೆಯಲ್ಲಿ ಅತಿತೇಜಸ್ಸಿನಿಂದ ಹೊಳೆಯುವ, ಸುಧಾಮಂಡಲವನ್ನು ಕರಗಿಸಿ ಕುಡಿಯುವ ಸುಧಾಮೂರ್ತಿ ಚಿದಾನಂದರೂಪಿಣಿಯನ್ನು ಸ್ತುತಿಸುತ್ತೇನೆ. ನಂತರ ಕೋಟಿ ಬಾಲಸೂರ್ಯರಂತೆ ಅರುಣಾಂಗಿ, ಲಾವಣ್ಯ ಶೃಂಗಾರ ಶೋಭಿತೆ, ಮಹಾಪದ್ಮಮಧ್ಯದ ತ್ರಿಕೋಣದಲ್ಲಿ ವಿರಾಜಿಸುವವಳು ಎಂದು ಚಿತ್ರಿಸಿ, ಅವಳ ರಕ್ಷಣೆಗಾಗಿ ಹೃತ್ಪೂರ್ವಕ ಪ್ರಾರ್ಥನೆಗೆ ಸಾಗುತ್ತದೆ.

ರಚನೆಕಾರರು: ಕೊನೆಯ ಸಾಲಿನಂತೆ ಆದಿ ಶಂಕರಾಚಾರ್ಯರಿಗೆ ಆರೋಪಿತ

ಯಾವಾಗ ಪಠಿಸಬೇಕು: ದೇವೀಪೂಜೆಯಲ್ಲಿ, ಶುಕ್ರವಾರಗಳಲ್ಲಿ, ನವರಾತ್ರಿಯಲ್ಲಿ, ಮತ್ತು ಶ್ರೀವಿದ್ಯಾ ಉಪಾಸನೆಯಲ್ಲಿ.

ನಿಮಗೆ ಗೊತ್ತೇ?

  • "ಷಡಾಧಾರ" ಎಂದರೆ ಕುಂಡಲಿನಿ ಸುಷುಮ್ನೆಯ ಮೂಲಕ ಏರುವ ಆರು ಚಕ್ರಗಳು.
  • ಶ್ರೀಚಕ್ರದ ಮಧ್ಯದ ತ್ರಿಕೋಣ ಶ್ರೀವಿದ್ಯೆಯಲ್ಲಿ ದೇವಿಯ ಪೀಠ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಇದು ಯಾರಿಗೆ ಆರೋಪಿತ?

ಕೊನೆಯ ಸಾಲು ಹೇಳುವಂತೆ ಆದಿ ಶಂಕರಾಚಾರ್ಯರಿಗೆ.

ಮೊದಲ ಶ್ಲೋಕ ಏನನ್ನು ವರ್ಣಿಸುತ್ತದೆ?

ಆರು ಚಕ್ರಗಳ ನಡುವೆ ಸುಷುಮ್ನೆಯಲ್ಲಿ ಹೊಳೆಯುವ ದೇವಿಯನ್ನು.

ಇದನ್ನು ಯಾವಾಗ ಪಠಿಸುತ್ತಾರೆ?

ಶುಕ್ರವಾರ ಮತ್ತು ನವರಾತ್ರಿಯಲ್ಲಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.