MuhurtaNow

ಗಂಗಾಷ್ಟಕಂ

Ganga · ಸಾಂಪ್ರದಾಯಿಕ ಭಕ್ತಿ ಪಠ್ಯ

भगवति तव तीरे नीरमात्राशनोऽहम् विगतविषयतृष्णः कृष्णमाराधयामि । सकल कलुषभंगे स्वर्गसोपानसंगे तरलतरतरंगे देवि गंगे प्रसीद ॥ 1 ॥

भगवति भवलीला मौलिमाले तवांभः कणमणुपरिमाणं प्राणिनो ये स्पृशंति । अमरनगरनारी चामर ग्राहिणीनां विगत कलिकलंकातंकमंके लुठंति ॥ 2 ॥

ब्रह्मांडं खंडयंती हरशिरसि जटावल्लिमुल्लासयंती स्वर्लोकादापतंती कनकगिरिगुहागंडशैलात् स्खलंती । क्षोणीपृष्ठे लुठंती दुरितचयचमूर्निर्भरं भर्त्सयंती पाथोधिं पूरयंती सुरनगरसरित्पावनी नः पुनातु ॥ 3 ॥

मज्जन्मातंग कुंभच्युत मदमदिरामोदमत्तालिजालं स्नानैः सिद्धांगनानां कुचयुग विलसत्कुंकुमासंगपिंगम् । सायं प्रातर्मुनीनां कुशकुसुमचयैश्छिन्नतीरस्थनीरं पायान्नो गांगमंभः करिकलभ कराक्रांत रंगस्तरंगम् ॥ 4 ॥

आदावादि पितामहस्य नियम व्यापार पात्रे जलं पश्चात्पन्नगशायिनो भगवतः पादोदकं पावनम् । भूयः शंभुजटाविभूषण मणिर्जह्नोर्महर्षेरियं कन्या कल्मषनाशिनी भगवती भागीरथी दृश्यते ॥ 5 ॥

शैलेंद्रादवतारिणी निजजले मज्जज्जनोत्तारिणी पारावारविहारिणी भवभयश्रेणी समुत्सारिणी । शेषांगैरनुकारिणी हरशिरोवल्लीदलाकारिणी काशीप्रांतविहारिणी विजयते गंगा मनोहारिणी ॥ 6 ॥

कुतो वीचिर्वीचिस्तव यदि गता लोचनपथं त्वमापीता पीतांबरपुरवासं वितरसि । त्वदुत्संगे गंगे पतति यदि कायस्तनुभृतां तदा मातः शांतक्रतवपदलाभोऽप्यतिलघुः ॥ 7 ॥

गंगे त्रैलोक्यसारे सकलसुरवधूधौतविस्तीर्णतोये पूर्णब्रह्मस्वरूपे हरिचरणरजोहारिणि स्वर्गमार्गे । प्रायश्चितं यदि स्यात्तव जलकणिका ब्रह्महत्यादि पापे कस्त्वां स्तोतुं समर्थः त्रिजगदघहरे देवि गंगे प्रसीद ॥ 8 ॥

मातर्जाह्नवी शंभुसंगमिलिते मौलौ निधायांजलिं त्वत्तीरे वपुषोऽवसानसमये नारायणांघ्रिद्वयम् । सानंदं स्मरतो भविष्यति मम प्राणप्रयाणोत्सवे भूयाद्भक्तिरविच्युता हरिहराद्वैतात्मिका शाश्वती ॥ 9 ॥

गंगाष्टकमिदं पुण्यं यः पठेत्प्रयतो नरः । सर्वपापविनिर्मुक्तो विष्णुलोकं स गच्छति ॥ 10 ॥

ಗಂಗಾಷ್ಟಕಂ ಬಗ್ಗೆ

ಈ ಗಂಗಾಷ್ಟಕ ಪವಿತ್ರ ನದಿ ಗಂಗಾದೇವಿಗೆ ಹರಿಯುವ ಶ್ಲೋಕಗಳ ಸ್ತೋತ್ರ. ಭಕ್ತನ ಬಯಕೆಯಿಂದ ಆರಂಭ: "ಭಗವತೀ, ನಿನ್ನ ತೀರದಲ್ಲಿ ನಿನ್ನ ನೀರನ್ನೇ ಸೇವಿಸುತ್ತ, ವಿಷಯತೃಷ್ಣೆಯಿಂದ ಮುಕ್ತನಾಗಿ ಕೃಷ್ಣನನ್ನು ಆರಾಧಿಸುತ್ತೇನೆ; ಸಕಲ ಕಲುಷ ನಾಶಿನಿ, ಸ್ವರ್ಗಸೋಪಾನ, ತರಲತರಂಗೆ." ಗಂಗೆಯನ್ನು ಶಿವನ ಶಿರದ ಮಾಲೆ ಎಂದು ಸ್ತುತಿಸಿ, ಅವಳ ಒಂದು ಹನಿ ಮುಟ್ಟಿದವರನ್ನೂ ಸ್ವರ್ಗದ ಕನ್ಯೆಯರು ಗೌರವಿಸುತ್ತಾರೆ ಎನ್ನುತ್ತದೆ.

ಯಾವಾಗ ಪಠಿಸಬೇಕು: ಗಂಗಾದಸರಾ ಗಂಗಾಸಪ್ತಮಿಯಂದು, ಕಾರ್ತಿಕ ಮಾಘ ಸ್ನಾನಗಳಲ್ಲಿ, ಮತ್ತು ಪುಣ್ಯಸ್ನಾನಗಳಲ್ಲಿ.

ನಿಮಗೆ ಗೊತ್ತೇ?

  • ಸಂಪ್ರದಾಯದಲ್ಲಿ ಗಂಗೆ ವಿಷ್ಣುಪಾದದಿಂದ ಹರಿದು ಶಿವನ ಶಿರದ ಮೇಲೆ ಬೀಳುತ್ತಾಳೆ; ತನ್ನ ಪ್ರವಾಹದಲ್ಲಿ ಇಬ್ಬರನ್ನೂ ಜೋಡಿಸುತ್ತಾಳೆ.
  • ಜ್ಯೇಷ್ಠದ ಗಂಗಾದಸರಾ ಭಗೀರಥನ ತಪಸ್ಸಿನಿಂದ ಅವಳು ಭೂಮಿಗೆ ಇಳಿದುದನ್ನು ಆಚರಿಸುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಮೊದಲ ಶ್ಲೋಕದಲ್ಲಿ ಭಕ್ತ ಏನು ಬಯಸುತ್ತಾನೆ?

ಗಂಗಾತೀರದಲ್ಲಿ ವಾಸಿಸಿ ಕೃಷ್ಣನನ್ನು ಆರಾಧಿಸಲು.

ಗಂಗೆ ಯಾರ ಶಿರವನ್ನು ಅಲಂಕರಿಸುತ್ತಾಳೆ?

ಶಿವನದು.

ಇದನ್ನು ಯಾವಾಗ ಪಠಿಸುತ್ತಾರೆ?

ಗಂಗಾದಸರಾ ಮತ್ತು ಪುಣ್ಯಸ್ನಾನಗಳಲ್ಲಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.

ಇನ್ನಷ್ಟು ಭಕ್ತಿ ಪಠ್ಯಗಳು